|
بشار الأسد يصدر مرسوماً بإنشاء جامعة في حماة الثلاثاء - 13 أيار - 2014 - 22:07 بتوقيت دمشق
التفاصيل
أصدر بشار الأسد مرسوما يقضي بإنشاء جامعة حماة، ومقرها مدينة حماة، وتضم 11 كلية، بينها الطب والهندسة المعمارية والاقتصاد والتربية، والآداب.
ونص المرسوم رقم 19 على أن "جامعة حماة تضم كليات الطب البشري وطب الأسنان، والاقتصاد، والتربية، والآداب والعلوم الإنسانية، والتمريض، والطب البيطري، والزراعة، والهندسة المعمارية، والتربية الرياضية، والكلية التطبيقية"، لافتا إلى أنه "يجوز إضافة كليات أخرى بمرسوم جديد".
كما نص المرسوم على أنه "يعتبر أعضاء الهيئة التعليمية والعاملين الإداريين في جامعة البعث العاملين في الكليات الموجودة في مدينة حماة منقولون حكما مع شواغرهم إلى ملاك جامعة حماة بتاريخ نفاذ هذا المرسوم مع بداية العام الدراسي المقبل".
وتعد جامعة حماة الجامعة الحكومية السابعة في سوريا، وهم جامعات دمشق وحلب والبعث وتشرين والفرات، إضافة إلى الافتراضية، إلى جانب 20 جامعة خاصة، منتشرة في العديد من المحافظات. عكس السير
شارك الخبر على :
|
التعليقات :
ياعيبتها!!
(41)
(21)
مع الأسف كانت هذه هي هدية الترضية من بشار لأهل حماه بسبب محافظتهم على الشبيحة والمخابرات في مدينتهم!!!!
انشششششر
جائزة حسن سيرة وسلوك
(29)
(20)
على مايبدو انها جائزة حسن سيرة وسلوك لاهالي حماه
مكافأة
(28)
(22)
هي مكافأة لأهل حماه على مظاهراتهم ((((السلمية ))))... أبطال قص الشوارب
روحوا جخوا ....هي صار عندكم جامعة من بركاتو لسيدكم ...صبرتو ونلتو
يلعن روحو
(17)
(22)
على أساس أهل حماة ما عرفانين الطبخة
على مين بدك تضحك يا إبن أنيسة
بإذن الله الحموية راح يحفرو قبرك
صابر
(35)
(2)
كنتاوا صلحوا جامعة الفرات بالاول ....
جامعة الفرات كلياتها مدمرة ... والطلاب محشورين حشر بالمكان اللي مداوموين فيه ...
طيب كنتوا صلحوا هالجامعة ... وابنوا الكليات المدمرة .....
وبعدين اصدروا القرارات بجامعات جديدة ....
محمد الديري .
(23)
(2)
والله جامعة الفرات اللي مقرها مدينة دير الزور . ما تعرف. شي عن الجامعات الا بإسمها ..
ابنية مدمرة ...
كادر تدريسي ما الو علاقة بالتدريس الجامعي .. وكل مدرس يدرس شي مو من اختصاصه ...
صدور قرارات بالجامعة تصب بمصلحة الجميع الا مصلحة الطالب ...
الطلاب معرضين للهطر بكل خطوة يخطوها للجامعة ...
لذلك اما حلوا هالجامعة ووزعوا هالطلاب عالجامعات الثانية ... او اهتموا بهالجامعة وصلحوها ... ووظفوا دكاترة ومدرسين عالقد المسؤولية ...
حموي
(11)
(14)
هدوء العاصفه ايها السورييون ان غدا لناظره لقريب.
حموي وافتخر
(11)
(16)
عيب اي واحد يحكي على اهالي حماة كلنا يد واحدة جوابي علي الشخص الذي يشتم اهالي حماة جميع سكان محافظات سوريا نزحو الى حماة ويعيشون فيها هم ليسو نازحين لان حماة واهلها خدامين لكل شخص يطلب اللجوء فهمت يا حلبي لماذا حماة هادئة لاننا لا نريد عائلة هربيت من القصف لكي تعود اليه وخصوصا الشيب ولاطفال والنساء والله ينصرنا
حلبي وافتخر
(26)
(11)
يا حموي وتفتخر. كنا ننتظر هذا الكلام ايضا من اهل حماة عندما كانت حلب هادئة وعندما كانت ايضا ملاذا لجميع سكان سوريا. هل فهمت ايضا يا حموي لماذ كانت حلب هادئه؟ لاننا لم نكن نريد لالاف العوائل التي نزحت من حمص ان تهجر ثانية. ولكن هل رحمتونا من السنتكم ومن مسخرتكم ومن الاستهزاء بنا؟ والان انقلب الدور وتحاولون لعب دور الفارس الذي يحتضن العوائل المهجرة. لا نرجو خراب لحماة كما خربت حلب ولا نرجو خراب لاية مدينة في سوريا هل تعلم لماذا؟ لان حلب والحلبيون من عمرهم كبار ودوما الكبير لا يهمه فعل الصغير ولو شتمه واهانة. ولانه لايقذف الا الشجر المثمر وفهمك كفاية.
ياجماعة الخير شبكم
(17)
(1)
اهل حماة و حلب هنن اخوة مالكم سوريا كلها اخوة ياجماعة لهون وصلنا ماعدنا نتحمل بعض لاحول ولاقوة الاب الله
الوليد العربي
(4)
(22)
الى أبو حلب المفتخر
لاتحكي حكي أكبر حماه وأهلها تاج راسك متل ماهي حلب وأهلها الثوار تاج راسك كمان لأنك من جماعة الحلبية اللي منصادفهم كل يوم للأسف وهنن شاطرين بالفهمنة على وزن :(والله كنا مرتاحين قبل الأحداث والثورة خربتها علينا) منحبكجية مبوجقين
الشباب الحموية مشاركين في معارك الشرف بكل مكان في سوريا وبكل الجبهات وبإذن الله رح يكتمل تحرير ريف حماة قريبا ورح ننزل على المدينة نحررها لأن النظام إحتل حماه من شهر آب 2011 اللواء 52 الفرقة الرابعة ماعدا اللي كان موجودين فيها من الأول بالإضافة إلى أن معظم الأحياء القديمة بحماه هدمت وأزيلت أثناء مدابح النظام سنة 1982 وما ضل عندنا مكان نتمترس فيه ولما أندبح عندنا 40000شهيد خلال 21يوم وين كنت جنابك ياطبل
الخلاصة لما بتذكر سيرة الحموية حط أيدك على راسك انت واللي على شاكلتك
الى الوليد العربي
(18)
(4)
منين جبت انه انتقل 40000 بحماه اذا كان الاخوان أنفسهم اعترفوا وعلى قناة الجزيرة ان العدد كله لا يتجاوز 2000 و اغلبهم مقاتلين اتدربوا بالعراق و الأردن وثائق المخابرات الأميركية أكدت هالشي؟ يعني كذبتوا الكذبة وصدقتوها؟ أصلا حافظ الاسد استغل هالكذبة حتى يصور حاله جزار وسفاح وبالتالي يخاف بقية الشعب . ثانيا لساتكم على هالعقلية المتخلفة الحموي تاج راس ما بعرف مين و ما بعرف مين تاج راس ما بعرف مين ؟ آيه انتو بيلبقلكم ديمقراطيه؟ بالخمسينيات الحموي انقلب عالشامي لانو كان بالحكم و رجع الحلبي عمل انقلاب لانو الحموي صار بالحكم و و بعدين رجع الحموي انقلب وراحت البلد ولساتكم بهالعقليه المتخلفة . كل واحد بيعتز ببلده بس مافي حدا تاج راس حدا لانو سوريا هيي تاج رأسك وراسي ورأس كل سوري فهمت ولا متل العاده ؟
طولوا بالكم شباب ... على راسي كل السوريين ... وقولوا .. سوري وافتخر ...
(11)
(2)
يعني على هالحالة وهالملاسنة والمعايرة ... شو خليتوا للنظام ولبشار ليحاربه ؟؟؟؟؟؟
احسن شي يطلع كل يوم قرار لشي مدينة بسوريا ... ويترك السوريين ينزلوا ببعض مسبات ... وشتائم ... وبالأخير يضربوا بعض ...!!!!
عطيني عمر لينفذ هالقرار ....
بتعرفوا قرار انشاء جامعة بالمنطقة الشرقية ( يعني جامعة الفرات ) ايمتى طلع ... وايمتى تنفذ ؟؟؟؟؟
عشرات السنين ... والساحل صار فيه جامعات وكليات متفرقة ... وقرار جامعة الفرات مكانك راوح ....
لذلك ....
شبعوا قرارات من اليوم وطالع ...
طالما كل قرار من النظام ... بدو يفرق السوريين عن بعض ..
طبعاً
سياسة ... فرق ... تسد ....
بطلوا هالإندفاع العمى ....
السوريون اخوة ... واي شيء مفيد بأي مدينة سورية هو فائدة لكل السوريين ... والله يجمع وما يفرق انشالله ....
وانا سوري ورافع رراسي إ بإسم كل السوريين .
أضف تعليقك :
مقالات أخرى من " شباب و طلبة "
 10-3-2015 وزيرة التعليم الألمانية تعتزم توفير دعم تعليمي إضافي لأبناء الأجانب تعتزم وزيرة التعليم الألمانية يوهانا فانكا توفير المزيد من الفرص لأبناء المهاجرين في ألمانيا. واعتبرت الوزيرة في تصريح ... |
 24-2-2015 الإعلان عن موعد بدء التسجيل في برنامج المنح الدراسية التركية أعلنت "مؤسسة المنح التركية (Türkiye Bursları)" عن فتح باب التقدم بطلب الحصول على منحة للدراسة في تركيا لكل ... |
 22-2-2015 12 ألف طالب في التعليم المفتوح يوقفون تسجيلهم في جامعة دمشق قالت وسائل إعلام النظام عدد الطلاب الذين تقدموا بطلبات توقيف تسجيل لبرامج التعليم المفتوح، بلغ 1200 طالب في ... |
 20-2-2015 ألمانيا تعترف بالمؤهل الدراسي لأكثر من 25 ألف مهاجر أفادت بيانات صادرة عن الحكومة الألمانية بأنها اعترفت حتى الآن بشهادات أكثر من 25 ألف مهاجر يقيمون في ... |
 18-2-2015 مديرية المنح و البعثات في الحكومة السورية المؤقتة تطرح استبياناً لمعرفة عدد الطلاب المنقطعين عن الدراسة طرحت مديرية الإحصاء و مديرية المنح والبعثات في وزارة التربية والتعليم في الحكومة المؤقتة استبياناً لمعرفة عدد الطلاب ... |
 14-2-2015 أفضل 10 جامعات في تركيا لعام 2015 أعلن مركز التنسيب و التقييم والاختيار في تركيا (ÖSYM) ترتيب الجامعات على مستوى تركيا لعام 2015. ووفق هذا ... |
 14-2-2015 الأوراق المطلوبة للتسجيل في الجامعات التركية الأوراق المطلوبة للتسجيل في الجامعات التركية اضغط على الصورة لرؤيتها بالحجم الكامل عكس السير ... |
 9-2-2015 جامعة غازي عنتاب تفتتح أكثر من 20 برنامجاً باللغة العربية أعلن رئيس جامعة غازي عنتاب أن مؤسسته التعليمية تستعد لإطلاق أكثر من 20 برنامج في اللغة العربية، بما ... |