|
منتجع الشاطئ الأزرق في اللاذقية يحتجز رجل أعمال سوري لمطالبته بأجر ليلة إضافية الاربعاء - 16 حزيران - 2010 - 16:28 بتوقيت دمشق
التفاصيل
وردت الى موقع عكس السير شكوى من رجل الأعمال السوري " محمد حمامي " يتحدث فيها عن سوء المعاملة و الغبن الذي تعرض له في منتج الشاطئ الأزرق في اللاذقية , واحتجازه من قبل الفندق ومنعه من المغادرة ، وما وصفه بالتشجيع السلبي للسياحة في سورية . وتتلخص الشكوى حول استيفاء مبلغ مالي دون وجه حق قيمة ليلة في منتجع الشاطئ الأزرق , رغم المغادرة قرابة الساعة الواحدة ظهرا ، وهو الوقت المسموح للزبون فيه بالمغادرة عنده دون أن تحسب عليه قيمة ليلة اضافية . ويقول " حمامي " في الشكوى : " قبل حوالي أسبوعين ذهبت مع عائلتي وأبي إلى مدينة اللاذقية بغرض الاستجمام ولم نعثر حينها على شاليه فقررنا المبيت بمنتجع الشاطئ الأزرق مدة ليلة واحدة ، وكان ذلك في يوم خميس وبالفعل حجزنا سويت كامل في المنتجع الذي كان أغلب غرفه شاغرة " . ويكمل " حمامي " : " في ظهر يوم الجمعة غادرنا أنا وأبي للصلاة وطلبت من زوجتي أن تحضر الأمتعة للرحيل بعد عودتي فورا للسفر الى حلب ، ولدى عودتنا من الصلاة وكانت الساعة قبل الواحدة نزلنا لتسليم المفاتيح والحساب فأخبرنا المحاسب انه يترتب علينا ثمن ليلة إضافية كوننا تجاوزنا الوقت المسموح رغم أن الساعة كانت لم تتجاوز الواحدة بكثير وكل ذلك ونحن ننتظر التسليم، ولم يقتنع بكلامي بل طالبنا بالدفع دون مناقشة على الإطلاق " . ويتابع حمامي في شكواه قائلا : " لقد طلبت مدير المنتجع فحضر شخص لم نعلم إن كان هو حقا المدير ورفض أيضا أن يتفهم الموقف ، وعندما أخبرتهم أنني سوف أرحل وأترك جوازي ولن أدفع حجزوا سيارتي ومنعوني من الخروج بطريقة غير لائقة وأجبرنا على دفع مبلغ ليلة إضافية مجبرين " . ويختم حمامي : " أنا رجل صناعي وأسافر وأمكث في كل فنادق العالم ، وجميعها تعطي وقت حر للزبون حتى الواحدة بعد الظهر كي يخبر بأنه سوف يبات ليلة أخرى ام أنه سوف يرحل ، ماحدث معنا شئ مخحل فعلا رغم أن المنتجع كان لديه شواغر كثيرة فما المبرر في ذلك ، هل هذه هي طريقة تشجيع السياحة في سورية فإن كانت كذلك فعلى السياحة السلام " . يشار إلى أن وزارة السياحة تقوم بحملة إعلانية كبيرة لتشجيع السياحة إلى سوريا , فإذا كان هذا حال المنشآت السياحية لدينا , فاصلة , نقطة . عمار دروبي – عكس السير
شارك الخبر على :
|
التعليقات :
nour
(0)
(0)
وانته ما بتعرف تروح غير لشاطئ البطيخ.......... ما بتعرفهم ملكوك التشليح........
لك ولله هدول اهل السياحة والاسطياف بدهن يخربو بيتهن اكتر من هيك لك يا عالم تركيا جنة الارض العالم كلها صارت تروح لهونيك وتركو القمل والغلاء يلي عنا ............... لك عقول ما فيها جنس التفكير
دمتم سالمين
لك ولله هدول اهل السياحة والاسطياف بدهن يخربو بيتهن اكتر من هيك لك يا عالم تركيا جنة الارض العالم كلها صارت تروح لهونيك وتركو القمل والغلاء يلي عنا ............... لك عقول ما فيها جنس التفكير
دمتم سالمين
SEZAR
(0)
(0)
مرةكنت أناوأطباءزملائي في مؤتمرأطباءباللاذقية.أحدهم شاهدالشاطئ الأزرق لأول مرةوعندماطلب من الإستعلامات حجزغرفةلبعدشهرين مطلةعلى البحرطالبته بكامل الأجرةمقدماًمع أنناكناخارج الموسم وغالبيةالغرف شاغرةفأي تجارةسياحيةلدينا
مغترب
(0)
(0)
شو هالحكي هاد شو هالسياحة يروحو يشوفو فنادق العالم
نزيل في المنتجع
(0)
(0)
بصراحة مستوى الشاطئ الازرق تراجع كثيراً في السنتين الماضتين بحيث أن الاسعار المنتجع عاليةجداًولا تناسب النظافة المطلوبة كذلك لا يوجد فيه اي اماكن ترفيهيةللنزلاء ولا للاطفال.بأضافة لمنع النزلاء من المشي على الشاطئ الابلباس البحر مع العلم بان كل المنتجعات في اي بلد تسمح للنزلاء بالسير على الشاطئ
EAGLE
(0)
(0)
للأسف العالم بأكمله يتقدم إلا السوريون يتراجعون
ياحسافة
ياحسافة
من الغربة
(0)
(0)
منتجع الشاطئ الازرق أسوأ خدمات على الاطلاق في فنادق سورية ...
و لأسف لارقيب و لا محاسب لأدارته و المواطن مضطر للذهاب ..
نأمل من السيد وزير السياحة التكرم بجولة ميدانية مفاجة و دون الاعلان عنها ليرى سوء الحال في مستوى المنتجع و سوء خدماته وهو لايستحق تصنيفه اكثر من ثلاثة نجوم .
فهل هناك من ينصف المواطن من الاستغلال ؟
و لأسف لارقيب و لا محاسب لأدارته و المواطن مضطر للذهاب ..
نأمل من السيد وزير السياحة التكرم بجولة ميدانية مفاجة و دون الاعلان عنها ليرى سوء الحال في مستوى المنتجع و سوء خدماته وهو لايستحق تصنيفه اكثر من ثلاثة نجوم .
فهل هناك من ينصف المواطن من الاستغلال ؟
أحمد بريمو
(0)
(1)
اولا يا حضرات هي ماهي قضية تعملو منها قصة
الأنظمة بالفندق معروفة
يعني هو بلسانو اعترف انو الساعة كانت تجاوزت الواحدة
يعني دخل يوم جديد بحسب انظمة الفندق
بقى ليش العي الزايد
ضروري تفرجو العرب والمغتربين انو المنتجع سيء والخدمة سيئة
يعني هيك حضرتكم عمتشجعو للسياحة بالبلد
ما بعرف شو احكي بس عنجد .....
الأنظمة بالفندق معروفة
يعني هو بلسانو اعترف انو الساعة كانت تجاوزت الواحدة
يعني دخل يوم جديد بحسب انظمة الفندق
بقى ليش العي الزايد
ضروري تفرجو العرب والمغتربين انو المنتجع سيء والخدمة سيئة
يعني هيك حضرتكم عمتشجعو للسياحة بالبلد
ما بعرف شو احكي بس عنجد .....
اقسم بالله
(0)
(0)
شو هاد من شان ساعة بس يدفعوه اجرة ليلية شو هاد يا اخي كلاها نصب بنصب شو هاد والله عيب على والله نصيبين قال عبسجعوا السياحة ياعيب لو جاي سائح اجنبي وعملوا فيه هيك شو كان قال على بلد عييييييييييييب وبس عيب
عادل أحمد
(0)
(1)
الوقت هو عالمي 12 ظهراً ويجب ان يكون الفندق على علم بذلك وأمتعتك الشخصية خارج الغرفة وأنا مدير فندق عالمي وشو دخل الصلاة في الموضوع والرجاء من عكس السير لأجل المصداقية التحقق قبل النشر
عبد الكريم
(0)
(0)
عدد نجوم الشاطئ الازرق لا يتجاوز نجمتين بالمقارنة مع خدماته ونظافته وموظفيه سوف اسرد لكم قصة واقعية حدثت معي قبل سنتين حيث ذهبت مساء للسهر فيه وكانت هناك حفلة على التراس مع عشاء مفتوح سألت مع اصدقائي عن سعر ت\كرة الدخول فابلغونا بانها الف ومائتان تقريبا وفجاة اقترب منا احد موظفين الامن هناك وقال لنا اننا لو دفعنا له 500 ليرة عن كل شخص فسوف يسمح لنا بالدخول والتمتع بالعشاء والسهر والله هذه قصة حدثت معي ولكم الحكم
سمير المزكان
(0)
(0)
يا جماعة انا درت اغلب البلدان الاوروبية بس متل الادقية ماشفت لان اسعارها اغلى من الهلتون ومابتقدر تحكي شي لان اذا حكيت بيصير فينا متل اخونا والله يعين ها البلد
ساري
(0)
(0)
بداية انا نزلت في الشاطىء الازرق مرات لا تحصى.1_حتى تستلم الغرفة بتطلع روحك وانسى اول يوم سباحة2_اسعار لا تعادل الخدمة الرديئة جدا.3-الغرف شبه مدمرة4_البحر مقرف علما انني كنت استجم في الشاطىء الازرق ايام كانت شاليهات وفانات ومن احسن مايكون وارقى من الان. ولكن مجبورين مافي خيارات
منطق
(0)
(0)
ما دامك رجل صناعي وبتفهم بالاصول مفروض تخلي الغرفه قبل الساعه الواحده....بس الشعب العربي ما بيحب النظام واخد الامور ع التوكل...يعني ضروري تحط حالك بهيك موقف مشان نص ساعه زياده...سلطه
د.عباس
(0)
(0)
هادا الإستهتار بالنظام و قوانين الفنادق لو أنه هدا الشخص يلي عم بيقول أنو دار كتير فنادق يبدو ما راح و لا مرة فندق 5 نجوم لأنو بيعرف أنه لازم يصرح قبل الساعة 12 الضهر إذا بدو يغادر أو لا بعدين كان بيقدر يسلم الغرفة و يبقي أهله بالأنتظار تبع الفندق معززين مكرمين لبينما يرجع من الصلاة
رد من منتجع الشاطئ الأزرق
(2)
(0)
وللأسف كل شخص بيعرف شخص شغال بموقع محترم صار بيقدر يكيل الأتهامات والتي تسيء الى سمعة البلد ويلي أساسا سمعتها السياحيه ..... وبعدين حسبوها صح راح على الصلاه وراجع معو فول وربطتين خبز و بندوره وبصل ,و ستة أشخاص بينتظروه بالسويت ما عداه ووالده وجاي بيسب السياحة والمنشآت السياحيه علما أن النظام العالمي لتسليم الغرف هو الثانيه عشر ظهرا بس للأسف كلمة النظام بتخوف . مع الشكر لادراة الموقع.
abed
(0)
(0)
الفندق شغلو مزبوط تماماً من ناحية الحساب لأنو الساعة 12 المفروض الشخص يساوي check out وإلا تلقائياً بيتجدد ليوم اضافي لو 5 دقايق
ثانيا الخبر بيقول انو ما تجاوزت الواحدة بكثير ، يعني تجاوزت
هلأ أديش بكثير ما حدا بيعرف يعني، بعدين الأصل بهيك أخبار قبل ما تشوهو سمعة المنشأة تتأكدوا من المنشأة بالحادث ، بحيث اذا صحيح حجزوا سيارة الزبون بيكون اكيد في كمان حق على الفندق ، لأنو ما الهن حق غير يحجزوا جواز السفر ،وليس اكثر
يرجى الحفاظ على المصداقية الاعلامية يا عكس السير.
ثانيا الخبر بيقول انو ما تجاوزت الواحدة بكثير ، يعني تجاوزت
هلأ أديش بكثير ما حدا بيعرف يعني، بعدين الأصل بهيك أخبار قبل ما تشوهو سمعة المنشأة تتأكدوا من المنشأة بالحادث ، بحيث اذا صحيح حجزوا سيارة الزبون بيكون اكيد في كمان حق على الفندق ، لأنو ما الهن حق غير يحجزوا جواز السفر ،وليس اكثر
يرجى الحفاظ على المصداقية الاعلامية يا عكس السير.
ذيب
(0)
(0)
السلام عليكم انا مقيم في الامارات ولي اصدقاء مثيرا ما يشتكون من غلاء واستغلال المطاعم والمنشات السياحية لهم واشتكى احدهم ان عائلة اماراتية تناولت الغداء في احد المطاعم واذا يتفاجئ السائح ان الفاتورة مبالغ فيها جدا ورفض هذا الاستغلال له وجرت مشادة كلامية بين السائح الخليجي والعاملين في المطعم واجتمع عليه كل العاملين في المطعم وانهالو عليه وعلى عائلته بالضرب ولم تقف الى هذا الحد تدخلت السفارة الاماراتية في دمشق واعتذر المسؤلين عن السياحة في دمشق والله امر مخجل ليش الاستغلال اذا غريب وما غريب الا الشيطان يستغلو الناس اصلا هذا حرم يجي لسوريا بعد هاي الحادثة ومش بس هوه الي يعرفهم كمان الان الشغلة انطبلت فيها الدنيا بالامارات وكل الناس عرفو الحادثة وين التشجيع يا وزير السياحة والمتسولين الي في شوارع دمشق اذا شافو الخليجي بيشحدو منو والله شي مخجل نحنا مش هيك السوريين عزيزين النفس نرجو من المسؤلين ان يعيدو النظر في هذه الامور الي زادت عن حدها
فارس العدالة
(0)
(0)
نشكر ابو احمد حمامي لطرح الموضوععلى الراي العام واضيف
ا-الاسعار غير مدروسة ابدافانا رحت بالشهر التاني بالمطر وكانت الاسعار لللغرفة 5000خمسة الاف بس ......
2-اسعار المحلات بجواره غالية متل اسعار طوكيو ونيويورك
3 ليش مستغربين من هالاسعار اذا نشر تقريو من اسبوع انو سورية اغى خمس دول فبي العالم
4-بمصر الاركيلة من 30 ليرة حتة 50ل س
5فنجان القهوة بحلب في منطقة الخالدية 100ل س
شلون الاسعار بتركيا رخيصة وهون اغلى ماتضبط معي ابد
نتمنى من وزير السياحة ان يساعدنا هالصيفية بان نزور الشاطى السوري فاسعار المقاهي غاليةووخاصة راس البسيط
حيث يجزوو الشاطى امام فندق السبيط ممنوع تسبح
نتمنى ان يصل هالموضوع لوزير المالية اللي مايعرف حتى الان شلون الموطن كل عشرة سنوات بيروح مرة على البحر
انذار لكل المنشات السورية
سوف نرحل الى منتجعات التركيةوانتووووووووووووووا راح تكشووووووووو الهووووووووووا
عودووووالى الاحساس بالموطنينين
ا-الاسعار غير مدروسة ابدافانا رحت بالشهر التاني بالمطر وكانت الاسعار لللغرفة 5000خمسة الاف بس ......
2-اسعار المحلات بجواره غالية متل اسعار طوكيو ونيويورك
3 ليش مستغربين من هالاسعار اذا نشر تقريو من اسبوع انو سورية اغى خمس دول فبي العالم
4-بمصر الاركيلة من 30 ليرة حتة 50ل س
5فنجان القهوة بحلب في منطقة الخالدية 100ل س
شلون الاسعار بتركيا رخيصة وهون اغلى ماتضبط معي ابد
نتمنى من وزير السياحة ان يساعدنا هالصيفية بان نزور الشاطى السوري فاسعار المقاهي غاليةووخاصة راس البسيط
حيث يجزوو الشاطى امام فندق السبيط ممنوع تسبح
نتمنى ان يصل هالموضوع لوزير المالية اللي مايعرف حتى الان شلون الموطن كل عشرة سنوات بيروح مرة على البحر
انذار لكل المنشات السورية
سوف نرحل الى منتجعات التركيةوانتووووووووووووووا راح تكشووووووووو الهووووووووووا
عودووووالى الاحساس بالموطنينين
مدير فندق
(0)
(0)
اولا الحجوزات تنتهي عند الساعة 12 وبعدها بيصير يوم تاني مو مشكلة الفندق والشط الرملي للمنتجع
ينضف يوميا من اكتر من منقذ وبراهنك على نضافة الشط
مع اني برا سوريا
ينضف يوميا من اكتر من منقذ وبراهنك على نضافة الشط
مع اني برا سوريا
محمد
(0)
(0)
يا عالم الشاطئ الازرق والمنتجع يلي هنيك بئرفوا عالاخير وبخجلو الواحد اذا كان معو حدا من براة سوريا والمعاملة كتير سيئة لدرجة الحقارة ولئيت الشواطئ بطرطوس احلى وانظف وارخص بكتير ومعاملة ولا احلى من هيك متل شاطئ رواد السياحة جنوب طرطوس ب20 كم وشاطئ النورس والله جربو وما بتندمو شاليهات ممتازة وخدمة راقية واسعار اقل بكتير من اللاذقية
سائح من درجة نجمتين
(0)
(0)
يعني يا استاذ محمد اعذرني كونك مسافر كتير وشايف كتير ليش لتنزل بهل المنتجع من درجة العشر نجوم يعني انت من الاشخاص اللي مستواهم الخمس نجوم وبحسبة بسيطه لازم تكون فاتورتك دبل فاتورة الخمس نجوم فليش معترض حضرتك.
ايه بحياتنا من رح نصير بلد سياحية ولو بعد 100 سنه طلعوا وشوفوا السياحة بتركيا بمصر بلبنان بدبي بقرود السود والله عيب عيب عيب .
ايه بحياتنا من رح نصير بلد سياحية ولو بعد 100 سنه طلعوا وشوفوا السياحة بتركيا بمصر بلبنان بدبي بقرود السود والله عيب عيب عيب .
ملدوغ كتير من الأزرق
(0)
(0)
الى الأخ احمد بريمو والأخ عادل احمد ارجوكم لا تدافعوا عن باطل اذا كان الأخ عادل مدير فندق وعالمي ايضا فلاشك ان صاحب الفندق سوري وهو يطبق تعليماته ياشباب اي مسافر الى اي بلد في العالم القريب والبعيد يدرك اننا البلد الأسوء سياحيا في العالم حصلنا على الكأس وبروحنا لن نتنازل عنها .رأس القوانين في السياحه (الزبون دائما على حق) الا في سوريا موظف الفندق على حق وشرطي السير على حق وموظف الدوله بوجهه المقلوب دائما على حق ودائما هناك فقره في القانون يتغنى بها الموظفون معروفه للجميع (الإعتداء على موظف الخ........) مشان الله طلعوا شوفوا العالم شلون عايشه وحاج ولو!!!!!!!!!!!!!
عدنان سلوم
(0)
(0)
سؤال ليش من البداية ماسالت بل رسبشن الى متى مسمحله يتم لحتى ما يحسبوله اضافي ! قل شو بكل فنادق العالم للساعة الواحدة ,وعدم المواخزة وبدون حسد مبين عليك مريش يعني الله رازقك شو عجقلي حالك بهل القصة اي مو مستهلة.
شاميه
(0)
(0)
انا سافرت كتير
بس أفشل دوله بالسياحه هي سوريا
قسم بالله بطفشو الي بينزل لعندهم بدل ما يخلوه ينزل مره تانيه
مصر وعلى الفقر الي فيها بيخدمو السائح بكل وسائل الراحه
وكل شئ مهيئ لخدمه السائح
عنا العكس تماما
وبالذات الشواطئ ما شفت أوسخ من هيك شواطئ بدك شئ ميه زبال يلم الوسخ الي على الشط
ماعدا الاسعار المبالغ فيها للايجارات شئ مو طبيعي
وغلاء المطاعم بس يشوفو سا ئح بتنضرب الفاتوره بأقل تقدير باتنين ويمكن أكتر
بس أفشل دوله بالسياحه هي سوريا
قسم بالله بطفشو الي بينزل لعندهم بدل ما يخلوه ينزل مره تانيه
مصر وعلى الفقر الي فيها بيخدمو السائح بكل وسائل الراحه
وكل شئ مهيئ لخدمه السائح
عنا العكس تماما
وبالذات الشواطئ ما شفت أوسخ من هيك شواطئ بدك شئ ميه زبال يلم الوسخ الي على الشط
ماعدا الاسعار المبالغ فيها للايجارات شئ مو طبيعي
وغلاء المطاعم بس يشوفو سا ئح بتنضرب الفاتوره بأقل تقدير باتنين ويمكن أكتر
حيدرة
(0)
(0)
مرة كنت بقاسيون اناو مرتي ... بعد ما فطرنا بمطعم برمضان طلعنا قعدنا برا
بتعرفو هونيك ه الطله الحلوة بس للاسف الناس الي بتشتغل هونيك كتير عليها تشتغل بلم الزباله.... المهم قعدنا طاوله بلاستيك مكسرة وصحن بزر وصحن عنب وصحن تين ... خلصنا وكانت سيارتي نمرتا سعوديه ... قلتلو الحساب ... بيني وبين حالي قلت بعطيه خمسميه ومستكترا عليه كمان ... ولا جايبلي ورقه متل ورق بياع الفلافل ومكتوب عليها 4500 ليره قلتلو شو هاد قلي الفاتورة قلتلو ليش ..قلي هيك الاسعار هون قلتلو بصوت عالي طيب اكتبلي اسمك ووقع عليها هلاء نازل ع اقرب مركز شرطه او اي شي ... الله وكيلكن خاف وقلي خلص ما عاد بدي شي قلتلو هلاء بدك توقع وراح اعطيك
... وما استرجا يوقع وما عطيتو غير 500
المشكله يا جماعه فينا مع المطعم والشرطي والموظف والكل نحن عم نساعد ب الفساد
بس شوفون العين الحمرة للكل والله ما بيسترجو وب الاخص ع الحدود كتير قصص صارت ويخافو
بتعرفو هونيك ه الطله الحلوة بس للاسف الناس الي بتشتغل هونيك كتير عليها تشتغل بلم الزباله.... المهم قعدنا طاوله بلاستيك مكسرة وصحن بزر وصحن عنب وصحن تين ... خلصنا وكانت سيارتي نمرتا سعوديه ... قلتلو الحساب ... بيني وبين حالي قلت بعطيه خمسميه ومستكترا عليه كمان ... ولا جايبلي ورقه متل ورق بياع الفلافل ومكتوب عليها 4500 ليره قلتلو شو هاد قلي الفاتورة قلتلو ليش ..قلي هيك الاسعار هون قلتلو بصوت عالي طيب اكتبلي اسمك ووقع عليها هلاء نازل ع اقرب مركز شرطه او اي شي ... الله وكيلكن خاف وقلي خلص ما عاد بدي شي قلتلو هلاء بدك توقع وراح اعطيك
... وما استرجا يوقع وما عطيتو غير 500
المشكله يا جماعه فينا مع المطعم والشرطي والموظف والكل نحن عم نساعد ب الفساد
بس شوفون العين الحمرة للكل والله ما بيسترجو وب الاخص ع الحدود كتير قصص صارت ويخافو
احسان من حلب
(0)
(0)
معك حق
الخدمات سيئة
المعاملة متخلفة
الأسعار أغلى من باريس
كله صحيح
بس صلاة الجمعة باللاذقية مابتخلص قبل الساعة 1.15
ماعدا طريق العودة للفندق
والمفروض احترام مواعيد تسليم الغرف بغض النظر عن الأمور السلبية والا منصير أسوأمن ادارة الفندق.
الخدمات سيئة
المعاملة متخلفة
الأسعار أغلى من باريس
كله صحيح
بس صلاة الجمعة باللاذقية مابتخلص قبل الساعة 1.15
ماعدا طريق العودة للفندق
والمفروض احترام مواعيد تسليم الغرف بغض النظر عن الأمور السلبية والا منصير أسوأمن ادارة الفندق.
سائح
(1)
(0)
الى كل الى عم يقولوا انو النظام نظام نحن مو بالجيش نجن نقدس خدمة الزبون دائما على حق الله يلعن الشاطي الازرق وانا بسمية الشاطي الزفت كل الفنادق بالعالم في شي اسمة خروج متاخر الى الساعة 2 ظهرا
seth
(0)
(0)
شباب الحل اسمه تركيا , منتجعات رائعة , اسعار معقولة جدا جدا , استقبال ممتاز مع ابتسامة , منتجعات نظيفة قولا و فعلا , لا واسطات و لا خيار و فقوس ....
قال سياحة
(0)
(0)
الزبون دائمن على حق
السيد أبو أحمد حمامي على حق انا مسافر الى بلاد عالم كلاها وشفت فنادق بس عنجد متل فندق منتجع شاطى الازرق ماعدا عراسي شو هل خدمة التعيسة شو هاد عيب من شان ساعة اة ساعة ونصف يصير هيك شو هل مسخرة بشرفي عيب قال عبسجعوا السياحة بحياتنا مارح نصير
مع تحياتي لك محمود عكش
السيد أبو أحمد حمامي على حق انا مسافر الى بلاد عالم كلاها وشفت فنادق بس عنجد متل فندق منتجع شاطى الازرق ماعدا عراسي شو هل خدمة التعيسة شو هاد عيب من شان ساعة اة ساعة ونصف يصير هيك شو هل مسخرة بشرفي عيب قال عبسجعوا السياحة بحياتنا مارح نصير
مع تحياتي لك محمود عكش
ابو ابراهيم
(0)
(0)
نعم اخواني هناك الكثير من اخواننا العرب اشتكو من غلاء الاسعار وسوء الخدمة بتعرفو اذا واحد شال الحقيبة بينتظر على باب الغرفة حتى ياخد الاكرامية واذا ماحدا عطاه كل شوي بدق الباب وبيقول بد شي بيقولو لا بيرجع بيدق هيك حتا ياخد الاكرامية
وهو مزعوج وبيسكر الباب بقوة بتنزل على المطعم برحب فيك الكراسين وكل شوي بيجي واحد بدك شي استاذ وهيك حتى ياخد بتعترض على الاكل بقلولك الاكل طيب و ونظيف بيكون العكس
يعني باختصار كلهم حرامية من الشيال الى المحاسب الى عمل الخدمة الى الكراج الى عامل التنظيفات يعني النزيل عندهم حقيبة فلوس والكل لازم يطلعلو شي وبريد يرجع او للجهنم حيك الاسار هيك الخدمة هيك الاكل على كيفهم / رحو لتركيا وشوفو
الخدمة والاسعار وما حدا بيطلب منك اكرامية وذا ماعجبك الاكل بكل سرور ببدلولك ياه مع اعتذار
بتنزل بفندق ترحيب مع وجه بشوش وسيارتك بياخدوا من امام الباب الى الكراج مع تنظيف وبتكون جاهزة عند الباب عند خروجك من الفندق وكمان بدون اكرامية وبترجع للفندق بتشوف الغرفة نظيفة مع باقة ورد
هدول يلي عنا انتهازيين وحرامية
بس وينك يا وزارة السياحة تشوفي قزارة السياحة
وهو مزعوج وبيسكر الباب بقوة بتنزل على المطعم برحب فيك الكراسين وكل شوي بيجي واحد بدك شي استاذ وهيك حتى ياخد بتعترض على الاكل بقلولك الاكل طيب و ونظيف بيكون العكس
يعني باختصار كلهم حرامية من الشيال الى المحاسب الى عمل الخدمة الى الكراج الى عامل التنظيفات يعني النزيل عندهم حقيبة فلوس والكل لازم يطلعلو شي وبريد يرجع او للجهنم حيك الاسار هيك الخدمة هيك الاكل على كيفهم / رحو لتركيا وشوفو
الخدمة والاسعار وما حدا بيطلب منك اكرامية وذا ماعجبك الاكل بكل سرور ببدلولك ياه مع اعتذار
بتنزل بفندق ترحيب مع وجه بشوش وسيارتك بياخدوا من امام الباب الى الكراج مع تنظيف وبتكون جاهزة عند الباب عند خروجك من الفندق وكمان بدون اكرامية وبترجع للفندق بتشوف الغرفة نظيفة مع باقة ورد
هدول يلي عنا انتهازيين وحرامية
بس وينك يا وزارة السياحة تشوفي قزارة السياحة
رامي
(0)
(0)
مشتهي اعرف كيف بيعطو النجوم عنا بسوريا لانو الخمس نجوم عنا ما بياخد نجمتين برا!!!!!
و هاد الشاطئ الازرق نزلت فيه مرة و حلفت يمين ما عيدها و منيح يلي فتح روتانا مشان نخلص من هيك فنادق تعبانة
و هاد الشاطئ الازرق نزلت فيه مرة و حلفت يمين ما عيدها و منيح يلي فتح روتانا مشان نخلص من هيك فنادق تعبانة
محمد نحاس
(0)
(0)
عنجد ياجماعة منتجع شاطئ الازرق متراجع كتير اكيد من المدير اكيد مو نظامي مو عيب يحجزوا سيارتوا شو هاد والله عيب عليهم سيد أبو احمد حمامي متحرم كتير شو هاد مو عيب بل طريقة هي وانا اايدك يا أبو احمد
غيور على البلد
(0)
(0)
سيدي وزير السياحة المحترم ، اتمنى ان تتحقق من الأمر بذاتك لأنو وللأمانة وكلمة حق هالموضوع يتكرر شبه اسبوعي في هذا الفندق بالذات ، والخدمة فيه سيئة للغاية ، ومرات عديدة نأتي بعد الساعة الرابعة مساء وننتظر نصف ساعة او اكثر لتكون الغرفة جاهزة ، اتمنى ان تقوم بزيارة الى المنشآت السياحية في تركيا ولتقارن بين الخدمات والميزات بيننا وبينهم ... ، وفهمكم كفاية
آآآآآآآآآآآه يا بلد
آآآآآآآآآآآه يا بلد
بدهن يشجعوا السياحة
(0)
(0)
شو هل قلت حيا هي وهل اسلوب هدا يحجزوا على سيارتوا والله وكبرتي ياسوريا وسياحة صارت بتاخود العقل ههههههه والله مهزلة والله
غيور على البلد
(0)
(0)
سيدي وزير السياحة المحترم ، اتمنى ان تتحقق من الأمر بذاتك لأنو وللأمانة وكلمة حق هالموضوع يتكرر شبه اسبوعي في هذا الفندق بالذات ، والخدمة فيه سيئة للغاية ، ومرات عديدة نأتي بعد الساعة الرابعة مساء وننتظر نصف ساعة او اكثر لتكون الغرفة جاهزة ،لماذا التأخير مسموح لهم وغير مسموح للمواطن مع العلم أن الغرفة يجب ان تكون جاهزة كحد أقصى للساعة الثانية ظهراً ، اتمنى ان تقوم بزيارة الى المنشآت السياحية في تركياااااا ولتقارن بنفسك بين الخدمات والميزات والعروض والذوق والأسعاااار بيننا وبينهم ... ، وفهمكم كفاية
آآآآآآآآآآآه يا بلد
آآآآآآآآآآآه يا بلد
سيرغي
(0)
(0)
العجبو اهلا وسهلا واللي ماعجبو مع السلامة ياحمامة
واللي بدو يعمل جمال بدو يعلي باب بيتو
ولا شو .................
واللي بدو يعمل جمال بدو يعلي باب بيتو
ولا شو .................
بايعها
(0)
(0)
يلي دمو فاير أنو ما في هيك قصص وخص نص بشاطئ الأزرق يتم ساكت افضلو
السنة الماضية كنا هنيك حسيت حايل راح اكل قتلة تعامل صاحب الشاليه مع المستأجر شيئ سخيف بكل معنى الكلمة
وطبعا كل الي بيأجرو بشاطئ الأزرق هيك وحتى ضمن الفندق نفس الوضع
وصارت مشكلة صغيرة معون بس كان معنى شخص بيعرف شخص مهم هنيك تصل فيه ومن ساعتها المعاملة ختلفت من السما للأرض صار بدون بس رضانا
بس لو فيه مين يوصل لمعلمنا عن هالبلاوي وربي لنعيش بألف نعمة بس للأسف كل يلي حولين معلمنا بدون مصلحتون قبل مصلحة الشعب
السنة الماضية كنا هنيك حسيت حايل راح اكل قتلة تعامل صاحب الشاليه مع المستأجر شيئ سخيف بكل معنى الكلمة
وطبعا كل الي بيأجرو بشاطئ الأزرق هيك وحتى ضمن الفندق نفس الوضع
وصارت مشكلة صغيرة معون بس كان معنى شخص بيعرف شخص مهم هنيك تصل فيه ومن ساعتها المعاملة ختلفت من السما للأرض صار بدون بس رضانا
بس لو فيه مين يوصل لمعلمنا عن هالبلاوي وربي لنعيش بألف نعمة بس للأسف كل يلي حولين معلمنا بدون مصلحتون قبل مصلحة الشعب
تاجر
(0)
(0)
الزبون دائما على حق
ومابصير يطلع الزبون من الشاطئ وهو غير ممنون
وخلي يضل ساعة زيادة شو بصير وخاصة انو باقي السويتات فاضية ومو مشغولة !!!!!!!!!
اصلا بهيك ايام مو موسم لازم الشاطئ الاسود الوجه يعمل تنزيلات وخصم
واذا كان 7 نجوم الشاطئ بالقليلة يحاسبو نص يوم وخاصة الزبون مو رضيان
لانو اكيد هالزبون بيرجع بعد شي اسبوعين كمان او بخبر احبائه او اقربائو او اصدقائو
ومابصير يطلع الزبون من الشاطئ وهو غير ممنون
وخلي يضل ساعة زيادة شو بصير وخاصة انو باقي السويتات فاضية ومو مشغولة !!!!!!!!!
اصلا بهيك ايام مو موسم لازم الشاطئ الاسود الوجه يعمل تنزيلات وخصم
واذا كان 7 نجوم الشاطئ بالقليلة يحاسبو نص يوم وخاصة الزبون مو رضيان
لانو اكيد هالزبون بيرجع بعد شي اسبوعين كمان او بخبر احبائه او اقربائو او اصدقائو
طبيب سوري في امريكا
(0)
(0)
حضرت الستة الماضية الى اللاذقية من اجل حضور مؤتمر الاطباء الامريكيين السوريين.حاولت الحجز في الشاطئ الازرق لكنني فوجئت بسياستهم المعادية للباس المحتشم التى ليس لها اي مغزى. انا و زوجتي اطباء نعيش في امريكا منذ 15 سنة ولم نتعرض لهذا في امريكا البلد الغير اسلامي. ارسلت ايميل لوزارة السياحة السنة الماضية و ما زلت انتظر الرد. احمد الله ان المؤتمرهذه السنة في شيراتون دمشق حيث المعاملة اكثر واقعية. اللاذقية مدينة جميلة و ناسها طيبون لكن مثل هذه الامور تؤثر للاسف على السياحة فيها
مراقب
(0)
(0)
بعد تدني الاستثمار السياحي في سورية في ظل وزارة السياحة الضعيفة امام مسؤولياتها تجاه تنظيم وتشجيع السياحة فقد التجئ وخاصة اهالي محافظة حلب الى السياحة في تركيا حيث الاحظ من خلال اصدقائي الذين ذهبوا الى تركيا ثنائهم على السياحة التركية التي تحترم السائح وتقدم له خدمات تليق به كانسان وهجائهم على السياحة وخاصة في اللاذقية التي يقتنص مستثمروها السائح ويقومون باستبزازه ومحاولة ما يشابه النهب فمعظم شاليهات اللاذقية بدون تسعيرة محددة تخضع لتجاذب بينها وبين الذبون عدا على ذالك فالنظافة والحشرات وحدهما كفيلين لتفتيش المواطن السوري لاماكن سياحية بديلة ...نرجوا من وزارة السياحة الاهتمام الحقيقي بالسياحة وليس الاعلاني للسياحة ووضعها تحت مناظير حكومية دقيقة وموضوعية تتناسب مع دخل المواطن السوري وبنفس الوقت احترام السائح لانه اذا بقي الوضع على حاله فسترى الشواطئ السورية خاوية ..
الى كل من يعارض التاجر السوري المقيم
(0)
(0)
نحن نتعامل مع الكثير من الفنادق في كل دول العالم ما في يوم حصل هذا الامر
وبامكان اي شخص يخبر الفندق انه يريد ان يغادر الفندق وهم سيخبروه الى اي ساعة بامكانه يبقى في الفندق
واذا تاخر ربع ساعة او نصف ساعة ادبيا مافيها مشكلة ايضا مادام اخبرهم لانه لو جاءهم زبون مثلا بامكانهم يخجزو لهم ويقولوا لهم بعد نصف ساعة تجهز غرفتك هذا ان كان زبون بالطابور ينتظر ...........
المهم بكل السبل الفندق مخطيء والزبون على حق لان الفندق اول هدف له هو ارضاء الزبائن لاجل نصف ساعة يخرب سمعته انا لو ضاقت ولم اجد فندق في اللاذقية فلن اذهب اليه مادام هذه المعاملة عندهم
وبامكان اي شخص يخبر الفندق انه يريد ان يغادر الفندق وهم سيخبروه الى اي ساعة بامكانه يبقى في الفندق
واذا تاخر ربع ساعة او نصف ساعة ادبيا مافيها مشكلة ايضا مادام اخبرهم لانه لو جاءهم زبون مثلا بامكانهم يخجزو لهم ويقولوا لهم بعد نصف ساعة تجهز غرفتك هذا ان كان زبون بالطابور ينتظر ...........
المهم بكل السبل الفندق مخطيء والزبون على حق لان الفندق اول هدف له هو ارضاء الزبائن لاجل نصف ساعة يخرب سمعته انا لو ضاقت ولم اجد فندق في اللاذقية فلن اذهب اليه مادام هذه المعاملة عندهم
محروس بالغربة
(0)
(0)
السنة الماضية قضيت 3 ايام بالشاطئ الأزرق وحجزت شاليه الي ولأهلي بالصيف ووقت الزحمة، بغض النظر عن السعر الخرافي لليلة يلي بيساوي ايجار شقة بحلب لشهر ومفروشة، كانت الخدمة تعيسة والنضافة معدومة.. والابشع انو كل الناس يلي نازلين فيه بتحسن صقاقيين ولا الن علاقة بالاكابر والزوق والاحترام .. طلعت من هنيك ندمان بشكل مو طبيعي . برغم علاقتي الشخصية بنحاس خجلت قلن على هالتجربة لانو هنن بنفسن ما بينزلو فيه ولا بيرضو بهيك معاملة لو كانو نازلين بأوتيل نجمتين بدبي. عوضك ياسياحة ع الله.. لا حسرة عالفنادق اذا اكتر معالم السياحة والآثار عنا بسورية مهملة.. نحن اهل البلد مامنعرف وينا..
سوري متشائل
(0)
(0)
هلأ انا سمعان عن قصص الشاطىء الأزرق يلي بتخجل
بس بهالقصة انا يلي بعرفة انو لازم يطلع عال 12
و المفروض يا صحافة يا كرام تاخدو القصة من الطرفين
بالأخير بنصح كل واحد رايد يستجم و يكون مرتاح بتركيا
ثم تركيا
ثم قبرص
بس بهالقصة انا يلي بعرفة انو لازم يطلع عال 12
و المفروض يا صحافة يا كرام تاخدو القصة من الطرفين
بالأخير بنصح كل واحد رايد يستجم و يكون مرتاح بتركيا
ثم تركيا
ثم قبرص
موظف سابق
(0)
(0)
انا اشتغلفت فيه الصيفية الماضية ووضعو كتير سيء من اغلب النواحي الموظفين ولا اسوأ من هيك وتلت ارباعون ما بيعرفو انكليزي وما شاطرين غير يقولو ما في غرف فاضية مشان ما يعزبو حالون مع انو بكون تلت ارباعو فاضة والتعامل كتير مادي والخدمة بالمرة .. هو بالاساس صاير لكم عيلة معروفة بحجزو نصو وباقي العالم درجة عاشرة للاسف ..
seafather
(0)
(0)
إن الساعة تجاوزت الوقت المحدد مو منطق بأنظمة الفندق بعدين الفنادق مو محاكم مشان تحاسبك عالدقيقة يعني مرة كنت بفندق ببيروت لما سألت لأي ساعة فيني ضل بالفندق مشان لا تنحسب عليي ليلة جديدة، قالولي للساعة 12، بس إذا بدك تضل أكتر شي ساعة ساعتين ما في مشكلة بس عطينا خبر لأنو ما في عنا زحمة!؟
هي العالم بتفكر أنو يكسب الزبون مو يطفشو مشان ليلة
غباء مو بالعقل
هي العالم بتفكر أنو يكسب الزبون مو يطفشو مشان ليلة
غباء مو بالعقل
حلبي حقاني
(0)
(0)
اولا الكذب حرام وعيب نحن كلنا منعرف انو الشاطى الازرق تعيس جدا بس كلنا منعرف انو صلاة الجمعة اذ كان الشيخ مستعجل بتخلص الساعة وحدة وربع ولبين وا وصل حضرتو للفندق صارت الساعة تنتين ولبين ما فطر فول وبصل وانشح الغرفة ونزل على الرسبشن صارت كذااا طيب ليش هالاهمال وليش هل عشوائية وليش هل عدم الالتزام بالوقت وليش لسا عبتطلع بالعالي والقانون مع الفندق لانك جاوزت الساعة المحددة الك وانت الي خليتن يطاولو عليك اشبك ااااا
سوار الياسمين
(0)
(0)
حضر شخص من احدى الدول العربية ليستجم يومين في اللاذقية حين اراد المغادرة طلب حاجياته من صندوق الامانات والكارثة كانت تنقص بما يعادل ال 35 الف ليرة سورية
وعندما اخذ بالصراخ طالبا المدير
همس احد الموجودين في اذنه ( خذ حسبك الله قبل ان يلطشوك بشى تقرير يوديك لورا الشمس)
كما حصل مع بعض المصطافين العرب الذي لولا كبار المسؤولين في دمشق والحمد لله لكان في خبر كان
ملاحظة هامة جدا جدا
صحيح اهل المصطاف شافوا الويل من صغار الافراد حتى تمكنوا من الوصول للكبار ولكن والحق يقال انه عندما وصل الخبر الى الكبار قولا وفعلا خلال اسبوع كان الشخص بين عائلته وبدون مقابل مع كلمة اعتذار من الكبار فقط
ومن هذا الموقع العزيز على قلوبنا اقدم جزيل الشكر لكل من ساعدنا في اعادة الرجل الى اهله
وعندما اخذ بالصراخ طالبا المدير
همس احد الموجودين في اذنه ( خذ حسبك الله قبل ان يلطشوك بشى تقرير يوديك لورا الشمس)
كما حصل مع بعض المصطافين العرب الذي لولا كبار المسؤولين في دمشق والحمد لله لكان في خبر كان
ملاحظة هامة جدا جدا
صحيح اهل المصطاف شافوا الويل من صغار الافراد حتى تمكنوا من الوصول للكبار ولكن والحق يقال انه عندما وصل الخبر الى الكبار قولا وفعلا خلال اسبوع كان الشخص بين عائلته وبدون مقابل مع كلمة اعتذار من الكبار فقط
ومن هذا الموقع العزيز على قلوبنا اقدم جزيل الشكر لكل من ساعدنا في اعادة الرجل الى اهله
سوريا حبي
(0)
(0)
كنت مقرر اروح بطلت صار بدي روح على طرطوس احلى واجمل وانضف كتير ؟؟؟؟ بس الفرق انو السياحه بتركيا ارخص ليش راحله كامله مع فنادق وطعام ؟؟؟
المهندس
(0)
(0)
للانصاف المنتجع غالي وكل المنتجعات البحرية لدينا غالية ولا ترتقي للمستوى العالمي السياحي.ولكن بقضية رجل الاعمال ان كان يسكن في فنادق كان علم ان مغادرة الفندق تتم قبل الثانية عشر ظهراً حتماً.وفي حال اراد المغادرة لماذا اخبر زوجته ولم يخبر الفندق لكان سمح له بهذه الساعة .علما اننا في موسم ازدحام في هذه الفترة.الجانبين اخطأا.
مالل
(0)
(0)
حرام الواحد يصرف ليرة واحدة في سورية لوقت ما يتربوا ويعرفوا معنى السياحة وكيف يتعاملوا مع الناس! صارت السياحة قرف وبالذات الحلبية بس ما علقوا محل بيلحقوا بعضن وكأنن ما بيقدروا بلا بعض، بالشاطئ الأزرق بتشعر نفسك بحلب وكأنن عم يقولوا شوفونا عم نصرف مصاري، روحوا على تركيا وشوفوا الأسواق والمعاملة والهوا النظيف والطرقات اللي بدون حفر والأكل الطيب والفنادق اللي بتحترم حالها وفيها نظافة وخدمات، حاولوا اتشوفوا شي جديد وماتشحنوا أكلكن معكن. لك حتى مشتى الحلو صارت مقرفة، حدا يجرب ينزل بالمنتجع اللي فيها الله وكيلكون لازم يرهن بيته حتى يقعدلو كام يوم ، عن جد ياااااااااااااااااع
الحلبية
(0)
(0)
المبيت بشاليه في اللاذقية في الموسم يساوي تقريبا عشرة الاف ليرة هي ماعدا الاكراميات يلي اجباري تدفعها غصبا عنك؟؟
الرحلة لتركيا ونظافة وطبيعة روعة مارح بتكلف حجم المبلغ يلي بندفعه في اللاذقية؟؟؟؟
وياريت في نظافة ؟؟؟
الرحلة لتركيا ونظافة وطبيعة روعة مارح بتكلف حجم المبلغ يلي بندفعه في اللاذقية؟؟؟؟
وياريت في نظافة ؟؟؟
عبد الكريم
(0)
(0)
يعني اذا كنت صناعي بكون على راسك ريشة مع الاسف انت اسمك نزيل فندق والفندق عندو نظام ماشي عليه بعد الساعة 12 صار يوم جديد و رزق جديد بعدين رحت عالصلاة الصلاة ثوابا الك عطيت من هذا الثواب للادرة الفدق شي طبعا ما عطيت (ما داعي تخبرنا انت صناعي بتصلي بشان تسرق من الضرايب وتسرق عرق العمال ويقول الناس شفو هالزلمة حتى عالبحر عمصلي الله اكبر حتى الصلاة اصبحت صناعة وتجارة)
أبو شهاب الشامي
(0)
(0)
الوزير الوحيد الذي يجب أن يعاقب لأنه لم ينفذ توجيهات سيد الوطن في موضوع إيلاء السياحة اهتماماً كبيراً وجعلها نفط سورية القادم هو وزير السياحة صاحب الأرقام الخلبية . أسوأ سياحة في العالم هي السياحة في سورية ولا تزعلوا لأنو عم نصيف في تركيا
fawaz from lattakia
(0)
(0)
لو نظرنا الى القائمين على أدارة المنتجع واموظفين لمل أستطعت أن تجد شخص واحد عنده مقومات العمل بالسياحة أبدا و لا كيفية الثصرف مع الزبائن وهم يتصرفون مع الزبائن كأن الزبون عامل لديهم في أحد أقسام التنظيف وهذا عيب جدا ومخجل وعندما تذهب الى احد فنادق الدول المجاورة فأنهم يهتمون بالزبون كأنه قطعة من الألماس من الأستقبال وحتى المغادرة وتلاحظ أيضا الفرق الكبير بالأسعار المرتفعة جدا جدا جدا وهذا غير مقبول فأين التشجيع على السياحة
وأقول لك يا أخي النزيل عوضك على الله وأكيدة هذا درس لا تنساه للنزول في منتجعات اللاذقية
وأقول لك يا أخي النزيل عوضك على الله وأكيدة هذا درس لا تنساه للنزول في منتجعات اللاذقية
لاذقاني
(0)
(0)
انا كنت شغال بالخليج و كنا نعطي الزبون free of charge للساعة 6 مساء و بعض العالم 9 مساء اذا الزبون معروف بقى حاج تقولولي بيقلب النظام لحالو اذا تجاوز الساعة 12 ما رح تكون انظمة فنادق سوريا متطورة اكتر من الامارات بس هون عا قلة الفنادق عم يتحكموا بالناس بكرا بس يفتح كام فندق جديد رح يبوسوا ايدوا للسيد حمامي ليجي بس لعندهم و comp ما تزعلوا
سوري
(0)
(0)
قسما بالله ... السنه الماضيه طلعت أنا وزوجتي على جزيرة قبرص التركيه ونزلنا بفندق 5 نجوم ... قعدت أربع أيام .
وباليوم الأخير اللي لازم نسافر فيه على حلب كان موعد الطياره الساعه7.00 المسا من الجزيره لمطار إنطاكيه ... والباص بيطلع من الفندق الساعه 6.00
وإدارة الفندق طبعا بيعرفوا موعد سفري طلبوا مني البقاء بغرفتي للساعه 5.00 العصر وقدمولي وجبة غدا على حساب الأوتيل وكل هالشي مجانا ...
بس هنن وين ونحن وين ...
وباليوم الأخير اللي لازم نسافر فيه على حلب كان موعد الطياره الساعه7.00 المسا من الجزيره لمطار إنطاكيه ... والباص بيطلع من الفندق الساعه 6.00
وإدارة الفندق طبعا بيعرفوا موعد سفري طلبوا مني البقاء بغرفتي للساعه 5.00 العصر وقدمولي وجبة غدا على حساب الأوتيل وكل هالشي مجانا ...
بس هنن وين ونحن وين ...
شو بدي
(1)
(0)
الفساد بكل الوزارات ..... وبكل المؤسسات وبكل الدوائر ... وين وزارة السياحه شو شغلتها بس يطلعوا معارض ومؤتمرات عحساب الدوله وياريتهم بيتعلمو شي منيح بجيبوه للبلد ... هاد لو يعرف انو فيه حدا رح يحاسبو ما كان تصرف هيك مع الزبون
EL CORAZON
(0)
(0)
ما عجبك غير تروح ل هناك يا ابن الحلال.......
هنيك بتنشمس ....
قال سياحة بسورية بخجل قلك مين بيستفيد من السياح اللي بيفوتوا عالبلد.........
انفضحنا بسياحتنا يا جماعة....
فوتوا عالمواقع الخليجية و شوفوا مقاطع الفيديو اللي مصورينها ببلدنا........
هنيك بتنشمس ....
قال سياحة بسورية بخجل قلك مين بيستفيد من السياح اللي بيفوتوا عالبلد.........
انفضحنا بسياحتنا يا جماعة....
فوتوا عالمواقع الخليجية و شوفوا مقاطع الفيديو اللي مصورينها ببلدنا........
خبير فندقي
(0)
(0)
مع احترامي للجميع
يجب اخذ العلم انه في كافة فنادق العالم يتم احتساب لليلة اضافية بعد تجاوز الساعة الثانية عشر ظهرا بالاخص الفنادق ذات نسبة الاشغال المرتفعة ويمكن لبعض الفنادق ذات نسبة الاشغال المتدنية احتساب نصف لليلة حتى الساعة الثامنة مساءا ولكن في حالة هذا المنتجع فكل الحق مع ادارة المنتجع ويجب استيفاء الليلة الاضافية حتى ولو تاخر النزيل نصف ساعة بعد الساعة الثانية عشر ظهرا
ولكن للاسف ان بعض ضعاف النفوس و الاستغلاليون مثل صديقنا هنا يحاولون التهرب من الدفع و عمل جعجعة تستهدف سمعة الفندق و الاسواء من هذا انهم يستغلون المواقع الاخبارية لفضح و التشهير بجهلهم و غبائهم
واطلب من ادارة المنتجع ان ترفع دعوى ذم وقدح ضد النزيل و كذلك ضد ادارة موقع عكس السير لاساءة لسمعة المنتجع و كنشر هذا المقال دون التدقيق في قوانين الفنادق
يجب اخذ العلم انه في كافة فنادق العالم يتم احتساب لليلة اضافية بعد تجاوز الساعة الثانية عشر ظهرا بالاخص الفنادق ذات نسبة الاشغال المرتفعة ويمكن لبعض الفنادق ذات نسبة الاشغال المتدنية احتساب نصف لليلة حتى الساعة الثامنة مساءا ولكن في حالة هذا المنتجع فكل الحق مع ادارة المنتجع ويجب استيفاء الليلة الاضافية حتى ولو تاخر النزيل نصف ساعة بعد الساعة الثانية عشر ظهرا
ولكن للاسف ان بعض ضعاف النفوس و الاستغلاليون مثل صديقنا هنا يحاولون التهرب من الدفع و عمل جعجعة تستهدف سمعة الفندق و الاسواء من هذا انهم يستغلون المواقع الاخبارية لفضح و التشهير بجهلهم و غبائهم
واطلب من ادارة المنتجع ان ترفع دعوى ذم وقدح ضد النزيل و كذلك ضد ادارة موقع عكس السير لاساءة لسمعة المنتجع و كنشر هذا المقال دون التدقيق في قوانين الفنادق
يا سيد محمد حمامي
(0)
(0)
يا سيد محمد حمامي ارجوا منك ان توصل المشكلة لاكبر جها مختصا لانوا المنتج حراااااام يستلموه هيك عالم حرااااااام والله حرام شو هل معاملة سيأ
13
(0)
(0)
تعو شوفو بألمانيا بيدفع الواحد إجرة القطار (النظيف المحترم الحلو الرائع اللي ما بينوصف من كتر دقة مواعيدو ) واللي هي اجرة رمزية تماما وبيوصل على احلى شواطئ العالم وبعدها بيلعب وبيقضي النهار على انظف شاطئ ممكن يتخيلو اي فنان وبدون ما يدفع فرنك، شلن، بنس، سنت، قرش، هللة، ليرة ولا شي!!!
قسما بالله ما انحط بهيك موقف لحتى شغل الفيديو صور وبعدها انشرها على اليوتيوب وافضحهون هنن وسخافاتهون وبهدلاتهن وواسطاتهون أوطى من هيك سياحة وهيك وزارة وهيك شواطئ الله ما خلق.
قسما بالله ما انحط بهيك موقف لحتى شغل الفيديو صور وبعدها انشرها على اليوتيوب وافضحهون هنن وسخافاتهون وبهدلاتهن وواسطاتهون أوطى من هيك سياحة وهيك وزارة وهيك شواطئ الله ما خلق.
الى الاستاذ سوري
(0)
(0)
شو جاب لجاب هدول التراك بيفهمو بالذوق وكسب الزبزن ورضاه
عنا ما بيهمن الا الوقت الحالي
والطوفان علي بعدي
عنا ما بيهمن الا الوقت الحالي
والطوفان علي بعدي
ميسرا
(1)
(0)
والله ياحبيبي الساعة معروفة
وهاد الشي متعارف عليه بكل دول العالم
بس نحنا منحاول دائما نشط ونمط وخاصة عنا الحلبية الفتيلة طويلة
بس هو تأخر كان بيعتبر هالشي مكسب
عندو بيجوز الوقت مالوا قيمة بس بالفندق النظام نظام
مو مستعد الموظف يدفع من جيبتوا لانو هو تأخر
بعدين هالشي موبس بالفنادق
مثلا انا مرة كنت عم ادفع قاتورتي المبايل في واحد كان عم يصرخ لانو انقطع تلفونوا قال ماتأخر غير ساعة
شعبنا مازال غير مبالي والوقت عندوا مالوا قيمة
لازم نصلح انفسنا بعدين نطلع على برا
في انكلترا اذا اتأخرت ربع ساعة عن الموعد مابيفتحلك الباب
وهاد الشي متعارف عليه بكل دول العالم
بس نحنا منحاول دائما نشط ونمط وخاصة عنا الحلبية الفتيلة طويلة
بس هو تأخر كان بيعتبر هالشي مكسب
عندو بيجوز الوقت مالوا قيمة بس بالفندق النظام نظام
مو مستعد الموظف يدفع من جيبتوا لانو هو تأخر
بعدين هالشي موبس بالفنادق
مثلا انا مرة كنت عم ادفع قاتورتي المبايل في واحد كان عم يصرخ لانو انقطع تلفونوا قال ماتأخر غير ساعة
شعبنا مازال غير مبالي والوقت عندوا مالوا قيمة
لازم نصلح انفسنا بعدين نطلع على برا
في انكلترا اذا اتأخرت ربع ساعة عن الموعد مابيفتحلك الباب
ابو الشكر
(0)
(0)
في لعام 1987 واثناء الدورة العاشرة لالعاب البحر المتوسط كنا مجموعة صحفيين دخلنا المنتجع لنحصل على توجيهات قبل الانطلاق للمدينة الرياضية لاننا كنا نقيم بالمدينة الجامعية ففوجئنا بعدم تقديم كوب ماء ضيافة ...
فتصوروا يارعاكم الله كيف لو كنا نشتهي كوب عصير صناعي مثلج كان في المطعم وليس فريش
بقى ياسيد حمامي لاتزعل طول عمرك يازبيبة بط... هالعودة مابيتطوروا
فتصوروا يارعاكم الله كيف لو كنا نشتهي كوب عصير صناعي مثلج كان في المطعم وليس فريش
بقى ياسيد حمامي لاتزعل طول عمرك يازبيبة بط... هالعودة مابيتطوروا
فينيقي
(0)
(0)
اولا هل يستحق اسم منتجع
اعوذ بالله
يشبه كل شيء الا المنتجع
تدخل الى البهو تظن انك في سوق الجمعة
تراجع الريسبشن تحس انك امام جابي ماليه
تطلع للغرف ....
تعود الى ذاكرتك فورا غرف المدينة الجامعية
لا يستحق الا 75 ل.س بالليلة اسود بالمدن الجامعية
اعوذ بالله
يشبه كل شيء الا المنتجع
تدخل الى البهو تظن انك في سوق الجمعة
تراجع الريسبشن تحس انك امام جابي ماليه
تطلع للغرف ....
تعود الى ذاكرتك فورا غرف المدينة الجامعية
لا يستحق الا 75 ل.س بالليلة اسود بالمدن الجامعية
ran
(0)
(0)
يعني كلياتكن عمبتعلقوا عيب وصح والساعة طنعش والسياحة....ماحدا خطرلو يعلق انو حجزولو السيارة ومنعوه من الخروج !! ايش وين نحنه بسطو مسلح
الأخطبوط
(0)
(0)
أنا والله يا جماعة برأيي أو الأخ محمد حمامي هو الغلطان
لأنو باعتبار هو كان عرفان أنهم بدهم يتركو الفندق كان لازم يعطي الادارة علم قبل ما يروح عالصلاة ويقلهم انو بدو يترك الفندق عالساعة 1
مو يستنى للساعة وحدة ويجي يقلو أنو بدي أترك وهو قال انو كانت الساعة بعد الواحدة بشوي
ولكم الشكر جميعاً
لأنو باعتبار هو كان عرفان أنهم بدهم يتركو الفندق كان لازم يعطي الادارة علم قبل ما يروح عالصلاة ويقلهم انو بدو يترك الفندق عالساعة 1
مو يستنى للساعة وحدة ويجي يقلو أنو بدي أترك وهو قال انو كانت الساعة بعد الواحدة بشوي
ولكم الشكر جميعاً
سامر
(0)
(0)
يا استاذ بريمو هذا اسمة تشليح مو اسمة حق ليله
واعتقد لو كنت انت مكان هذا الشخص كان اغمي عليك من قيمة المبلغ او انك لا تقدر قيمة للمال
هذا اسمة الشاطئ الاسود مش الشاطئ الازرق
واعتقد لو كنت انت مكان هذا الشخص كان اغمي عليك من قيمة المبلغ او انك لا تقدر قيمة للمال
هذا اسمة الشاطئ الاسود مش الشاطئ الازرق
محمد
(0)
(0)
40
ذو خبرة بالفنادق
(0)
(0)
انا كتير مستغرب من الاشخاص يلي علقو وقالو انو الحق على الزبون ويلي هو هون الاخ محمد؟؟؟ لانو حسب خبرتي بالفنادق ويلي بتمتد من 7 نجوم إلى نجمتين كلون بيعطو وقت للساعة 3 ونص، وهاد الشي منطقي لانو معظم الزوار بكونو جايين مشان عمل ومعروف انو لقاءات العمل او المؤتمرات ما بتخلص للساعة وحدة؟؟؟
مستغرب
(0)
(0)
محمد حمامي رجل أعمال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لادئاني معتئ
(0)
(0)
اي تعو شوفو شو عم يساوا عنا بشواطئ البلد
شوفو ابناء حلب شو عم يساو
بيجيبو معن أكلن و شربن و بيوسخوا الشاطئ
بعدين معروف بكل فنادق انحاء العالم تسليم الغرف الساعة 12
بقا كيف اذا كان اخونا الرجل الأعمال الكتير الكتير شهير بدو يسلم غرفتو بعد الصلاة
والصلاة عنا ما بتخلص لل 1وربع
واقرب جامع عالمنتجع بيبعد مسافة ربع ساعة
اي لعبووو غيرها
و حسبوها منيح قبل ما تحكو على فنادقنا و شاليهاتنا ياللي عم تلم ....
شوفو ابناء حلب شو عم يساو
بيجيبو معن أكلن و شربن و بيوسخوا الشاطئ
بعدين معروف بكل فنادق انحاء العالم تسليم الغرف الساعة 12
بقا كيف اذا كان اخونا الرجل الأعمال الكتير الكتير شهير بدو يسلم غرفتو بعد الصلاة
والصلاة عنا ما بتخلص لل 1وربع
واقرب جامع عالمنتجع بيبعد مسافة ربع ساعة
اي لعبووو غيرها
و حسبوها منيح قبل ما تحكو على فنادقنا و شاليهاتنا ياللي عم تلم ....
مواطن سوري
(0)
(0)
للأسف هذا هو الواقع في جميع المناطق السياحية في سورية اسعار الفنادق والشقق المفروشة غالية جدا وخدمة اسوء مع العلم الأن أصبح يوجد منافس في جميع المقاييس وهي تركيا فعليهم أن يراجعو حساباتهم من جديد
yousef
(0)
(0)
يعني هو الشاطى الازرق و الميرديان نفس الشي
بس و الله انا شفتلكون المردييان معاملتون احسن بكتير على القليلة ناس بوجه بشوشة و حبابين و كل يوم غرفتك ببتظف و كل شي بيتغير فيها و ما حدا لا بيقرب عليك ولا بتقرب على حدا بس في مشكلة صغيرة كتير انو شاطى المرديان وسخ مو نظيف
انا سمعت انو طبيعة الشاطى من جهة المرديان وسخة يعني البحر هو وسخ من هالطرف والا غير شي كلو تمام عجبني و اسعارو ارخص من الشاطى الازرق طبعا هي مو دعاية لانو ال 2 اضرب من بعض بس يعني شي منو ولا كلو
بس و الله انا شفتلكون المردييان معاملتون احسن بكتير على القليلة ناس بوجه بشوشة و حبابين و كل يوم غرفتك ببتظف و كل شي بيتغير فيها و ما حدا لا بيقرب عليك ولا بتقرب على حدا بس في مشكلة صغيرة كتير انو شاطى المرديان وسخ مو نظيف
انا سمعت انو طبيعة الشاطى من جهة المرديان وسخة يعني البحر هو وسخ من هالطرف والا غير شي كلو تمام عجبني و اسعارو ارخص من الشاطى الازرق طبعا هي مو دعاية لانو ال 2 اضرب من بعض بس يعني شي منو ولا كلو
ابو محمد الحلبي
(0)
(0)
هل من المعقول أن السياحة الداخلية أغلى من السياحة في تركيا بضعف أو أكثر
كيف نشجع السياحة الداخلية و نحن نسرق المواطن جهاراً نهاراً
سياحة داخلية ؟؟ تفو على هيك سياحة
كيف نشجع السياحة الداخلية و نحن نسرق المواطن جهاراً نهاراً
سياحة داخلية ؟؟ تفو على هيك سياحة
بالدمام
(0)
(0)
للأسف بلدنا تحتاج لوقفة جادة من وزارة السياحة
سوري
(0)
(0)
السياحة لتركيا وبسسسس ويلي معو والله رازقو يروح لأوروبا
بس لاذقية لأ لأ ومليون لأ
بس لاذقية لأ لأ ومليون لأ
أحــمـــد رمـــو
(0)
(0)
يعني اذا ما ضربوا وسبوا وبهدلوا ممتاز معنتى في تحسن
لاني كل سنة منروح الشباب الاكااااااابر
قاجين ع بصبصة وتلطيش وشي بتياب وشي بلا تياب
ودير بالك عل ماء لا يخلص طبعا ما بيكمل معك الحمام مرتين وخميس وجمعة من 5000 وطالع الليلة
اي ححححححححححححححححاج وين وزارة السياحة
لاني كل سنة منروح الشباب الاكااااااابر
قاجين ع بصبصة وتلطيش وشي بتياب وشي بلا تياب
ودير بالك عل ماء لا يخلص طبعا ما بيكمل معك الحمام مرتين وخميس وجمعة من 5000 وطالع الليلة
اي ححححححححححححححححاج وين وزارة السياحة
لاذقية
(0)
(0)
قبل ما نعمل مشاريع للسياحة , علينا بإعادة تأهيل الفكر للعاملين عليها , والا هذا الصرف على المشاريع لن يفيد شيئ
اسعار فلكية - خدمة متدنية - والله تركيا احلى وانظف وناس بتحترم حالها ,
اسعار فلكية - خدمة متدنية - والله تركيا احلى وانظف وناس بتحترم حالها ,
محمد يحيى قصاص
(0)
(0)
المؤمن مصاب
وين السياحة
(0)
(0)
يمكن لازم يسمو منتجع الشاطيء الازرق معتقل من الباب بيبلش التحقيق والمعاملة السيئة وكانك بغوانتاناموز من شي اكتر من سنة كان في مدير كان كتير حباب يمكن اسمو نبيل ما عاد ازكر بس ترك شكلون طفشوز الرحمة شوي بالسياحة ياشباب
مواطن سور ي
(0)
(0)
عكس السير من المفروض عدم نشر التعليقات التافهة والحاقدة وتذكرو الغبي يذهب لعند الاغبياء وشاطئ البطيخ مفضل على هيك عالم حاقدة ..اذا كان في خطا من قبل الادارة فيجب ان يبقى في هذا الحدود ويعالج على هذا الاساس .
على فكرة عكس السير ريحة الفعونة والتعليقات الحاقدة بدات تفوح من موقعكم...بتحكوا عن تركيا انو ارخص والله صحيح اللي استحوا ماتوا
على فكرة عكس السير ريحة الفعونة والتعليقات الحاقدة بدات تفوح من موقعكم...بتحكوا عن تركيا انو ارخص والله صحيح اللي استحوا ماتوا
احمد
(0)
(0)
يا فهيم الفهمان لو كنت محلو كان بترضى تتشطح بليلة تانية ومو اي تشطيحه بتذكر كان حجوزاتهم بالـ 10000 روح تعلم احكي بعدين تعى في شي اسمو تشجيع على السياحة بس هون عنا بسوريا معدوم ... بس لا مو معدوم من الدولة معدوم من هل حيو*ن*ت اللي عم بيديرو هل فنادق بيجيبولك واحد من ورا الج*ش وبيحطوه بمكان بني ادمين
حلبي اصيل
(0)
(0)
حجزت سويت بمرسين بفندق اربع نجوم مطل مباشرا على البحر ب 70 دولار لليلة الواحدة
وبعد اسبوع حجزت بدمشق بفندق اربع نجوم بشارع الحمرا غرفة مفردة ب 126 يورو
شو رايكم دام فضلكم؟؟؟
وبعد اسبوع حجزت بدمشق بفندق اربع نجوم بشارع الحمرا غرفة مفردة ب 126 يورو
شو رايكم دام فضلكم؟؟؟
موطن قرفان
(0)
(0)
انا شخصيا ما بروح بعمل سياحة غير بتركيا احلا بلد واحلا جنة واحلا سياحة قال الشاطئ الازرق قال ت....ف....ي
فهمان
(0)
(0)
بحب قول للسيد حمامي انو الوقت المتعارف عليه هو الساعة 12 بكل العالم واذا صارت الساعة 12,5 فهو دخل بيوم جديد بحاسب عليه . ما الفندق غلطان .السيد حمامي غلطان بالساعة
جوني سعد
(0)
(0)
من 3 شهور رحت علي تركيا -مارمريس ياااااااااااااا الله شو هالجمال والنظام والادب شي غير معقول وحجزت بي اوتيل 3 نجوم اليوم ب 30 يورو فيها الفطور وغدا وعشا ومشروبات ساخنه وبارده علي طول اليوم (يا بلاش)
سامي
(0)
(0)
اف....اف....اف....اف....شي بيملل منك ومن الشاطىء الازرق......
ابو الحبايب
(0)
(0)
المنتجع قائم على النظام ولو ما كان ناجح ماكان حدى عم يحجز فيه ومع انوصرلو زمان كتير بس لحد الان عم يضاهي المنشاة الحديثة وكومبلي واللي ما مصدق يجي ويتفرج الحمدلله1200غرفة كومبلي
أضف تعليقك :
مقالات أخرى من " فلاش "
 11-3-2015 تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) عكس ... |
 11-3-2015 المحيسني لفضل شاكر : كن داعية إلى الله بصوتك و لا تعد إلى مسارح اللهو و الغناء وجه القيادي السعودي المتواجد في سوريا، عبدالله المحيسني، رسالة إلى الفنان اللبناني، فضل شاكر، الذي كان قد خرج ... |
 11-3-2015 إتهامات عديدة و حديث عن أدلة موثقة .. المليشيات الكردية تواصل ارتكاب الانتهاكات ضد العرب في سوريا ( فيديو ) تشير أصابع الاتهام والإدانة الموثقة إلى مليشيات كردية بارتكاب انتهاكات بحق عشرات الآلاف من المواطنين العرب في محافظة ... |
 10-3-2015 اعترف ببناء منشأة غاز في مناطق سيطرة التنظيم .. جورج حسواني ينفي تورطه بشراء نفط لنظام الأسد من تنظيم "داعش" نفى رجل الأعمال السوري جورج حسواني اتهام الاتحاد الأوروبي له بأنه اشترى نفطاً للنظام السوري من تنظيم "داعش" ... |
 10-3-2015 لقاء " سري " بموافقة المخابرات الفرنسية يجمع علي مملوك بـ " موظف فرنسي كبير " في دمشق قالت وسائل إعلام فرنسية إن لقاء سرياً جمع واحداً من أبرز موظفي وزارة المالية الفرنسية، مع اللواء علي ... |
 10-3-2015 المعارضة ليست ضد مؤسستي الجيش و الشرطة .. خالد خوجة يهاجم سعي أمريكا لتدريب المعارضين : غير كاف و لا معنى له قال رئيس الائتلاف السوري خالد خوجة، إن ما يسعى الأميركيون للقيام به لجهة تدريب 15 ألف معارض خلال ... |
 10-3-2015 قال إنه لم يعتزل و أكد تواجده في سوريا .. جمال معروف : نقاتل من دون تسمية خوفاً من تنظيم القاعدة دحض جمال معروف قائد «جبهة ثوار سوريا» كل المعلومات التي أفادت باعتزاله العمل العسكري وانكفائه في تركيا منذ ... |
 10-3-2015 ناشط سوري و عروسه يتبرعون بنفقات حفل زواجهم لإقامة مهرجانات للأطفال المحاصرين من قبل قوات الأسد ( صور ) احتفل الناشط السوري "أحمد أبو الخير" المقيم في مدينة اسطنبول بتركيا بزواجه بإقامة حفلات و مهرجانات للأطفال المحاصرين ... |
الله يعوض عليك