الحكومة ترفع سعر اسطوانة الغاز إلى 400 ليرة سورية السبت - 21 كانون الثاني - 2012 - 11:20 بتوقيت دمشق
التفاصيل
أصدرت الحكومة في وقت متأخر من مساء أمس الجمعة قراراً برفع سعر اسطوانة الغاز ( جرة الغاز) إلى 400 ليرة سورية بدلاً من 250 ليرة. ونص القرار رقم 242 الصادر بتاريخ 19\1\2012، والنافذ بتاريخ 20\1\2012، والمذيل بتوقيع وزير الاقتصاد الدكتور محمد نضال الشعار، برفع سعر اسطوانة الغاز، وبيعها بسعر 388 للموزعين، و400 للمواطنين ضمن مركز التوزيع ( أي في حال اشترى المواطن الأسطوانة من مركز توزيع مباشرة). وقال مدير التجارة الداخلية في حلب " محمد حنوش" لـ عكس السير : " وصلنا نسخة من القرار عبر الفاكس وقمنا بتعميمه". ورأى "حنوش" أن القرار سيساهم في انهاء أزمة الغاز، عن طريق منع السيارات من العمل على المادة، بسبب رفع سعرها، مشيراً إلى أن السعر الجديد لايزال أقل من تكلفة الأنبوبة. وقال " إن تكلفة اسطوانة الغاز تفوق الـ 500 ليرة سورية، وتوزيع بسعر 400 يعني ان المادة لاتزال مدعومة حكومياً". وكانت شهدت سوريا خلال الفترة الماضية أزمات غاز متواترة، فسحت المجال أمام بعض المستغلين لتخزين المادة وبيعها بأسعار وصلت في بعض الحالات إلى 700 ليرة سورية للاسطوانة الواحدة . علاء حلبي - عكس السير مواضيع متعلقة على مبدأ "كل مين ايدو الو".. مسؤول ينفي خبر رفع سعر أسطوانة الغاز ثم يعود ويؤكد! |
ليش لهلء ما رفعتو سعرو ............... ما بصير هيك ............. لا زم ترفعو الدعم عن كل شي
تاني شي ليش ما عمتقطعو المي ................... شو يعني بس الكهربا
مشان تكتمل المعادله :
لا كهربا
لا غاز
لا مازوت
لا بانزين
لا خبز
لا مي
وهداك الوقت خلي كل واحد ياخدلو بيت شعر و يعيش فيه
خافوا الله قضيتو عالأزمة !!!!؟؟؟؟؟ولا رح تموتوا العالم من الجوع!!!
فعلا لسه فيه دعم.....بس للبرد والموت
&جايييي يوم الدفا والنور&
جرة الغاز 400 ليرة يعني رح تشتريها ب 500 اذا لقيييييت
وناس عم تموت
وما في شي
ما في شي
حسبنا الله ونعم الوكيل
(أرجو النشر)
السؤال لسه الدردري عم يشتغل في سورية ؟
من وين هالشعب بدو يأمن قوت يومة
خلصونا بقى ولا ملينا
قريبا المازوت الى 30 ليرة
والبنزين الى 60ليرة
أخبار شبه مؤكدة
الأنسان البني ادم فكرتو فيه؟؟
فكرتو كيف الواحد من وين بدو يجيب ال 400 ليره كرمال يشتري غاز
يعني لو كنتو مرفهولنا ورافعين الرواتب
كانت نص مصيبه
بس هيك والله زا عن حدو
بجد عيب عليكن
كهربا مافي
مازوت مافي
بانزين عدم
غاز منشم ريحتو شم
الدولار ارتفع
المواد ارتفعت مع ارتفاع الدولار
........الخ ويبقى الحلم الشب السوري الهجره إلى خارج هالسجن
ارجو النشر عكس السير
حفظك الله من كل سوء و جعلك دخراً للأمة و الوطن و المواطن ....
400 ليرة نظامي !!!! يا ترى بئديش بدها توصل لعنا ؟؟ 1000 ليرة .
وطبعا هذا القرار جاء لمصلحة المواطن في سوريا ولهدف منع احتكار وتجارة الأنابيب ...... مين قال إن المواطن السوري أهبل ؟؟؟؟؟
وننتهي من مشكلة تهريب المواد من سوريا الى الجوار وتحافظ الدولة على دعم الخدمات الغير قابلة للتهريب مثل الكهرباء والماءوالهاتف واذا كان رفع الدعم سيقابله حلول اخرى فلتدرس بشكل جيد ومنطقى
هههههههههههههههههههههههه
ممكن اعرف كيف بتتوفر جرة الغاز بسعر ال 400 وما بتتوفر لما كانت ب 265 مع العلم انو كمية الاستهلاك ما قلت
واذا قلت كمية الاستهلاك فهاد معناه انو في ناس ماتت من البرد
عيب على الدولة بدل ماتبحث عن طرق لمساعدة المواطن السوري
عيش يا فقيرعيش يا فقير
عيش يا فقيرعيش يا فقير
لك هي حقنااااااااااااا
بس في عندي سؤال صغير ؟
الزيادة الماضية طلعت باشهر الرابع 2011 ومع زيادات هل الأسعار شو ظل منها ؟
بكفي عاد خربتو بيوتنا؟
خففوا السرقة والهدر ( كل مسؤول بهدولة مصروف سيارتو بتكفي 5 عائلات) خلصونا عاد
ماعم اذكر اسماء شخصيات مشان ماتقولو شي ياعكس السير ماتنشروها بس ماخلصنا كذب ع هالشعب ماخلصتا لف ودوران الناس عم تموت من البرد انتو بترفعو الاسعار وين دولة الممانعة وينا ماعندكن مخزون احتياطي لمتل هيك ازمة وين الاحتياطي؟؟؟؟؟؟؟؟؟؟؟؟؟؟
انقطعت تقبلها الشعب عالسعر الجديد
منرفعها و منعمم السعر
و بكرا المازوت لاحقها أكيد
من شدة الجوع
والله حرام عليكم شو صارلكم اسعار فوق فوق وكلشي زيادة على اساس الراتب خصم خصم
كاشي صار غالي الى الانسان رخيص
قال بدهن يحلوا مشكلة الغاز ...
قام رفعوا سعرها ....
شو هاالتفكير الراقي ....
حكومة ولا أروع ... وقرارات ولا أفظع ...
كل شي في الدنيا ارتفع سعره ...
إلا هالبني آدم عميرخص ليش ما بعرف ...
الكن يوم يا اااا........
انشر يا عكس السير
ألله يفرجها وينصر الحق
ولا حول ولا قوة إلا بألله
الله يخلصنا من هل الازمة لحتى ترجع الامور احسن من قبل
لازم نتحمل هذه الضغوط
كرمال ترابك يا وطني
اسعار مثل النار...
والمواطن يركض مثل الحمار
تيتي.. تيتي عوجا... عوجا
الحل يرحل المواطنالى المريخ
شغل ما في ومردود ما في بس غلا كثير شكراااااااااااااااااا
هاد اسمو اجرام .....
بس بحب قلو للي كان السبب برفع قيمة الغاز انت بيتك مو بحاجة للغاز لو كان بحاجة ما كنت هيك تصرفت ......
او انك عبتاخد الغاز ببلاش يعني سلبطة لأنو حياتك كلها سلبطة ...
الله يصطفل فيك....
انتو عبتحاربونا بلقمة ولادنا والانسان بس توصل الشغلة للقمة عيشو بيستشرس ....
لذلك الله يستر من الأعظم وفهمك كفاية.......
الاسم : العنوان : ازمة وبتعدي
معلش طولوا بالكن يا شباب اكيد الحكومة مضطرة لهيك قرار.
الله يخلصنا من هل الازمة لحتى ترجع الامور احسن من قبل
لازم نتحمل هذه الضغوط
كرمال ترابك يا وطني
ــــــــــــــــــــــــــــــــــــــــــــــــــ
الحكومة السابقة فاشل والقبله حرامية ماعذر هذه الحكومة مو على اساس حكومة اصلاح الباين انها حكومة خراب وتدمير للفقيرالله يرحمن أحسن من كل هل الحكي.
بس يلي بعرفه بكل دول العالم بتحل الحكومة المشكة على حسابها إلا في سوريا بتنحل المشاكل دائماً على حساب المواطن ذو الدخل المحدود
والله عيب .... ضل شي مارفعتوا سعره
والله يلي استحوا ماتو
بالنسبة راح أعيف هالبلد لألكن خبصوا فيها على كيفكن
وإن شاء كم شهر ومابيضل فيها ولا شب عمال بحلم أنه يحقق أقل مستوى من الحياة الكريمة
ياحيف
وضد كل شخص معارض للبلد
بس عم تجبرونا نحن بحلب للتظاهر بسبب رفع اسعار الغاز
يعني الواحد بيرفع السعر 50 ليرة
يعني 250 للموزعين عم يبيعوها 275
خيو خلي حقها 300 للموزعين وخلي يصير حقها 350
يعني معقول
ولا شو منا نحكي
الشعب يريد خفض الغاز بالتحديد
الشعب يريد توفير المازوت بالتحديد
*
*
**
**
**
ويستمر الاصلاح ...
عكس السير حافظ ع مصداقيتك وانشر
طبعا لا ننسى من أجل مصلحة المواطن
مسكينة يا حكومتنا لأنو أجيتوا بالوقت غير المناسب...
* ملاحظة هذا العداد مجاني وغير قابل للتلاعب
الاسعار بترتفع واجرة العامل هي هيا
منين بدنا نجيب؟؟
الدولة فكرة شي مرة؟؟؟
حسبي الله ونعم الوكيل
والمواطن بفرنك مصدي الله لايزيل الشدة عن قلبو
بالفعل ياهيك الاصلاح يا بلا
حسبنا الله ونعم الوكيل
ان شاء الله الفرج قريب
والمواطن يدبر حالووووو مثل ما كان يشتري بـ 250 بيقدر يشتري بــ 1000
والحمدلله انو البني آدم لسى ما رخص محافظ على سعره بسوق الغنم
ياريييت تنشرو
قربت إنشالله
عاشت سوريه حرة ابيه
-------------------
(عاشت سوريا حرّة)
وبدكن الشعب مايثووووور ويبطل مظاهرااات
شو هالحكومة الجديدة هاي بلله فهييييييييييييمة
علامة تعجّب كبيرة تلقّيتها مؤخّرا" من بعض المهتمين في خارج سورية بما يجري فيها .
فهم لم يستوعبوا بعد ، جبروت و كرامة شعب سورية الذي لم يركع الى الآن بالرغم من الضربات المتلاحقة اللمميتة و الموجعة ضده بادارة النظام الأميركي من جميع أتباعه في العالم و خاصة في أوروبا و العالم العربي .
فهل حان علينا أن نركع و ندعو الغرب ، عن طريق حمد ، لاحتلال أرضنا لأن الأسعار قد ارتفعت ؟
في أوروبا و أميركا لا يوجد حرب ارهابية و مع ذلك معظم المواد الأساسية لديهم قد ارتفعت أسعارها و هم ينتظرون الفرج .
في الحياة ، من يصبر أكثر ينتصر ، فهل قدرنا النصر ؟
صرنا نترحم على ايامها ..
بصراحة من يتابع عمل الحكومة يجدها تعمل ضد المواطن
الدكتور بشار يبذل جهد كبير لحماية الوطن ... ويسير قدما ً في الاصلاح والحكومة الموقرة تعمل في الاتجاه المعاكس
من المفترض أن تكون قرارات الحكومة في مصلحة المواطن
لكننا نشاهد العكس تماما ً
الحل لأزمة الغاز يكون بملاحقة اصحاب النفوس الضعيفة والذين ينهبون الوطن والمواطن
هؤلاء استغلوا اوضاع البلد لسرقة المواطن
الحل ليس برفع سعر اسطوانة الغاز بل بحماية المواطن من المستغلين
لدينا بحلب جرة الغاز تباع ب 400 و 500 ليرة على السعر القديم
اليوم بعد رفع السعر صار ينطلب فيها 600 و 700 ليرة
ألا تلاحظون أن الحكومة بهذه القرارات تساهم بزيادة أثر العقوبات على المواطن بدل أن يكون الاتجاه لتخفيف أثر تلك العقوبات القذرة
لم يبقى لدينا مادة لرفع سعرها للاجهاز على المواطن بشكل تام سوى رفع سعر الخبز
صارت وصارت
خلي كيلو الخبز يصير ب 30 او 35 ل.س
لأ و الوزير ع بيقول انو المادة مدعومة ( ع بيحملنا منية )
ما فيني قول غير انو قلبي محروق على هل بلد
قلبي محروق على الوطن والمواطن
الله يحمي سوريا ... ويحمي قائدنا
خليني اشرب كاسك يا وطن على رواق
ارجو النشر
ومعلومكم ارتفاع سعر المازوت يعني غلاء الدنيا بما فيها ما عدا طبعا المواطن اللي يوم عن يوم عم تنزل تسعيرته عند الحكومة الموقرة ويوم عن يوم عم يزداد حقدوا و كرهوا لهلبلد بسبب قرارات حكيمة وصائبة عم تتحفنا فيها الحكومات المتعاقبة
ارحمونا يا وزراء و يا حكومة حرام عليكم رواتبنا ما عم تكفي لنصف الشهر و شغلنا مهدد بالانقراض و انتوا شايلين علينا السيف و راكضين ورانا
لك آآآآآآآآآآخ على شي سفرة و طفشة من هالبلد لك يا جماعة و الله الفقر بالوطن غربة ...
يعني رح يصير كل الشعب متظاهر
وحينها لم تعد تنفع بقاء الحكومة
مثل ما قال الفنان علي فزرات الحكومة تحفر قبرها بيدها وكلما يزيد الحفر كما تزداد المشلكة
بس الله على الظااااااااااااااااالم
واحد واحد واحد الشعب السوري واحد
صامدون لدحر الفساد
أرجو النشر
واذا ما قدر يحلها فالمفروض ان يترك الحكم لغيرو
ارجو النشر اذا كان هناك مصداقية
من غير شي الناس زهقانة من هالوضع جيت تكملها حضرتك ؟؟؟؟؟؟؟
فهذا القرار جائر بحق المواطن وخاصة أصحاب الدخل المهدود عفوا المحدود
لم يتبقى من الوطنيين من الشعب غير المواطنين الفقراء درجة خامسة ورابعة وهم من تضرر بهذا القرار لان اصحاب الاموال وبعض اعضاء الحكومة هم من يريدون ان يؤججو الوضع وبدلا من معالجة الجرح بالمعقمات تقوم الحكومة الغبية بصب الملح داخله او صب البنزين على النار ومن هنا ننا شد قائد مسيرة الاصلاح السيد الرئيس ان يضع حدا لهذه الحكومة واعادة النظر في رفع الغاز وبعض مشتقات النفط الاخرى ومحاسبة من يحتكر او يتسبب في صعوبة لقمة عيش المواطن كي لا نخسر المواطن النزيه الفقيرلجعله ينظم الى ركب المجهول لان كثر الضغط يولد الانفجار واذا انفجر بركان الفقراء لن يوقفه اي شيئ
رجاء سيادة الرئيس نحن نحبك ومحبتك من محبة الوطن نناشدك باسم من بقيت له ولو ذرة من الوطنية ان تتدخل ونناشد عكس السير ان يصل تلك الرسالة
خلي هالنظام يرحل ونخلص بقى
لا يمكن ان تنتهي هذه الازمة بوجود هذا النظام
لا اعرف كيف يفكر هذا النظام, اما ان يبقى على كرسيه او يخرب سوريا كاملا
فعلا صدق اللي قال "الأسد او لا أحد"
يعني اللي حالتو منيحة .. مو فارقة معو
بس المعتر الدرويش اللي مو ملاقي الخبز ... من وين رح يشتري ؟
مو هاد اللي بدكون اياه ؟
كرمال ازمة الغاز .. بترفعو السعر .. فـ بتقننو من الشراء و بتضل موجودة للي معو عملة
سلام .. يا وطن
أرجو النشر
والله العظيم حرام هل عم يصير مع المواطن السوري .
أنا أقترح على المسؤولين الكبار يدعمو اقتصاد البلد لأن شبعوا سرقة وأذا الوقت للرد المعروف للحكومة
واللي عندو بيض بالمناسبة إقطاعي لأنو صحن البيض وصل 250 ل.س
والله حرام و عيب..
ياجماعة الجوع كافر بخلي البني آدم يكفر بربو و يسرق ويقتل ليطعمي ولادو....
حاجة .. والله ملينا..
الحكومة مشكورة لديها دواء واحد لكل مشكلة اقتصادية وهو رفع سعر المادة 00 وعلى الحكومة بدلا من رفع سعر المادة اعتماد اسلوب العمل على توفيرها للمولاطن بالسعر الرسمي ومحاربة السماسرة والجشعين من التجار00 ومحاربة الاحتكار بكافة انواعه 00 وفي ذلك كل العدالة والرحمة للمواطن ذي الدخل تالمحدود / وليس فقط من الموظفين/ 00 نحن مع الحكومة ونعترف بان عليها اعباء كبيرة 00 ولكن العبء الاكبر والاهم هو دعم المواطن للحصول على السلع بسعرها الرسمي 00 واسمحوا لي ان اقول وبصراحة ان موجة الاحتكارات والسماسرة وعدم الاكتراث باللاسعار التي تحددها الدولة كل هذا قد ازداد من اليوم الذي الغيت فيه وزارة التموين 00 واستبدلت الرقابة التموينية بدائرة حماية المستهلك وهذه الدائرة لا حول لها ولا قوة ومافي حدا يرد عليها 000
نرجوا اعادة دراسة القرار واعادة سعر اسطوانة الغاز الى ماكان عليه ويكفي المواطن انقطاع الكهرباء وفقدان المازوت والان فقدان وغلاء الغاز 00 ارحمي المواطن ياحكومة
ايمت رح يجي الصيف؟؟؟؟؟
رب العباد موجود وهوا الرزاق وما رح يتركنا
اتقو الله فينا يا حكومة .. بطلنا ما بدنا اصلاحات ولا شي.. رجعو كلشي مثل ما كان وانا بضمن ما حدا يطلع مظاهرة
اتقو الله في الشعب المسكين
السعر وعلى رفع الغاز
وعدم وتوفر البنزين والمازوت
الشعب السوري
سوف يتعمل بل دولار
بدل العملة السورية
والفهيم يفهم
وشكراااااااااا
طيب كانت سابقا 250 ت.س وأصبحت تباع في وقت الأزمة بين 600 و 750 ل.س ...
حاليا 400 ل.س الأساسي يعني رح تباع بسعر بين 800 و 1050 ل.س ؟؟
إذا كانت وزارة الإقتصاد تعاقب من يرفع أسعار السلع بالمحلات و المتاجر ....إلخ ...
بالنهاية لا تعليق .
يعني مفكرين انو العالم قادرة تدفع بسهولة
اي منشان الله بلا ماتزيدوها على المواطن
شو بدو يلحق ليلحق
بس تخلص عندي جرة الغاز شو رح سوي حزركن ؟؟؟؟؟
رح أطلع بالشارع لأبارك مسيرة الإصلاح.
معناها غلوا جرة الغاز مشان تبقى ع 700 بس الحكومة يلي تستفيد مو المحتكرين
ألاحظ بجميع التعليقات عدم وجود التعليقات الغريبة
ارحموا الناس
كهرباء
والمياه ماراح تفكروا فيه
والهاتف
والموبايل
والبطالة
والخبز اكيد قريبا
والمازوت لاتنسوا
والمواطن قال عبحتكر
حـــــــــــــــرام
أرجو من المسؤلين ان يعدوا للمليون قبل ما يفكروا يرفعوا الاسعار
واحلى شي بالتقرير
ورأى "حنوش" أن القرار سيساهم في انهاء أزمة الغاز
يا حكومة القرار بجوز بحل مشكلة بس كمان نحن من وين من جيب 500 ليرة والله غالية
المازوت ب 30 ومافي من وين نجيب
الكهربا دوووم مقطوعة
قريباًًًًًًًًًًًًًًًًًًًًًًًًً ً
الهواء سعر الكيلو ليبرا ؟؟؟؟؟؟؟؟؟؟؟
الانسان يساوي ؟؟؟ ونص
%%%#$$%%%%
الضغط الاقتصادي مستمر ولم يسقط النظام
مارأي المعارضة في ذلك؟ أم أنها سعيدة لهذا اﻹجراء لكي تتاجر فيه على الفضائيات وعند أسيادها اﻷمريكان واﻷوربيين
سيروا على بركة الله يامعارضة فطريقكم إلى صوملة سوريا ﻻيزال يحتاج لمزيد من فلسفاتكم
ذهبت امرأة بشعة الى أحدى محلات التصوير ، وطلبت من المصور ان يقوم بتصويرها صورة تلفت الأنظار وتشد القلوب وتبهر الناظرين ، وتظهرها جميلة ليقوم المصور بتعليقها على واجه محله عل وعسى ان يراها احدهم فيتقدم للزواج منها ، وأرادت منه ان يخفي بشاعتها بأقصى ما يمكنه .
فكر المصور طويلا واحتار ، ونظر الى ذلك الوجه الذي يفتقد الى أي مسحة من الجمال ، وقال كيف يمكن ان أخفي كل تلك البشاعة وأستر كل تلك الندوب في وجهها ، كيف يمكن ان أجعلها جميلة ، وينبهر من يراها ؟!
لاحت للمصور فكرة ، فقام بتنفيذها ومن ثم قام بتصوير تلك المرأة ، وبعد ساعة ظهرت الصورة التي ما أن رأتها صاحبتها حتى تفاجأت وانبهرت فراحت تشكر المصور وتثني على ذكاءه وفن تصويره ، واخذت الصورة وقامت بتعليقها في مكان واضح على واجه المحل .
كان كل شخص يمر من أمام المحل يتوقف ليتأمل تلك الصورة الملفتة والمبهرة حقا ، وكل واحد منهم يتساءل يا ترى من تكون هذه المرأة ؟!
في أحد الأيام ذهب أحد السياسين الى ذلك المصور ، بعد ان ذاع صيت الصورة ، ليرى الصورة ، فتوقف مندهشا عندما رآها ، رأى صورة امراة اكثرت من ارتداء الذهب والجواهر واللؤلؤ والياقوت والحلي ، فدخل ليسأل المصور عن ذلك ، فقال المصور أنا لم استطع ان اجعل تلك المرأة جميلة ولم أستطع ان اخفي بشاعتها ، فأردت أن أجعلها غنية .
أحمر وجه السياسي ، وغادر على استحياء وفي اليوم التالي قام السياسي فخطب :
" قد يكون من النبل ان استقيل ، لا بل ان نستقيل جميعا ، فكل وعودنا بواقع جميل وحياة رغيدة ، وكل خططنا التي خططناها وبقيت في الأدراج حتى اصفرت أوراقها وكل مشاريعنا التي نادينا اليها ودعونا اليها ، لم تضفي مسحة جمال واحدة على حياة المواطنين البشعة ، ولم ترسم ابتسامة أمل واحدة على تلك الوجوه الحزينة ، كل ما هناك اننا جعلناهم أغنى الناس بكلامنا الفارغ " .
واععععععععععععععععععععععععععع
واعععععععععععععع
عمببكي من البصل
بيقول المتل : ((جوري على نفسي ولا جور الناس علي))
ونحنا : جور الدولة علينا ولا جور اعداءنا علينا
وان شاء الله بس تنتهي الازمة بيكون خير
قولوا ان شاء الله
ولا بهيك مواضيع ما منشوف طلعتو البهية !
واحلى اصلاح لعيون السوريين.
والقضاء على الفساد والرشوة
ووصول المواطن السوري لأعلى درجات الرفاهية
تم وبحمد الله وشكره رفع سعر اسطوانة الغاز الى 400ليرة سوري
مابتقولو ان المواطن بردان ومافي عندو لا مازوت ولا كهرباء
وعندو اولاد
انا برأيي بعد هالقرارات الفاشلة للحكومة الفاشلة الناس الي كانت ما تتظاهر رح تصير تتظاهر وتطالب باعدام الحكومة كاااااااااااااااااااااااملة فردا فردا اولأ سفر واخرهم حسون اذا كل واحد بصير مسؤول سنتين بيطلع معو مليارات شو رح تفرق معو اذا غلت الاسعار ولا لأ
المطلوب في هذا الوقت التهدئة عبر مساعدة المواطن وليس الضغط عليه. نعرف أن كلفة جرة الغاز تفوق هذا المبلغ ولكن يجب أن يستمر الدعم لهذه المادة وخاصة أنها لاتهرب لتركيا أو لبنان .
ردود الناس وخاصة المؤيدة كانت حزينة لاتخاذ هذا القرار والمعارضين (شمتوا ) .
لك مو حرااااااام
انو حل هاد ؟؟؟؟؟
سبب الأزمة كانت السيارات يلي عالغاز ؟؟؟؟؟؟؟؟؟؟
متل ما بولو " عذر اقبح من ذنب "
والبنزين ب 50 وبينباع ب 75
والخبز الربطة ب 15 وبتنباع 30
وهلأ صارت الجرة ب 400 بأديش رح تنباع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولسا الجاي أعظم
سبب أزمة الغاز مانا السيارات مع إحترامي للقائل السبب أنو مافي لا مازوت ولا كهربا عشو بدنا نتدفا ؟؟؟؟؟؟؟؟؟؟؟؟؟؟؟؟؟؟؟؟؟؟؟
مابدا 2 يحكو فيا
عوووووووووووووووووووووووووجة
ورح أتضل عوجا
دمتم للوطن دمتم للمواطن العظيم الى الامام بمثل هذا الاصلاح الذي سيعكس عشرة سنوات الى الوراء وعشر سنوات الى الامام
بأنه كل شيء في البلد اصبح غالي الثمن ومفقود ماعدا الدم فهو ارخص من الفجل وكتيييير جدا" كل يوم تشوفه يجري بالشوارع وبدون وجع قلب
ويقولون لمَ خرج الناس متظاهرين مطالبين بالحرية!!!! أم هذه القرارات تمهيداً لتغيير الحكومة ؟؟؟وأظن هذا طبعاً
لكن للأسف كنا مع الاستقرار لكن الآن نرى أن الأمور تتدهور أكثر بأكثر
منذ أول العام وأنا وأولادي مصابون بالزكام والرشح ولم نشفَ لأن البرد نخر عظامنا وبدأ صدرنا بالأزيز الناتج عن التهاب الصدر والشعب الهوائية فلمن نشكو حالنا وأنا حالي بأحسن من الكثيرين من أبناء الوطن الذين صاروا ينادون حتى بالخراب عسى يحصلوا على قطعة خشب يتدفؤوا بها
من يأخذ البلاد إلى الفوضى كلنا يعرف، استحر القتل بالبرآء وكلنا يعلم الجاني للأسف، الأفواه كممت حتى أنتم يا عكس السير تمر عليكم مضايقات لا يعلم حجمها إلا الله
فاصبروا أيها الشعب الكريم إخوتي فإن مع اليسر يسرا
حفظ الله سوريا والسوريين من كل سوء، وأعانهم على بلواهم
فعلاً شر البلية مايضحك ؟؟
الحكومة مابتعرف أن الشعب كله عم يدفا عالغاز والله لو رافعة سعر المازوت أسهل علينا بدنا حكومة إشتراكية بدنا عدالة إجتماعية بدنا حركةت صحيحية جديدة بدنا محاسبة الحرامية كلهن كلهن كلهن إنشروا ياعكس السير فأنا أظن أنكم وطنيون
لأن سعر الغاز العالمي كانت وحدةBTU عام 2006 تساوي 16 دولاراً، وهبط السعر خلال السنوات السابقة.
ووصل السعر حين استلم الفريق الاقتصادي الحالي التابع للحكومة 5 دولارات لوحدةBTU ، أما الآن، فمن رحمة الله أن الغاز يكاد يكون السلعة الوحيدة في العالم التي فقدت قيمتها 85% منذ عام 2006.
إذ وصل بتاريخ يوم الجمعة 20 كانون 2 عام 2012 إلى 2.5 دولار لوحدةBTU أي بدولار 70 ليرة يصبح السعر 6.3 ليرة للمتر المكعب.
يعني أن السعر الحالي العالمي هو حوالي أقل من سدس السعر الذي كان عليه عام 2006 و بعد كل هذا هل تكفي كلمة استغربت جمعية حماية المستهلك؟
هؤلاء الفقراء الذين أحبوك بدون مصالح
وها هيا حكومتك الموقرة تقرر بأنها لن تترك فقير بسورية
لآنها سترفع الآسعار وتقطع الكهرباء وتسرق المازوت وسيموت الفقراء وستتأكد مقولتهم لا فقير في سورية لآنهم أنتقلو الى رحمة الله الله يرحمنا
بتمنى النشر مع العلم اني مالي واثق من هل الشي
يحرم هل ناس الدرويشه من لقمت عيشه وبيحتكر المواد
ليش خايفين مافي مازوت
ليش خايفين ما كهرباء
ليش خايفين الدولة ضدنا
ليش خايفين قربت نهايتنا
واطيعوا اولي الامر منكم ولو شردكم وذبحكم
انشر ياعكس السير لاتخاف الا من الله
مين اللي عم يرفع سعر الغاز ؟؟؟؟!!!
الارهابي !!!؟؟؟
حاج مسخرة واصحوا من السبات الابدي
غلاء الأسعار مو بصالحنا يا جماعة
اتقوا الله فينا
الإنتهازيين في البلد كترو وما حدا عم يردهم
ثانيا...إي شو هالشعار فعلا شعار وشعال بس كرمال الله خففوا إجتماعات لأن ورا كل إجتماع في رفاااااااااع
ثالثا....والله هالمواطن شو بيتحمل والله لازم يعطو المواطن السوري بطولة أصبر رجل بالعالم
رابعا...لو سمحت الحكومه رفعي الدعم عن كلشي وخلصينا لسه كل ماده بسوريا مدعومه من قبل الحكومه طيب بس بدي أعرف هالمليارات يلي بيد حراميت هالبلد منين يعني عمبلمو زكاة دول الخليج مثلاً
خامساً... رجاء وكرمال الله حاج إستخفاف بعقول هالشعب والله ماتم حدا غبي
سادساً...أطالب الحكومه بإنشاء وزاره جديده تحت عنوان وزارة اللطف بالإنسان ودمتم
يقول المثل الشعبي انا وانت على الزمن
بس لضرورة الوزن الشعري
الحكومه والتجار على الشعب
1- سعر جرة الغاز كان 250 صار 400 يعني إذا انت من متوسطي الدخل أو أقل فرح تستهلك جرتين بالشهر يعني الفرق 300 ليرة يعني أجرة يوم بالكثير.
2- بالنسبة للبنزين في أزمة هاد شي مو مخبا بس فيها شي إذا وقفت 20 دقيقة على الدور ولا بروح عليك مليون دولار؟؟؟؟
أنا اليوم كان زحمة ع الكازية متل ما بتقولوا واصلة من دوار الموت للجسر ووقفت بالدور من الساعة 2:50 إلى الساعة 3:12 يعني 22 دقيقة بظن مو كثيرة.
3- بالنسبة للكهربا أكيد موظف الكهربا ما عم يقطع الكهربا لأنو عم يمزح مع رفيقو!!!! لو ما في ضغط كبير وسرقات كثيرة ما كان هيك صار وأكبر دليل المناطق اللي ما فيها سرقة مثل الفرقان والشهباء وحلب الجديدة وغيرها التقنين فيها منتظم.
4- بالنسبة للمازوت فهاد شي كلنا منعرفوا انهن عم يضغطوا على حلب ويخطفوا سيارات المازوت اللي جاية واللي مو مصدق مشكلتوا أنا شفت هالشي بعيني والله على ما أقول شهيد.
هذا رأي من وجهة نظر محايدة وليس تبرير لتصرف أي شخص.
والان وقد صارت 400 ما عم نحصل عليها الا بين 700 الى ال 100 ليرة سورية يعني الناس رح تنفجر من الغيظ والضغط من قبل الوزارات والفهم الصادر عنها
11-3-2015 تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) عكس ... |
11-3-2015 المحيسني لفضل شاكر : كن داعية إلى الله بصوتك و لا تعد إلى مسارح اللهو و الغناء وجه القيادي السعودي المتواجد في سوريا، عبدالله المحيسني، رسالة إلى الفنان اللبناني، فضل شاكر، الذي كان قد خرج ... |
11-3-2015 إتهامات عديدة و حديث عن أدلة موثقة .. المليشيات الكردية تواصل ارتكاب الانتهاكات ضد العرب في سوريا ( فيديو ) تشير أصابع الاتهام والإدانة الموثقة إلى مليشيات كردية بارتكاب انتهاكات بحق عشرات الآلاف من المواطنين العرب في محافظة ... |
10-3-2015 اعترف ببناء منشأة غاز في مناطق سيطرة التنظيم .. جورج حسواني ينفي تورطه بشراء نفط لنظام الأسد من تنظيم "داعش" نفى رجل الأعمال السوري جورج حسواني اتهام الاتحاد الأوروبي له بأنه اشترى نفطاً للنظام السوري من تنظيم "داعش" ... |
10-3-2015 لقاء " سري " بموافقة المخابرات الفرنسية يجمع علي مملوك بـ " موظف فرنسي كبير " في دمشق قالت وسائل إعلام فرنسية إن لقاء سرياً جمع واحداً من أبرز موظفي وزارة المالية الفرنسية، مع اللواء علي ... |
10-3-2015 المعارضة ليست ضد مؤسستي الجيش و الشرطة .. خالد خوجة يهاجم سعي أمريكا لتدريب المعارضين : غير كاف و لا معنى له قال رئيس الائتلاف السوري خالد خوجة، إن ما يسعى الأميركيون للقيام به لجهة تدريب 15 ألف معارض خلال ... |
10-3-2015 قال إنه لم يعتزل و أكد تواجده في سوريا .. جمال معروف : نقاتل من دون تسمية خوفاً من تنظيم القاعدة دحض جمال معروف قائد «جبهة ثوار سوريا» كل المعلومات التي أفادت باعتزاله العمل العسكري وانكفائه في تركيا منذ ... |
10-3-2015 ناشط سوري و عروسه يتبرعون بنفقات حفل زواجهم لإقامة مهرجانات للأطفال المحاصرين من قبل قوات الأسد ( صور ) احتفل الناشط السوري "أحمد أبو الخير" المقيم في مدينة اسطنبول بتركيا بزواجه بإقامة حفلات و مهرجانات للأطفال المحاصرين ... |
كل يوم رفع أسعار
يا حكومة بس شي يوم تعو وحلو محل المواطن اللي عم يلتعن أبوه ليطالع حق الجرة
لك غليتو المازوت والبنزين والغاز وما خليتو شي بس المواطن عم ينزل سعرو وبعدين معانا والله بيكفي
المشكلة انو عم نحط تعليقات ونصيح ونعيط وما حدا سامع من الحكومة