كم يوماً يحتاج المواطن السوري في السعودية لتسجيل مولوده الجديد؟؟ .. تجربة مغترب الثلاثاء - 15 آذار - 2011 - 13:49 بتوقيت دمشق
التفاصيل
وصلت الى عكس السير شكوى من مواطن سوري مقيم في السعودية ، حول التعامل السيء ، و الاجراءات الغير منظمة في السفارة السورية في السعودية ، و التي تسبب بدورها معاناة لكل سوري يقصدها ، في الوقت الذي يعامل فيه السوري عند الجهات السعودية بطريقة أفضل، على حد تعبير الشكوى. و قال المشتكي لـ عكس السير : " أنا سوري من حلب ، مقيم مع عائلتي في العاصمة السعودية الرياض ، منذ أيام ولدت زوجتي ، أخذت اجازة و تغيبت عن العمل ، قصدت السفارة السورية لتسجيل المولود ، و الحصول على جواز سفر له " . و تابع " دخلت السفارة وبدأت أنتظر، ومرت الساعات، لمعاملة يسغرق إجراؤها بضع دقائق ، ولم نكن نسمع إلا كلمة ( انتظروا ) ، و بعد الانتظار الطويل ، طلب مني أن أراجع السفارة في اليوم التالي ". و أضاف " طلبت من شخص يدعى ( ابو أحمد ) أن يسمح لدي الدخول الى القنصل لظرفي الخاص ( أعاني من آلام في ظهري تمنعني من الجلوس لساعات طويلة ) فلم يستجب لي أيضاً ، ولم أتمكن من مقابلة القنصل ". و تساءل المشتكي " هل تسجيل مولود يحتاج الى غياب أيام عن العمل و كل هذا الارهاق و التعب ؟ " . وأشار المشتكي إلى وجود " تمييز " في التعامل بين المراجعين في السفارة السورية بالسعودية، " . وقارن المشتكي بين ما لاقاه من تعامل في السفارة السورية من جهة، وفي إحدى الدوائر الحكومية السعودية في جهة أخرى، وقال " قصدت الاحوال المدنية في الرياض من أجل تسجيل المولود ، و بسبب وضعي الصحي ، طلبت مقابلة المدير ،وقام باستقبالي، حيث شرحت له وضعي الصحي، فاستجاب لي على الفور، وتم تسجيل لمولود خلال مدة لا تتجاوز 15 دقيقة " . و طالب المغترب السوري المعنيين و المسؤولين بالسفارة السورية أن يحسنوا معاملتهم للسوريين ، وان يحترموا المواطن ، ويكونوا له عوناً في غربته . منال الشامي – عكس السير |
لاني انا كل مابدي اكره النزلة على سوريا بجي للسفارة في الرياض باخود جرعة قرف وبرجع على الدمام راضي بوضعي وبشغلي وناسي اهلي بسوريا
وهذا انا لازم اراجع السفارة كل سنة مرة على الاقل من شان وثيقة الاقامة
وبالظاهر مافي فايدة في تحسن السفارة السورية بالرياض
يازلمة اخر مرة شوي وما زحفونا
كواع وركب ونحن ناس محترمين فينا الاطباء والمهندسين ورجال الاعمال
حن سوريوين ورافعين راسنا لفوق مشان كام موظف جاهل نظهر هيك قدام العالم
الرجاء من موقع عكس السير فتح تحقيق بكل هي الأمور وشكرا
سعادة السفير وانا متاكيد انه سيتم معالجة الامر باقصى سرعة
مواطن ومستبشر
1- الطاسة ضايعة تبددأ الخناقات عند السوريين المتحضرين (ونحنا رافعين راسنا وبنقول سوريين ) عند الشباك يلي بوزع الاستمارات وبتلاقي مليون واحد واقفني تقول فرن خبز أيام التمانينات
2- بعدين حاطين كراسي ولوحات التكرونية للأرقام..بس لافي أرقام ولا بطيخ مبسمر..( امسك سير واستنا دورك )
3- الموظف بيتأخر ليفتح الشباك تبعو وبس يفتحو بيروح يفطر وبيترك العالم ملقوحة برا
4-التعامل بجفاء تقول مخفر شرطة
5- دائماً الجملة المسموعة من الموظفين " اللي ما عاجبو يروح يشتكي"
* بس للأمانة يا أخوان..أهم إيجابية بالسفارة أنو تصوير الفوتوكوبي خدمة ذاتية مجانية ( روح دبر حالك بحالك ) بينما بغير قنصليات الصورة بريال.
بينما بنروح على جوازات الرياض للمعاملات العائلية ما في محسوبيات لأنو الكل غريب.. بس بصراحة السوري الو وضع خاص..
ويتعاملون مع الناس بدون ادنى درجات الإحترام علاوة على اهمالهم للمهامهم فالمعاملة التي تحتاج إلى بضع دقائق تأخذ منهم ايام
تحية لعكس السير
اقول ربما خطأ ما حصل مع هذا المواطن الناشر للخبر لكنها ليست القاعدة
لانهم بحق متعاونين جدا معنا انا مع شكري وتقديري الشديد لكل العاملين بالسفارة السورية لانهم لم يخذلوني ولا مرة لكن اخونا بدوا عمله يخلص بدقائق فلديهم الكثير على مستوى المملكة
صدقوني انا من المواطنين المحبين لهم وخلنا نسمع ردهم عن الموضوع
المهم تحية كبيرة للسفارة السورية بالرياض ولكل العاملين فيها .
لذلك أرجو من وزارة الخارجية وضع خطة للعمل في جميع السفارات السورية بالخارج لكي تساعد المواطن السوري بالخارج وتكون عونآ له ولكي نرفع أسم سورية بالعالي.
لاني مررت بالتجربة ولم تكن سيئة بالكامل
لكن هذا لايمنع وجود المزاجية والتاخير
خصوصا موضوع لازم الحضور في وقت باكر لتسليم الاوراق ثم يجب ان تعود مرة ثانية بعد عدة ساعات او ثاني يوم لتستلم المعاملة
بينما في السعودية موظف واحد ينهي لك المعاملة وتاخذها بنفس الوقت
نفس القصة صارت معي عند ذهابي لتسجيل مولودي واصدار جواز سفر في السفارة السورية في الرياض , تطلب الامر مني 3 ايام بسبب الروتين والتعقيدات وبطىء الموظف المسؤول عن اصدار الجوزات إضافة الى الواسطات والمحسوبيات حيث العديد من المواطنيين كانو يتجاوزون الدور ويسلمون على الموظف ويقوم بقضاء طلباتهم مباشرة ...بصراحة الامر جدا محزن وارجو من المسؤولن عن السفارة تصحيح هذه الاخطاء..وشكرا لكم ..
مافي إحترام من قبل سفارتنا
والسعوديين بيحترمونا أكتر بكتير
حسبي الله ونعم الوكيل بس
كل سنة أراجع السفارة السورية بالرياض من أجل ما يسمى بسند الإقامة والله العظيم شي يندى له الجبين شي مهين ومشين من طريقة التعامل واسلوب التعامل مع الموظفين وكأنو نحنا بنغاليين أو هنود مو سوريين متلنا متلهم بعدين شو يلي بيمنع أنو نقدم هيك طلب على النت والدفع يكون كمان على النت والسفارة بدورها بترسل هاد السند لوزارة الدفاع مباشرة وبيبعتلونا رسالة إو إيميل تأكد انتهاء العملية بنجاح هاي العملية ما بتكلفهم غير أنو يريحو المغتربين من ياخد الواحد إجازة يوم أو أكتر لحتى يحصل على هالسند العظيم هاي غير أنو الناس يلي مو مقيمين بالرياض رح يتكبدو عناء السفر ومصاريف الإقامة والإجازة من الشغل بتمنى يوصل هالحكي للشخص المسؤول وياخد خطوات عملية لتجاوز هاي المشكلة وبعدين ينبهو على الموظفين يلي بالسفارة أنو بلاها النفسيات الحامضة أبتداء من الآذن يلي على الباب انتهاء بالقنصل نفسو الحكي يطول بهاد المجال بس ما بدي أحكي اكتر من هيك وإذا عكس السير مهتم فعلا بالموضوع يحاول ينشر تحقيق كامل عن هالموضوع ويعمل استطلاع عن الرأي بخصوص السفارة السورية بالسعودية لتشوفو العجب العجاب
واتمنى ان يقرا الموضوع اخوتنا المسؤولين عن المغتربين وخااااصة سفاراتنا وقنصلياتنا
والشكاوى مستمرة دائما وابدا
واخص بالذكر قنصلياتنا بالسعودية
وانا مغترت بالسعودية
رجاء رجاء ارسال اناس مثقفون ويعرفون مامعنى دخول مواطن الى قنصليته او سفارته بين كل دول العالم
وشكرا
كان في قنصل لا أدري إذا تغير أم لا
نشيط جدا ويحضر بنفسه في الصالة كل دقائق لمتابعة العمل
ولكنه كان عصبي لما روح للسفارة ضل على الكرسي لا يلطشني شي كف
تحياتي
ومابعرف ليش ؟حتى السعوديين أي معاملة عندهم مو بتستغرق وقت متل عنا وكل مالها الأمور عنده للأفضل ونحنا عنا بالعكس والحمد لله .........
مرتي ولدت بمستشفى خاص بطرطوس ولما سألت عن وثيقة ولادة مشان قدمها للنفوس مشان طلعلها جواز سفر، قالتلي الممرضة هاي الورقة عبيها إنت ولما سألت ليش مابتعبوها هون بالمستشفى؟ قالتلي هيك النظام!
وهيك رحت ع النفوس ب بانياس وجبت 2 شهود من الشارع على أنو مرتي ولدت!
والأحلى من هيك إني أخدت البنت ع الجوازات (وعمرها كام يوم) مشان يشوفوها الشباب حتى يطلعولها جواز السفر!
إ حمد ربك وخليها لالله!
نأمل أن تصدر أوامر من وزارة الخارجية السورية بحق سفارة سوريا لدى الرياض وخاصة القنصل متكبر ومتغضرس بشكل مو طبيعي
وانا كمان اشيد بالقنصل الي بنشوفه اكتر من موظفين السفارة ولو متذكر اسمه كان قلته
حكينا أكتر من مرة بس لا حياة لمن تنادي ..
بعد بدولة خليجية أخرى الوضع مش أحسن من السعودية ..المريض يروح على بيتوا ليش يجي عالسفارة ؟؟...
وطبعا الوضع كالتالي :
بدك توقف عالدور إللي ما بيمشي بنوب ولازم تقل موبايلك وما تحكي مع إللي جنبك وما تطلع على الموظف ....
ويا ويلك إذا بدك تسأل عن شي بتكون حكمت على معاملتك بالسجن داخل السفارة حتى إشعار آخر ....
ولازم تبتسم للموظف حتى لو كان عم يزورك و يحكيك بطريقة سوقية ....وإذا قلتلهم بدك تحكي مع المسؤل مش مع السفير ........ما بدنا نكمل بعدين التعليق بينحذف وبينمسح مسحا باتا ...
المهم نرجوا من عكس السير عمل استبيان على موقعما الموقر عن مدى رضا المغتربين عن تعامل السفارات والقنصليات معهم في الدول .
وتصنيف الإستبيان على حسب الدول ...الخليجية والأوربية ..
وبهالطريقة بتعرفوا هالشكاوي كلها صحيحة وما فيها تبلي على حدا ...
الله يبعدنا عن السفارات ومعاملاتهم ....
دمتم بخير
حاولت الاتصال بالسفارة بالهاتف ولكن عبثاً
والله والله والله جميع المعاملات في الدوائر السعودية تنتهي بدقائق وبكل ترحيب بس ليش عنا هيك عم بيصير ما بعرف
قبل ما روح لعمل جواز سفر لأبني ..... اتصلت بطريقة حضارية ع رقم القنصلية لأعرف الاوراق المطلوبة من خلال خدمة خصصتها القنصلية
طلب م اوراق وصور ..... ولم عطلت يوم شغل وجيت من راس الخيمة ع دبي .... يعني طريق سفر ودفع عملة وعطلة يوم و و و و .... وصلت لشباك الموظف اخد الاوراق وطلع فيها وقلي وين صورة جواز الام .... قلتلو ما معي وعالتلفون ما طلبوها مني (((( قال ابتسم بمسخرة وبرم بوزو وزت الاوراق وقلي اي لا تواخذنا والله بدك تجيبا قلتلو مشواري بعيد ... وما بحسن روح وارجع وعطل يوم تاني وانتو مخصصين الخدمة مشان عاساس تسهلوا علينا ....انتتر وصار يصيح روح عمي اقرا لوحة الاعلان وانا مالي علاقة بالتلفون وبعدين يالله في غيرك عالدور......؟؟؟؟؟؟؟؟؟؟؟؟؟؟؟؟؟؟؟؟؟
قصة بتصير يوميا ومافي مرة رحت عالقنصلية بدبي الا صار معي مشكلة (((((لك ياجماعة شو هاد مفكرين حالون وزراء لك والله الوزير ارحم منون................... ))))) بهدلة
القنصلية السورية بدبي بهدلة
ياأخي اتقوا الله في انفسكم والله العظيم المعاملة كانت جيدة وتم التسجيل في نفس اليوم واوجه الشكر الكامل للقنصل والعاملين في السفارة
القنصلية السورية في جدة متعاونة لأبعد الحدود منذ يومبن قمت بتسجيل مولودتي و لم يستغرق الوقت اكثر من عشر دقائق علما انني جئتهم في اخر دقيقة من استلام المعاملات و في اليوم الثاني اصدرت لها جواز السفر و لم يستغرق اكثر من نصف ساعة
مع العلم انك تستطيع تصوير اي ورقة داخل القنصلية مجانا و بدون اي تذمر
شعرت بفرق المعاملة هذه السنة خصوصا مقارنة مع السنوات العشر السايقة
الوضع في القنصلية السورية بجدة مو أحسن
شي بخجل .. لوحة متل العالم ما في ؟؟؟
كل ما بدخل بحس حالي بالتسعينات !!!
اما عندما ذهبت الى القنصلية السورية طبعا اخذوا غرامة وبعدين سجلوها وتعال الظهر خذ الورقة اما الجواز سافر الى الرياض لان طابعة الجوازات معطلة في جدة وفعلا تكلفت عناء السفر وسافرت الى الرياض وقال تعال بكرة خذ الجواز اي تكلفت حوالي منامة وتذكرة طائرة فوق الف ريال
ما أريد أن أنوه له أن السوري للأسف يكون راقياً جداً في الدوائر الحكومية غير السورية سواء العربية أو الأجنبية .. ويقف على الدور وينتظر ساعات دون أن يتكلم كلمة واحدة .. ولكن في أي دائرة سورية يريد أن يسخر جميع الموظفين لخدمه دون الآخرين ويبدأ بالنق والسب والشتم بمجرد دخوله ..
they were prfessional and treated people in respect and good manner
i would like to thank our embassy in Riyadh.
يا رجل حتى الموظفين المصريين بيتعاطفو معنا من كتر الي بيشوفوه
يعني أنا لازم روح للسفارة مرتين و ثلاث مرات على مدار يومين أو ثلاثة لمشي شغلتي!!!
و إلا لازم يشوفني القنصل أو كون كبير بالسن أو عاجز لحتى تمشي أموري!!!
و على فرض بدي طول شي ساعتين أو ثلاث ساعات يعني لازم طفي جوالي و إلا سلمو برة على الأقل بحسن بمشي شغلي على التلفون(ممكن طفي الجوال لو الشغلة بطول نصف ساعة)!!!!
و لازم اتحمل عصبية و نزاقة الموظف يلي مافرق شي عن موظفين سوريا يلي بسوريا (قلنا بركي بيطوروا شوي)
أي معاملة بالدنا عم تطول ساعتين ليش عنا نحنا السوريين بسوريا أو برة سوريا بدعا يومين أو اسبوعين لك ليييييييييش؟؟؟؟!!!
.....ارجو كل الرجاء ومن هذا المنبر اخذا هذا بعين الاعتبار....علما وقسما بالله العظيم يادوبك مطلعين بالغربه حاليا ثمن اكلنا ومع عمل ليلا نهارا.......وانا كلي امل باخذ هذا الموضوع بالاهميه من هو معني بهذا الامر من وزارات ......وفي النهايه اوجه تحيه من القلب للقائد العربي الحر الدكتور بشار الاسد والله يحميه وينصره ويقويه على كل عابث وطامع على شعب سوريه الابيه... وعاش القائد الغالي بشار وعاشت سوريا ودمتم سالمين.
شوفولنا كم يوم بيلزم تسجيل المولود السوري في سوريا
وخليكون بمشاكلكن وحلوها ولو لو هاه
حليتو ربعها أحكوا عن غيركن ولا الكن لاتحكوا أبدا عن غيركن
السفارة تعاملها سيء وهذا امر سلمنا به وتعودنا لابل ادمنا الاهانه فيها .. لكن السيء والمقرف تعامل الجوازات والجمارك على حدود درعا يا اخي تدفع 1200 ريال وتبقى ساعات تخلص بالاجراءات من موظف لموظف وما تخلص حتى تدفع للشباب 1000 ل .س . ليش ما تسوون نظام الشباك الواحد وتخلصون اوراق المواطن المسافر وجاي متعذب حتى يزور بلده وتخلصونه من عذابه ... الادهى والامر ان العرب ياخذون منهم 200 ريال بس ونحن ابناء الوطن المبلغ 1200 ريال ليش ؟؟؟ لان السوري المغترب غني وبطران رايح مسافر للسعودية حتى يلم فلوس من الشوارع ؟؟؟ ليش ما تحترمنا بلدنا اللي بنموت كرمال ترابها ليش ..؟
لما رجعنا نهائياً إلى الوطن عام 1986 لم تكن قيود المولود قد وصلت واضطررنا إلى إجراء معاملة مكتوم.
ربما خمس سنوات لاتكفي لوصول الأوراق.
والله هذا اللي حصل في سفارتنا السورية في الرياض .
فأرجو توخي الحذر في نقل القصص التي قد تكون لها ظروف خاصة وليست قاعدة .
ويكفي يكفي نق وعلاك ، العالم يقرأ ويخيل له أننا من العصور الوسطى بسبب النق المتواصل . حالنا أفضل من غيرنا في بعض النواحي .. وغيرنا كذلك ، فمدينة أفلاطون غير موجودة ، إنما الإمور نسبية .. ونسبيا نحن بخير .
فحاجه نق الله ياجماعه .
شكرا لسفيرنا اللواء بسام عبد المجيد ونتمنى ان يفرض علينا موظفونا ان نشكرهم ولك بن يتمثلوا لطف وبشاشة رئيس بعثتهم
والموظفين بالسفارة مافي رحمة لا بالسلام ولا بالتعامل
اراجع السفاره السوريه منذ عام 2005م
لاجراء معاملة دفع البدل لي انا واخواني حيث كما تعلمون كل عام يجب ارسال سند اقامه ودائما اجد الشخص المدعو ابو احمد في الاونه الاخيره وشخص اخر لا يحضرني اسمه والله ثم والله انهم اكثر من محترمين يجاوبون الجواب الشافي لكل مشكله ويوجهونني للطريق الاسرع لانجاز المعامله وكل مره انجز معاملتي بنفس اليوم الا ماندر او اني احضر بعد الساعه 11 فان المعامله يستغرق يوم اخر ولا انكر الازدحام الا انه لاذنب لهم اذا انه عدد المراجعين كثيف
طبعا جايه بكير مشان الزحمه وقفت عم استنى الموظف الي فاتح شباكو
ومانو موجود شي 3 رباع الساعه وكان وراي عالم كتير مليت وطلعت ع السياره قلتلو للي وراي جايه سواني رجعت ع السفاره لقيت الموظف مشرف ودوري رايح وهات روح صار دوري اخر واحد وبعين الله
لمحكمة الآخرة فإن الشهود ملائكة – والدعوى
محفوظة –والقاضي أحكم الحاكمين
مشكلتي انا لا اعرف احد في سوريا حيث طلبت مني السفاره تثبيت عقد الزواج في سوريا واخراج القيد ولكن من يساعدك السفارة ام المحامي حيث طلب مني المحامي 100 الاف ليرة ليش ما بعرف اتمنى من السفارة اخراج قيد النفوس وتثبيت عقد الزواج ولكن للاسف طلبت من الموظف مقابلة القنصل ورفض المشكلة انا غير سورية ونفس الشيء تتكلم مع الموظف ويرد كانك حيوان لييش مش رئيس حطك علشان ايش اتمنى من الرئيس بشار الاسد حل هذه المشاكل وانهاء المعاملات بدون الرجوع الى سورية
11-3-2015 تنفيذ حكم القتل بحق " مهرب مخدرات " سوري الجنسية في السعودية نفذت وزارة الداخلية السعودية حكم القتل تعزيراً بحق "فادي صبحي عبداللطيف عبدالرزاق" – سوري الجنسية – بتهمة تهريب ... |
11-3-2015 موسكو لا تعتبر أن ما يجري في سوريا يستدعي اللجوء .. آمال السوريين اللاجئين في روسيا لا زالت خائبة بعد فترة انقطاع عن الدراسة استمرت ثلاث سنوات وجد خمسون طفلا سوريا من اللاجئين في روسيا مكانا لمواصلة ... |
11-3-2015 وزير الدفاع اليوناني يهدد بإرسال المهاجرين غير الشرعيين والتكفيريين إلى غرب أوروبا هدد وزير الدفاع اليوناني بانوس كامينوس بأن تفتح اليونان حدودها أمام اللاجئين ومن بينهم اعضاء محتملون في تنظيم ... |
10-3-2015 الإمارات تحذر من خطر التطرف في مساجد ألمانيا .. ووزير ألماني يدعو لدعم اللاجئين السوريين و العراقيين تجنباً لظهور "الإرهابيين" أعرب ولي عهد إمارة أبو ظبي الشيخ محمد بن زايد آل نهيان عن مخاوفه من انزلاق المزيد من ... |
10-3-2015 وسائل إعلام تركية تكشف سبب إغلاق المعابر الحدودية مع سوريا كشفت وسائل اعلام تركية، يوم أمس الاثنين، سبب إغلاق السلطات التركية لمعبري باب الهوى وباب السلامة مع سوريا. ... |
9-3-2015 السلطات اللبنانية تحضر لـ " تسوية أوضاع " اللاجئين السوريين و توزيعهم على مخيمات جديدة بالقرب من الحدود قالت صحيفة السفير اللبنانية الموالية لنظام الأسد، إن المئات من النازحين المقيمين في مخيمات عرسال بادروا خلال الأيام ... |
9-3-2015 دراسة : الألمان في غرب ألمانيا أكثر انفتاحا على المهاجرين خلافا للولايات المتحدة، كان الحديث عن موضوع الهجرة إلى ألمانيا لايأخذ من اهتمام المواطنين الألمان في السابق. غير ... |
9-3-2015 أمين عام حزب ميركل يطالب بقانون هجرة في ألمانيا ما يزال بيتر تاوبر، الأمين العام للحزب المسيحي الديمقراطي الذي تتزعمه المستشارة أنغيلا ميركل، متمسكاً بحملته لإدخال قانون ... |