إعلانات
مصدر في التعليم العالي لـ عكس السير : دورة إضافية لمن يتوقف تخرجهم على أربع مواد فما دون ستعلن قريباً
الثلاثاء - 27 أيلول - 2011 - 13:06 بتوقيت دمشق
التفاصيل

كشف مصدر مطلع في وزارة التعليم العالي لـ عكس السير ان دراسة تمت لمشروع مرسوم يتضمن إقامة دورة إضافية لطلاب السنة الأخيرة لمن يتوقف تخرجهم على أربع مواد فما دون، موضحاً أنه من المتوقع ان يعلن قريباً.

وأشار المصدر إلى أن ذات الدراسة التي أعدت لقرار الترفع الاداري لطلاب الجامعات الحكومية، تضمنت دراسة إقامة دورة إضافية ( قد تكون استثنائية) للطلاب الذين يتوقف تخرجهم على أقل من 4 مواد.

وتوقع المصدر أن يصدر مرسوماً يتضمن قرار الترفع الاداري، والدورة الاضافية، التي من المتوقع أن تتم مع امتحانات الفصل الأول من العام الدراسي.

 

علاء حلبي - عكس السير


التعليقات :
نور
(0)   (0)
يعني الترفع الاداري شامل والا متل ماقالو 6 مواد كانو ماحدا سمعنا ان بدنا ترفع اداري شامل واللة انظلمنا حدا يفهمنا شاااامل
Feras dawood
(0)   (0)
شكراً لكل من ساهم في إيصال اصواتنا .
NIZO
(0)   (0)
ايمت هالحكي رح يتطبق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بال 2100 ؟؟
lمحمود قرطل
(0)   (0)
واخيرا صار اهتمام بالجامعات
الترفع لازم يشمل الكل
(0)   (0)
الترفع لازم يشمل الجميع ..
لازم يشمل المستنفذين المتقدمين للدورة الثالثة
علي
(0)   (0)
صارت حكاية::::::
فيسبوك....عصبو الشباب......قانون.....مازال فكرة....مقترح....لا مرسوم....ارسال من اتحاد الطلبة.... اعتصام....مقابلة السيد عمار....سيصدر بعد أيام....كمان بعد ايام....بكرا....بعد بكرا....عطاولة الوزارة....صدر.....تعميم ...اعلان .........وعيش يا ك....مش جاي من قلبي قولا
طالب جامعي متخرج
(0)   (0)
طيب ليش مو طلاب التخرج يحق لهم تقديم جميع المواد في الدورات الثلاث حتى لو كان الوقت مضغوط يعني مدة جميع المواد 15 يوم وين المشكلة نفس التوقيت و لكن جميع المواد و لكن في الدورتين ان يقوم الطالب بتقديم طلب انه سيقدم المادة و هنا يحسبون عدد الاوراق المطلوبة و هكذا و هذا القرار يطبق بشكل دائم مو دورة استثنائية
بهيج
(0)   (0)
يعني يا عملو دورة رابعة بتشمل كل المواد للسنة الرابعة يا اما لا تعملوها وحاج مسخرة . شي ترفع اداري شي دورات اضافية . يعني يهاي القرارات عم ترضوا جماعات من دون جماعات تانية وهي يلي حاملين اكتر من 4 للاخيرة واكتر من 6 للسنوات البقية
مايا
(0)   (0)
مابدنا شي . يعني الشام وحلب ما صار فيهن شي ف لشو الدورة الاضافية والترفيع الاداري . هدون الطلاب ما الون حجة. وما بدهن شي قرارات
طالب التخرج
(0)   (0)
شكرا لكل القائمي ع هالموقع ازا هالحكي صحيح
بيكون رجعتولنا الامل شكرا وياربي يكون هالحكي صح
طالبة
(0)   (0)
سؤال : كلمة قريبا ... قديش بيقصدوا فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله تعبنا من الانتظار
كاترين
(0)   (0)
بدنا ترفع اداري شامل
ديمة
(0)   (0)
انشالله تكونو متاكدين من هالخبر لانو نحنا ع اعصابننا وعم نستنا
انشالله تكونو متاكدين
طالبة
(0)   (0)
سيادة وزير التعليم العالي قال انو نتائج المواد كلا رح تطلع قبل ما يبلش الدوام الرسمي بالجامعات ....
طيب شو منشان انو بلش الدوام ولهلأ نحنا بكلية الاداب ما طلعت نتائج موادنا وما منعرف حالنا اذا ترفعنا أو لأ ؟؟؟!!!!!!!!!!!!!!!!!!!!!!!!!!!!!!!!
وسام محمود
(0)   (0)
شكرا لكل من اهتم ب الطلبة
ونتمنى من القائمين على اعمال الجامعة الاهتمام الاكثر والاكثر ب المباني الجامعية ولكم جزيل الشكر.
باسم
(0)   (0)
الصح أنوا يتعاملوا طلاب السنة الرابعة بشكل
لازم يكون الفحص أبكر من هيك مشان يستغلوا الوقت قبل الدورة الأولى مثلاً شهر 10 أو 11
ياسر
(0)   (0)
قرارات وزارة التعليم تجربة في الطلاب وتخدير بس.........
نور
(0)   (0)
والله لازم يكون في دورة اضافية لطلاب السنة الرابعة لان في طلاب يتوقف تخرجهم على مادة واحدة وطلاب السنة الابعة صار سعرهم بسعر الطلابالسنوات الاولى بل هم افضل منهم الان راح يصدر لهم قرار ترافع اداري نرجو الاهتمام بشاندورة اضافية للسنة الرابعة واملنا كبير في ان يتابع هذا الموقع الكبير هذا الامر
طالب سنة خامسة
(0)   (0)
نرجو النظر في أن تكون الدورة الإضافية ضمن هذا الوقت (أي حالية) وليس "خلال امتحانات الفصل الأول" حتى يتسنى لنا الاستفادة من هذه المكرمة في الوقت ذاته الذي سيستفيد فيه الطلاب المشمولون بقرار الترفع الإداري
وهذا جُل العدل المتوقع منكم
ونشكر لكم اهتمامكم ومساعيكم كامل الشكر
الى مايا
(0)   (0)
يامايا انا طالب من حلب وماتثرت بشي بس في طلاب كتير ماحسنو يجو على فحوصتهن فلاتكوني انانية
اية
(0)   (0)
جلطة اااااااخ اخخخخخخخخخخخخخ
دكتورة جامعية
(0)   (0)
هل حقا تفكر باعطاء دورة اضافية و هل اصبحت الدورات بالمجان او نوع من الرشاوي للطلاب ليصمتوا؟ هل فكرت ياسيادة الوزير بنا نحن الشريحة المثقفة الصامتة الي التعن سلافنا هذه السنة و نحن نصحح و نعمل صيف شتاء و دون اية اضافات مادية و قلنا ظروف استثنائية و الان تتفتأ علينا بدورة اضافية و تتوقع ان نقبل و نصمت كالدجاج...بدأ العام الدراسي و لسه امتحانات ؟ هذه سياسة تخبط عشوائية و ارتجالية غير مدروسة و ستضر بمستوى التعليم الذي مازال في الحضيض بعد حكومة وزير التعليم العالي السابق. نرجو منكم دراسة الامر بشكل جدي
بدنا ترفع اداري للمستنفذين يشامل المواد
(0)   (0)
بدنا ترفع اداري شامل للمستنفذين ويكون بشمل كل المواد لانوا في طلاب دفعوا مصاري وقدموا طلب منشان التقدم للدورة بس ما قدروا يروحوا للجامعات بسبب الاوضاع لذلك بدنا ترفع اداري شامل للمستنفذين هاد هوي الحق وشكرا
طالب جامعي حلبي
(0)   (0)
الترفع الاداري للطلاب يلي مو همهن الدراسة .. بعدين لي حامل أكتر من 6 مواد اذا ترفع هالسنة اداريا فرسوبه مضمووووون في السنة القادمة...والله ولي التوفيق
طالب معهد متوسط
(0)   (0)
هل هذا القرار يشمل المعاهد بالنسبة للطلاب المتوقف تخرجهم
أم أن المعاهد خارج الحسابات دائما
شهد
(0)   (0)
نتمنى أن يشمل التعليم المفتوح أيضا وبالأخص طلاب جامعة البعث نظرا للظروف الراهنة
مهند
(0)   (0)
و الله تعبنا و ملينا و على اليوم رح يطلع و بكرا الصبح يطلع بس انا اقول في كل تاخيرة خيرة و انشالله يكون شامل
و بعدين المواد اللي رح تكون ادراية رح تكون حتى التخرج يعني ما تاثر ع ترفعك السنة الجاية
نبراس
(0)   (0)
يارب يكون هالكلام صح ومايكون إشاعة و نكون متل العادة عم نبني أحلام وآمااااال عالفاضي
عوجة
(0)   (0)
يعني هالقرار ما شمل كل الطلاب طيب مو حرام والله حرام طيب يلي معو 7 مواد شو يصير فيو فكروا فيا والله حرام ملينا والله ملينا
زبداني للعضم
(0)   (0)
المهم يطلع بست مواد ومو مشكلة المهم نعرف شو بدنا ندرس بلش الدوام يا شباب
حسن احمد
(0)   (0)
اذا ماطلع قرار الترفع الاداري الشامل نصيحة انقعو القرار بمي واشربو ميته لأنه رح يسبب بغض بين الطلاب اللي ترفعو على ست مواد والطلاب اللي رسبو على اكتر من ستة وبتمنى صوتي يوصل بهالكلام
وعاشت سوريا وقائدها من العبث والعابثين بمشاعر اهلها
مصدوم
(0)   (0)
بتمنى من موقع عكس السير يساعد الطلاب ويوصل الشكوى انا طالب حقوق سنة تخرج معي خمسة مواد والخامسة 46 وعلامة النجاح خمسين والله العظيم ظلم ظلم ظلم تكون ع اربع مواد بس
نشوان
(0)   (0)
اولا" بشكر موقع عكس السير على الجهود المبذولة في متابعة قضايا الطلاب ... بتمنى من موقعكم الكريم يتابع موضوع الدورة ومساعدتنا في زيادة عدد مواده (( أنا طالب حقوق معي خمس مواد والمادة الخامسة 46 ومع العلم علامة النجاح خمسين والمساعدات علامتين فقط يعني لا تفيدني والدورة الرابعة ع أربع مواد ظلم كبير الي ولكتير طلاب وضعهم مثل وضعي )) الرجاء المساعدة
مصدوم
(0)   (0)
اولا" بشكر موقع عكس السير على الجهود المبذولة في متابعة قضايا الطلاب ... بتمنى من موقعكم الكريم يتابع موضوع الدورة ومساعدتنا في زيادة عدد مواده (( أنا طالب حقوق معي خمس مواد والمادة الخامسة 46 ومع العلم علامة النجاح خمسين والمساعدات علامتين فقط يعني لا تفيدني والدورة الرابعة ع أربع مواد ظلم كبير الي ولكتير طلاب وضعهم مثل وضعي )) الرجاء نشر التعليق
اقتصادي بحت
(0)   (0)
يا ناس يت هووووووووووو
ايمت وشهد من الوقت ليطلع القرار ايه بلشت الجامعة ما بعرف طيب وانا معي 7 مواد با تره بيشملني شي تلطوشة
لارا
(0)   (0)
سوري منك مايا يعني يمكن حلب و الشام ما صار فيهن شي بس انو جامعات حلب و الشام ما فيهن غير حلبية و شوام ؟مافيهن حماصنة مثلا او جزراوية او من الساحل او من درعا ؟و هدول الطلاب اللي من هي المناطق ما قدروا يجو يقدمو كل موادن
نشوان
(0)   (0)
اولا" بشكر موقع عكس السير على الجهود المبذولة في متابعة قضايا الطلاب ... بتمنى من موقعكم الكريم يتابع موضوع الدورة ومساعدتنا في زيادة عدد مواده (( أنا طالب حقوق معي خمس مواد والمادة الخامسة 46 ومع العلم علامة النجاح خمسين والمساعدات علامتين فقط يعني لا تفيدني والدورة الرابعة ع أربع مواد ظلم كبير الي ولكتير طلاب وضعهم مثل وضعي )) الرجاء المساعدة
الضال
(0)   (0)
الخلاصة في ترفع اداري ولا لاااااااااااااااااااااااااااااااااااااااااااااااااااااااااااااااااااااااااااااااااااااااااااااا
طالب مقهور
(0)   (0)
طيب مشكورين دورة ‘ضافية بس ليش مع امتحان الفصل الأول ليش ما تكون خلال الشهر العاشر وبظن ممكنة ما بدا هالتعقيدات متل أي دورة تانية بتمنى إعادة النظر بوقت الدورة وشكرا
علي
(0)   (0)
انشاءالله تصدرالدورةالرابعةباقرب وقت وشكرالانكن تسمعتولناوشكرالسيادةالرئيس ولوزارةالتعليم العالي ولعكس السير
نحنامجموعةالسنةالرابعة؟؟؟؟؟والاخيرة؟والسلام
الزهقان
(0)   (0)
بدنا مساواة مع باقي السنوات ليش الطلاب بتكسب سنة ع 6 مواد بالترفع الاداري ونحنا لأ هاد ظلم كبير
اياد
(0)   (0)
نحنا انظلمنا بتحديد العدد تبع المواد جامعة البعث طول الوقت طلابا على اعصابون بدنا ترفع شامل
ابوزيد
(0)   (0)
شو مشان التعليم المفتوووووووووح!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منير
(0)   (0)
الشامل هو اعادل
طالبة موازي
(0)   (0)
اذا صدر المرسوم بالدورة الاضافية سوف تكون مجانية لكل الطلاب أم من كان طالب موازي سوف يدفع ماعليه من مبلغ
ومتى سوف يصدر هذا المرسوم ؟؟؟؟؟يعني بعد كم يوم ؟؟؟؟؟
الامل الدافئ
(0)   (0)
شو منشان التعليم المفتوح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طالبة مقيمة بالخارج
(0)   (0)
صحيح الدورة الاضافية رح تفيد الطلاب بس مو كلن وهاد حرام هالقرار رح يفيد فئة قليلة ياريت تكون لطلاب التخرج كلهم مثلا انا عندي 5 مواد وانا برا البلد وموازي حرام مشان مادة رسبت فيها بعلامة وحدة عيد سنة كاملة
ياريت يكون القرار شامل لكل طلاب التخرج ياريت توصلو صوتنا ليشمل طلاب التخرج كلهم وشكرا
معيدة في الهندسة
(0)   (0)
ماقلتي انو في عالم مستقبلن متوقف على هالشي
ما مكفيكي راتبك اللي كلو حرام شو عم تفيدي الدولة لحتى تقبضي كل هالشي
تعبتي من وضع الاسئلة والتصحيح والله اللي استحو ماتو
ادهم
(0)   (0)
ليش بس 4 مواد . يعني يلي معو اكتر من اربعة شو يشق حالو . انا شخصيا مو فارقة معي. بس مشان يلي مو اكتر من 4 حراااااااااااام.
أنا سوري
(0)   (0)
يعني إذا وقعت الجاجة بتكتر سكاكينها.
كل التعليقات في الأعلى تهدف لمصلحة خاصة .فبعض الطلاب مترفعين يقولون مافي داعي للترفع الأداري والدكاترة يقولون مافي داعي لأنهم ينظرون إلى بعض الرواتب الأضافية....و ..........و .........الخ.
متفائل
(0)   (0)
القرار عادل وهو بمثابة دورة تكميلية والدورة التكميلية من شرطها ال4 مواد

المهم ان يصدر بسرعة
طالبة تخرج
(0)   (0)
بحب قول للدكتورة الجامعية الموقرة: اول نقطة بدي احكي فيها حول تعليقك...أول شي على طول القرارات عم تكون مجحفة بحق الطلاب بدءاً من تحديد المواد المسموح تقديمها بكل فصل وضغط مدة الامتحانات وامتحانات بعز دين رمضان وظروف البلد وكل هالحكي ونحن هيك مو مظلومين أبداً؟؟؟؟بعدين الطلاب مو هنن يلي ماسكين الدكاترة عن انو يطالبو بأجر مادي ولا نحن ماسكين حدا عن انو يعطيكن أجر مادي...يعني مشكلتكن مو معنا...بعدين نحن كمان التعن نفسنا بالدراسة ونحرق قلبنا لما يجينا كل دكتور مو معروف شو دينو وكيف بدك تفهمي عليه وتفضل يا طالب وغير مزاجك بين المحاضرة والتانية حسب مزاج كل دكتور...ماعدا انو بيلتعن نفسنا لما عم نشوف أسئلة الفحص أبعد مايمكن عن المنهاج وبيتأخر تخرجنا سنة كاملة بسبب كم علامة...آخر شي بدي قولو...لو كل دكتور يحط ولادو محلنا ويحط حالو محل أهل الطالب كان حسيتو فينا انسانياَ وما بدنا اكتر من هيك...ملاحظة انا ما عم بحكي على كل الدكاترة وانما على شريحة معينة هي السبب بتدني المستوى العلمي إلى الحضيض ولا عم بحكي بلسان كل الطلاب لأنو مو كلهن بنفس السوية العلمية وانما عم بحكي عن يلي وضعهن متل وضعي...وحسبي الله ونعم الوكيل
رولا
(0)   (0)
يعني طالب السنة الرابعة الي حامل اكتر من اربع مواد بيلتعن نفسو لسنة كمان خلو هل دورة الاضافية منطقية اكتر
سوزي
(0)   (0)
ان هاد الترفع الاداري اذا ناويين يطلعو ايمت بعد سنة مثلن هي بلش الدوام وماشفنا شي
علي
(0)   (0)
يقولون الترفع الاداري أجلوا عا الصيف مشان البحر
ههههههههههههههههههه
والله آكليها وآكليها
قال ترفع قال إيهييييييييييييييي
nabeel
(0)   (0)
مافائدة الدوراة الاضافية او الأستثنائية والسادة الدكاترة لاينجحون احد من المستنفذين
عدنان
(0)   (0)
ألف شكر لوزير التعليم العالي لتقديره للظروف الصعبة التي مر يها الطلاب كافة في كل أنحاء سوريا و العمل على دراسة الترفع الإداري و الذي نأمل إقراره قريباً مع الدعاء له من كل قلوبنا.
سورية
(0)   (0)
يعني الدورة الاضافية لطلاب التخرج بدها تكون في شهر كانون الأول ؟ يعني مع امتحانات الفصل الأول ؟

و يا ريت لو الدكاترة بسهلوا الاسئلة و يجيبوهااااااااااا أتمتة شي مرة .........
سورية
(0)   (0)
يعني الدورة الاضافية لطلاب التخرج بدها تكون في شهر كانون الأول ؟ يعني مع امتحانات الفصل الأول ؟

و يا ريت لو الدكاترة بسهلوا الاسئلة و يجيبوهااااااااااا أتمتة شي مرة .........
معاني
(0)   (0)
أن قرار الدورة الاستثنائية لطلاب السنة الرابعة (الذين يحملون أقل من 4مواد ) هو أنصاف وعدالة للطلاب يعني قرار صائب نأمل تطبيقه
طالب جامعي مظلوم
(0)   (0)
لو سمحتو انا حامل ست مواد ومتلي كتير اللي حاملين 6 مواد أو اكتر ليش بس اللي موقف تخرجو على اربع مواد بيحقلو يدخل بهالدورة الاضافية طيب خلونا نقدم على الاقل 4 مواد من موادنا منرتاح منن او امنحونا فرصة انو ندخل بهي الدورة عاملينا وعاملينا حرام عليكن نحنا بسبب الاوضاع ما قدرنا نقدم موادنا حطو عينكن بعين ربكم
طالبة
(0)   (0)
عنجد رح تكون الدورة الاضافية للمتخرجين مع امتحانات الفصل الاول .......رجاء من موقع عكس السير ايصال صوتنا للمعنيين ....بدنا تكون الدورة باقرب وقت ممكن ....لان هيك بكونوا طلاب التخرج اقل المستفيدين من مراسيم السيد الرئيس ....و لكم جزيل الشكر
احمد
(0)   (0)
ايمتا بدن يطلعو الترفع الإداري يعني الدوام بلش ومافي شي مئكد اما يطلعو الترفع الإداري حتى لو كان بس 6 مواد او يقول مافي ترفع من شان نعرف شو وضعنا كنو ترفعنا ولا لاء
علوش
(0)   (0)
مايا انتي ما اتأثرتي بالاوضاع بس في كتير طلاب من الدير وحمص اتأخر تخرجهم وما قدرو ييجو عالدوره التالته وانا كمان من الاردن واتأخر تخرجي على ماده وحده لانو الحدود كانت مسكره.
وعلاء الحلبيشكرا كتير الك انشالله يطلع كلامك صح بس تكون الدوره خلال شهر 10 مو مش مع فحوصات الفصل الاول
علوش
(0)   (0)
دكتوره لو سمحتي ما معك حق لانو الطالب اكتر شخص مظلوم بالجامعه والدكاتره طول الفصل قاعدين ما في وراهم شي غير محاضرات 90 % من الطلاب ما بيحضروها وما بيستفيدو منها وكلو فحص واحد بالفصل وحضرتك معترضه عليه!!!!! واغلب الفحوصات اتمته وبتتصحح عالكمبيوتر وما حدا بيتغلب غير الي بيقعد طول الفصل يدور على اسأله مشان يضرب الطلاب وما حدا يعرف يجاوب....
شوفي كل جامعات العالم فحصين او تلات بالفصل وما حدا معترض بس عندكم الاعتراض
بدنا ترفع شامل
(0)   (0)
يا ريت تراعونا وتراعوا الظروف يلي مرق فيها الطالب السوري يلي مو متعود غير عل امان والاستقرار والهدوء سواء اكان بدمشق وحلب او كان بباقي المناطق السورية الأزمة اثرت على نفسية الطالب لهيك صار في تقصير ... ياريت تعطونا فرصة اخيرة ورح نكون من الشاكرين ...
فؤاد
(0)   (0)
تعليق عكلام الانسه مايا الي قالت انو بحلب والشام ماصار شي فلشو قرار الترفع بحب زكرا انو مو كل طلاب الجامعه من الشام وحلب في ناس من الارياف ومن مناطق تانيه فياريت الي ماالو علاقه بالموضوع يصف عجنب وما يتدخل ويتشاطر عحساب باقي العالم
طالب جامعي
(0)   (0)
دج دج دج دج دج ترفع شامل دج دج دج دج ترفع شامل
هييييييييييييييييييي ترفع شامل ولا بديل عنه وهييييييييييييييي يالله بدنا ترفع شامل يلااااااااااااااااااااااااا
طالبة جامعية
(0)   (0)
بدنا دورة اضافية قريبة خلال الشهرين القادمين لطلاب المتوقف تخرجهم على 2 مادتين مثلي أنا لما ذا التأخير حتى نهاية الفصل الأول لأننا لا نستفيد منها في ذلك الوقت
عزيز
(0)   (0)
يا ترى رح يشمل المستنفذين؟
وشو مشان طلاب دبلومات وماجستيرات التأهيل والتخصص؟
جامعية
(0)   (0)
رجاء رجاء رجاء رجاء ....اعادة النظر في توقيت الدورة الرابعة .....حتى يتم الاستفادة منها ....نحن طلاب التخرج بحاجة انا ننهي دراستنا باقرب وقت ممكن .....في الشهر القادم ....و لكم جزيل الشكر
مالك
(0)   (0)
نرحو صدور القرار غدا الاربعاء
لانو اعصابنا تلفت
حاج بقى........
طالب و موظف
(0)   (0)
كرمال الله بدنا قرار ترفع اداري شامل لكل الطلاب خليهم ياخدوا شهادات و يخلصوا لانو نص الشباب عم يشتغلوا و يدرسوا
طالب سنة رابعة
(0)   (0)
اتمنى يكون الحكي صحيح ويساوا دورةللطلاب الواقف تخرجهم على كم مادة يعني يسمحوا للطالب يقدم كل المواد
اللي حاملها بالسنة الرابعة ويكون تخرج موقف عليهامتل حكايتي انا حملت ثلاث مواد ولولا ذلك لكنت متخرج وحدة من هل المواد مادة فصل تاني يعني لامعلق
ولامطلق
مفجوع
(0)   (0)
بدنا تكون الدورة الرابعة ع6 مواد متل طلاب التعليم المفتوح والترفع الاداري ولكم جزيل الشكر خصوصا" في كليات سنة التخرج فيها تتضمن 14 مادة
جامعية طافشة
(0)   (0)
بصراحة لازم يكون شامل لكل المواد يعني لماذا 4 مواد واللي عندو 5 شو بيعمل يطق يعني من شان علامة او اكثر رسب بالمادة
طالبة تخرج
(0)   (0)
يعني معقول دوره اضافيه للسنه الاخيره بس 4 موااااااااااااااد يعني ويلي حامل 5 شو يعمل على القليله اذا مالح تخلونا نقدم بهالدوره الاضافيه خلونا نقدم كل شي فصل اول وفصل تاني بالفحص النصفي والله هيك حرررررررررررررام هادا عمرنا يلي عم يروح
دورة ع 4 مواد حرااااااااااااااام
(0)   (0)
بدنا دورة رابعة ع6 مواد مو ع 4 والله العظيم حرام عاملوا كل الطلاب متل بعضها (( نناشد السيد الوزير الرجاء مراعاة طلاب التخرج في الكليات التي تتضمن سنة التخرج على14 مادة والله العظيم دورة ع 4 مواد غير منصفة ))
طالب معهد مستنفذ
(0)   (0)
ارجوك ياعكس السير ساعدنا انا طالب معهد مستنفذ واقف تخرجي ع مادي وهل سأنطر سنين كي اتخرج نرجو الشفقه بحالنا
الى عكس السير
(0)   (0)
الرجاء من عكس السير ان تسأل مصادرها ايمتى راح يكتمل هالأختراع
احمد
(0)   (0)
لازم يكون الفحص للدورة الاضافية لطلاب السنة الاخيرة في الشهر العاشر مشان يكون هناك عدل بينهم وبين الترفع الاداري
محمد السوري
(0)   (0)
هادا كلو حكي فاضي لسى دورة اضافية وترفع اداري متل الولاد الصغار
ياعمي يلي بيقرأ وبيجتهد بينجح اما يلي بدو ياخدها موبايل وبنات وتعليك هادا يروح ع شي كبريه احسن من الجامعة
محمد
(0)   (0)
انا عند تخرج هي السنة و ما اقدرت احظر امتحان و رسبت بمادة تانية معقول استنا سنة كاملة مشان مادتين الرجاء الانتباه لطلاب المعاهد شوي بس ليش ما بيتعاملو متل طلاب الجامعات بالنسبة للمراسيم الرجاء متابعة الموضوع و شكرا"
S.A
(0)   (0)
الرجاء تحديد دورة اضافية اخرى للتعليم المفتوح وخاصة ان اغلب التعليم المفتوح يسافرون من محافظة الى اخرى وهناك ظروف صعبة احيانا تحول دون تمكننا من السفر
ريم
(0)   (0)
الشكر الكبير للرئيس على القرار ولكن نرجو الاسراع بالدورة الاضافية لطلاب السنة الرابعة يعنى تكون بالشهر العاشرة ونرجو من عكس السير متابعة الامر
امل
(0)   (0)
الدورة الاضافية لطلاب السنة الرابعة راح تشمل بس مواد الفصل الاولى ولو الفصلين سوا الله يخليكم ردوا علي لان انا متوقف تخرجي على مادة فصل اولى
الضمير
(0)   (0)
انا هذا الدواء مخصص لدكاترة السنة الرابعة من اجل تصحيح المواد لكن انا مفقود عندهم اشترووووووووني يا جماعة مفقووووووووووووووووووود
نور
(0)   (0)
يعني معليش يا جماعة خليكن عادلين من يوم يومنا منعرف إنو طلاب السنة الرابعة عندن تكميلي لمن يحمل 4 مواد أو أقل بدنا نرد نرجع هالقرار وبس
حاجة بقا لسى كل واحد صار بدو مرسوم وقرار خاص فيه وبوضعه كون أنا محل وزير التعليم العالي بساوي إدن من طين وإدن من عجين وما بعمل شي وخلي هالعالم تطرق راسها بالحيط (مليان حيطان بالجامعة) يعني والله عيب شو كم مرسوم وكم قرار بدو ينزل الزلمة لحتى يرضي كل هالعااالم خليكن منطقيين اذا سمحتو اسمكن طلاب جامعة ..
عبدابوناصر
(0)   (0)
هل يشملنا نحن طلاب الرابعة الذين نحمل 3 مواد000لكننا طلاب مرسوم؟
طالب معهد متوسط
(0)   (0)
القرار كتيير حلو بس اذا كان شامل للمعاهد كمان
ساندرا
(0)   (0)
لهون وبس يعني اذا كان طالب السنة الرابعة حامل خمس مواد رح ينحرم من الدورة الرابعة ومارح يستفاد شيييييييييييييييييييييي مو حرام على القليلة تكون ست مواد متلنا متل طلاب السنوات يلي قبلنا
طالبة بدا تتخرج
(0)   (0)
يا معالي الوزير أرجوكم أن تكون الدورة الإضافية تشمل أربع مواد سواء مواد فصل أول أو ثاني فأنا لدي مادة فصل أول بالإضافة لمواد فصل تاني. وكل الشكر والتقدير لسيادتكم
محمودد
(0)   (0)
بدنا نعرف ايمتى الدورة الاضافية للطلاب التخرج قبل فترة ع شان الطالب يقدر يدرس مو يطلعوها الخميس والامتحانات الاحد شو رح نستفيد بهاليومين ونحن في كلية الحقوق نطالب رقابة ع دكاترة الجامعة عند تصحيح الاوراق لانو ولله ملينا نكتب ب 80 لناخذ 50او راسب وين العدل وعند التخرج بدهن معدلات نرجو من عكس السير لفت الانتباه الى هاد الموضوع لانو الضلم الله ما يقبلو بس الدكاترة تقبلو وشكرا
طاالب
(0)   (0)
شو مشان انو بسبب الظروف اللي مرت فيها سوريا قام بعض الطلاب و منهم انا باتباع طرق غير شرعية في الامتحان يعني غش و انكشفنا .... فمافي قرار عفو لالنااا؟؟؟؟؟؟؟؟؟
long man
(0)   (0)
لو سمحتو كان عندي استفسار مشان دفع الموازي لطلاب سنة التخرج ... يعني اذا صارت الدورة الرابعه مع الفصل الاول و ضل الطالب حامل ماده ... ايمتى بده يسجل علسنة و يدفع؟
و رجاء تردو على تعليقات الطلاب لانه بتفيد كتير ناس عندن استفسارات
و شكرا
safaa
(0)   (0)
شكرا سيادة الرئيس عالمرسوم الترفع الاداري
safaa
(0)   (0)
ح نحنا الطلاب مابيكفينا شو ما طلع قرارات بس والله ظلم انو ما يكون شامل قرار الترفع السنه ما كانت عاديه عالطلاب السوريين
والله حلوة بس بسرعةةةة
(0)   (0)
يا ناس هالقرار ممتاز بس بلاها بالفصل الاول يعني خير البر عاجل لانو بدنا نسافر و نخلص قبل السفر لهيك هائئئ و فوراااا؟؟؟ وبعدين هل هي للتعليم المفتوح ام لا؟؟؟؟؟
عبدو الجمل
(0)   (0)
انا عندي مادة واحدة واخذ فيها علامة 35 هل يكون عين من الرحمة ان اتخرج في مجلس رحمة في مجلس الجامعة ارجو ان يصل طلبي للمسؤولين واتخرج
ابراهيم
(0)   (0)
انا طالب سنة خامسة في جامعة تشرين كلية الهندسة التقنية وتخرجي متوقف ع مادة واحدة وهي من الفصل الاول هل القرار الذي صدر يشملني ارجو السماعده
طالب
(0)   (0)
تصور يا رعاك الله :

أنا مسجل بمعهد بحلب وهلأ عندي مادة وحدة لأتخرج ومشان هالمادة رح أدفع قسط الموازي 16 ألف
مع العلم أنسة المادة حذفت قسم مالمقرر وجابت منو بالفحص وعند تقديم شكوى للأنسة قالت : أنا قلت لشب مالقسم أنو ألتغى الحذف !!؟؟؟

حسبي الله ونعم الوكيل بس

بالله مو حرام أدفعن
طالب تخرج
(0)   (0)
كيفكن أنا عندي استفسار:
أنا طالب تخرج ومعي 5 مواد وحدة منهن 48 , فماني عرفان رح يساعدوني بعلامتين لأدخل دورة تكميلية ولا لأ. مع إنو مرسوم المساعدة بعلامتين عم يشمل الطلاب ليدخلو الدورة الثالثة....
هند
(0)   (0)
ياريت نفهم انو هالقرار بيشمل الطلاب المستنفذين ومو مسموح غير يقدموا المواد عالمرسوم ولا لا رجاء حدا يرد علي لاني انا مسافرة وحابة اعرف مشان أنزل عسورية
nour
(0)   (0)
أنا طالبة من السنة الرابعة رياضيات بحتة كلية العلوم جامعة حلب صار 9 مرات قدمت مقرر التحليل التابعي 1 ****وما عم أنجح مع العلم اني ناجحة كل سنة بسنتها ومعدلي كتير جيد ......ما الحل؟؟؟
عبود
(0)   (0)
يعني عملوا الدورة الاضافية بدون تحديد عددالمواد وما بتخسروا شي
ريم
(0)   (0)
سؤاااااااااااااااااااال .......هل الطالب يلي متوقف تخرجه على مادة فصل ثاني وكان موازي بدكن تطلبوا نصف قسط الموازي .........معقول اذا صحيح هالخبر والله حراااااااااااااااااااااااااااااااااااااااااام


رشا
(0)   (0)
وهي السنة نحنا بحاجة للترفع الاداري الشامل او اقل شي عا8 مواد عكس لسير لوسمحتوا ووصلولنا صوتنا ولله تعبنا
احمد
(0)   (0)
اي اكيد في كثير عالم بحاجة لهالقرار بس كمان نحنا بحاجة امس هي السنة انو ما تنحسب من سنوات الرسوب لانو ظروفنا ما سمحتلنا نقدم ومعنا مواد كتار وما منلحق نخلص هلق امتحان ليجي يومين نبلش بلاامتحان يلي بعدو ورمضان وفقر وحزن وحرب والطرقات بتخوف وعلينا ضغط مواد ولله نحنا بحاجة لدعمكن هي السنة اكتر من اي وقت مضى لو سمحتوا عكس السير وصلولنا صوتنا ونحنا دائما معكن
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " شباب و طلبة "

10-3-2015
وزيرة التعليم الألمانية تعتزم توفير دعم تعليمي إضافي لأبناء الأجانب
    تعتزم وزيرة التعليم الألمانية يوهانا فانكا توفير المزيد من الفرص لأبناء المهاجرين في ألمانيا. واعتبرت الوزيرة في تصريح ...


24-2-2015
الإعلان عن موعد بدء التسجيل في برنامج المنح الدراسية التركية
أعلنت "مؤسسة المنح التركية (Türkiye Bursları)" عن فتح باب التقدم بطلب الحصول على منحة للدراسة في تركيا لكل ...


22-2-2015
12 ألف طالب في التعليم المفتوح يوقفون تسجيلهم في جامعة دمشق
قالت وسائل إعلام النظام عدد الطلاب الذين تقدموا بطلبات توقيف تسجيل لبرامج التعليم المفتوح، بلغ 1200 طالب في ...


20-2-2015
ألمانيا تعترف بالمؤهل الدراسي لأكثر من 25 ألف مهاجر
أفادت بيانات صادرة عن الحكومة الألمانية بأنها اعترفت حتى الآن بشهادات أكثر من 25 ألف مهاجر يقيمون في ...


18-2-2015
مديرية المنح و البعثات في الحكومة السورية المؤقتة تطرح استبياناً لمعرفة عدد الطلاب المنقطعين عن الدراسة
طرحت مديرية الإحصاء و مديرية المنح والبعثات في وزارة التربية والتعليم في الحكومة المؤقتة استبياناً لمعرفة عدد الطلاب ...


14-2-2015
أفضل 10 جامعات في تركيا لعام 2015
أعلن مركز التنسيب و التقييم والاختيار في تركيا (ÖSYM) ترتيب الجامعات على مستوى تركيا لعام 2015. ووفق هذا ...


14-2-2015
الأوراق المطلوبة للتسجيل في الجامعات التركية
الأوراق المطلوبة للتسجيل في الجامعات التركية   اضغط على الصورة لرؤيتها بالحجم الكامل     عكس السير ...


9-2-2015
جامعة غازي عنتاب تفتتح أكثر من 20 برنامجاً باللغة العربية
أعلن رئيس جامعة غازي عنتاب أن مؤسسته التعليمية تستعد لإطلاق أكثر من 20 برنامج في اللغة العربية، بما ...