|
مصدر حكومي: الحكومة ستشغل كل الخريجين الجامعيين و ستدفع راتب سنة للخريج مقابل تشغيله في القطاع الخاص الاثنين - 28 شباط - 2011 - 11:47 بتوقيت دمشق
التفاصيل
قال مصدر حكومي، أمس الأحد، إن مشروع تشغيل الخريجيين سيتكفل بتشغيل كامل الخريجيين الجامعيين على قانون العمل، بحيث يتم تدريب الخريجين وتأهيلهم، كما ستقوم الحكومة بدفع راتب يوازي راتب القطاع العام للخريج ولمدة سنة عندما يعمل بالقطاع الخاص على أن يتم التعاقد معه لمدة خمس سنوات في القطاع الخاص بموجب قانون العمل . و أكد المصدر أن هذا المشروع الذي أقرته الحكومة مازال يدرس وتوقع أن يكون جاهزاً خلال شهرين على أبعد حد من خلال إخضاع الخريجين الجامعيين للتأهيل والتدريب والتخطيط لتمويل برامج التدريب التي يحتاجونها . و أشار إلى أن فكرة تشغيل الخريجين تتلخص بإيجاد عمل للشباب الجامعيين في القطاعين العام والخاص بحيث سيتم إيجاد آلية تعاقد جديدة معهم وستكون المرحلة الأولى تعبئة الملاكات الشاغرة في المؤسسات الحكومية لاستيعاب ما يمكن استيعابه من الخريجين من خلال تشكيل قاعدة بيانات حول الاحتياجات . كما أكد المصدر أن الحكومة رفعت شعار الخطة الخمسية الحادية عشرة "التشغيل الكامل" وفي إطار ذلك يتم العمل لتكثيف التشغيل سيتم إطلاق المشروع الذي يستهدف تأمين عمل لأكبر عدد ممكن من خريجي الجامعات خلال السنوات القادمة. من خلال الإعلان عن فرص العمل المتوافرة في القطاع العام . و نقلت صحيفة "الوطن" المحلية، عن المصدر الحكومي، قولَه إن التعاقد مع الخريجين سيكون على قانون العمل رقم 17 على حين يأخذون حقوقهم ورواتبهم وفق قانون العاملين الأساسي ( راتب الدولة) . وقال المصدر" إن الهدف من هذا البرنامج هو تشغيل الشباب من الجامعيين والخريجين في الجامعات والمعاهد في الأماكن والجهات التي هي بحاجة فمثلاً من يحمل شهادة جغرافيا أو تاريخ يمكن تعيينه في مكان إداري أو في البلديات والتي فيها نسبة عالية من الموظفين بشهادات متدنية لأن الخريج يكون قابلاً للتعلم والتدريب أكثر من غيره" . و أضاف أن الفكرة من تعيين الخريجين على قانون العمل حسبما تعني المرونة في التعيين أولاً من خلال آلية التعاقد بعيداً عن الدخول في المسابقات وآليات التعيين في القطاع العام لرفد الدولة بكفاءات شابة من جهة ومن جهة أخرى إن من يثبت عدم قدرته على أداء العمل يمكن تسريحهُ بسهولة كما يحصل في القطاع الخاص ولكنه يكون قد كسب التدريب والتأهيل والتأمينات الاجتماعية . أما الشق الثاني من المشروع فهو الاستفادة من برنامج التدريب من أجل التشغيل المضمون في هيئة التشغيل بحيث يتم تدريب الخريجين وستقوم الحكومة بدفع راتب يوازي راتب القطاع العام للخريج ولمدة سنة عندما يعمل بالقطاع الخاص على أن يتم التعاقد معه لمدة خمس سنوات في القطاع الخاص بموجب قانون العمل . و أكد المصدر أن التوجه العام للبرنامج سليم فهو ليس توظيفاً اجتماعياً وأن نسبة الجامعيين المتعطلين في سورية يبلغ 4% من عدد العاطلين عن العمل البالغ 432 ألف عاطل عن العمل . يُذكر أن هذه هي المرة الأولى التي تعلن فيها الحكومة عن مزاوجتها بين قانونين هما قانون العاملين الأساسي في الدولة وقانون العمل المطبق في القطاع الخاص فسيدخل الخريجون الجامعيون اليوم إلى القطاع بترتيب حكومي مختلف ومن الباب التنظيمي والإداري الآخر ألا وهو قانون العمل رقم 17 لعام 2010 القانون . و نوّهت "الوطن" إلى أن هذه الخطوة ربما تعتبر تجربة حكومية جديدة غير معروفة النتائج من خلال خلق توظيف خليط ممزوج بالعمل بعقلية القطاع الخاص وتقاضي نفس راتب القطاع العام . عكس السير
شارك الخبر على :
|
التعليقات :
ماهر
(0)
(0)
تخرجت منذ27 عام وابحث عن عمل يشملني القرار ومازلت عاطل عن العمل ماذا افعل بهذا القرار خاصة عند اعلان عن عمل يجب ان يكون من عمر 25 الى 35 كحد ادنى اعطوني الحل يااصحاب الراي السديد
محمد ابن البلد
(0)
(0)
لك الله حيو الحكومة
والله العالم لتروق خير الله وأنا أولن لأني عمبدرس هندسة مو عرفان شو وضعي
والله العالم لتروق خير الله وأنا أولن لأني عمبدرس هندسة مو عرفان شو وضعي
ادلبية وبس
(0)
(0)
والله خبر بيفش الخلق منيح تلحلحوا شوي
بس سؤال بالنسبة لالنا نحنا يلي مو دارسين شو رح منساوي
تعليم مفتوح سكتوا بوجهنا والجامعات الخاصة بدها ميزانية احد الوزراء ليمشي الحال وندخلها صحي شو رح منساوي ولاكالعادة دائما في حدا بياكلها وهو المواطن يلي مادرس او ماعندوا واسطة
ولك زمااااااااااااااااااااااااااااااان
بس سؤال بالنسبة لالنا نحنا يلي مو دارسين شو رح منساوي
تعليم مفتوح سكتوا بوجهنا والجامعات الخاصة بدها ميزانية احد الوزراء ليمشي الحال وندخلها صحي شو رح منساوي ولاكالعادة دائما في حدا بياكلها وهو المواطن يلي مادرس او ماعندوا واسطة
ولك زمااااااااااااااااااااااااااااااان
siba
(0)
(0)
صرلي 8 سنين متخرجة من المعهد و مسجلة بمكتب العمل و ما حدا اتصل فيني و طلب مني روح على شي مسابقة
انشاء الله يتنفذ هالقرار و يمشي الحال
انشاء الله يتنفذ هالقرار و يمشي الحال
علا
(0)
(0)
كيف يعني عقلية القطاع الخاص وتقاضي نفس راتب القطاع العام؟
معروف أن القطاع الخاص رواتبه ضعف لأن العمل وضغط العمل به أكثر؟
وما هو وضع التثبيت بالعمل في القطاع الخاص؟ وهل له راتب تقاعدي؟ وهل الدولة ستدفع سنة واحدة فقط أم بشكل دائم وله راتب تقاعدي مع العلم أن الشخص يعمل بالخاص؟ وهل يحق لموظفي الدولة التقدم لهذا النوع من التوظيف وترك وظائفهم الحالية مع بقاء سنوات الخدمة؟
معروف أن القطاع الخاص رواتبه ضعف لأن العمل وضغط العمل به أكثر؟
وما هو وضع التثبيت بالعمل في القطاع الخاص؟ وهل له راتب تقاعدي؟ وهل الدولة ستدفع سنة واحدة فقط أم بشكل دائم وله راتب تقاعدي مع العلم أن الشخص يعمل بالخاص؟ وهل يحق لموظفي الدولة التقدم لهذا النوع من التوظيف وترك وظائفهم الحالية مع بقاء سنوات الخدمة؟
انشالله يصير هالحكي فعل
(0)
(0)
خريجي الجامعة الجداد اكتر الناس مظلومين من ناحية التوظيف..يعني كل سنين هالدراسة وتقديم الامتحانات وتحصيل شهادات وزيادة خبرة بعمل دورات,بتروح عالفاضي..ليش ؟ لأنو الخريج وقت يجي بدو يشتغل بدو يشحد الشغل شحادة.واحلى الشي ارباب العمل يلي طالعين بفنّة جديدة..انو ما بيوظفو خريج جامعي لأنو تأميناتو الاجتماعية اعلى من غيرو..والله عيب عيب وحراام..يعني اقل منها.
ومع احترامي لكل الشهادات العلمية..بتلاقي شهادة البكالوريا و المعاهد بتشتغل مكان الوظيفة يلي هية مناسبة ومن حق الشهادة الجامعية..اي انو الله قال هالحكي..
املنا فيكي كبير يا حكومة..ومنتمنى انصاف الشهادة الجامعية واعطاء الخريجين حقهم الطبيعي بالوظيفة
ومع احترامي لكل الشهادات العلمية..بتلاقي شهادة البكالوريا و المعاهد بتشتغل مكان الوظيفة يلي هية مناسبة ومن حق الشهادة الجامعية..اي انو الله قال هالحكي..
املنا فيكي كبير يا حكومة..ومنتمنى انصاف الشهادة الجامعية واعطاء الخريجين حقهم الطبيعي بالوظيفة
ياريت
(0)
(0)
ننتظر بفارغ الصبر هذا اليوم
عباس
(0)
(0)
بارك الله جهودكم و وفقكم و سدد خطاكم في و ضع صيغة مناسبة لهذا القرار الرشيد
عا طل من زمان
(0)
(0)
والخريجين من قبل الالفين شو بيعملو محسوبين ولا ضمن ال4%ولا سقطو بالقدم
خادم النساء
(0)
(0)
بشرفي إذا ها المشروع اتنفذ سأعود لوطننني ، وألف ألف شكر للي عم يفكر وينفذ .
مواطن
(0)
(0)
عن جد أحلى خبر قرأته على عكس السير
ألف شكر لسيادة الرئيس و كل الجهات المعنية
ألف شكر لسيادة الرئيس و كل الجهات المعنية
مابتضبط
(0)
(0)
مابتزبط لان راتب القطاع الخاص ضعفي راتب الحكومة على الاقل والعمل 5 اضعاف عمل القطاع العام لذلك اعتقد انه مارح تزبط معن.
مومهم
(0)
(0)
حابة اعرف ايمت رح يصير التنفيذ بس واذا خريجين الحقوق رح يستفيدو ولا لا؟
مغتربة
(0)
(0)
والله شي حلو خلي هل الشباب تشتغل بس العترة راحت على ما معو شهادة
مواطن
(0)
(0)
الله يسمع منكن
سوري
(0)
(0)
هذه الاخبار جميلة جدا ولكن كثيرا ما سمعنا عن ها الكلام ولايطبق منه سوى 10%
اين الوظائف ؟
اول الشي يعينوا الناجحين بالمسابقات بعدين نحكي بغير شي
طبعا مثل مسابقة المصرف العقاري الذي لم يتم الى الان تعيين احد ولانعرف انهم سوف يعينوا فقط بالمصرف العقاري ام سوف يعين كافة الناجحين
ومسابقة الاوقاف ايضا شحو
نرجو من الحكومة السرعة بالاداء
بالاضافة الى اعادة النظر بقانون الضرائب الذي اصبح يتعب كاهل المواطن السوري
فكرة التدريب كتير ممتازة لكن يجب مراقبة ذلك عن طريق الدولة
ما يدشو الوضع كامل للقطاع الخاص الي يبحث عن الربح فقط لاغير
الشكر الكبير لقائد هذه الامة الدكتور بشار الاسد
اين الوظائف ؟
اول الشي يعينوا الناجحين بالمسابقات بعدين نحكي بغير شي
طبعا مثل مسابقة المصرف العقاري الذي لم يتم الى الان تعيين احد ولانعرف انهم سوف يعينوا فقط بالمصرف العقاري ام سوف يعين كافة الناجحين
ومسابقة الاوقاف ايضا شحو
نرجو من الحكومة السرعة بالاداء
بالاضافة الى اعادة النظر بقانون الضرائب الذي اصبح يتعب كاهل المواطن السوري
فكرة التدريب كتير ممتازة لكن يجب مراقبة ذلك عن طريق الدولة
ما يدشو الوضع كامل للقطاع الخاص الي يبحث عن الربح فقط لاغير
الشكر الكبير لقائد هذه الامة الدكتور بشار الاسد
محمد ماهر
(0)
(0)
السؤال المطروح الى قيادتنا الرشيدة أين أولا المشاريع العملاقة وحتى المتوسطة لكى تستوعب هؤلاء الشباب فقبل أن نعطى الأمل الى شبابنا فى القضاء على البطالة على حكومتنا الرشيدة أن تجد المشاريع وأعتقد بأن بلادنا لخمسون عاما تستطيع أن تشغل شبابنا لأننا فى أمس الحاجة الى مشاريع طرق وهدم أبنية قاربت المائة عام على عمرها وأصبح منظرها يخجل كل من يمر بجانبها مدارس ومستشفيات أيضا بحاجة نحن لها ماعدا المصانع التى نحتاجها فى كل المجالات من الأبرة الى السيارة أى نحتاج الى نهضة صناعية جدية فبعد أن نفكر بهذا التفكير عندئذ نستطيع أن نقول للشباب سوف يتم تأمين العمل لكم فكم يحزفى نفسى أن أرى صباحا أرتال وأرتال من السيارات والباصات وهى تنقل الألاف من المهندسين والعمال الى مقر أعمالهم وأين فى مدينة صناعية فى الأمارات لايتجاوز عدد سكانها حى من أحياء حلب الشهباء بينما مدننا للأسف شبابها يشكو من البطالة أين الغلط ياحكومتنا الرشيدة
ربي يسر
(0)
(0)
الله يسمعنا الاخبار الطيبة مشكورة الجهود المبذواة
مهندس
(0)
(0)
انا خريج هندسة من دولة سوفيتية عم عدل شهادتي واتمنى ان نكون مشمولين بهاد القرار
اقتصاد ولكن
(0)
(0)
ممكن نعرف بس هالاحصائية
4% و 432 الف عاطل
من اين مركز اعتمدتوا عليها
4% و 432 الف عاطل
من اين مركز اعتمدتوا عليها
ميسر
(0)
(0)
ممتاز بالتوفيق يا رب
رنا
(0)
(0)
يشمل المدرسين اي خرجين كلية العلوم قسم الرياضيات
خريج مع وقف التنفيذ
(0)
(0)
خطوة جيدة و مشكورة من الحكومة الكريمة
ولكن ما رد الحكومة على طلبنا من وزير التعليم ايجاد حل لمشاكل التعديل لخريجي الجامعات الأجنبية الخاصة والذين ولسوء حظهم تزامن تخرجهم مع صدور قرار عدم الاعتراف ؟
أرجو حل مشاكل المعادلة من أجل استفادة الوطن من شبابه يشكل كامل
ولكن ما رد الحكومة على طلبنا من وزير التعليم ايجاد حل لمشاكل التعديل لخريجي الجامعات الأجنبية الخاصة والذين ولسوء حظهم تزامن تخرجهم مع صدور قرار عدم الاعتراف ؟
أرجو حل مشاكل المعادلة من أجل استفادة الوطن من شبابه يشكل كامل
yasmeen
(0)
(0)
نحن الناجحين بمسابقة البنك العقاري رح يصرلنا سنة ولسا ما تعينا
!!!!!!!!!!!
!!!!!!!!!!
!!!!!
؟؟
!!!!!!!!!!!
!!!!!!!!!!
!!!!!
؟؟
مغتربة في دبي
(0)
(0)
تخرجت من عام 2000 من معهد ملتزم على اساس اتوظف فورا كل رفقاتي توظفوا الا انا رغم محاولاتي الكثيرة وماعطوني شهادة من المعهد قال شو لازم اخدم بالدولة 6 سنين جيت بدي طالع جواز كتبوا بجوازي ربة منزل قلتلو بجبلكن وثيقة التخرج قاللولي اوعى اذا معهدك ملتزم انتي ممنوعة من السفر لحتى تخدمي بالدولة 6 سنين لذاك ضل مكتوب بجوازي ربة منزل وعم عاني من هالشي بدبي لذلك على طول بخلي اقامتي على زوجي ؟؟؟ هلق جايين بعد شوو رح يأمنوا فرص عمل اي انا مارح سامحهم ضيعوا مستقبلي
مهندس بيئي
(0)
(0)
خلص يا جماعه الحمدلله انحلت كل مشاكلنا وقررنا نرجع .........
الحمدلله على كل شيء
الحمدلله على كل شيء
أبا الزوز
(0)
(0)
القرار مو واضح منو شي
بس يوضح احكو فيو
بكرا بيلتغى
بس يوضح احكو فيو
بكرا بيلتغى
ذكاء زيود
(0)
(0)
كانت فرحتنا عظيمة حينما صدر مرسوم إحداث النظام من سيادة الرئيس بشار الأسد وزادت فرحتنا حينما صدر القرار (50)لعام 2007عن مجلس التعليم العالي القاضي بمساواتنا مع زملائنا في التعليم العادي بالدرجة العلمية والحقوق والواجبات والامتيازات وقد تم تصديقه و تعميمه من السيد الرئيس للتنفيذ لكن للآسف أول من تنكر له رئيس مجلس الوزراء نفسه من خلال فرز المهندسين واستثنى خريجي الهندسة الزراعية (التعليم المفتوح) من الفرز للعام الرابع على التوالي ولم يستجيب لأية مراسلة أو مناجاة وما سحب على كافة الاختصاصات التعليم المفتوح.....ونرى من الواجب أن يدرك مجلس الوزراء بأننا من أبناء سوريا ولنا حقوق كما علينا واجبات .....فهل نحن مضطرين للتسول رغم الحصول على الشهادة العلمية التي من الواجب أن تحفظ لنا الحياة الكريمة والمستقرة داخل ووطننا الغالي سورية ....أو هل نحن مضطرين للهجرة واستغلالنا و استغلال عقولنا في بناء ونهوض الدول خارجية وسورية هي التي درستنا وتخرجنا منها بأشد الحاجة لابناءها لبناء مستقبلها ورفعتها وفي النهاية دامت سورية قوية عزيزة على مدى الزمان ..
أحمد دبرها
(0)
(0)
انا عمري 36 سنة تخرجت رياض أطفال تعليم مفتوح وأبحث عن عمل هل سيشملنا هذا القرار ولي بنحط راسنا بالطين
ماشي الحال
(0)
(0)
ماشي الحال خلي هل العالم تضيع وقتا بالشغل
ولازم هل الحكومة تشتغل اكتر
حرام ما تكون سوريا متل غيرها من البلدان
ولازم هل الحكومة تشتغل اكتر
حرام ما تكون سوريا متل غيرها من البلدان
yasser
(0)
(0)
هاد كلام ممتاز إذا صار
بس يلي لسى ما تخرجو شو وضعهم ؟؟؟؟؟؟؟؟؟؟؟؟؟؟؟؟
بس يلي لسى ما تخرجو شو وضعهم ؟؟؟؟؟؟؟؟؟؟؟؟؟؟؟؟
تصحر من دير الزور
(0)
(0)
نحن خريجي معهد التصحر من عام 2003 مسجلين بالشؤون وماحدا انتبه لنا
يعني هالقرار يشملنا والا تصحر في تصحر
مع انه دراستنا حلوة بس راح ننسى كل شي درسناه والا اقللكم نسينا كل شي درسناه واذا توظفنا حسب القرار شو راح يكون عملنا ؟؟؟؟؟؟؟؟؟؟؟؟
يعني هالقرار يشملنا والا تصحر في تصحر
مع انه دراستنا حلوة بس راح ننسى كل شي درسناه والا اقللكم نسينا كل شي درسناه واذا توظفنا حسب القرار شو راح يكون عملنا ؟؟؟؟؟؟؟؟؟؟؟؟
المعاصر الواقعي
(0)
(0)
حتى لو اطبق هل الحكي (وما بظن) الوضع نفسو يعني اللي بيتعين بعقد مع القطاع العام أو الخاص ممكن بأي لحظة ينطرد
مثلاً عمال مؤسسة الاقطان الموسميين . والله العظيم اللي بيعرف وضعن أكديد رح يبكي ويزعل على هل الشباب الضايع
أنا برأيي التقاعد المبكر أحد الحلول السريعة , والمحاسبة و مكافحة الفساد وطرد المرتشين حل تاني سريع
بس آآآآه من قلب مجروح وشباب ضائع
رح يصير عمري 35 و وما عم احسن أقدم عل الزواج
الحمد لله على كل حال
مثلاً عمال مؤسسة الاقطان الموسميين . والله العظيم اللي بيعرف وضعن أكديد رح يبكي ويزعل على هل الشباب الضايع
أنا برأيي التقاعد المبكر أحد الحلول السريعة , والمحاسبة و مكافحة الفساد وطرد المرتشين حل تاني سريع
بس آآآآه من قلب مجروح وشباب ضائع
رح يصير عمري 35 و وما عم احسن أقدم عل الزواج
الحمد لله على كل حال
المتفاءل
(0)
(0)
القصة طويلة ومحزنة .
نحن خريجي المعهد المتوسط للهندسة الميكانية والكهربائية / قسم برمجة وحاسبات.
مرت مسابقات كثيرة ولم تشملنا مثل مسابقات التربية اللتي هي حكر على معهد الحاسوب التابعة للتربية , أيضا مسابقة العقاري , وغيرها من المسابقات , علماً بانه يوجد قرار صادر من السيد وزير التعليم العالي بمعادلة شهادة المعهد المذكور مع المعهد المتوسط لهندسة الكمبيوتر .
الأغرب من ذلك أنه لم يتم ترشيحنا أيضاً من مكتب العمل !!!!!
ما العمل ما هو الحل ؟؟
أرجو أن تساعدونا أيها القلم الحر
نحن خريجي المعهد المتوسط للهندسة الميكانية والكهربائية / قسم برمجة وحاسبات.
مرت مسابقات كثيرة ولم تشملنا مثل مسابقات التربية اللتي هي حكر على معهد الحاسوب التابعة للتربية , أيضا مسابقة العقاري , وغيرها من المسابقات , علماً بانه يوجد قرار صادر من السيد وزير التعليم العالي بمعادلة شهادة المعهد المذكور مع المعهد المتوسط لهندسة الكمبيوتر .
الأغرب من ذلك أنه لم يتم ترشيحنا أيضاً من مكتب العمل !!!!!
ما العمل ما هو الحل ؟؟
أرجو أن تساعدونا أيها القلم الحر
sami
(0)
(0)
نحن الناجحين بسابقة القضاة الأخيرة شو وضعنا
.......
(0)
(0)
يا ستي ادلبية و بس..
ما بعرف اذا قريتي العنوان او..
(الحكومة ستشغل كل الخريجين الجامعيين..)
و حسب ما فهمت من قراية تعليقك انو حضرتك مانك متخرجة من الجامعة او يمكن مانك جامعية..
شو بدك الحكومة تجي تفتح لكل واحد قاعد بالبيت باب رزق يعني؟؟؟؟؟؟؟؟
ما بعرف اذا قريتي العنوان او..
(الحكومة ستشغل كل الخريجين الجامعيين..)
و حسب ما فهمت من قراية تعليقك انو حضرتك مانك متخرجة من الجامعة او يمكن مانك جامعية..
شو بدك الحكومة تجي تفتح لكل واحد قاعد بالبيت باب رزق يعني؟؟؟؟؟؟؟؟
أبو أسامة
(0)
(0)
نحن الناجحون في مسابقة وزارة التربية منذ حوالي العام ننتظر التعيين ؟
أحمد
(0)
(0)
راحت علينا ياشباب بس والله لازم مايصير ظلم لازم مايكون في تحديد عمر لانو صار عمري 36 سنة وكل شي وفرتو بحياتي حطيتو على الشهادة ماعندي بيت ولا دخل ..ولا ..ولا ..لا شو بعمل وين بروح بحالي يارب تساعدنا يارب تساعدنا ماالنا حدا غيرك ياالله
بتمنى
(0)
(0)
انا خريجة معهد مصرفي من 8 سنوات وقدمت ع كل المسابقات بس ع الفاضي ومعدلي 70،54 ان شاء الله يشلمني
بعدين بتحقق حلمي
بعدين بتحقق حلمي
ريما
(0)
(0)
هلء انشاللة هالشي بيصير بس ياترى خريجي المفتوح رح يشتغلوا كمان ولا رح نضل بلا شغل
ابو محمد
(0)
(0)
أنا كمان خريج من معهد الميكانيك الكهرباء/قسم حاسبات.
المشكلة انو المعهد سكر وصار في شي اسمو معهد هندسة كمبيوتر والمعهدين تابعين لوزارة التعليم الشيئ الايجابي أنه تمت معادلة المعهدين في التعيين والتوظيف . لكن الأمور ما تزال مزاجية فممكن يطلبونا وممكن لأ
أنا مسجل بمكتب العمل ولتاريخ اللحظة عل الفاضي ؟
طيب وبعدين نحنا مع مين ممكن نقدم مسابقة ياترى ؟؟
الكارثة انو قرار السيد وزير التعليم العالي بالمعادلة غير معترف فيه بغير وزارات , كوزارة المالية قدس الله سر وزيرها.
والله العظيم حرام حرام نحنا نكون بالشارع وغيرنا بيتعين وبيتوظف
يا عكس السير يا منبر الاحرار , يا ريت تتابعوا هل المصيبة
يعني انا شخصياً مليت كتيير
لا خرج زواج ولا خرج شي
ولا حول ولاقوة إلا بالله
المشكلة انو المعهد سكر وصار في شي اسمو معهد هندسة كمبيوتر والمعهدين تابعين لوزارة التعليم الشيئ الايجابي أنه تمت معادلة المعهدين في التعيين والتوظيف . لكن الأمور ما تزال مزاجية فممكن يطلبونا وممكن لأ
أنا مسجل بمكتب العمل ولتاريخ اللحظة عل الفاضي ؟
طيب وبعدين نحنا مع مين ممكن نقدم مسابقة ياترى ؟؟
الكارثة انو قرار السيد وزير التعليم العالي بالمعادلة غير معترف فيه بغير وزارات , كوزارة المالية قدس الله سر وزيرها.
والله العظيم حرام حرام نحنا نكون بالشارع وغيرنا بيتعين وبيتوظف
يا عكس السير يا منبر الاحرار , يا ريت تتابعوا هل المصيبة
يعني انا شخصياً مليت كتيير
لا خرج زواج ولا خرج شي
ولا حول ولاقوة إلا بالله
مواطن درويش
(0)
(0)
انا خريج معهد فندقي 2002\2003\عجب بيمشي حالي وادام الله الدكتور بشار الاسد فوق روؤسنا
طالب جامعة
(0)
(0)
رح يلحشو خريجين التعليم المفتوح برا متل العادة ولا شو؟
وبالاخص الهندسات (معلوماتية_ استصلاح)
وبالاخص الهندسات (معلوماتية_ استصلاح)
طفران
(0)
(0)
شكرا لموقع عكس السير وبنتمنى يوصلوا صوتنا للجهات المعنية بخصوص التعليم المفتوح اذا رح يشملون القرار ولا لأ
انشاء الله
(0)
(0)
كيف رح يتم الإعلام عن الموضوع وإنشاء الله يكون صحيح .
بشار
(0)
(0)
الحلم صعب بدنافعل
sssssssss
(0)
(0)
ردو علي وقولو لي هذا القرار لكل طالب بتخرج ولا بس هذه السنة
فراسو
(0)
(0)
كل واحد ناطر يشتغل هو بالاصل مابدو
يشتغل ياجماعة اذا الواحد ماصنع حالو ماحدا بيصنعو
انا من اول مافتت ع الجامعة وانا عم اشتغل بس انتو شعب بيحب الراحة الله يعين الحكومة نحنا دولة مواجهة يا عالم
لازم نحترم حالنا وحاج نضل نق بنق في مليون شركة طالبة وظائف روحو قدمو وشوفو
يشتغل ياجماعة اذا الواحد ماصنع حالو ماحدا بيصنعو
انا من اول مافتت ع الجامعة وانا عم اشتغل بس انتو شعب بيحب الراحة الله يعين الحكومة نحنا دولة مواجهة يا عالم
لازم نحترم حالنا وحاج نضل نق بنق في مليون شركة طالبة وظائف روحو قدمو وشوفو
فراسخو
(0)
(0)
ليش الواحد فيكون لينطر الوظيفة
ليش مابيقدم ع القطاع الخاص رواتب ممتازة ...في وما حدا يقول مافي
والله يديم عز القائد فوق راسنا
نحنا اكتر دولة مستقرة بالعالم كلو
سوريا الله حاميا
ليش مابيقدم ع القطاع الخاص رواتب ممتازة ...في وما حدا يقول مافي
والله يديم عز القائد فوق راسنا
نحنا اكتر دولة مستقرة بالعالم كلو
سوريا الله حاميا
مجنون رسمي
(0)
(0)
السلام عليكم بليز الرد بسرعة شو الحد الادنى للعمر والحد الاقصى ليقبل التوظيف حسب القانون الجديد لتوظيف وشو النسبة للمعدل ولكم جزيل الشكر
abdo
(0)
(0)
بصراحة ياشباب قطاع الخاص بدو اشراف لانو بصراحة القطاع الخاص عنا وضعو متردي من ناحية التامينات وجو العمل انا افضل القطاع العام
جامعي
(0)
(0)
انا خريج كلية تربية لعام 2007 اين ستكون مجالات التوظيف وهل هناك توظيف في قطاع التربية لان المدارس حسب اعتقادي بحاجة لمدرسين فانا اصبح لي عامين اخذ وكالة للتدريس
007
(0)
(0)
قرار حلوة بس لازم يكون مدروس الكتر من هيك يعني نحنا طلاب المعاهد التوسطة والمراكز التدريب شو بدنا نساوي نتفرج ولا في شي قرار بيشمنا متل وزارة السياحة يعني بحيث تفتح مجااال بيخدم الطلاب السيااحيين والفندقية وريت ولكم جزيل الشكر ........................
مهندس نسيج ندمان
(0)
(0)
ياجماعة هي تاني سنة بيتوظفو كل الهندسات الا الغزل والنسيج طيب يلغو هالاختصاص من الجامعات اذا ما بحبوه يعني كمان مو منطقي انو من اصل 150 مهندس ماتعينو كان 73 غزل ونسيج والباقي من كافة هندسات سوريا اصحاب المعدلات القلية مع العلم انو عنا طلا معدلاتن فوق ال70 ما شمو ريحة الوظيفة ولا تقولولي ما النا مكان لانو وقت منشوف مهندس بترول بوزارة الأوقاف منعرف انو النا مكان
مكيف
(0)
(0)
تحية طيبة من القلب إلى سيادة الرئيس بشار الأسد على ها القرار الحكيم والسديد والله يطولنا بعمره.أنا خريج أدب إنكليزي وإنشالله بشملني هذا القرار لانه بحاجة لوظيفة-ولكم جزيل الشكر.
مهندس نسيج
(0)
(0)
أنا بقترح يلغو هندسة النسيج من سوريا أصلا لأنو ما عم يعينو حدا منها ، قال اشتغلو بالقطاع الخاص ما حدا يغلط هالغلطة و يدرسا
هنا
(0)
(0)
هل خريجي 1997 غير مشمولين وراحت علينا كل هل سنين
البحررررررررررررررررررررررررررررررررررررررررررررررررررررر
(0)
(0)
هاد القرار بس السنة ولا دايم يعني انا سنة رابعة اذا تخرجت باذن اله بتوظف ولا لأ ولا بدن يوظفو الي حصلو على الشهادة وصارو ختايرا وينسونا نحنا الي عاصرنا ولحقنا التطورات والعلوم الحديثة
سين ميم راء
(0)
(0)
انا صارلي سنتين متخرجة ادب عربي ولم اعين لا بعمل ولا بمدرسة والله هاي جريمة يعني الشهادة وتعبنا نكبوا بالمي
فاقدة الأمل
(0)
(0)
أنا معي معهد متوسط فنون نسوية منذ 1997 ومهعد القيادة الدولية للحاسوب وخريجة كلية التربية منذ2009 واذرس معهد لغات حاليا .....وعاطلة عن العمل وعمري33 سنة وبتقولوا وظايف وفرص لمين ؟؟؟حاجة تنيمونا
قامشلي
(0)
(0)
ارجو ان يكون التنفيذ سريعا لأني مليت من القعدة بلبيت
أنا خريجة معهد متوسط هندسة كهرباء تخرجت منذ 2006 وحتى الان انا لااعمل
أنا خريجة معهد متوسط هندسة كهرباء تخرجت منذ 2006 وحتى الان انا لااعمل
زينة
(0)
(0)
دايما بتوعدونا وبنقول بكرا بنوظف او اليوم بكرا وبكرا
اخدنا شهادة عربي قالولنا قدمو ع دبلوم فورا بتتوظفي
اخدت دبلوم ولهلأ عم نستنا
شايفة عم ناخد هالشهادات ونعلقها ع حيطان
وبنقول انشالله
اخدنا شهادة عربي قالولنا قدمو ع دبلوم فورا بتتوظفي
اخدت دبلوم ولهلأ عم نستنا
شايفة عم ناخد هالشهادات ونعلقها ع حيطان
وبنقول انشالله
رضوان
(0)
(0)
أنا خريج تعليم مفتوح : دفعنا لفوأنا وتحتنا كرمال نحصل على شهادة جامعية نستطيع بها تحسين أمورنا سواء المادية أو الأجتماعية لكن ياحسر ا لما تخرجنا اكتشفنا أنو هادا كان ملعوب من الحكومة الغرض منه الحصول على المال فقط دون مقابل وممن المال من فئة الشباب الطامح والذين هم أغلبهم من الفئة المتوسطة والفقيرة والدليل على أنها نصبه استمرت الحكومة الجديدة بالعمل بقرارت الحكومة السابقة دون إي تعديل أو تحسين صورة هذه القرارت المجحفة !!(بعمري ماسمعت أو شفة بالعالم الحديث حكومة عم تنصب على شعبا)
منال
(0)
(0)
هل سيكون التعيين خارج المحافظه ام حسب رغبة الطالب
أضف تعليقك :
مقالات أخرى من " شباب و طلبة "
 10-3-2015 وزيرة التعليم الألمانية تعتزم توفير دعم تعليمي إضافي لأبناء الأجانب تعتزم وزيرة التعليم الألمانية يوهانا فانكا توفير المزيد من الفرص لأبناء المهاجرين في ألمانيا. واعتبرت الوزيرة في تصريح ... |
 24-2-2015 الإعلان عن موعد بدء التسجيل في برنامج المنح الدراسية التركية أعلنت "مؤسسة المنح التركية (Türkiye Bursları)" عن فتح باب التقدم بطلب الحصول على منحة للدراسة في تركيا لكل ... |
 22-2-2015 12 ألف طالب في التعليم المفتوح يوقفون تسجيلهم في جامعة دمشق قالت وسائل إعلام النظام عدد الطلاب الذين تقدموا بطلبات توقيف تسجيل لبرامج التعليم المفتوح، بلغ 1200 طالب في ... |
 20-2-2015 ألمانيا تعترف بالمؤهل الدراسي لأكثر من 25 ألف مهاجر أفادت بيانات صادرة عن الحكومة الألمانية بأنها اعترفت حتى الآن بشهادات أكثر من 25 ألف مهاجر يقيمون في ... |
 18-2-2015 مديرية المنح و البعثات في الحكومة السورية المؤقتة تطرح استبياناً لمعرفة عدد الطلاب المنقطعين عن الدراسة طرحت مديرية الإحصاء و مديرية المنح والبعثات في وزارة التربية والتعليم في الحكومة المؤقتة استبياناً لمعرفة عدد الطلاب ... |
 14-2-2015 أفضل 10 جامعات في تركيا لعام 2015 أعلن مركز التنسيب و التقييم والاختيار في تركيا (ÖSYM) ترتيب الجامعات على مستوى تركيا لعام 2015. ووفق هذا ... |
 14-2-2015 الأوراق المطلوبة للتسجيل في الجامعات التركية الأوراق المطلوبة للتسجيل في الجامعات التركية اضغط على الصورة لرؤيتها بالحجم الكامل عكس السير ... |
 9-2-2015 جامعة غازي عنتاب تفتتح أكثر من 20 برنامجاً باللغة العربية أعلن رئيس جامعة غازي عنتاب أن مؤسسته التعليمية تستعد لإطلاق أكثر من 20 برنامج في اللغة العربية، بما ... |