إعلانات
وزارة التعليم العالي تخالف مرسوماً تشريعياً وترفض تعيين السوري الأول على كلية الاقتصاد كمعيد
الاثنين - 27 كانون الاول - 2010 - 20:08 بتوقيت دمشق
التفاصيل

رفضت وزارة العليم العالي تعيين السوري الأول على قسم " العلوم المالية والمصرفية " بكلية الاقتصاد في جامعة حلب معيداً في الكلية ، مخالفة بذلك أحكام المرسوم التشريعي رقم 52 لعام 2007 .

وبدأت مشكلة الخريج " مصطفى أحمد الفحل " السوري الجنسية والذي تخرج بمعدل 88.65 وتقدير ممتاز للعام الدراسي 2009 - 2010  حيث جاء في المرتبة الأولى على الطلاب السوريين على قسمه ، وفي الدرجة الثانية بعد طالب أردني الجنسية ، الأمر الذي يتم بناء عليه تعيين السوري الأول على دفعته معيداً في القسم .

وجاء في المرسوم التشريعي رقم 52 "استثناء من أحكام المادة 136 من قانون تنظيم الجامعات يجوز تعيين الخريج الأول من السوريين ومن في حكمهم في كل كلية أو قسم تخصص يمنح درجة إجازة الإجازة في نظام التعليم العام معيداً في الكلية التي تخرج منها دون إعلان مسابقة ".

ووفق المرسوم التشريعي رقم 52 ، تقدم الطالب بطلب رسمي لتعيينه معيداً ، إلا أنه تم استثناء اسمه بحجة أنه الثاني على قسمه ، علماً أن الكلية بحاجة لمعيد في قسمه ، وفق القرار رقم 419 .

وراجع الخريج " الفحل " عدة جهات مسؤولة في جامعة حلب ووزارة التعليم العالي ، إلا ايا منهم لم يعطه حلا ، في الوقت الذي تقاطعت فيه آراء الجميع انه يجب ان يستفيد من المرسوم كونه الأول بين السوريين ، وكون الأردني لا يستفيد من المرسوم ، والكلية بحاجة له كمعيد .

علاء حلبي - عكس السير


التعليقات :
بالعكس
(0)   (0)
نحنا دائما ماشيين بعكس البشر بباقي الدول كل دولة عندها بالدرجة الاولى مواطنيها ونحنا عنا بالعكس
nedalo-lattakia
(0)   (0)
نصيحة من اخ لأخوه :

سافر و درِّس برا البلد و رح ترتاح كتيييييييير

الله يعيننا و يوفقنا اجمعين
رجـــب آغـــــأ
(1)   (0)
إذا أبو أحمد ما طلعلوا معيد بالكلية
فيا حسافا عالكلية
مصطفى الفحل قيمة إضافية لكلية الإقتصاد فكيف نعاملها
يعني فعلاً شي محفز لمصطفى
وبدل ما نساعدوه على إكمال الطريق الوعر الذي إجتازه نضع العراقيل في وجهه
الله يوفقك يا أبو أحمد
روح كلنا وراك
صديقك
القيد
(0)   (0)
نرجو منكم وكما عرفناكم متابعة الموضوع
خريج اول
(0)   (1)
أولا المرسوم واضح جدا و الوزارة لم تخالف المرسوم أبدا لأنه يجب أن يكون أولا على دفعته أو قسمه و بما أنه الثاني فليس من حقه التعيين و الله أعلم و بذلك لا يستطيع التقديم
متابع
(0)   (0)
عادي حبيبي عادي كل شي ببلدنا بيصير , تعا شوف هون انا كنت الوحيد الذي تخرجت من المحافظة في سنتي , و اما البقية في دفعتي فتخرجو ابعدي بسنتين او ثلاث و منهم من نجح بمجلس رحمة بعد الاستنفاذ و ها هم في مراكز احسن من مركزي بحجة ان المكان بحاجة لهم و حاليا سوف اتقدم الى احدى دول الخليج و اذا مشي الحال وداعا يا بلد و لا رجعة
طالب من دفعة 2006-2010
(1)   (0)
على فكرة الطلب مصطفى الفحل والطالب الاردني هنن مو بس الاوائل على قسمون (علوم مالية مصرفية) هنن الاوائل على الكلية ايضا وعلى فكرة نادر كتير يعدي على الاقتصاد هيك معدلات بس هنن فعلا الطالبين الاول والتاني وبدون اي مبالغة عباقرة ..... فشي غريب كتير انو الاول والتاني ما يطلعلون فأرجو من الجهات المعنية النظر الى الموضوع وانشوف ابعد من انفنا .... مو معقول اتروح عليهون فرصة المعيدية....... لازم انكرم المتفوق ونعطيه ثمرة تعبو ..... مو انخليه تتعب نفسيتو وبدون اي مقابل ............. اذا بدون عراضة نحن كطلاب دفعة فنحن جاهزين

كل دفعة 2006 معكون انتو رفعتو روسنا وبتستحقو كل الخير .....
مهند
(0)   (0)
أنا أقول لمصطفى لا تستسلم وقاتل بكل الوسائل من أجل أن تقبل في المعيدية واستمر في طرق كل الأبواب. طريق المجد لا بد أن تعترضه بعض الصعوبات لكن في النهاية سوف تصل بإذن الله. الكثير من زملائك المعيدين تعرضوا لأنواع شتى من المشاكل لكن الذي صبروا نالوا فاصبر وتوكل على الله
الام السورية
(0)   (0)
الطالب الاردني الجنسية ....
لم ينال المعيدية بالرغم ان والدته سورية . لان الام لاتعطي جنسيها لاولادها . بالرغم من انه درس المرحلة الاعدادية والثانوية في سوريا .ماهذا الظلم ....
ليست المشكلة هنا المشكلة ..انهم لم يقبلوه حتى في الماجستير ..كتكرمة ...
على طالب تخرج الاول على دفعة جميع
طلاب كلية الاقتصاد وعلى الاقسام الستة جميعا بمعدل قدره 89,25
بل عومل كطالب عربي والزم بدفع مبلغ ماجستير سنة أولى 3850 دولا ....وليس ليرة ..
والسنة الثانية سيدفع 3000 دولار ......

.....للاسف لم يستفد من مكرمة السيد الرئيس لانها لاتشمل طلاب الدراسات العليا
مالك شنان
(1)   (0)
ما بصير ... طالما الطالب الأردني لا يستفيد من المرسوم لازم يعينو الطالب السوري الأول :مصطفى أحمد الفحل معيد في الكلية لأنه سوري
خريجة
(0)   (0)
لماذا لايستفيد احد من القانون .....
ماهذا الظلم .....في الوزارة

عنجد مصطفى الفحل اشهر من علم بالكلية نظرا لتفوقه .

وكمان روح كلنا معك ...

في اكمال طريق العلم
saad
(0)   (0)
أنا كمان معيد وصار معي بالبداية نفس الشي بس مشي الحال بعدها.
فأنا بقول للأخ إذا كان هو الخريج الأول على قسمو وكان مدة دراسة الإختصاص سنة واحدة فمابيطلعلو يكون معيد أما إذا كان سنتين فلازم يطلع معيد هيك حسب القانون
الجمهورية العربية السورية
مجلس التعليم العالي
/ القرار رقم/ 93
رئيس مجلس التعليم العالي
بناءً على أحكام قانون تنظيم الجامعات رقم ( 6) لعام 2006 ولائحته التنفيذية
2009 المتضمن اعتبار التخصص المعني في تحديد /4/ وعلى قرار مجلس التعليم العالي رقم / 135 / تاريخ 6
الخريج الأول تخصصًا مستق ً لا إذا كانت الدراسة فيه سنتين على الأقل وفي جميع التخصصات.
2009/11/ وعلى ما أقره مجلس التعليم العالي بجلسته رقم/ 6/ تاريخ 8
يقرر ما يلي:
2008 (المتضمن تحديد الحاجات /10/ المادة 1- تعدل الأعداد المحددة في القرار رقم ( 30 ) تاريخ 21
2008 مع / لتعيين الخريجين الأوائل معيدين في الجامعات الحكومية للعام الدراسي 2007
المحافظة على الاختصاصات الواردة فيه بما ينسجم مع أحكام المرسوم التشريعي / 52 / تاريخ
2007/9/10 واللوائح الداخلية للكليات على ألا تقل مدة دراسة الاختصاص عن سنتين)
وفق الجداول المرافقة.
المادة 2- إذا كانت مدة الاختصاص تقل عن سنتين يعين الأول في الاختصاص.
المادة 3- يبلغ هذا القرار من يلزم لتنفيذه
2009/11/ دمشق في 8
رئيس مجلس التعليم العالي
وزير التعليم العالي
الدكتور غياث بركات
حمودة
(0)   (0)
عكيفون
المعيد أبو حيدر /فرنسا/
(0)   (0)
بينت التعليمات التنفيذية أن الخريج الأول يخضع لجميع القواعد الأخرى التي يخضع لها التعيين وفق أحكام المادة 136 من قانون تنظيم الجامعات باستثناء الإعلان فقط علماً انه لا يستفيد الخريج الثاني من التعيين المباشر أياً كانت أسباب عدم قبول الخريج الأول يذكر أنالتعليمات التنفيذية أشارت إلى أن الخريج الأول لا يستفيد من طلب التعيين إذا عوقب خلال حياته الجامعية بإحدى العقوبات «6و7و8و10و11و12و13» المنصوص عليها في المادة 124 من اللائحة التنفيذية لقانون تنظيم الجامعات. ‏
وكان المرسوم التشريعي 52 للعام 2007 نصّ على ما يلي :

المرسوم التشريعي رقم 52
رئيس الجمهورية
بناء على أحكام الدستور ..
يرسم ما يلي ..
المادة 1 : استثناء من أحكام المادة 136 من قانون تنظيم الجامعات يجوز تعيين الخريج الأول من السوريين ومن في حكمهم في كل كلية أو قسم أو تخصص يمنح درجة الإجازة في نظام التعليم العام معيدا في الكلية التي تخرج منها دون إعلان أو مسابقة إذا توافرت الشروط الآتية :
1- ألا يتجاوز عمره ثمانية وعشرين عاما في سنة التخرج .
2 - ألا يقل معدله عن مرتبة جيد في درجة الإجازة .
3 - أن يكون قد أمضى كامل دراسته في الكلية .
4 - إقرار الحاجة إلى الاختصاص في المجالس الجامعية .
5 - أن يتقدم الخريج بطلب إلى كليته يعلن فيه رغبته في التعيين .
6 - أن يكون آهلاً لشغل وظيفة معيد وفق قواعد الأهلية التي يضعها مجلس التعليم العالي .

المادة 2 : ينشر هذا المرسوم التشريعي في الجريدة الرسمية .
دمشق في 28/ 8/ 1428 ه الموافق لـ 10/9/ 2007 م .
رئيس الجمهورية
بشار الأسد
oliver
(0)   (0)
يا جماعة حرام تخسر الكلية هذا الطالب لانو جد فلتة ومتفوق انا معو بنفس الدفعة وبعرف انو عن جد هوه قيمة مضافة للكلية بس كالعادة اش في ناس منيحة بنطفشا والله يديم الواسطااااااااااات
ودمتممممممممم
m-sharif
(0)   (0)
معقول مايكون في عنا قدرة في جامعة حلب على اتخاذ قرار رغم أنو في حاجة كبيرررة لمعيدين في كل الأقسام وبعدين حتى إذا بلش بالمعاملة هات لتخلص من هون لسنة الجاي عن جد لازم يكون في عنا شي من اللامركزية في اتخاذ القرار معقول كلية بحاجة وما في معيدين وما تنفتح دورة معيدين ونسمح للجامعات الخاصة تاخد كل الخامات الموجودة عنا معقول نسمح للقطاع الخاص ياخدد الأفكار يلي عنا ويحولها لأمور مادية معقوووووووووووووووول أسئلة :
برسم القياداااات ............... ولهم فائق المحبة واللاحترام .......
خريج محاسبة
(0)   (0)
والله ما يستاهل الا الخير عن جد ما شفت بالكلية كلها متل تواضعو وغير هيك مجد ومتفوق فلماذا هذا التعقيد من الجهات المسؤولة ولا في واسطة لغيرو احكو يا مسؤولييييييييين
معيد موفد
(0)   (0)
عادي كل شي بصير
بس نصيحة من اخ لاخوه (مع انو مابعرفك بس كلنا بالهوا سوا) بلا المعيدية وبلا ايفاد اذا بتقدر تروح تدرس ع حسابك او تطلع ع الخليج تشتغل لا تقصر ولا تطلع وراك
لانو بعد ماتتعين معيد رح تضل سنين حتى تحصل ع الايفاد بالوقت يلي بكون رفقاتك يلي سافرو لحالهن اما رح يخلصو الدكتورا او كل واحد منهن صار عندو شغلو الخاص

اسال مجرب ولا تسال حكيم
dany
(1)   (0)
ابو احمد شيخ شباب الاقتصاد
و بيستاهلها
نرجو من الوزارة النظر بطلبه مجددا
و شكرا
مو أول مرة
(0)   (0)
هالقصة هي عم تتكرر للمرة الثالثة و مع جامعة حلب تحديدا
القصة الأولى :ثائر كسّار " الترتيب الأول في دفعة الـ 2008 في كلية الهندسة الميكانيكية بمعدل 85,91 % (قسم علم المواد الهندسية ) / جامعة حلب
الثانية :كنان الخطيب " الأول على قسم هندسة الانتاج ( بمعدل 77,60 % ) في ذات الكلية و الجامعة التابعة لذات الوزارة .

يرجى من لديه القدرة على احقاق الحق المبادرة قبل أن يسافروا خارج القطر و شكرا
لولو
(0)   (0)
برأيي انو المرسوم واضح وصريج بجواز تعيين الخريج الاول معيداً ان كان من السوريين وليس الأول على السوريين اي لانبحث عن الاول بين السوريين حتى لوكان ترتيبه العاشر على دفعته ونعينه معيدا
سوري طافشششششش
(0)   (0)
عادي معلم انشاله الله يبعتلك احسن انا تخرجت من قسم المحاسبة بمعدل مقبول وحاليا اعمل بالسعودية مدير شؤون الموظفين بشركة دهانات الجزيرة وراتبي ممتاز جدا9000 ريال سعودي سافر ادرس برا البلد اوتعال اشتغل هون مرحبابك
ميكانيك
(0)   (0)
عكس السير نشر تعليق مشان معيد واحد، بكلية الميكانيك السنة الماضية كل الطلاب الأوائل ما تعينوا والسبب خطأ مطبعي والسنة قبل الماضية في طالبين ما تعينوا كمان خطأ من الجامعة وقفت على معيد واحد وطالع التاني على قسموا مو الأول ما تعينوا معيدين
بس نصيحتي لهالشب روح دور على منحة أوروبية بيمشي حالك
سورية وافتخر بس......
(0)   (0)
الى الوزارة الكريمة هل تريدون من كفاءة ممتازة في بلدنا بشهادة الزملاء ان تهاجر وتستفيد الدول المتقدمة منها لماذا لماذا هذا التعسف بالقرارات ان لم تراعو مصلحة الشاب راعوا مصلحة بلدنا الغالي والطلاب القادمون
قانون مطاط
(0)   (0)
وجاء في المرسوم التشريعي رقم 52 "

يجــــــــــــــــــــــــــــــــــــــــــــــــــــــــــــــــــــــــــــــوز تعيين الخريج الأول من السوريين ؟؟؟؟؟؟؟؟؟
madridi
(0)   (0)
كلنا معك ابو اصطيف و لازم تكون معيد ..
صديقك باركو .
كريم
(0)   (0)
المسألة بسيطة :
السيد أحمد مصطفى الفحل رجل علم.
ويبدو أن القائمين على كلية الاقتصاد في جامعة حلب غير محتاجين لأي مساعدة.
فما جدوى العلم لمن لا يحتاجونه؟!

من ناحية أخرى ، أعتقد أنه من الأفضل أن لا يضطر الانسان أن يدخل دارا" ، وأهل الدار لا يرحبون به
خريج أول
(0)   (0)
أنا الخريج الأول بكلية الهندسة المعلوماتية .. ما قبلت معيد لأني درست السنة الأولى بحلب .. علما أنو معدلي بالسنة الأولى كان أقل من معدل التخرج (حتى ما تفكرو أنو نقلت لحتى اطلع الأول) .. و لها السبب التافه ما قبلت كمعيد .. بحجة أنه هناك بند ضمن المرسوم "أن يكون قد قضى كامل سنوات دراسته في الكلية"

بالله عليكم ما رأيكم .. أناشد عكس السير في البحث بهذا البند و مخاطبة وزارة التعليم .. لأن حاولت كتير و ما حدا سمع صوتي..

البريد الالكتروني:
[email protected]

الرجاء من إدارة الموقع مراسلتي لإرسال الأوراق الثبوتية لهم.

اعتدنا عليكم صوت الحق .. الصوت لمن لا صوت له
جابر
(0)   (0)
ما في واسطة فانت الاخير ولو كنت الأول
في واسطة انت في الأمام و لو كنت الأخير .
معيد
(0)   (0)
السلام عليكم
يؤسفني أنه لم يصبح معيداً
ولكن المرسوم واضح جداً أنه لا يمكن تعيين الثاني مهما كانت الأسباب حتى لو أن الأول كان سورياً مثلاً ولم يرغب بالتعين كمعيد.
نقطة انتهى
E.S.E
(0)   (0)
الف دولة بتقول الك اهلا و سهلا .. بس اذا في مرسوم تشريعي و ما عم يطبق شو الحل ؟ والمشكلة ما في اعلى من المرسوم التشريعي
M
(0)   (0)
لاتوجد مخالفة للقانون الذي ينص على عدم تعيين الثاني ولو اعتذر الطالب الاول وانا صارت معي وكنت التاني والاولى اعتذرت ولم استفد منذ سنتان
مطلع
(0)   (0)
اتا متعاطف مع كل متفوق ولكن يجب أن نفهم القانون قبل أن نرمي الناس بحجارتنا.
القانون ينص أنه يجوز للجامعة أن تعين الخريج الأول في أي قسم من أقسام الجامعة معيداً دون مسابقة تحت الشروط التالية:
1- الخريج الأول فقط وفي حال عدم انطباق اي شرط من شروط التعيين لايجوز تعيين الثاني إلا بمسابقة كما هي حالة الأخ مصطفى.
2- أن يكون قد درس كامل دراسته في نفس الكلية.
3- أن يكون عمره أقل من 28 سنة عند تخرجه.
4- أن تكون الكلية بحاجته كمعيد في قسمه وأن يكون مجلس القسم قد حدد ذلك قبل صدور قرار التخرج ومعرفة من هو الخريج الأول.
معيد
(0)   (0)
معذرة منك يا مصطفى واتمنى منك ومن الجميع قراءة هذا التعليق:
الوزارة لم تخالف المرسوم التشريعي لأنك لو قرأت التعليمات التنفيذية للمرسوم التشريعي رقم52 لعام 2007 بشكل جيد ليتبين لك بأنك لم تستحق أن تتعين معيدأ في كلية الاقتصاد لأن في أحد بنودها تقول(((بأن حتى يتعين معيد يجب بأن يكون أول حتما ولايجوز تعيين الخريج الثاني مهما كانت الاسباب ))) وأنت يا أخ مصطفى خريج ثاني على قسمك والطالب الاردني خريج اول لذلك استنادا الى التعليمات التنفيذية للمرسوم لايمكن أبداَ أن تتعين معيد كونك خريج ثاني .والسلام عليكم
Lordship
(0)   (0)
هلق ما بعرف شو السر في الموضوع ..المرسوم واضح وصريح وبظن صديقي مصطفى أستوفى كل الشروط ...وما بظن كلية الاقتصاد رح تلاقي أنسب منه معيد طالب فهمان المواد بشكل رائع ....بتمنى من الجهات المسؤولة النظر في الأمر لأنو مالها واردة يضيع جهد سنوات بقرار غير مسؤول!!
واثق
(0)   (0)
" المادة 1 : استثناء من أحكام المادة 136 من قانون تنظيم الجامعات يجوز تعيين الخريج الأول من السوريين ومن في حكمهم ... "

الذي لاحظته أن مصطفى الأول على السوريين
khaled afyoni
(0)   (0)
والله مصطفى بيستاهل كل خير وما خلى باب والا طرقوا وما بقي عندوا الا باب السلطة الرابعة فلعلى وعسى يمشي حالو , وعلى فكرة كان الاول بالاختبار المعياري للقبول بالماجستير , وببتمنالك التوفيق
خريج قديم
(0)   (0)
ان كنت اول ولا ثاني انت مجتهد ومثابر الكلية مو كل شي كمل مسيرتك قد تكون اكثر ابداع في خارج الكلية الخيرة فيما اختاره الله بالأخير انت مو أول واحد بتخسروا الكلية او البلد
اسماع مني
(0)   (0)
دبرلك منحة عالسريع
وكمل برا وساوي هالدكتوراة
شو بدك بوجعة هالراس
جاد
(0)   (0)
ليش كل شي بالجامعات عنا من داترة او موظفين فهمانين شي اصلا كلن من الحقبة الماضية وانتهت صلاحيتن
برايي صار لازم تسريح اغلب داترة الجامعات لانو ما بقا ينفعو لشي حتلا لبيوتن مو للوطن والمجتمع ولازم يكونو دكاترة الجامعات من الجيل الجديد اللي عم يرجع من برا ليقدر يساعد ويطور والا اذا منبقى هيك تينة جنب تينة بتستوي وع الوعد يا كمون
ودمتم ودام فشلكم
جاد
(0)   (0)
بلدنا تزرع الحصرم وبلاد اوربا يضرصون
مصرفية
(0)   (0)
بس والله حرام لازم يكون في استثناءات عهالمرسوم
حتى ماينظلم حدا
وانشالله يامصطفى بيمشي الحال والله انت بتستاهل كل خير
انشالله حدا يسمعك
khaled
(0)   (0)
في كل بلاد العالم بفضلوا ابن البلد عن الغريب الا عنا بالمقلوب والله عيب بدن يطفشوا هالشعب مشان المدعوم وأبو الواسطة يتهنى نصيحة مني يا أخي طلاع برا البلد لأنه ببلاد الخليج بيعرفوا قيمتك يلي بتساوي الذهب
MAMTE
(0)   (0)
بدي اذكرك بمتل حديث طالعو المس........؟ ؟؟؟ ارشي ,,,بتمشي ... والله ينصرك على الظلام ( التعليم الوكيس)؟......
وزير العدل
(0)   (0)
قانونيا يستحق التعيين لماذا لانه جاء في المرسوم المرسوم التشريعي رقم 52 "استثناء من أحكام المادة 136 من قانون تنظيم الجامعات يجوز تعيين الخريج الأول من السوريين ومن في حكمهم في كل كلية أو قسم تخصص يمنح درجة إجازة الإجازة في نظام التعليم العام معيداً في الكلية التي تخرج منها دون إعلان مسابقة ".
من المرسوم نستفيد انه الاول على السوريين والثاني بعد الاردني الجنسية
الله يعطيها العافية وزارة التعليم العالي
سلمو
(0)   (0)

مابيطلعلو يدرس بحلب لانها بجد جامعة تافهة بكل ما تحمل الكلمة من معنى. بيستاهل احسن منها

ما عليك الا مراسلة الجامعات الاوربية وهناك بإمكانك مباشرة الدكتوراه بدل ما تعس 4 سنوات ماجستير هون وبعدين تعس 5 سنين دكتوراه وكل سنة تركد تبوس ايديهن بدي تأجل للجيش

روح اخي ع المانيا كويسة ع الاقل اذا رجعت دكتور بترجع بنفسية غير نفسيات الدكاترة المريضة هون

يالطيف
(0)   (0)
يالطيف في بعض تعليقات بتجلط شو لازم تصير معيد لشو يعني ومين قال ان الاقسام بحاجة مافي خطا بالقانون ولامخالفة ورجاء كونوا موضوعيين وبلا كلام عاطفي
the sniper
(0)   (0)
اسفي على يلي عبصير في جامعة حلب,,,طالب متفوق في الكلية وعوضاً عن التكريم, نقوم بشنطته وعل قلبه لحتى نعطيه حقوا.
للاسف
موفق مصطفى وانشالله بتنول الي ببالك
مجرد تنويه لعكس السير
(0)   (0)
الى محرر عكس السير المحترم
لقد صدر قرار منذ فترة ليست بقريبة ينص على تعديل التعليمات التنفيذية للمرسوم الخاص بتعيين الخريج الاول ، والتعديل ينص على جواز تعيين الخريج الثاني اذا لم تتحقق الشروط في الخريج الاول ، الرجاء البحث عن القرار في ارشيف الوزارة وانا متاكد 100 بالمئة انني رايته ولكن لا ادري باي جلسة، على الاقل اوصلو هذه المعلومة لصاحب الشكوى وعسى ان تكون بداية لحل مشكلته باذن الله.
محايد للعضم
(0)   (0)
الكل عم يلوم الوزارة انو الأول أردني ما بيستفيد من القرار والتاني ما بيستفيد لأن ما بيحقلو لأنو تاني و ما حدا رح يستفيد .
مين قلكم ما حدا رح يستفيد ؟!!!
فعلاً بصلتكم محروقة انتظرولكم شوي بتشوفو فجأة استفاد واحد آدمي و ابن عالم و ابن ..
سوري وبحب الريكوفري
(0)   (0)
المرسوم التشريعي رقم 52
رئيس الجمهورية
بناء على أحكام الدستور ..
يرسم ما يلي ..
المادة 1 : استثناء من أحكام المادة 136 من قانون تنظيم الجامعات يجوز تعيين الخريج الأول من السوريين ومن في حكمهم في كل كلية أو قسم أو تخصص يمنح درجة الإجازة في نظام التعليم العام معيدا في الكلية التي تخرج منها دون إعلان أو مسابقة إذا توافرت الشروط الآتية :
1- ألا يتجاوز عمره ثمانية وعشرين عاما في سنة التخرج .
2 - ألا يقل معدله عن مرتبة جيد في درجة الإجازة .
3 - أن يكون قد أمضى كامل دراسته في الكلية .
4 - إقرار الحاجة إلى الاختصاص في المجالس الجامعية .
5 - أن يتقدم الخريج بطلب إلى كليته يعلن فيه رغبته في التعيين .
6 - أن يكون آهلاً لشغل وظيفة معيد وفق قواعد الأهلية التي يضعها مجلس التعليم العالي .

المادة 2 : ينشر هذا المرسوم التشريعي في الجريدة الرسمية .
دمشق في 28/ 8/ 1428 ه الموافق لـ 10/9/ 2007 م .
رئيس الجمهورية
بشار الأسد
ألم يكن الطالب يحلم بطوال تلك السنين منذ صدور المرسوم بهذا النجاح والفوز بمكرمة قائد الوطن والأستفادة من نص المرسوم
ألم يسهر مثله مثل الكثير من زملائه وهو يعدون العدة لتلك اللحظة..
هل هذا ما يستحقونه بعد كل هذا العناء
ليسأل كل منا نفسه ماذا لو كان مكان هذا الفحل
أي درجة أحباط كان ليصل إليها...

شو هالوزارة
(0)   (0)
ان وزارة التعليم العالي ترتجل مختلف القوانين بهدف تحطيم النفسيات وتعقيد الطلاب انا طالب عندي مادة واحدة وبتخرج وهلق طلع قرار يحرمني من التقدم للامتحان لأنها مادة فصل 2
ابو الليل
(0)   (0)
يعني اللي بدو ينجح بالمسابقة رح يكون معدلو اعلى من -الفحل- مثلا
ولا المسابقة بس مشان يتعين واحد عكيف الشباب الطيبة
صوت من الاقتصاد
(0)   (0)
خريج متل مصطفى الفحل بيتمتع بالكفاءة و استيعابه المثالي للقسم و مواضيعه و تفوقه و الأفضل من هيك تواضعه المعروف للكل كل هاد ما بيأهله ليكون المعيد ؟؟
لا و خاصة انه الكلية بحاجة للمعيد !!
بنتمنى من الدكتور حسن حزوري متابعة الامر باعتباره رئيس قسم المالية و المصرفية و أحد المحررين في الموقع .. ز كلنا أمل فيك يا دكتور حزوري ..
بالتوفيق فحل .. بتستاهل كل خير
مظلوم
(0)   (0)
بس هي مو اول مرة التعليم والتربية بيخالفو مرسوم

روحو وشوفو التدخين شغال بالمكاتب والمديريات وعادي
مصطفى الفحل
(0)   (0)
السلام عليكم ..

لجوئي للصحافة عن طريق هذا الموقع الكريم كان بعد ان لجأت لكل الحلول البديلة و لكن بدون جدوى ... فكانت السلطة الرابعة هي الملاذ الأخير لي، لا لسبب إلا أنه صعب علي أن أترك المكرمة التي قدمها السيد الرئيس تذهب دون أن يستفيد منها أحد، فلقد تم إصدارها تكريماً للمتفوقين و لحثهم لمتابعة طريق قد بدأوه و هم على علم بما فيه من مشقة و عناء، و لكن و لأن بالعلم وحده تتقدم الأمم فلا بد من بد مؤازرة من سلكوا هذا الطريق و دعمهم و هذا ما حدث بالمرسوم التشريعي رقم 52 لعام 2007 و لكن للأسف سوء تفسير المرسوم يحول دون استفادة أحد منه في هذه الحالة، و لعلها حالة عامة قد تحدث في أي كلية و في أي عام، و ليست فقط حالة شخصية مطروحة للنقاش.

سمعت الكثير من أن المرسوم واضح و صريح و يقضي بعد استفادة الطالب السوري صاحب الترتيب الثاني إذا كان الطالب الأول غير سوري الجنسية، و لكن أنا من جهتي أراه أوضح و أكثر صراحة بجواز الاستفادة في مثل هذه الحالة لأن المرسوم قد نص على:
" يجوز تعيين الخريج الأول من السوريين و من في حكمهم ... "
في مثل حالتي، ألست أنا الخريج الأول من السوريين؟؟
و بما أن هذه القضية يمكن أن تعمم لامكانية حدوثها في أي عام آخر فأطالب الجهات المعنية بضرورة إصدار تفسير رسمي للمرسوم يفسر مثل هذه الحالة، و أملنا فيهم كبير بالقيام بذلك لعدم تكرار ما حدث معي مرة أخرى.
فالكلية طلبت مني الذهاب للرئاسة و في الرئاسة لم أجد جواب إلا " مشكلتك عند الوزارة "، ذهبت إلى الوزارة في رمضان الماضي و كان الجواب بالرفض القاطع لأني الثاني دفعتي، و لكنني الأول على السوريين!!

كلي أمل أن يصل صوتي إلى المعنيين بالموضوع، و كلي أمل أن يتخذوا الخطوات اللازمة بخصوصه.

الشكر مرة أخرى لعكس السير لنشره الخبر، و تحياتي للجميع
alfaresalaseer
(0)   (0)
يعني ليش هيك عم يصير ..؟؟ والقانون معروف وخصوصي انو الكلية بحاجة للمعيد ..... بقى ليش هيك ....
وانشاء الله تنحل هالمسالة ع خير
طالبة مصرفية
(0)   (0)
بجد حرام نخسر هيك طالب متفوق

الفحل شخص متفوق وطيب وبيستاهل كل خير

وبيستحق المعيدية بجد
طالب في الكلية
(0)   (0)
ما في شخص متل مصطفى بيستاهل المعيدية
الله يكون معك مصطفى وكلنا معك ورح ندعيلك بالتوفيق
هنـــــــــــاء
(0)   (0)
السلام عليكم

حتى متى ستبقى البيروقراطيعه هي الطاغيه

على تعاملات الوزارات و الادارات لدينا

كافي استهزاء بعقولنا ...

مادام الاخ الاردني لم يقبل كمعيد

فالشيء الطبيعي ان تنتقل للاخ مصطفى الفحل الذي يعتبر الاول على قسمه بسبب اعتبار الاخ الاردني لا يشمله القرار

اطالب وزارة التعليم العالي بان تكون قوانينها مرنه لمواجهة مثل هذه الحالات

والا ما المعنى من دراسه الاخ مصطفى و تعبه على نفسه و مصيره بالاخير كمصير اي متخرج بمعدل عاادي

رفقا اخواننا في وزارة التعليم

ارفقوا بابناؤكم الطلبه

و ندعو للاخ مصطفى بالتوفيق

واذا لم ترد الوزارة الله يعوضك
فاطمة
(0)   (0)
أنا طالبة سنة اولى جغرافية تقدمت لإمتحانات المرسوم بسبعة مواد حددتها لي الكلية فنجحت بها جميعاحيث اصبح لدي14 مادة مترفع فيها وعندما جئت للتسجيل أفادوني بأني راسبة ولدي ستة مواد علما انهم لم يسجلوها لي في عداد المواد التي استطيع تقديمهامنهامادتين لم تكن موجودة حين فصلت وهذه المواد بحسب المادة(1) الفقرة (د) تعتبر غيرمرسبة بالنسبة لي لكنهم اعتبروها مرسبة وانا محتارة ماذا افعل
أفيدوني أفادكم الله
asaad
(0)   (0)
والله أنا قصتي تشبه قصته تقريبا
تخرجت هذه السنة الأول على العربي ادلب بمعدل 78.60
وعندما أردت أن أستفيد من القرار جوبهت مجابهة شديدة لأن عمري يتجاوز 28 سنة بسنتين على الرغم أني أنهيت الخدمة الإلزامية ومدتها سنتان علما بأني أخذت جائزة الباسل للمتفوقين أربع مرات متتالية في كل السنين وأنا أرغب في نشرقصتي على عكس السير إذا ما في مانع وعندما أردت من عميد الكلية أن يعطيني اثباتا مكتوبا غير المكافأة المالية لأذهب به عند الوزير لأعرض عليه قصتي رد ردا مخجلا وجارحا وقا ل إن الوزير لا يستطيع مساعدتك فقلت له أحاول أن أعرض شكواي وعسى أن أصل إلى من هو أعلى منه فصار يقول لي هل أنت أجدب ( ترى بسحب منك الأولى ) وأنا الآن أبحث عن وكالة بعد أن كنت أشرح لزملائي دروسهم في الجامعة عندما لا يستطيعون فهمها من الدكتور
مصطفى شنان
(0)   (0)
علّمنا الرئيس الخالد حافظ الأسد رحمه الله أن لا أحد يسكت عن الخطأ أرجو أن تصل هذه المقالة إلى سيادة الرئيس المفدى الدكتور بشار حافظ الأسد لإنصاف الطالب المتفوق مصطفى أحمد الفحل وتشجيع كل المتوفقين أمثاله لنيل هذه الدرجات العلمية العالية والسعي إلى تحقيقها وأن يكرّسوا طاقاتهم الفكرية والعلمية لخدمة وطننا الحبيب الغالي ليكونوا شموعه كافة المجدين والمتفوقين
ودمتم يا أصحاب الشأن.....
طالبة اقتصادية
(0)   (0)
والله حرام
محمود الفحل أخو لمصطفى
(0)   (0)
مو لأنو مصطفى أخوي بس والعظيم كل ما أجي لعند أهلي ما بشوف مصطفى دوما بالجامعة مشغول بدراسته الله لا يخجلو وانشالله الله يسدد خطاك يا مصطفى ولا يخجلك وأنا كتير بفتخر فيك لأنو من صغرك رافع راسنا بدراستك وأخلاقك ودينك
أحمد يحيى حجق
(0)   (0)
أبو أحمد الغالي إن وصلت للمعيدية ولا ما وصلت أنت رفعت راس العيلة وراسنا كلنا ونصيحتي إلك إنو ما توقف لأنو لو بلدنا بدها تقدرك ما كانو ا عذبوك هالعذاب سافر ولا توقف وروحنا معك
bassel
(0)   (0)
انا لطالب الثاني على قسم الأدب التركي هل السنةوالطالب الأول معاقب كون غش في الأمتحان ياجماعة شو بتعين معيد ولا لأ مشان الله حدا يساعدني مع انو القسم كمان بحاجة لمعييدين
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " شباب و طلبة "

10-3-2015
وزيرة التعليم الألمانية تعتزم توفير دعم تعليمي إضافي لأبناء الأجانب
    تعتزم وزيرة التعليم الألمانية يوهانا فانكا توفير المزيد من الفرص لأبناء المهاجرين في ألمانيا. واعتبرت الوزيرة في تصريح ...


24-2-2015
الإعلان عن موعد بدء التسجيل في برنامج المنح الدراسية التركية
أعلنت "مؤسسة المنح التركية (Türkiye Bursları)" عن فتح باب التقدم بطلب الحصول على منحة للدراسة في تركيا لكل ...


22-2-2015
12 ألف طالب في التعليم المفتوح يوقفون تسجيلهم في جامعة دمشق
قالت وسائل إعلام النظام عدد الطلاب الذين تقدموا بطلبات توقيف تسجيل لبرامج التعليم المفتوح، بلغ 1200 طالب في ...


20-2-2015
ألمانيا تعترف بالمؤهل الدراسي لأكثر من 25 ألف مهاجر
أفادت بيانات صادرة عن الحكومة الألمانية بأنها اعترفت حتى الآن بشهادات أكثر من 25 ألف مهاجر يقيمون في ...


18-2-2015
مديرية المنح و البعثات في الحكومة السورية المؤقتة تطرح استبياناً لمعرفة عدد الطلاب المنقطعين عن الدراسة
طرحت مديرية الإحصاء و مديرية المنح والبعثات في وزارة التربية والتعليم في الحكومة المؤقتة استبياناً لمعرفة عدد الطلاب ...


14-2-2015
أفضل 10 جامعات في تركيا لعام 2015
أعلن مركز التنسيب و التقييم والاختيار في تركيا (ÖSYM) ترتيب الجامعات على مستوى تركيا لعام 2015. ووفق هذا ...


14-2-2015
الأوراق المطلوبة للتسجيل في الجامعات التركية
الأوراق المطلوبة للتسجيل في الجامعات التركية   اضغط على الصورة لرؤيتها بالحجم الكامل     عكس السير ...


9-2-2015
جامعة غازي عنتاب تفتتح أكثر من 20 برنامجاً باللغة العربية
أعلن رئيس جامعة غازي عنتاب أن مؤسسته التعليمية تستعد لإطلاق أكثر من 20 برنامج في اللغة العربية، بما ...