إعلانات
تسريب بيانات من مؤسسة الاتصالات السورية تحتوي أسرار معظم مستخدمي الانترنت في سوريا
السبت - 8 تشرين الاول - 2011 - 19:45 بتوقيت دمشق
التفاصيل

 سرب مجهولون بيانات تحتوي أسرار معظم مستخدمي الانترنت في سوريا، قيل أنها سربت من مؤسسة الاتصالات السورية.

وتحتوي البيانات ذات الحجم الضخم جداً على تسجيل لـ " آي بي" اجهزة كومبيوتر، وصفحات ومواقع زارها مستخدمو انترنت في سوريا، خلال فترة( لم يتم التأكد من مدتها) تبدأ من الشهر السابع من العام الجاري.

وأثناء بحث عكس السير في البيانات، ومتابعة الروابط الموجودة، عثر على بيانات تتعلق بأجهزة كومبيوتر مستخدمين، والمواقع التي زاروها، وكلمات السر وغيرها من أسرار مستخدمي الانترنت في سوريا.

وعثر عكس السير في احد الروابط على أسماء مستخدمين، وكلمات سر بطاقات مزود خدمة الانترنت ( سوا).

وقال خبير تقني لـ عكس السير " تمكن البيانات المسربة من يتقن استخدامها من اختراق حسابات من يريد من مستخدمي الانترت في سوريا".

وأوضح " يمكن لمن يتقن استخدام البيانات أن يخترق حسابات بعض الأشخاص بوجود اسم المستخدم وكلمة السر!!".

واستدرك " ولكن لايمكن اختراق الحسابات التي تستخدم نظام تشفير SSL، والتي تظهر عنواين الموقع مسبوقة بـ https، وليس http ، كما لا يمكن اختراق حسابات الأشخاص الذين يستخدمون برامج تشفيرمثل VPN ".

وقال الخبير" يعتقد أن هذه البيانات تم السطو عليها من مؤسسة الاتصالات السورية ( تراسل) ".

وأوضح " حجم هذه الملفات مجتمعة ضخم جداً، ويحتاج إلى هارد ضخم ( ثلاثة هاردات بحجم 1 تيرابايات لكل هارد) كي يتم فك ضغطها، والبحث فيها".

وحاول عكس السير التواصل مع المسؤولين في مؤسسة الاتصالات السورية، حيث رفض  " فايز موصلي" مدير الانترنت في المؤسسة الادلاء باي تصريح بحجة انتظار موافقة مدير المؤسسة، في حين قال ان المؤسسة ستصدر توضيحا يتعلق بهذا الأمر غدا الأحد.

علاء حلبي - عكس السير
 
 
بيانات تظهر " اي بي" خاصة بمستخدمين سوريين، ومواقع تصفحوها وكلمات سر .. ( تم تشويه الصورة حفاظاً على سرية المعلومات)
 
 
بيانات تظهر كلمات سر حسابات لمزود خدمة الانترنت "سوا".. ( تم تشويه الصورة حفاظاً على سرية المعلومات)

 


التعليقات :
مهندس
(0)   (0)
يالطيف ألطف بنا.
إذا كان الطباخ جعيص فمستخدمي الانترنت شبعو مرقة.
هكذا يقول المثل عندنا.
وطالما القائمين على تشغيل الانترنت هم فقط من أصحاب الخبرة (كما يصفهم مدرائهم) ويساعدهم بالعمل شلة من السماسرة وليسو من أصحاب الشهادات العلمية فما تتوقع النتيجة.
ماعاد في امان
(0)   (0)
شوهلخبريةكتير كبيرة وليه يتسرهيك شي هي خصوصية المتصل وهيك بكون مكتوب بعقد الاشتراك بس لو كان في وعي كان اغلب المشتركين رفعوا قضية ع هلكلام حتى لو كان المتصل عم يتصفح بشي عادي مابمس اي احد والاصعب من هيك انوا تنكشف كلمات السر لازم يكون في حل ومتابعة لهلقضية
فراس السوري
(0)   (0)
نتمنى من الشركة التعليق على الخبر واصدار بيان توضيحي ليتمكن المشتركين من تلافي اختراق حساباتهم السرية !!!!!
نور الدين
(0)   (0)
ولك اااااااااااااااااخ وين عايشين نحنا
حسبي الله ونعم الوكيل
فعلا عايشين بغابة

يعني ليش مابيعطو الحرية للمواطنين والله العظيم كانوا كسبوا كل هالشعب لصالحه ... بس!!!!
الله المستعان
اي عيش بتشوف
(0)   (0)
ولسى الخير لقدام يا وطني
أبو سهيل
(0)   (0)
مين يلي سمح لمؤسسة الاتصالات بالاحتفاظ بهي البيانات و بأي حق و ليش و إيمتا بدنا نخلص من هالرقابة الخانقة على كل شي لو كنا بدولة بتحترم شعبها لكانت طارت وزارات و مديرين من ورا هيك خبر عسا الاصلاحات الجاية تخلصنا من القبضة الأمنية يلي خانقتنا بكل شي من الفلافل لبيانات النت!!!!!!!
.
(0)   (0)
هاد الشي بيشمل مستخدمي الثري جي ؟!!!!!
شادي الحلبي
(0)   (0)
الحمد لله أنه البيانات يالي بتتعامل معها البنوك مثل https محميه
بس تسريب مثل هيك معلومات فيها جريمة كبيرة وفقد للثقة
ولازم يعاد النظر في الكادر البريدي المسؤول عن الشبكات ويجرى تحقيق و يحاسب كل من كان له يد في سرقة هذه الأسرار والمتجارة بها
ههههههه
(0)   (0)
تعيشو وتاكلو غيرها هي اكبر عملية اختراق بتاريخ سوريا

نفذها خبراء بالهاكرز

مو بس مؤسسة الاتصالات بل اكثر من مديرية تم اختراقها

وسحب البيانات

وماخفي اعظم

سوري حر
(0)   (0)
لو حصلت هذه الحادثة في أي دولة تحترم نفسها لرأيت المحاسبات والاستقالات والتحقيقات من رأس الحكومة وحتى اصغر موظف في شركات الاتصالات أما عندنا فحدّث ولا حرج


يرجى النشر
علي
(0)   (0)
يا عيب الشوم بس ....
عادل
(0)   (0)
اذا كان الخبر صحيح فهو طبيعي
على اساس الفيسبوك احسن يعني
ويليام اسانج شخصيا قال انو الفيس بوك اخطر اداة تجسسية بالعالم
مو بس بسوريا بكل العالم في هيك شي
وهادا الشي صحيح برأيي ولازم كمان
سوري
(0)   (0)
ولك عوجا ومارح نصير طالما في هيك ناس بينا
حلبي
(0)   (0)
العمة العمة العمة على هالخبر
المهلهل
(0)   (0)
الى ادارة عكس السير بعد اطلعي على نفس المعلومات التي وصلتكم ..... افيدكم علماً ان مسرب البيانات هو مزود سوا وليس على غرار ماقلتهم "المؤسسة العامة للاتصالات" وذلك لاحتواء الملف على بطاقات سوا ...

ومن غير المممكن بشكل تقني اذا سربت المعلومات عن طريقة شركة تراسل ان تسرب معلومات عن سوا فسوا قطاع خاص ولة علاقة له بتراسل وتجهات سوا لاتتصل بشكل مباشر مع تراسل ....

الرجاء التاكد قبل اتهام الاخريين ومحاسبة سوا
ابو ؟
(0)   (0)
ههههههههههههههه انكمشنا اذا هيك .... تعا ودعووووووو اخر ايامو ^_^
خبير انترنت و محب للهكر
(0)   (0)
مادام البيانات ثلاثة تيرا بعد فك الضغط معناها اكيد البيانات مسربة عن طريق شخص جوا المؤسسة و اكيد

لانو لما هكر بده يخترق موقع رح يضغط قاعدة البيانات و بعدها يسحبها و يرسلها لسيرفره الخاص و اكبر سيرفر متوفر على الانترنت 1 تيرا بس مستحيل يتوفر بين ايدينا و المتوفر 5 او 10 و حتى ممكن 160 جيجا و هادا سيرفر خاص و هادا بكلف بلاوي زرقة يعني تكلفة 160 جيجا يتفوق 60 الف ليرة سوري سنويا ؟؟؟؟؟؟؟؟ و صعب كتير رفعهم على الانترنت و برايي الشخص مستحيل الا اذا كانت ال 1 تيرا بتنضغط ل مئة مرة يعني ال 1 تيرا بتصير 1 جيجا و هيك بتصير مقبولة منطقيا و حتى 10 جيجا متداول على الانتنرنت منطقيا و غير هيك مستحيل
رقاوي خريج تكنولوجيا المعلومات
(0)   (0)
أصبح وضع خطير هذه تعتبر معلومات سرية تسرب هذا دليل في مشكلة كبير بعدم الخضوع للقانون وهذا سبب من الحملة الضغط على سوريا
مهندس
(0)   (0)
معرفة الآي بي لا يتيح لهم معرفة الأسماء وكلمات السر , أما بالنسبة للآي بي فإنه يتغير مع كل دخول للإنترنيت وهنالك برامج لتغيير الآي بي أو إخفاءه , والدخول للإنترنيت عن طريق مواقع مساعدة ( وسيط ) لن يمكنهم من معرفة المواقع التي دخل إليها المستخدم ..

وبجميع الأحوال من لا يوجد لديه شيء يخفيه فلا مشكلة لديه من هذا التسريب ..

ولكن هذا لا يمنع من أن تسرب المعلومات وخاصة من مؤسسة الاتصالات طامة كبرى ..

بالمناسبة : أين أمن الاتصالات ؟؟
Omar
(0)   (0)
هذا نتيجة الفوضى داخل البلد.
كل صار يبيع ويشتري ويسرق ويبيع وكله على حساب المواطن السوري..الله يحمي هالبلد ويحمي أهلها وقائدها من كل شر.
مواطن حلبي
(0)   (0)
ياعيني يا عيني والله شي بيرفع الراس
مصدوم
(0)   (0)
يعني نتشرت اسرارنا وارقام الايبي وبكرا بيشتغل الاختراق .. على فكرة هي مصيبه كبيرة لازم يوضحولنا شو رح يسو لازم نفهم شو تسرب وكيف وشلون وشو الحل وشو تداعيات التسريب بالتفصيل لنفهم الله وين حاطتنا
حلبي
(0)   (0)


شو ما حدا جاب سيرة توراة تيجان دمشق ..التحفة الاثرية اليهودية التي تم تهريبها من دمشق الى تل ابيب مؤخرا..
وسيم
(0)   (0)
روحو العبو غيرها قال اختراق وأسماء وآي بي روحو اتعلمو شي بالتكنولوجيا بعدين تعو احكو عن اختراق وتسريب بعدين كيف زبطت معكن اسماء وكلمات سر بطاقات سوا اذا هي بالأصل ارقام ولاتدل بأي شكل من الأشكال على صاحبها ولاهويته مهما حاولتم معرفتها ثم الآي بي ليس لجهاز الكمبيوتر بل للمخدم نفسه يا أذكياء ولايمكنكم معرفة آي بي الجهاز أبدا
غريب
(0)   (0)
انا ليش ما انصدمت بالخبر لانو يلي لازم يعرف هالمعلومات بيحسن يصلا بسهولة بس مو حلوة تنتشر يا وزارة الاتصالات حسبي الله فيكون شو كنتو عبتساوو ,,,,انا بعرف





عبتفصفصو بزر


بالهنا انشا الله
غيفار سليمان
(0)   (0)
اخواني رح احكي بالتفصيل
بالنسبة للتسريب
اغلب المواطنين السوريين عم يستخدموا الديل اب
وip
الديل اب مشترك لكل 600 شخص
يعني مو طبيعي يدورو على شخص من بين 600 شخص
انا عم احكي على مستوى
ip واحد لمستخدمي الديل اب

فكم شخص بيستخدم ديل اب بسورية ؟؟؟؟
واذا بدنا نحكي على adsl
فكل بوابة دي اس ال
فيها 8 اشخاص مشتركين
بip
يعني مثلا اذا عرفوا كلمات سر مزود سوا
شو رح يستفيدوا ؟؟؟
غير من اسم المشترك
هني ما اخترقوا لا كمبيوتر ولا شي
وفرضا عرفوا كلمة سر مستخدم مشترك بمزود سوا ؟؟؟
اكيد مارح يدخل من اشتراكو اذا كان مستخدم adsl
لانو ما معرف عرقم الهاتف عند الشخص يلي عرف الرقم
وفرضا عرفوا ip شخص
وبدون ياه
اكيد رح يحالوا يخترقو الجهاز
اما عبر سحب كوكيز الجهاز
او تلغيم شي باتش
هي اذا ما كان هالمستهدف طبعا حامي نظام الكمبيوتر عندو
عكل هالشي مابظن الو خطورة كبيرة
بس بضل في تساؤل مين سرب المعلومات
؟؟؟؟
عكل في برنامج اسمو cain
بتستخدموا الاجهزة المختصة لمراقبة المستخدمين وخصوصا بمقاهي الانترنت
هاد ممكن يشكل خطورة
بس غير هيك مابظن
مغترب
(0)   (0)
شو بشان انا هلئ بسوريا .
مين مسؤول عن خصوصيات حساباتي
ولمين فيني اعترض واشتكي
ومين بيضمن لي الامان بعد الاعتراض ع هل خبر ؟؟؟؟
HAZEM
(0)   (0)
و ليش مستغربين ؟؟؟
Ols
(0)   (0)
ايه، يكتر خيركم على الخبرية، فعلاً هالبلد ماشية عكس السير
فصلت...خلص
(0)   (0)
بخخخخخخخخخخخ يا فرحتنا,,,والله وانشمسنا يا شباب..يلا كل واحد يكتب وصيتو,,,,,يلا عالسريع لحقو حالكم ...
{{{{ عبود الشامي }}}}
(0)   (0)
إن من فعل هذا هو من المندسين لأنهم يريدون زعزعة الإستقرار و خاصتآ زعزعة الإستقرار الإقتصادي هذا الإقتصاد الذي حير العالم باستقراره
محمد العيسى
(0)   (0)
لك ازا حكينا بينخرب بيتنا ومنصير متأمرين وخاينين لك وازا سكتنا الواحد بيطق وبيموت وبينفجر من أهرو لك شو نعمل شو نساوي لك ممنوع حتى نزل على يلي عم يموتو وممنوع نحكي وكلشي ممنوع أش نعمل بس يا عالم لك رئفو فينا بس
BeBo
(0)   (0)
انصح الجميع بتفعيل SSL لتصفح أمن
وتجنب الأختراق
محمد من حلب
(0)   (0)
بس شو بدي احكي, بتعرفو شو معناة هاحكي. لك معقول من الشركة نفسها تسربت ليش وين انظمة الحماية؟؟؟

يا خوفي ما يستخدم هاد الشي ضدنا. هههههههههههههههه. مارح كمل. بس بقول انو يلي اخدون بيحسن يدخل (كمبيوترنا, كل إيميلاتنا, والأهم من هيك بيعرف كل توجهاتنا.)
Nour
(0)   (0)
من وين يمكن الاطلاع على هالبيانات؟ طبعا من أجل التأكد من صحة الخبر فقط. (صاروا بالجميلية هلق؟!)
مراقب معتدل
(0)   (0)
بتعرفوا يا جماعة لو هي الشغلة صارت بالغرب لكان قامت الدنيا و ما قعدت بقضايا قانونية ضد كل شخص متسبب بهيك شي
ابو الجود
(0)   (0)
لو في عنا حرية و ديمقراطية كان المواطن طربق المؤسسة على راس مديرها
سوري من الداخل
(0)   (0)
يعني عنجد عيب
يعني شو هلشغلة يلي ما بتتصدق ..........
انا برأي الموظف حابب يشتري سيارة على السريع
او
اذا تهكرت فهادا المصيبة الأكبر
يعني ماخرجنا لسا نعمل شي عبينسوه البشر
الحكومة الالكتروينة
انتبهو ها
(0)   (0)
شباب وصبايا كل واحد يغير الباسووردات الخاصة بالإيميلات عن جديد ويعمل ديليت للهيستوري والكوكيز .. وأي مواقع او منتديات مسجل فيها كمان يغير الباسوورد إذا بيقدر ... موفقين ..
مو غربية علينا هيك قصص
سامر
(0)   (0)
لك مشان الله اي حرية ... اساسا يلي سرق البيانات لو عندو ذرة ضمير و بيعرف شو يعني حرية ماكان عمل هيك ..سرقة بيانات و نشرها عالانترنت !!! هدف هالعمل هو الاساءة لهالمؤسسة و المؤسسة تابعة للدولة .. بس الفاعل هو مواطن للأسف !!! لا تنسى انه عرض البيانات هو افضل طريقة للتمويه عالافعال يلي راح تصير لاحقا .. مشان تضيع الطاسة و ما تبقى مسؤولية اختراق اي موقع محصورة باشخاص .. يعني ابشركم باختراقات غير شكل للمواقع السورية بالفترة القادمة
ADIGAMAN
(0)   (0)
عادي لأن معظم موظفي مؤسسة الاتصالات معينين بالواسطة و لا يفهموا بالانترنت شيئا
مشترك
(0)   (0)
ممكن حدا يشرحلنا معنى هالكلام بالمشرمحي لأتي مافهمت شويللي صاير .............
خالد
(0)   (0)
الرجاء من ادارة الموقع توضيح هذه المعلومة بشكل تفصيلي يعني
امقاهي الانترنيت نعلم انها مشتركة بخدمة ريل ip ولكن المشتركون بالمنازل ؟؟؟؟؟؟؟؟؟؟؟؟ هل ايضا مشتركون بخدمة ريل ip واليوم ياجماعة عم حاول فوت على موقع وزارة الاتصالات السورية بس للأسف الموقع مخترق يقوم بفتح الصفحة ثم يحوللك الى صفحة ثانية ارجو النشر واخد الحيطة
مواطن سوري
(0)   (0)
الخبر مسرب أصلا من مؤسسة الاتصالات لتخويف مستخدمي الانترنت ... و منعهم من الدخول إلى المواقع المعارضة ...

لكن هناك العديد من البرامج يمكن استخدامها .. و التي تمنع التجسس ..

هذه هي حرية الاعلام ..
لو كنا بدولة تحترم نفسها .. كانت اعتبرت هالقضية كبيرة جدا ..
شكرا عكس السير على نشر الخبر و تخويف المستخدمين ..!!
عبدو
(0)   (0)
انا ولا يهمني هالخبر بشيييييييييييييييييييييييييي
عروس الجزيرة
(0)   (0)
ياجماعة ما سالتوا حالكن لوين تسربت هل المعلومات ؟؟؟ انا وحده من الناس اخترق جهازي واتهكرت حساباتي لصالح الثورة وغيري كتيرررررررر من مشتركي خدمة تراسل . يعني بالعربي الفصيح صرنا بزمن وانت وقاعد ببيتك ماعاد عندك خصوصية !!!
خبير سابق
(0)   (0)
يا جماعة 3 أرباع سورية بيستخدموا برامج تغيير الأي بي و المعروفة بأسم ( كسر البروكسي ) متل الألترا سيرف و هوت سبوت و غيرها ........
هاد بيعني أنو يروحو و يشربو مية المعلومات اللي أخدوها يعني هنن بس رح يعرفو بداية الأي بي و بعدين فوراً رح تتغير و مارح يقدرو يعرفو على أي موقع دخلو وين راحو و ين إجو ....
بس هاد لايمنع من تقديم شكوى و المطالبة بتعويضات كبيرة جداً لكل المشتركين و محاسبة المسؤولين المباشرين و غير المباشرين
بكري
(0)   (0)
لو كنا بدولة ديمقراطية المفروض نقاضي المؤسسة كلها على تسريب هيك نوع من المعلومات و التي من الواضح انو مسربة من داخهل المؤسسة
بس عووووووووووووووجااااااااااااا
معلومات غير ذات اهمية
(0)   (0)
بعد lمشاهدة البيانات المذكورة تبين ان المعلومات المذكورة ليست ذات اهمية ولا تتضمن اي كلمات سر او اسماء مستخدمين او اي معلومات عن اجهزة الكمبيوترات للمستخدمين انما هي تتضمن مجموعة المواقع التي تم الدخول اليها خلال فترة زمنية محددة
eyado
(0)   (0)
إلى السيد وسيم و السيد غيفار سليمان ... و كل المستخدمين بشكل عام

لا تضحكو كتير

انا بقلكون كيف رح يخترقوكون يا جماعة
بما انو لما تحط كلمة السر ع مسنجرك او الفايس مثلا و تكبس انتر
قبل ما توصل للمخدم تبع فايس.. بتكون مرئت على مزود تراسل
طبعا هالحكي اذا ما عندك كسر بروكسي

و شي تاني
منشولة كلمة سر بطاقات سوا ؟ و ما مشكلة عندكون لأنو بالبوابة الواحدة في 600 مشترك ؟

اي حبيبي رقم التليفون الأرضي اللي عم يخبر منو شو عم يعمل لكن ؟

الخوف مو من اختراق او كشف المواقع ولا كلمات السر من طرف الدولة
الخوف من الشباب الـ ( الإرهابيين و المندسين ) ما يفوتو على بروفايلي مثلا و يبلشو لخم و حكي و نشر .. و تعا فهم بيت خالتك انو :::::

* حسابك تهكر .. *

أحلى شي مرة تهكر مسنجر رفيقي .. و صار في سرقة مصاري عن طريق حسابو
رحنا ع المخفر لنطالع اسم صاحب رقم الموبايل اللي سرقلو الحساب لأنه هدد رفيقي و هددني ع الموبايل و شركة الموبايل عنا ما رضيت تعطينا الأسم الا بأمر محكمة
فتنا ع المخفر... و من على الباب وقفونا الشباب الطيبة قالو معكون فايس بوك ؟
مفكرين الفايس بوك بينشال بالإيد ولا بينحط بالجيبة :)

بقا كيف بدك تفهم هدول انو حساب النت انسرق و تهكر الفايس بوك عندك و انو ممكن يعدلولك اللأكونت accont ؟

هي المشكلة الحقيقية

نصيحة للكل .. فوتو على حساب الأمان بـ hotmail و facebook و yahoo و gmail وبعدا

إعدادات الأمان و بعدا تفعيل خانة : تصفح ( .... hotmail و facebook و yahoo .... ) عبر اتصال آمن (https) عندما يكون ذلك ممكناً

و احسن شي ... ultrasurf 10.17


و شي تاني اللي عم يقول انو المؤسسة العامة للإتصالات كلها واسطات
على فكرة يمكن المستخدم و موزع البريد و الجابي واسطة

بس داخل الغرف كلهم من المهندسين المبدعين
و انا شفت هالأمر بعيني و بعرف اكتر المهندسين الرائعين داخل تلك الغرف

لأنو الإتصالات قطاع هام جدا جدا ولا يحتمل الواسطات.. يكون بعلمك يعني

و السلام
مواطن
(0)   (0)
يا شباب لا تخافو كل هالحكي مو صحيح والخبر ملفق % انا اطلعت على المعلومات بعد ما نزلتها من الانترنت وما فيها شي غير اسماء المواقع اللي عم تدخلها المشترك ومافي لا اسم مستخدم ولا رقم هاتف ولا اي معلومة خاصة بالمشترك وهالشي عادي وما الو اي تاثير اشتغلو يا شباب ولا تسألو
حموده 16 سنة
(0)   (0)
هالكي مو بس بسورية بكل العالم وحتى باميركا بلد الحريات
متفاجىء
(0)   (0)
أنا مستغرب من كل واحد تفاجىء بالخبر كأنوا شي جديد علينا
feras
(0)   (0)
اذا يوجدخونة في مؤسسة الأتصالات يحجب العثور عليهم ومعاقبتهم بتهمة الخيانة العظمى لأمن البلد ياجماعة مؤسسة الاتصالات مو شغلة سهلة وهذا اختراق امني قوي جدا يجب محاسبة المسؤوللين ابتداءا من الوزير وعلى جميع المستويات بامؤسسة
حمصي
(0)   (0)
السنة الماضية بأوربا قامت القيامة ع الشركة الكندية اللي بتقدم خدمة البلاك بيري (( هي أساس الخدمة طبعاً تقدم بالتعاون مع شركة الخليوي الناشطة بكل بلد يريد تقديم الخدمة ... مشان ما حدا يتفزلك بشي ما بيعرفو )) بتحتفظ بالبيانات بالخادم تبعا لمدة سنة بعدين بتحذف هالبيانات بشكل نهائي........
طبعاً خدمة البلاك بيري يمكن شي مية سنة ما بتوصل لعنا لأن سوريا مافينا تراقبا غير عن طريق الحصول ع البيانات من الشركة الكندية نفسا
وين تعليقي الأول يا عكس السير
mhd
(0)   (0)
"المهلهل"
وين المعلومات اللي اطلعت عليها؟
الا ترى ان الايبيات كلها لتراسل؟ ادخل على اي موقع وشوف الاي بي تبعك، وشوف انه موجود ضمن هل المعلومات المسربة بتعرف انها لتراسل ومسحوبة منها مباشرة..
الحر الاشقر
(0)   (0)
طيب في حال حسابي من جملة الحسابات المضروبة

ايش ممكن يكون التعويض في حال تقديم شكوى قانونية ؟

يمكن يطلع لنا شي 3 او 4 ملايين ليرة اسوة بالدول الاوربية
OMG
(0)   (0)
با جماعا عي شغلة مو قليلة ابدا هي الشغلة ازا صارة برا في خربان بيوت نظامي انا طالب هندسة معلوماتية الشغلة يلي تسربت ممكن تخرب بيوت للناس يلي بتشتغل على النت خصيصا اصحاب الكريديت كارد يلي بيسنخدموها على النت والله لو كنا برا ليخربوا الدنة
سورية
(0)   (0)
هذا كله اشاعة مشان ماحده يدخل على الانترنت
ابن الشهباء
(0)   (0)
جماعة التري جي الهم علاقة بهاد الموضوع الا لأ
عابر زمن
(0)   (0)
يعني اي مستخدم في سورية بيعرف انه النت عنا عليه رقابة كبيرة بالتالي اي معلومات عنه رح تكون فاضية


نحنا هيك بنهتم بالرقابة اكثر من التطوير

ياريت الجهد هاد نبذله لتطوير تقانة المعلومات !!!!
فراس
(0)   (0)
بعد التدقيق في البيانات بشكل كبير تبين أنها لا تحتوي سوى على عنوان المخدم (البروكسي) وليس على عناوين المشتركين وليس هناك وجود لكلمات سر أو حسابات خاصة إنما فقط روابط للمواقع التي تم الدخول إليها من قبل عدد كبير من المشتركين وهذه ليست معلومات سرية ويوجد مواقع متخصصة بهكذا معلومات مثل (أليكسا) ما أتمنى من عكس السير نشر صورة واضحة عن البيانات لأنه ليس فيها أي شيء خاص
انا
(0)   (0)
شو هالسرية يللي بتتمتع فيها شركة تراسل

فعلاً بياناتنا بإيدي أمينة
أبو طافش
(0)   (0)
الإنترنت وسيلة عصرية ، تثقف الإنسان وتفتح مداركه على العالم ، لكننا للأسف نسمح لبعض الغزاة ( الهاكرز ) باختراق أسرار متصفحي الإنترنت والإطلاع على أسرارهم الشخصية وبشكل مقزز للنفس !!! والله لو كان مخترع الإنترنت ، وعمالقته اليوم مثل ( بيل غيتس ) و ( ستيف جوبز ) الذي توفي منذ أيام وهو من أصل سوري من حمص ، إبن عبدالفتاح جندلي ، لو كان هؤلاء يعلمون أن الإنترنت عندنا سيصل إلى هذا التطفل والتجسس على معلومات شخصية للناس لكانوا انتحروا واستغنوا عن اختراعاتهم !!! والله قرفنا الإنترنت ، وأرى أن نهجر هذا الجهاز ، ونعود إلى لعب الضامة والطرنيب والباصرة ، والشيش-بيش ، على ضوء السريج والشمعة !!! ما رأيك يا مؤسسة الإتصالات ؟؟؟
سوري اصيل
(0)   (0)
من هو وطني صحيح فلا يخاف اينما دخل بصفحات النت اما الخونة فيجب معرفتهم ومحاسبتهم مع اني استبعد الخبر كليا
فراس سوري
(0)   (0)
يا شباب يا عالم يا هو يعني ممكن يلي سرق هالبيانات وسربها يكون جزء من المخطط الكبير يلي عميصير جوات بلدنا واهدافه لسا مو واضحة على اية حال لازم الحذر ويجب محاسبة كل من سرب او اهمل في هي القضية
باسل
(0)   (0)
مجرد وجود ناس عم تقول أنه هالشي عادي و مو مشكلة و ما رح يطلع بأيدن شي...ومن هالحكي...هاد يعني انه ثقافة إنكار الخطأ و تصغيره و محاولة إخفاءه مسيطرة على عقولنا...و بالتالي بدال ما نعالج الخطأ و نتطور و نمشي لقدام..منعند و منطالع تبريرات ما أنزل الله بها من سلطان...يعني اللي عم يقول أنه ما في مشكلة,,حضرتك أطلعت على نوعية البيانات مثلا؟؟!! هاد الموضوع خطير كتير لدرجة لا يمكن تصورها, مؤسسة الاتصالات لازم تكون منيعة متل وزارة الدفاع بالنسبة لأمن المعلومات..لأنه معناها ما في كفاءات و علينا السلام في أخر ركب البشر...محل ما نحنا هلأ قاعدين و مبسوطين كمان
ابوبلال
(0)   (0)
شو الخبرية اللة يستر لازم اتذكر وين دخلت على الانترنيت لاني خبصت كتير والستر على الله اناشاء الله تطلع مزحة ماتكون جد لانو عندي امل انكن تقولو معك الكامير الخفية
هزاع الخليل
(0)   (0)
ياجماعة شركة سوا ما لون علاقة شركة سوا تستطيع تسريب اسماء عملائها فقط وليس جميع مستخدمين الانترنت
حبوب
(0)   (0)
فعلا انت انسان فهمان وناقشت الموضوع بعلمية مطلقة
انا استغرب لماذا تتكلمون باشياء لا تفقهون بها, مو حلوة هي انترنت والناس بالعالم شايفتها
اسماء
(0)   (0)
أحسن شي إلغاء الأنترنت حتى مانقع بهيك متاهات
أبو بكري
(0)   (0)
يا جماعة من كام يوم وطالبت تغيير رؤساء المراكز الهاتفية هناك فساد في المؤسسة يجب البحث في هذا الموضوع
في حلب
سامر
(0)   (0)
شباب وصبايا الي فهمان منكم يكتب اسمو وعنوانو او على الاقل شهادته ويحكي حكي علمي ومسؤول ولاحدا يخبص ممكن يكون التسريب كلو حقو فرنك وممكن يكون خطير ويستغل من اي جهة لذلك لاحدا يعمل حلو علينا شاطر وننطر بيان رسمي اي نطلب بيان رسمي من الجهة صاحبة الامر يفسر اولا مخاطر ماحدث وطريقة تفادي المخاطر
بعدها محاسبة المسبب والعمل على منع تكرار ذلك اداريا والكترونيا والي ماعجبو لايفوت انترنيت ويرجع على الحمام الزاجل وكل واحد عم يتفلسف ويحكي شروي غروي لاينسى انو الاختراق وارد حتى بكل الدول وكل المواقع مادام في مبرمج في هكر واتلي بيعلق تعليق اسود انا بشك فيه متل كل البقية انو قتل القتيل وطلع بجنازتو ويعني اسكتو حكو حكي حلو وعرفو انه كل شي مراقب هون وبرا والانترنيت صفحة مفتوحة امام زوي العلم والامر
سمير
(0)   (0)
دائماً بقرأ الاخبار الحزينة على عكس السير سوا من اختراق موقع وزارة التربية الى اختراق موقع مفاضلة لهون لعند الاتصالات رحمونا شوي بدنا أخبار مفرحة
wae
(0)   (0)
لك ازا حكينا بينخرب بيتنا ومنصير متأمرين وخاينين لك وازا سكتنا الواحد بيطق وبيموت وبينفجر من أهرو لك شو نعمل شو نساوي لك ممنوع حتى نزل على يلي عم يموتو وممنوع نحكي وكلشي ممنوع أش نعمل بس يا عالم لك رئفو فينا بس
عادي
(0)   (0)
على قولة أسعد وجوده
قولو عادي ولوووووووو والله العظيم عااااااااااادي
اللبوة
(0)   (0)
والله اللي ما بيغلط ما لازم يخاف من هالحكي كلشي بيحترم حالو ما بتفرق معو وعلى كل بالنسبة لبيت خالتك أكيد رح ياخدوا بعين الإعتبار الفترة اللي تم فيها هالإختراق وحسب إنت قبل هاللحظة كيف كنت وبكل الأحوال الدولة بتحترم حالها واللي مو عاجبوا يروح يشبع حريات بدول الغرب والخليج الديمقراطية وعاشت سوريا الأسد
ايهاب يوسف
(0)   (0)
الخونة موجودين على مساحة الوطن ويجب متابعتهم وملاحقتهم وفصل رقابهم عن قعوزهم ولا يجوز السكوت عن هذا النوع من الفساد فان ثمن هذه الطبخة كبير جدا ويمكن ان يكون طلب من دولة معادية
sa7ar
(0)   (0)

بدي اخد حريتي بتصفح النت بدي اصمم مواقع دينية دعوية وبدي ادخل على كل المواقع يلي نفسي ادخلا وماحدا دخلو فيني

انا حرررررررررررررررررة

مادام حريتي بالحدود التي شرعها الله ولااجتازها

اما البشر ماحدا دخلو فيني
هي حرية شخصية
حمودة الحلبي
(0)   (0)
يا عيب الشوم على هيك وزارة مو قادرة تحمي البيانات بعدين ليش لحتى تحتفظ بهل بيانات يعني رقابة بلا طعمة ....
ابن البلد
(0)   (0)
نرجو التحقيق في هذا الموضوع ومحاسبة المقصرين
اسمعو وافهمو
(0)   (0)
منشان الاخ eyado اللي رد على شبين وعم بقلون انو في معلومات اتسربت ومدري شو ومن هالحكي والقصص واللي حكا عن برنامج ال cain بجوز كمان اشتغل بكفي نت شي شهرين بحب فهم شغلة : النظام الأمني والمراقبة للمعلومات تصنيفو 2 عالعالم واللي حصل شركة سوا اتعرضت لاختراق من قبل هكرز سوريين والون معارف باشخاص من الشركة نفسها والمعلومات اللي اتسربت عدد من اسماء دخول لبطاقة سوا والأشخاص اللي بستخدمو بطاقات هالشركة وبكل اختصار وسهولة كلشي شاكك بغلط يغير باسوورد احسابو وخلصة هالقصة ومنشان حجم الملفات 3 تيرا بعادل 3000 جيجا رح نفترض انو اللي اخترق عندو خط 8 ميجا الو لحالو سرعة التحميل رح اتكون 1 ميجا بالثانية هي اذا مافصل ... احسبو كم ساعة بدو ليحمل هالبيانات وطبعآ أكيد المهندسين بشركة اللي عم براقبو السيرفرات ماعم بفصفصو بزر يعني اذا كانت القصة حقيقية والهكرز أخو اختو بكون لحق سرق حوالي 300 يوزر نيم وباسوورد .... فلا حدى يتخوف ولا حدى يقلي برنامج ultra surf لأنو متل قلتو وبكل سهولة الدولة قادرة تحجب البورت تبعو لو بدها ^__^ متل مامرة حجبت البورت للمسنجر الهوت ميل ... تصبحو عخير وعاشت سوريا الأسد
111
(0)   (0)
هل هذا التسرب بيشمل مستخدمي خطوط الثري جي؟؟؟؟؟؟؟؟؟؟؟؟؟
اشرف
(0)   (0)
متل ما اتفضل الاخ الموضوع مستحيل يكون شغعلة اختراق لانو 3 تيرا بايت كم بيانات هائل مستحيل ينسحب عن طريق النت : لهيك التسريب صار من قبل الموظفين ولازم ينعمل تحقيق فورا و محاسبة المتورطين حتى لو اقتدى الامر استقالة وزير الاتصالات شخصيا.
لو ما عطيت تاخدو اي بي خخخخخخخخ
(0)   (0)
يا ترى مو ناويين تحطو كاميرات في البيوت ؟؟؟؟
و مو ناقص تقولو بغرف النوم كمان
....................................
الله كريم
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " ماشيين غلط "

11-3-2015
مستشار القائد العام للحرس الثوري : قادتنا العسكريون حرروا 85 % من الأراضي السورية
قال مستشار القائد العام للحرس الثوري الإيراني، اللواء حسين همداني، إن "القادة العسكريين الإيرانيين قد حرروا 85% من ...


11-3-2015
السلطات قامت بتصفية مجموعات عائدة إلى البلاد .. الحزب الشيوعي يكشف عن صينيين يقاتلون في صفوف " داعش "
أفاد أمين عام "الحزب الشيوعي الصيني" في منطقة شينغيانغ غرب الصين بأن متطرفين صينيين انضموا إلى تنظيم "داعش"، ...


11-3-2015
تهريب أسلحة و كوكايين .. السجن 16 عاماً في نيويورك لنجل رئيس " سورينام " بتهمة مساعدة حزب الله
حكمت محكمة في نيويورك الثلاثاء على نجل رئيس سورينام بالسجن لأكثر من 16 عاما بتهمة محاولة تقديم الدعم ...


10-3-2015
محكمة فرنسية تحكم بالسجن 3 سنوات على رجل ساعد فتاة أرادت الذهاب إلى سوريا للانضمام إلى " داعش "
 اصدرت محكمة باريسية الثلاثاء حكما على رجل بالسجن ثلاث سنوات لانه ساعد فتاة في الرابعة عشرة من عمرها ...


10-3-2015
مع تدهور الأوضاع الأمنية في الداخل اللبناني .. الشرق الأوسط : " حزب الله " بين المعركة و الحل السياسي في سوريا
لا يبدو «حزب الله» المنهمك حاليا بمعارك سوريا وخصوصا تلك المحتدمة على الجبهة الجنوبية وبالتحديد في مثلث القنيطرة ...


10-3-2015
الشبكة السورية لحقوق الإنسان : طائرات التحالف تسببت بمقتل أكثر من 100 مدني في سوريا
  أفادت الشبكة السورية لحقوق الإنسان، أن قصف قوات التحالف الدولي على تنظيم داعش، ضد مواقع التنظيم ومواقع أخرى ...


9-3-2015
مستشار الرئيس الإيراني : عدنا " إمبراطورية " كما كنا .. و عاصمتنا الآن هي بغداد
قال علي يونسي، مستشار الرئيس الإيراني، حسن روحاني، إن "إيران اليوم أصبحت امبراطورية كما كانت عبر التاريخ وعاصمتها ...


9-3-2015
صحيفة : دمشق القديمة تتحول لـ " مربع أمني " لحزب الله
  بعد تفجير حافلة تقل شيعة لبنانيين بالكلاسة بالقرب من سوق الحميدية وسط دمشق مطلع شهر شباط الماضي، بات ...