مصادر لـ عكس السير: اقرار المخطط التنظيمي "المحدث" لمدينة حلب
السبت - 28 نيسان - 2012 - 22:49 بتوقيت دمشق
التفاصيل
إعلانات


علم عكس السير من مصادر خاصة أنه تم اقرار المخطط التنظيمي لمدينة حلب اليوم السبت في جلسة استثنائية ترأسها محافظ حلب موفق خلوف و رئيس مجلس المدينة أيمن حلاق.

و أوضح "حلاق" في تصريح خاص لـ عكس السير أنه " تم استبعاد بلدتي حريتان و كفر حمرة و اجزاء من أملاك ياقد العدس و معارة الارتيق من المخطط التنظيمي (المحدث) للمدينة بما لا يؤثر على الخطة الاستراتيجية للمخطط التنظيمي".

و أعاد رئيس مجلس المدينة سبب سحب المخطط بعد اعلانه الاسبوع الماضي إلى " اعطاء المواطنين فرصة لإبداء أرائهم قبل اقرار المخطط ".

و كان تم سحب المخطط التنظيمي من لوحة الاعلانات الأسبوع الماضي في "ظروف غامضة"، بعد أن وجهت دعوة للمواطنين للاطلاع على على المخطط الجديد من أجل تقديم اعتراضاتهم على التعديلات خلال 30 يوما من تاريخ اعلانه ،و ترددت حينها أنباء داخل أروقة القصر البلدي أن أوامر "من فوق" جاءت بسحب المخطط التنظيمي بغية "تعديله" أو "تأجيله" أو "أشياء اخرى".

تجدر الاشارة إلى أن عكس السير سيقوم بنشر تقرير مفصّل عن المخطط التنظيمي الجديد لمدينة حلب مرفقا بالصور ، مع اضاءات على أهم النقاط السلبية والايجابية فيه بحسب آراء متخصصين يقوم عكس السير بالتواصل معهم حاليا من أجل الموضوع .

خاص ـ عكس السير

مواضيع متعلقة:

أنباء عن سحب المخطط التنظيمي لمدينة حلب !

بماذا أوصى الرئيس بشار الأسد محافظ حلب وما هي البشرى التي يزفها للحلبيين ..النص الكامل للقاء عكس السير مع محافظ حلب

تأكيدا لما نشره عكس السير .. إعلان المخطط التنظيمي الجديد لمدينة حلب


التعليقات :
ابن الكار
(45)   (24)
شكرا رئيس البلدية
انت انسان نزيه عليك الانتباه من الحيتان
استبعاد كفر حمرة وحريتان سيسببان مشاكل كبيرة لكم
تامر
(3)   (24)
عكس السير ماضل عندكن سيرة غير المخطط التنظيمي خلص بقا فهمنا حولوتونا بهالموضوع
كيكي
(15)   (5)
يا ريت الاستعجال باقرار المخطط التنظيمي لما له من تشيغل الايدي العاملة وذلك عندما توزع الاراضي للجمعيات السكنية . فتنحل مشكلة السكن و غلاء أسعار البيوت لانه يصبح العرض كبير فنصل الى درجة بأننا بحاجة الى الحدادين والبلاطين و الكهربجيه و النجارين و النحاته وشبكات المياه و و و و فيحرك الاقتصاد الوطني ... حاجتنا بقى صرنا مسجلين ع بيت منذ عشرين عاما
يا ريت
(15)   (0)
يا ريت من موقع عكس السير ينشرنا اسماء المناطق التي دخلت بتنظيم يا ريت الله يعطيكن العافية
أبو الفدا
(18)   (6)
أنا شايف إنو الشباب عم يلعبوا فينا ، يعني خلصونا بقى ، شو هو مخطط توسعة دبي ؟؟
Syrian Eagle
(27)   (4)
لقد صدر المخطط التنظيمي النهائي المصدق في مدينة حلب عام 2004 ومنذ ذلك التاريخ لليوم في عام 2012 أي بعد 8سنوات فقط تمت له عملية "التحديث" فقط 8سنوات أي فترتين رئاسيتين أمريكتيين (4+4)
الصراحة بعض المسؤليين في هالبلد هم أساس الخراب في بلدنا ولازم يتحاكموا
hn
(10)   (8)
منذ أيام كالعادة كتبتم أن المخطط التنظيمي سحب بأوامر من فوق خذو حسن النية يا أخي واتقو الله ياعكس السير كتاباتكم دائما فيها سوء نية
نجمة البحر
(15)   (1)
بعد كل هالانتظار كفر حمرة وحريتان تم استبعادهن وهالاراضي يلي مو معروف مصيرهن لايمتى بدن يضلوا معلقين وليش يعني وبعدين بدنا نفهم ليش كل هالشي من مصلحة الدولة انهن يدخلوا المخطط وينضموا للمدينة لانهن واقعين عالطريق الدولي وتم فيه افتتاح اضخم مولات وانشاء فنادق وبالاخير بدهن يضلوا ضيع واراضي مو منظمة والله ما بيصير منتمنى من سيادة المحافظ اعادة النظر قبل صدوره
المغترب
(14)   (1)
ارجو اعادة النظر بضم كفر حمره وحريتان للتنظيم لاسيما عدد السكان في تلك المناطق يزداد وخاصة ذوي الدخل المحدود الذين تركوا حلب لغلاء السكن ومازال تلك المناطق بحاجة للخدمات الصحية الاساسية
SYR
(12)   (0)
بكرا المي بتكذب الغطاس عند البدء بطلب رخص البناء و ازالة المخالفات و ما الى هنالك من تبعات ايجابية لهذه الخطوة خصوصا ما نشوف مظاهر الشحد المتفشية بالمدينة و الدكاكين و المحال اللي عم تكش دبان واللي المفروض تشتغل بعد بدء عجلة البناء بالدوران...و بعد المخطط لازم العمل على امداد البنية التحتية بأسرع وقت من اجل تطبيق البطاقة الذكية في ايصال مادة المازوت و المواد التموينية الى اصحابها قبل تكرار الازمة التي مررنا بها هذا الشتاء . كالعادة "الفساد هو المؤامرة الحقيقية على الوطن". لازم تحطو هالعبارة اعلى الصفحة يا عكس السير و تنحط عند مدخل اي دائرة من الدوائر الحكومية مشان يتصبحو فيها المسؤولين و الموظفين عالطالعة و النازلة...
واحد من الشعب
(10)   (0)
طيب ياعكس السير مابتقدرو تنشرو المخطط الجديد بالموقع عندكن

لحتى نتطلع عليه ونعرف تفاصيل أدق عنه

وشكرا
M
(20)   (7)
شو هل منطق يعني اذا حريتان ...الخ عم يطلعو مظاهرات مابيفوتو بالمخطط ... عنجد صغر عقل و مسخر
حريتاني
(16)   (5)
ليش بقا حريتان خارج المخطط؟؟؟؟؟؟؟؟
حدا خبركن أنو أراضي حريتان فاضية ومافي ناس تعمر ؟؟؟؟؟
ماحد خبركن أنو صرنا فوق بعضنا؟؟؟؟
ما حدا خبركن أنو الناس صارت تعمر بالأراضي الزراعية ؟؟؟؟؟؟؟؟؟
و عفكرة مو لأنو الناس بتحب الهواء الطلق
بس لأنو مابقي مساحات داخل المخطط
مازال هيك الحكي
لابقا تجيبولنا سيرة سكن عشوائي وماشابه لأنو الناس بدا تعيش
شو نروح عالقمر؟؟؟؟؟؟؟؟؟؟؟
مافي تكاسي لو في كنا رحنا
المهم ننستر بمسكن
ابن حلب
(10)   (4)
هلق شو يعني اذا طلع مخطط تنظيمي اش للي بتغير يعني ؟ بصير شي جديد
احلام
(4)   (4)
الحلم يبقى حلم اما المخطط التنظيمي فلن نراه ولا حتى في الاحلام اما عن تطبيقه فهو المحال والايام بيننا وسنرى انه كلام عن احلام لم نحلم بها ولن تتحقق اسف جدا لاحباط معنويات الكثيرين ولكن انا محبط حتى في احلامي محبط
A. Malik
(9)   (0)
طيب ممكن وضع صورة المخطط على الموقع للاطلاع

مع الشكر
؟؟؟؟؟؟؟
(5)   (2)
شو يعني إذا المناطق المفيدة ما تنظيمت لكا شو تنظم ممكن حدا يفهمني
أبو علي هتلر
(2)   (11)
هي هي هي هي هي

لازملها مشط بالهوى على هلخبرية

بس يا ريت يكون هلخبر صحيح

لأنو والله قرفنااااااااااااااااااااااااا


و دمتم.............
متابع
(4)   (1)
يجب إعادة تفعيل بلديات القرى التي ضمت لمدينة حلب منذعام 1982 وأصبحت أحياء على الورق فقط وعلى الواقع بقيت قرى مثل بلليرمون أو إلحاقها إداريا بحريتان كونها تتبع ناحية حريتان شرطيا ولتخفيف العبئ عن مجلس مدينة حلب وبشكل عام كلما صغرت الوحدة الادارية تحققت الإدارة المحلية بشك أكبر
سامر
(3)   (0)
نرجو من عكس السير وضع صورة واضحة وكبيرة للمخطط التنظيمي
مع الشكر الجزيل
حلبي اصيل
(2)   (1)
والله بدا زغلوطة
بس ياريت مايكون حبر عورق
بدنا تطبيق وعمل
والله العظيم كان هلمخطط صار قصة عنتر
ahmad
(0)   (0)
و الله مو مصدق
احمد
(2)   (1)
مشكور كل من ساهم في هذا المخطط ولاكن متى سيتم عرضه على لوحت الاعلانات
HUSSAM
(2)   (0)
هل يمكنكم ان تصوروا المخطط وتنزلوا على الموقع. وشكرا

عقاب حلب
(4)   (0)
على الله تعمر هالبلد وتعمر عقول الناس معها وتعرف فين رح تودينا الله يحميكي سورية
المصروفين من الخدمة
(5)   (2)
الله يحميه للاستاذ ايمن حلاق ...
لانه انسان يحمل مسؤولية حل مشاكل المواطن على اكمل وجه ...
نتمنى له التوفيق ونتمنى منه موازرتنا في ايجاد حل لموضوعنا والتدخل لنصرتنا لما حل بنا من ظلم من قرارات الحكومة السابقة وشكرا عكس السير ....
مهندس
(26)   (3)
بشرى سارة :

تم إقرار المخطط التنظيمي لمدينة حلب ..
وخلال أقل من عقد أو عقدين سيتم إقرار المخطط التفصيلي ..
وبعد عقود عدة سيتم إنصاف ورثة المالكين الأساسيين للأراضي وسيتم توزيع الأراضي على الجمعيات السكنية ويمكن لورثة دفاتر الجمعيات إقرار ملكيتهم لهذه الدفاتر عن طريق القضاء بعد إجراء عمليات حصر الإرث أصولاً ..
وذلك عن طريق النافذة الواحدة في السجل المدني .. ضع إضبارتك اليوم واستلمها في العقد القادم ..
مع أطيب التمنيات لأصحاب الدخل المحدود بقضاء أوقات ممتعة في قبور المقبرة الحديثة .. سكن حديث أول ..
أحصل على قبرك فوراً .. من جمعية موت بلا حدود ( سكن واصطياف ) ..
ديبو
(10)   (1)
ايمت مجلس المدينة بدو يتخلص من المجرمين تجار المخالفات اللي عم يدمروا البلد من امثال عبدالعزيزشيخ البساتنة اللي صار عضومجلس محافظة مكافأة له على رئاسته احدى اللجان الشبيحية
معقول
(1)   (0)
طلع وراح تطلع روح الناس تصور المخطط جاهز حرفيا منذ عام 2006م ليش العجله هذه بلد كل مين ايده اله من زمان ولن تتغير يا ال عكس السير هذا تعليق رقم 231 ولم يتشر حتى الان على كل حال شكرًا هذا هو المخطط
الين عبد الأحد
(5)   (6)
يمكن الأوامر من فوق، فوق، فوق، فوق تفكيرنا، و فوق ادركنا، و فوق علمنا، و فوق حقوقنا، و فوق مصلحتنا. اللي قاعد فوق بيعرف مصلحتنا اكتر مننا. أحس إلنا نقعد تحت، تحت، تحت. لأن الذي فوق ما يعرف غير انو يشوفنا تحت. اصلاحات جميلة.
ح ل ب ي
(6)   (3)
لوكان المخطط الذي تم سحبه والمعتمد من اللجنة الاقليمية (والتي فيها أعضاء من كل الجهات) يلبي أطماع الفاسدين وتجار العقارات برأيكم كان نسحب .
لك ياشباب قي أراضي لهاصفات على مخطط عام2004 وتم شراء هذه الاراضي من قبل التجار والفاسدين خلال الاعوام الماضية بس الظاهر اللجنة الاقليمية لم تعدل صفاتها مثل مابدن التجار فتم سحب المخطط من قبل مجلس المدينة لان مخطط 2011 إلي بعتوا الوزارة برعايةlمسؤولين في الوزارة)ومن الجامعة والدراسات و وزارة رئاسة الجمهمورية وغيرهم و ....مفصل على طلب هؤولاءالتجار الفاسدين فطبعاً سحبوا لكي يلاقوا فتوا جديدية للأراضي هؤلاء الناس
مواطن حلبي
(7)   (1)
كان لازم تدخل كفرحمرة وحريتان بالمخطط الجديد لأني التجار عنا مو طماعين أبدا وبالعكس كان لازم ينحسم وضعن ويبدو بمشروع افراز المنطقة لأنو بقيان شوي وبتصير منطقة بناء عشوائي متلا متل غيرا لا تنظيم وكلو متجاوز عالشارع ولا تقيد برخصة بناء ولا نسبة بناء حرام حرام والله هالمنطقة يلي عم تنبنى لازم تصير على أعلى المستويات مو بهالدرجة من الدناوة بس حسبي الله ونعم الوكيل أحسن شي
حلبي حزين
(4)   (3)
أنا برايي يتعاقدوا مع مهندسين اجانب ليخططوا وينظموا البلد طالما البلدية والمحافظة مابتعرف تطالع مخطط تنظيمي من أكثر من عشرين سنة ولسى استبعدنا فلان منطقة كرمال يضل في مشاكل وفساد ولسى بقولوا منا نحارب الفساد وبحطوا مشاكل ليضل الفساد .
حلبي
(8)   (1)
تحية للسيد المحافظ هو شخص كفؤ ويعمل بجهد ليل ونهار هو مكسب لحلب في العادة كل محافظ يسلم للمحافظ الي بعده مشاكل وعقد أكثر من قبلة بينما السيد المحافظ الحالي بحل ويصلح ويخفف العقد والمشاكل بفضل جهده وشخصيته القوية الشكر له.
مسخرة
(33)   (6)
أنا من معارة وكنت مؤيد بس بعد هل القرار صرت معارض بس مابدي أسقط نظام بس بدي اسقط محافظ حلب بس بدي افهم شغلة ليش استبعد معارة حريتان وكفر حمرة استبعاد تام إلا يا قد العدس اجزاء يعني اجزاء الشعب مادخلت بالتنظيم وأملاك مفتي الجمهورية أحمد حسون دخلت بالتنظيم يعني متل مابتعرفو مفتي الجمهورية يعني رغم كل هل المظاهرات وهل التفجيرات وهل القتل والضرب والأغتيالات لسع هل المسؤلين ما تربو وفي بالدولة خيار وفقوس
خالد
(7)   (0)
سؤال هل هذا يفيد تحريك الجمعيات السكنية..؟؟ يرجى الإعادة
نزاهة
(7)   (2)
ليش حريتان وكفر حمرة ومعارةاستبعدت من المخطط التنظمي كني مافي مسؤؤل عندو اراضي فيهون
؟؟؟؟؟؟؟؟
(2)   (1)
وهل الاجزاء من ياقد العدس شملت اراضي مين ؟؟؟؟؟؟؟
انا ما انا
(12)   (4)
عكس السير بحب قلك ان كل الناس بتعرف ليش الا انتو عأساس مالكون خبر قلتلي ظروف غامضة
خجلانين تقولو ان في اراضي لمسؤولين وكم راس خجلانين تقولو ان في اراضي لاحمد حسون بياقة العدس
مبينة مؤامرة
انشررررررررررررررر التعليق ولك الاجر
مجرد سؤال ؟؟؟
(8)   (1)
شي حلو .
هل تعتز بأنك سوري ؟ ولماذا ؟
طارق التونجي
(4)   (3)
الله يعطيون العافية فعلا اصبح لدينا محافظ شغيل ومحترم وعلى قد المسؤلية----بس كفر حمرة وحريتان اعتبرون مناطق مخالفات جماعية والااشو القصة
حلبيه بامريكا
(0)   (2)
ياجماعه اشو مشان كفر داعل؟ دخلت التنظيم؟ أمانه الي بيعرف يقول
ح ل ب ي
(3)   (0)
ليش المخطط لم يكن مقر في عام 2011ومن أين اتى1500 أعتراض أم أنه تغير المجلس فتغير الاقرار؟يعني الذي يقرأ الخبر يجد أنه تم أقرار ولكن بعد الاقرار ماذا !هل هناك مشوار أخر مع المخطط العام أم ماذا .
نريد المخططات التفصيلية ليعرف كل مواطن أين أرضه ومتى يمكنه الترخيص دوختونا بالمخطط العام مع العلم انه مصدق منذعام 2004 التحديث لمصلحة التجاروكبار المسؤولين!!!!!أم موضوع حريتان وكفرحمرة فهذا خبر بايت
معتدل
(2)   (2)
مشكلتنا دائما منشوف نصف الكاس الفاضي ، كل المناطق التي دخلت التنظيم لم تروها ورايتم فقط كفر حمرة وحريتان
مسخرة
(8)   (2)
يعني معارة عايشة عدي المدارس مسخرة المواصلات مسخرة المي الأنسان ما بيحسن بلاها مالحة مابتنشرب التوتر العالي جدا فوق الاراضي النارة بالشوارع مسخرة مافي
ضروري جدا
(3)   (0)
نرجو من اسرة موقع عكس السير الأكارم و كما تعودنا عليكم ان تكونو السباقين في نشر صور المخطط على موقعكم و لكم جزيل الشكر
مسخرة
(7)   (2)
كني دخلت منطقتك بالتنظيم لحتا عبتحكي هيك مسخرة الشبيح أبو علي هتلر
الاسم : محب حلب
(0)   (3)

أرجو من موقع عكس السير إذا كنت كماتقول موقع إعلام حيادي وشريف أن تفتح ملف الصحفية (ر.ا)المشهورة (بأم ر)وشريكها السمسار (ع.ح)وعلاقاتها ضمن مجلس المدينة ولاسيما رئيس المجلس الجديد وبالمحافظةوكيف أنها تستفيدمن اسمها الاعلامي وقلمها في تسيير الامور....في مجلس المدينة ولا سيما المخطط التنظيمي وهل هذا هو الاعلام الحر الذي نسعى اليه فالسيدرئيس مجلس مدينة حلب يريد رضا السيدة(أم ر) وهي لها مصالح في المخطط كما أن رئيس دائرة التنظيم العمراني في البلدية هو السيد( ع ك)هو (م خ ... ر )لعدد من (ال..رو ... )والغريب أن الممسؤولين يعلمون بذلك ومازال على رأس عمله ويشرف على المخطط العام وكل تفاصيل المخطط عنده وهو مشهود له بـ......!وفهمكم كفاية






ناصر النمر
(2)   (0)
يالله يالله
بلكي أنشاء مشي الحال ودرج دولاب التجديد لهالبلد؟
كفر حمرا وحريتان أو لا أحد
(6)   (4)
كفر حمرا وحريتان أو لا أحد
كفر حمرا وحريتان أو لا أحد
كفر حمرا وحريتان أو لا أحد
مواطن سوري
(8)   (2)
تحيه طيبه للسيد المحافظ ولكن لا نجد اي اصلاح باستبعاد كفر حمره ومعاره وحريتان من التنظيم

لن يلتمسو الناس العدل في هذا ولن يكون المخطط فعال بدون انضمام كفر حمره وحريتان ومعاره الى التنظيم

انا لا اجد اي مخطط تنظيمي ولا اي شخص يجد ذلك
مقهور
(7)   (2)
شبكم شباب لسى بكير على كفر حمرة وحريتان لازم عشرين سنة تانية هداك الوقت حقكم تقولوا ليش ما شمل المخطط كفر حمرة وحريتان لا تستعجلوا ليش هيك انتوا لحوحين يمكن بعد 20 سنة تانية بيجينا محافظ قلبه عليكم سكنوا بالأجار واستنوا العقدين القادمين حتى يتحسن وضعكم كل شي بوقته حلوو لسى بكيررررررررررر
سوري
(3)   (2)
الظاهر الحكي شي و الفعل شي لما بقول الرئيس عدم اهمال الريف مقابل المدينة بجي السيد المحافظ بستبعد كغر حمرة و حريتان من المخطط التنظيمي يلي الناس ضلت سنين عم تستنا الظاهر المحافظ مالو اراضي هنيك و مالو خبر انو البيوت اجمل من الفرقان و ماراح اصلن و كلف خاطرو و شاف بس حسبنا الله و نعم الوكيل فيكن يا مسؤولين بكرا بتخرب الدنيا بعدين منقول انو المحافظ كان فاسد
ليونت آرك- طارق
(4)   (1)
السلام عليكم

السؤال الذي يطرح نفسه,,, هل سنبقى بنفس العقلية,,, يعني اذا مادخلت بعض المناطق علمخطط التنظيمي مو مشكلة,, المشكلة متى بدها تدخل المخطط,,, يعني اللي بيعرف مدينة حلب بيكرهها من ورا التعفيس اللي كان صاير ولا يزال بصلاح الدين او سيف الدولة (لاشوارع- لا مصفات للسيارات- لا ارصفة واسعة- عمار- كثافة سكانية) بتمنى من المحافظة عدم أخذ نموذج البناء في احياء صلاح الدين كنموذج وتطبيقه,,, وسيدي لا تدخل المخطط حاليا بس على الاقل تحديد شوارع عريضة في المناطق خارج التنظيم واللي رح تدخل التنظيم لاحقا وتنظيمها وتخديمها,,, واتركوا الناس يعمروا براحتهم وحتى عشرة طوابق,,, وسيدي حتى لو كان متل ما عميقولو بعض الاخوة انو في اراضي لمسؤولين معليش بس خططوا هلمناطق بشكل جيد,,, وبالنسبة لفكرة استبعاد بعض المناطق لاسباب امنية,,, انا برأيي اذا عملنا انتشار منطقي وتوزع للسكان بدون كثافات عالية رح تخف بالمستقبل المظاهرات والتجمعات,,, شبكم ولووو فكرو شوي للمستقبل,,, علعموم يشكر جميع المسؤولين على الاسراع بالمخطط وليس المهم المخطط المهم مابعد المخطط والاهم تنظيم المخطط نفسه ودراسته,,, وياريت توضع لجنة مستقبلية لضم المناطق المحيطة للمدن بحيث تتنظم وبعدها وقت بتدخل المخطط بيكون تحصيل حاصل,,, طبعا مابدنا نقول كلمة مخطط نظامي لانو كلمة النظام ممنوعة صارت,,, مع تحيات ابن مدينته الحلبي
أيمن شريفة
(4)   (0)
أتمنى الأجابة هل دخلت منطقة الراشدين الرابعة والخامسة المنطقة الواقعة خلف أفريكانو
محمد
(0)   (3)
شو مشان الصرف الصحي في المحروسة في حماه
أبو علي هتلر
(7)   (2)
أرجو من السيد أحمد حسون مفتي الجمهورية أن يصدر فتوى بتحريم احتكار الأراضي و العقارات لأن الشعب الفقير بحاجة لها و ذلك لأن سيدنا عثمان تبرع بكل تجارته عندما كان المسلمون بحاجة إلى تجارته

و دمتم ....................
حلبي اصيل
(2)   (0)
شكرا عكس السير نتمنى من عكس السير زيارت كفر حمرة وحريتان وتوير المخالفات التي يتم بناؤها مع تواطاْ بلدية حريتان وتجار البناء الى ما بيرحموا بهدلوا الدنيا و شوهو المنطقة وتحولت لمنطقة بناء عشوائي و نحنة بنتظار المخطط التنظيمي شو هل اللعبة والله مارايحة غير على الشعب بلا محافظ بلا مخطط تنظيمي لانو الفساد عم والمؤامرة على الشعب لانو اذا الواحد منا بنا غرفة على السطوح بيطبقو علية القانون كلة وتاجر البناء اذا بيبني عشر بنايات ما حدى بيقلو شو بتعمل و ما رايحة غير على الدرويش بس
مواطن سوري
(4)   (0)
غير مقبول و ليس من العدل استبعاد كفر حمرة و حريتان لانهم اكثر المناطق الملائمة للسكن... هذا الامر سوف يؤدي الى تاجيج الناس ضد الدولة و سوف يولد شعور لدى ابناء الريف باهمال و عدم اهتمام الحكومة بهم.
مواطن سوري
(4)   (0)
غير مقبول و ليس من العدل استبعاد كفر حمرة و حريتان لانهم اكثر المناطق الملائمة للسكن... هذا الامر سوف يؤدي الى تاجيج الناس ضد الدولة و سوف يولد شعور لدى ابناء الريف باهمال و عدم اهتمام الحكومة بهم.
حريتان و كفر حمرة
(4)   (0)
من حقنا ان نفهم لماذا تم استبعاد حريتان و كفر حمرة... ممكن السيد حلاق يشرحنا شو رح يؤثر تنظيم حريتان و كفرحمرة على الاستراتيجية... على العكس تماما التفكير الاسترتيجي يقتضي التنظيم... يا جماعة يا مسؤلين ارحموا هالشعب حتى الشعب يبقى الحاضن للدولة
حريتان و كفر حمرة
(4)   (0)
لا يوجد سبب مقنع لاستبعاد كفرحمرة و حريتان لانهم اكثر المناطق جذبا للسكان... هل هناك مخطط استملاك مخفي لهاتين المطقتين?
مئة اشارة استفهام على استبعاد كفرحمرة و حريتان
أبو عبدا كفر حمرا
(2)   (2)
أنت يا رئيس مجلس مدينة حلب

"قليل عليك قيادة حلب وريفها أنت يجب ان تقود كل بلديات العالم"
حريتاني
(2)   (0)
يا سيدي الكريم
أنا بدي شوف الجزء الممتلئ من الكأس بشرط تفسرلي أنت لماذا تم استبعاد حريتان وكفر حمرة ومعارة من المخطط؟؟؟؟؟؟؟؟
يا سيدي إذا ماعندك علم أو مابتعرف,شرفنا بزيارة وشوف الوضع بعينك .
يا سيدي الناس عمتعمر بالمخالف
ليييييييييييييييييييش؟
وهاد برأي تشويه للمنظر الحضاري للبلد
وك نظمو هالبلد وخلي تعيش هالبشر بشكل نظامي
ولا نحن مامنعرف نعيش إلا بالمخالف؟
طبعا ذكرت بتعليق سابق ليش النس عمتعمر بالمخالف
والشكر جزيل الشكر لعكس السير
مواطن حلبي
(1)   (2)
عنجد أحيي محافظ حلب عهالخطوة الجبّارة باستبعاد المناطق المذكورة بالمقال مثل كفرحمرة وسواها من المخطط انها ضربة قاسمة لظهر فاسدي وحرامية البلدية المسجونين وبعض المسؤولين السبقين وخاصة في الحكومة السابقة
لنشششوف
(0)   (0)
لنشوف شو رح يطلع معكن هي نحنا مسجلين من 7 سنين عجمعية ولسا ما في ارض لنشوف رح يعطونا لانو الوضع ما بقا ينطاق نحنا الشباب رح نتنجوز بلقبر اذا رح نستناهن
ابورافع
(0)   (0)
نتمى من محافظ حلب يوصي احفاده بالمخطط لاني حلب \دلولة وموصى فيها كتير بس للاسف ماعاديلزم هالمخطط اللللي عفن وماكان يطلع
الحمام الزاجل
(1)   (1)
شو هل المسخر شلون حريتان خارج التنظيم صلي 12 سنة انتظر التنظيم وهيك بهل البصاطة وبهههههههههه
محمد الحلبي
(1)   (0)
وين تعليقي يا عكس السير ؟؟؟؟؟ ديموقراطية !!!!!!!!!
مهندس
(0)   (0)
أين التعليق ( الثاني ) يا عكس السير .. ؟؟

لا أظن بأنني قد أسأت لأحد حتى لم ينشر ..

إن كان هنالك إساءة لأحد ما أرجو التوضيح .. مع الشكر ..
ابن القصر
(2)   (0)
يا جماعة والله العظيم لولا جهود رئيس البلدية و أستنفاره مع اللجنة الأقليمية ما كان طلع شي أسمو مخطط تنظيمي أستلم من ستت أشهر وقام بما قام من عمل فعلا هو مفتاح النجاة لمدينة حلب وبأذن الله رح يتابع موضوع كفر حمرا و حريتان والي عم بقول ان هو مشان رضىء أم فلان وفلان فهو شحص ..................................................... وفقك الله لأنقاذ البلد
ابن البلد
(1)   (0)
مو مهم بالنسبة الى اذا دخلت منطقة كفر حمرة بالمخطط التنظيمى ولا لا المهم متى سوف يقومون باعطاءنا حق العبور والمشى على طرقات معبدة بشكل جيد في منطقة القبر الانكليزي المأهولة بالسكان منذ مدة لاتقل عن 15 سنة اعتقد انه هذا هو اقل حق طبيعي بالنسبة لمواطن سوري .
مهندس
(0)   (0)
صدرالمخطط التنظيمي لمدينة حلب وعلق على أحدجدران البلدية وقد بلغت مساحته10م2 وقدطلب من المواطنين الإطلاع عليه ثم الإعتراض خلال شهر:وحتى نقوم بالإطلاع نحتاج إلى أن نحصل على إحداثيات العقارمسبقا"ثم نأتي بسلم طويل ومسطرة كبيرةلكي نستطيع تحديد موقع عقاراتنا,هذاإن كان الذي يطلع مهندس أوماشابه وإلا فيحتاج الأمر إلى خبير . فتصوروا وجودعشرين مطلع مع عشرين سلم ومسطرة في بهو القصر البلدي بحلب للإطلاع على وضع عقاراتهم,ألايوجدطريقةأخرى فى القرن21 إلاإذاكان هذا المخطط ليس للإطلاع وعلى من يريد الإطلاع أن يدور على موظفي البلدية ويدفع بالتي هي أحسن خير له من أن يقع من اعلى السلم ويدَق عنقه
ابو فاروق
(0)   (0)
هي المهم الله يسر للمخطط و يصدر و ان شاء الله بتعمر هل البلد و اكيد ما ننسى نقول الله يعطي العافية لكل من ساهم بإصداره و خصوصا المحافظة و البلدية و ياريت يستمرو بالنظر بالنقاط الي بتشمل اكبر شريحة من المناطق لانو بهل الطريقة منوفر فرص عمل لمعظم المناطق و بتخف ازمة السكن
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " فلاش "

25-7-2014
فرانس برس : " إمارة " في سوريا .. النصرة على خطى داعش
مع اعلان "جبهة النصرة" نيتها انشاء "امارتها الاسلامية" الخاصة، إسوة بـ "الخلافة" التي أعلنها تنظيم "الدولة الإسلامية" (داعش) ...


24-7-2014
تنظيم داعش يشن هجوماً واسعاً على مراكز قوات النظام في الحسكة و يقتحم مقر حزب البعث و يقتل أحد أعضاء القيادة
شن تنظيم داعش هجوماً على مدينة الحسكة في محاولة للسيطرة على فوج الميلبية، الواقع قرب محلجة الأقطان، جنوب ...


24-7-2014
الحب في زمن الحرب : سحر البدلة العسكرية يجتذب الفتيات السوريات !
مع انتشار جنود الجيش النظامي على الحواجز في شوارع المدن السورية، تعتاد الفتيات مظهر الشاب بزيه العسكري، لتتقبله ...


24-7-2014
سرايا حلب المدينة تفجر قافلة وقود لقوات النظام بالقرب من دوار الموت ( فيديو )
أعلنت سرايا حلب المدينة الإسلامية عن قيامها بزرع عبوة ناسفة وتفجيرها في قافلة خزانات وقود عسكرية في حلب.ونشرت ...


24-7-2014
مقتل العشرات من الطرفين .. داعش تشن هجوماً واسعاً على الفرقة 17 و جيش الأسد يقصف الرقة بصواريخ سكود ( صور )
فجر مقاتلان أجنبيان في صفوف داعش فجر اليوم سيارتين مفخختين في الفرقة 17 في مدينة الرقة محاولين اقتحامها.وقالت ...


23-7-2014
الاتحاد الأوروبي يفرض عقوبات جديدة على " عكيد " قوات النظام و عدد من رجال أعماله
نشر الاتحاد الأوروبي في صحيفته الرسمية الأربعاء أسماء ثلاثة أفراد وتسعة كيانات سورية أعلن إضافتها إلى قائمة عقوباته ...


23-7-2014
الجبهة الإسلامية ترفض أي حكومة أو خلافة أو إمارة يعلنها أحد الأطراف متفرداً في سوريا
أصدرت الهيئة السياسية في الجبهة الإسلامية اليوم، بياناً يوضح موقفها من التطورات الجارية في سوريا، ومن بينها إعلان ...


23-7-2014
الشرق الأوسط : الائتلاف السوري المعارض يحد من نفوذ " الإخوان " بإقالة الحكومة المؤقتة
أقالت الهيئة العامة للائتلاف الوطني السوري، الحكومة المؤقتة برئاسة أحمد طعمة المؤلفة من 12 وزيرا، بأغلبية 66 صوتا، ...

X
وردنا الآن