بالجرم المشهود .. القبض على عصابة تروج لحوم " جحاش" و " فطايس" في حلب الاحد - 11 أيلول - 2011 - 14:14 بتوقيت دمشق
التفاصيل
ضبط مركز شرطة منبج، أمس السبت، عصابة تعمل على ترويج لحوم " جحاش" وحيوانات نافقة ( فطايس)، بالجرم المشهود أثناء قيام اثنين من أفراد العصابة بتقطيع " جحش" نافق على الطريق العام قرب مدينة منبج. وعلم عكس السير أن دورية يقودها الملازم أول عبد الوهاب الخلف رئيس مركز شرطة منبج، كانت تتجول على الطريق العام، ضبطت شخصا يحمل سكينا يختبئ بين الشجر، في أحد البساتين على الطريق العام، حيث حاول الشخص الاختباء لدى مرور الدورية. ولدى التحقيق في الحادثة، اكتشفت الدورية وجود شخص آخر في سيارة مركونة بين الأشجار. كما اكتشفت الدورية أثناء معاينة المكان أن الشخصين كانا يقومان بتقطيع " جحش" نافق، بهدف بيعه لقصابين في حلب. ولدى معاينة السيارة، عثر بداخلها على عجل نافق، اعترف المقبوض عليهما انهما اشترياه من سوق منبج، بهدف ترويجه في حلب. وعلم عكس السير أن المقبوض عليهما من سكان مدينة حلب يدعى الأول "ناجي. ع " ويبلغ من العمر 35 عاماً، ويدعى الثاني "خلوف . ش" ويبلغ من العمر 28 عاماً. و لدى التوسع في التحقيق اعترف المقبوض عليهما انهما يعملان في ترويج لحوم الحيوانات النافقة و " الجحاش" منذ نحو عام، بالتعاون مع قصابين اثنين في حي " الميسر " في مدينة حلب، يقومان ببيع اللحوم للأهالي. كما اعترفا أن " الجحش " الذي كانا يقومان بتقطيعه عثرا عليه نافقا على الطريق اثناء عودتهما من سوق منبج بعد شراء العجل النافق. ولايزال المقبوض عليهما موقوفان في مركز شرطة منبج، في حين جرى تعميم اسمي القصابين اللذان يقومان ببيع اللحوم، ليتم إلى القبض عليهما. ويشدد القضاء على هذا النوع من الجرائم، حيث تصل العقوبة إلى حبس لمدة سنة، إضافة إلى غرامات مالية كبيرة. علاء حلبي - عكس السير |
ثانياُ قبل الحكم عليهم بأي شيئ يجب أن يأكلوا من هذه اللحوم الفاسدة طيلة فترة حبسهم حتى يشعروا بما فعلوا بالمواطنين لأنهم نسوا هناك أطفال وأشخاص كبار السن ولكن المال أعماهم وأتمنى من الله عز وجل أن يفقدهم نعمة البصر حتى لايروا شيئ بعد الآن
حرام و الله اللي بيعمل هذا الشيئ لا عنده ذمة و لا ضمير و لا اخلاق و لا دين و لا ........
بس ليش ماتم ذكر أسماء القصابيين مادام تم تعمييم أسمائهم مو لازم بهيك حالة يتم تشهير أسائهم لأنو يلي عم يعلمو بضر بالمصلحة العامة ..؟؟
سؤالي واضح ارجو الرد عليه من اخوتي القراء
والقصابين في الاحياء الشعبية
اخذين مجدهم روحو شو فو في صلاح الدين كيف تخلط تحويشة الكباب من عدة انواع من اللحوم
منها نعجة وفطايس وفطيمة وكلاب وتباع على اساس خاروف والعالم عم تتخورف والكل بدو ياكل لحم
ولايرضى القصاب الا ان يشكل على كيفه لكي تربح معه بيحطلك كيلو مكلفه 100 ليرة يباع 550 ليرة حكينا وشكينا كتير والعلاج تشميع كم يوم وبيرجع كل شيء مثل ماكان
لازم اقل شي تكون عقوبه رادعة على اقل 5 سنوات
شعب عايف حالو
في ناس بتعرف انو هي الحمة لحمة فطايس وعم تشتريها لانو يالحمة فطيس يا بعمرو ما بياكل
وهدول يلي انمسكو في متلن كتييييييييير صرلن عمر عم يبيعو لحم فطيس وما صار شي
خليها على الله لا تعليم لا رقابة لا دخل لا خوف من الله لا شي ابدا
ورح يضل دائما في من هي الناس اذا ما صار رقابة من دون رشلوي ومحسوبيات
لانو حاميها حراميها
هالصورة كانت خرج تنحط بصفحة (الصورة بتحكي )
ع الاقل كنا استمتعنا بالتعليقات بدل هالقرف
وجع بنص بطنكن على هالاخلاق والنفس الدنية والحقارة بدكن اقصى العقوبات دد
لعمى الضربكن على عملتكن السودة
يعني انا المواطن بينحط بتمي جحش وهدلونيك بياخدوا مصاري وسيران لمدة سنة ..!!
بتمنى تتخذ بحقهم وحق القصاب الي بالميسر يلي عببيع اللحم للناس اقصى العقوبات وياريت لو يقضو فترة سجنهم كلها ما ياكلوا الا لحم حمير
على مبدا القاتل يقتل
واللي بيطعمي الناس لحم حمير لازم ياكله بيقولو انه القصابين بيغشو بس مو لدرجة يطعموا الناس لحم حمير وفطايس اين رقابة الضمير
يعني يوم اللي الله بيكرمنا ومنجبنلنا كيلو ولا اتنين أول الشهر بتطلع اللحمة فطيسة ؟؟خافو الله يا عالم ؟؟
عجب كم جحش صار آكلين والله ما بعرف؟؟؟
لازم اعدام على الخازوق
يخرب بيتن من حالن لحم جحاش
الله لا يوفقن بجاه الحبيب محمد
ماتت الانسانية والجشع عمى عيونهم
الله لا يسامحهم هالوحوش هدول
الله وحده يعلم أى لحوم حيوانية هذه,المجرم الحقيقى هو الذى يدخل ويسمح بادخال هكذا أنواع من اللحوم الغير معروفة النوع والمصدر الى سوريا وبالمقابل يسمح بتصدير أغنامنا العواس والتى لايوجد مثيل لها فى الأرض قاطبة الى الأعراب فى السعودية والكويت وغيرهم بهدف تحقيق الأرباح الخيالية , ان وضع لصاقة مزورة على لحم الحمير لا يجعل هذا اللحم لحم غنم أو بقر..محاسبة المسؤول عن ادخال هذه اللحوم الى الوطن ستكون أشد مما يتصور الكون وعاجلا وليس أجل .
هدول لازملون خاوزززززززززء مو حبس
هني كلن هل كم حمار شايفين حالنا فيهن بدن يدجبحوهن
والمسخرة وين سجن سني مع غرامة لك لي بيعمل هيك شغلة بيتوئع منو يعمل كلشي
طيب ليش ما بيحطو اسماؤهم و اسماء الملاحم اسم المنطقة اللي موجودين فيها حتى يصيروا عبرة لغيرهم و اظن ساعتها سنة سجن رح تكون كافية لان اسمهم و شرفهم المهني ( ان وجد ) رح يكون بالحضيض و ما حدا رح ينساهم ابدا
بصراحة هم أشدّ سوءاً وأعظمهم جرماً لما يقترفونه بحق أبكتم لأناء وطنهم.
لقد وصلنا إلى الدرك الأسفل من مسيرة الإنهيار الأخلاقي في مجتمعنا, وفوق كل هذا يحدثونك عن الدين والأخلاق وكأن شيئاً لم يكن.
هنيئاً لكم فماذا تركتم لأبناءكم؟!!
واطفالي مابيحبوا غير سندويشة شاورما
بس يلي صار أنو اصواتهن بلشت تخشن
وصار صوتهن متل الجعير
واكتر من هيك
انهن رسبوا بالمدرسة السنة الماضية
معقول أنا عم طعميهن لحم جحاش؟؟؟
لسه بيتهمو الدولة بالفساد ..لك والله الفساد مننا وفينا ...من المواطن نفسه ..من اصغر واحد لاكبر واحد..
من ناس ما عبيعرفو يربو ولادن..
من ناس ما بيعرفو بالدين شي..
لك انا ما عبقول يتفقهو بالدين ...لك بس يخافو الله...
عجب محضرين لجواب لسؤال الله في يوم القيامة عن هالموضوع..
ويفضل الحل الاول لانو حياة الناس مو لعبة بايدين بعض الحيوانات
أخ يا بلدي و آخ يا شعبي شو عبصير فيك !!!!!!!!!!
كما ان هذه اللحوم مقرفة
نصيحه للجميع لا تشتري الا من قصاب موثوق
معي حق اكره اللحمة وبحب الجيج :)
قلة الدين والضمير والاستهتار وصل لهذا الحد ؟؟!!
لازم الدولة تدعم المجرمين متل هدول وتطعمهم كل يوم وجبتين لحم جحااش قبل ماحدا يتواسط لهم ويطلعوا براءة
انا عندي رفيقي عسكري عل حدود العراق وقلي المهربين عم نشوفن عم يدخلو جحاش على سوريا التلو شو بيعملو فيهم قلي ؟؟؟ مابعرف التلو ماشي
بس هلئ صار كل شي واضح والسلام
تحياآآتي ارجو النشر
اخوكم سليم
[email protected]
الله يرحمك يا ابو خالد حميضة ويجعل مثواك الجنة مع الشهداء والابرار والصالحين
بعدين مو ضروري تذطرو اسم المنطقة لان اذا كاتن في قصاب آدمي وبيخاف الله قطعتو رزقو لان الكل رح يشك هلا ..احسن شي الواحد مايشتري الا مايسشوف الدبيحة بعينو ولاحد يشتري من براد لحمة مقطعة جاهز !!
بس وين صحة وتموين بس مو شي جديد مادام اللحمة عتنباع في شوارع هي وخبز ومكسرات وحلويات وتوابل كله مكشوف للذباب وعوادم السيارات الله يحمينا
ويمكن اذا رح يبقى الوضع هيك يمكن رح نضطر انو نأكل لحم الجحش والحمير ونقول طيب وصحة وهنا على قلوبنا
هاهاهاهاهاهاهاهاهاهاهاهاهاها
و اذا اكلت دجاج بتطير لان الهن جوانح
هاهاهاهاهاهاهاهاهاهاه
مافي حل
كيلو اللحمة ب ....... و الاغنام عم تطلع من البلد و تتهرب بطريقة مشروعة مئة بالمئة و الناس عم تجوع و تشتهي تاكل اي لحم انشالله يكو قطط, هيدي سياسة تغيير النظام الغذائي لسكان سورية و حتى تغيير الهرمونات و منشان يبقا تفكيرون بالاكل يعني متل الحمير
مكترييين والله
كتيررررررررر اقل شيء 3 جحاش بس نسي ياخذ القشة والراس
منيح والله طمنتونا انة بينسجن سنة وبيرجع بطلع بطعمينا من هل جحاش مرة تانية ..وثالثة ..
بس بتعرفوا من جهتي عرفت هلق ليش ولادي بالبيت مئضينه ع ترفيس ببعض مو تاري عم بطعمونا لحم جحاش !!!!!
ليش لحد الان نحاول حمايه المجرمين من الفضيحه
يجب و ضع الامور في نصابها و تسمية الامور بمسمياتها
الحرامي حرامي و المجرم مجرم
فعلا شي غريب
الحق على يلي عم يصدر
500 الف رأس غنم للخليج
ويحرموا الشعب من ريحة
لحمة بلده .
مو حرام كل هل الغلا على اللحم
ولا هادا من الرفاهيات .
يالها من عقوبة صارمة!!!
كيف اجا من قلبن
ومعقول هالقصة في منها كتير ياربي دخيلك الله يجيرنا يارب تنزل عقوبتن من عندك ياااااااااااااارب لان ماعاد في ضمير شو بس سنة العمى الله يفضح كل واحد بيعمل متلن انشالله عاجلا غير آجل يخرب بيتن والله ماعم بقدر صدق لكن المطاعم شو؟؟؟؟؟؟؟
اما السبب فهي ان الدولة ممثلة بوزارة الزراعة والاقتصاد تسمح بتصدير عشرات الالاف من أغنامنا لينعم بها ابناء الخليج وحفنه من المصدرين والمسؤولين بينما يصبح كيلو اللحم ب 1000 ليرة سورية لموظف رااتبه 15000 ليرة سورية ولا يترك له الا لحم الجاموس او الفطايس . افتحوا الملف وحاسبوا الذين سمحوا بالتلاعب بلقمتي ولقمة ابنائي. واستفسروا من وزارة الاقتصاد عن فلسفتها في هذا المضمار ووزارة الزراعة عن صمتها على الموضوع . الوطن في خطر.
بس لما بتصير العقوبة عشر سنين هداك الوقت مارح تشوفو حدا عم يسترجي يعمل هيك
مابقي غير لحم جحاش وفطايس !!
المسؤولية تقع في الجانب الأول على من نفق لديه حيوان ما ورمى به على قارعة الطريق أو في ترعة ماء وعلى الأكثر فان صاحب هذا الحيوان يقطن بالقرب من مكان القاء الجثةو وبالتالي يقع عليه الجزء الأكبر من المسؤولية. علما بأن نفوق حيوان ما ورميه بشكل عشوائي يمكن أن يتسبب في انشتار جائحة مرضية خطيرة. ويجب أن تكون العقوبة هنا مادية وتتناسب مع حجم الأذية التي يمكن أن يتسبب بها هذا الاهمال.
في الجانب الثاني عندما تحدث جائحة مرضية في مكان ما يقوم أصحاب الحيوانات بعرضها للبيع قبل نفوقها ويتم ذبحها وتسويقها بدون أن تمر من المسالخ الرسمية وبذلك تقع المسؤولية هنا على من يقوم بالاتجار بهذه اللحوم. و لايكفي الشجن في هذه الحالة بل أن يجب أن يتم فرض عقوبة مالية رادعة.
الجانب الثالث: وزارة الزراعة تعمل على اجراء مسح احصائي للثروة الحيوانية في محافظات القطر ويتم اجراء هذا المسح من قبل عناصر الوزارة الذين هم على علاقة وثيقة مع المزارعين .
ومن هنا نقترح انشاء وحدة اتلاف للحيوانات النافقة من قبل ادارة الصحة الحيوانية في وزارة الزراعة , بحيث يتم حرق هذه الحيوانات ضمن شروط صحية تضمن عدم انتشار الأوبئة. وبذلك يتم تفويت الفرصة على من تسول له نفسه بيع حيوان مريض أو نافق أو من يرى تحقيق كسب مادي ضاربا بعرض الحائط بكافة القيم الدينية أو الاجتماعية .
كما يجب معاقبة من يتورط بهذه الأعمال بالتشهير به ومنعه من مزاولة مهنة تجارة اللحوم.
يحبسوهم شهر وهنن طالعين يعطوهم حمارين هدية ليكملو شغلهم بلسوق . حرام قطع الأرزاق ولو !
وهذا اكيد مايعانيه المسؤولين يلي كتير بيدفعوا حق اللحمة ياخطي
يااخي والله حرام نصدر اللحم لبرى ومانقدر نشتريه في بلدنا
وناكل لحم حمير وطني وومستورد كمان
ان شاء الله كل مسؤول عم يتاجر بمعيشة الناسيجيه يوم ما يقدر يشتري حتى لحم الجحاش
بس ياحرام لوين وصلنا ؟؟؟؟؟؟؟؟؟؟؟؟قطعنا مرحلة الفساد بكتير
الله يكون بعون رئيسنا في تطهير البلد من متاجرين بارواح البشر من تجار ومسؤولين
لانو لما يكون عندهم سلعة لمصلحتن الشخصية بيوقفوا التصدير وبيحاربوه لحتى يخلصو بضاعتن وبقدرة قادربيرجع بينفتح التصدير
مو حرام تاكل الناس اللحم المجمد والله اعلم بمصدره ونوعيته لانو بتتحدد بالمصاري مواصفاته وحسب طلب التاجر الدفيع
(ملاحظة) ليش مايكون المجمد اكل المسؤولين ياحبيب؟؟؟؟؟؟؟؟؟؟؟
انا احترمكم , واحترم الشعار الذي اتخذتموه في اعلى الصفحة للقائد الخالد حافظ الاسد هدفا لغايتكم النبيلة لغد افضل لكن,
السلبية تغطي معظم الصفحات, وصفحة حلوة يا بلدي هزيلة وفقيرة, سأبدي رايي بصراحة, انا مغترب, واشتاق لوطني واحزن عند رؤية هذه السلبيات بينما الدول الاخرى تنهض ,اراجع اخبار بلدي من خلال صفحاتكم واحزن شديد الحزن للحال الذي وصلنا اليه
اتمنى منكم زيادة صفحة من خلالها تبدون فيها انجازات فعلتموها من خلال محاربتكم للفساد, لا تعرضو الاخطاء فقط, اقترحوا حلولا او اظهروا من خلال هذه الصفحة ما تم تصحيحه من هذه الاخطاء والا ومع احترامي الشديد لجهودكم, لا داعي من نشرها ان لم تلق اذنا تسمع,وتنفذ, هذا الموقع ليس للتعليقات الساخرة لمواضيع جد احيانا لا تصدق لهولها, هدفي من ذلك الا نصل لمرحلة تموت فيها قلوب السوريين وتصبح مسالة سماعهم لخبر (متل هالخبر الي نشرتوه عن بيع لحوم البهايم) خبر عادي يعلق عليه بسخرية
ويعني إذا هنن حمير بدون يخلو العالم كلون يصيرو حمير متلون
و ابشركم رح تاكلو لحوم منوعه لتشبعو
و لا تستغربو يجيكم يوم تدوقو لحم القطط والكلاب و الفئران
حسبي الله ونعم الوكيل
بس انا جاوبوني على هالسؤال
يا المسؤلين على امن هالوطن
شو رح تعملو امام الله يوم الحساب ؟؟؟
عموما انا من رايي - العقوبه خلوها 5 شهور بلاها سنه
خطي حرام
مشان هالشعب ما ينحرم اللحمه
نسأل الله العافية والسلامة في ديننا وفي بلدنا وفي اهلنا
11-3-2015 مستشار القائد العام للحرس الثوري : قادتنا العسكريون حرروا 85 % من الأراضي السورية قال مستشار القائد العام للحرس الثوري الإيراني، اللواء حسين همداني، إن "القادة العسكريين الإيرانيين قد حرروا 85% من ... |
11-3-2015 السلطات قامت بتصفية مجموعات عائدة إلى البلاد .. الحزب الشيوعي يكشف عن صينيين يقاتلون في صفوف " داعش " أفاد أمين عام "الحزب الشيوعي الصيني" في منطقة شينغيانغ غرب الصين بأن متطرفين صينيين انضموا إلى تنظيم "داعش"، ... |
11-3-2015 تهريب أسلحة و كوكايين .. السجن 16 عاماً في نيويورك لنجل رئيس " سورينام " بتهمة مساعدة حزب الله حكمت محكمة في نيويورك الثلاثاء على نجل رئيس سورينام بالسجن لأكثر من 16 عاما بتهمة محاولة تقديم الدعم ... |
10-3-2015 محكمة فرنسية تحكم بالسجن 3 سنوات على رجل ساعد فتاة أرادت الذهاب إلى سوريا للانضمام إلى " داعش " اصدرت محكمة باريسية الثلاثاء حكما على رجل بالسجن ثلاث سنوات لانه ساعد فتاة في الرابعة عشرة من عمرها ... |
10-3-2015 مع تدهور الأوضاع الأمنية في الداخل اللبناني .. الشرق الأوسط : " حزب الله " بين المعركة و الحل السياسي في سوريا لا يبدو «حزب الله» المنهمك حاليا بمعارك سوريا وخصوصا تلك المحتدمة على الجبهة الجنوبية وبالتحديد في مثلث القنيطرة ... |
10-3-2015 الشبكة السورية لحقوق الإنسان : طائرات التحالف تسببت بمقتل أكثر من 100 مدني في سوريا أفادت الشبكة السورية لحقوق الإنسان، أن قصف قوات التحالف الدولي على تنظيم داعش، ضد مواقع التنظيم ومواقع أخرى ... |
9-3-2015 مستشار الرئيس الإيراني : عدنا " إمبراطورية " كما كنا .. و عاصمتنا الآن هي بغداد قال علي يونسي، مستشار الرئيس الإيراني، حسن روحاني، إن "إيران اليوم أصبحت امبراطورية كما كانت عبر التاريخ وعاصمتها ... |
9-3-2015 صحيفة : دمشق القديمة تتحول لـ " مربع أمني " لحزب الله بعد تفجير حافلة تقل شيعة لبنانيين بالكلاسة بالقرب من سوق الحميدية وسط دمشق مطلع شهر شباط الماضي، بات ... |