اختطاف فتاة في ريف دمشق .. العائلة تلتجئ إلى " شيخ " دلهم على شاب اتهمه بالخطف والبحث جار عنه للانتقام الثلاثاء - 29 حزيران - 2010 - 2:02 بتوقيت دمشق
التفاصيل
التجأت عائلة عقب اختطاف ابنتهم في ريف دمشق إلى شيخ دجال أعطاهم مواصفات شاب زعم أنه " الخاطف " لتبدأ العائلة بالبحث عنه وهي " تتوعد " بالانتقام منه . وفي التفاصيل , علم عكس السير من مصادر موثوقة أن فتاة وتدعى " ي . ح " 17 سنة اختطفت قبل نحو عشرة أيام. و أضافت المصادر أن الفتاة وهي من سكان " الكسوة ( دير علي ) " تعمل في منشأة للصناعات الغذائية , و خلال الوردية الليلية من الساعة الثامنة مساء وحتى الثامنة صباحا وبراتب قدره 7 آلاف ليرة . و أشارت المصادر انه تم تبليغ قسم "الكسوة " بحادثة الاختطاف بعد خمسة أيام من اختفائها . و اللافت أن عائلة الفتاة لجأت قبل ذلك إلى " شيخ " من أجل " الكشف " عن هوية المختطف , والذي بدوره " ماكزب خبر " فأعطاهم مواصفات شاب إضافة إلى اسمه ومحل سكنه .
رأفت الرفاعي - عكس السير
|
وليش ولشو
معقوله الاب عمره خمسين سنه عاطل ومشغل بنتو بالليالي مشان 7 الاف ليره ؟؟؟؟
ليش عم تجيبو ولاد دام مو قادرين تعيشوهم وتأمنولهم حياه كريمه
الله يلعن أبو الفقر الي يخلي اب يشغل بنتو باليالي مشان مبلغ ما بكفي عشا باي مكان عام
للانتقام منه جريمة وهكذا فنحن ضمن سلسلة من الجرائم والله غالب كما يقول أشقاؤنا الليبيون
الله يلعنك...
عم تخلي صبية تشتغل 12 ساعة باليوم؟
وانت قاعد بالبيت...
لا وشو بلغ بعد 5 ايام من اختفائها,,,
كان على مهلك شهر تاني ليش العجلة؟
اي منيح يلي بلغت والله
تفووو عليك
تاني شي : ندبح اخواتها الشباب القاعدين بالبيت متل ديوك المزبلة
تالت شي نرجعها عبيتها معززة مكرمة ونتشكر الخاطف اللي دلنا على هالمشكلة .
يعني ضروري الواحد يتعشا (بأي مكان عام)
عين امك هدول دراويش (متلنا)
يعني مو متل حضرتك كل يوم عشا بمكان شكل
فهم أخواتنا وأمهاتنا وبناتنا يكسبون قوتهم بالعمل الحلال ليعيشوا بكرامة بدل مد اليد للحرام ! الله يصبر أهلها ويحميها ويعيدها سالمه ...
وتاني شي انا بتمنى انو اعيش لاشوف يوم اللي اغلبية شعبنا بيبعد عن الجهل والخرافات اشو شيخ واعطاهم مواصفات اصلاً اكترهم هدول نصابين ودجالين وكذابين على عيني وراسي الشيوخ والمشايخ بس في عالم كتير عبتنتحل هالصفات لانو شعبنا بأصلو وطيبتوا بيعطي مكانة للشيوخ وبيصدقهم وبيصدق كراماتهم
اللح يحسن النفوس احسن شي
البنت رايحة لتعيش اهلها
و يجي واحد يخطفها كرمال اكيد ملذاتو الجشعة
ارجو من رجال الامن متابعة موضوعها بقوة لانو عنجد حرام هيك
و يمكن حدا من قرايبها كمان الو يد و عم يموه الموضوع بواسطة الدجال لحتى يضيعو الطاسة
وشكرا لاتهامك الي بالفزلكة انا بحترم الرأي والرأي الاخر وكل انسان حر برأيه
بعدين مسالة الجشع والطمع لاتناقشني فيها لأنو شئ حقيقي انا ماعبحكي عن كوكب المريخ انا عبحكي شو عبصير عنا
اللي عبصير انو معظم الصناعيين والتجار عنا كحاتيت وبيحسبوها بالقرش خصوصا فيما يتعلق برواتب عمالتهم ومكافاتهم هلأ في ناس بتقول حقن شو بوزعو صدقات على الناس يعني هنن اولى بمصاريهن الجماعة وبدن ينمو رأس مالهن ويكبرو
اي وانا بقول حقهن لأنو مافي حدا عبيردعن ومافي تحديد للأجور والشغلة صايرة شوربة وكل مين ايدو الو
واكيد انو المجتمع في ناس بترضى تشتغل ب 3000 بالشهر وبنفس الوقت في ناس مابترضى تشتغل تحت ال 15000 واصحاب الرواتب المتدنية طفشو الشباب اللي مابيرضو بالقليل وخلوهن يتغربو وخيسو فيهن
انا قبل ااتغرب كنت شغال نجار عند معلم بالشام الله يوجهلو الخير وكلنا لحد الان منحلف بحياتو كنا مثلا نروح نشتغل بفيلا مكلفة ملايين ويجي صاحب هالفيلا يحاسبنا على كاسة الشاي اللي سقانا ياها يكون مشتري خشب بمئات الالوف ويفتش مع العامل المسكين على الخمسة والعشرة ويكاسرو بالسعر
هلأ بتقلي عاملي فيها مصلح اجتماعي وبدك تصير متل الصعاليك على ايام زمان
انا رح قلك لأ بس رحمو العمال المساكين وكرموهن وبتمنى انو الحكومة تصدر قوانين تخليكن تكرمو عمالكن وتعطوهن حقوقهم بالغصب مو على كيفكم
قال 7000 قال
اخوك ابو مازن مكة المكرمه
في كل حال احب ان انوه إلى انه في كل دول العالم متعارف عليه انه اللي بيشتغل بالأسود يعني مافي عليه تأمين بياخذ على الساعة اجر ونصف
وللأسف انه نسبة 95% من العمال في القطاع الخاص في بلدنا كلهن بيشتغلوا بالأسود يعني كله ما له لا تأمين ولا بلوط ولسه بيقلك من حق صاحب المعمل ينمي رأسماله
اما بالنسبة لرواتب الدولة فهي لاترى بالعين المجردة ومعك حق انه زيادة الرواتب بتحسن الوضع على الجميع لكن زيادة حقيقية مو بيزيدوا من طرف ويرفعوا سعر المازوت مثلا فبتطلع الزيادة بالعكس بتصير المئة ليرة متل الليرة
والمسؤولية الحقيقية تقع على الحكومة لأنه مافي ضوابط لأي شي
وكل القرارات والاختراعات اللي زعموا انها في مصلحة العمال كلها حبر على ورق والتأمينات الاجتماعية بتشتري موظفها بـ 5000 يعني ممكن تزيد لـ10000 وهادا وجه الضيف
يعني بختصار شي مخزي للأسف
وكل مالنا لورا
واحلى شباب
نرجو من الامن مشكورين البحث الجاد وعدم اهمال الموضوع
وان شاء لله تنتهي مثل هيك جرائم وحسبنا الله ونعم الوكيل
منبــــــــــــــــــــــــــــــــــــــــــــــج
السبب في جريمة والاهل هنن المجرمين
في حلين يا الاهل قتلوا بنتن بداعي الشرف وعملوا هالدباجه
يا اما البنت هربت مع حدا
ومع ذلك الاهل مجرمين حتى لو رجعت سالمه على المنزل
وانشاء الله ترجع البنت
هي البنت هربت من واقعها المؤلم من هذا الاب الذي فرط بابنته التي لم تتجاوز 17 عام
الله يفرجها على الشعب من الفقر اللذي يجر ورأه العديد من المصائب
كان الله بعون المواطن والله حتى هون بابوظبي الحياة صعبة
دمتم
هلق بعد يومين بتسمعو انو لقوها ياميتة يالطيف
ياأما شباب خاطفينها ومغتصبينها
ياأما هربانة مع حدا والله اعلم
بس ترجع صاغ سليمة ماأظن
عقولة علاء أكلة هوا بالمعلقة
الله يصبركم
بس تسافر وتتغرب وتعرف كيف بيتعامل الانسان في غير بلاد بتعرف شو معنى كلامي وبتعرف شو معنى تأمين مو تأمينات اجتماعية التي لا تغني تعويضاتها ولا تثمن من جوع
هالدنيا عجيبه..
ان شاءالله تلاقوها وماتشكي البلا ياارب
أنا أستغرب أنو إلى الان في حدا بيعتقد أنو الدجال بيعلم الغيب
(كذب المنجمون ولو صدقو)
وبتمنى بتمنى ومن كل قلبي وبترجاكن الله يخليكن حاج تقولوا البنت هربت بكرة بنقرأ خبر مقتل هالبنت على يد شي بطل من أبطال الديجتال ( أهلها ) بداعي الشرف
الله يردها بخير وسلامة ويهدي أهلها
وكلمة بقولها والله لو أموال الزكاة إندفعت كما أمر الله عز وجل لما بقي فقير واحد
لله الأمر من قبل ومن بعد
اللهم من أراد بأبناء وبنات المسلمين سوءاً فخذه أخذ عزيز مقتدر ومن أراد بهم خيراً فوفقه إلى كل خير
من الواضح انكم نسيتم الموضوع ودخلتم بمناظرات بعيدة عن الموضوع
هذه حال العرب بحياتهم ما بيتفقو
على كل حال الله يرد البنت لاهلها سالمة من غير اي سوء باذن الله
واتوجه الى المعلقين الذين يتهمون البنت بانها هربت اقول " ان بعض الظن اثم " حرام عليكم يا جماعة البنت اختفت يعني ممكم صاير معها حادث ممكن مقتولة لا سمح الله ليه بناخد ظن السوء
نسال الله العفو والعافية والستر ف الدنيا والاخرة
ودمتم
وما شاء الله ابوها كل شهامة ونخوة ع بيوصل بنته على الاتوكاربس يا حيف على الرجال
وقبل ما يروح يدور على خطف بنته يروح يدور على رجولته وين وقعت منه
قال شو الي جبرك عالمر غير الأمر منه ..
الله يعين العالم على الفقر .. ويرجع هالبنت المسكينة سالمة يا رب ..
11-3-2015 المنظمة الدولية للمعوقين : مليون سوري أصيبوا جراء عمليات النظام العسكرية أعلنت المنظمة الدولية للمعوقين أن مليون سوري أصيبوا فى العمليات العسكرية، لافتة إلى أن النظام السوري لا يوفر ... |
11-3-2015 الفتيات البريطانيات الثلاث مولن رحلتهن إلى سوريا ببيع مجوهرات لعائلاتهن ! ذكرت الشرطة البريطانية أن المراهقات البريطانيات الثلاث اللواتي هربن من لندن في شباط للتوجه حسب الترجيحات المطروحة إلى ... |
11-3-2015 والد شاب " فلسطيني إسرائيلي " قتله تنظيم "داعش" : أتمنى لأبناء البغدادي المصير ذاته قال والد شاب قتله تنظيم “داعش” بداعي ارتباطه مع جهاز المخابرات الإسرائيلي (الموساد)، إنه يتمنى لأبناء زعيم التنظيم، ... |
11-3-2015 تنظيم " داعش " يشن هجوماً عنيفاً على " رأس العين " و يسيطر على قرية غرب المدينة يشن تنظيم "داعش" هجوما واسعا في اتجاه مدينة رأس العين ذات الغالبية الكردية الحدودية مع تركيا في شمال ... |
10-3-2015 تنظيم " داعش " ينشر مقطعاً مصوراً يظهر إعدام من قال إنه " جاسوس إسرائيلي " على يد طفل نشرت مؤسسة الفرقان التابعة لتنظيم "داعش" إصداراً مرئياً بعنوان "فَبِئْسَ مَا يَشْتَرُونَ" ظهر فيه شخص قال التنظيم إنه ... |
10-3-2015 الفصائل المعارضة تتقدم في ريف اللاذقية .. و بشار يرسل رئيس هيئة الأركان لقيادة المعارك أعلنت الفصائل المعارضة في ريف اللاذقية، عن إحراز تقدم تمثل بالسيطرة على كل من كتف الجلطة وتلة الشيخ ... |
10-3-2015 اغتيال عضو في قيادة فرع حزب البعث بحمص على يد " مجهولين " علم عكس السير أن عضواً في قيادة فرع حزب البعث بحمص، اغتيل صباح اليوم الثلاثاء (10.3.2015).وقالت وسائل إعلام ... |
10-3-2015 ضبط 500 ألف حبة مخدرة بحوزة سوريين اثنين في تركيا ألقت السلطات التركية القبض على مواطنين سوريين، عثر في سيارتهما على 500 ألف حبة مخدرة في محافظة غازي ... |
تاني شي برأيي أنو هدول الجماعة مدري اغبياء مدري اغبياء
شو مشان مافي واحد فهمان فيهم
قال دلهم قال
حاسس حالي بعصر الأداع والأنصاب والأزلام
لا حول ولا قوة إلا بالله