مواطن يترك عمله و يسعى في دوائر الدولة ليثبت انه " ليس سامر " الاحد - 28 آذار - 2010 - 18:29 بتوقيت دمشق
التفاصيل
تسبب خطأ في الاسم بالحجز على منزل مواطن " لاعلاقة له بالحجز " ، الأمر الذي كلفه ترك عمله لمدة شهر كامل و " السعي " في دوائر الدولة ، كي يتم تصحيح الخطأ . وقال المواطن " علي ديري " الموظف في جامعة حلب لـ عكس السير : " فوجئت بصدور قرار حجز على منزلي دون أن أعلم سببه ، ولدى مراجعتي للمسؤولين تبين أن القرار صدر بحق شخص يدعى سامر وليس علي ". وقام " ديري " بمراجعة مديرية المصالح العقارية ليتم تصليح الخطأ ، ورفع إشارة الحجز عن منزله ، إلا أن الأمر لم يمر " بالسهولة التي توقعها " ، حيث كلفته عملية تصحيح الاسم شهراً كاملاً من السعي بين مجلس المدينة ومديرية المصالح العقارية ، ليتم في النهاية شطب اسمه ووضع الاسم الصحيح " سامر " . وعلق " ديري " بالقول : " لا أعلم كيف يمكن وقوع خطأ كهذا ، لقد شغلتني هذه القضية عن عملي لمدة شهر كامل ، أتمنى أن يكون الموظفون أكثر دقة ". يذكر أن المشكلة التي تطلب العمل على حلها شهر كامل انتهت بورقة موجهة من مجلس مدينة حلب إلى مديرية المصالح العقارية توضح أن المطلوب الحجز على منزله هو " سامر " وليس " علي " . علاء حلبي - عكس السير |
إجته هالقصة على غفلة عبطته شهر كامل وما كان حاسب حسابها
بس إنو عدم المؤاخذة وين وجه الشبه بين سامر وعلي ! شكلو الموظف اللي خربط كان آكل فول وقتا
يعني الموظف خربط باسمك بدال ما يكتب سامر كتب علي
إش هالشغلة العظيمة
وإذا تركت شغلك شهر رايح جاي عبتخفق من هون لهون
إش كفرنا يعني
العماااااااااااااا اش هالعالم هي
سوريا الدرب الوحده العربية
يسلم هالشعب الكله رقة وحنية
هههههههههههههه
انشروووو ياااااابي بعيتك
كلو عندو العرب صابون
الموظف لايخطئ
تصرفك غير حضاري تجاه ممثلي الدولة
مسلكك لا يلائم سمعة ونزاهة خدام الشعب
يبدو أن في الأمر لغزاً تخفيه ياسيد علي، والله أعلم ..............
اضحك بعبك انو مشت الشغلة بعد شهر
منيح ماقالولك نفذ ثم اعترض وكان انباع البيت بالمزاد العلني وانت باعوك بالعزا
بتصير بأرقى الدول
المهم بالأخير طلعت مو سامر عن جد ولا قدمت رشاوي لحتى مشي الحال؟؟
إلا إذا مديت إيدك على جيبك .....يعني خمسمية ليرة بتخليك مو تصير علي بتحسن تصير خالد وعمر وليلى ومنى وإش بدك تصير بتصير
وعندما وصلوا إلى الموقع لم يستدلوا على بيت الشخص المطلوب
بس كبيرة أن يرجع جماعة البلدية بدون هدم خاصة وأن الشرطة والمسؤولين معاهم
فقاموا هدوا بيت شخص تاني بصير ابن عم الشخص المطلوب
الزلمة انخرب بيته وعندما صار يصرخ أنه ليس الشخص المطلوب قاموا الشرطة شحطوه معهم بالسيارة وعيلته ارتمت بالشارع
بدك تعرف اكتر منن هدول كانو اهلك بدن يسموك سامر فهنن عم يعطوك اصل اسمك
ممكن يصير هيك وأكثر من نبهاهة موظفينا .
أين الذين خرجو من مجلس الشعب ينفون البدل الجامعي .سوريا بحاجة لكل خريجيها إن أرادت أن تصبح دولة متطورة
بعرف شخص تم موقوف باحد الجهات لمدة أسبوع و بعدين طلع خلاف مقصود بعد تلحيس ألف ط....
وبدها دفع تحت الطاولة ام أنها من حقوق المواطن البديهية
هههههههههههههههههههههه
معليش أعذروني لأنو فايت بالحيط
عن جد
الاخ سامر بعد أسبوع من الحجز على بيت
الاخ الموظف المسكين باع البيت وخلص حالوا منالحجز!!!!!!!!!!!!!!!!!!!!!!!!!!!
طلع باالهوية وشوف
من وين جبت اسم علي
حدا بيخربط باسمو
الله يعينك
تصوروا بقيت اسبوعين اروح و ارجع على المالية و الدنيا صيف و الحرارة انتو ادرى قديش و حطيت حوالي 1000 ليرة تكاسي لحتى عطوني ال500 ليرة ,
لا و بالنهاية عطوني 498ليرة ,قال في طوابع 2ليرة.
يعني ما كان بدا كل هالشي
لازم علي يعتذر من الموظف و يبوسلو شواربو لأنو غلط
نعم ، نسمع دائما" المقولة الشهيرة ( القانون لا يحمي المغفلين ) وهذا معقول جدا" فالقانون في أي بلد مستعد دائما" ليحمي كبار المفكرين العباقرة...
رايحة على الدراويشششششش
مو من فترة هدو بيت كبير على اساس انه مخالف قام طلع صاحبه عامل رخصة نظامية
بس للشهادة قالولوا آسفين ههههه
والله مسخرة
الله يرحمنا واللي بيجي من الله يامحلاه واللي بيجي من العبد الله يعينا عليه
يازلمي معقول في فرق سامر وعلي
والله شي بضحك
يعني بربك تخيل واحد جالس بالبيت ويجي حجز ع منزل
وهوي مش ال دخل ياحرام هاد يمكن بشهر ركب تكاسي ومشي خيرات الله
بس لازم تعويض للشخص هاد ع خطا شهر تعطل عن شغلو حرم هيك
بس بربي شي بضحك موظفين اكيد كانو اكلين فول من صبح
ههههههههههههههههههههه
شكرا للعكس سير ع اخبار التي تنشرها كل صغيرة وكبيرة
وبعد مادفعت البدل بشي 4 سنين تفاجأت انهم مسكوني بالمطار وقالولي لازم نسوقك للجيش
وبعد اخذ ورد ودفع المعلوم تركوني
وظليت شهر داير بين شعبة التجنيد والتجنيد العام وادراة الهحرة والجوازات والامن الجنائي
لحتى خلصت
ومن يومها حلفت مابرجع لسورية
مبارح مطالعين حجز على كل أملاك قريب الي لأنو مو دافع ضريبة للمالية..راجع المالية وإلا حاطين باسمو عقار لشخص تاني بمنطقة القنوات في دمشق و هوي من محافظة تانية...وصاحب العقار الرئيسي مو دافع ضريبة عنو.....لذلك اجا عالشام وضل يتعذب شي شهر حتى حل هل الموضوع...لذلك لا تستغرب شي
منذ عامين ذهبت لتسديد الرسوم المالية المستحقة على المنزل الذي نقطنه .. فيقول لي الموظف المسؤول بأننا نملك منزلا آخر في حي آخر .. فأجبته بالنفي فأجاب بكل صفاقة إن هذا المنزل لم يتم التسديد عنه منذ عدة سنوات ويجب عليك التسديد .. ظننته يمزح في البدء فبادرته مازحا : أعطوني سند تمليك فيه أدفع رسومه المالية عن عشرين سنة وليس عن خمس .. لكن عندما أكد بأنه يتكلم بجدية .. قلت له هذا الموضوع ليس من اختصاصي بل هو صلب عملك أن يذهب الموظف المسؤول ويأخذ المستحقات ويحجز على البيت ان لم يأخذ المستحقات ..
فقال يجب عليك ان تخبرني من هو صاحب المنزل .. فما كان مني الا ان اجبته بعصبية .. اما ان تغلق هذا الموضوع وتنهي المعاملة او سأقوم بالشكوى عليك .. فأمتثل أخيرا
طبعا لولا ما بعرف ناس بالمالية ما كانت مشت هيك
بكل فخر مواطن سوري
بالنسبه لدفتر السياره السياحيه اللتي تدخل الي سوريا يتكون من اكثر من رقم وطبعا" كلنا بنعرف انو كل المعاملات الجمركيه للسايره تتم يدوي ..
المهم !!!
غلطة موظف كفتني 23500 ليره سوري وهي بدل اخر رقم ما يكون 2 حطو تلاته .
بين درعا ودمشق الله وكيلكون صرعوني لحتى اثبتنا انو الرقم هو 2 مو تلاته لانو في مواطن بنفس التاريخ دخلت سيارتو سوريه وما طلعت بالمره وطبعا" ما اشتباه الارقام وحظي المعتر صارت المخالفه الجمركيه على اسمي انا ..
شو هاد فعلا" مصخره .. وعيب هاد يلي عم يصير ..
على اساس نحنا عن الحضاره من زمان ..
يا عالم في بلاد صارت فيها الحضاره من 40 سنه بس وسبقونا بمية سنه ..
لا صفا تاريخ ولا يحزنون ..
الله يرحم ..
فقد ولد القانون بين الناس ليطبق باتجاه واحد وهو ثمرة المبدأ الطبيعي ( البقاء للأقوى ) والتعبير الانساني له ( البقاء للأفضل ).
فالقانون لا يبقى قانونا" واقعيا" اذا سمح له أن يطبق باتجاهين ، تماما" كالشرائع السماوية... أم أنا أبالغ؟
فما على كل واحد منا سوى أن يأمل أن ترأف به الأيام ولا يحدث أخطاء باتجاهه.
تعودنا
انا كنت بدي ادفع ضريبة بيتنا قامو الشبيحة الحلوة دفعوني 18 عقار ... وطلع بالاخير تشابه اسماء
هن ملائكة ما بيغلطو
تحديدا" والبلدية والمالية أنا الي اكتر من سنة ونص عبحاول اشيل تشلبه اسماء عن احد زبايني
وماني عمال بقدر على هل الأمر
لحين ما اندفع المعلوم ومن صاحب العلاقة بالذات
اي واضحة هل شغلة هي ومبينة اخي لاتزعل غيرك مهموم اكتر منك في هل امر هاد
وراحت على المعتر انا لو محلوا بضل عباب المحافظة لحتى يعوضولي حقي ومصاريف الروحات وال جيات
انشر ياداعور عفوا يا عكس السير بحب حلب
روحو شوفو المشاكل اللي عم بتصير بمالية حلب بسبب تشابهات الأسماء
وكلام معقب المعاملات صحييييييييييح مية بالمية
وكتير عالم بتدفع ضرائب عن غيرها بس تخلص أووووووووووو .....................
وفهمكم كفاية
بس الموضوع كالأتي انو الأخ سامر شاف الموظف يلي بدو يصدر امر الحجز بقرشين غير الأسم وقال اكيد الحكاية بترحلا مدة من الزمن لبين ما يبيع بيتو او املاكة ولما بيصلحو الخطأ بيكون صار ما عندو اي املاك ... وفهمكم كفاية
يعني الغلطان بتراجعه بيصحح الخطأ وهدا كتير شائع وعادي
لكن الموظف المتنح هو موظف بيقول لك أنت سامر بينما أنت علي وتجيب كل الإثباتات أنك علي وهو لسا متنح
بكل سنة لازم أرسل سند إقامة
وكل مرة برسل فيها السند شعبة التجنيد ما بيصدقوا أني برا البلد
بقوم بجيب لهم الأوراق التالية كلها :
1- ضبط شرطة يثبت أني برا البلد (بيكلفني ألف ليرة رشوة)
2- ورقة من الهجرة والجوازات أني أنا مسافر( بيكلف 1500 ليرة أو ألفين بحسب الشرطي)
3- ورقة من السفارة تثبت (بالإضافة إلى سند الإقامة) أني لا أزال بالغربة (بتكلفني النزلة على العاصمة فقط بدون رشاوي)
4- ورقة من وزارة المغتربين تخبرهم أني مسجل مغترب (ما بتكلف شي غير النزلة على الشام)
5- ورقة من وزارة الخارجية تثبت أني برا البلد (بتكلف 500 ليرة بس بعد ماصار للخارجية فرع في حلب)
يا جماعة صدقا مع كل سند إقامة صرت أعرف شو المطلوب قبل ما أرسل السند، بلم هالأوراق كلها وطبعا كل ورقة حتى أطالعها بتطلع روحي ألف مرة ،لأن كل موظف بشوفه رح أروي له قصتي مع شعبة التجنيد ، وإذا كان ابن حلال بيساعدني وإذا ما كان هداك الوقت بدي أجيب ورقة من شعبة التجنيد تطالب بهالورقة وطبعا شعبة التجنيد ما بيتحركوا أي حركة إلا تسكر لهم بوزهم بألف ليرة
وحسبي الله ونعم الوكيل
لحد هلق يمكن صرت حاطط 6500 دولار رشاوي بس
(شعبة تجنيد اعزاز المعصومة)
للعلم فقط: أن هذه الأوراق كلها بشان يشوفوها جماعة شعبة التجنيد ولا ترفق مع سند الإقامة
بس كان الأسمين متطابقين والفرق بأسم الأم
بس الله لا يرويكم الأسم المشابه مهرب مخدرااااااااااااااااات
انا برئيي علي لازم يساوي دعوة على الحكومة
ويطلب تعويض
بس بدو يلتكعلو شهرين تانيات
....
والله ماحدا نفد بريشاته غيرك يا سامر زادت فترة الحجز وأتبهنكت ببيتك شهر زمان
... العز للرز يا عمي
وعلي شنق حاله
تسلمولي يا عكس السير
مين بيعرف هل متل هاد
معزاية ولو طارت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
11-3-2015 تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) عكس ... |
11-3-2015 المحيسني لفضل شاكر : كن داعية إلى الله بصوتك و لا تعد إلى مسارح اللهو و الغناء وجه القيادي السعودي المتواجد في سوريا، عبدالله المحيسني، رسالة إلى الفنان اللبناني، فضل شاكر، الذي كان قد خرج ... |
11-3-2015 إتهامات عديدة و حديث عن أدلة موثقة .. المليشيات الكردية تواصل ارتكاب الانتهاكات ضد العرب في سوريا ( فيديو ) تشير أصابع الاتهام والإدانة الموثقة إلى مليشيات كردية بارتكاب انتهاكات بحق عشرات الآلاف من المواطنين العرب في محافظة ... |
10-3-2015 اعترف ببناء منشأة غاز في مناطق سيطرة التنظيم .. جورج حسواني ينفي تورطه بشراء نفط لنظام الأسد من تنظيم "داعش" نفى رجل الأعمال السوري جورج حسواني اتهام الاتحاد الأوروبي له بأنه اشترى نفطاً للنظام السوري من تنظيم "داعش" ... |
10-3-2015 لقاء " سري " بموافقة المخابرات الفرنسية يجمع علي مملوك بـ " موظف فرنسي كبير " في دمشق قالت وسائل إعلام فرنسية إن لقاء سرياً جمع واحداً من أبرز موظفي وزارة المالية الفرنسية، مع اللواء علي ... |
10-3-2015 المعارضة ليست ضد مؤسستي الجيش و الشرطة .. خالد خوجة يهاجم سعي أمريكا لتدريب المعارضين : غير كاف و لا معنى له قال رئيس الائتلاف السوري خالد خوجة، إن ما يسعى الأميركيون للقيام به لجهة تدريب 15 ألف معارض خلال ... |
10-3-2015 قال إنه لم يعتزل و أكد تواجده في سوريا .. جمال معروف : نقاتل من دون تسمية خوفاً من تنظيم القاعدة دحض جمال معروف قائد «جبهة ثوار سوريا» كل المعلومات التي أفادت باعتزاله العمل العسكري وانكفائه في تركيا منذ ... |
10-3-2015 ناشط سوري و عروسه يتبرعون بنفقات حفل زواجهم لإقامة مهرجانات للأطفال المحاصرين من قبل قوات الأسد ( صور ) احتفل الناشط السوري "أحمد أبو الخير" المقيم في مدينة اسطنبول بتركيا بزواجه بإقامة حفلات و مهرجانات للأطفال المحاصرين ... |
الالالالالالالالالالاجديد في بلادنا