عودة الاتصالات الخلوية إلى إدلب و شركتا الخلوي تطالبان بمستحقات
الثلاثاء - 24 نيسان - 2012 - 16:37 بتوقيت دمشق
التفاصيل
إعلانات


عادت شبكتا الاتصالات الخلوية صباح اليوم في مدينة إدلب و بعض مناطق الريف إلى العمل بعد توقفها لفترات متقطعة كانت آخرها تزيد عن 4 أشهر.

و أكد أهالي إدلب المدينة و بعض مناطق الريف مثل خان شيخون و سراقب عودة الشبكة الخلوية للعمل فيما استمر الانقطاع في مناطق أخرى مثل تفتناز .

و شهدت عدة محافظات سورية انقطاعات في الاتصالات الخلوية و خدمات الانترنت و الهاتف الأرضي في بعض الأحيان تزامنت مع أحداث عنف شهدتها تلك المحافظات.

و يشكو المواطنون في المحافظات التي تشهد انقطاعات لخدمة الاتصالات الخلوية من استمرار مطالبة شركتي الخلوي بما تسميه "مستحقات" عليهم عن خدمات لم يستفيدوا منها أصلا خلال فترة الانقطاع.

عكس السير


التعليقات :
د.كمال
(70)   (4)
لنطالب أن تلغى أجور الاتصالات للأشهر الثلاثة الأخيرة الماضية
انا ما انا
(117)   (11)
اي حقون ما بدون كمان عطل وضرر ؟
طب عكس السير شو سبب الانقطاع
عجب مجموعة ارهابية مسلحة مندسة تابعة لقطر مسيسة من اسرائيل بأمر اميركا قطعت الخطوط يا ترى ؟؟
سومي الحر
(114)   (7)
يعني مابكفيهم انهم قاطعين الاتصالات! وكمان بدهم تعويض!!؟؟
والله اللي استحوا ماتوا.. مابيكفي حرقة الدم وقت قطع الاتصالات وقت الواحد مابيقدر يسمع صوت اهله ليطمن عليهم.. بس انشالله قربت
علاء احمداني
(92)   (22)

بتكون لغاية في نفس يعقوب

لازمهن فلوس

بترجع الناس بتدفع فواتير

وبتعبي رصيد

تاني يوح رح يقطعوا الشبكة

وبس طلعت مظاهرات ضد العصابات الارهابية المسلحة
بيقطعوا الشبكة

يلي بيجرب مجرب .......

من 14 شهر الثورة قائمة وستستمر حتى النصر
فهل يعقل أن تتوقف ؟


حرررية للأبد


مواطن ادلبي
(75)   (1)
منذ حوالي شهر عادت الاتصالات الخليويه الى ادلب لمدة 24 ساعه بعد انقطاع دام لمدة شهرين تقريبا والمضحك في الامر انني وجدت الهاتف خارج الخدمه بسبب وعندما اتصلت بمركز الخدمه اجابوني بان علي تسديد فواتير منها فاتورة شهر اذار الذي لم يشهد اي عوده للاتصالات خلاله والاحلى من هيك سمعو شو قالتلي موظفه الخدمة (وعليك بشهر اذار 550 ليرة خدمات )
بدي اعرف خدمات شو هي يعني لو كنت بالصومال محصل معي هذا الامر كانو يمكن يعطوني تعويض مو ياخدو مني خدمات
يعني بصراحه انا واغلب اصدقائي قررنا رمي الشريحه السابقه وشراء شريحه جديده تكون للشركة التانيه
بلكه هيك بيكون احسن لهيك شركات لا بتحترم المواطن ولا بتحترم حالها
ادلبي
(95)   (1)
4 اشهر مقطوعة الاتصالات و بدون تصريح من اي وزير اتصالات او داخلية او دفاع و هيك بدون اعلان عن قطع او ارجاع ولا اسباب .... هاهي الاصلاحات و الشفافية.... و مين بدو يحاسب؟
مستحقات !!!
(50)   (6)
سيتمّ محاسبة المتسبّبين وليس تسديد المستحقّات !!!!
مرايا2012
(4)   (0)
اكيد هالكلام كذبة نيسان ..شباب شو مشان انوا المراقبين قربوا يجوا على ادلب ..اكيد مو مصادفة عودة الاتصالات ..بنفس وقت قدوم المراقبين ..وانا متأكد انهم رايح يردوا يقطعوهم بعد مايروحوا او بعد فترة قريبة!لهيك بكوت ستين ....اذا بفتح الموبايل او بخلي هالشركة تتحكم فيني ..
مستحقات يانصابين
(6)   (0)
نطالب باغلاق الشركتين كفرنا بالخليوي مابقى بدنا خليوي.....الله محيي السيناو
ليش ما بتعرف
(3)   (0)
يو خاي ...ليش ما بتعرف انو الشركتين هي لنفس المالك ..!!!
وليد
(3)   (0)
المشكلة لدينا هنا ايضا في حمص و الاعظم بالشباب المشتركة بخط الانترنت سبيد او سيرف فاقل مشترك يتوجب عليه دفع 5000- الى 6000 لس وتصل الى حدود 30000 للباقات الكبيرة او الشركات التي تطر الى استخدام اكثر من خط وهذه الكلفة هي عبارة عن رسوم فقط عن ثلاثة اشهر التي توقفت فيها الخدمة و الانكى من ذلك هي قطع الاتصالات عن اصحاب هذه الخطوط فور عودة الاتصالات مع العلم ان كافة المراكز في مدينة حمص متوقفة عن العمل منذ كانون ثاني اي يتوجب علينا السفر الى المحافظات الاخرى من اجل التسديد
أبو أسامة
(4)   (0)
لازم يعوضوا المواطنين موا العكس
الثوره مستمره بأذن الله
حتى نخلص من الفساد و المفسدين
مغترب
(2)   (0)
لك يا شباب العمل الخيري بدو مصاري وانتهى وقت الربح وحان وقت العطاء بس بدنا ممول لككككن من دهنو سقيلو وعلى اعتبار انو ادلب لازم تدفعوا اكيد لأنو لا محطه قطار في ولا طريق دولي مار بإدلب في ف لازم تدفعوا ترى مافي كيل بكيلن هه حرام واتحداك اذا بتنشر يا عكس السير
محمد
(0)   (0)
اييييييي رجعو قطعوهون للخطوط !!!
بريف دمشق وعندكون شو الوضع؟
خالد
(0)   (0)
لم تأت الخطوط في معرة النعمان
فتون عباسي
(3)   (0)
على رأي فتون عباسي بالفعل الاتصالات رجعت بدكم نقول مارجعت
ولك اهل ادلب طلعو ليشكرو ربهم على نعمة الاتصالات وشركات الاتصالات طالبت بالاشتراك خلال فترة الانقطاع لتعبر معهم عن شكرها لنعمة عودة الاتصالات
فعلاً ماعاد استحو
سراقبي
(0)   (0)
لم تعد اتصالات بمدينة سراقب
م مصطفى
(2)   (0)
اذا لم تستحي فاصنع ما شئت.........
تقطع الأتصالات الخلوية خدمة للعملية الأمنية....
تقطع الأتصالات الأرضية خدمة للعملية الأمنية....
يقطع الأنترنت خدمة للعملية الأمنية.......
تقطع الكهرباء خدمة للعملية الأمنية........
تقطع المياه خدمة للعملية الأمنية وما فهمت الميه شو الها علاقة..........
تحتل المشافي والمستوصفات من قبل العناصر الأمنية خدمة للعملية الأمنية.........
تحتل المدارس في الصيف خدمة للعملية الأمنية.......
يمنع المواطنين من الوصول الى اراضيهم منذ اكثر من ثمانية أشهر خدمة للعملية الأمنية.......
في حين احد المحافظين عندما يراجع بأحد الأمور المحقة لأحد المراجعين يقول له انا حاليا مالي علاقة غير بالكهرباء والميه والزبالة بتصور بالوقت الحالي حتى هذول مالو علاقة فيون........ستبقي يابلدي مرفوعة الرأس رغم كيد الكائدين
مواطن
(0)   (0)
اخي من تاريخ8/2 لحتى الان ما رجعت الاتصالات على مدينة سراقب
drbas
(2)   (0)
ليش لغيتو التعليقات على الخبر السابق عن الاخبارية السورية؟ كانو كانت التعليقات جارحة شوي؟
هادي
(0)   (0)
الخبر عار عن الصحة انا عم حاول اتصل برفيق الي بريف ادلب الشرقي وما عم اقدر بقا من وين جبتو هالخبر يا عكس السير
حلبي حر
(6)   (0)
شو يا شباب نسيتوا انو الله وسوريا وبشار وبس , وبعدين ما بتعرفوا ان الأنظمة والقوانين النافذة تلزمكم باطاعة الله ورسوله واولي الأمر منكم ؟ فاولي الأمر يأمركم بتسديد مستحقاتكم فنفذوا ماطلب والتصموا الأدب , عيب المناقشة لستم أفهم منهم 0
متابع
(3)   (0)
من بتابع موقع سيرياتيل يجد انهم حائزين على شهادة الجودة وشهادة خدمة العملاء
واتصل بقسم خدمة الزبائن تنتظر 30 دقيقة ومن بعدها ينقطع الخط
ثم ان المكالمات دائما بينفتح الخط وتسجل مكالمة وينقطع الخط !!!!!
يالله سيدي هي تبرع لصالح الجمعيات الخيرية تبع قدس الله سره الله يرزقه شركتين خلوي والثالثة لم تفعل الى الان لعدم الاتفاق على النسبة
امر الله البلد انباعة بس نرجع نستاجرها هي ملعوبة لازم يسقط صاحب هالشركتين
الملكة
(0)   (0)
يافرحة ماتمت , رجعت انقطعت
سرقة عينك عينك
(2)   (0)
سوريا بلد العجايب
بيقطعو الاتصال اجباريا ومنتشنطط بدون خليوي 4 شهور وبعدين بدنا ندفع فوقا مصاري
وين صارت هييي؟!!!
نظام على كيفك
(7)   (0)
مظاهرات ضد النظام = قطع الهاتف والخليوي والانترنت (لازم موافقة مسبقة)

مسيرات مؤيدة = خطوط شغالة والانترنت سريع وكمان بتاخد هدية (علم،طاقية،اسوارة،صورة...إلخ) (مافي داعي لموافقة امنية)

عوجة

سراقبي
(0)   (0)
لسا مارجعت بسراقب ابدا ابدا
سائل
(1)   (0)
هل رجوع الاتصالات له علاقة بتواجد لجان الامم المتحدة؟
الى الدكتور كمال
(3)   (0)
يا دكتور وين مفكر حالك انت لحتى تطالب يعني مفكر اذا طالبت رح يحققولك مطالبك فورا مو هيك يا حرام بزعل عليكون انتو جماعة منطالب انا بطالبكون بالتزام الصمت لانو عبيفز عصبي منكون انتو جماعة اطالب
فلاح
(1)   (0)
هل يعلم حكام سوريا أن الناس تخاف من الذهاب الى حقولهم في يوم 26شباط قام الجيش باجتياح احراش بسنقول وحرق مزارع الدجاج وقتل اصحاب مزارع الأبقار مع ابقارهم وقتل الرعاة وسرق اغنامهم وقبلها قتل 20من الفلاحين في مزارع سنغرة ولانعلم هل هذا خدمة للعملية الأمنية
حلبي
(0)   (0)
على أساس طلع ع التلفزيون وقال أنو رح يتفرغ ع العمل الخير ويوزع جزء كبير من أملاكه على الفقراء وذوي الدخل المحدود
كني نسي هالكلام ولا كان كذاب
حاتم طي
(0)   (0)
بكره حاتم طي بيدفع عنكم
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " فلاش "

23-4-2014
الفصائل المعارضة تتمكن من تحرير خمس قرى على طريق خناصر في ريف حلب
   تمكنت الفصائل المعارضة في ريف حلب الجنوبي من تحرير عدة قرى قريبة من طريق خناصر الاستراتيجي اليوم الأربعاء.   و ...


23-4-2014
كتائب الثوار تقصف مدرسة المدفعية و معمل الاسمنت في حلب .. و طيران النظام يكمل المهمة ! ( فيديو )
  تمكنت كتائب الثوار المشاركة في معارك الراموسة و الشيخ سعيد في حلب من استهداف معمل الاسمنت أبرز معاقل ...


23-4-2014
ناشطون يلعنون روح حافظ عبر " لا سلكي " شرطة المرور في دمشق !
  تمكن ناشطون في مدينة دمشق أول أمس من اختراق موجة اللاسلكي المستخدمة من قبل شرطة المرور، ليقوموا ببث ...


22-4-2014
بعد هلال الأسد .. معارك كسب تشهد مقتل قائد ثاني أكبر فصيل تشبيحي في اللاذقية ( فيديو )
أعلنت وسائل إعلان النظام مقتل قائد كتائب حزب البعث في مدينة اللاذقية، خلال المعارك الدائرة في ريف اللاذقية ...


22-4-2014
الحقوقي السوري المعروف ميشيل شماس : المسيحيون مواطنون من الدرجة الثانية في سوريا‏
تحسر الحقوقي السوري المعروف ميشيل شماس ساخراً بسبب كونه مسيحياً و مواطناً من الدرجة الثانية، لا يحق له ...


22-4-2014
نزيف القياديين يتواصل .. مقتل ضابطين نظاميين رفيعين في كل من المليحة و حمص
   تواصل قوات النظام خسارة العديد من الضباط و القادة الميدانيين، حيث سجل خلال اليومين الماضيين مقتل عميد و ...


21-4-2014
حتى الأطفال الرضع سيشاركون في الانتخابات .. مسؤول سوري : 19 مليون مواطن يقطنون في المناطق الخاضعة لسيطرة النظام !
  أكد مصدر سوري مسؤول لـ " النشرة اللبنانية " إن 19 مليون سوري يقطنون في المناطق السورية التي ...


21-4-2014
فيلم يروي سيرة الثورة السورية يشارك في مهرجان " كان " السينمائي الشهير
  أعلن المنتج والمخرج السوري عروة نيربية اليوم الاثنين أن إدارة مهرجان "كان" السينمائي الدولي في فرنسا قبلت مشاركة ...

X
وردنا الآن