إعلانات
إعلانات
مواطن يترك عمله و يسعى في دوائر الدولة ليثبت انه " ليس سامر "
الاحد - 28 آذار - 2010 - 18:29 بتوقيت دمشق
التفاصيل
إعلانات

تسبب خطأ في الاسم بالحجز على منزل مواطن " لاعلاقة له بالحجز " ، الأمر الذي كلفه ترك عمله لمدة شهر كامل و " السعي " في دوائر الدولة ، كي يتم تصحيح الخطأ .

وقال المواطن " علي ديري " الموظف في جامعة حلب لـ عكس السير  : "  فوجئت بصدور قرار حجز على منزلي دون أن أعلم سببه ، ولدى مراجعتي للمسؤولين تبين أن القرار صدر بحق شخص يدعى سامر وليس علي ".

وقام " ديري " بمراجعة مديرية المصالح العقارية ليتم تصليح الخطأ ، ورفع إشارة الحجز عن منزله ، إلا أن الأمر لم يمر " بالسهولة التي توقعها " ، حيث كلفته عملية تصحيح الاسم شهراً كاملاً من السعي بين مجلس المدينة ومديرية المصالح العقارية ، ليتم في النهاية شطب اسمه ووضع الاسم الصحيح " سامر " .

وعلق " ديري " بالقول : " لا أعلم كيف يمكن وقوع خطأ كهذا ، لقد شغلتني هذه القضية عن عملي لمدة شهر كامل ، أتمنى أن يكون الموظفون أكثر دقة ".

يذكر أن المشكلة التي تطلب العمل على حلها شهر كامل انتهت بورقة موجهة من مجلس مدينة حلب إلى مديرية المصالح العقارية توضح أن المطلوب الحجز على منزله هو " سامر " وليس " علي " .

علاء حلبي - عكس السير


التعليقات :
مهندس مغترب
(0)   (0)
لالالالالالالالالالالا

الالالالالالالالالالاجديد في بلادنا
life path
(0)   (0)
سبحان الله صدق من قال يا قاعدين الله يكيفكن شر اللي جايين
إجته هالقصة على غفلة عبطته شهر كامل وما كان حاسب حسابها

بس إنو عدم المؤاخذة وين وجه الشبه بين سامر وعلي ! شكلو الموظف اللي خربط كان آكل فول وقتا
مواطن مقهور
(0)   (0)
يا اخ علي انت نسيان انك في حلب
فارس ابوراسين
(0)   (0)
طيب هالزلمي ماعندو شي اخ او ابن عم او اي قريب اسمو سامر بيمشي الحال وبيطلب تنفيذ الحكم
حلبي متعصب بموضوعية
(0)   (0)
إشبك معصب ومحموق المليجي
يعني الموظف خربط باسمك بدال ما يكتب سامر كتب علي
إش هالشغلة العظيمة
وإذا تركت شغلك شهر رايح جاي عبتخفق من هون لهون
إش كفرنا يعني
العماااااااااااااا اش هالعالم هي
واحد
(0)   (0)
وهيك بيكونوا امهلوه ل سامر شهر كامل من الحجز
معن سلقيني
(0)   (0)
خطأ كبير بلا شك ولكن يجب على السيد علي عدم الاكتفاء بالشكوى لعكس السير , برأيي أن عليه رفع دعوى على الجهة المسؤولة عن هذا الخطأ سواءا كانت مجلس مدينة حلب او مديرية المصالح العقارية ويطالبهم بكل العطل والضرر وان لا يكست عن حقه فإن سكت هو و سكت غيره و غيره عندها فقط يصبح هكذا خطأ (عادي) و حسب رأي الموظفين أقل من ان يزعج صاحب العلاقة الذي بالحرف الواحد ولمدة شهر (انخرب بيته) وطلع من المولد بكلمة اللهم لك الحمد انك رجعتلي بيتي لعصمتي
صبحي
(0)   (0)
والله حرام نحن بالقرن الواحد والعشرين وبعصر النت والشبكات والكمبيوتر وتحصل هل الاخطاء ارجوكم وصلوا الرساله الى الذين يبعثون التعاميم وبدون ذكر اسم الاب والام والخانه والرقم الوطني حتى لايتكرر عذاب سامر اخر ارجوكم ارجوكم
نور (شب مو بنت)
(0)   (0)
يذكر أن المشكلة التي تطلب العمل على حلها شهر كامل انتهت بورقة موجهة من مجلس مدينة حلب إلى مديرية المصالح العقارية توضح أن المطلوب الحجز على منزله هو " سامر " وليس " علي " .
احلام ابو الهنا توكلنا
(0)   (0)


سوريا الدرب الوحده العربية


يسلم هالشعب الكله رقة وحنية

هههههههههههههه


انشروووو ياااااابي بعيتك
ديمقراطي مكبوت
(0)   (0)
لالا اسمك سامر ..شو انت تفهم اكثر من الدولة
اعترف امك سامر اعترف ..!
sam_syria@live.com
(0)   (0)
ليش معصبين علي متل سامر متل محمد

كلو عندو العرب صابون
من السويد
(0)   (0)
يحمد الله انو الشخص المطلوب طلع سامر مو مواطن يعني لو المطلوب اسمو مواطن كيف راح يحلها لان حتى لو كان اسمو علي راح يبقى مواطن ومابتكفي استقالة مو اجازة شهر
مراقب
(0)   (0)
هل أنت على قناعة تامة بأنك لست "سامر"؟

الموظف لايخطئ
تصرفك غير حضاري تجاه ممثلي الدولة
مسلكك لا يلائم سمعة ونزاهة خدام الشعب

يبدو أن في الأمر لغزاً تخفيه ياسيد علي، والله أعلم ..............
طرطوسية®
(0)   (0)

اضحك بعبك انو مشت الشغلة بعد شهر

منيح ماقالولك نفذ ثم اعترض وكان انباع البيت بالمزاد العلني وانت باعوك بالعزا

بتصير بأرقى الدول

المهم بالأخير طلعت مو سامر عن جد ولا قدمت رشاوي لحتى مشي الحال؟؟

معلم الحلبية
(0)   (0)
يا ريت اسمي سامر كانت كل العقارات ملكي هههههههههههههه
hussien
(0)   (0)
صاحب الا المشكلة راح زبط حالو بس يخروها شهر عشاان وصتو ما كان موجود وراح عملو هيك لعبا عشان الاافندي اتااني يخد وقت وكمان يخلص حالو
rose
(0)   (0)
اعترف إنك سامر !!
ابن منبج
(0)   (0)
ياسيد علي انت افهم منهم حتى تجي تقول انو اسمك سامر اتقى الله هما يعرفون الكبيرة والصغيرة راح يعسر علييهم اسمك روح راجع نفسك او اسئل اهلك ماكان ببالهم يسمونك سامر لا تفتري عليهم - بس قول حسبنا الله ونعم الوكيل
الموظف منزه
(0)   (0)
شوف يا أخ سامر ، موظفي بلدنا كلامهم منزل وإذا قالوا لك أنك سامر معناها أنت سامر ، حتى لو تشهد كل أمة لا إله إلا الله أنك علي ..خلص ثبتوك سامر
إلا إذا مديت إيدك على جيبك .....يعني خمسمية ليرة بتخليك مو تصير علي بتحسن تصير خالد وعمر وليلى ومنى وإش بدك تصير بتصير
صارت مع شخص بعرفه
(0)   (0)
مرة أجت البلدية بشان تهد بيت شخص ، وأجت مع البلدية كل شرطة حلب ومسؤولي القطاع كلهم
وعندما وصلوا إلى الموقع لم يستدلوا على بيت الشخص المطلوب
بس كبيرة أن يرجع جماعة البلدية بدون هدم خاصة وأن الشرطة والمسؤولين معاهم
فقاموا هدوا بيت شخص تاني بصير ابن عم الشخص المطلوب


الزلمة انخرب بيته وعندما صار يصرخ أنه ليس الشخص المطلوب قاموا الشرطة شحطوه معهم بالسيارة وعيلته ارتمت بالشارع
ياسلام
(0)   (0)
ياعمي هاد شي منو كتير وبعدين أنت في البلدية ومعروفه كلها عصابات من الكبير لحتى الصغ ير والله لايدخل حدا عليها
متصفح وحلبي %
(0)   (0)
معك حق ابن منبج
بدك تعرف اكتر منن هدول كانو اهلك بدن يسموك سامر فهنن عم يعطوك اصل اسمك
سوري حلبي
(0)   (0)
بتصدقوا مرة كان في خطأ في اسم أحد الأشخاص بسبب عدم تلقيه دعوة الاحتياط وهيك كان عمرو لازم يكون فوق 21سنة وبسبب الخطأ في الاسم فأخدوا أخوه المدون اسمه بدل أخاه وهو تحت سن الجيش فقط وكان صف عاشر وراحت عليهن انوا لسا دفتر خدمة العلم لم يستلم بعد وهيم المسكين انسجن بدل اخيه والغريب في هيم فهايم اجوا يوم الخميس لينام عندون من يوم الخميس للسبت وحاسبين يستفيدوا من شوي صحيح هوي انسجن حتى السبت بس انقلب السحر على الساحر والكل بعدين صار بالسجن

ممكن يصير هيك وأكثر من نبهاهة موظفينا .
معلوماتي
(0)   (0)
طبعا خريجي المعلوماتية والحاسبات يهجرون للخليج ليعملو حتى بغير أختصاصهم وذلك هروبا من الجيش أو مايسمونه خدمة الوطن .أليس خدمة الوطن في أتمتة هذه المؤسسات ولكي لاتتكرر مأساة سامر أو علي.
أين الذين خرجو من مجلس الشعب ينفون البدل الجامعي .سوريا بحاجة لكل خريجيها إن أرادت أن تصبح دولة متطورة
ابن الوهاج المنطفي
(0)   (0)
اضحك بعبك و قول الحمد لله, منيح هيك و لا غيرو.
بعرف شخص تم موقوف باحد الجهات لمدة أسبوع و بعدين طلع خلاف مقصود بعد تلحيس ألف ط....
محمد النجار
(0)   (0)
لله في خلقه شؤون
المهندس عزو دهان كو-نقابة المهندسين بحلب
(0)   (0)
فعلاً رئيس البلدية معلم مخللي البلدية تمشي متل الساعة السويسرية
فايت بالحيط
(0)   (0)
أرغب معرفة فيما إذا كانت تجرى ببلاش ولا بتكلف متل براءة الذمة
وبدها دفع تحت الطاولة ام أنها من حقوق المواطن البديهية
هههههههههههههههههههههه
معليش أعذروني لأنو فايت بالحيط
عن جد
رهف
(0)   (0)
شو رح يكون شعورك انك تنحبس خمس سنوات لسبب ما بتعرفو ولا حدا بيعرف وينك وبعد خمس سنوات يصير تغيير بادارة السجن ويجي يقلك المدير الجديد : انت شو عم تعمل هون ... بعدين يقلك نحن أسفين الظاهر في التباس بالأشخاص ....
طالب
(0)   (0)
يعني هو موظف بجامعة سالو شو عم يعملو بطلاب ان شالله تكون هي فرصة ليعرف موظفين بجامعة حلب على مدى سوء استهتار على كلا انا لا اقصد شخص بشكل شخصي فأنا لاعرفه قدي كون شمعة مضيئة في جامعتنا بس أقصد وضع بشكل عام ورتين أقل خطا حتى عميد لا يقدر على تصحيحه هذا غير اغلاق نوافذ بوجهنا على كلا أن شالله نشوف خير وحمدالله على سلاموتو للاخ
مقهور
(0)   (0)
الحمد لله الشغله كانت حجز عقار وبس لانه كل الموظفين عنا بحلب محسوبين عالمسؤولين فين ضمير المسؤولين ورا توظيف ناس بدون ضميرولا وجدان
كسار الروس
(0)   (0)
الى الساده المعلقين خبر بنص مليون دولار
الاخ سامر بعد أسبوع من الحجز على بيت
الاخ الموظف المسكين باع البيت وخلص حالوا منالحجز!!!!!!!!!!!!!!!!!!!!!!!!!!!
ابو الهول
(0)   (0)
هية شغلة على كيفك يعني اسمك سامر
طلع باالهوية وشوف
من وين جبت اسم علي
حدا بيخربط باسمو
الله يعينك
kiko
(0)   (0)
مرة دفعت 500 ليرة بالمالية من شان ورقة و بعدين بطلت اسويها و رحت اخذ ال500 من المالية.
تصوروا بقيت اسبوعين اروح و ارجع على المالية و الدنيا صيف و الحرارة انتو ادرى قديش و حطيت حوالي 1000 ليرة تكاسي لحتى عطوني ال500 ليرة ,
لا و بالنهاية عطوني 498ليرة ,قال في طوابع 2ليرة.

ابو اسنان
(0)   (0)
ياخي اذا في النفوس عندهم حاسوب بي اخطئ جد ياشباب كنت مسافر الى بيروت في الحدود كان معي شخص هو واولاده وزجته صاره معهم خطئ من النفوس شوهو الاسماء الاب غلط والام هي النفوس والله رجع من الحدود الى حلب مو حرام جد ايام بكون في الحدود بجي ناس معهم اخراج قيد الرقم الوطني مو واضح برجعو الى بيت موحرام نحن
beeshooooo
(0)   (0)
و اش فيا يعني اذا خربط الموظف
يعني ما كان بدا كل هالشي
لازم علي يعتذر من الموظف و يبوسلو شواربو لأنو غلط
صوت الحق
(0)   (0)
عادي انتو بحلللللللللللللللللللللب يا خيو
ماهر
(0)   (0)
سلام عليكم يا جماعه انا ان سجن ابي 3 اشهر على شي فضي والله تشبه اسماء والله ظلم وا حتى اخرجنا من سجن ابي كان يعمل راح منهو عملو والله وحطينا مبالغ 60 الف بين محامي واجار ذهاب الى سجن وكل مراه منروح على سجن بندفع رشوه حتى نشوفه والله والله شاهد على ما اقول يا اخوان ابي بعمرو ما داخل سجن وداخل الى سجن واصبح لهو فيش عند دوله كل هاد تشبه اسماء هاد هلو سبب جهل والله بس اسم اول نفس شي لا كنيه ولا اسم الام ولا اسم الاب ولا تولاده ولا مسكان سكن ولا نفوس ولا تجنيد وكمان فوق كل هاد قتل وضرب كمان والله هاد كلو ظلم الجهل يا اخوان
سوري
(0)   (0)
بدي افهم شو وجه التشابه بين سامر وعلي؟؟؟؟؟؟؟؟؟!!!!!!!!
كريم
(0)   (0)
يجب أن نعترف بأنها كانت فكرة عبقرية وكما قالها الأخ ( كسار الروس )... خبر بنص مليون دولار.

نعم ، نسمع دائما" المقولة الشهيرة ( القانون لا يحمي المغفلين ) وهذا معقول جدا" فالقانون في أي بلد مستعد دائما" ليحمي كبار المفكرين العباقرة...
عاشق بلادي
(0)   (0)
ياسيدي هيك اخطاء شائعة عنا كتير ولازم الدولة توضع حد لها ولازم يكون في تعويض مادي ومعنوي للمتضرر من قبل الجهة التي اصدرت القرار الخطأ ماذنب المسكين حتى يروح ويراجع ويكمن يدفع فلوس كمان حتى تمشي اموره والله الموفق
حلبي في الخبر
(0)   (0)
يعني يا ترى سامر ما غيرو ياللي منعرفو كلنا؟؟؟ و شو عمل سامر حتى طلع حجز على بيتو؟؟ و يا ترى اصلا انحجز على بيتو؟ و شو عمل سامر حتى يصير غلط كتييير بسيط بين اسم سامر و علي ياللي مستحيل حدا يخربط بين الاسمين؟؟!!!
رايحة على الدراويشششششش
سورية بالامارات
(0)   (0)
عادي جدااا

مو من فترة هدو بيت كبير على اساس انه مخالف قام طلع صاحبه عامل رخصة نظامية
بس للشهادة قالولوا آسفين ههههه
والله مسخرة
عليا
(0)   (0)
والله بتصير وعبتصير كتيررررررر
الله يرحمنا واللي بيجي من الله يامحلاه واللي بيجي من العبد الله يعينا عليه
حـــيــدرة فضيلي
(0)   (0)
ههههههههههههههههه

يازلمي معقول في فرق سامر وعلي
والله شي بضحك

يعني بربك تخيل واحد جالس بالبيت ويجي حجز ع منزل
وهوي مش ال دخل ياحرام هاد يمكن بشهر ركب تكاسي ومشي خيرات الله

بس لازم تعويض للشخص هاد ع خطا شهر تعطل عن شغلو حرم هيك

بس بربي شي بضحك موظفين اكيد كانو اكلين فول من صبح

ههههههههههههههههههههه
شكرا للعكس سير ع اخبار التي تنشرها كل صغيرة وكبيرة
مستعجل
(0)   (0)
منيح سامر مو بن لالادن نفدت برووحك كانت هلآ بلاد العم سام عم بتطالب فيك
ابن الريف
(0)   (0)
انا مرة جيت زيارة لسورية وكنت دافع بدل من زمااااان
وبعد مادفعت البدل بشي 4 سنين تفاجأت انهم مسكوني بالمطار وقالولي لازم نسوقك للجيش
وبعد اخذ ورد ودفع المعلوم تركوني
وظليت شهر داير بين شعبة التجنيد والتجنيد العام وادراة الهحرة والجوازات والامن الجنائي
لحتى خلصت
ومن يومها حلفت مابرجع لسورية
سامر
(0)   (0)
عادي حياتي بتصير كتير.......شو أول مرة
مبارح مطالعين حجز على كل أملاك قريب الي لأنو مو دافع ضريبة للمالية..راجع المالية وإلا حاطين باسمو عقار لشخص تاني بمنطقة القنوات في دمشق و هوي من محافظة تانية...وصاحب العقار الرئيسي مو دافع ضريبة عنو.....لذلك اجا عالشام وضل يتعذب شي شهر حتى حل هل الموضوع...لذلك لا تستغرب شي
حايك
(0)   (0)
الله يكون بعونك ياسامر لانو اسمك سامر مو علي انت افهم من الموظف الي حط اسمك عنا بحوران هيك بصير
ايحاج
(0)   (0)
حاجتك يا زلمة انت سامر بس لم اج حجز على بيتك رح غير اسمك و صار علي بدل سامر هيك خليت الجماعة ينعبطو ببعضون مجلس المدينة ومديرية المصالح العقارية و وووووو اي خليت العالم يندوخ اخ منك يا سامر بس انت متأكد هلق انك علي او صرت علي ؟؟؟؟ والله عزيم شي بدوخ لو
<< مواطن سوري >>
(0)   (0)
ما بعرف لازم نضحك او نبكي .. يمكن لأول وهلة بنضحك ... بس اللي بيوقع فيها بينشف دمو وهو يركش بين الدوائر ليصلح خطأ مالو دخل فيه بالاساس ..
منذ عامين ذهبت لتسديد الرسوم المالية المستحقة على المنزل الذي نقطنه .. فيقول لي الموظف المسؤول بأننا نملك منزلا آخر في حي آخر .. فأجبته بالنفي فأجاب بكل صفاقة إن هذا المنزل لم يتم التسديد عنه منذ عدة سنوات ويجب عليك التسديد .. ظننته يمزح في البدء فبادرته مازحا : أعطوني سند تمليك فيه أدفع رسومه المالية عن عشرين سنة وليس عن خمس .. لكن عندما أكد بأنه يتكلم بجدية .. قلت له هذا الموضوع ليس من اختصاصي بل هو صلب عملك أن يذهب الموظف المسؤول ويأخذ المستحقات ويحجز على البيت ان لم يأخذ المستحقات ..
فقال يجب عليك ان تخبرني من هو صاحب المنزل .. فما كان مني الا ان اجبته بعصبية .. اما ان تغلق هذا الموضوع وتنهي المعاملة او سأقوم بالشكوى عليك .. فأمتثل أخيرا

طبعا لولا ما بعرف ناس بالمالية ما كانت مشت هيك

بكل فخر مواطن سوري
مواطن سوري
(0)   (0)
يعني شو فيها يا اخي عليي صدقني اكتر من طبيعي ..
بالنسبه لدفتر السياره السياحيه اللتي تدخل الي سوريا يتكون من اكثر من رقم وطبعا" كلنا بنعرف انو كل المعاملات الجمركيه للسايره تتم يدوي ..
المهم !!!
غلطة موظف كفتني 23500 ليره سوري وهي بدل اخر رقم ما يكون 2 حطو تلاته .
بين درعا ودمشق الله وكيلكون صرعوني لحتى اثبتنا انو الرقم هو 2 مو تلاته لانو في مواطن بنفس التاريخ دخلت سيارتو سوريه وما طلعت بالمره وطبعا" ما اشتباه الارقام وحظي المعتر صارت المخالفه الجمركيه على اسمي انا ..
شو هاد فعلا" مصخره .. وعيب هاد يلي عم يصير ..
على اساس نحنا عن الحضاره من زمان ..
يا عالم في بلاد صارت فيها الحضاره من 40 سنه بس وسبقونا بمية سنه ..
لا صفا تاريخ ولا يحزنون ..
الله يرحم ..
ابن منبج
(0)   (0)
انت اسمك انا صارلي باصم على الهوية 3سنين واروح واسئل لايخلوني ابصم من جديد ولا موجودة بالنواقص ولاموجودة عدهم وبتسئلهم يقولو لسى ما اجت شويعني صورتي عجبتهم ؟فاانجبرت اساوي جواز سفر لانو الهوية القديمة ماتمشي وحسبي الله ونعم الوكيل عليهم
زياد راشد
(0)   (0)
اعترف انك أرنب
مغترب يحب الوطن
(0)   (0)
ههههههه والله شي غريب شي عجيب لو مغير اسمو لاسم سامر اسهل من هالشي مجلس مدينة اخر زمن .
كريم
(0)   (0)
لنحاول بقدر الامكان أن نكون منفتحين على أمور الحياة والتي تجري منذ آلاف السنين.
فقد ولد القانون بين الناس ليطبق باتجاه واحد وهو ثمرة المبدأ الطبيعي ( البقاء للأقوى ) والتعبير الانساني له ( البقاء للأفضل ).
فالقانون لا يبقى قانونا" واقعيا" اذا سمح له أن يطبق باتجاهين ، تماما" كالشرائع السماوية... أم أنا أبالغ؟

فما على كل واحد منا سوى أن يأمل أن ترأف به الأيام ولا يحدث أخطاء باتجاهه.
LION
(0)   (0)
عادي نشوف هيك اغلاط

تعودنا

انا كنت بدي ادفع ضريبة بيتنا قامو الشبيحة الحلوة دفعوني 18 عقار ... وطلع بالاخير تشابه اسماء

هن ملائكة ما بيغلطو
بنت الشام
(0)   (0)
بكون اسمك الحقيقي سامر بس بدلعوك علي
انت مخربط
بلا سلبة اعترف
طفشااااااااان
(0)   (0)
هههه عادي...خالي اتزوج وبعد سنة اتبلغت مرتو مشان الجيش وطلع الغلط بالنفوس مسجلة مرتو ذكر مو انثى...وناهيك عن ناس اتوفت ولساها عايشة وناس عايشة ومسجلة متوفية...وبالنهاية خطأ موظف
مقعب معاملات
(0)   (0)
الي حصل معك اخي الكريم هو غيض من فيض بتشابه الأسماء التي تحصل في السجل العقاري
تحديدا" والبلدية والمالية أنا الي اكتر من سنة ونص عبحاول اشيل تشلبه اسماء عن احد زبايني
وماني عمال بقدر على هل الأمر

لحين ما اندفع المعلوم ومن صاحب العلاقة بالذات

اي واضحة هل شغلة هي ومبينة اخي لاتزعل غيرك مهموم اكتر منك في هل امر هاد
سوريه
(0)   (0)
منيح يلي ما حجزو عليه كمان وطيب هل الموظف مين بدو يحاسبو وكلو غلط في غلط لان مافي حساب ومافي عقابوالله يستر
ابن سلمية
(0)   (0)
يا جماعة هي موغلطة بس الموظف قد أعطى السيد سامر ديري شهر حتى يبيع كل املاكه لاه لاه وولو وولو ياشباب

وراحت على المعتر انا لو محلوا بضل عباب المحافظة لحتى يعوضولي حقي ومصاريف الروحات وال جيات


انشر ياداعور عفوا يا عكس السير بحب حلب
شاهد من اهله
(0)   (0)
بسيطة
روحو شوفو المشاكل اللي عم بتصير بمالية حلب بسبب تشابهات الأسماء

وكلام معقب المعاملات صحييييييييييح مية بالمية
وكتير عالم بتدفع ضرائب عن غيرها بس تخلص أووووووووووو .....................

وفهمكم كفاية
حلبيه اماراتيه
(0)   (0)
يعني لو تشابه بالاسماء الواحد كان قال معلش

بس والله شي غريب!!
الصاخوري
(0)   (0)
يا هل ترى لو كان الموضوع بصرف مبلغ مالي كان خربط الموظف ؟

بس الموضوع كالأتي انو الأخ سامر شاف الموظف يلي بدو يصدر امر الحجز بقرشين غير الأسم وقال اكيد الحكاية بترحلا مدة من الزمن لبين ما يبيع بيتو او املاكة ولما بيصلحو الخطأ بيكون صار ما عندو اي املاك ... وفهمكم كفاية
في فرق
(0)   (0)
يا جماعة في فرق بين موظف غلطان وموظف متحيون
يعني الغلطان بتراجعه بيصحح الخطأ وهدا كتير شائع وعادي
لكن الموظف المتنح هو موظف بيقول لك أنت سامر بينما أنت علي وتجيب كل الإثباتات أنك علي وهو لسا متنح
ابو عصام
(0)   (0)
الله يستر انحجز البيت معليش بس مايطلع البيت لعلي
وتطلع بدون بيت ياسيد سامر
مغترب وقصته مع شعبة التجنيد
(0)   (0)
حدثت هذه القصة معي يا شباب ولا أزال اعاني منها
بكل سنة لازم أرسل سند إقامة
وكل مرة برسل فيها السند شعبة التجنيد ما بيصدقوا أني برا البلد
بقوم بجيب لهم الأوراق التالية كلها :
1- ضبط شرطة يثبت أني برا البلد (بيكلفني ألف ليرة رشوة)
2- ورقة من الهجرة والجوازات أني أنا مسافر( بيكلف 1500 ليرة أو ألفين بحسب الشرطي)
3- ورقة من السفارة تثبت (بالإضافة إلى سند الإقامة) أني لا أزال بالغربة (بتكلفني النزلة على العاصمة فقط بدون رشاوي)
4- ورقة من وزارة المغتربين تخبرهم أني مسجل مغترب (ما بتكلف شي غير النزلة على الشام)
5- ورقة من وزارة الخارجية تثبت أني برا البلد (بتكلف 500 ليرة بس بعد ماصار للخارجية فرع في حلب)

يا جماعة صدقا مع كل سند إقامة صرت أعرف شو المطلوب قبل ما أرسل السند، بلم هالأوراق كلها وطبعا كل ورقة حتى أطالعها بتطلع روحي ألف مرة ،لأن كل موظف بشوفه رح أروي له قصتي مع شعبة التجنيد ، وإذا كان ابن حلال بيساعدني وإذا ما كان هداك الوقت بدي أجيب ورقة من شعبة التجنيد تطالب بهالورقة وطبعا شعبة التجنيد ما بيتحركوا أي حركة إلا تسكر لهم بوزهم بألف ليرة

وحسبي الله ونعم الوكيل
لحد هلق يمكن صرت حاطط 6500 دولار رشاوي بس

(شعبة تجنيد اعزاز المعصومة)

للعلم فقط: أن هذه الأوراق كلها بشان يشوفوها جماعة شعبة التجنيد ولا ترفق مع سند الإقامة
مواطن عادي
(0)   (0)
الحمد لله أنو ماطلعت سامر ياحبيب قلبي
ابوخالد
(0)   (0)
صايرة قبل هلق


بس كان الأسمين متطابقين والفرق بأسم الأم

بس الله لا يرويكم الأسم المشابه مهرب مخدرااااااااااااااااات

انا برئيي علي لازم يساوي دعوة على الحكومة
ويطلب تعويض
بس بدو يلتكعلو شهرين تانيات
تعودنا
(0)   (0)
أحلى من هيك الخطا في اسم المتوفى وبموت العايش وبعيش الميت
عماد البكري - حلب
(0)   (0)
عمي كان ممكن يسجن بجريمة قتل لولا ستر الله بسبب خطأ بسيييط جدا بالاسم وانتهى الأمر باعتذار من الجهات المختصة
معجب
(0)   (0)
يحمد ربو ما كان طالع فيه قرار إعدام بيتو مو مشكلة لأنو هيك هيك رايح لأنو رح يبيعو من الجوع
911tarek
(0)   (0)
سامر ماعندو بيت وناس لبعضا,
محروق قلبه
(0)   (0)
شوبك يا زلمة فضحت الحكومه كلها منشان بيت والله عيب وانت شيخ شباب00لفها بقى
ش محمبلاوي بالسعودية
(0)   (0)
هوي صحيح أسمه سامر بس بيدلعوه وبيصيحوله علي
....
والله ماحدا نفد بريشاته غيرك يا سامر زادت فترة الحجز وأتبهنكت ببيتك شهر زمان
... العز للرز يا عمي
وعلي شنق حاله
تسلمولي يا عكس السير
معقب معاملات
(0)   (0)
حاج بقى علي اسمك سامر يعني سامر

مين بيعرف هل متل هاد
معزاية ولو طارت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " فلاش "

21-12-2014
حياة عناصر النظام تحت حصار معسكري وادي الضيف و الحامدية .. أنفاق و أوكار و خنادق و أراكيل (فيديو)
 اظهر تقرير تلفزيوني الحياة اليومية التي كان يعيشها ضباط الجيش النظامي وعناصره في معسكري وادي الضيف والحامدية في ...


21-12-2014
للمرة الأولى .. طائرات التحالف الدولي تستهدف تنظيم " داعش " في ريف حلب الشمالي
شنت طائرات التحالف الأمريكي غارات جوية استهدفت مناطق سيطرة "داعش" في ريف حلب الشمالي، للمرة الأولى.وعلم عكس السير ...


21-12-2014
" كشف حساب " سوري للعام الماضي .. ما الذي ينتظرنا في 2015 ؟!
اللغم الذي كان يزرعه بعض الأطراف في الأرض السورية، انفجر في وجه الجميع. الجنين الذي كان يحقنه كل ...


20-12-2014
بعد تأكيد العديد من ناشطي القلمون استشهاده قبل أيام .. شرعي " داعش " يطلق سراح " الملازم عرابة " و يعاقب نفسه بالجلد !
تناقلت معرفات تابعة لتنظيم "داعش" على مواقع التواصل الاجتماعي، أنباء تفيد بإطلاق التنظيم سراح الملازم المنشق عرابة إدريس، ...


20-12-2014
الفصائل المعارضة تحرر منطقة في القلمون الشرقي بعد معارك مع تنظيم " داعش " (فيديو)
أعلنت فصائل معارضة في ريف دمشق عن سيطرتها على منطقة كانت خاضعة لسيطرة " داعش " بعد معارك ...


20-12-2014
توزع القوى في حلب بعد 40 شهراً من المعارك
تعتبر حلب ثاني أهم معركة في الثورة السورية بعد دمشق، والطرف الذي سيحسم معركتها سيحصل على ثقل ميداني ...


20-12-2014
في الأمم المتحدة بعد إدانة النظام : مندوب الأسد يهاجم و يمتعض .. و مندوبا قطر و السعودية يسخران ! ( فيديو )
صوتت الجمعية العامة على قرار يدين انتهاكات حقوق الإنسان في سوريا بأغلبية 127 صوتا مقابل 13 صوتا ضد ...


19-12-2014
" كومبارس " العضلات .. مقتل أشهر " شبيحة " دمشق و أنباء متضاربة عن المكان و الكيفية
نعت وسائل إعلام مؤيدة الممثل "الشبيح" فهد النجار، بعد مقتله قبل أيام، وسط جدل واختلاف حول الكيفية والمكان.وأكد ...

X
وردنا الآن