|
مزرعة البريج " ضيعة ضائعة " في ادلب تسحر العيون بجمالها وتعجز عدسة الكاميرا عن وصف جمال طبيعتها الجمعة - 1 تشرين الاول - 2010 - 21:02 بتوقيت دمشق
التفاصيل
"مزرعة البريج " منطقة جميلة تقع شمال ادلب وتابعة لناحية حارم ، تستحق أسم قطعة من أرض جنة لجمال طبيعتها في الربيع و هدوء جوها في الشتاء ، كما أنها تستحق اسم " ضيعة ضائعة ، لأنها غير معروفة في المحافظة شعبيا و بعيدة عن اهتمام الجهات المعنية . يبلغ عددها سكانها أكثر من 600 نسمة ، تطل على عدة جبال وسهل الروج و كفر تخاريم و أرمناز ، يشتهر أهلها بالزراعة وتربية المواشي ويعتمدون عليها في معيشتهم . "المرعي و خسارة " أكبر عائلتين مشهورتين في تلك القرية ، ولكنهم جميعا أسرة واحدة لا تفرقهم أسماء العائلات ، يحتفلون معا بالأعياد ويشاركون الأعراس و الأحزان ولا شيء يفرقهم . يحبون الضيف ويكرمونه ، العيد عندهم يجتمعون فيه عند كبيرهم وبعدها يقومون كمجموعة بزيارة بعضهم لتقديم المعايدة ، وفي الأحزان كأن الفقيد فقيد القرية أجمعها . يحافظون في لباسهم على الطابع التراث الريفي الادلبي القديم ، يواكبون التطور ، متفهمين لأبنائهم ، يسود العائلات طابع الحوار ومعظم شباب وبناتهم من المتعلمين والجامعيين . معاناتهم مع الاهتمام من قبل الجهات المعنية غائبة ، يفقدون لإضاءة الطرق وانعدام المياه بشكل نهائي معتمدين على شراء المياه من " الصهاريج " رغم وجود خزان كان من المتوقع وضعه في الخدمة منذ عامين ، لا يوجد شبكة هاتف . أما المدارس ، فالقرية تحوي مدرسة واحدة من الصف الأول حتى السادس ، و كل صفين يجتمعون بصف واحد وكل مدرس يعطي لمدة نصف ساعة . " مزرعة البريج " تسحر عيون كل من يزورها ويتمتع كل زائر بنكهة جمال الطبيعة وتحتار عدسة الكاميرا من التقاط أجمل اللقطات الساحرة لكثرتها وانتشارها في جميع أنحاء القرية . عكس السير يرصد عدد من تلك اللقطات والتي تعبر عن جزء جميل من القرية وخاصة عند إشراق شمسها الرائع ورائحة الهواء النظيف المليء بعبق الزهور مع صوت حفيف الأشجار الذي يصطدم به الهواء العليل . سائر اسليم ـ عكس السير ـ ادلب
شارك الخبر على :
|
التعليقات :
dali
(0)
(1)
للاسف سوريه كلها ضيعة ضايعة
صحيح وين الجمال !!!!
صحيح وين الجمال !!!!
أبو سامر
(0)
(1)
دشات وموترات وجبال نفرا مع شوية حجار بس حلوة أفضل من الصحراء رغم أن للصحراء جمالها وسحرها
مواطن غيور
(0)
(1)
شو هالمناظر الطبيعية ما شاء الله بتعقد...فكرت حالي ببلاد السند و الهند....لك اااااه
محروق قلبي
(0)
(1)
هلا هاي ضيعة ضايعة يلا مقبولة بينبرك فيها للنزهات فينا نئلا ضيعة ضايعة 2
أبو عرب
(0)
(1)
ما كتير!
?
(0)
(1)
وين الجمال؟؟؟؟؟؟؟؟؟؟؟؟؟؟؟؟؟
رهف
(0)
(1)
وين الحلو والمميز بالموضوع
بالعكس كتيير منطقه عاديه
في مناطق احلى بكتير بسوريا
بالعكس كتيير منطقه عاديه
في مناطق احلى بكتير بسوريا
ارمنازي
(0)
(1)
فعلا بالربيع جنة يمكن هلا نشوفها كتير عادية بس وقت الربيع وخاصة عند تفتح الازهار والأرض كلها بتصير بساط أخضر بتكون قطعة من الجنة
بس بالصيف لعدم وجود عناية فيها بتكون ارض قاحلة ام عشب الربيع بيغطيها
بس بالصيف لعدم وجود عناية فيها بتكون ارض قاحلة ام عشب الربيع بيغطيها
عبد الحميد
(0)
(1)
شو وين الجمال ، والله منظر هالجبال بخليك تحس انو هي قريبة عليك ومنظر الشروق حلو بس نحن تعودنا على كومات الحجارة والزبالة لهيك كل شيئ حلو منشوفوا مو حلو
الله يعطيكم العافية عكس السير على اللفتة الجميلة اولبسيطة ونتمنى التوسع اكثر في المرة المقبلة فهناك مناطق بحاجة لتعريف من قبلكم مثل البارة وجبل الزاوية وجبل الاربعين
مع الشكر ونتمنى أن لا نقتل جمالية الصور من قبل البعض
الله يعطيكم العافية عكس السير على اللفتة الجميلة اولبسيطة ونتمنى التوسع اكثر في المرة المقبلة فهناك مناطق بحاجة لتعريف من قبلكم مثل البارة وجبل الزاوية وجبل الاربعين
مع الشكر ونتمنى أن لا نقتل جمالية الصور من قبل البعض
ابو مراد
(0)
(1)
عنجد مناظر حلوة
ياريت تغطية لكل المناطق الجميلة بادلب وخاصة كفر تخاريم
ياريت تغطية لكل المناطق الجميلة بادلب وخاصة كفر تخاريم
هبه
(0)
(1)
عجبتني صورة الشروق أكتر بس عنجد لازم يكون في اهتمام بهالمنطقة الجميلة
وياريت من بعض المعلقين لا حدا يحكي كلام مالو معنى يعني حتى الصور ما بتسلم من النقد ويا ريت صح
وياريت من بعض المعلقين لا حدا يحكي كلام مالو معنى يعني حتى الصور ما بتسلم من النقد ويا ريت صح
ابو فارس
(0)
(1)
هلا المنطقة كتير حلوة بس يا ترى حدا بيعرفها من المسؤولين وانا اول مرة بسمع فيها يمكن الهدف من الصور مو الجمال يمكن لتوجيه اهتمام المسؤولين الها
شكرا عكس السير
شكرا عكس السير
ادونيس
(0)
(1)
أخخخخخخخخخ يا بلدي بس بدو مين ينتبه عليكي والله في عنا مناطق حلوة متل هالضيعة وفعلا ضايعة
لكان معقولة صف بيدرسوا فيه طلاب صفين والله عيب
لكان معقولة صف بيدرسوا فيه طلاب صفين والله عيب
ابن ارمناز
(0)
(1)
معاناتهم مع الاهتمام من قبل الجهات المعنية غائبة ، يفقدون لإضاءة الطرق وانعدام المياه بشكل نهائي معتمدين على شراء المياه من " الصهاريج " رغم وجود خزان كان من المتوقع وضعه في الخدمة منذ عامين ، لا يوجد شبكة هاتف
نرجو الاهتمام بها أكثر فهي منطقة بالمستقبل ستفيدنا وقد تكون مكان لتصوير مسلسل ضيعة ضايعة 3
عنجد منطقة حلوة ومستغرب يلي عبيقول صحرا بس هي مو صحرة هي جبال يا عغالم
نرجو الاهتمام بها أكثر فهي منطقة بالمستقبل ستفيدنا وقد تكون مكان لتصوير مسلسل ضيعة ضايعة 3
عنجد منطقة حلوة ومستغرب يلي عبيقول صحرا بس هي مو صحرة هي جبال يا عغالم
حمصية بالخبر
(0)
(0)
صورة الشروق حلوة ويمكن لحالها بالموضوع بتكفي
اشتئلك يا بلدي
اشتئلك يا بلدي
عبدالله
(1)
(0)
منطقة حلوة والجبال منظرها عن قريب حلو ، هوي في أجمل منها بس فعلا ضيعة ضائعة لانو أول مرة بسمع فيها
ادلبي مغترب
(0)
(0)
شو هالضيعة أول مرة بسمع فيها وين بارمناز كمان على كل شكرا على اللفتة الجميلة وياريت الاهتمام من المسؤولين للعناية بها اكثر
وينكم يا بلدية
(0)
(0)
600 عدد أفراد أسرتها والله معناها ضيعة ضغيرة وخرج يتصور فيها مسلسل وبعيدة وخاصة انو مو مسموع فيها أي انشالله يصوروا فيها مسلسل ضيعة 3
ليث بقاع
(0)
(0)
يلي عبقول الصور عادية ، فيمكن تكون عادية بس الأهم من العادية هو وين الهاتف والكهرباء والمي بهالمنطقة شو الموجودين فيها مو بشر بس صورة الشروق حلوة كتير
بعدين بيكفي بهيك مناطق بيكون الجو والهو نضيف وما في صوت سيارات هادا الجمال لحالو بيكفي وفعلا عدسة الكميرا ما خرج توصفوا
حلوة يا بلدي عكس السير نرجو الاهتمام والتوسع أكثر بتلك المناطق
المحامي عبدالريحم ادريس
(0)
(0)
حلوة يا بلدي والله في أماكن الجن الازرق ما بيعرف فيها والله بلدنا حلوة بس بدها شوية اهتمام من الاعلام
هلأ البعض قال انو الصور عادية طيب انا معكن بس حدا سمعان بهالمنطقة اكيد لا وياريت هالمعنيين ينتبهوا الها شوية اهتمام وقتها فعلا تستحق قطعة من الجنة وياريت لا تجكموا عالشيئ بمجرد صورة الجبال والشروق بتمنى انو نزورها ونشم هواها النضيف والهدوء يلي فيها وهون فعلا الصورة صعب توصف هالشي وانا بدي اشكر عكس السير على اللفتة الجميلة لتسليط الضوء على هذه الضيعة الضائعة
هلأ البعض قال انو الصور عادية طيب انا معكن بس حدا سمعان بهالمنطقة اكيد لا وياريت هالمعنيين ينتبهوا الها شوية اهتمام وقتها فعلا تستحق قطعة من الجنة وياريت لا تجكموا عالشيئ بمجرد صورة الجبال والشروق بتمنى انو نزورها ونشم هواها النضيف والهدوء يلي فيها وهون فعلا الصورة صعب توصف هالشي وانا بدي اشكر عكس السير على اللفتة الجميلة لتسليط الضوء على هذه الضيعة الضائعة
حلبي للصاجه%
(0)
(0)
عليم الله هلأ ماأحطلكن صور الكرم عنا خيلة أحلى من هالصور بمليون مره
ابن الضيعة
(0)
(0)
حبيبي وين ما رحت في منطقة احلى من التاني بس بدها شوية اهتمام والله قد ماكان هالصور احلة من منظرالزبالة يلي بالشوارع والدخان يلي معبي السما هون عالاقل هوا نضيف بقا خلونا ساكتين والله ما في احلى من سكنت الضيعة بطول العمر
samer
(0)
(0)
قريت العنوان امبالي بدي شوف شجر نهر زهر رهرة معلش بس يفضح عين هل الجمال علي الحلال ازا بيستسمروا وبحطو فيا مقلع حجر بتغطي سوريا شمنتو
زكية فتحة
(0)
(0)
لعمى انتو اذا رحتو على سويسرا معناها شو بصير فيكن؟؟ بتنفلجو رسمي!!
سوري
(0)
(0)
حلوة يابلدي
nana
(0)
(0)
ليش ما بتروحوا وتشوفوا ناحية سرمين التابعة لمحافظة ادلب كمان هي منطقة كتير حلوة ولازم تنعرف بتمنى نشوف صورة للناحية باقرب وقت
(0)
(0)
كيف لو تشوف ضيع الساحل السوري اجمل بكتير من هي الضيعة عنجد مناظر روعة الجبال السهول الاشجار المتنوعة مناظر خلابة متل اللاذقية جبلة وادي العيون أبو قبيس اماكن رائعة
سوري وخايف على البلد
(0)
(0)
يا اخوان المنطقه رائعة الجمال في الربيع ارجو عدم الحكم على الصور يكن ومع احترامي الي التقط الصور كان لازم يعتني فيون اكثر انا من سكان ارمناز المذكوره في التعليق الصراحه اول مره رحت على هل المنطقه انا اتفاجئة لاني في هيك مناظر انا ما صدقت ابدا وعلى فكره المنطقه ما بتبعد على تركيا يمكن ربع ساعه بتصير على الحدود التركيه ارجو عدم الحكم بسرعا لاني بلادنا كلها جنه على الارض.
محمد بولادmbonly89@hotmail
(0)
(0)
أحلى سكنة ياجماعة بالضيعة لعدة أسباب:
1-هدوء
2-هواء عليل
3-علاج طبي في هدوء الأعصاب
4-الناس الي حواليك بينعدو عالإيد
5-................
6-..............
7...........
.......
..
1-هدوء
2-هواء عليل
3-علاج طبي في هدوء الأعصاب
4-الناس الي حواليك بينعدو عالإيد
5-................
6-..............
7...........
.......
..
محمد
(0)
(0)
اللي بيقرأ المقدمة اللي كاتبها الأستاذ سائر بيفكر حاله فعلا رح يشوف الجنة بس بالصراحة ماني شايف شي من مقومات الجمال ولا السياحة
يعني معقول ما شفتو أكتر من هيك جمال بالطبيعة
بربي في بضيع اللاذقية كل منظر شي بيشهي ... درتو درتو وهاي اللي عجبتكن
يعني ما بعرف شو بدي قول بس يا سيدي انشالله بالهنا عليكن اكتشاف ضيعة ضيعة تانية عندكن بكفرتخاريم وادلب
يعني معقول ما شفتو أكتر من هيك جمال بالطبيعة
بربي في بضيع اللاذقية كل منظر شي بيشهي ... درتو درتو وهاي اللي عجبتكن
يعني ما بعرف شو بدي قول بس يا سيدي انشالله بالهنا عليكن اكتشاف ضيعة ضيعة تانية عندكن بكفرتخاريم وادلب
ادلبية وافتخر
(0)
(0)
أصلا يلي بفكر بعمق الصور وبإحساسهن ما بيعلق هيك تعليقات
الهدووء و الجو الصافي وريحة الشجر والشمس المشرقة والبيوت القديمة وطبيعة الضيافة كتير حلوة وقتها ما كنا فكرنا وكسرنا بقيمة الموضوع
طيب عطوني مثال بالمدن ضل في صلة رحم بين قلوب الناس أكيدد لا بس بهيك ضيع ضايعة لسه موجودة
الهو عنا بالمدن نضيف أكيد لا لانو كلو زبالة وسيارات أما هون بالضيع ما في من هالشي ما في غير ريحة الشجر والورد
انت عندكم اضاءة ومي وهاتف اما هالضيعة ما عندهم بس رغم هيك عايشين
ويلي عبقول انو هالمنطقة حجر وصحراء ب-حب قلو الصحراء عبارة عن رمل اما موضوع الحجر فموجود في أجمل المناطق
بس هون ظاهر بشدة لقلة الاهتتمام من قبل البلدية
بلعكس انا بشكر عكس السير يمكن القيمو مو بالصور القية بتوجيه اهتمام المعنينين لهيك مناطق يمكن لو اهتمينا فيها شوي تكون احلى مناطق وفعلا قطعة من الجنة
ويلي قال انو هي مو قطعة من الجنة بحب قلو انو سورية كلها قطعة من الجنة بقى كيف هالمنطقة مو قطعة من الجنة
آسف للاطالة و لكن بعض التعليقات استفذتني لو كان المقال جريمة قتل لقالوا اساءة ولكن منطقة ضائعة ضايعة حولوه لاساءة
وشكرا
الهدووء و الجو الصافي وريحة الشجر والشمس المشرقة والبيوت القديمة وطبيعة الضيافة كتير حلوة وقتها ما كنا فكرنا وكسرنا بقيمة الموضوع
طيب عطوني مثال بالمدن ضل في صلة رحم بين قلوب الناس أكيدد لا بس بهيك ضيع ضايعة لسه موجودة
الهو عنا بالمدن نضيف أكيد لا لانو كلو زبالة وسيارات أما هون بالضيع ما في من هالشي ما في غير ريحة الشجر والورد
انت عندكم اضاءة ومي وهاتف اما هالضيعة ما عندهم بس رغم هيك عايشين
ويلي عبقول انو هالمنطقة حجر وصحراء ب-حب قلو الصحراء عبارة عن رمل اما موضوع الحجر فموجود في أجمل المناطق
بس هون ظاهر بشدة لقلة الاهتتمام من قبل البلدية
بلعكس انا بشكر عكس السير يمكن القيمو مو بالصور القية بتوجيه اهتمام المعنينين لهيك مناطق يمكن لو اهتمينا فيها شوي تكون احلى مناطق وفعلا قطعة من الجنة
ويلي قال انو هي مو قطعة من الجنة بحب قلو انو سورية كلها قطعة من الجنة بقى كيف هالمنطقة مو قطعة من الجنة
آسف للاطالة و لكن بعض التعليقات استفذتني لو كان المقال جريمة قتل لقالوا اساءة ولكن منطقة ضائعة ضايعة حولوه لاساءة
وشكرا
برهوم الدرعاوي
(0)
(0)
يعني انا لما شفت العنوان قلت لحالي رح شوف جنة
بس لما شفت الصور هية حلوة بس صور عادية جدا بتشوفا بكل مناطق سوريا .
بدرعا في مناظر احلى من هيك بكتير و مو بس ضايعة " مهمشة " على كل حال شكرا لعكس السير على الاهتمام
بس لما شفت الصور هية حلوة بس صور عادية جدا بتشوفا بكل مناطق سوريا .
بدرعا في مناظر احلى من هيك بكتير و مو بس ضايعة " مهمشة " على كل حال شكرا لعكس السير على الاهتمام
X Man
(0)
(0)
وين الحلو بالموضوع
في مناطق أحلى بكتيييييييييير
في مناطق أحلى بكتيييييييييير
Talal Dinawi
(0)
(0)
حلو الاهتمام بالمناطق اللي محرومة من دعم الدولة
ولازم نساعد جميعا لتوفر الضروري لهم
بس ما في داعي لهالعنوان المبالغ فيه ... وين الصور اللي حكيتو عنها
ولازم نساعد جميعا لتوفر الضروري لهم
بس ما في داعي لهالعنوان المبالغ فيه ... وين الصور اللي حكيتو عنها
سلقيني
(0)
(0)
روحو لبعد حارم على سلقين وشوفو المناظر الطبيعة يلي فيها ولا شجر الزيتون وكمان المزارع فيها شغلة وفيها احلى مقاصف
العراب
(0)
(0)
يعني عفوا و الله وين المناظر
في مرة حدا حاول يسافر في الباص من انطاكيا لاسطنبول و يتفرج عالمناظر الحقيقية و النظافة و الحضارة
يعني اي شخص رح يقرأ هالعنوان رح ينصدم لما يشوف هالتصوير
ذم بطريقة المدح
ارجو النشر
في مرة حدا حاول يسافر في الباص من انطاكيا لاسطنبول و يتفرج عالمناظر الحقيقية و النظافة و الحضارة
يعني اي شخص رح يقرأ هالعنوان رح ينصدم لما يشوف هالتصوير
ذم بطريقة المدح
ارجو النشر
ناااادين
(0)
(0)
المهم الجو الحلو والنقي والناس الطيبة أكيد بتشوف المنظر احلى منظر
بتمنى شوف مملكة ايبلا والمناظر الطبيعية بادلب لك بمجرد صورة شفتها بالنت مرة اتخيلتي حالي بهالمكان رغم وجود مناظر أحلى بكتير بس ما بعرف كل واحد وميوله
ان شاء الله بعيش لحتى زورها رغم صغر هالمحافظة
ريم
(0)
(0)
والله أكتر الشي منطقي بالموضوع هوي العنواااان .......
لأنو عدسة الكاميرا عنجد عجزانة تصف جمال هالضيعة
لأنو هالضيعة جمالا مبين عادي بالصور ......
يعنني هيي حلوة ...بس مو خارقةالجمال متل اللي مكتوب
هلأ إذا هيي أحلى من هيك بكتير بالرربيع بظن أنو لازم الصور تكووون بالربيع
مو تقلولنا تخيلو أنتو أديش رح تكون حلوة بالربيع
على كلن شكرا وان شاء الله المرة الجايي عدسة الكاميرا ,,تقدر,,تصور جمال الضيعة
لأنو عدسة الكاميرا عنجد عجزانة تصف جمال هالضيعة
لأنو هالضيعة جمالا مبين عادي بالصور ......
يعنني هيي حلوة ...بس مو خارقةالجمال متل اللي مكتوب
هلأ إذا هيي أحلى من هيك بكتير بالرربيع بظن أنو لازم الصور تكووون بالربيع
مو تقلولنا تخيلو أنتو أديش رح تكون حلوة بالربيع
على كلن شكرا وان شاء الله المرة الجايي عدسة الكاميرا ,,تقدر,,تصور جمال الضيعة
سلامات
(0)
(0)
هي مش ضيعة ضايعة
هي صحرا ضايعة
هي صحرا ضايعة
الأمين
(0)
(0)
أكيد لو زارت الكاميرا مدينة حارم نفسها لكان الموضوع قد تغير لأن الكاميرا سوف تصور أجمل الصور من هذه المدينة الرائعة الجمال ولما احتارت في أمرها، ندعوكم لزيارة حارم مع كاميراتكم لالتقاط أجمل الصور وأحلاها
وأهلاً بكم.
وأهلاً بكم.
سوري
(0)
(0)
الشكر الجزيل على هذه الصور ولكن في ادلب أجمل من هذه المنطقة ففي جبل الدويلة المطل على كفرتخاريم يقع قصر هرقل الصيفي حيث يمكن أن ترى من هذا الموقع سهل الروج وزسهل الغاب أما في الجانب الغربي من هذا الموقع فيمكن أن ترى سهل العمق في لواء الاسكندرون بلإضافة إلى منطقة العليني في سلقين ومنطقة اليعقوبية والقنية في جسر الشغور
عصام
(0)
(0)
الصور بتعبر عن حالة الاهمال في هذه المنطقة وأنا متأكد لو شوية اهتمام رح تصير قطعة من الجنة وهالخبر لا يزكون ماشين غلط حتى المسؤولين يهتموا اكتر لانو حلوة يا بلدي بيفكروا وقتها المسؤولين انو الهخبر ما لو أهمية كتير والهتمام موجود
شكرا عكس السير
شكرا عكس السير
ادلبي مغترب
(0)
(0)
حلوة ادلب قد ما كتبتو عنها هي أحلى من هيك بكتير البارة وكنيسة قلب لوزة شو حلوة ادلب الصور حلوين بس في أحلى بكتير وانا مستغرب من عدم إعجاب البعض بهذه الصور يمكن مناطقكم تكون حلوة كمان بس بتمنى انو تعبر عن جمالها بصورها كمان
شكرا عكس السير
شكرا عكس السير
احمدزقو
(0)
(0)
لو فيها مسؤال واحد كان فعلاً صارت جنة
شو هل حكي
(0)
(0)
عنجد والله متل ما بقولو نحنا الشعب السوري مشهور بطق البراغي ما كزب
بس والله ياجماعة معكن حق يعني فعلا ما كتير شي ناهي يعني ضيعة ضايعة او اللادئية و كسب احلى بكتير
بس كمان معكن حق لما نشوف شي هيك غريب منشوفو هجنة لاننا متعودين ع الزبالة و الوسخ
لك اسفة صار معي انفصام شخصية + خاصية طق البراغي
الله يهدينا
قال جنة قال
بس والله ياجماعة معكن حق يعني فعلا ما كتير شي ناهي يعني ضيعة ضايعة او اللادئية و كسب احلى بكتير
بس كمان معكن حق لما نشوف شي هيك غريب منشوفو هجنة لاننا متعودين ع الزبالة و الوسخ
لك اسفة صار معي انفصام شخصية + خاصية طق البراغي
الله يهدينا
قال جنة قال
سوري من سوريا
(0)
(0)
والله لما قريت العنوان توقعت اشوف شي بس لما شفت الصور حسيت انوا ماشفت شي ولازم اسال في الوا تتمة الموضوع والا وعدتونا نشوف الجنة عالفاضي ههههههههههه
سورياااا
(0)
(0)
يعني اللي عم يقولنا لا تحكمو عالصور والله هاي بالربيع جنه طيب يا عمي استنا للربيع و صور هالمنطقه و خلينا نشووفا بالربيع و بعدين يا عمي في مناطق بسوريا جننه صيفا شتاءا ربيعا خريفا ......
جورج
(1)
(0)
هل تعلم ان قصرالزير سالم في قرية كفرنبل ادلب وبركة مياه النبي نوح فيها
Rojeh
(0)
(0)
ضيعتي فيا طبيعة احلى بكتيييييييييير رح اعطيكون اسما بلكي بتروحو بتصوروها -ع حدود تركيا اسما معمل اوشاغي - روحو ومارح تندمو طبيعة خلابة ومنطقة جبلية
ابو عصام الحلاق
(0)
(0)
والله التعليقات احلى من الخبر وضحكت شي بالف ليرة
بسام
(0)
(0)
ما اجملها ما اروعها اعذروني انها بلدي اعتز بها واحيا بها
مشكورة عكس السير
اتمنى من تلفزيون السوري تسليط الضوء على العديد من مناطق سوريا الجميلة اسوة بمسلسل ( ضيعة ضايعة )
مشكورة عكس السير
اتمنى من تلفزيون السوري تسليط الضوء على العديد من مناطق سوريا الجميلة اسوة بمسلسل ( ضيعة ضايعة )
سورية بالامارات
(0)
(0)
مع اني بنت ريف وبعشق كل شي اسمه تراب ومي وخضار بس هالمناظر اللي عم شوفها في منها بسوريا اكتر من مليون صورة
بس يعطيكم العافية على البادرة الطيبة وياليت تتكرر دائما
بس الاهم من الصور الكلام عن المي والهاتف يعني وين الدولة عنهم ؟؟
بس يعطيكم العافية على البادرة الطيبة وياليت تتكرر دائما
بس الاهم من الصور الكلام عن المي والهاتف يعني وين الدولة عنهم ؟؟
نور الشمس
(0)
(0)
تعو لعنا شوفوا ضيعتنا قديش حلوة مو بس هالضيعة ؟؟؟؟؟؟؟؟؟؟؟؟؟؟؟؟...................
أضف تعليقك :
مقالات أخرى من " حلوة يا بلدي "
 6-3-2014 ستون عاماً من العطاء : عصائر " أبو شاكر " الأشهر في سوريا .. قصة تعبق برائحة الشام ( فيديو ) عكس السير ... |
 10-8-2013 مرافق ومراسي جبلة القديمة.. شواهد على حواضن تاريخية لحماية السفن والبحارة من العواصف جبلة تلك المدينة الوادعة النابضة بالحياة والتي احتفظت من ماضيها القديم بأوابد تاريخية ومعالم أثرية يدل عليها العديد ... |
 19-7-2013 بين الهواية والاحتراف.. الصيد البحري مهنة متوارثة تحدد مردودها الخبرة والصبر اعتاد كثير من المواطنين في مدينتي طرطوس وبانياس على ممارسة حرفة أو هواية الصيد البحري حيث يقومون بنصب ... |
 19-7-2013 الأطباق القشية.. منتجات تراثية عريقة تزين جدران المنازل التقليدية في الساحل السوري رغم إنكفاء الأشغال التراثية والصناعات التقليدية الفلكلورية بفعل انتشار الصناعات الحديثة وتنوع منتجاتها إلا أن بعض المشتغلين في ... |
 9-7-2013 معلولا.. عبق التاريخ ونفحات من القداسة تفوح من حضارة عمرها آلاف السنين في قلب صخور القلمون تصطف بيوتها القديمة الاثرية كالعقاب في وكره لتحكي قصصا لا تنتهي عن تاريخ عمره ... |
 14-3-2013 مدينة إنخل .. رصيد تاريخي تروي تاريخ المنطقة والحضارات المتعاقبة عليها على بعد 55 كم من مدينة درعا و45 كم جنوب مدينة دمشق تقع مدينة إنخل التي يضعها الباحثون ... |
 13-3-2013 فن الخزف.. أتقنه السوريون فأضحى موهبة وهواية " تقرير مصور " لأن الخزف فن خالد .. تكاد لا تخلو أي حضارة من الحضارات الإنسانية من ممارسته حاولوا تعلمه والغوص ... |
 31-1-2013 " نهر الشهداء " قويق بين الماضي والحاضر (تقرير مصور) لنهر قويق" حكاية طويلة مع مدينته المحبوبة "حلب" فهو شاهد على كل الأحداث التي مرت على المدينة بل ... |
بس يعني عذروني
ماني شايف شي حلو كتير ما شايف غير شوية صحرة