إعلانات
كل شيء مرتبط بـ " التفييش " في دمشق .. كيف يجدد السوريون جوازات سفرهم في ألمانيا ؟
الجمعة - 12 كانون الاول - 2014 - 22:12 بتوقيت دمشق
التفاصيل


أكد سوريون مغتربون في ألمانيا أن تجديد جواز السفر السوري لدى السفارة السورية، مرتبط بشكل مباشر بموافقة سلطات الأسد في دمشق، بغض النظر عن الاجراءات المتبعة.

ويحتاج كل من يريد تجديد جواز سفره إلى تصويره وإرساله عبر الفاكس إلى سفارة النظام في برلين، مرفقاً الصورة برقم هاتفه.

وينتظر مقدم الطلب مدة أسبوعين أو ثلاثة أسابيع إلى حين وصول قرار الموافقة أو الرفض من قبل سلطات الأسد في دمشق.

وتقوم السفارة بالتواصل مع المقدم عبر الهاتف، وفي حال الموافقة يدفع صاحب الجواز 162 يورو رسوم تجديد، كما يجب عليه الحضور شخصياً إلى السفارة لاستلام لتجديد الجواز القديم أو تسليمه الجواز الجديد.

ويقول سوريون في ألمانيا، إن معاملة موظفي السفارة في ألمانيا "محترمة"، إلا أنهم نادراً ما يجيبون على الهاتف، ما يضطر السوريين إلى السفر إلى برلين خصيصاً من أجل تسيير أمورهم في السفارة.

عكس السير


التعليقات :
ربى خير بيك
(22)   (21)
اول مرة تنصفوا الموظفين الاوادم المناح
لؤي
(31)   (66)
طبعا لازم موافقة ..3 أرباع العالم مخالفة,,معيدين هربانين و ناس ما دافعة بدل,الدولة باعتن ليدرسو و بياخدو رواتب منها و بسبو الدولة و بقولوك ما حنرجع!!! يعني سرقة عينك انت عينك,,,الموظفين بالسفارة كلهن محترمين و اكابر بصراحة,و الي وضعو نظامي ما حدا بقرب عليه لا هو و لا وين ما كان
إلى الشبيح لؤي
(32)   (12)
قلتلي طبعا لازم موافقة، أكيد لازم موافقة وإلا كيف بدكن تسرقو من العالم 3 الاف دولار منشان جواز سفر؟!! وفوق هيك بدك ياهن يدفعو بدل، بدل شو؟ بدل ماتعوضو الناس بدك ياهن يدفعو بدل إذا مابدهن يشاركو معك بالإجرام؟ بعدين 3 إرباع العالم مخالفة، ليش 3 أرباع العالم معيدين وناس مو دافعة بدل!!! بس أنا بقلك ليش بتصير العالم مخالفة، لانو نظامك كلو مخالف وماشي بعكس السير. قلتلي معيدين باعتن الدولة، أنو دولة؟؟ الي عم تشلف براميل وصواريخ وكلور ع البشر؟ ولا الدولة اللي لمت أرزل خلق الله من العراق ولبنان وأوزبكستان وإيران وجابتهن ليلطمو ويقولوا يازهرا شردناهن! سرقة عينك انت عينك، شو رأيك تفتح عينك انت مزبوط وتطس شبيحة الدولة تبعك وهنن عم يعفشوا البلد
مغترب
(10)   (17)
من الطبيعي في مثل هذه الظروف ربط تقديم الخدمات لاي مواطن بموافقة دمشق انا مغترب في الصين اريد تجديد جوازي قدمت طلب و تمت الموافقة بعد اسبوع من تاريخ تقديم الطلب تحية لموظفي السفارة في الصين
لؤي
(18)   (15)
طبعاً مارح يعجبكن الحكي,,,الحقيقة صعبة لأنو,,مافي أسهل منها تقولو للناس شبيح وكافر بس لأنو بخالفوكن بالرأي أو بقولولكن الحقيقة...انا قلت 3 ارباع العالم مخالفة مو معيدة ,,ابقى اقرأ منيح!!! مخالفة يعني ما بيتجدد جوازهن لأنو يا لاجئيين يا معيدين هربانين يا ما دافع بدل,,أكيد حينهز بدنكن وقت حدا بينتقد تصرفاتكن المخزية..اذا الدولة سيئة فإنتو بتااااتاً ما أحسن,,وهلأزمة فرجتنا شعبنا الأكابر الي بدو كرامة و بأول لحظة ركب بأول قارب و اجى يطلب مساعدات و لجوء,,,شعبك الي بدو الازمة تبقى ليضل هربان و ما يرجعوهن,,شعبك الي مفكر الحرية تروح علسفارة و تبلبش تبعبع وتعيط عأساس زلمة وفهمان ووقت بروح عدائرة حكومية بألمانيا بصير متل التوتو,,,شعبك الي المعارضة مقسمة لألف فئة اغلبهن حرامية و مرتشين وفاسدين,, يلا كرولنا شريط ايران و الشيعة و المجوس و شبيحة وبراميل و....الخ صرلكن 3 سنين عم تعيدو هلاسطوانة و ضعيتولنا القضية و ضيعتولنا البلد و ضيعتولنا حاضرنا و مستقبلنا,لك ما عاد حدى بالعالم أصلا احترم قضيتكن لأنكن حولتوها لصراع ديني مقيت غبي
الحمد لله
(5)   (1)
الحمد لله لسى في ناس بتحب هل الوطن وتحكي الحق
دفع البدل
(14)   (1)
يعني يا سيد لؤي المحترم,
اذا انت مانك دافع بدل لازم ما يجددولك الجواز و أذا جددوه بس لسنة وحدي؟
أخي أنا ماني دافعوا و لا معي أدفعوا شو بدك ياني أعمل ؟ تفضل خبرني بكون مجرم و مخالف و ضد الدولة و مسترخص أرواح العالم؟
أخي مافي مبداء بالعالم بيقلك تتحكم بجوازات البشر, اذا برجع على البلد بلا ما أدفعه بيحقلك تاخدني على الجيش أو تعملي محكمة عسكرية لأني متخلف بس أنك تحرمني من جواز سفري هي ما صارت غير بالغابة !!
حبيبي أنا ماني شبيح و لاني ارهابي و لا أسلامي ... هلا بتقلي ملحد و كافر لانو ما بيعجبك الحكي ...
أخي أنا بدي شي و هو حقي أو أقل حقوقي كأنسان ... أنا بدي جواز سفر بلا ما أشحد لجيب ال 8000 دولار .
يعني يلي معنا عم نبعتهم لنعيش عالم خسرت بيوتها و أشغالها و خسرت كل شي بيعنيلها بالحياة و لساتهم صابرين و قاعدين بالبلد و بيقولوا يلي بصير على العالم بصير علينا بس نتركهم يشحدوا مشان نلم هال 8000 دولار هي ما مظبوطة و انو نتدين لنجيب هيك مبلغ كمان ما منيحة و ما حدا مرتاح و إذا أتديناهم شلون بدنا نردهم ؟
لاقيلنا حل يا مؤيد و يا معارض !!!
إلى الطبل
(16)   (5)
بكل دول البشر .. الجواز يكون مدته 10 سنين .. ويتم تغييره فقط لتغيير الصورة .. مو كل سنتين ولازم تأجل جيش مجرم او تدفع بدل لجيش مجرم .. بكل دول العالم البشر يجدد جوازو بنفس اليوم .. ما يستنى موافقة مخابرات جوية وعسكرية ومخابرات الفلافل .. بكل دول البشر ...

بالنسة للثورة والصراع الديني المقيت .. صاحب بشار الاسد هو اللي استعان بحزب لبناني شيعي قبل حتى ما تجي داعش او النصرة اللي حطيتو كل حجج الله فيها


حاجه علاك .. حرامية ومجرمين وكذابين .. حوش


منتظر الفرج
(0)   (1)
أنا وافق على تجديد جوازي فقط ست أشهر وصري ثلاث أشهر أنتظر الجواز شغلة فاضية
إلى الشبيح لؤي-يتبع
(7)   (9)
شكرا لأنك صنفت حالك بالخانة الصح، انت مالك من شعبي، انت شعب لحالك انت والشبيحة وجيش الدفاع الوطني وعصائب أهل الضلال و.... بس تذكرو انو البلد الي عاملينها مزرعة رح ترجع بإذن الله لأهلها. مشكلتكن انتو الشبيحة أنو ماعندكن فكر، يعني لو كان عندكن فكر ماكنتو شبيحة وبتتفاخرو بصوركن والصرماية العسكرية على راسكن وبقلبها وردة (أما شو صورة)!!! يعني بفهموكن بقناة الدنيا والإخبارية السورية أنو أهل درعا و حمص وحلب تركو رزقهن و هربو ع الأردن ولبنان و تركيا منشان المساعدات واللجوء؟!!! ع كل حال مافي داعي نكرلك شريط إيران والمجوس والشبيحة والبراميل لأنو ان شاء الله رح تشوفهن بعينك وقت اللي بيزتو شي برميل على بيتك وانت وأهلك
لؤي
(7)   (5)
يا أخ ( دفع البدل) في قانون بأي بلد و الناس بتمشي عليه و شغلة دفع البدل مو جديدة,,انت قلت "اذا برجع على البلد بلا ما أدفعه بيحقلك تاخدني على الجيش أو تعملي محكمة عسكرية لأني متخلف بس أنك تحرمني من جواز سفري هي ما صارت غير بالغابة !!" كلام غير صحيح هني بقولولك انزل جددو من سوريا و هنيك يا حياخدوك علجيش يا أما بتدفع البدل هدا القانون,,اختلفنا او اتفقنا عليه هدا الوضع نحن مو سويسرا لتقلي حقوق انسان,,لنصير عالم منحب بلدنا ومنفهم شو يعني مواطنة وشو يعني مجتمع مدني و منحب بعضنا تعا قلي حقوق انسان,,الي شفناه خلال الأزمة أثبتلنا انو نحن ببساطة غير جاهزين للتغيير.. و لا نقعد نضحك عبعض اطلع بباقي بلدان ما يسمى العالم الثالث كلهن عندهن قوانين فايتة بالحيط ,,عسبيل المثال,,بهنغاريا اذا كنت من ابناء البلد و بتدرس بالجامعة في قانو انو مافيك تترك البلد بلا ما ترجع كلشي دفعولك اياه خلال دراستك مصاريف!!! فليش مستغرب عدولة متل سوريا انو تفرض شغلة البدل,, هون بأوروبا بياخدوا أكتر من 40% ضرايب من راتبك يعني بالنهاية يمكن تكون ضد قانون البدل بس اذا هيك لازم الكل يخدم جيش بلا أي استثناء وممنوع من السفر,,هيك الكل بكيف.... قبل الأزمة ما كان هلموضوع موجود وشغلة الجوازت هي أحد نتائج الحرب,,انا متفهم المعاناة تبعك وماطالع بالإيد شي
لؤي
(10)   (5)
إلى الشبيح لؤي-يتبع ,,عزيزي انت كيس حكي متل غالبية المعارضة,واذا كنت مفكر اني من محبي النظام السياسي بسوريا فانت غلطان,,بس أنا بفصل بين النظام الحاكم والدولة,,انا بحب وطني و كل حجرة فيها غالي عقلبي,,والله لا يوفق كل مين ضر هلبلد,,بس اذا كان النظام سيء فانتو أبدا ما أحسن ,,ولو بتمسكو السلطة لتعملو العمايل,,فقبل ما تنتقد حدا اطلع على خطابكن واطلع على اساليبكن,,لك كيف بتطالب بالحرية و المساواة و انت بمجرد قراءة تعليق حللت كل الشخصيات و حكمت عليهم شبيحة ,,وعم تكرر متل الببغاءالصورة النمطية الي صرعتونا فيها من 3 سنين!! نفس الحكي و نفس اللعي هففف شو مملين,,مو ملاحظ انو ما عاد لكلامكن قيمة!! مو ملاحظ انو هدا الكلام راح زمنو,,مانك قادر تشوف انو في شي علأرض تغير!! ترجع الأرض لأهلها قال,,لمين لداعش و لا للنصرة!!!
إلى الطبل 2
(7)   (1)
في قانون بالبلد نمشي عليه .؟؟؟؟؟؟؟؟؟؟؟!!!! ... لعما شو انا ناس بنحب الخراب والدمار والقتل .. مدام في قانون والبلد ماشية عليه ليش صارت كل هالقصة من الاول .. ناس بطرانة مافي كلام ... القانون اللي بينكتب عن طريق مجلس شعب معين عن طريق المخابرات مع تمثيلية تزوير اسمها انتخابات .. هاد مو مجلس خرج يكتب قوانين يا استاذ .. بعدين قوانينك ودستور ما بيسوو حق الورق اللي مكتوبين فيه .. شخطة قلم من ايد الرئيس تبعك بيلتغى القانون والدستور .. وحلو والله انو اعترفت انو ما عندنا حقوق انسان وانو نحنا مو سويسرا .. هي اول مرة شبيح بيعترف بهيك قصة ... جوازك هو حق إلك كمواطن مهما كانت الظروف ركز على كلمة حق .. مو يصير جوازك هو سبب بالبهدلة والعذاب والشنططة ... نجي لموضوع الضرايب .. انا خذ من راتبي 50 بالمية ضرايب وعطيني خدمات صحية وتعليمية وطرقات وشوارع ونظافة مثل الخلق ما بزعل .. بس مو تحط قوانين الهدف منها تضيق عيشة العالم وتسرق مصاريهم وفي المقابل ما في شي بدالها لا خدمات ولا صحة ولا تعليم ولا شي ... لما تجيب سيرة القانون احكي عن رئيس ودولة تحترم القانون مو بس تطبعو عالورق وترميه عالرف .. والدولة تصير ماشية بمراسيم جمهورية .. مرسوم جمهورية لرفع سعر البيض .. مرسوم جمهوري لتخفيض سعر الفلافل .. مرسوم جموري لمنع استيراد البصل .. شو هالدولة وهالبرلمان وهالقانون اللي كلو بيوقف على كلمة مرسوم جمهوري ... الله يرضى على عقلك لا تتفلسف بشي مو عرفانو

حلب يا نبع من الألم
(5)   (0)
الدولة مو دولة ابوه لحتى كل يوم ينتعنا قانون جديد مكتوب على كيفه منشان يمنعنا من اخذ حقنا واللي هو الجواز .. يا اما تخدم بجيش قتل اهلك وحبابك يا ما ما في جواز .. يا اما تدفعلو بدل ليجيب فيهم ايرانيين وعراقيين يقتلو بأهلك وقرايبينك


عيب خلونا نحب بعض حاجة بقى
(1)   (1)
اولا جوازات السفر لاتمنح مباشرة و لا في دولة في العالم قدتستغرق لمدة اسبوع الى شهر و هذا يعود الى نظام بيانات و وجب التاكد من الشخص ثانيا الى الذين يعيشون في اوربا هل يوجد اي شخص يحصل على اقامته في نفس اليوم رغم انه يكون قد استوفى كل الشروط ثالثا بالنسبة للمدة تعتمد على نوعية الطابعات و الحبر و النظام لذلك لا مشكلة رابعا نا مع ن يعطى جوز السفر بغض لنظر عن الخدمة لعسكرية خامسا اينما ذهبنا و مهما فعلنا فنحن سوريين و يجب ان نبحث عن الاشياء لتي تجمعنا و احترامي للجميع
مهندس مغترب
(0)   (0)
هل الشي بكل السفارات مو بس بالمانيا
دفع البدل
(0)   (0)
أصدقائي جميعا, خلينا نطلع من موضوع مؤيد و معارض لأنو الإتهامات شغالة بيناتكم و كل واحد عم يصنف العالم و هو ورا مكتبه أو عم يشرب سيكارة .... يا شباب و يا لؤي انا بعرف أنو الموضوع جديد و بعد الأزمة بس هاد مانه مبرر أنو تفرض على العالم يا بتجي بخدم عسكرية يا ما بعطيك جواز سفر, أخي الموضوع أنساني أكتر ما هو فساد و إملاء و فرض شروط ..... أنا أعتبرني أحسن من غيري و أحولي المادية منيحة بس في 90% من الشعب عم يعيلوا عوائل ما عائلة وحدي و ما فيهم يدفعوا هيك مبلغ و الشعب السوري عم يشتغل باي سعر اليوم لأنو ما مرغوب و العرض كبير بسوق العمالي و طبعا إستغلال الظروف من قبل صاحب العمل. فإذا حكومة بلدي ما عم ترحمني بدك الغرباء يرحموني.... يعني أكتر من 95% من توفير هالشعب بالغربة عم يروح لسورية لدعم الأهالي , والله يا صاحبي الموضوع بدو تفهم أكتر و رحمة من طرف صاحب القرار. ما حدا طالب نصير السويد بس نحنا كنا أحسن من كتير دول رغم وجود الفساد و المحسوبيات و كل الشي السيء يلي كان موجود بس ما معناتها نتحول للأسواء .... العالم طلعت تسأل عن حرية رأي و ديمقراطية و بدها تعمل معارضة و خربت الأمور و صار يلي صار بكل تعقيداته بس الحكومة لازم تتحسن ما تروح للأسواء مشان يلي كان ضدها بسلمية يحس أنو في أمل يحس أنو صوته وصل... خففوا حدة على بعض يا شباب لأنو الكل متضضرر و الكل خسر و الكل عم يخسر بهيك وضع. لا تخلوا الغريب يلعب فينا, لا تخلوا حدا يصادر مستقبلنا و لا تخلو حدا يذل السوريين لأنو عيب عكل واحد فينا.
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " طافشيين "

11-3-2015
تنفيذ حكم القتل بحق " مهرب مخدرات " سوري الجنسية في السعودية
نفذت وزارة الداخلية السعودية حكم القتل تعزيراً بحق "فادي صبحي عبداللطيف عبدالرزاق" – سوري الجنسية – بتهمة تهريب ...


11-3-2015
موسكو لا تعتبر أن ما يجري في سوريا يستدعي اللجوء .. آمال السوريين اللاجئين في روسيا لا زالت خائبة
بعد فترة انقطاع عن الدراسة استمرت ثلاث سنوات وجد خمسون طفلا سوريا من اللاجئين في روسيا مكانا لمواصلة ...


11-3-2015
وزير الدفاع اليوناني يهدد بإرسال المهاجرين غير الشرعيين والتكفيريين إلى غرب أوروبا
 هدد وزير الدفاع اليوناني بانوس كامينوس بأن تفتح اليونان حدودها أمام اللاجئين ومن بينهم اعضاء محتملون في تنظيم ...


10-3-2015
الإمارات تحذر من خطر التطرف في مساجد ألمانيا .. ووزير ألماني يدعو لدعم اللاجئين السوريين و العراقيين تجنباً لظهور "الإرهابيين"
أعرب ولي عهد إمارة أبو ظبي الشيخ محمد بن زايد آل نهيان عن مخاوفه من انزلاق المزيد من ...


10-3-2015
وسائل إعلام تركية تكشف سبب إغلاق المعابر الحدودية مع سوريا
كشفت وسائل اعلام تركية، يوم أمس الاثنين، سبب إغلاق السلطات التركية لمعبري باب الهوى وباب السلامة مع سوريا. ...


9-3-2015
السلطات اللبنانية تحضر لـ " تسوية أوضاع " اللاجئين السوريين و توزيعهم على مخيمات جديدة بالقرب من الحدود
قالت صحيفة السفير اللبنانية الموالية لنظام الأسد، إن المئات من النازحين المقيمين في مخيمات عرسال بادروا خلال الأيام ...


9-3-2015
دراسة : الألمان في غرب ألمانيا أكثر انفتاحا على المهاجرين
خلافا للولايات المتحدة، كان الحديث عن موضوع الهجرة إلى ألمانيا لايأخذ من اهتمام المواطنين الألمان في السابق. غير ...


9-3-2015
أمين عام حزب ميركل يطالب بقانون هجرة في ألمانيا
 ما يزال بيتر تاوبر، الأمين العام للحزب المسيحي الديمقراطي الذي تتزعمه المستشارة أنغيلا ميركل، متمسكاً بحملته لإدخال قانون ...