إعلانات
التفاصيل الكاملة لأحداث المدينة الجامعية بحلب
الخميس - 3 أيار - 2012 - 15:52 بتوقيت دمشق
التفاصيل

شهدت الشوارع المحيطة بالمدينة الجامعية في حلب جموعاً من الطلاب حاملين معهم حقائبهم, في الوقت الذي انتشرت و طوّقت عناصر حفظ النظام المدينة الجامعية.

و أكد المراسل الميداني لـ عكس السير في المدينة الجامعة, أن آلافا من الطلاب في الجامعة حزموا امتعتهم اليوم عائدين الى مدنهم وقراهم, في الوقت الذي تنوعت وتقاطعت فيه آراء الطلاب لـ عكس السير حول تفاصيل أحداث ليلة أمس.

وكان عكس السير نشر في وقت مبكر يوم أمس الأربعاء خبراً مفاده أن المدينة الجامعية شهدت فوضى وتخريب عقب مظاهرة طلابية جوبهت بالغاز المسيل للدموع و الأعيرة النارية.

و تأكد مراسل عكس السير, ومن خلال تقاطع المعلومات أن اشتباكا وقع بين عناصر حفظ النظام و المتظاهرين استخدمت خلاله الهروات و القنابل المسيلة للدموع و الحجارة.

وكما ذكرت صفحات "مؤيدة" على "فيس بوك" أن حصيلة الاشتباكات هي شهيد من الطلاب أمام  الوحدة 13 وإصابة 9 من عناصر الأمن , مشيرة إلى اطلاق رصاص جرى من داخل إحدى الوحدات السكنية .

إلى ذلك وبحسب المعلومات المتقاطعة, فإن الطلاب وعقب الاشتباك اعتصموا في الوحدة السكنية رقم 17, ليصار إلى اقتحامها واعتقال عدد كبير من المعتصمين داخلها.

وفي ظل تضارب حصيلة ليلة أمس, تسنى لـ عكس السير التأكد من سقوط أربعة شهداء من الطلاب, و أكثر من أربعين جريحاً, وعشرات المعتقلين, في حين جرح ضابط و ثلاثة من عناصر حفظ النظام جروحاً متفاوتة.

وأكد المراسل الميداني، أن إطلاق الرصاص سمع في المناطق المحيطة للمدينة الجامعية لأكثر من ثلاث ساعات, حيث نشر ناشطون مقاطع فيديو, تبين أن مجموعة من عناصر حفظ النظام كانت تطلقها في الهواء.

وتؤكد الوقائع المشاهدة حتى لحظة تحرير هذا الخبر حصول عمليات تكسير للمحال الموجودة في سوق المدينة الجامعية, قيل إنها وقعت بعد اقتحام الوحدة الـ 13 , القريبة من السوق.

وفي سياق متصل, وردت أنباء عن "مرور" سريع لاثنين من المراقبين الدوليين في ساحة الجامعة في وقت متأخر من صباح اليوم الخميس, حيث شهدت الساحة مظاهرة جالت بعد ذلك أحياء الميرديان و المارتيني بالقرب من مقر قيادة شرطة محافظة حلب.

وتأكد عكس السير مما تناقلته مصادر إعلامية حول وقف العملية التدريسية اليوم الخميس في جامعة حلب إضافة الى إخلاء المدينة الجامعية, إلى أجل لم يسمى بعد.

ونتيجة لذلك شهد محيط المدينة الجامعية اليوم في حلب, جموعا غفيرة من الطلاب تتحضر للسفر إلى مدنهم وقراهم, في حين بقي بعضهم يفترش الأرصفة.

عكس السير - حلب

مواضيع متعلقة

مظاهرات في المدينة الجامعية بحلب و انباء غير مؤكدة عن سقوط ضحايا

جامعة حلب توقف الدوام في كلياتها و معاهدها و تخلي المدينة الجامعية


التعليقات :
واخههههه
(270)   (465)
لسا بدكون تنامو بلمزابل مو بس بلشوارع لا انو شوارع كتيرة عليكون يا فجار واخهههههههههههههه الي مزبلة تاريخ
ع. س.
(377)   (264)
يا حيف اخ ويا حيف زخ رصاص على الناس العزّل يا حيف. وأطفال بعمر الورد تعتقلن كيف
مؤيد
(257)   (440)
يرجى من عكس السير عدم تسمية المخربين من الطلاب بشهداء . فهم مجرمون
مالك
(97)   (214)
الكذب ملح عكس السير
باي باي
(272)   (361)
كان لازم من زمان اغلاق المدينة الجامعية للتخلص من الكثير من الطلاب - المخربين -
h
(342)   (71)
الله ينهيها على خير حاج مليان وعقبيل كلشي عم بخرب بهل البلد ينمسك وينشنق قدام العالم ..........
هلكتو ****
(136)   (88)
على سرة الصفحات المؤيدة شلنكون عكس السير هلاء صار هيك تمييز ما بهم على كل حال, اي جواب عندي لاني التعن ابو عيشتنا خلص سكن وببلاش وتعليم 1000 ليرة رسم شو بدكن والله هلكنا لا شغل لا حياة شو هل حرية يااااااااااااااااااااا وقرفة تقرف التعليم اذا هيك عم تتعلموو
عاش الجهل المتعقل اما العلم المتحرر
مندس
(244)   (177)
صغيرة لعما شو صغيرة تصححيح للخبر ماكان في مسيل لدموع كان في رشاش اسمو بي كي سي عم يرش على الطلا ب
وفي 8شهدا مو4
ماكنو عيدين على مدنهم بال طردو من قبل اللامن

عابر مقال
(266)   (276)
هاد جزاء حلب اللي حوتن للطلاب مشان يدرسو ع اساس؟؟ انشالله روحة بدون رجعة خلي يتعلمو يكونو بني ادمين بالاول بعدين يطالبو بحريتن.. سلاح بالمدينة الجامعية..يا عين..مافي دولة بالعالم بترضا بهيك وضع بجامعاتا فيا ريت الكل يسكت ولا يتفزلك
هاد كل شي صار
(253)   (200)
الله أكبر عل ظالم

هاد يلي طلع معكن من اصلاحاتكن ؟؟؟
الحرية قادمة بإذن الله وها قد بدأنا نرى مبشرات النصر ..........

وعاشت سوريا
عمر الدالاتي
(269)   (214)
ايمت بدنا نفهم انو الجامعة للدراسة والجامع للعبادة ؟؟؟؟؟
يجب ان يتم العمل السياسي من خلال النقابات و الاحزاب المرخصة اصولا فقط ...
ماحدث في الجامعة عمل بربري همجي من قبل بعض الطلاب ادى الى توقيف التدريس ويجب فصل كل طالب متسبب بالاحداث ... هل تسمح اعظم ديمقراطيات العالم بالتظاهر داخل المدارس والجامعات ؟؟؟؟ هل تسمح فرنسا او اميركا او انكلترا بالتظاهر بدون اذن مسبق وبدون معرفة الشعارات التي سترفع ؟؟؟؟؟
حلبي حر
(109)   (294)
الله يسامحكم يا عكس السير شو وين اخبارنا ( جيش السوري الحر) الذي قام بعمليات نوعية على كل نقاط التمركز للجيش الصهيوني الاسدي الذي يقتل ابناء شعبنا الحر


لماذا لم تكتبوا ماذا فعلنا

سامحكم الله
ابو حلب
(258)   (158)
كلشي الا الكرسي ...
ادلبي
(189)   (47)
انا اصدق ان هناك اطلاق نار من احدى الوحدات، لكن سؤال يطرح نفسه كيف استطاع الطلاب ادخال سلاح ؟؟؟ أليس من تخاذل وتواطؤ الحراس.
الفساد المتفشي ينخر في البلد.
حيث من المفترض ان لا ندخل الى الجامعة الا بالبطاقة الجامعية، بس الحراس ما شاطرين الا فزلكة، ونادرا ما يسألوك اشو مدخل معك.
ادلبي
(50)   (56)
نحنا عنا فحوص عملي بتبلش 16 الشهر، والنوط لسا عم نشتريها، يعني لايمت ناوين يسكرولنا الجامعة ؟!؟
as
(248)   (204)
بدنا نضل نقول الله واكبر ولو كره ....... النظام
يحيى
(252)   (255)
انا بس بدي افهم جايين يدرسوا ويتخرجو ولا جايين يلعبو ويتقاتلو مع الامن ويعملو مشاكل ويسكرو الطرق ويعملو فوضى هدول طلاب علم الا طلاب فوضى اذا عبحكي غلط قلولي.....
حيهم
(152)   (85)
اي خلص صارت واضحة انا قلت بما انو في ضحايا من الطلاب معناها اطلاق النار بلش منهن وعناصر حفظ النظام هي لي كانت مستهدفة وقامت بالرد...وشو اسم الكتيبة لي تشكلت بالمدينة الجامعية؟؟؟؟؟؟لسا ماعملو فيديو تشكيل الكتيبة؟
M
(73)   (36)
والله زعلت عليهن بس عادي الله اكبر عليهن
عبدالرحمن
(108)   (15)
الحوار هو السبيل الوحيد لحتى تنحل الأزمة و يتحاسب كل مين غلط أوأذنب من الطرفين وبدون استثناءات و يخطي كل طرف لطرف الثاني خطوة حتى يصلو لبعض بطريقة حضارية و إلا الله يرحمنا و تذكروا دائما إني أجدادنا ضحوا بأرواحهم و أنفسهم حتى يحرروا البلد من الاستعمار فإياكن و التدخل الخارجي بكل أشكاله و إلا منكون حققنا للمستعمر الحلم المنتظر 
أرجو النشر
(58)   (30)
المراسل الميداني لعكس السير الظاهر كان حاطط نظارات شمسية طبعا ما راح متل العادة بس بحب انتو تقروها
حمد
(54)   (72)
شهداء ؟ !
شبيحة
(74)   (50)
لكل ضالم نهاية وبس
حلبي
(61)   (18)
انا مابدي احكي شي بس رح اكد ع تعليقكن والغبي صار لازم يعقل ويفهم شو عبصير

تسنى لـ عكس السير التأكد من سقوط أربعة شهداء من الطلاب, و أكثر من أربعين جريحاً, وعشرات المعتقلين, في حين جرح ضابط و ثلاثة من عناصر حفظ النظام جروحاً متفاوتة
ابن البلد
(147)   (144)
فليذهبو الى الجحيم الجامعات ليست مكان للمظاهرات هي مراكز تربية وتعليم وليست مراكز للنظام حتى يتم التظاهر امامها هل بعملهم هذا يسعون به الى تطوير سوريا فليذهبو الى الجخيم
samer
(105)   (133)
يا حيف علىى اهل حلب يعملوا هك بطلاب الجامعة هدول الطيقة العلمية يلي رح تبني المجتمع يا حيف بس
مسلة
(123)   (40)
في احد بالدنيا بيتظاهر بعد الساعة الثانية صباحا ؟؟؟؟
حلبية
(109)   (40)
للاسف مافي ولا طريقة حضارية
الظاهر كيف ما عبروا رح يكونو مو حضاريين و الهدف انه ما يعبروا بالمرة و يسكتوا عالاخر

الله يرحمون و يرحمنا بس :(
أب بكري
(77)   (72)
رح تضل هيك طولما هي "سوريا الأسد "
اللهم اجعل حكامنا خيرتا .. عضوضا عن نشحنا
حلبي حر
(185)   (146)
سكروا المدينة لتشبعوا ......... رح يجي يوم وناخد حقنا بإيدنا.... ونحن سكان حلب رح نحط طلاب المدينة بعيونا ...... فرعنوا لتشبعوا لنشوف مين بدو ينتصر بالنهاية
طارق
(107)   (55)
صارت العادة من الأخوة المتظاهرين كل ما نكشون الأمن وما رضيوا عليه (وارضاء الناس غاية لا تدرك) بيحملوا حالون وبينزلوا على هالمحلات وبكسروها وبحطموها وبقلعوا صحابها ... يعني بدك تفش خلقك فشو بالأمن هالعالم يلي عم تترزء ليش لتقطع برزقها؟ ... وأخر شي بتقعدوا تبكوا أنو الأمن ضربكون وقتلكون؟؟؟!!!...
رحمة الله على جميع الشهداء والشفاء العاجل بإذن الله للجرحى ... وحسبنا الله ونعم الوكيل ...
حلبي وبحب هل بلد
(88)   (22)
ولأيمت يعني بدنا نخلص بقئ لسا عصابات وبطيخ والله ملينا من هل قصة
ليش يا عكس السير
(126)   (128)


ليش ما حكيستوا عن الاسلحة والمتفجرات اللي شفناها بعيونا وهنن عم يطالعوا من سكنات اللي اسمون طلاب


ليش ما بتحكوا الصورة متل ما هي

وين الحيادية بالموضوع

واكيد ردي هاد ما رح يطلع


بالدمام
(199)   (134)
الى الأخ حلبي طول بالك بس تنتهى الازمة تظاهر ورفاع اللافتات اللي بدك بس سوريا هلأ مو ناقصة مظاهرات الله يرضى عليكم الجامعة للعلم والتعليم مو للمظاهرات ووكر للفارين !
الله يفظ سوريا بعينوا اللي مابتنام
حلبي حر
(94)   (45)
الله ينصرنا علظالم و يرحم شهدائنا
حلبي زعلان
(135)   (95)
لأنو بلد متخلف ،،، بيرمي الطلاب بالشوارع بس لأنو تظاهروا ،،،

ولا الطلاب كمان مجموعات ارهابية مسلحة ؟؟

شوفوا العالم برا ... وشوفوا التخلف اللي عنا بسوريا ،،،

هادا منظر هاد للطلاب بالشوارع وع الأرصفة !!!!
سالي
(85)   (52)
الله محي ياصل الحلبية ياحلب سوريا معاكي للموت الله يجيب العواقي سليمة
حلبي حر
(89)   (57)
كلامك صحيح ياحلبي التهم عندهم جاهزة اضيف لتعليقك اذا المغترب شارك في التعليق يقولون عميل وجبان يجلس وراء الانترنيت رغم ان المؤيدين في دول الخليج بخونوا المعارضة وبسبوا دول الخليج مرة قلتلهم اذا بتحبوا بلدكن اتركوا دول الخليج وعودوا الى البلد لانوا هدول دول محرضة صدقني لايستطيعون بس شاطرين بالتخوين والفلسفة ودائما ردودهم تتسم باللالفاظ النابية للاسف لكن ارجو من عكس السير ان يتحفنا بموضوع عن الشبيحة واللجان الشعبية ومن اين اوتي بهم ومن يمثلون من ابناء الشعب اولا اشك بان ينشر عكس السير تعليقي وثانيا لايملك الجراة في التحدث عن الشبيحة واللجان ومع ذلك اقول ياعكس السير بدات تتجه بالطريق الديمقراطي الصحيح ولاحظ نسبة المتابعة على موقعكم كم زادت وهذا شيء مبشر ان نسمع للراي والراي الاخر وهذه بعينها لفحات ديمقراطية تنمي ثقافة الحوار بين ابناء الشعب الواحد لا كما ادعى للاسف نجدت انزور ان شعبنا يحتاج لفترة طويلة لتعلم الديمقراطية انشروا ياعكس السير لا تخافوا والله التاريخ سيسجل لكم انكم بصمتم بمصداقية وشكرا
حلبي
(52)   (22)
يعني الي بيشوف عنوان الخبر بيقول انو عندكن الخبر اليقين والتفاصيل المؤكدة ,وبالاخر كلو طلع حكي عم تسمعو من طرف تالت وهو الصفحات المؤيد ة ,يعني اذامتل ماعم تحكو انو الطلاب بالاراضي وعالرصيف كنتو وقفولكن مع اي واحد منن واسألو شو صار بالليل ,مو تقعدو في بيوتكن وتجيبو اخبار من النت وتحسبوا علينا انو والله اشتغلتو الله يعطيكن العافية .ههههه
اللي بيشوفكن بيقول انو عايشين برا البلد!!!!
بنت حلب
(134)   (103)
الجامعة للتدريس ..مو للإجرام والفوضى والهمجية
اللي بدو يقعد بحلب ...لازم يحترم رغبة أهلها وما يخرب ويعمل بلبلة
كل مين بدو يتظاهر..ينقلع على محافظتو أو قريتو
العمى اللي يضربكم إذا عندكم ذرة ذوق ولا أدب
حلوا عن سما حلب واتركونا بحالنا
مستغرب
(76)   (64)
اللله محي اصلك ويرحم البطن الي حملك وكتر الله من امثالك بدنا نعبر بكل الطرق والي ماعاجبو مايقول مخربين طلاب الجامعات هني جيل البلد والمثقفين
حلبي وافتخر
(83)   (77)
ياخلق الله هي جامعة للتدريس مو للتظاهر اي خربتولنا دراستنا من ورا مظاهراتكن اي ركحوا بقا حااااااااااااااااااااااااااااااااااااااج
ابن حلب الشهباء
(80)   (50)
يعني بس بدي افهم باي حق بيقلعوا الطلاب وبيعطلوا الجامعات سمعت انو في ليبيبن وافغان كانو عم بيفخخوا الوحدات وبدن يفجروا حالن بين الطلاب!!!!!
ام التوأم
(70)   (47)
انتم ايها الطلبة تشاركوم في زعزعة الامن وقتل المزيد سوريا بحاجة الى الوعي والهدوء والامان كفانا قتل وخطف وترهيب وكفاكم حلب مو ناقصة خلوا الاطفال تنام بهدوء والنساء تحلم بالسلام مو بالقتل هداكم الله وحماكم الله ايها الشباب اينما كنتم جيش ام طلاب ام عمال كلكم اولادنا
مؤيد للاخ يحيى
(86)   (64)
انا معك الجامعة للعلم مو للغايات الشخصبة وطبعا نحن نعرف ان كل الموجودين في المدينة الجامعية ليسوا من حلب والله الجامعة عملت زينة العقل سكرت المدينة الجامعية و هلق كل واحد بيقدر يرجع لمدينته ويتظاهر على كيفو وخلوا حلب ترتاح بقى حاج زعرنة
حموي حقوقي
(29)   (36)
الله ستر وما كانو أكتر من 5 شهدا لكان دمهن ضاع ببلاش متل رفقاتن
عدنان
(62)   (61)
عنجد وصلت مع المنحبكجية عمل dislike على كلمة الله اكبر .في تعليق الاخ as
حمصي
(20)   (12)
يادمامي شقدك فهمان
any
(94)   (62)
انا بدي اسأل المتظاهرين (الأبرياء) ليش تظاهراتكن و مشاكلكن عم تتزامن و تتناسق مع عمليات كبيرة عم بيقوم فيا الارهابيين من قتل للجيش و الامن
- ليش ورا كل عملية ارهابية بيقوم فيا التكفيرين بتتصاعد احتجاجاتكن بدل ما تهدأ
- ليش ما بتكون مظاهراتكن خارج الحرم الجامعي يعني من اسمو (حرم ) ما بيجوز يكون ساحة للتنازع
اللي عم بيصير شي غريب جدا و يعاكس المنطق, يعني هدول الارهابيين (المعارضين) لما بيقوموا بتفجيرات أو عمليات قتل للامن و الجيش المفروض أنتوا يا متظاهرين تستحوا شوي و تبطلوا تتظاهروا و لو آنيا بس اللي عم بيصير العكس تماما
boss
(99)   (74)
وأخيرا تم اتخاذ هذا القرار .. اللي بدو يتظاهر يروح يتظاهر ببيتو .. لسا قاعدين في حضنا وبينتفو بدقنا واللي بيعمل بأيدو الله يزيدو
محمد
(68)   (60)
لما بيطلعو المؤيدين مسيرة فهنة ناس وبشر بيحقلون يعبرو عن صوتون... بس لما بتطلع مظاهرة ضد النظام منصير إما من مكان غير مخصص يعني الجامعة صارت للعلم بس برأي المؤيدين..وأحلى الشي بكل تعليق بحطلك وحدة سوريا الأ....
لا تنشروا إنتو كمان
مسلة
(89)   (82)
في اليابان امره اتصلت بالمحافظ باليل وايقظتة وقالت له يوجد عش غراب امام بيتها والغراب ينعق باليل ويزعجها ..... فارسل لها المحافظ رافعة وازال العش ...... وكيف احنا سكان جانب السكن الجامعي اذا شي الف غراب عم ينعق طول اليل ...ماذا نفعل ؟؟؟؟؟
إلى الأخ
(92)   (73)
من يومها الجامعات و طلابها هنن يلي بيصنعوا الثورات فيا ريت تصحح معلوماتك بعدين الأوكار يلي عبتحكي عنا مو بيت يلي خلفنا حتى نمنعا عن أهلنا مشان يقول حدا تاني قاعدين بحضنا و عبينتفوا بدقنا ؟؟؟؟؟ هاد مكان مدفوع حقه مني و منك و من كل واحد من ابناء الوطن لحتى يسكنوا فيه طلاب باقي المحافظات يعني مو عحساب يلي خلفه
نحن ما بدنا نمنن حدا بعدين إذا بدك تنتهي الأزمة لحتى تطلع مظاهرات ف عيش يا معلم لأنوا الأزمة ما رح تخلص لحنى يبطلوا جماعة الأمن يجيب قطعان الشبيحة لحتى تتدنس الحرم الجامعي و تدخل عمكان عايشين فيه أختي و أختك و بنتي وبنتك يا ترى شو شعورك لما مجرم و قتال قتلا بيدخل على بيتك ؟؟؟؟؟؟؟؟؟
طالبة من جامعة حلب
(114)   (139)
بس إنشاء الله انبسطوا ورفستوا عن نفسكم هي الفصل ثاني متل قلته ماأخذنا شي كامل وكل شي راح ضاروري كان ناخده عملي أم نظري وبالأخير راح نضل نقول الله سوريا بشار وبس وعاشت سوريا الأسد للأبد للأبد للأبد.
زاهر
(12)   (14)
انو بس بدي افهم كان كروز متة ترغواي ب 35 ليش صار ب 100

يعني سؤال يطرح نفسو وبعرف ما رح تنشرو يا عكس السير لانو انتو ما بتنشرو الصح دايما بكتب ومابتنشرو







على كل بتمنى من اللي بيحب المتة يأيدني
sword fish
(23)   (14)
بعد كل هالتعليقات اللي عم تنتهك وتسيئ لدماء اللي ماتو ما فيني قول الا عوجا
وانتو شعب اش ما صار فيكن قليل العالم والناس عم تموت و حضرتكن مزعوجين لأنه خربو عليكن حياتكن وقلقو عيشتكن و (دايائوكن)
واللي قال انه الجامعات للدارسة والجوامع للعبادة صح كلامه بس هاد مو مبرر لانتهاك حرمات هالاماكن واعاثة الفساد فيها لأنه مهما طلع منها بيضل اسمها جامعة وجامع

حسبي الله ونعم الوكيل بس
عاشق سوريا
(34)   (28)
هل يعلم هؤلاء الهمج الذين يخربون أن الطالب الواحد منهم يكلف الدولة ما لايقل عن مئة ألف ليرة سورية كل عام كي يتعلم ويحصل على شهادته الجامعية ليصبح مواطنا صالحا ، في حين أنه لا يسدد قسطاً يتجاوز ألف ليرة سورية. والمثال على ذلك أقساط الجامعات الخاصة. فهل بهذا الشكل يكافأ الوطن؟! وليتساءل هؤلاء لبهمج الذين يخربون ماذا قدموا للوطن للمساهمة في بناءه ، أم أن الحرية بنظره هي حرية التخريب والتعطيل والإجرام.. تباً لهكذا حرية
إبن حلب البار
(36)   (34)
هدول الطلاب الي طالعتون ضيوفنا أذا ماوسعتهم بيوتنا بتسعهم عيونا و,اذا انتم شلفتوهم هنن واغراضهم برا الجامعة رح نساوي اجسادهنا سجاد يدوسوا عليه
مجهول
(22)   (12)
انو اللي عمل ديس لايك ل (حلبي حر )ما بيعرف يقرا عربي الزلمة كتب (الله ينصرنا علظالم و يرحم شهدائنا) مين ما كان الظالم الله ينصرنا عليه والا في كلام تاني
q
(33)   (26)
انا برايي قرار اغلاق الجامعة صحيح لانو الموجودين فيها مو جايين ليدرسوا ومادام بدهم يتظاهروا وابطال يشرفوا يتظاهروا خارج الجامعات لازم الامن يستنى ليخربوا المدينة الجامعية ويحرقوها لحتى يدخل اسمو امن ولازم يضب هالفوضى
أيمن
(17)   (15)
*البلد بحاجة لكل أبناؤه و الطلاب هنن الشريحة يلي فعلا عليها المعتمد لبناء و مجد و عزة سورية
*الفترة يلي نحنا فيها بتتطلب منا الحوار و الإتفاق فسورية للجميع
*كلنا شفنا التفجيرات الإرهابية و تبنيها من قبل القاعدة لذلك صار لازم الأعمى يشوف يلي عم بيصير بسورية مو مطالبة بالحرية
الي عم بيصير احتراق داخلي لسورية ويلي بدو يتأكد يشوف تصريحات كيسينجر
حلبي للعضم
(27)   (21)
اولا انت تقليد ومالك اصلي واذا انت بدك تسكنن بعيونك الحلبية رح يسكنون....... سكروا المدينة بشكل نهائي وريحونا بقى حاج خيوووو شي بقرف
سوري
(31)   (21)
التعليم مجاني والسكن مجاني للطلاب واقساط الجامعة رمزية.هذا كله لا يعني شيئ لبعض الطلاب الفوضويين الذين قاموا باعمال التخريب.هدفهم فقط اثارة الفوضى .
ابو عبدو
(27)   (6)
عيب عليكون عيب ..... حاج كل واحد يتفلسف ويخون التاني

الوطن اهم من الكل

تحيا الجمهورية العربية السورية
محاضر
(26)   (22)
الى كل المعلقين الطلاب خط أحمر وهجوم الأمن غير حضاري وعيب لازم نحترم المعارضين وخليهم يطلعوا مظاهرات وين المشكلة ليش صغر العقل وبس تطلع مسيرات ما شاء الكل بيحميها عيب عيب كبروا عقلكم لسا معارض ومؤيد البلد خربت يا عالم استحوا على طلاب متل الوردة مشلوفين في الشارع ميشان هتافات
جامعة حلب
(23)   (18)
من يوم يومها الشباب وحصريا المثقف (طلاب الجامعات) هي اللي بتقود الاصلاح مو اغبياء الجيش والامن بفروعه الكتيرة اللي عنا الله يمحقون جميع
شي صار قدام عينا عناصر ما بيعرفوا يفكوا الخط بيعتدوا ع دكاترة جامعة وبيكسروا بلور الكليات وبيسبوا طلاب الجامعة لك اهون ما نعتوهن بالكلاب وهلقكبوهن برا الله ع الظالم منعيب عليهون ليش عبيتظاهروا هون اي لما بيكونوا اهلنا عايشين نفس الحال رح نساوي متلهون مو اكتر
حلبي وبس
(20)   (21)
هذه هي الفوضى الخلاقه التي بشرت بها كونداليزارايس وزيره الاداره الامريكيه المجرمه..فأي حريه وأي مظاهرات سلميه عودوا الى رشدكم وعدم تغييب العقل والمنطق والا..فهو الخراب بعينه ياطلاب الجامعه ..خافوا على بلدكم واحرصوا عليه ولاتلتفتوا لدعوات الغرب الكاذب المجرم
حلبية
(22)   (1)
ياجماعة لازم نفهم انو نحناكلنا سوريين ربي يحميكي ياسوريا
Bashar wbass
(10)   (15)
هذه آخر مؤامرة لتخفيض المستوى التعليمي لسوريا.
حقهم يسكنو المدينة الجامعية
(5)   (12)
بكل دول العالم في مدينة جامعية والدولة بتحميهم
مو قوتنا على ورودنا
الشباب ورود المستقبل والحاضر حرام خراب البلد وخراب مستقبلهم
وتقريب موعد الامتحان شو سببه
ممكن نعرف
بدنا تاجيل موعد الامتحان الى 15-6-2012
و
بدنا ترفع اداري شامل
بدنا ترفع اداري شامل
بدنا ترفع اداري شامل
بدنا ترفع اداري شامل
بدنا ترفع اداري شامل
بدنا ترفع اداري شامل
بدنا ترفع اداري شامل
بدنا ترفع اداري شامل
حلبي أصيل ومعتق
(34)   (29)
أنا بأكد أنو أنتة منك حلبي وأنك جاي من ريف حلب واللي هنن على راسنا من فوق كلنا أخوات هالبلد بس ماتسمي حالك حلبي ماشي لسا كل واحد بجي بسكن سنتين عنا بصير بسمي حالو حلبي ....

تاني شي هدد لتشبع ونباح لتشبع سوريا بدها تضل قوية بشعبها وجيشها ورئيسها والناس اللي فيها عقل وبتفهم واللي ناقصو شوية عقل أو وطنية بدنا نعلمو اياهون بالزوق أو بالغصب


حلب بدها اضل شوكة بحلق كل واحد بدو يطلع عليها بعين حاقدة واللي بدو يصير همجي ونوري يرجع على مكان ماولد ويتزعرن هنيك ومايوجعلنا راسنا

خربتوا البلد ودمرتوا معيشتنا ومستقبلنا يلعن هيك حرية إذا بدها تخرب البلد
سوري
(26)   (4)
في مقولة لمارتن لوثر كنج بتقول(علينا أن نتعلم العيش معاً كإخوة، أو الفناء معاً كأغبياء) فهل سيتوقف الغباء يوما ما في بلدي.
نريد السلام
(22)   (10)
اين حق حرية التظاهر المزعوم بعتقد طلاب الجامعات كان تظاهرهم سلمي
شادي منصور ياسين
(28)   (15)
اتمنى ان تقبل عكس السير شهادتي و تنشرها
انا من سكان المدينة الجامعية و شاهدت ما حصل على مدى 12 ساعه شاهدنا تصرفات مشينه من بعض الطلاب ممن يدعون ان اهلهم يقتلون او يتعرضون للاضطهاد في مدنهم وقراهم و تم على مدار اليوم قبل بدا التظاهر الدخول للغرف و اهانه طلاب الذين رفضوا التوقيع على ورقه كانت معهم اردوا ان يقدموها لجهات صحفيه او امميه و كل من يرفض تقديم بطاقته الشخصيه حتى يتم تسجيل اسمه و رقمه المدني كان يضرب و يهان و تم سجن عدد من الطلاب داخل التواليتات و حاول بعض هؤلاء المشاغبين انزال علم كبير من على سطح الوحده و تم افتعال المشاكل عن طريق التجمع بممرات الوحدة و البدا بالتكبير والهتاف و اغلاق باب الوحدة بالاسرة و منع اي طالب من المغادرة و بدأ الاستعاداد لمواجهة و اعتصام داخل الوحدة حيث حاول الطلاب ان يجمعوا كميه من الطعام داخل الوحدة و تم العمل على وضع مكرفونات على الطوابق العليا مع مولدتين للكهرباء و كميه كبيره من البنزين و عبوات الكازوت الفارغ و للاسف هناك عدد كبير من الذين تهجموا علينا داخل الوحدة لم ارهم بحياتي في الحرم الجامعي او المدينة الجامعيه
دغموش
(21)   (18)
أرقى دولة بالعالم يعني بسويسرا مثلا لما حدا بيطلع مظاهرة طلابية او عمالية او فلاحية او شوماكان بتلاقي الامن فورا اجا واشتغل الحزم والغازات والاعتقالات بس بطريقة الطف من عنا ليش؟!..
لأنو مظاهراتهم حضارية واعتصاماتهم صامتة وشعبهم افهم مننا للاسف لأنو بيعرف شو بدو انتوا يا معارضين من سنة وشهر لحد الان كل جمعة اسم جديد وعايشيين بالوهم الجيش بدو ينشق السفراء بدهن يتركوا الدولة النظام يترنح اخر ايامو عدا المسبات والتشهير واذا حدا مؤيد لازم يموت لأنو ما بيفهم .....شو قدمتوا للبلد ؟منجزاتكم العظيمة؟انتوا وقووووود بس مابدفي.
هاااااااااااااااااااااااااااااااااااااااام
(40)   (18)
بدي اسأل سؤال اذا في حدا فهمان شو عم يحكي يجاوبني
اذا طلعو العمال بمظاهرات بيقولو هدول جاهلين شو فهمهن بهالشغله.
واذا طلعو موظفين بمظاهرات بيقولو هدول بدهن يخربو البلد مشان يغطو على سرقاتهن.
واذا طلعو طلاب مدارس بمظاهرات بيقولو هدول شوية اولاد.
واذا طلعو مصلين من الجوامع بيقولو هدول اخونجيه وسلفيه.
واذا طلعو ناس ما الهن لا شغله ولا عملة بيقولو هدول صايعين.
واذا طلعو طلاب جامعات من طلاب طب وصيدله وطب اسنان ومهندسين ومحامين بيقولو هدول شغلتهن الدراسه وما الهن علاقه بهيك امور.
بقى السؤال بدي افهم اذا بدها تطلع مظاهرة ممكن اعرف اي فئه من المجتمع هي اللي لازم تطلع
الوطن يناديكم
(21)   (1)
دعونا من حديث التناحر والعصبية

من يريد ان يبني الوطن فالوطن فوق الجميع

فالوطن إلا الوطن لانه اذا دمر تدمرنا جميعا وبقول لكل الاطراف اصحوا بقا حاج مشاكل شمتوا العالم فينا
حلبي
(12)   (6)
يعني انت المالك الحقيقي لمدينة حلب؟؟؟؟؟؟؟؟؟
حبيبتي سوريا
(20)   (4)
ارجوامنكم ياأبناء سوريا الأعزاء أن تتأملوا النتيجة بالعقل من الذي يقتل أو يجرح إن كان ثائرا اوجنديا اوعنصرأمن
الجميع ابناءنا أخوتنا اقاربنا
واسرائيل وأمريكا حققتا غايتهما
فالقتل والدمار في بلادنا العربية
والازدهار والرفاهية في بلادهم
زرعوا الفتن بين العرب وجلسوا بعيدا ينظرون يشمتون
اريد الجواب لسؤال واحد هل امريكا واسرائيل تحب العرب؟؟؟
خالد الادلبي
(22)   (12)
نحن طلاب ندرس من الحضانة حتى نهاية الدراسة الجامعية ببلاش على حساب الدولة ونسكن ونتعالج ببلاش أيضا بعكس كل الدول المحيطة بنا وتريدون اسقاط هذه الدولة؟؟؟؟هل كل من يتظاهر يستطيع دفع أقساط مثل لبنان والأردن وتركيا أم كنتم ستبقو في الشوارع؟؟؟؟ان الحق شمس لا تحجبها غيوم الفاجرين.
رينالدو
(24)   (25)
قرار اخلاء المدينة الجامعية ( غبي بامتياز)
النمر الحلبي
(19)   (18)
أيها المندس معقول رشاش عمبيرش على الطلاب ومات "8 بس على حد زعمك "
أيه حاج كذب على الناس بقى
والله قرفناكم وقرفنا كذبكم
الى ع ز س
(29)   (21)


اطفال بعمر الورد تعتقلن؟؟؟

الاطفال اللي بعمر الورد بتحمل سلاح وبتقتل الامن معليش بس ما بيصير ينرد عليها او تعتقل ؟؟

شو هالمنطق ؟؟

يعني لو اقارب حدا من شهداء الامن سأل ليش ما حدا ردع هالطلاب المسلحين شو بيقولولو ؟؟ هدون اطفال بعمر الورد ؟؟


وشو هي يا حيف رصاص ع العزل ؟؟

ليش عنصر الامن اللي حامل سلاح بيصوب سلاحو الا ع المعتدي

ولا اذا المسلح صوب سلاحو ع عنصر الامن معليش واذا عنصر الامن رد النار بالنار صار غلط

لكن هوي ليش مهمتو امن ومسلح مو لحماية العزل من هيك خونة مأجورين ومسلحين لمهمات حقيرة

خير
(18)   (6)
يا سيد عدنان النحوي مستخرج اشتقاق اسم الفاعل المنحبكجية ما عترض حدا ع الله أكبر الاعتراض كان ع ادعائك بوجود من يحرمك من قولها
فبسورية لم نحرم من حرية الاعتقاد وممارسة العقيدة يوما ولن نحرم من ذلك بإذن الواحد الأحد الرجاء فهم سبب dislike لاحقاً
مصيافية عم دور ع الحقيقة
(11)   (7)
تأكدنا ان بداية المشكلة بالمدينة ان طالب من "جب رملة"في حماة من عائلة زيود وجد مذبوحا في غرفته والخبر أكيد لاننا نعرف العائلة جيدا...................بقى شو رأيكن يااااااحلوين؟؟؟؟؟
daliror
(28)   (28)
شاهد عيان وطبعا عندي ثقة فيه أكتر من الكل .....
انو الاسلحة اللي طالعوها من الوحدة السكنية دخلت ع المدينة بالليل من قبل رجال الأمن ودخلت الكمرات وصورت الأسلحة على انو الطلاب مفوتينا..
ولك مجنون يحكي وعاقل يسمع.. كيف قدرو يدخلوها الطلاب ....واذا كان الحكي مظبوط وين الأمن اللي بضل على بواب المدينة والمتواجدين بكثافة وبشكل مخبى؟؟؟؟؟؟؟؟؟؟؟؟؟؟؟؟؟؟؟؟؟؟حاج ضحك ع اللحى حاج استخفاف بعقولنا....ولك اكزبو كزبة بتتصدق
تحية إلى الأخت حلبية
(27)   (24)
الجامعة للتدريس ..مو للإجرام والفوضى والهمجية
اللي بدو يقعد بحلب ...لازم يحترم رغبة أهلها وما يخرب ويعمل بلبلة
كل مين بدو يتظاهر..ينقلع على محافظتو أو قريتو
العمى اللي يضربكم إذا عندكم ذرة ذوق ولا أدب
حلوا عن سما حلب واتركونا بحالنا
طالب ..
(5)   (13)
قلتلي بالهواء موو ؟؟؟
مواطن سوري
(19)   (15)
انا شايف يا عكس السير انكم تقومون بل التحريض وذلك من طريقة كتابة الخبر اين الموضوعية والحيادية ولا صرتو معارضين لازم تشوفو التخريب يلي صار من ايدي الطلاب ارجو النشر
سوري
(21)   (14)
الجامعة للدراسة والجامع للعبادة. والذي لا يحترم ذلك يجرّ الجامعة والجامع قصدا الى كوارث لكي يتباكى عليهما لاحقا.
بس الحق عالدولة اللي بتدخل عشرات الآلاف الى كلية الاداب مثلا ولا تهتم بالمهن المفيدة اقتصاديا.
للأسف كثير من الطلاب لم يدرسوا هذا العام.. يذهبون الى مدارسهم صباحا ويخرجون بعد دقائق بحجة التظاهر ويا ريتهم بيرجعوا عالبيت بقضّوها زعرنة وصياعة(طبعا هذا ليس هجوم على المعارضة بل على من يستفيد من هكذا اجواء سيئة)
جامعي
(36)   (30)
في الشهر الأول من ال2012 وقفت في الجميلية تحت المطر من الشاعة 9 الصبح للساعة 8 مسا مشان جرة غاز واحدة بسبب جماعة الخرية. بقا الطلاب اللي بقيو في الشارع بيتحملو ليلتين لبين ما يرجعو عبيتون و خصوصي إنو الدنيا ربيع يعني ما في برد هيك منتشارك كلياتنا بالهم اللي خلفوه جماعة الخرية.

وللفهيم تبع الDislike حبيبي ما عم نحطو على "الله و أكبر" عم نحطو على حق يراد به باطل.
ror
(13)   (6)
بس لو في حدا مصور وموثق تدخيل الأسلحة ع المدينة....لو حدا مصور من الطلاب شو صار بالظبط....كان بينبل قلبي واللي عم يكزب بيختفي صوتو
حلبية اصيلة ..
(11)   (3)
أول شغلة لة لكل بساطة السلاح بيتهرب ولا حدا يعمل حالوا ما بيعرف سور المدينة الجامعية كيف كلو فراغات بين القضبات و كيف إنو مو كتير عالي و بإمكان اي حدا ينط لجوا المدينة من أي منطقة و كل بنعرف إنو الحرس موجود بس عند البابين الرئيسين .. و باقي السور ماعليه حرس ... يعني أي ضخص فيه يمرء سلاح بنص الليل .. فلا حدا يعمل حالو ذكي و المؤيدين كذابين و الأهم من هيك كلنا عنا شهود من ضمن المدينة الجامعية و حكولنا كيف الهمج عم يخربوا
وسام الحق
(7)   (10)
أنا بس بدي أفهم شغلة الطلاب محسبين حالن عبحررو فلسطين ولا الجولان مثلا ؟؟؟ إلى الطلاب الجهلة يلي مابفهمو معنة كلمة الله أكبر هذه الكلمة تقال على الكفار عند المعركة مو على أتباع السلطان وؤلي الأمر منكم .. روحو فهمو معنى الله أكبر بعدين تاعو عووو لتنشرطو ..ياترى بتعرفو شو يعني حرية ؟ ولا بس عبتشهنقو فيها لتقلدو مصر وليبيا ؟؟
حقوقي
(15)   (6)
انا مؤيد وبطلع مسيرات معناها انا وطني ومواطن صالح وشريف
انا معارض وبطلع مظاهرات معناها انا عميل واخونجي وسلفي ووسخ وماصوني ويهودي وبقبض مصاري من برا وشو كمان يا حزركون .. رفقة عمر انا وبندر وحمد

طيب الي عم يقول ينقلعو من حلب .لتكون حلب لألك ولا سيف الدولة والحمدانية والصاخور وصلاح الدين والاعظمية ومساكن هنانو والباب والمرجة وبستان القصر والفرقان مو حلب ليكونو حماه ومالنا خبر. والي عم يقول انقلعو من المدينة .ليكون قاعدين في بيت الي خلفك ومالنا خبر .ليكون ما عم ندفع ضرايب .ليكون النظام معيشنا ع حسابو . والي عم يقول قاعدين مجانا وباسعار رمزية ليكون الرواتب خيالية والمساعدات خيالية وعم ندفع مبالغ رمزية للمدينة والترف منتشر . هي بلدنا غصب العنك وعن نظامك هي اول شغلة
تاني شغلة حددولنا اين فئة لازم تعترض مو منشان شي منشان ما يكون الكون حجة
تالت شي الي بلدو عم ينقصف والي اخوه او ابوه او امو ماتت اكيد رح يتظاهر غصب .. اكيد المنحبكجية هلئ بيقولو اي في الجهنم يموتو

لك الموت مو هيك يا عالم
رابع شيي الخاين هوي الي بيخون شعبو مو الي بيخون رئيسو
خامس شي . الي عم يقول . في سلاح بالمدينة وما بعرف شو .
شو منشان الأامن والمخبرين والمفرغين من الحزب . بيطلعو قد الطلاب .بئا حاااااجتكون .وحيات الله . بيوتنا لطلاب الجامعات
كل دول العالم بتدلل طلابا الا نحنا مندوس في قلبون

الي استحو ماتو او عم يموتو .والمنحبكجية بقو


رحمك الله شعبي
daliror
(2)   (2)
الله الله ياعكس السير.... حذفو شو مابدكن. قال صدقنا انو صارت سياستكن تعتمد ع الشفافية والحقائق اي ما قدرتو تخلو تعليق دغري حذفتو.... اذا الاعلان الحر ع اساس حر هيك...حدث ولا حرج
واحد من الناس
(5)   (3)
المصيبة أن يكون مدعي الثقافة هم أكثر الناس همجية
اللهم ألهمنا سبل الرشاد
وخلصنا من التعصب الأعمى
ياأهلنا في كل سورية البلد أمانة في أعناقكم لا تدعوا الغريب يقودكم لتدميرها بجهلكم
اسير الصمت
(8)   (5)
بدكن تقولوا عن المتظاهرين مندسين .مخربين شو ما بدكن قولوا .بيضل رايكون.بس تقولوا انو دخل عل السكن جماعات ارهابية مسلحة مع العلم انو التفتيش عل البطاقة الجامعية .هيك تخنتوها كتير .وصلنا لدرجة نكذب عل حالنا .مين منا ما عندو رفقة بالسكن .اكيد منصدق رفقاتنا و حكولنا شو صار .و لا تنسوا انو طلاب السكن هنن بالنهاية قبل ما يكونوا طلاب ادلب او حمص هنن طلاب سورية وبضيافتنا وعيب هالحكي يلي قرآتو عنن من بعض الناس يلي ما بيمثلوا الا حالون
حلبي
(12)   (6)
شوية أدالبة مغمورين بدهن يمشوا حلب على كيفهن وحلب هي ولية نعمة ادلب وأهلهااا ,,, المدينة الجامعية تؤمن السكن لهم بأسعار رمزية ومع هالشي كذبوا الكذبة وصدقوهااا (( تم طردكم الى ضيعكم متل ......)) لا تقدر النعم إلا حين تفقد

باااي ادلب
مقهور
(4)   (0)
... حرام والله حرام ... عم نخرب بلدنا بايدنا .. حاجة بئى ..مندسين وشبيحة
صار الدم عادة ...وين حب السوريين لبعض وين غيرتنا على بعض ... حرام عم نقتل بعض حرام
متيم أسير
(9)   (6)
بالنسبة للموضوع كله الخطأ من بعض الطلاب المخربين والذين يملكون نعرة طائفية ...

يجب على الأمن أن يبدأ بالضرب بيد من حديد و إعتقال من تسبب بإفتعال المشاكل و محاكمتهم علنا أمام الجميع ....

من يريد أن يتعلم فأهلا وسهلا به ولكن من يريد المشاكل و الزعرنة فنرجوا منه العودة إلى مدينته أو محافظته وفعل ما يشاء هناك ...ولكن في محافظة حلب الشهباء لا وألف لا .....والشعب الحلبي لا يرضى بالمشاكل وإذا لم يستطع الأمن إيقافهم فالشعب الحلبي موجود وسيوقفهم عند حدهم .....

بدكم تتظاهروا وتتخانقوا مع الأمن والجيش روحوا على محافظاتكم ومدننكم ....حلب فاتحة بوابها للتعليم و العيس بسلام وليس للمشاكل ...

لا أقول سوى حسبنا الله ونعم الوكيل ....

طلاب جامعات ويتصرفون بهذا الشكل المعيب و المسيء لإسم جامعة حلب .

سلام
حر
(7)   (12)
أسلحة بالجامعة والله شي بيضحك
اذا سندويشة فلافل ما بيسمحو يدخلوا الا ليعرفو اذا بمخلل ولا بلا مخلل و ياخدو جماركا
بس يا حيف....
انس
(12)   (10)
حلب ام المحاشي والكبب مو فضيين لمظاهراتكن وعلاككن هاد يلا كل واحد بالجامعة يقحط عضيتو خربتو البلد الله لايوفقكن
s
(3)   (3)
ليش انتو بتحططو الحق ع الطلاب ليش مابتحططو الحق ع وزارة التعليم ولا انتو صار فيكن متل المتل يللي بقول(لمما بتخافو من الجلاد بتحططو الحق ع الضحية)
من حلب
(2)   (4)
أنا بدي أفهم كيف يعني دخلت الأسلحة عالجامعة ووين الأمن ووين عيون الأمن ؟؟هاد حكي كلو فاضي بالأخير هي عقوبة لطلاب جامعة حلب لأنن بيتظاهرو كل يوم وإذا كان يلي بيتظاهروا مو من حلب ليش سكروا كل الجامعة مو في طلاب حلبية ؟ ومين بيتظاهر بأحياء حلب كمان طلاب ؟ ؟ حلب طول عمرها كانت حرة ولكن عطينا فرصة بأول الأحداث لصوت العقل بس للأسف ارتفع صوت السلاح والمدافع مشان هيك حلب هبت للدفاع عن أهلنا في بقية المحافظات ضد الجبروت والقتل ...أنا بدي أفهم إيمتى بدنا نخلص من نظرية المؤامرة وبالمناسبة مشان المؤامرة روحوا وقرؤوا بوثائق ويكيليكس عن فضايح النظام الممانع والمقاوم يلي بتأيدوه وكيف زياراتو السرية لقبرص والإتفاقات الأمنية السرية مع أمريكا شغالة من تحت لتحت ونحن لسا منقول مؤامرة يرجى النشر ..!!
فلسطيني
(6)   (0)
بكفي يا طلاب يا متعلمين الجامعة منبر علم وليس منبر تخريب ليش ها العملليش التخريب شو ناقصكم ليش خربنوا حلب حرام عليكم عودوا الى رشدكم
هايدي
(7)   (12)
الى كل ؟مار مؤيد .....
بيشبه سوريا لفرنسا و اميركا وجزر الواق واق .
وانو لازم يكون في رخصة تظاهر بحب ئلو .
ممكن تحط ؟رماية عتيئة بتمك ئبل ما تشبه ...
ليش حدا بيسترجي ياخد رخصة ...
رحمة الله على شهداء الحرية في كل سوريا واللعنة على الصامتين المتخاذلين ........
موجوع
(8)   (4)
اللي عم يموتو شباب يا من تنعتوهم بالالفاظ اللي رباكم النظام اللي عم تركعو وتسجدو الو بيكونو هالشباب ارجل واشرف من كل مين بيايد وبيحكي بالشرف لانو ما عاش ولا شاف الشرف عند اهلو
طالبة جامعية
(13)   (10)
اسكتوا يلي عم تتفلسفو
بدون ما تعرفو شي
ولا تشوفو الاحداث على الواقع
انا ساكنة بالمدينة الجامعية وعم شوف الواقع

في ناس دايما بقولو حفظ النظام هو المحقوق
بس للاسف انه الطلاب يلي عم يصنعوا المشاكل والمظاهرات التخريبية الساعة 3 صباحا
مشاجرات بين الطرفين للصبح
بكل اشكال الطرق الممكنة
سكاكين عصي حجارة .....الخ
وبعدها رح يضطر حفظ النظام للتدخل مشان فض المشاكل ويمنع هالفوضى يلي مسمينها مظاهرة من اجل الحرية
ولحد هلا انا ما سمعت اطلاق نار لا من حفظ النظام ولا من غيرو
الليدي جلنار
(6)   (3)
حسبي الله ونعم الوكيل بس
حلب الأسد
(10)   (9)
لن تستطيعوا أن تخربوا حلب التي أحببت
إنسان
(3)   (2)
إلى النمر الحلبي
عجبتني كتير كلمة (مندس)طيب يعني أسطورة العصابات المسلحة هي الحقيقة لك إذاكانوا ال12 عين اللي فجرها سيدناموسى كانواخلصوا
وأنتواياعكس السير إذاكنتوا بتحترموا آرائناكقراء عنجد بتنشروا (هي ماحكيناشي بيجرح)
اسماعيل الحمصي
(10)   (4)
طول عمركم بترددوا وحدة وحرية
وجرايدكم الحرية والثورة وكلمات الرئيس التاريخية وكلها تاريخية عندكم تتحدث عن الحرية والثورة
ويوم جد الجد وتفاعل الشعب مع هذه الشعارات انكرتموها عليه وذبحتوه واعتقلتوه ودمرتوا بيته وقولتوا له بدكن حرية كنت عم تتسلوا فينا اول ولا خربتوا المناهج الدراسية بالقومية الا اذا كانت حريتكم غير حريتنا
إنسان
(4)   (1)
إلى النمر الحلبي
عجبتني كتير كلمة (مندس)طيب يعني أسطورة العصابات المسلحة هي الحقيقة لك إذاكانوا ال12 عين اللي فجرها سيدناموسى كانواخلصوا
وأنتواياعكس السير إذاكنتوا بتحترموا آرائناكقراء عنجد بتنشروا (هي ماحكيناشي بيجرح)
عبير وبدمي سوريا الاسد
(8)   (13)
يارب رحمتك بس
شو لسا بسوريا ما صار
سلاح عم يتوجه لصدور رجال الامن حامين الأرض والعرض
لك بس ليش
لك يلعن ابو المصاري لوصلتكون لخيانة البلد
ما حرام ....عم تقتلو روح وتحرقو قلوب وتيتمو اطفال لرجال ندرو ارواحن ليحموكون ؟؟
هي رد الجميل
ولله العظيم بسوريا رجال ناطرين الموت لتعيش سوريا
حرااااااااااااام ياناس حرقتو قلوبنا بيكفي ؟؟؟
عااااااااااااااشت سوريا الاسد
وأن اليد التي ستمد على جيشنا ورجال امننا سنقطعها
science, logic & belief
(12)   (9)
إيييييييه ما كملت فرحتك يا حلب بالاستقرار ولكن اعلمي يا حلب أن دمشق معك ليس لأن كلانا نصفق للنظام السوري على الهوبالينا .. بل لأننا ببساطة شديدة جداً لا نريد لدمشق وحلب أن يصبحا بابا عمرو والفلوجة.

مرتزقات صهيونية خربت حمص وأكيد كلامي ليس موجه لجنود الجيش الحر المغسولين الدماغ الذين لا يدركون أنهم أداة صهيونية ظانين أنهم يخدمون سوريا.
كلامي موجه لكافة اتباع بني صهيون سواء كانوا في مراكز قيادية أو فردية.

سمعت أكثر من أخ حمصي يقول:
1- نيالكم يا دمشق على الاستقرار .. يلعن أبو المظاهرات والجماعات المسلحة.

2- يا عديمي الناموس يا شوام ليش عم تسهروا وتشوفوا أفلام سينما ومقاهي وما عم تطلعوا مظاهرات متل حمص!

يا جماعة الخير .. أهل حمص الكرام على راسي وعاني وإخوتي بالبلد وعندي ياهم أهم من النظام السوري بمليون مرّة .. بس يعني والله الشغلة ما بدها عالم ذرّة ليفهمها!!
لم نفقد عقلنا لكي نختار الخراب والموت!!
يعني بالصرماية لازم غص من عن راسنا نشارك بالثورة؟؟؟

لك الله يهينكم فيها .. بس كرمال الله .. لك كرمال الآلهة والإنسانية .. لا تلومونا وتتهجموا علينا.

طلاب الجامعة .. لك التهو بدراستكم ومستقبلكم وكفى موت وخراب.
نجلاء سنكري
(11)   (9)
ما قصروا فيكن لأنكن محولين الجامعة لمكان مظاهرات او صعلكة
كان لازم يقلعوكم من زمان
قاتل البريء خائن
(7)   (2)
قاتل بريء ليس من أبناء الوطن
خائن مين ما كان يكون و إلبى جهنم بإذن الله وليدافع عنه من أمره بالقتل
اسير الصمت
(2)   (0)
ما في اي اسأة .ليش ما نشرتوه يا عكس السير
samer homsi
(7)   (9)
ياأخي والله شي غريب
لك اللي عم يتظاهر ضد النظام اللي مسكنه ب 25 ل س بالشهر يروح يدفع 400.000 ل س بالجامعات الخاصة !!!!!!!
يعني أوقح من هيك ماضل ,قاعدين بحضنا و عم ينتفوا بذقنا !!!!!!
ابو علي /حلب
(10)   (5)
السيد شادي احد الاشخاص الذين قالوا كلمة ,, حق ,, ولن ازيد على كلامه ,, لانه هو كان موجودا على مايبدو ,, بينما انا سمعت من طلاب كانو موجودين ,, وللاسف فان مجموعة من الشباب قد اصيبو ا بحالة من الهياج الغير منطقي ,, واصبح عندهم عملية احتلال لعقولهم ,, فتلبسهم الفكر الاسود ,, والحقد الطائفي ,, وليس هذا فقط ,(على خطورته) ولكن باتوا مستعدين للتهجم على اي شخص حتى لو كان جاره بالبيت او زميله بالكلية ,, لمجرد انه لايؤيده في ثورته!!
سوريا الامل
(5)   (1)
شباب لاتقول الامن ع يضرب الامن ع ياخد حقنا وبس روحو ع العراق وشوفو سجن ابو غريب شو التعذيب الي في هيك بدكن انتو حااااااااااااااااااج اصحو ومين ماكان السبب الله ياخدلنا حقنا وبسسسسس
منطق
(8)   (2)
موضوع ادخال السلاح الى الجامعة أكيد ما بكون من البوابات بشكل طبيعي, واذا شوي بتحاول تشغل مخك بتكتشف انو شقد ما بدك سلاح بحسن أعدي بسيارة وعند نقطة منتفق عليها على سور المدينة(وما أطوله) بشلفلك المسدس أو حتى الروسية بكيس من بين قضبان السور وبتم ماشي.
علوشان
(10)   (12)
اللي عم يتفزلك وعم يقول هي جامعة للدراسة مو للتظاهر طيب وقت كانت مسيرات التأييد تطلع من الجامعة ليش ماكنتو تحكو عليها!!!!!!!!!!!
مقهور
(10)   (17)
يقول هتلر : احقر الناس هم اللذين ساعدوني على احتلال بلدهم و يلي عم يتظاهروا احقر من يلي ذكرهم هتلر
مواطن
(11)   (5)
الجامعة هي للتعلم ولقلب أنظمة الحكم الفاسدة كما حدث سابقا في المظاهرات ضد الاستعمار الفرنسي ثم بعدها ضد الاقطاعين والبرجوزيين حتى ركب الموجة حزب البعث واستغل تحركات الطلاب المنادية بالوحة ةالعدالة الاجتماعية ليصل الى الحكم ثم يتنكر لكل أهدافه ولمن أوصله للحكم ويفسد في الأرض ولعنة الله على الفاسدين
حلبي مراقب
(10)   (7)
انا متاكد كثير من المتظاهرين لا يعرفون شيئا عن الحرية
غريب في وطني
(1)   (0)
اول اشي لا تسوا عنصرية ونتو مش عارفين لممن بتحكو معارض او مؤيد كلنا سورين وكل واحد حر برئيو يا جماعة واكيد ما بنحب حدا يخرب البلد لانها بلدنا كلنا مافي حدا ما بغلط واحسبوها ماهي رايحة غير ع الشعب يلي هو احنا لا النظام ولا المعارضة سائلة ع راحتنا ما بقدر قول غير ربنا يقدم يلي في الخير لسوريا وبس والصلاة والسلام ع رسول الله
طالبة من المدينة الجامعية
(4)   (6)
بس حابة إفهم البنات شو ذنبن بالي صار حتى يتقلعوا ووين منروح بحالنا لما يبدا الدوام ؟ شو يا أهل حلب الي عاملين حالكن شرفاء مكة وما في بنت بتمر من حدكن حتى تعبوها تلطيش؟ لاقولنا حل وين منروح بحالنا؟ ولا بلالن التعليم بنات المحافظات .
بنت ما شافت النوم ليلة الإربعاء في المدينة الجامعية_حلب_
حبيبتي سوريا
(4)   (3)
والله حرااااااااااااام يلي صار حرام عليكن عشنا ليلة ما منتمناها للأعداء لك أصحو بقا صوت الرصاص للصبح وصوت المظاهرات ما سكت لك بس بدنا نريح راسنا لك ياحيف بس
محمد
(11)   (6)
ياعيب الشوم عليكم يا متعلمين يا مثقفين القضية صارت قضية وطن مو قضية نظام اصحوا قبل فوات الاوان ولا ترجعونا للوراء وتخلو العالم كله يضحك علينا ولا تخلو الجامعات منابر للفتنة والخراب
اسماعيل الحمصي
(9)   (9)
لماذا يصعب عليك ان تستوعب ان الحرية حق ولافائدة ولااهمية للتمتع بالحقوق الاخرى ان كنت مسلوب الحرية
لماذا النظام يتعامل من اربعين سنة مع المواطنين انه مجردين من حقوقهم المدنية
يلعن حظي
(0)   (0)
البلد خربت يا اهل النخوة عووووووو عووووووووووعوووووووووووعووووووو ههههههههههههه نعن حظي دا كلام زبالة عوعوعوعوعوعوعوعو هههههههه
أبن الحسكة السوري
(1)   (0)
يا شباب الله يستر عليكون ولله عيب, يعني لو بغير دولي كانت الدمرت حياتكن, خلص كل واحد يحط عقلوا براسو ويدرس, الجامعة للدراسة وألي يريد يخرب هاي أسرائيل مو بعيدي. مو نساوي حالنا رجال عبعضنا.
hussam
(0)   (0)
اخ يا حلب
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " شباب و طلبة "

10-3-2015
وزيرة التعليم الألمانية تعتزم توفير دعم تعليمي إضافي لأبناء الأجانب
    تعتزم وزيرة التعليم الألمانية يوهانا فانكا توفير المزيد من الفرص لأبناء المهاجرين في ألمانيا. واعتبرت الوزيرة في تصريح ...


24-2-2015
الإعلان عن موعد بدء التسجيل في برنامج المنح الدراسية التركية
أعلنت "مؤسسة المنح التركية (Türkiye Bursları)" عن فتح باب التقدم بطلب الحصول على منحة للدراسة في تركيا لكل ...


22-2-2015
12 ألف طالب في التعليم المفتوح يوقفون تسجيلهم في جامعة دمشق
قالت وسائل إعلام النظام عدد الطلاب الذين تقدموا بطلبات توقيف تسجيل لبرامج التعليم المفتوح، بلغ 1200 طالب في ...


20-2-2015
ألمانيا تعترف بالمؤهل الدراسي لأكثر من 25 ألف مهاجر
أفادت بيانات صادرة عن الحكومة الألمانية بأنها اعترفت حتى الآن بشهادات أكثر من 25 ألف مهاجر يقيمون في ...


18-2-2015
مديرية المنح و البعثات في الحكومة السورية المؤقتة تطرح استبياناً لمعرفة عدد الطلاب المنقطعين عن الدراسة
طرحت مديرية الإحصاء و مديرية المنح والبعثات في وزارة التربية والتعليم في الحكومة المؤقتة استبياناً لمعرفة عدد الطلاب ...


14-2-2015
أفضل 10 جامعات في تركيا لعام 2015
أعلن مركز التنسيب و التقييم والاختيار في تركيا (ÖSYM) ترتيب الجامعات على مستوى تركيا لعام 2015. ووفق هذا ...


14-2-2015
الأوراق المطلوبة للتسجيل في الجامعات التركية
الأوراق المطلوبة للتسجيل في الجامعات التركية   اضغط على الصورة لرؤيتها بالحجم الكامل     عكس السير ...


9-2-2015
جامعة غازي عنتاب تفتتح أكثر من 20 برنامجاً باللغة العربية
أعلن رئيس جامعة غازي عنتاب أن مؤسسته التعليمية تستعد لإطلاق أكثر من 20 برنامج في اللغة العربية، بما ...