إعلانات
إعلانات
كيف استولى النازحون على شقق السكن الشبابي بحلب.. وكيف باعها السماسمرة بـ 15 ألف ليرة فقط؟
الاحد - 15 تموز - 2012 - 20:11 بتوقيت دمشق
التفاصيل
إعلانات

بداية يجب التنويه بأن هذه المادة ليست مادة إعلانية ولا تندرج تحت بند المواد "التحشيشية" التي يستطيب لبعض صحفي المواقع الالكترونية تسميتها، إنما هي "تحشيش" واقعي حصل اليوم في مدينة حلب، بسبب "واقع تحشيشي".

ولأن الواقع "واقع" في حقيقة الأمر ولا يبصرُ خيط اهتمام من قبل أي شخص ادعى أنه مسؤول عن شيء في هذه المدينة العجوز، التي يطيب فيها "التحشيش" على اختلاف أنواعه كانت اليوم "مهزلة" بحق.

أمس..

نشر عكس السير يوم أمس السبت خبراً يقول إن عدداً كبيراً من نازحي مناطق الريف الشمالي بحلب قد اقتحموا عدداً من الشقق في تجمعات السكن الشبابي وقد يجد القارئ كما وجدنا في خبرٍ كهذا تعاطفاً ما مع هؤلاء بسبب وضعهم المأساوي وعدم وجود مأوى لهم، حيث دخلوا إلى مناطق السكن الشبابي في "هنانو" و"الأشرفية" أمام "كاستيلو" واقتحموا الأبواب التي لم يستلمها أصحابها بعد بشكل رسمي.

وعلم عكس السير أمس أن الأعداد المؤهلة للمجيء لتلك المناطق "نازحة" من الريف تقدر بالآلاف ويتوقع أن تشهد تلك المناطق صدامات مع أصحاب البيوت الأصليين.

اليوم..

لم ترد حتى اللحظة أية أنباء عن وقوع صدامات من أي شكل، لأن "الشباب الطيبة" من السماسرة حلّوا الموضوع وأخذوا على عاتقهم تنظيم تلك الأُسر في ظل غياب إجراءات رسمية لاحتواء أزمة هؤلاء النازحين.

وفي تفاصيل القضية.. فإن "نصابين" وأصحاب سطوة ونفوذ (من الذين تكاثروا بشكل كبير في الفترة الأخيرة) قاموا بإحضار عائلاتهم وأقاربهم وسلموهم أبنية كاملة بشققها ليقوموا فيما بعد ببيعها للنازحين.

وروى أحد النازحين لـ عكس السير أن أولى تلك الإجراءات كانت أن هؤلاء نصبوا طاولات أمام المباني ووضعوا تسعيرة لكل شقة وصلت إحداها لـ 15000 ليرة فقط للشقة الواحدة مقابل منح حق اللجوء.

وعلى اعتبار أن تلك الشقق غير مخدّمة بعد بالماء والكهرباء والصرف الصحي فقد كانت مشكلة بالنسبة للقاطنين الجدد، حيث قال أحدهم إنه يناشد الحكومة بتأمين تلك المتطلبات للنازحين.

إلى ذلك أرسل عشرات الأشخاص من المغتربين رسائل إلكترونية لـ عكس السير يناشدون فيها الجهات المعنية بالتدخل لاستعادة منازلهم التي كانوا ينتظرون أن يستلموها بشكل رسمي.

وأشارت إحدى العائلات إلى أنه دفعت 15 ألف ليرة ثمن الشقة ولن تخرج من البيت لو أتت الدولة كلها، في الوقت الذي قام معظم من "اشترى" شققاً بتغيير أقفال تلك البيوت.

وتجدر الإشارة أخيراً وليس آخراً أن كل ما حصل ويحصل كان في ظل غياب أي جهة حكومية أو أمنية، كما يشار إلى أن النازحين لا يملكون حقاً أي مأوى يمكن اللجوء إليه خصوصاً بوجود النساء والأطفال بسبب الظرف المأساوي الذي دفعهم لمغادرة بيوتهم في الريف.

عابد ملحم - عكس السير - حلب

مواضيع متعلقة..

في أكبر عملية نزوح من الريف.. المساكن الشبابية في حلب تخلع أبوابها وتتعرض للاقتحام من قبل النازحين

اضغط هنا للوصول إلى صفحة عكس السير على "فيس بوك"



التعليقات :
حلبي مهمش
(155)   (12)
العائلة التي نزجت سياتي يوم وو تعود و لا اظن ان هذه مشكلة المشكلة انه تم الاستيلاء على هذه البيوت من عائلات غير نازحة و هم بمعظمهم معروفون و فهمكم كفاية
مغترب
(119)   (14)
يمكن نسينا انو العرب اخوان
ياجماعة وين المشكلة نحن عرب سوريا نحن عرب حلب الشهباء اهلا وسهلا بكل (ااااخ) مابدنا نقول نازح لانو عيب تنقال هلكلمة عمواطن سوري
وانا بتشرف يلي بدو يسكن في بيتي وانا بيتي فيوا مي وكهربا وكل شي فيوا ومو قعوا بالسكن الشبابي عطريق مطار حلب بس بالضبط انو بناية ما بعرف
وبااذن الله عندي هون في البلد يلي عايش فيها شغلة اذا ظبطت بدي انزل عسوريا وافراغ بالبيت للجماعة يلي ساكنينوا
وعيب تقولوا عاخوتنا وولاد بلادي انو استولوا او عملوا او ساوووا وكل واحد يقيسها على بنته واخته ومرته وامه وين يروح فيوووون والى كل اهالي حلب الكرام يلي عندوا ما يقصر واهل حلب غنييين عن التعريف وبالنهاية نحنا عرب سوريين لاحلبية ولا شامية ولا حمصية ...
والى سيادة الحكومة السورية الرشيدة بحب قلكون
روى مسلم رضي الله عنه في صحيحه، عن ابن عمر رضي الله عنهما عن النبي صلي الله عليه وسلم أنه قال: ((ألا كلكم راع، وكلكم مسئول عن رعيته، فالأمير الذي على الناس راع، وهو مسئول عن رعيته، والرجل راع على أهل بيته، وهو مسئول عنهم، والمرأة راعية على بيت بعلها وولده، وهي مسئولة عنهم، والعبد راع على مال سيده، وهو مسئول عنه، ألا فكلكم راع مسئول عن رعيته))
صدق رسول الله صلي الله عليه وسلم
صحيح مسلم
مغترب
(59)   (3)
يعني هلئ اذا نزلت عسوريا بحصل شقة ب 15000 ل.س فقط
بس المشكلة اذا عرف السبب بطل العجب
ليش الامن؟
(276)   (63)
الامن مو فاضي حاليا دوبو يحمي الكرسي ..بس شوو..منحبك
عبودي
(119)   (13)
يعني ما في حكومة بس اكيد المسؤولين الشرفااااااااء متقاسمنها مع السماسرة متل العادة
عوجااااااااا
jojo
(59)   (12)
عادي
فترةمرحلية انتقالية ممكن تخيل أي شي أو كل شي ماوقفت على اخوتنا المهجرين اللي ماعادت حلب كلها تسعهم حطو حالكم محلهم عادي
سامر
(104)   (10)
اهلا وسهلا بأخوتنا النازحين وبيوتنا وأموالنا تحت تصرفكم لكن لن نسمح لأحد " بالاستيلاء " على بيوت الأخرين في حلب فهذا أمر غير مقبول وسيترتب عليه نتائج كارثية...انا سأقدم بيتي للنازحين مجانا اذا جاء أحدهم وأستأذنني أما ان يسكن أحد في بيتي غصبا عني وبدون ارادتي فهذا سيدفعني لاستعمال السلاح لاخراجهم وقد سمعت الكثير من القصص عن أناس سلبت بيوتهم في حلب بالغصب وعندما جاؤوا ليستردوها قام هؤلاء النازحون " المساكين" بتهديدهم بالسلاح والرشاشات مدعين انهم من الجيش الحر !! والله مايجي أحد وياخد بيتي غصبا عني لأخليه هو واهله عبرة لمن يعتبر ..نحن معكم قلبا وقالبا لكن ان تسلبونا أرزاقنا وأملاكنا بحجة النزوح فهذا خط احمر.
حابس إبليس بكيس
(52)   (12)
يجب على الدولة تأمين المساكن اللازمة للمهجرين من منازلهم بسبب الإرهاب الغادر ....

ويجب القضاء على السماسرة الشياطين و عقابهم علنا أمام الجميع...

نناشد محافظ حلب الذي عودنا منذ توليه منصب المحافظ بأن يقوم بالجولات ويساعد الناس ويحل مشكلات المظلومين ...

هذا طلب المواطنين فهل من مجيب
حلبي
(49)   (1)
والله المشكلة الأساسية بأن هناك من يسمون أنفسهم مواطنين حتى في هذه الظروف الصعبة راحو من شان يسترزقو(يربحو-ايسمسرو-يستغلو )وضع النازحين ويأخذو منهم مصاري مع العلم بأنهم لايملكون بيوت في هذه المساكن ولكن سلبطة
نداء استغائة
(24)   (2)
للمرة المليون نناشد أولي الأمر أن يفتحوا المدارس و الجوامع لأهلنا النازحين, كما نطالب من الجهات الأمنية السماح لأهالي حلب باستقبال العائلات في بيوتهم و أهل حلب ما بيقصروا انشالله, ولكن الناس تخاف من الملاحقة الأمنية.
في 2006 استقبلنا أهلنا اللبنانيين و الآن نريد استقبال أهلنا, فهل في هذا خطر أمني!!!!
السؤال برسم الإجابة و الحل من أولي العقد و الحل.
متابع
(11)   (0)
الله يعين الجميع
بشار
(24)   (6)


هلأ هيك البني آدمين بيعملوا .. مابدي قول !!!! وفلتانة شو بدو يضبها !! لأن ممكن أقدر هيك ظروف .. بس هالبيوت كلا الها أصحاب وملاك قانونيين وشرعيين ..

هدول النازحين يلي بقطعو القلب ويلي ياحرام ويلي بعض المعلقين شايلين همون وعم يقولو ( مافيا شي )

عجب انت أخي المعلق بترضاها على حالك تنداس حرمة بيتك من دون اذن أو حتى ينباع في سبيل انو يكون ضميرك مرتاح انك قدمتلون خدمة مثلاً ؟؟؟

عجب المساجد والكنائس والمستشفيات والمدارس ماكان ممكن تحواهم لحتى يتم تأمين سكن لهم ؟؟ ولا عايشين بدنيا الأحلام .. بيوت فاضية وببلاش !!


أرجوا أن لا أنسى ولا أحد منكم ينسى ما قاله رب العالمين في كتابه الحكيم ..

بسم الله الرحمن الرحيم

يا أيها الذين آمنوا لا تدخلوا بيوتا غير بيوتكم حتى تستأنسوا وتسلموا على أهلها ذلكم خير لكم لعلكم تذكرون *


فإن لم تجدوا فيها أحدا فلا تدخلوها حتى يؤذن لكم وإن قيل لكم ارجعوا فارجعوا هو أزكى لكم والله بما تعملون عليم *


ليس عليكم جناح أن تدخلوا بيوتا غير مسكونة فيها متاع لكم والله يعلم ما تبدون وما تكتمون.

صدق الله العظيم ..

وبالنسبة ليلي بيشكو من مرض معين .. في قوله تعالى ( بيوتا غير مسكونة ) يعني مالها أصحاب أو ملاك

فأين هؤلاء الناس النازحين وأين الأخوة المعلقين في هذا الموضوع من كلام الله سبحانه وتعالى !!؟
ليث
(16)   (0)
بسم الله الرحمن الرحيم أنا حلبي عندي بيت عند مفرق آسيا لجوا وتركتو لأسباب أمنية وأهلي استأجرو بيت وكمان في عيلة قرايبينا ساكنين معنا ، ومن ناحيتي ماعندي مانع لو في عائلة نازحة تروح عليه مؤقتا حتى لو كسرو القفل بعدين يبررو السبب ، أهلا وسهلا لأنو نحن ناس منعرف الله ومنعرف دين الإسلام دين الرحمة والسلام بس طبعا مو سطو مسلح ! وأسلحة عائلات لحتى تنتهي الأوضاع والله أكبر
حلبي يعشق سوريا الأسد
(29)   (5)
يا ناس يا عالم ..حلب مبتلية بالزعران والوسخات وحثالة المجتمع الذين يتصيدون أزمات الوطن الانسانية لملىء جيوبهم بالمال الحرام

نطالب محافظ حلب المحترم بتشكيل قوة مسلحة للقبض على هؤلاء شذاذ الآفاق الذين يسيئون لكل موطن سوري
مواطن
(7)   (5)
ممكن افهم لشو حابس حالك لهلآ
مواطن شريف
(12)   (3)
ممكن ياعكس السير تحددو مين هالسماسرة ومن اي جهة ولمن يتبعون وهل لهم علاقة بالشبيحة
طالب جامعة عايف التنكة
(15)   (7)
ليش الناس بتنزح لماتسمع بأن جاي الجيش العربي السوري ع المنطقة??

الله يصبرهم يارب... ياشباب لازم الكل يساعد الاهالي النازحين لان هدول ماعندون مصاري وحالتهم صعبه ف لازم نجمع تبرعات ونقدملهم وخاصة جاي رمضان
والله كريم
اركيلة تنباك
(7)   (2)
بكرة بقول لخطيبتي او لبيت حماي والله جهزت البيت من كلو بس البيت راح 00اخدولي ياه النازحين ويا بجي بسكن عندكن يا مابدي هالجازة مع انو لافي بيت عندي ولا بطيخ 000هس ماحدا يقلن الله يخليكن خلو سركن عميق والكن احلى مكافأة وهي 15000 ليرة سورية
ابو محمد الحلبي
(8)   (0)
يعني الواحد ما بيعرف شو بدو يحكي كتير صعبة انو يفتحولون المدارس يقعدو فيا ولا الشغلة بدا دراسة وتخطيط وموافقات. بعمرنا ما رح نعرف نحل ازماتنا الداخلية
Samer
(14)   (1)
يا ريت منظمات الهلال والصيليب الأحمر والجمعيات الخيرية يشتغلوا شغلهم بقى ويتحملوا مشؤولياتهم
بيضلوا كل النازحين من بيوتهم سوريين ومن حقهم علينا نساعدهم
حتى لو سكنوا يخيم عالاقل هي خيم سورية أهون ما يروحوا على مخيمات تركية او غيرها
في كذا حل لنزوحهم المؤقت خلونا نساعدهم بشكل رسمي عن طريق المحافظة والمنظمات الانسانية والجمعيات الخيرية بالتنظيم والتعاون مع بعض ونستفيد من عطلة المدارس عالأقل أحسن ما تعم الفوضى
بدها قعدة مع سيادة المحافظ الموقر
inana
(11)   (2)
في عدرا قرب دمشق نزح سكان دوما إلى هذه المسكن ( سكن شبابي و غيرها ) و ها هم يعودون إلى مدينتهم و بيوتهم
ياسر
(9)   (5)
انتبهوا يا عكس السير ولا ترشوا الزيت على النهار .
مواطنة حلبية
(15)   (2)
يلي مو عارف رح خبركن انو السكن الشبابي يلي استولو عليه النازحين غير مسلم لأصحابها المسجلين على المساكن هذه من 11 سنة ومقرر تسليمها بعد 12 سنة يعني بعد سنة تانية ولذلك لم ترد شكوى منهم لانهم على غير علم بما حصل بمنازلهم وبكل الاحوال المتعهدين النصابين هم المسؤولون عن هذه المشكلة وليست الدولة
مومو
(10)   (1)
يعني مو المشكلة بالسكن حاليا في هذه البيوت الفاضية والتي اصلا لسه مااكتمل تجهيزها من ماء وكهرباء ومصارف بس المشكلة بعد مايقعدوا فيها هؤلاء النازحين شو بيرجع بطالعن منها غير رب العباد والله رح تصير مذابح وقتل مشانها ومارح يتركوها وخاصة اللي راح بيته بالريف رح يبقى جالس وكأنو هذا البيت صار ملكه
الملاالحارس
(6)   (0)
من شدة أعجابه بنا ورغبة منه بتحسين نسله أبليس يفكر جديآ بالزواج من بني البشر.....لك لعنة الله عليكم ياتجار الحروب ....أنا كنت مفكر أنو في ناس رح تنصب نفسها واسطة خير بين أصحاب الشقق وأخواننا المهجرين .....آآآآآآآآآه على سوريتنا
مغترب حانن للوطن
(20)   (0)
إلى محافظ حلب اللي قاعد عالكرسي و ناسي اللي عم يصير بالشارع
ليه المدارس ما بتنفتح لأهل الريف؟
لمابجينا نازحين كل المدارس بتنفتح لإلهم بس نحن السوريين ليش لأ؟
هو أهم شي بالنسبة للنازحين السكن وباقي الأشيا الشباب الطيبة و أهل النخوة ما بقصروا و مستعدين يساعدوا قد ما فيهم بس ليه ما بنزل قرار و بفتحوا المدارس خصوصي إني نحن بإيام عطلة
لك ليش يا محافظ؟
متابع
(19)   (0)
ليش ما قام المحافظ بواجب تامين مسكن للمهجرين متل باقي المحافظات ما عملت
ففي اللاذقية قامو بفتح ابواب شاطئ النخيل و الشاليهات و في بقية المحافظات تم فتح المدارس
هل هناك غاية في نفس يعقوب لتفعيل مشكلة بين الاهالي مثلا ؟
مواطن
(11)   (10)
أنا مسجل بالسكن الشبابي , و كنت ناطر يطلع البيت لأتزوج , بس طالما في نساء و أطفال بحاجة لمأوى , طز بالبيت

خلي ياخدوا البيت و الحارة كلها , أحلى على قلبي من العسل , بيضلوا أخوتنا
اااااااه يابلد
(0)   (0)
انا رجل متوسط الحال ماديا (خريج شريعة)عملت من قلبي على احتواء الاسر المهاجرة وخصوصا الاطفال والنساء -وبفضل الله ومساعدة بعض الاخوة الافاضل امنا لاكثر من 50 عائلة مسكن ومصروف ومواد وحليب اطفال وفرش وعلاج -- ومن الجملة بيت لي بكفر حمرة اسكنت به عائلة نازحة (ضيوف)من ريف دمشق ونزل الضيوف لحلب لزيارة الجامع الكبير ولما عادو تفاجاو بسكان تانين يدعون ان البيت لهم-فاتصلوا بي وذهبت بسرعة لافاجا باشكال (والعياذ بالله)مين انتو ؟ فردو مين انت ؟قلت انا فلان صاحب البيت فقالو لي نحن من الجيش الحر والبيت صار لنا -ياجماعة كيف صار الكن ؟ هاد اغتصاب وسرقة وعلى اساس انتو اصحاب ثورة ضد الظلم ,و ..... الجواب اشهروا رشاش عدد 2 +مسدس وقالوا امشي او تقتل (( ولقمو المسدس وصوبوه بوجهي))فمشيت وبدات اتوسط قادة من يسمون بالجيش الحر بعندان لافاجأ انهم شركاء كلهم وثورتهم مبنية الشباب على النصب والسرقة والتشليح
((مع العلم ضمنيا كنت من انصارهم وقلبي معهم))لكن تبت الى الله مماكنت عليه -واكتر من هيك اهل كفرحمرة اوو الاف الاشخاص من عندان وامنوا لهم المسكن والطعام و .... بتعرفوا شو صار ؟؟قام عناصر الجيش الحر (الجيش الحرامي بعندان)لانو مو حر =بسرقة مجابل زفت لاهل كفر حمرة -سرقة سيارات واخرها اليوم الاثنين خطفوا بنت عمرها 16 سنة وطلبو فدية 500000 الف -ولما وافق اهل البت لم يعود الخاطفون بالرد على الجوال-ثم بداوا يرشون عشوائيا بشوارع كفر حمرة ويسبو بعرض اهل كفر حمرة
((ياناس والله العظيم لم ازد او افتري بحرف مماقلته بل نقصت شوي =هذا هو الجيش الحر في عندان (لاني رايته بعيني ))فاحكموا ياناس عما رايته وعانيته
لم اسمع عبر التاريخ عن هكذا نذالة وخسة -باسم الثورة نسرق ونخطف ونغتصب و ...... -اقول اللهم ياقوي ياجبار عليك بهم فانهم لايعجزونك

ملاحظة :التهمة عندهم جاهزة لتبرير اي عمل -اهون كلمة هاد الي اخدنا بيتوا او سيارتو او او شبيح مع انو من اخذوا بيته او سيارته من ارقى واتقى الناس ولو كان ازعر ماتجراو عليه وعفكرة هم جبناء بس بالروسيات عبتمرجلوا على الناس ولو واحد منا معو روسية وحدة بهربو امامو بالميات متل الفئران
مقهورةعسوريا
(4)   (10)
بحب.أقول.للجيش.الحر
حااااااااااجتكن.بقا
تركوحلب.بحالها
يعني.هلق.حلب.صارفيهامشكل.ملون.(من.حمصية.وادلبيةوحموية) وكمان.كفتو.أهل.الريف.عليها.....
يعني.أبوس.الله.هالعالم.اللي.
نزحت.فين.تروح.بحالهاإذاحضرتكن
دخلتو وخربتو حلب
بعدوااااااااااااااااااا.عن.حلب
متفرج من بعيد
(9)   (1)
إذا نظرنا من الناحية الإنسانية للموضوع نقول :فعلاً هؤلاء نازحين ولازم نآويهم حتى داخل بيوتنا المسكونة يعني يلي بيته تدمر وين بدو يروح لكن السؤال الأهم هو هذه البيوت التي تم الإستيلاء عليها اليست لها أصحاب وهم من الطبقة الفقيرة و منذ عدة سنوات يدفعون الأقساط الشهرية على حساب لقمة أولادهم وهم بحاجة ماسة إلى تلك البيوت وكانوا ينتظرونها بفارغ الصبر .اليسوا هؤلاء أيضا سوريين ومواطنين وجميعهم لا يملكون بيوتاً أين العدالة معقول حلب صارت غابة والكبير يأكل الصغير
عربي سابق
(0)   (0)
الشباب ما قصروا عم يعملوا بأصلهم وأصل آبائهم وأجدادهم وأنبيائهم فالغزو هو العقيدة والدين والعادات والتقاليد . ولا زال إصرارنا على أن شيم العرب لا يعلى عليها . لعنة الله على هيك قومية حيوانية , والله شرفهم هتلر لما صنفهم قبل القرود بدرجة . الرجاء النشر
محمد الاحمد
(1)   (0)
اولا بحب اشكر الاستاذ عابد ملحم لتسليطو الضوء ع ةقضية انسانية
وشكرا لكل اصحاب الضمائر من يلي قدموا مساعدات للنازحين بس للاسف اقولها وقلبي يعتصر الما بان هناك الكثير من الشعب الحلبي استغلوا الظروف الصعب لهؤلاء السماكين و بدلا من مساعدتهم قاموا بابتزازهم فرفعوا اجار البيوت حتى ىان البيت اللي كان اجرو الشهري 5000 الاف صار عشرة بس الله لايساهم كل حقير انتهازي بعيش ع مصايب الاخرين وانشا الله يشرب من نفس الكاس
مسلوب مزرعته
(2)   (0)
بحب اقول يلي الوه مزرعة بكفر ناها (اي كفر اصحابها ) يمسح ايديه با الحيطان لانو بدو يروح اما يلاقيها مسروقة ومنهوبة على الآخر أو مأجرة دون علم اصحابها أو مباعة , على اساس اهل القرية عندن نخوة وضمير بحجة تسكين المهجرين يقوم اهل كفر شحاطة بكسر اقفال المزارع ونهب محتواها على الآخر وتاجيرها أو بيعها للغير وذالك دون علم اصحابها , والله لو انون عمال يسكنو المهجرين مجانا مافي مانع وكلو بثوابه عند الله بس انون يستغلو حاجة الناس منشان يسرقو وينهبو ويحتالو هذا الشيء لايقبله لاعقل ولا دين ولاشريعة ولا عرف.
عبد فقير
(1)   (0)
برسم الجهات المعنية
تعالوا وشوفوا شو صاير عنا بخان العسل تحديدا بجمعية ريف الكهرباء والكل بيعرف هالعنوان ، طبعاً أنا مالي معارض لمساعدة المنكوبين والكل ما قصر بس انو يندخل علبيوت بقوة السلاح وبالترهيب وبحمل السلاح علنا واطلاق الرصاص ليلا وبعض العائلات صارت تبيع عفش البيت الي ساكنين فيو وصارت تبيع المازوت الي فيو ما صفو منكوبين هدول شوية حرامية بلطجية بدهم حرق ويلي داعمهم واحد وسخ من عين جارة (عنجريني) بس بدعي ربي " الله يحل علينا الأمن والأمان "
إلى متى ...
(1)   (0)
كرامة لالله حاج بقا قتل وضرب ودم وتشرد ومرض حاج لاقولنا حل لهلقصة خلونا بأمان ليش هيك عبصير الناس رح تخلص من كتر الموت والفقر والمرض ولسا كل يوم نفس الي قبلو افهمنا بقى رح تخلص سوريا من الناس لسا على اجتماعات وانفجارات ومجازر شو هاااد الى متااااااااااااااااااااا
صهيب
(1)   (0)
إختلط الحابل بالنابل و العملية ضد مجهول و لبلتها يصدر مرسوم و يتبخر حقك و يزول
من شعر عمر الفرا
لا أقول غير حسبنا الله و نعم الوكيل أدعوا لأهلنا بالسلامة و لوطننا بالأمان
حلبي شريف
(0)   (1)
اول شي اهلا وسهلا بكل ضيوفنا الكرام من النازحين من بيوتهم بسبب وجود الارهابيي التكفيريين وقلوبنا وبيوتنا مفتوحة الن،بس الواحد عند بروح يتفقد بيتو بالسكن الشبابي يلي من سنوات كتيرة عبيستنا وبلاقي فيو عالم مقتحمين البيت من دون اذن ولا دستور يعني ه تاشي ولا صعب وشكرا
أبوعلي الحلبي
(1)   (0)
كتير ناس مقيمة في حلب وبيوتها ماشا الله مليانة
سكرت بيوتها وراحت استولت ليس على شقق بل مداخل وبنايات كاملة
يقف أحدهم على مدخل بناية فيه 15شقة (هذه لي ولأولادي)
بأي حق!!
يقولون هذه ستصبح لنا بعدسقوط النظام
فهي للدولة ولم يبقَ دولة!!
وصار البيع (فروغ) ب25ألف ليرة
آلاف الشقق
بينما قلة قليلة من النازحين المعدمين سكنت في تلك الشقق
لأن الكثيرين كرامتهم لاتسمح لهم إلا باستئجار بيت حتى لو رفع المستغلون الأسعار
مواطن حلبي غيور
(1)   (1)
يا أخي المدراس بقيان عليها شهر ونصف لتفتح أبوابها للعام الدراسي الجديد وكيف بدنا نطالعهن من المدارس نعطل شيء على حساب شيء يضاف إلى ذلك أن المدراس يوجد فيها أثاث ومستودعات تخص العملية التعليمية وماذنب التلميذ أو الطالب أبن حلب لينحرم من دراستو للعام القادم (يرجى النشر)
محمد حسن العلي
(1)   (3)
لا يمكن استخدام المدارس لإيواء اللاجئين الحل هو استخدام المساكن الشبابية أو توزيع خيم من قبل الدفاع المدني لأن المدارس بقيان عليها حوالي الشهر فقط
أبو نسرين
(1)   (2)
إلى من يطالبون بفتح المدارس كيف تطالبون بهكذا طلب وتعلمون أن المدارس ستفتح أبوابه بعد أقل من شهرين وكذلك
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " ماشيين غلط "

20-10-2014
دائرة أمن الدولة في الامارات :خلية " النصرة و أحرار الشام" صنّعت المتفجرات وفجّرتها سبع مرات في عجمان
قررت دائرة أمن الدولة في المحكمة الاتحادية العليا في الإمارات، برئاسة المستشار محمد الطنيجي، تأجيل النظر في قضية ...


20-10-2014
ناشطون معارضون يرصدون لحظة إطلاق قوات النظام لصاروخ " فيل " المدمر على أحد المساجد في زملكا ( فيديو )
نشر ناشطون معارضون مقطعاً مصوراً يظهر لحظة استهداف قوات الأسد لمسجد في مدينة زملكا بصاروخ " فيل ".وأكد ...


19-10-2014
عوائل تعيش في مبان نصف مدمرة و شباب يتمنى الموت رقصاً .. تقرير للقناة الرابعة البريطانية من المناطق الخاضعة للنظام في حلب
 بثت القناة الرابعة البريطانية أمس السبت تقريراً لمراسلتها ليدنسي هليسوم التي تزور المناطق الخاضعة لسيطرة النظام في مدينة ...


19-10-2014
طرطوس مول .. مشروع " غير قابل للهضم " من قبل المؤيدين ! ( فيديو )
طرطوس مول .. مشروع " غير قابل للهضم " من قبل المؤيدين ! ( فيديو ) . . . . . . . . . عكس السير ...


19-10-2014
أحمد الدوري .. من ضابط و برلماني مصري إلى انتحاري في صفوف " داعش " ! ( فيديو )
نشر ناشطون معارضون نبأ مقتل أحد عناصر تنظيم " داعش " في عملية انتحارية في العراق، ليتبين لاحقاً ...


19-10-2014
قيادي في الجيش الحر : توقفنا عن قتال داعش لأن التحالف الدولي ينسق مع الأسد
  اشار القيادي في "الجيش الحر" العقيد اسماعيل عمار الى إن الهدف من تحريك "داعش" نحو عين العرب هو ...


18-10-2014
من بينها قبر " أبو فرات " .. تنظيم " داعش " يحطم شواهد القبور في مدينة جرابلس لأنها " حرام "
وصل إلى عكس السير صورة لشاهدة قبر الشهيد يوسف الجادر " أبو فرات " بعد أن قام تنظيم ...


18-10-2014
كوارث انسانية تشهدها المخيمات .. الائتلاف السوري يطالب أصدقاءه بتسليح اللاجئين و المحاصرين ضد " البرد "
طالب هادي البحرة، رئيس الائتلاف السوري المعارض، سفراء دول "أصدقاء سوريا"، بضرورة تسليح النازحين واللاجئين والمحاصرين في المدن ...

X
وردنا الآن