اختطاف بولمان ينقل 40 إيرانياً على طريق مطار دمشق كان متوجهاً إلى "السيدة زينب"


أخبار البلد	سياسة	كوكتيل	كرت أحمر	تكنولوجيا	المال و الأعمال	مساهمات القراء	سيارات

ماشيين غلط

حوادث

شباب وطلبة

بكرى أحلى

حلوة يا بلدي

طافشين

فلاش

الصورة بتحكي

ع البال

سوريا أخبار سورية اخبار حلب اليوم

هام : اسرائيل تنشر شريطا مصورا لاشتباكات قواتها مع الجيش النظامي في الجولان (فيديو)

اختطاف بولمان ينقل 40 إيرانياً على طريق مطار دمشق كان متوجهاً إلى "السيدة زينب"
السبت - 4 آب - 2012 - 14:57:25

التفاصيل

علم عكس السير من مصدر محلي بمنطقة السيدة زينب بريف دمشق أن مسلحين مجهولين أقدموا على اختطاف حافلة ركاب (بولمان) على متنها أكثر من 40 راكباً إيرانياً على طريق مطار مطار دمشق الدولي عند عقدة الجسر الخامس.

وقال المصدر إن الباص المُختَطف كان من بين ثلاثة بولمانات تنقل حجاج إيرانيين من مطار دمشق الدولي إلى منطقة السيدة زينت وقد جرى اختطاف أحد البولمانات واقتياده إلى جهة مجهولة.

وقال المصدر أن أجهزة المخابرات الجوية تحاول الآن تعقب البولمان المخطوف.

عكس السير

اضغط هنا للوصول إلى صفحة عكس السير على "فيس بوك"

احفظ هذا الخبر في :

التعليقات : الآراء الواردة في التعليقات تعبر عن آراء أصحابها وليس عن رأي عكس السير .

الاسم : أفلاطون
العنوان : المخابرات الجوية

(96)

(6)

لم أسمع بهكذا مسمّى في كل أجهزة أستخبارات العالم قاطبة ,الا في سوريا ؟
المخابرات الجوية ؟ماهو طبيعة عملها ؟ هل مهمّتها التلصص على الملائكة في السموات ؟

الاسم : gigi

(104)

(17)

أنا ما أفهم كيف نحن ولاد البلد قاعدين في بيوتنا بسبب الوضع الأمني المتردي وما عندنا جرأة نسافر من مدينة إلى مدينة داخل سورية , والإيرانيين عم يأتوا بهيك ظروف لزيارة الأماكن الدينية . يعني شو هالإيمان يللي مقتَل بعضو . ألا يمكن تأجيل هذه الزيارات إلى حين عودة الحياة الطبيعية إلى البلد . أو بدكن يانا نصدق أنهم حجاج متل يللي انخطفوا في إعزاز . ياترى إلى أي درجة مقكرين أنو نحن حمير ؟؟؟؟

الاسم : صالحي
العنوان : حجاج

(89)

(13)

من اسبوع قال صالحي وزير خارجية ايران ان الوضع في سورية طبيعي ولا يدعو لسحب الرعايا

خلينا نشوف شو راح يقول هلأ

بس لا تقولو انهم حجاج وكانوا يزوروا العتبات المقدسة لان هاي الديباجة سمعناها كتير

الاسم : سواح
العنوان : حجاج

(87)

(12)

شو كانو عم يساوي هدول؟؟

حج مين

نحنا ولاد البلد ما عم نسترجي ننزل

الاسم : سوريا
العنوان : بلدي

(82)

(9)

يعني سؤال يطرح نفسو كل شعوب العالم هربت من سوريا لك حتى أهل البلد يلي نزح ويلي اتغرب ويلي سافر لشي مكان امن انو هدول الايرانيين مو خايفين من شي قذيفة طايشة ورصاصة طايشة اي هلأ مو وقت الحج
فهدول شو جابن يتسائل مراقبون!!!!!

الاسم : ابو جندل
العنوان : معقول

(84)

(9)

اذا كنا نحن السوريين لا نستطيع قضاء اجازة الصيف في سوريا معقول الايرانين جايين سياحة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاسم : فاتح
العنوان : له له له

(56)

(4)

انا اذا عرفت انو السعودية عم تمر بظروف استثنائية متل ظروفنا ما بروح على العمرة ولا الحج
الله يصلحهم شو جابهم بهالوضع
في بني ادم فيه عقل بيعمل عملتهم

الاسم : حلبي ومكتر
العنوان : بجد

(79)

(7)

هلئ بجد وقت حجاج ايرانين وبعدين انا بعرف الكعبة بمكة مو بالست زينب
اي شو هل الحكي ولو تخنت

الاسم : عبدو
العنوان : العبدو

(77)

(5)

هلأ وقت الحج؟ مستغرب.. ماشفتوا انو سورية كلها "عصابات ارهابية مرتزقة"؟
هي نهاية الي بيتفرج عقناة الدنيا..خلصت ما؟

الاسم : حلبي للعظم
العنوان : شو ك عم يعملو

(70)

(7)

حجاج!!!!!!! وبالست زينب!!! لعبو غيرا الله يخلصنا

الاسم : gigi

(58)

(6)

حجاج في هكذا ظروف . معقول!!!!!!!!!!! ماعم تفوت بمخي ,,, في حدا بروح يعمل سياجة وزيارة لأماكن دينية إلى بلد ولعانة فيه حرب بكل معنى الكلمة .........بدك حدا يصدق هيك قصة ؟

الاسم : ابو يامن

(60)

(5)

مجنون يحكي وعاقل يسمع... حجاج بهالاوضاع!!!! لك اذا السوري ما عم يسترجي يطلع من بيتو...

الاسم : غسان

(60)

(4)

قلتلولي الى منطقة السيدة زينب ........!!!!

الاسم : هاااااااااااااااااااااااااااااااااااااااام

(73)

(5)

يعني بس بدي اسأل سؤال
شو عم يعملو الايرانيين بهالمنطقه؟
رح تقولولي حجاج
لك ياجماعه اذا كنتو فعلا حجاج يعني معقول هاد وقت حج بهالظروف؟
اقسم بالله المسجد يبعد عن بيتي حوالي 200 متر وما عم استرجي انزل صلي التراويح من اول رمضان بسبب الوضع الامني
بقى يعني جايين من ايران لهون حتى تحجو ؟؟؟!!!!!!!!!!!!!!!!!!

الاسم : حلبي للعضم
العنوان : تصحيح

(48)

(8)

هدول زوار وليسوا حجاج لأن الحج مكانه معروف وهو مكة المكرمة ماشي ............................

الاسم : سني عبيوجعني
العنوان : الايمان

(18)

(87)

بدكن كتير لتفهمو شو يعني ايمان وشو يعني عقيدة هدول الناس مابخافو الموت ولابيرجعو عن شي بدهن يعملو شوفو بسبب جرأة الشعب الايراني وقوة عزيمتو وين صارو ووين صرنا نحنا السنة

الاسم : حسين
العنوان : من السيدة زينب

(5)

(40)

انا من السيدة زينب...اول شي غلط ينكتب حاج لانو الحج عندنا بس لمكة المكرمة...هدول زوار. ..وللعلم طلع قرار من ايران بمنع كل الايرانيين بالقدوم الى سوريا بالبر...ولما اجو بالجو انخطفو... وعمليات الخطف مو عم تسيء للنظام او للجيش الحر عم تسيء للبلد لانو لما تهدى الاحوال لح يضل يضل في فكرة سيئة عن اهل البلد

الاسم : محب سوريا
العنوان : حجاج ايران

(39)

(6)

يعني خلصت كل الاماكن الشيعية في ايران والعراق مابقي الا الشام

الاسم : ابو باسل

(5)

(54)

والله كلكن ياللي كاتبين تعليق كذابين كل الناس عمتروح عالجامع والتراويح حاجتكن عمتعطوا صورة للبلد انو خربانه انزلو عالاسواق طول النهار وشوفوا الناس روحوا عالجامع والتراويح وشوفو المصلين بس كلكن خونه ومندسين مابعرف من وين عمتشوهوا صورة البلد وانا مابتبع لحدا بس انا بحب بلدي .....

الاسم : سوري حر
العنوان : 40 مو48؟؟؟

(26)

(1)

اذا التلفزيون السوري الرسمي قال 48 ماذا تنتظرون يا عكس السير لماذا تخفضون العدد؟؟؟

الاسم : الى سني عبيوجعني
العنوان : ابوس روحك انا

(24)

(43)

يا سيدي معك حق 100% والدليل الباصات فيها عائلات (رجال - نساء - اطفال) وفي شب بيدرس معي بالغربة شيعي من اللبنان اهلو من فترة كانو بسوريا والعراق زيارات دينية ورجعوا بخير وسلامة (امه وابوه واخته وجوزها وولادن ال 2) - بس نحن السنة ما شاطرين غيرندبح بعض ونصرع بعض بالدين ونسب كلشي ما بيعجبنا والدين من تصرفاتنا براء - لو النبي محمد عايش (ص) كان تبرى منا. فعلاً شوف الشيعة (الي مو عاجبينا) حرب العراق - الحصار الاقتصادي - العقوبات - المحارشات من دول الخليج - اسرائيل - اميركا ومع هالشي صار عندون نووي وبنو جيش من تعب جبينون وبصناعة وطنية وتقدموا بالتكنولوجيا وعم يحافظوا على نفطون وارضون وشرفون ودعموا مقاومة اللبنان معنوياً ومادياً وسياسياً وكلشي - شوف الخليج كيف عم ينط بدو تدخل خارجي (اميركي\ناتو) وعقوبات وسب علينا - وشوف كيف ايران عطتنا قرض بمليار دولار وعم تساعد مادياً باضرار الكهربا والنفط وعرضت تحط وديعة مشان تحمي الاقتصاد السوري وتساعد الشعب - لاني الاقتصاد بيعني الاكل والشرب والتدفئة النا. بس خلص مو مالون سنة صارو ينسبوا بابشع الالقاب. هي ايران وسوريا دعموا حزب الله وبدعمون تحرر جنوب اللبنان وانهزم الكيان الصهيوني بحرب 2006 - وهي الخليج كلها قواعد اميركية وعلاقات طيبة مع الكيان وهنن اصل البلاء والفتنة. الرجاء النشر ما حكيت حرف غلط او برا الطريق وكلامي كلو صحيح والكل بيعرف هالشي

الاسم : ابو باسل
العنوان : توضيح

(4)

(1)

عفوا بس نسيت حط مكان اقامتي الحالي (كندا )
وشكرا لكم

الاسم : مندس وطني

(10)

(0)

شكرا كتيير الاعلام السوري قال انو سيطر على مدينة دمشق بس هدول لم يكونو عالبال وسبحلن الله سياااح ورحنا اهل الشام ماعم نطلع من بيوتنا

الاسم : ram
العنوان : شعب زكي

(3)

(7)

يعني لو انن مقاتلين ما كانو قدروا يخطفوهن بهل السهولة وكان صار اشتباك على القليلة من غباء البعض عم يلوموا المخطوف ويتركوا الخاطف كانوا صار امر مشروع

الاسم : شيعي
العنوان : فاهمين غلط

(4)

(14)

أولا كلمة حجاج تعني زوار فالايرانيين ككل المسلمين عندما يريدون الحج سيذهبون الى مكة واذا كان قدومهم الى سورية في هذه الاوقات قد يثير الريبة فاعلمو ان الايرانيين كانو يزورون مقام الامام الحسين في العراق ايام حرب العراق وحتى الان ولكن ان يخطفو فقط بسبب انتمائهم المذهبي فهذا هو الجهل بعينه ولا أعرف كيف تصدقون بوجود جنود ايرانيين في سوريا لدينا 4 مليون عسكري سوري لسنا بحاجة لأحد نحن بحاجة فقط الى عقول واما قصة حبنا لرسول الله و لأهل البيت فقصة لن تفهموها أبدا مهما حاولتم فهي تدفعنا لكي نخاطر بحياتنا من أجل زيارتهم

الاسم : سعيد
العنوان : الى ابو باسل

(9)

(1)

شوبدك احسن من هيك امن وامان بس هدول كلهم مندسين موشايفين بعيونهم شو عم يصير بالبلد شوف ارتال السياح ......كل هل القتلى بالشوارع هي من تأليف الجزيره الله يخليلنا تلفزيون الدنيا لولاه وين كانت البلد بالويل ......اه يابلدي اه كم يجري استخفاف لعقولنا وكم اعلامنا متخلف واين وصل السوريين ...لك مشان الله في حدا بيجي للسياحه لسوريا الآن !!!!مجنون يحكي وعاقل يسمع

الاسم : مواطن سوري

(11)

(2)

أولا الحج في مكة المكرمة و المدينة المنورة فقط ...

إذا كانو زوار ..!! شو قوة هالقلب و الإيمان تبعهم .. السوريين تركو سورية ...

أكيد مو زوار .. شي تاني ..!!

الاسم : حليم
العنوان : وجهة نظر

(1)

(0)

قد يكون الزوار مجموعه من بسطاء الناس لا يتابعون الاخبار ولا يعرفون السياسه يغرر بهم المستفيد وهو التاجر الناقل لهم ويطمئنهم ان الدنيا بخير وانا اعرف من يذهب الى العراق في اوقات عصيبه ومنهم من قتل في التفجيرات ومنهم من يعتقد انه لو قتل وهو قاصد زيارة اهل بيت الرسول فهو شهيد

الاسم : عاشق تراب سوريا
العنوان : اللي مابيعرف يسكت افضل

(2)

(3)

في البداية السلام عليكم يا اخوتي السوريين في البداية لازم ننسى مسألة معارض او مسألة طائفة وتذكروا انو نحنا سوريين كنا عايشين افضل عيشة وهذا الموضوع واقعي وعن تجربة لانو الفقير عنا عايش والوسط عايش والغني عايش لكن والله العظيم في كل دول المنطقة المجاروة وبالمقارنة نحنا بالجنة انا اعترف في اغلاط في تقصير لكن الحل مو بهالطريقة.
المخابرات الجوية ياسيد افلاطون سيئة جدا ولكن تأكد مو أسوأ من جيشك الحر اللي شردنا وسرقنا وما خلانا نعرف مصيرنا اللي اصبح نحو الهاوية .
المحابرات الجوية اللي تحتو يابس ماتعرضتلو اللي ملتزم بشغلو الصحيح وبرزق اولادو وعائلتو وبيتو ما تعرضتلو يا صاحبي انا مواطن سوري وصار عمري 45 سنة ما تعرضت بعمري لاي مشكلة من طرف ها الجماعة.
المخابرات الجوية يا استاد افلاطون والرعب اللي كانت زارعتو فينا كان حامي اختك وامك وبنتك الساعة 3 بالليل كان ما مخلي ضعيفين النفوس وحثالة المجتمع يتحكمو فيك وفيني يا حبيبي اذامرار المحابرات الجوية
ارحم بكتير من مرار الزبالة اللي باعو بلدو وشرفون وصاروا اغنياء على حسابي وحسابك وحساب الثورة اللي الله يجعلها ثورة .
انظر لرجال الثورة شفتلي تاجر محترم شفتلي شخص مثقف درجة عالية شفتلي دكتور معروف شفتلي بني ادم خرج نحنا نمشي خلفه ونعتبرو قدوة غلطان كل من يفكر الثورة بها الطريقة وبها الاسلوب ياشباب نحنا مستعدين نتحمل مليون فرع مخابرات ولا نضحي بنقطة دم سوري ولا ذرة تراب سورية يا شباب سمعت الوطن غالي بس ما عرفت حتى شفت وشفت كتير عالم بكت من اجل الوطن بس ما عرفت ليش لحتى انا بكيت يا شباب كلشي الو ثمن والامن والامان اللي كنا عايشينو كان الو ثمن والسلام عليكم ورحمة الله

أرسل تعليقك :

مقالات اخرى من " حوادث "

21-5-2013
نقل مصاب سوري للمستشفيات الاسرائيلية
وصل الى مستشفى زيف في مدينة صفد فجر اليوم الثلاثاء، جريح سوري يعاني من إصابات وصفت بين المتوسطة ...

21-5-2013
لبنان: إصابة 8 أشخاص بسقوط قذائف سورية على الحدود الشمالية
أصيب 8 لبنانيين وسوريين، بسقوط قذائف من الجانب السوري على قرى في منطقة وادي خالد المتاخمة للحدود اللبنانية ...

20-5-2013
انفجار سيارة مفخخة في شارع بغداد بدمشق .. و مقتل 15 جندياً نظامياً في حرستا
قال نشطاء المعارضة أن سيارة مفخخة انفجرت في منطقة عين الكرش في شارع بغداد بدمشق، و ذلك عبر ...

20-5-2013
مصادر اعلامية تابعة لـ" 14 آذار" : وصول 6 جثث لقتلى حزب الله في القصير بسوريا إلى الهرمل
ذكر موقع 14 آذار اللبناني أن 6 جثث وصلت منذ ساعتين إلى الهرمل تعود لمقاتلين من حزب الله ...

20-5-2013
استشهاد 11 فلسطينيا في سوريا
استشهد 11 فلسطينيا خلال الأيام الأربعة الماضية، جراء استمرار الهجمات والقصف المتواصل على مخيمات اللاجئين الفلسطينيين في سوريا. وقالت ...

20-5-2013
تسعة شهداء بينهم أطفال في قصف جوي لقوات النظام على الرقة
ارتقى تسعة شهداء سبعة منهم من عائلة واحدة، في قصف لطيران النظام على مدينة الرقة الاثنين. وقال ناشطون إن ...

20-5-2013
كتائب المعارضة تغتال قائدا في لجان "الشبيحة" في دمشق .. و استشهاد 3 أطفال من عائلة واحدة في قصف على دوما بريف دمشق
ذكر نشطاء المعارضة أن لواء درع العاصمة الذي ينشط في دمشق اغتال "أيمن حسون " وهو قيادي في ...


الرئيسية \| من نحن \| اتصل بنا \| طوارئ