إعلانات
إعلانات
كم يوماً يحتاج المواطن السوري في السعودية لتسجيل مولوده الجديد؟؟ .. تجربة مغترب
الثلاثاء - 15 آذار - 2011 - 14:49 بتوقيت دمشق
التفاصيل
إعلانات


وصلت الى عكس السير شكوى من مواطن سوري مقيم في السعودية ، حول التعامل السيء ، و الاجراءات الغير منظمة في السفارة السورية في السعودية ، و التي تسبب بدورها معاناة لكل سوري يقصدها ، في الوقت الذي يعامل فيه السوري عند الجهات السعودية بطريقة أفضل، على حد تعبير الشكوى.

و قال المشتكي لـ عكس السير : " أنا سوري من حلب ، مقيم مع عائلتي في العاصمة السعودية الرياض ، منذ أيام ولدت زوجتي ، أخذت اجازة و تغيبت عن العمل ، قصدت السفارة السورية لتسجيل المولود ، و الحصول على جواز سفر له " .

و تابع  "  دخلت السفارة وبدأت أنتظر، ومرت الساعات، لمعاملة يسغرق إجراؤها بضع دقائق ، ولم نكن نسمع إلا كلمة ( انتظروا ) ، و بعد الانتظار الطويل ، طلب مني أن أراجع السفارة في اليوم التالي ".

و أضاف " طلبت من شخص يدعى ( ابو أحمد ) أن يسمح لدي الدخول الى القنصل لظرفي الخاص ( أعاني من آلام في ظهري تمنعني من الجلوس لساعات طويلة ) فلم يستجب لي أيضاً ، ولم أتمكن من مقابلة القنصل ".

و تساءل المشتكي " هل تسجيل مولود يحتاج الى غياب أيام عن العمل و كل هذا الارهاق و التعب ؟ " .

وأشار المشتكي إلى وجود " تمييز " في التعامل بين المراجعين في السفارة السورية بالسعودية، " .

وقارن المشتكي بين ما لاقاه من تعامل في السفارة السورية من جهة، وفي إحدى الدوائر الحكومية السعودية في جهة أخرى، وقال "  قصدت الاحوال المدنية في الرياض من أجل تسجيل المولود ، و بسبب وضعي الصحي ، طلبت مقابلة المدير ،وقام باستقبالي، حيث شرحت له وضعي الصحي، فاستجاب لي على الفور، وتم تسجيل لمولود خلال مدة لا تتجاوز 15 دقيقة " .

و طالب المغترب السوري المعنيين و المسؤولين بالسفارة السورية أن يحسنوا معاملتهم للسوريين ، وان يحترموا المواطن ، ويكونوا له عوناً في غربته .

منال الشامي – عكس السير


التعليقات :
علي الحمادي الكوسا
(0)   (0)
أرجو منكم أفادتي كيف يمكنني تقديم شكوى على موقعكم المميز
همام
(2)   (0)
والله كلامك صحيح وانا اشهد
لاني انا كل مابدي اكره النزلة على سوريا بجي للسفارة في الرياض باخود جرعة قرف وبرجع على الدمام راضي بوضعي وبشغلي وناسي اهلي بسوريا
وهذا انا لازم اراجع السفارة كل سنة مرة على الاقل من شان وثيقة الاقامة
وبالظاهر مافي فايدة في تحسن السفارة السورية بالرياض
يازلمة اخر مرة شوي وما زحفونا
كواع وركب ونحن ناس محترمين فينا الاطباء والمهندسين ورجال الاعمال
ابو الشاهين
(0)   (0)
والله عالشغلي لازم يلتقالها حل لأنو عيب
حن سوريوين ورافعين راسنا لفوق مشان كام موظف جاهل نظهر هيك قدام العالم
الرجاء من موقع عكس السير فتح تحقيق بكل هي الأمور وشكرا
سوري مقيم في الرياض
(0)   (0)
انا النفس الشيئ صار معي والله الموظفين في السفارة بيعاملوا الناس بقلة احترام وروح وتعى وألة تصوير للاوراق مافي بددور ساعة حتى تجد الة في مكان اخر ويدعى الموظف ان الة معطلة والله الروحة على السفارة مأت بمأت
ادلبية مغتربة
(1)   (0)
لا تزعل ياأخي في الله كلنا السوريين بنعاني من نفس المشكلةالسفارة السورية خدماتها كتير اشكي أمرك لله وحده
مواطن حلبي
(1)   (0)
أنت قلت بأنك مواطن حلبي وحتى لايختلف عليك الجو بين البلد والاغتراب تمت معاملتك بهذا الشكل لذلك احمد الله على أنه تمت معاملتك بهذا الشكل أحسن ماقلعوك وزتوا المعامله بوجهك
ايضا مغترب
(1)   (0)
بالمقارنة مع سفارات دول بنغلادش و الهند وغيرها السفارة السورية اسوأ سفارة في خدمة اهل بلدها ولا هم لهم سوى التعطيل والمماطلة والرشاوي عوووووووووووووووووجة
مهندس ادلبي شريف
(1)   (0)
للا سف السفارات السورية في الخارج تتميز يمعاملة سيئة للمواطن واحياننا بيقولو ما عنا جوازات
عبد الهادي عصباتي
(0)   (3)
هذا تصرف فردي من يتحمل تبعاتة
سعادة السفير وانا متاكيد انه سيتم معالجة الامر باقصى سرعة
مواطن ومستبشر
من الرياض
(0)   (0)
عجيب ما في وللا تعليق عالموضوع مع أنو مهم لأنو سفارة البلد برا هيي واجهتو واالانطباع يللي بتتركو عند غير السوريين عند مراجعة السفارة
1- الطاسة ضايعة تبددأ الخناقات عند السوريين المتحضرين (ونحنا رافعين راسنا وبنقول سوريين ) عند الشباك يلي بوزع الاستمارات وبتلاقي مليون واحد واقفني تقول فرن خبز أيام التمانينات
2- بعدين حاطين كراسي ولوحات التكرونية للأرقام..بس لافي أرقام ولا بطيخ مبسمر..( امسك سير واستنا دورك )
3- الموظف بيتأخر ليفتح الشباك تبعو وبس يفتحو بيروح يفطر وبيترك العالم ملقوحة برا
4-التعامل بجفاء تقول مخفر شرطة
5- دائماً الجملة المسموعة من الموظفين " اللي ما عاجبو يروح يشتكي"
* بس للأمانة يا أخوان..أهم إيجابية بالسفارة أنو تصوير الفوتوكوبي خدمة ذاتية مجانية ( روح دبر حالك بحالك ) بينما بغير قنصليات الصورة بريال.
بينما بنروح على جوازات الرياض للمعاملات العائلية ما في محسوبيات لأنو الكل غريب.. بس بصراحة السوري الو وضع خاص..
مغترب
(0)   (0)
العامله سيئه
مقيم في الرياض
(0)   (0)
انا اؤكد الكلام المذكور حيث أن عناصر السفارة لايجيدون التعامل مع الناس والمراجعين
ويتعاملون مع الناس بدون ادنى درجات الإحترام علاوة على اهمالهم للمهامهم فالمعاملة التي تحتاج إلى بضع دقائق تأخذ منهم ايام

تحية لعكس السير
شامي في ابوظبي
(0)   (0)
و الله و الله والله السفارة السورية في ابوظبي محترمين عنجد ما عمرون اتاخرو بالمساعدة صحيح مبنى السفارة قديم بس نادرا جدا جدا ما يعصب الموظف هونيك او ما يرضى يساعد بخصوص القنصلية ما بعرف شو الوضع ؟
نسيب السعودية
(1)   (2)
اولا لي ليس تجربة واحدة بل تجارب مع السفارة السورية بالرياض واخرها تسجيل مولود جديد خلال اقل من 3 ايام كان كل شيء منتهي وارسلوه مع اراميكس حيث صدقوني ارسلوا كمالة الفلوس كاملة بالجواز .
اقول ربما خطأ ما حصل مع هذا المواطن الناشر للخبر لكنها ليست القاعدة
لانهم بحق متعاونين جدا معنا انا مع شكري وتقديري الشديد لكل العاملين بالسفارة السورية لانهم لم يخذلوني ولا مرة لكن اخونا بدوا عمله يخلص بدقائق فلديهم الكثير على مستوى المملكة
صدقوني انا من المواطنين المحبين لهم وخلنا نسمع ردهم عن الموضوع
المهم تحية كبيرة للسفارة السورية بالرياض ولكل العاملين فيها .
معتر
(0)   (1)
يعني برغم تصنيفنا كأجانب بامكاننا حجز الدور ع النت وتدخل الدوائر الحكومية وتقضي شغلك بكا اريحية من عدا سفارتنا الي الحبر فيها خالص مشان الجوازات واستنى كم شهر وقلة احترام للسوري بس ادفع بتمشي حتى السعوديين بيعرفوا هالشي وينك ياقائدنا تجيب حقنا ؟ وتخليهم يلتزموا بتعميم وزارة الخارجية
مغترب
(0)   (0)
لازم ندفع ضريبة كوننا سوريين حتى في الغربة
أبو يزن _ الكويت
(0)   (0)
أنا مغترب بدولة الكويت أعاني من تأخير في أنجاز أي معاملة في السفارة السورية بالكويت مهما كانت بسيطة . وأي معاملة تحتاج أقل شي إلى يومان حتى تنتهي (لإ أذا كانت عندك واسطة)مع العلم أننا نعيش في عام 2011 .بالإضافة إلى المعاملة السيئة من قبل الموظفين
لذلك أرجو من وزارة الخارجية وضع خطة للعمل في جميع السفارات السورية بالخارج لكي تساعد المواطن السوري بالخارج وتكون عونآ له ولكي نرفع أسم سورية بالعالي.
مغترب
(0)   (0)
القنصلية في جدة متعاونة لأبعد الحدود
حلبي هربان
(1)   (0)
لك والله العظيم لما بروح عالسفارة هون بالرياض بقرف حياتي بيعاملونا متل العبيد والله كلام الاخ مزبوط مية بالمية لانو فعلا الدوائر السعودية بيعاملونا باحترام اكتر الله لا يعيزني لاروح عالسفارة لانو رح ينعل قلبي.... الله يكون بعونك يا اخوي.....
شئ بطئقئق .
(1)   (0)
ولد ابني في ايطاليا اعطيت الاسم للدكتور في المشفى وعند خروجنا من المشفى اعطوني شهادة ميلاد الطفل ومعمم في كل اوروبا وعند تسجيله بالسفارة السورية عفت الدنيا ذهاب واياب سفر من مدينة الى مدينة ومصاريف وبالاخر قالوا لي كله تمام وبعد عشرة سنين في سوريا اردت ان استخرج لهذا الطفل شهادة ميلاد للبسبور الجديد فاذا يوجد خطا في تاريخ ميلاده وصلت الورقة من السفارة خطا في التاريخ ودوخه ثانية روح على السجلات وغيره والى الان والسلام شئ بطئقئق .
أبو ماجد
(0)   (1)
أشك ببعض العبارات التي ذكرها الاخ الحلبي [ان السفارة مهملة في التعامل مع الاخوة المراجعين وانا مقيم في مدينة جدة منذ اكثر من عشرة اعوم وكثيرا ما اضطر الى مراجعة السفارة من اجل تجديد جواز السفر وتصديق اوراق الاقامة ....وللعلم ان استخراج الجواز لا يستغرق اكثر من اربع ساعات اقل من الوقت المحدد في مديرية الجوازات في دمشق وحلب ... وذكر الاخ الشاكي أنه يعاني من الام الظهر وانه لا يستطيع الانتظار او وقته لا يسمح ...فأقول اذا اخونا لايستطيع انتظار على الكرسي وفي صالة مكيفة اكثر من اربع ساعات فكيف به ان يستطيع العمل ثمان في جو مدينة الرياضة ساعات يوميا ...والله يااخوان المعاملة في السفارة ممتازة جدا ويعاملونا باحترام وخصوصا القنصل فهو انسان محترم وملتزم بعمله .....واخيرا اقدم للاخ الشاكي كل التبريكات بمناسبة قدوم مولوده ...
DR.ahmad
(0)   (0)
بس يشيليو تنكات الزيت والجبنه من السفاره مشان نقدر نقول عنا سفاره
مهندس ادلبي شريف
(0)   (0)
للا سف السفارات السورية في الخارج تتميز يمعاملة سيئة للمواطن واحياننا بيقولو ما عنا جوازات
في لمس
(0)   (1)
مع احتارمي لكل مواطن سوري مقيم بالسعودية معاملت تسجيل المولود لا تاخذ من الوقت سوى ربع ساعة ولا تحتاج لمقابلة حدا لا سفير ولا قنصل غير اللهم اذا كان ناقصك شيورقة ما فيك جبتها ومعصلجي معك فلا تقول شيئ غير معقول بان الاخوة السعوديين ساعدوك كونه وضعك الصحي تعبان انا بقية راجع الاحول المدينة بجدة خمسة ايام حتى اقدرت سجل ابني واحصل له على شهادة ميلاد مؤقتة وبالقنصلية أخدت يوم واحد بين تسجيل واصدار جواز سفر لابني فبالله عليك بلا ادعاءات كاذبة
الوليد
(0)   (0)
ممكن الكلام ليس صحيح 100%
لاني مررت بالتجربة ولم تكن سيئة بالكامل
لكن هذا لايمنع وجود المزاجية والتاخير
خصوصا موضوع لازم الحضور في وقت باكر لتسليم الاوراق ثم يجب ان تعود مرة ثانية بعد عدة ساعات او ثاني يوم لتستلم المعاملة
بينما في السعودية موظف واحد ينهي لك المعاملة وتاخذها بنفس الوقت
sami
(2)   (0)
الحكومة السعودية تعامل الجميع باحترام أما الموظفين السوريين فيمثلون ثقافة سوق الهال ..تصورا كنت في السفارة السورية بالرياض وكانت مذيعة القناة الثانية بالرياض ستجري مقابة مع السفير وسمعتها تستغرب وتقول كيف سفير دولة ما بيحكي انجليزي قصدها طبعا السفير السوري
يامن وليد
(0)   (0)
السلام عليكم

نفس القصة صارت معي عند ذهابي لتسجيل مولودي واصدار جواز سفر في السفارة السورية في الرياض , تطلب الامر مني 3 ايام بسبب الروتين والتعقيدات وبطىء الموظف المسؤول عن اصدار الجوزات إضافة الى الواسطات والمحسوبيات حيث العديد من المواطنيين كانو يتجاوزون الدور ويسلمون على الموظف ويقوم بقضاء طلباتهم مباشرة ...بصراحة الامر جدا محزن وارجو من المسؤولن عن السفارة تصحيح هذه الاخطاء..وشكرا لكم ..
مغترب سوري في السعودية
(0)   (0)
انا بالسعودية من ست سنوات. ماذكر في المقال كان متفشيا كثيرا في السابق. ولكن هذا العام شهدت السفارة تطورا كبيرا عن السنوات السابقة. كنت في السفارة من شهرين والتقيت بأحد الأشخاص الذي طلب مقابلة القنصل لموضوع شخصي هام وخلال نص ساعة ادخله ابو احمد لمقابلة القنصل. للأمانة هناك تحسينات ولكن هناك شي من عدم التنظيم وانشا الله سوف يتخطوها مع الوقت.
ابو جهل
(0)   (0)
كل الكلام الذي ورد على لسان المغترب صح مائة بالمائة وكلمة يزعم فيها الكثير من التجني لاننا نتعامل معاملة راقية في كل مكان نذهب له الا سفارتنا .
مغترب سوري في جدة
(1)   (0)
كلامكـ صح مليون بالـ %

مافي إحترام من قبل سفارتنا

والسعوديين بيحترمونا أكتر بكتير


حسبي الله ونعم الوكيل بس

عاشق سوريا
(1)   (0)
أتمنى أن تنشور هذا التعليق يا عكس السير :
كل سنة أراجع السفارة السورية بالرياض من أجل ما يسمى بسند الإقامة والله العظيم شي يندى له الجبين شي مهين ومشين من طريقة التعامل واسلوب التعامل مع الموظفين وكأنو نحنا بنغاليين أو هنود مو سوريين متلنا متلهم بعدين شو يلي بيمنع أنو نقدم هيك طلب على النت والدفع يكون كمان على النت والسفارة بدورها بترسل هاد السند لوزارة الدفاع مباشرة وبيبعتلونا رسالة إو إيميل تأكد انتهاء العملية بنجاح هاي العملية ما بتكلفهم غير أنو يريحو المغتربين من ياخد الواحد إجازة يوم أو أكتر لحتى يحصل على هالسند العظيم هاي غير أنو الناس يلي مو مقيمين بالرياض رح يتكبدو عناء السفر ومصاريف الإقامة والإجازة من الشغل بتمنى يوصل هالحكي للشخص المسؤول وياخد خطوات عملية لتجاوز هاي المشكلة وبعدين ينبهو على الموظفين يلي بالسفارة أنو بلاها النفسيات الحامضة أبتداء من الآذن يلي على الباب انتهاء بالقنصل نفسو الحكي يطول بهاد المجال بس ما بدي أحكي اكتر من هيك وإذا عكس السير مهتم فعلا بالموضوع يحاول ينشر تحقيق كامل عن هالموضوع ويعمل استطلاع عن الرأي بخصوص السفارة السورية بالسعودية لتشوفو العجب العجاب
مواطن في الرياض
(0)   (0)
فالج لا تعالج...
سرطان لا ينفع معه الا الاستئصال ..وأحيانا فقط...
د عبد الباسط بصمة جي
(0)   (0)
اخوتي الكرام
واتمنى ان يقرا الموضوع اخوتنا المسؤولين عن المغتربين وخااااصة سفاراتنا وقنصلياتنا
والشكاوى مستمرة دائما وابدا
واخص بالذكر قنصلياتنا بالسعودية
وانا مغترت بالسعودية
رجاء رجاء ارسال اناس مثقفون ويعرفون مامعنى دخول مواطن الى قنصليته او سفارته بين كل دول العالم
وشكرا
هادي
(0)   (0)
اخي الكريم انا مغترب متلك بالسعودية . وقمت باستخراج جواز سفر لبنتي بنصف ساعة صباحا واستلمته الساعة الثانية ظهرا. واشهد أن التعامل مع المواطن السوري بسفارتنا بالسعودية تحسن بشكل كبير جدا جدا بالسنوات الماضية. وإن حدث هذا الأمر معك فربا لسبب طارئ وليست مشكلة يومية
أبو محمد
(0)   (0)
الشهادة لله السفارة السورية في أبو ظبي أحسن معاملة أستقبال للمواطن السوري وغير سوري
Risky
(0)   (0)

كان في قنصل لا أدري إذا تغير أم لا

نشيط جدا ويحضر بنفسه في الصالة كل دقائق لمتابعة العمل

ولكنه كان عصبي لما روح للسفارة ضل على الكرسي لا يلطشني شي كف

تحياتي
الغرامه الطالمه
(0)   (0)
كلو كوم والغرامه عند التأخير كوم ارحمونا ما بنجيب مصارتنا من التله
عكس عكاس
(0)   (0)
للأسف كلامه صحيح وبالفعل السعوديين بعاملونا أفضل بكتير من معاملة السوري للسوري؟؟!!!
ومابعرف ليش ؟حتى السعوديين أي معاملة عندهم مو بتستغرق وقت متل عنا وكل مالها الأمور عنده للأفضل ونحنا عنا بالعكس والحمد لله .........

ميرو
(0)   (0)
ياعمي ليش بالسعودية بس؟ خلينا هون ولانروح لبعيد!
مرتي ولدت بمستشفى خاص بطرطوس ولما سألت عن وثيقة ولادة مشان قدمها للنفوس مشان طلعلها جواز سفر، قالتلي الممرضة هاي الورقة عبيها إنت ولما سألت ليش مابتعبوها هون بالمستشفى؟ قالتلي هيك النظام!
وهيك رحت ع النفوس ب بانياس وجبت 2 شهود من الشارع على أنو مرتي ولدت!
والأحلى من هيك إني أخدت البنت ع الجوازات (وعمرها كام يوم) مشان يشوفوها الشباب حتى يطلعولها جواز السفر!
إ حمد ربك وخليها لالله!
Firas
(0)   (0)
فعلا المعاملة في السفارة السورية بالرياض جدا جدا سيئة ومعاملة ما بتستغرق 5 دقايق بخلوك تنتظر ساعات وبقولولك تعا بكرا
نأمل أن تصدر أوامر من وزارة الخارجية السورية بحق سفارة سوريا لدى الرياض وخاصة القنصل متكبر ومتغضرس بشكل مو طبيعي
مغترب
(0)   (0)
والله مظبوط ابشع معامله بالسفارة تبعتنا واذا بدك تتاكد روح لهونيك بتشوووف ....اصلا من السيارات البرى السفاره الزحمه كلها عند سفارتنا وهادا دليل سرعة المعاملات .....بس يا جماعه يمكن الله يعين الموظفين زحمه وحرررررر موووت بالسعوديه الحق معون يرجعوك تاني يوم بيخافو عليك من شي ضربة شمه(ههههههه)
مصطفى
(0)   (0)
بحب قلك يا اخي كل السفارات السورية بالهوى سوىفانا باليونان نفس المعاملة نراى ونتمنى ان تكون كل معاملاتنا بعيدة عن سفارتنا
طريقة التسجيل
(0)   (0)
سجل ابنك كمولود في الدولة التي ولد بها ثم صدقه من الخارجية ثم من السفارة دون تسجيله وارسلها الى احد الاشخاص في سوريا فيذهب بها الى مخفر الشرطة ثم الى النفوس ولا منية السفارة مغترب اخر مجرب
dash kash
(1)   (0)
الله يهديك ياصاحب المقال لي تجربتين في السفارة الخدمة في السنتين الاخيرتين متحسنة تحسن كبير وخصوصا بوجود القنصل الي كل شوي بيطلع علي الصالة وبيدخل كبار السن والنساء الي معهم اولادهم وكمان كم واحد معهم وانا رحت جددت جوازي واخذ مني يوم وورقة قيد وكمان اخد مني يوم كامل وقبل يومين جارنا راح سجل ابنه وطلعله جواز ونفس الشي الكل عم يتعامل سواسية وتسليم المعاملات علي اخر اليوم والي مستعجل اذا كان عنده عذر بطلعوله اياه دغري
وانا كمان اشيد بالقنصل الي بنشوفه اكتر من موظفين السفارة ولو متذكر اسمه كان قلته
مشتكى
(0)   (0)
يطول الشرح والكلام عن المعاملة الغير اللائقة التي نتعرض لها من قبل الموظفين في السفارة ومن اسهل امور ان يطلب منك مراجعة السفارة في اليوم التالي علماً ان وقت عمل السفارة يكون حصراً ضمن اوقات عملك الأمر الذي يتطلب منك غياب عن عملك وتعطيلك مصالحة لاجل امور بسيطة يمكن الانتهاء منها بنفس اليوم ناهيك عن طريقة التعامل الفوقية واللامبالة وفي حال الإعتراض يكون الجواب (روح اشتكي) على مبدء من امن العقاب اساء الأدب
مغترب آخر
(0)   (0)
فعلا" يا أخي بنتمنى نوصل لنص أخلاق و أمانة الموظفين السعوديين,عنا اذا ما شاف الخمسمية ما بيتحرك ضميره
سامي سكر
(0)   (0)
نتمنا من رائيس الوزراء بزيارة مفاجاء الى السفارة السورية في بلجيكا ويشاهد بي ام عينه المهزلة وسواء المعاملة للسورين وعدم التعامل مع الاجانب كائي سفارة بقصد زيارة البلد لا يوجد بي كامل السفارة موظف يتكلم الغة الفرنسة او الهولندية وحتا الانكليزية معدومة انا مواطن سوري زهبت كي اعمل لوالدي وكالة عامة تعطلت عن العمل 3ايام ورقة زيارة القطر لا تحصل عليه الى بعد شهر وبعد كل هل عزاب ياتي الموظف ويقول في غلط بل اسم او الكنيه وزلك بي بسبب اهمال الموظفين نرجو المتابعة ولكم جزيل الشكر
ابو عزيز الطويل
(0)   (0)
السوري ما بيحس بالغربة وين ماراح لأنو سفاراتنا ماشاء الله تنقل لكل الأجواء السورية بكل أمانة. وتغنيك عن الادوية الرافعة للضغط.
متيم أسير
(0)   (0)
أصلا مبنى السفارة السورية ممكن يكون أي شي و لكل الناس إلا السوريين .؟...

حكينا أكتر من مرة بس لا حياة لمن تنادي ..

بعد بدولة خليجية أخرى الوضع مش أحسن من السعودية ..المريض يروح على بيتوا ليش يجي عالسفارة ؟؟...


وطبعا الوضع كالتالي :
بدك توقف عالدور إللي ما بيمشي بنوب ولازم تقل موبايلك وما تحكي مع إللي جنبك وما تطلع على الموظف ....

ويا ويلك إذا بدك تسأل عن شي بتكون حكمت على معاملتك بالسجن داخل السفارة حتى إشعار آخر ....

ولازم تبتسم للموظف حتى لو كان عم يزورك و يحكيك بطريقة سوقية ....وإذا قلتلهم بدك تحكي مع المسؤل مش مع السفير ........ما بدنا نكمل بعدين التعليق بينحذف وبينمسح مسحا باتا ...


المهم نرجوا من عكس السير عمل استبيان على موقعما الموقر عن مدى رضا المغتربين عن تعامل السفارات والقنصليات معهم في الدول .

وتصنيف الإستبيان على حسب الدول ...الخليجية والأوربية ..

وبهالطريقة بتعرفوا هالشكاوي كلها صحيحة وما فيها تبلي على حدا ...

الله يبعدنا عن السفارات ومعاملاتهم ....
دمتم بخير
غريب الديار
(0)   (0)
انا ارسلت للسفارة الوثائق لاستخراج جواز سفر لابنتي المولودة حديثا وها قد مضى اسبوعان لم ينتهي جواز السفر
حاولت الاتصال بالسفارة بالهاتف ولكن عبثاً
والله والله والله جميع المعاملات في الدوائر السعودية تنتهي بدقائق وبكل ترحيب بس ليش عنا هيك عم بيصير ما بعرف
علاوي
(0)   (0)
القنصلية في دبي :
قبل ما روح لعمل جواز سفر لأبني ..... اتصلت بطريقة حضارية ع رقم القنصلية لأعرف الاوراق المطلوبة من خلال خدمة خصصتها القنصلية
طلب م اوراق وصور ..... ولم عطلت يوم شغل وجيت من راس الخيمة ع دبي .... يعني طريق سفر ودفع عملة وعطلة يوم و و و و .... وصلت لشباك الموظف اخد الاوراق وطلع فيها وقلي وين صورة جواز الام .... قلتلو ما معي وعالتلفون ما طلبوها مني (((( قال ابتسم بمسخرة وبرم بوزو وزت الاوراق وقلي اي لا تواخذنا والله بدك تجيبا قلتلو مشواري بعيد ... وما بحسن روح وارجع وعطل يوم تاني وانتو مخصصين الخدمة مشان عاساس تسهلوا علينا ....انتتر وصار يصيح روح عمي اقرا لوحة الاعلان وانا مالي علاقة بالتلفون وبعدين يالله في غيرك عالدور......؟؟؟؟؟؟؟؟؟؟؟؟؟؟؟؟؟؟؟؟؟
قصة بتصير يوميا ومافي مرة رحت عالقنصلية بدبي الا صار معي مشكلة (((((لك ياجماعة شو هاد مفكرين حالون وزراء لك والله الوزير ارحم منون................... ))))) بهدلة
القنصلية السورية بدبي بهدلة
مغتربببببببببب
(0)   (0)
انا مغترب سوري في الرياض وسجلت مولودة من اربع اشهر
ياأخي اتقوا الله في انفسكم والله العظيم المعاملة كانت جيدة وتم التسجيل في نفس اليوم واوجه الشكر الكامل للقنصل والعاملين في السفارة
مغترب حلبي في جدة
(0)   (0)
كلمة للانصاف
القنصلية السورية في جدة متعاونة لأبعد الحدود منذ يومبن قمت بتسجيل مولودتي و لم يستغرق الوقت اكثر من عشر دقائق علما انني جئتهم في اخر دقيقة من استلام المعاملات و في اليوم الثاني اصدرت لها جواز السفر و لم يستغرق اكثر من نصف ساعة
مع العلم انك تستطيع تصوير اي ورقة داخل القنصلية مجانا و بدون اي تذمر
شعرت بفرق المعاملة هذه السنة خصوصا مقارنة مع السنوات العشر السايقة
حلبي عتيق
(0)   (0)
كان في قنصل يسالك ماذا تريد فتقول له تصديق اوراق فيقول عشرة دقائق وسال اخرين تسجيل ولادة يقول ربع ساعة وهو يتجول بين المواطنين ولكن لما عرفتو عن نفسي بانني طبيب اكلنا منه بهدلة قال انت مواطن سواء اكنت طبيب ام غير ذلك دائما المعاملة في السفارة كانك في دوائر المالية في سوريا ولسه تعامل شرطة الجوازات في الحدود السورية ابشع لايهمهم ان المواطن صرلو عشرين ساعة عبسوق السيارة اذا مادفعت ال500 في شباك رقم 5 وطالبت الخمسين من ثمن دفتر السيارة اللي قيمتوا 1150 ريال هنن بياخدوا 1200 وختم الجوازات بحرجوك 100 لس وبالرجعة بتاكول بهدله وبتدفع 200 واثناء اتسليم الدفتر واسترجي احكي كلمه مع الموظف وشوغ اللباقة في الرد كاننا مواطنيين من غير بلد ارجو من وزارة المغتربين ان تراقب السفارات السورية في الخارج وارجو ان تحلولنا مشكلة الشباك رقم 5 في الحدود السورية في درعا لانهم لايخجلون من الرشوة وفي وضح النهار ومن السوريين والاشفاء العرب وارجو من عكس السير ان ترسل مراقبا الى الحدود ويرصد الشباك رقم 5 للقادمين من الخليج والاردن وشكرا
طافش
(0)   (0)
الله يكون بعونك وانا رح ضيف شغله انو سند الأقامه انا طالعتو اول مرة من جده والله غضب علي والشركه حولتني على الرياض فجماعتنا بالرياض شو بقولك والله ملفك بجده سافر على جده واعملو .... غريب رفيقي ب 150 ريال للحلوين طالعو من الرياض .... طيب بعتنا الجواز لجده بقلولك لازم صاحب الجواز يجي !!!!!! اي شو انا ما عندي غيركن تتسلو فينا والله العظيم عيب !!! مع احترامي للكل اقرف مشوار هو مشوار السفارة السنوي
مغترب بجدة
(0)   (0)

الوضع في القنصلية السورية بجدة مو أحسن

شي بخجل .. لوحة متل العالم ما في ؟؟؟

كل ما بدخل بحس حالي بالتسعينات !!!
المغترب ابوعبدو
(0)   (0)
اقسم بالله ان سيادة القنصل السوري في الرياض من اطيب الناس وشهم يساعد كل الناس بنفسه وبيده يسير المعاملات ويصول ويجول يوميا في الصالةلمتابعة معاملات المراجعين ويحث الموظفون بشكل دائم على انجاز اكبر عدد ممكن من المعاملات حسب عدد الموظفين الذي يحتاج لأضعاف من الموظفون لتعقيب المعاملات الهائلة والنظام للجميع تضع معاملتك صباحا وتأخذها الساعة 2 ظهرا مستحيل انجاز معاملة كل مراجع بنفس وقت دخوله للسفارة في وقت محدد لأستلام المعاملة وموعد لتسليم المعاملةللمراجع معاملة السفارة الان غير بشهدة كل المقيمين ياريت يكونو كل الدبلماسيين مثل القنصل السوري في السفارة السوريةارجو من المعلقين تحري الأمر قبل مايكتبو
أبو عبدو الحلبي- الرياض
(0)   (0)
أولا أشكر عكس السير على قبول مثل هكذا شكوى بسيطة وهى شكوى خاصة وحالة خاصة ولايمكن التعميم عليها و لاحقاق الحق يبدو أن الأخ كما ذكر البعض في تعليقاتهم قد أنقص بعض الاوراق للمعاملة علما أنها موجودة على موقع السفارة بالشبكة العنكبوتية فيمكنه الاطلاع عليها وتجهيزها قبل الحضور للسفارة وبذلك يخفف على نفسه وعلى موظفي السفارة الوقت والجهد وأنا هنا أريد أن أعلمكم بأني قمت بتسجيل 6 أولاد على مدى 20 سنة ولم اصادف أي عراقيل مطلقا اضافة لقيامي بانهاء كثير من المعاملات من تجديد جوازات ووووو الخ ولم أصادف أي عقبات لهذا أرجو من الاخوة المغتربين ألا يرموا بأخطاءهم على غيرهم ولا أقصد أن موظفي السفارة معصومين عن الخطأ لكن أنا على يقين انهم لن يقصروا بالاستجابة لأي طلب ولكن حضرت مناقشة لمواطن لم يجلب صور لابنه فكيف تطلب مساعدة وأي نوع من المساعدة يمكن أن يقدمها الموظف لك هل يضع لك صورة ابنه مثلا ؟؟لذلك ياريت نشكر الله عالنعم التي لدينا ولا ننس أن ذنب النعمة أملس وفهمكم كفاية
سوري مغترب
(0)   (0)
ولدت ابنتي وذهبت سجلتها في الاحوال المدنية السعودية بالدور اخذت دوري الساعة 6 صباحا وذهبت الى بيتي ورجعت الساعة 2 ظهرا وصل دوري وسجلتها في دقيقة
اما عندما ذهبت الى القنصلية السورية طبعا اخذوا غرامة وبعدين سجلوها وتعال الظهر خذ الورقة اما الجواز سافر الى الرياض لان طابعة الجوازات معطلة في جدة وفعلا تكلفت عناء السفر وسافرت الى الرياض وقال تعال بكرة خذ الجواز اي تكلفت حوالي منامة وتذكرة طائرة فوق الف ريال
أبو كرم - جدة
(0)   (0)
الحق يقال - صحيح انو سفارتنا في الرياض عم تعاني من بطء تنفيذ الإجراءات اللي ما لازم تاخد اكتر من دقائق ، بس القنصلية بجدة متعاونة لأبعد الحدود مع كل مراجع سوري ، وبحب أحيي كل العاملين فيها وخصوصا السيد باسم أبو الدهب و عبد الله الأحمد وكل فريق القنصلية على كل شي قدموه للمغتربين خلال فترة عملهم في قنصليتنا في جدة. أبو كرم
عبدالله
(0)   (0)
أنا معه بأن التعامل بالسفارة السورية بالسعودية ليس راقياً ولكنه أيضاً برأيي بهذا السوء الذي يتحدث عنه .. فأنا أنجزت تسجيل مولودتي الجديدة خلال يومين .. مرة سجلت خلال أقل من ساعة .. ومرة استلمت الجواز بعشر دقائق !! في النهاية لا أريد أن أنظر على الأخ المشتكي ولكن أعطي تجربتي أيضاً ..
ما أريد أن أنوه له أن السوري للأسف يكون راقياً جداً في الدوائر الحكومية غير السورية سواء العربية أو الأجنبية .. ويقف على الدور وينتظر ساعات دون أن يتكلم كلمة واحدة .. ولكن في أي دائرة سورية يريد أن يسخر جميع الموظفين لخدمه دون الآخرين ويبدأ بالنق والسب والشتم بمجرد دخوله ..
مغترب بدبي
(0)   (0)
انا مغترب بدبي تعالو شوفو المواطنين السوريين بشهر 1 و2 عند القنصلية السورية بدبي الله وكيلكم متل الغنم واقفين على الباب بيستنو الدور مشان سند الاقامة وبعد ساعات من الانتظار (بالطريق) بتوصل عند الموظف يلي بيكون متخانق هو وخطيبتو او مرتو وخلقتو عاملة حادث تدهور وبكل بساطة وبرودة اعصاب بقولك تعال بكرة واذا كان يوم خميس بقولك تعال الاحد عادي ماعندو اي مشكلة اهم شي يصرفك من قدامو بس بينتظر منك كلمة والله هي الورقة ما جبتا اونسيتا بالبيت هو بيكون عندو عيد وقت يسمع هاد الكلام والله المستعان الله يعين المغتربين السوريين قولو آميين
طلال
(0)   (0)
لمين بدنا نحكي غير نقول حسبي الله ونعمة الوكيل يعني نفس القنصلية جدة مافرقت بتجي لتحكي مع واحد بفكر حالو اني الناس عبيد عندو ومابيعجبو العجب
ابو جانتي من المانيا
(0)   (0)
انت حظك حلو انا صلي 17 سنة مالي عرفان سجل اولاادي يالله خليهم المان على الاقل ببقو محترمين بالمانيا وخارج المانيا
dr mohammad
(0)   (0)
when my wife delivered several months ago , it took me only a couple of hours to register my baby in our embassy in Riyadh, and i got the passport the same day.
they were prfessional and treated people in respect and good manner
i would like to thank our embassy in Riyadh.
سواح سوريا
(0)   (0)
ما تفتح الجرح .... حتى بمصر الي تعتبر الجالية السورية اكبر جالية اجنبية سفارة وموظفين من اسوأ انواع المعاملة والتعطيل
يا رجل حتى الموظفين المصريين بيتعاطفو معنا من كتر الي بيشوفوه
مغترب
(0)   (0)
بدنا مليار سنة لحتى نلحق بالموظفين السعوديين وتعاملهم معنا نحن في الفارة في الرياض شفنا الدوائر الحكومية السورية على اصولها نفس الروتين نفس النفسية الحامضة الي يتعاملو فيها لأيمتا رح نبقى هيك احكو
لؤي
(0)   (0)
اولا انا مغترب واعيش في الرياض وعندما ولدت زوجتي انتظرت في الاحوال المدنية السعودية قرابة 4 ساعات وفي السفارة 45 دقيقة مع الجواز ليش التهجم ع السفارة
مراقب بشدة
(0)   (0)
نحنا في بلد السعودية و هي بلد للعمل و العمل و العمل و بس
يعني أنا لازم روح للسفارة مرتين و ثلاث مرات على مدار يومين أو ثلاثة لمشي شغلتي!!!
و إلا لازم يشوفني القنصل أو كون كبير بالسن أو عاجز لحتى تمشي أموري!!!
و على فرض بدي طول شي ساعتين أو ثلاث ساعات يعني لازم طفي جوالي و إلا سلمو برة على الأقل بحسن بمشي شغلي على التلفون(ممكن طفي الجوال لو الشغلة بطول نصف ساعة)!!!!
و لازم اتحمل عصبية و نزاقة الموظف يلي مافرق شي عن موظفين سوريا يلي بسوريا (قلنا بركي بيطوروا شوي)
أي معاملة بالدنا عم تطول ساعتين ليش عنا نحنا السوريين بسوريا أو برة سوريا بدعا يومين أو اسبوعين لك ليييييييييش؟؟؟؟!!!
مغترب
(0)   (0)
نعم عملية فصل الجوازات الاولاد عن الاباء وكل ولد جواز سفر لوحده اثقلت كاهلنا ماديا فعند التفكير بالاجازه.. يجب دفع للجوازات السعوديه لكل جواز بتاشيره خروج وعوده 200 ريال يعني عندي انا 6 جوازات انا والمدام والاولاد يجب دفع 1200 ريال سعودي ...ولسانا بارضنا ماشدينا الحقائب ولااكلنا ولاشربناولا شيكنا عاالسياره وعداك عن الدفع في الاردن من دنانير .
.....ارجو كل الرجاء ومن هذا المنبر اخذا هذا بعين الاعتبار....علما وقسما بالله العظيم يادوبك مطلعين بالغربه حاليا ثمن اكلنا ومع عمل ليلا نهارا.......وانا كلي امل باخذ هذا الموضوع بالاهميه من هو معني بهذا الامر من وزارات ......وفي النهايه اوجه تحيه من القلب للقائد العربي الحر الدكتور بشار الاسد والله يحميه وينصره ويقويه على كل عابث وطامع على شعب سوريه الابيه... وعاش القائد الغالي بشار وعاشت سوريا ودمتم سالمين.
mohamad445@hotmail.com
(0)   (0)
انا سوري مقيم في دولة قطر ونظام عملي يتطلب مني السفر الى دول اخرى لانهاء اعمال اخرى وجميع اهلين مقيمين في دول الخليج وجواز سفري انتهت مدته واحتاج الى اصدار جواز جديد وعندما راجعت السفارة السورية اخبروني بأن تجديد الجواز يحتاج من 3 اشهر الى 4 وانا مضطر جداً للسفر هل من المعقول سفارة لاتستطيع تقديم اقل خدمة يحتاجها هذا المغترب الباحث عن لقمة عيشه أفيدوني ماذا افعل لتجديد جوازي هل من المعقول ان اسافر الى سوريا للتجديد هل هذا حل أرجوا الافادة وشكراً
أبو النور
(0)   (0)
أنا مغترب سوري في مدينة الرياض مثل صاحب الشكوى ، والصيف الماضي اكتشفت قبل سفر عائلتي لسورية بيومين أن جواز ابنتي على وشك الانتهاء ، والحقيقة وحسب ما كنت اسمع من الناس اعتقدت أني رح اتبهدل واتعب ويمكن يروح موعد السفر. بس للإنصاف والعدل ذهبت إلى السفارة في الساعة الثامنة والنصف صباحاً (والله وكيلكن بدون أي واسطة أو دفع مصاري) قدمت أوراق بنتي بعد حوالي خمس وأربعين دقيقة انتظار ، وقال الموظف راجعنا الساعة الثانية ظهراً ، وبالفعل وصلت على الوقت وخلال عشر دقائق أخذت الجواز الجديد. لذلك حبيت أذكر هالتجربة الشخصية للحق والإنصاف.
مغترب في السعودية
(0)   (0)
ممكن سؤال هلا أنتو خلصت مشاكلكم لتروحوا عالسعودية
شوفولنا كم يوم بيلزم تسجيل المولود السوري في سوريا
وخليكون بمشاكلكن وحلوها ولو لو هاه
حليتو ربعها أحكوا عن غيركن ولا الكن لاتحكوا أبدا عن غيركن
ابراهيم
(0)   (0)
انا اعمل في لبنان وزوجتي معي ومنذ سنة وضعت زوجتي مولود وذهبت الى السفارة قالو لي اذا بدك المولود يتسجل مواليد لبنان بدك تجيب اخراج قيد عائلي وتصدقو من الخارجية السورية والسفارة اللبنانية وبما اننا من سكان حلب اظطر اخي للذهاب الى دمشق وتم تصديق من الخاجية وذهب الى السفارة قالو له اليوم الساعة 12 ما فينا تعا بكرا ورجع تاني يوم كان زيارة الرئيس سليمان ولم يستطيع تصديق الورقة واظريت الغي كل شي ذهبت الى الامن العام اللبناني وعملت تسوية وضع وظهرت المولود وسجلتو على انو ولادة في سورية
المصيبه عالحدود بدرعا
(0)   (0)
ارجوكم يا عكس السير انشروا معاناتنا :
السفارة تعاملها سيء وهذا امر سلمنا به وتعودنا لابل ادمنا الاهانه فيها .. لكن السيء والمقرف تعامل الجوازات والجمارك على حدود درعا يا اخي تدفع 1200 ريال وتبقى ساعات تخلص بالاجراءات من موظف لموظف وما تخلص حتى تدفع للشباب 1000 ل .س . ليش ما تسوون نظام الشباك الواحد وتخلصون اوراق المواطن المسافر وجاي متعذب حتى يزور بلده وتخلصونه من عذابه ... الادهى والامر ان العرب ياخذون منهم 200 ريال بس ونحن ابناء الوطن المبلغ 1200 ريال ليش ؟؟؟ لان السوري المغترب غني وبطران رايح مسافر للسعودية حتى يلم فلوس من الشوارع ؟؟؟ ليش ما تحترمنا بلدنا اللي بنموت كرمال ترابها ليش ..؟
فراس( الدمام)
(0)   (0)
انا الصراحة وفي هذه الفترة سجلت ابني(عمره الان 4 اشهر ) في السفارة السورية في الرياض عن طريق البريد ولم تاخذسوى اسبوع واتصل بي الموظف ودقق البيانات وشعرت ان التعامل احسن بكثير من السابق ولم اتكلف عناء السفر للرياض
سوري بالسعوديه من20سنه
(0)   (0)
والله لا اعرف ما اسمه ولكنه يدخل الصاله والموظفين يرتجفون منه ويسال كل مواطن ماهي مشكلته ويأخذ الكبير بالعمر ويساعده بيده ويصرخ لاحترام الدور ولا يهمه اي شخص يخالف من يكون قالوا انه القنصل وهو شب كانه اوروبي اشقر وعيون ملونه نتمنى الكثير من امثاله
ابو عبدو من حلب
(0)   (0)
يدخل الى الصاله ولايسمح بمخالفه الدور انه القنصل السوري الذي نستطيع الكلام معه بدون خوف ويساعد كبير السن رأيته والله بعيني كلام الكاتب مبالغ فيه نرجو ان يكون مثله الاخرون
كمال
(0)   (0)
ولدت زوجتي في الرياض عام 1981 سافرت إلى جدة خصيصاً وسجلت المولود في سفارتنا لأن السفارة كانت حينها في جدة.
لما رجعنا نهائياً إلى الوطن عام 1986 لم تكن قيود المولود قد وصلت واضطررنا إلى إجراء معاملة مكتوم.
ربما خمس سنوات لاتكفي لوصول الأوراق.
مغتربة سابقة
(0)   (0)
عنا بسوريا لما بيجي اي مواطن عربي منعامله احسن من ابن البلد ومنخدمه ومن خلص معاملاته بسرعة وهاد الشي معروف عننا بس ياترى ليش ابناء البلد الواحد في الغربة ما بعاملوا بعضن بنفس الطريقة؟؟؟؟؟؟؟؟؟؟؟؟
رامي
(0)   (0)
قبل 4 ايام بالتحديد اتصل بي أخي بعد خروجه من السفارة حيث ذهب ليسجل مولودته ، وسبب اتصال أخي بي كان ليخبرني عن مدى سعادته من التطور الحاصل في سهولة الإجراءات ، حيث خرج لهم القنصل على ما أعتقد وأدخلهم الى مكتب داخلي وإستلم طلباتهم وبعدها مباشرة سلمهم بيان الولادة .. وخرج المراجعين للتقديم على جواز السفر لمواليدهم .. وبسرعة تم كل ذلك .. وأخبروهم بالحضور في اليوم التالي لإستلام جوازات السفر .
والله هذا اللي حصل في سفارتنا السورية في الرياض .
فأرجو توخي الحذر في نقل القصص التي قد تكون لها ظروف خاصة وليست قاعدة .
ويكفي يكفي نق وعلاك ، العالم يقرأ ويخيل له أننا من العصور الوسطى بسبب النق المتواصل . حالنا أفضل من غيرنا في بعض النواحي .. وغيرنا كذلك ، فمدينة أفلاطون غير موجودة ، إنما الإمور نسبية .. ونسبيا نحن بخير .
فحاجه نق الله ياجماعه .
عمار
(0)   (1)
والله كلامك سليم انا قضيت يوم لتصديق شهادة بالقنصلية السورية بجدة طبعا مارح احكي عالمبنى اللي مرمي بين الحارات والله القنصلية الأثيوبية معروفة اكتر من القنصلية السورية حتى العلم عبارة عن مستطيل ابعاده 2سم * 1سم بده مجهر لتشوفه بينما علم القنصلية الأردنية مثل ظاهر من 1كم بجد عيب
ناصر الجميل
(0)   (0)
بالرغم من افتقادنا شبه القطعي لابتسامات موظفي سفارتنا بالكويت الا ان الامور الادارية ماشية تمام وليس هناك مطمطة او استخفاف او خلل بالتعامل مع المراجعين
شكرا لسفيرنا اللواء بسام عبد المجيد ونتمنى ان يفرض علينا موظفونا ان نشكرهم ولك بن يتمثلوا لطف وبشاشة رئيس بعثتهم
صحيح
(1)   (0)
نعم يا جماعة تسجيل الولد في السفارة بدو يومين او ثلاثة ايام اما في الاحوال المدنية والجوازاة في الرياض فبسرعة وترتيب ونضام واحترام
مغترب بأبو ظبي
(0)   (0)
السفارة بايوظبي نفس الشئ المعاملة بدها ايام
والموظفين بالسفارة مافي رحمة لا بالسلام ولا بالتعامل
مقيم بالسعودية منذعشرسنين
(0)   (0)
صحيح هل الكلام وانا لما راجعت لسجل بنتي سألت أمن السفارات بالرياض وين السفارة السورية قال يمين يمين ثم يسار ثم عندما تشوف زحمة وناس جالسة بالشوارع وتتفتش وكأنها داخله على وزارة الداخية هذه هي السفارة السورية
مغترب بالسعوديه شاكر ح
(0)   (0)
ان القنصل السوري ولاول مره في التاريخ ينزل الى الصاله ويهدئ المراجعين ويساعد الشايبين والنساء كبار السن والله ومسموعيته انه لايرتشي وقبضاي والله وانا لا اعرفه بس منشان الحق هيك المسموعيه
محممد حزيقي
(0)   (0)
مره كنت بالصاله واذ بشب بدأ يقول علنا اي شخص من السفاره عندكم حوله استفسار او شكوى مكتبي مفتوح مين ما كان يكون وشو ما كان شغلو بالسفاره سالت قالوا انه القنصل سعدت كثيرا بكلامه يبدو انو قبضاي ونضيف
د/محمد حسو /طبرجل - قامشلو
(0)   (0)
انا طبيب اعمل على بعد 1300 كم في مدينة طبرجل / الجوف /عن سفارتنا وللشهادة لم تتأخر السفارة عنا لا بطلب ولا برد على الهاتف,ففي احدى المرات اتصلوا علي حوالي الساعة الثامنة مساءا ليستعلموا مني عن الخانة ورقم القيد ,وصدقا تفاجأة ففي اوربة المنظمة اداريا قلما يحدث هذا ,ولهذا ولفرصة كهذه نرفع بأسمائنا نحن جميع الاطياء وكافة الجالية السورية في مدينة طبرجل - الجوف نشكر سفارتنا وجميع العاملين فيها بالشكر الجزيل على عملهم.وكما نشر عن القسم الاعلامي ممكن ان حالة المواطن استثنائية.المهم انها سفارتنا الحبيبة ونعتز بها وبعمله.
ابو رمضان
(0)   (0)
انا من شرقي حلب من منطقة الخفسه
اراجع السفاره السوريه منذ عام 2005م
لاجراء معاملة دفع البدل لي انا واخواني حيث كما تعلمون كل عام يجب ارسال سند اقامه ودائما اجد الشخص المدعو ابو احمد في الاونه الاخيره وشخص اخر لا يحضرني اسمه والله ثم والله انهم اكثر من محترمين يجاوبون الجواب الشافي لكل مشكله ويوجهونني للطريق الاسرع لانجاز المعامله وكل مره انجز معاملتي بنفس اليوم الا ماندر او اني احضر بعد الساعه 11 فان المعامله يستغرق يوم اخر ولا انكر الازدحام الا انه لاذنب لهم اذا انه عدد المراجعين كثيف
أرجو منكم الرد يا عكس السير
(0)   (1)
أريد تدوين شكوى ولا أعلم كيف


أرجو إفادتي إن كان هناك حياة لمن تنادي
kkhalil@wetico.com
الختيار
(0)   (0)
هل تعلمون ان الموظفين لايعرفون معلومات عن ابسط الاسئله مثال كم يحق لدافع البدل النقدي الحصول على اجازه في سوريا ضمن النظام ؟؟؟ وان تجاوز المده ماذا يفعل ؟؟؟ وكم قيمة البدل النقدي الحالي ؟؟ وهل انتهى العمل بالنظام القديم
زيد
(0)   (0)
انا رحت ع السفاره من فتره مشان تصديق ورقه لجامعه خاصه بالرياض
طبعا جايه بكير مشان الزحمه وقفت عم استنى الموظف الي فاتح شباكو
ومانو موجود شي 3 رباع الساعه وكان وراي عالم كتير مليت وطلعت ع السياره قلتلو للي وراي جايه سواني رجعت ع السفاره لقيت الموظف مشرف ودوري رايح وهات روح صار دوري اخر واحد وبعين الله
مغترب
(0)   (0)
والله صح هل الحكي يعني انابدي اسال اذا السفارة ما ساعدت المواطن مين بدا تساعد يعني عيب
لا تعليق
(0)   (0)
احمد الله واشكره انا بعد تسع شهور
مغتربة في ايطاليا
(0)   (0)
انا كمان بدي قدم شكوى لانو سفارتنا هون مابعرف ليش فاتحينا النا من الشهر ال8 سنة 2010 باعتين تسجيل بنتي وطلب جواز سفر لهلاء لسا ما وصلنا جواز السفر وبحكي مع السفارة بقلي بعتي حدا بسوريا يعملك ياه يعني كيف بدي ابعت وانتو الي لازم تتكفلو بالموضوع حتى وكل مرة يقلي حجة شكل وحالتنا حالة حتى صرت احكي انا مع ادارة الهجرة والجوازات بسوريا ليمشولي الجواز ولهلاء لسا ما وصلني شي والبنت عم تمرض وماعم فيني اخدا عمشفى لانو اقامتا خالصة وناطرين الجواز لنعملا ياها الرجاء متابعة قضيتي لانو مليتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت
اليأسه مع السفارة السورية
(0)   (0)
إذا لم تجد عدلاً في محكمة الدنيا فارفع ملفك
لمحكمة الآخرة فإن الشهود ملائكة – والدعوى
محفوظة –والقاضي أحكم الحاكمين
مشكلتي انا لا اعرف احد في سوريا حيث طلبت مني السفاره تثبيت عقد الزواج في سوريا واخراج القيد ولكن من يساعدك السفارة ام المحامي حيث طلب مني المحامي 100 الاف ليرة ليش ما بعرف اتمنى من السفارة اخراج قيد النفوس وتثبيت عقد الزواج ولكن للاسف طلبت من الموظف مقابلة القنصل ورفض المشكلة انا غير سورية ونفس الشيء تتكلم مع الموظف ويرد كانك حيوان لييش مش رئيس حطك علشان ايش اتمنى من الرئيس بشار الاسد حل هذه المشاكل وانهاء المعاملات بدون الرجوع الى سورية
بشار
(0)   (0)
والله يا شباب مابعرف شو بيصير للموظفين لما بيصيروا بالسفارة برأيي كل موظف ما بيشوف شغلو صح ويعامل الناس صح لازم محاسبته
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " طافشيين "

3-9-2014
ألمانيا : القبض على سائقي سيارات أجرة من إيطاليا بتهمة نقل لاجئين سوريين غير شرعيين
 ألقت السلطات الألمانية القبض الأسبوع الحالي على سائق سيارة أجرة إيطالي يدعى اليسو تافيشو بتهمة نقل 10 مهاجرين ...


2-9-2014
اتفاق وشيك يقضي بمساعدة الدول الأوروبية لإيطاليا مقابل تعهدها بعدم السماح للاجئين بالمرور عبر أراضيها إلى أوروبا
 تعهد وزير الداخلية الألماني توماس دي ميزير اليوم الثلاثاء بمساعدة إيطاليا في أزمتها الراهنة مع توافد أعداد كبيرة ...


2-9-2014
أربعة أيام مرت على غياب محمد .. سيارة تحمل " لوحة سورية " تختطف طفلاً سورياً في مرسين
قال ناشطون و شبكات خدمية سورية في مدينة مرسين التركية إن سيارة سورية بيضاء اللون من نوع داسيا ...


1-9-2014
مقدونيا تحتجز مهاجرين سوريين غير شرعيين كانوا يختبئون في قطار ينقل الفحم من ميناء يوناني !
قالت وزارة الداخلية المقدونية يوم الاثنين إن السلطات المحلية احتجزت أكثر من مئة مهاجر غير شرعي معظمهم من ...


1-9-2014
مصري يحرق 150 محلاً تجارياً لينتقم من سوري لم يسدد ديونه في القاهرة !
 قال موقع "صدى البلد" المصري اليوم الإثنين إن التحقيقات التي أجرته السلطات المصرية في شمال القاهرة كشفت إن ...


1-9-2014
تخطيط الأردن طلب دعم بمبلغ 4.5 مليار دولار لمواجهة تداعيات لاجئي سوريا
لفت وزير التخطيط الاردني ابراهيم سيف الى ان "بلاده اعدت خطة لعام 2015 تتضمن مطالبة بدعم بمبلغ 4.5 ...


1-9-2014
المستشارة الألمانية تقدم مساعدة مالية لمصور سوري في ألمانيا
 قالت صفحة "أرتس ووركس" التابعة لمبادرة "الباحثون السوريون" يوم الأحد إن المستشارة الألمانية أنجيلا ميركل قدمت مساعدة مالية ...


1-9-2014
شبح " قارب تهريب " يطارد أخوين سوريين إلى إيطاليا ( فيديو )
شبح " قارب تهريب " يطارد أخوين سوريين إلى إيطاليا ( فيديو ) عكس السير ...

X
وردنا الآن