إعلانات
بعد ولادتها بشكل طبيعي في مشفى خاص.. نسيان دكة شاش في جوف سيدة دمشقية لمدة 15 يوم
الخميس - 12 آب - 2010 - 18:30 بتوقيت دمشق
التفاصيل

قصة " وفاء . ق " هي إحدى حلقات مسلسل الأخطاء الطبية في المشافي الخاصة ، ورغم أن البشر خطاءون والوقوع في الخطأ ليس بمستغرب في عالم الإنسان ، لكن المستغرب هو أن يتم التنصل من تحمل مسؤولية هذا الخطأ وعدم تصحيحه .

بداية القصة

بتاريخ 21/7 / 2010 دخلت " وفاء . ق " إلى مستشفى التوفيق في أبو رمانة – دمشق من أجل الولادة ، حيث قامت الطبيبة "فاتنة أبو الدهب " بتوليدها ، كانت ولادة طبيعية جداً وولدت طفلة وتخرجت من المشفى ، لتبدأ صحتها بالتدهور بعد ذلك .

زوج المرأة : " خمسة عشر يوم من الألم نتيجة خطأ طبي ولم يتحملوا مسؤولية خطئهم "

التقى عكس السير السيد " علاء . ع " زوج المريضة " وفاء.ق " الذي سرد لنا تفاصيل ما جرى مع زوجته فقال " دخلت زوجتي بحالة ولادة طبيعية إلى مشفى التوفيق في أبو رمانة وتأخرت الطبيبة في المجيء لتوليدها وأخيراً أتت قبل ولادتها ب 5 دقائق .. تمت الولادة بشكل طبيعي حيث ولدت زوجتي طفلة .. لكن طالما أن الولادة طبيعية فالمفروض أن تتحسن حالة زوجتي مباشرة بعد الولادة وهذا لم يحصل " .

وأضاف زوج المريضة " ازداد سوء حالة زوجتي لدرجة أنها لم تعد تستطع الحركة وترافق ذلك مع آلام شديدة وارتفاع درجة الحرارة وكان وضعها غريب جداً ".

وتابع " اتصلت بعد يومين بالطبيبة التي ولدتها وأخبرتها عن حالتها فقالت لي أن ذلك أمر عادي وسيزول وأكدت لي ذلك "   وأردف " بقينا على هذه الحالة مدة 15 يوم من 21/7 وحتى 5/8 ولم تتحسن حالتها أبداً  فقمت بأخذها بحالة إسعاف إلى الطبيبة التي ولدتها لتقوم بفحصها ومعرفة السبب ، وليتبين بعد الفحص وجود دكة شاش في جوف زوجتي تم نسيانها  منذ يوم الولادة "  .

وتابع زوج المريضة " عندما علمت ذلك دخلت لعند الطبيبة وأنا بحالة حنق وغضب فاعترفت لي أن ذلك خطأ حصل وجلّ من لا يخطئ ولكنها ألقت المسؤولية على عاتق القابلة في المشفى ، ثم قالت لي أن زوجتي ستتماثل للشفاء سريعاً " وأضاف " فقلت لها ولكن هناك التهابات وإنتانات ألا يمكن أن تؤثر عليها ؟  ألا يمكن أن تسبب لها عقماً ؟ على الأقل عاينيها و صفي لها بعض الأدوية فقالت لي لا لا ليس بها شيء ! فقلت لها اكتبي لي تقرير طبي يؤكد أن ليس بها شيء فرفضت ! فقلت لها سأشتكي عليك فقالت اشتك ! زوجتك ليس بها شيء مجرد التهاب بسيط سأعطيكم معقم بوفيدون ولا تحتاج أي شيء سوى ذلك " .

المشفى لم يهتم ويقول لزوج المريضة " اجلب طبيبة من خارج المشفى لتفحصها لك "

وحكى لنا زوج المريضة عن تصرف المشفى فقال " أخذت زوجتي إلى مشفى التوفيق الذي ولدت به ليفحصوها فلم يهتموا لي أبداً ، رغم أني دفعت على ولادة زوجتي 14 ألف ليرة كونهم مشفى خاص لكنهم لم يلقوا لي بالاً بحجة أنه لا يوجد أحد مناوب يمكنه فحصها ، فقلت لهم لكنها ولدت عندكم ألا ينبغي أن تتابعوا حالتها ؟ فقالوا لي اذهب واجلب طبيبة من خارج المشفى لتفحصها لك هنا " وتساءل زوج المريضة " لماذا أجلب طبيبة من الخارج ؟ كان بإمكاني أن آخذها لمشفى آخر ولكن طالما أنها ولدت في هذا المشفى المفروض أنهم هم المسؤولون عن حالتها " .

وتابع قائلاً " عندما لم أجد اهتماماً أخذتها لمشفى التوفيق الحكومي ودخلوها بحالة إسعاف إلى العناية المشددة حيث كان معها ارتفاع حرارة مهبلية وإمكانية حدوث تجرثم دموي ، وبقيت ثلاثة أيام على السيروم وهم يعطوها صادات حيوية لك أن تتخيل الوضع وهي امرأة نفساء ومرضعة وطفلتي عمرها 15 يوم ولا تستطيع إرضاعها  " .

واستدرك زوج المريضة قائلاً " نسيت أن أخبرك أن مدير مشفى التوفيق وعدني بحل مشكلتي وأخذ حقي وإجراء تحقيق بما جرى ، ولكن لم أرى شيئاً مما وعدني به " .

وأضاف متسائلاً " أنا لست مهتماً بالمال ولكن طالما أننا دفعنا لهم كمشفى خاص لماذا لم يهتموا بنا ؟ " .

مدير المشفى في اتصال هاتفي : لا داعي للتهويل

و اتصل عكس السير بمدير مشفى التوفيق لنستوضح منه ما جرى وأجاب عن سؤالنا حول نسيان دكة شاش في مهبل المريضة " تكلمت مع الدكتورة فاتنة بالموضوع وقالت لي أن حالتها عادية جداً ولا يوجد خطر وفحصتها وأعطتها مضاد التهاب " ورداً على سؤالنا حول وجود خطأ طبي يتمثل بنسيان دكة شاش في جوف المريضة لمدة 15 يوم ما أدى لتدهور صحتها قال " دكة الشاش كانت من أجل توقيف النزف ، والدكتورة فاتنة فحصتها وقالت لي أن وضعها ليس سيء كما يتم تهويل الوضع " .

وتعقيباً على نتيجة الفحص الطبي في مشفى التوليد التي تبين أن وضع المريضة كان سيئاً أجاب مدير مشفى التوفيق " ليأخذ زوج المريضة التقرير الطبي إلى الطبيبة فاتنة وليجعلها تتصل بي بعد ذلك "  .

 وفي رده عن الإهمال الذي تعرضت له المريضة في المشفى الذي يديره قال " أنا جلست مع زوجها  وأخذت تفاصيل ما جرى معه وتكلمت مع الدكتورة فاتنة حول قضيته "  .

ولدى استفسارنا عن عدم اتصاله بزوج المريضة بعد ذلك رغم أنه وعده أنه سيتصل به ، قال " كان عندي سفر خارج البلد ولم استطع الاتصال به " .

يشار إلى أن مدير المشفى وعدنا بأنه سيحل المشكلة ولكن أخبرنا زوج المريضة بعد ذلك بأنه رغم ذهابه إلى المشفي المذكور ( مشفى التوفيق ) إلا أنه لم يحصل على نتيجة ترجى حيث أخبروه أن مشكلته مع الطبيبة وهي الأخرى أيضاً تنصلت من مسؤولية حدوث خطأ طبي وذكرت لزوج المريضة أن حالة زوجته جيدة وليس بها شيء .

وذكر لنا زوج المريضة أنه يبغي فقط أن لا يتكرر ما حدث معه مع غيره وأنه لن يسكت عما جرى لأنه إهمال واضح وتنصل من المسؤولية ، وأبدى خوفه أن ينعكس ما جرى مع زوجته عليها مستقبلاً كأن يحدث لها حالة عقم بسبب الإنتانات والالتهابات الشديدة التي سببتها دكة الشاش المنسية .

محمد إسماعيل – عكس السير – دمشق
التعليقات :
طبيب مغترب
(0)   (0)
للسف الطب في سوريا اصبح من المعيب عليه ان ينعت بالطب .. يمكن نعته باي وصف غريب ما عدا الطب، ولعلم الجميع (انا طبيب اخصائي نسائية) ما يحدث في سوريا، خاصة عند الطبيبات (الاحرى قول قابلات) المزدحمات بالمرضى هو الاتي : تتصل المريضة لتخبر طبيبتها بانها في مخاض، تتحجج الطبيبة بانها حاليا مشغولة وعليها الذهاب الى المشفى الفلاني وستلاقيها مباشرة، تتصل الطبيبة باحدى القابلات المتعاقدات معها وتتطلب منها ان تستقبل المريضة و ان تقول لذويها ان الطبيبة ستصل في غضون دقائق لانه لديها اسعاف، و تستمر على هكذا الحال الى ان تستشعر قرب الولادة، بعد ذلك تخبر الطبيبة على الموبايل فتأتي الطبيبة الساحرة وبخمس دقائق تولد المرأة، تقبض الطبيبة المعلوم وحصة القابلة منه 500 ليرة على ان تكمل باقي الولادة، للأسف هذا هو حال مشافي سوريا، والله يعين اللي بيوقع عنجد، والسلام.
علاء
(0)   (0)
يارجل جميد ربك مانسيو يطلعو البنت من بطنها او مسيو شي شرشف او عدة الولادة لك تفييييييييييييييييييييي على هيك مشافي حيشا السامعين طبعا
من دبي
(0)   (0)
المشافي بي حلب صارت
تجارة و حرمية ومافي ضمير و مافي خبرة و الله الأطباء و الممرضات الهنود الي مش مسلمين عندهم ضمير اكثر
قرفان مين بدو يكون يعني
(0)   (0)
وليشحاسس انو شكلو الفهمان مدير المشفى؟؟؟؟؟ الهم اني صائم لا قوي يشد على حالو بينزلو عرق هو والتركتورة الي ساوت العملية انو كنتو تعرفو تكتبوا اسمائهن الكاملة منشان الناس تربيهن ويبوسو التوبة وما يتهربوا من الغلط الاريضة على هيك ناس زبالة
متيم أسير
(0)   (0)
طبعا أغلبية المشافي السورية الخاصة هدفها الأول والأخير هو تحصيل المال وليس صحة المريض .

وطبعا من بفتتح مشفى خاص بسوريا يعني أن لديه شريك واصل أو مدعوم بالعربي :)

مافي غير الواحد يقول حسبنا الله ونعم الوكيل بس .

دمتم بخير
rami
(0)   (0)
معقول يصير هيك بمشفى
وووووووووووووووووووووووو
خاص كمان
محامي علماني
(0)   (0)
الأخطاء الطبية القاتلة مازالت تقض مضاجع السوريين ...
اخي العزيز انصحك بمراجعة القضاء لتحصيل حقك ...وانا كمحامي أضمن لك أن أي لجنة طبية ومهما كانت متعاطفة مع وضع الطبيبية باعتبارها وميلة عمل، فإنها لن تستطيع أن تتهترب في تقريرها من إثبات الخطأ المهني الجسيم في تصرف الطبيبة ....
وفقك الله ...وأعانك على مصابك
مريضة سابقة
(0)   (0)
يا جماعة انا ولدت عند دكتورةحمارةوبسبب غباؤها واهمالها تعرضت طفلتي لنقص اكسجة ولولا لطف الله لكان حدث معها اصابة دماغية كل مشان الخانم ما تنطعج نومتها وتجي على المشفى وظلت تعتمد على القابلة
دكتوره مختصة
(0)   (0)
ارواح ناس صايرة مجرد سلعة للتجارة وربح حراااااااااام يابياطرة حراااااااااااااااام\بأستثناء بعض دكاترة لي باقي عندون ضمير
المختار
(0)   (0)
الحساب عندالله مابيضيع شي
ابن البلد
(0)   (0)
يعني المستشفيات الحكومية أنظم ؟
اقتباس :
" إحدى حلقات مسلسل الأخطاء الطبية في المشافي الخاصة"
اللي بيقرأ هالحكي..بيحسب أن المشافي الخاصة أخطائها أكتر من الحكومية
مريض
(0)   (0)
عملولي عملية استئصال زائدة
كسرلولي سناني الامامية
طبيب سوري و افتخر
(0)   (0)
اولاً انا رح أرفض اني اسميك دكتور لأنو من اسلوبك باين انك سمسار مو دكتور .. و تاني شي يا ريت حضرة جنابك تتفضل تشتغل هون بالظروف السيئة اللي موجودة بمشافينا اللي طبعاً الكل بيسب عليها (بدن اروع خدمة بأرخص الأسعار) و بعدين احكي ... و ان كنت دارس بجامعة سورية فللأسف انت شتمت حالك بأسلوب غير مباشر و ان كنت دارس برا .. فكلياتنا منعرف الفاشلين اللي بيطلعوا لبرا بعد ما يكونوا فشلوا بدراستن هون .... بالفعل اتبهدل الطب إذا كنت بالفعل طبيب
عبد الستار الحسن
(0)   (0)
للأسف أضحت هذه المواضيح سمفونية تضرب على وتر حساس للقراء و فرصة لإطلاق المشاعر الهسيرية المتراكمة جراء احتقانات نفسية عديدة في حياتنا اليومية.
حقيقة, و بقرائة بسيطة نرى تهويلا هائلا و مبالغا به لهذا الموضوع.
لماذا لم تراجع المريضة اي طبيبة اخرى لمة 15 يوم بعد الولادة؟
طوني
(0)   (0)
بدها طولت بال هي الاشياء كتيرة .. المشكلة مافي حد يحاسب هذه المشافي الخاصة.. المهم عندهم المال وبالتالي ما عاد في طب وانسانية...معا
ابن المارتيني
(0)   (0)
اما من راي مريضة سابقة المار بيضل حمار
فراس دومط
(0)   (0)
اخي الكريم ، زوج المريضة
الله يصبرك عل مصابك يا رب ويعافي زوجتك وبتمنالك الخير من قلبي،
بس رجاء ثم رجاء لاتسكت عن الموضوع ، واستمر بالشكوى على الدكتورة و على المستشفى ، مومشان المصاري لا ، مشان الاهمال وعدم المبالاة يلي صاير . ولو حتى وصلت لوزير الصحة ، وانا متاكد انو شكواك مارح تروح عالارض
أسامة الدومي
(0)   (0)
الطب في سوريا تجارة وتجريب وكل يوم عم نسمع وأحيانا عم نشوف شغلات مسخرة
أنا من دوما تعالو شوفو مسلخ دوما قصدي (مشفى) دوما عنا في أكتر من 100 جهاز بس بس بس كلو عم يجرب وغيرو وغيرو
طبيب مغترب
(0)   (0)
يعني شعبنا مابيفهم شي شو الخطأ الطبي وشو الأهمال الطبي وشو الاختلاط الطبي وعل كل للمحامي الجاهز خلي أول شي مايبالغ كتير والموضوع مانوا مستاهل بس مبين جوزا أنوا محروق دموا على المصاري وبدوا يستغل وضع مرتوا ليحصل شويت مصاري. بس أنا بقيلوا هو وها المحامي الغبي مابيطلع عليهن شي لأنوا مافي شي بيخوف. بينما طبيب التوليد بمشفى التوليد بدو تكشسير أيدين على الحكي اللي بيحكي على زميلوا
ميزو
(0)   (0)
حسبي الله ونعم الوكيل
مافينا نقول غير الله ينتقم من الي كان السبب
عاادي ... والحبل عالجرار
(0)   (0)
أنا من عشر سنين عملت عملية نزف في جدار البطن في مشفى سباعي ورفاعي بحلب. والحمير نسوا دكة شاش في بطني وضليت عندون شهرين وماعرفوا سبب تدهور صحتي وعدم التئام الجرح وبعدين الدكاترة الرحماء طالعوني من المشفى بحجة أنو حراام أهلي يصرفوا علي وأنا بحكم الميت. وبعدا نقلوني أهلي الى مشفى الكندي الحكومي اكتشفوا وجود هالدكة بالصدفة. وضليت بالمشفى أربع أشهر أخرى (6 أشهر بالمجمل) حتى شفيت الالتهابات والتئم الجرح ولكن بعد فوات الآوان لأنو هالعملية سببتلي إعاقة دائمة وأنا مقعد منذ ذلك الوقت... فالأطباء عندنا الداخل لعندون مفقود والطالع من عندن مولود
محمد
(0)   (0)
أولا مستشفى خاص ثانيا قالو انو حالتها كويسة و بدن تنسى دكة شاش و لا عيب لو كنا بافريقيا ما عملوا حيك و لا حرام....
ابو علي
(0)   (0)
والله كل شي وارد بمشافينا
الحمد لله على السلامه اهم شي
وان شاء الله مافي مضاعفات مستقبلا
EL CORAZON
(0)   (0)
يعني نسوها الجماعة و خلص.....
مشان دكة شاش خربتوا الدنيا.......
المخلوقة عايشة و الحمد لله و مشان الانتانات اللي صارت بسبب دكة الشاش المشوومة بكام ابرة التهاب بينتهي الموضوع و خلص.....
ضروري نسيى لسمعة المشفى و الدكتور و نخرب الدنيا.....
بالنهاية خطا انساني و مو مقصود
mmm
(0)   (0)
كاني عبشوف المقطع في الاعادة.
هادا اللي صار معي.
الله ينتقم منن.
مشفى التوفيق ؟؟؟؟
(0)   (0)
فعلا هؤلاء الدكاترة تجار ويبيعون ضمائرهم بدراهم معدودات

هذا هو حال الطب الآن والتعليم العالي كما قلنا والقضاء أيضاً فماذا بقي إذاً؟؟؟؟؟؟؟؟؟؟؟؟؟؟؟؟؟؟؟؟

طبعاً انا لا استند الى هذا الخبر فحسب واعمم , لكن كل يوم نسمع خبر من هنا وخبر من هناك يدل على ذلك فهذا اصبح واقعا يوميا ّّّّّّّّّّّّّّّّ!!!!!!!!!!!!!!

أعانك الله يا قائدنا على هؤلاء المفسدين
حلا
(0)   (0)
بس فلوس خلوني اكره حالي الله يستطفل فيهم يجو يشوفو مشتفيات الحكوميه بلكويت والاعتناء بنا نحنا المغتربين وخصوصا اطباء حمص ياعيني الله لا يفرجيكم لي شفتو
ابو الخل
(0)   (0)
يغني بعد ما عرفت انه مستشفى التوفيق قلت شو ما حكا الزلمة معه حق
وخاصة المسا وقت المناوبة
مو نص الليل الساعه 7 او 8
خليني ساكت صايرة معي قصص هنيك
احمد
(0)   (0)
لماذا تنعتون الاطباء بكلماتكم الجارحه .الطبيب لايذل .وشوفو حالكم كيف بتصيرو متل القطاط وفت بدكم دكتور
مغترب في اليونان
(0)   (0)
اخوي بيقولولك المشفى في الشام مش في حلب
موكل شغلة تركد على حلب
تاني مرة فهام شو عم تقراء
سلام يا ناصح ^-^
علاء الطافش
(0)   (0)
لك يا عيب الشوم على هيك مشافي وهيك دكاترة

المفروض انو وقت يغلط الواحد يعترف بغلطو ويصلحو مو يتهرب من المسؤلية

بس الحق على وزارة الصحة
وطالما البلد شغالة عالرشوة والواسطات بقى انسىىىىىىىىىىىىىىىىىىىىىىىى

واخر شي تفي على هيك دكاترة ومشافي


واحد حلبي
(0)   (0)
يعني يا طبيبنا الفيهم ...الطبيب المغترب ما حكى الا كل شي صح
وحكيو كلو نظامي .... بعدين سوء الاوضاع ما بتخلي الطبيب يضحك عالمريض ... اي يقطع عمركن ...انا عملت حادث ودخلت ع مشفى كانو بدن يقطعولي ايدي ... يلعن شكلن ...

بعدين رحت ع غير مشفى فيا ابن عمي ... عملولي عملية لايدي ومشي حالها

فبقى يستر اختك لا تتفهمن علينا
لانو كلنا منعرف شو احوال الطب في سوريا
محمد
(0)   (0)
انا رحت ع مشفى التوفيق بعد اصابة برجلي واستقبلني دكتور ما كلف خاطرو يشوف الاصابة وعندما سالتو اذا كان بدها تصوير قال لي متل ما بدك ولما سالتو عن ادوية قال لي اذا بدك خود كذا او كذا ف شو رايكم بهاد الدكتور
ممرض
(0)   (0)
كل هذا الكلام صحيح وعم يصير بس ما في مين عم يطلع على هيك مواضيع فانا اشتغلت مع كثير اطباء وطبيبات بالعمليات ولكن هيك اخطاء للاسف والاسف الشديد ترمى على المساعدين نحن مع الريض بمتابعة الشكوى للحصول على قرار ينظم هيك مشاكل والله ولي التوفيق
ابن جيرود
(0)   (0)
كل هالحكي مضبوط وعم يصيربس شو بدك تعمل انا بنصحك تكمل للاخر وما تهمل الشكوى لانو رح يظلو ينسو ورح يوقع غبركم بنفس الغلط انا بشتغل بالعمليات وعم شوف هيك اخطاء ولكن مع الاسف ينسب الخطا على الممرضين والمساعدين
رهف
(0)   (0)
الله لا يسامح هيك دكاترة لأنهم بلا ضمير وبلا احساس
وكمان بعد ما غلطوا
ما بيعترفوا بغلطهم
بكل وقاحة بينكروا
مقهور
(0)   (0)
أين هي نقابة الأطباء
أين هي نقابة نخبة المجتمع
أين هي نقابة ملائكة الرحمة
أين هي نقابة النهب
أين هي نقابة الشفط
أين هي نقابة الجزارين
أين هي نقابة المصلحة
أين هي نقابة تجميع المصاري

يعني الواحد لما بيدخل ع المشفى بشوفوه كيس مصاري دخل وليس انسان مريض

ارحمو من في الأرض يرحمكم من في السماء

والله يشل كل ظالم ويمد بعمره

والى الله أشكو حالنا
عبعال
(0)   (0)


نتمنى من عكس السير التوجه للمعنييين و وزير الصحة لجهة اجبار المستشفيات على اعطاء تقرير طبي لكل مريض يدخل المشفى فيه اسم الطبيب و حالته بالتفصيل مع الفاتورة




طبعا هالشي مستحيل

ممرض
(0)   (0)
هذا الكلام صحيح مئة بالمئة فانا اعمل كمساعد للجراح في غرفة العمليات وكل خطا معهم ينسب للمساعدين والتمريض مع انو هذا عملهم ولكن الطبيب يعمل العملية وقبل ما تخلص يطلع ويقبض المصاري ويمشي والمساعدين يكملون الخياطة و000000000الخ يا ريت تكمل الشكوى للوصول الى قرار وزاري بهذا العمل ونحن نشد على يديك
mohsen
(1)   (0)
انا افتخر اني من سورية و اطبائها
متمييزين لكن يوجد بعض الاطباء
يعملون فقط من اجل المال
وائل.م
(0)   (0)
بعض المهن التي يجب أن تكون موثوقة:
طبيب
محامي
مدرس
مهندس تصميم
ممرض

كم هو عدد الذين تقابلهم في سورية و يمتهنون هذه المهن ، يمكنك أن تثق فيه و تأتمنه على:
صحتك
قضاياك ومشاكلك
أولادك
منشأتك و كفاءة مشاريعك
العناية بك

؟؟؟؟؟!!!!!!! يرجى وضع عددهم ..........للاسف العدد قليل.........
للاسف فايدة نيي بابا
مختار
(0)   (0)
انا ان شاء الله عدي الحل انا اولاً طبيب الراي ان تقوم وزارة الصحة بالتعاقد مع الاطباء السوريين الذين يحملون الكفاءات العلمية (المختصين في امريكا والدول الغربية المتقدمة في مجال الطب ) ليقوموا هؤلاء الاطباء بتعليم الاطباء تحت الاختصاص اصول الطب واحدث ماتوصل اليه العلم وهناك الكثيرين منهم يرغبون بالتعليم لماذا لا تقوم الدولة بانشاء مدن طبية كبيرة مثل الاردن الميزانية موجودة في البنوك السورية والتكاليف تسترد في اسرع وقت فهذه المدن تكون وسائل جذب للسياحة العلاجية للبلد فنكون قد ضربنا عدة عصافير بحجر واحد 1-تعليم الاطباء بشكل صحيح 2-تقليل الاحطاء الطبية بشكل كبير 3-شغلنا الاموال المخزنة في البنوك 4-ادخلنا الفلوس الى البلد عبر السياحة العلاجية من دول الجوار والحليج 5-عملنا تنمية اذا كانت هذه المدن الطبية منتشرة في ربوع البلد مثلاً في المنطقة الشرقية والجزيرة والمنطقة الشمالية والساحلية والجنوبية هذه المدن كم تتطلب من يد عاملة وكم قطاع سوف يستفيد منها هل يعقل ان تصبح سمعة الطبيب الاردني احسن من سمعة الطبيب السوري مع احترامناللدول العربية كلها
جارة الدكتورة بالبناية
(0)   (0)
يا جماعة هي الدكتورة صحيح قديمة بس اخطاءها الطبية كتير كبيرة انا بتذكر من شي 15 سنة سكرولها عيادتها بالشمع الأحمر فترة منيحة لنه وهي عم تولد وحدة شدت الحبل السري زيادة قام ماتت الام والطفل طبعا هي الدكتورة بتولد بعيادتها كمان مو بس يالمشفى وانا بعرف انو هالشي ممنوع
Dr O alzouabi
(0)   (0)
يا سيدطبيب سوري و افتخر نعيب زمانانا و العيب فينا وليس لزماننا عيب سوانا ، انت بكلامك اتهمت كل الي بيدرسوا طب برا سورية بالفاشلين.انا درست برا سورية و ما قدرت عادل شهادتي بسورية بس قدرت عادلها ببريطانيا وعم اشتغل و اتخصص فيها ،ليش يا حزرك؟؟ انا اتفق مع طبيب مغترب انو الطب ممارستو بسورية هات ايدك و الحقني لانو ما في عنا مراعاة لمعنى كلمة طب او طبيب او شو يعني مرض او مريض و التعامل بشكل منهجي منطقي مع هالمصطلحات ؟؟فيا سيد طبيب سوري و افتخر كلنا سوريين نفتخر ببلادنا الغالية و بنتماناها تكون من احسن بقاع الارض بس لاسف مو كل اطبائنا حتى خريجي الجامعات السورية هم الافضل ، و في منون العاطل والعاطل كثير و حاجة نفخة كذابة.
عبد
(0)   (0)
وينو وزير الصحة
merlo
(0)   (0)
بسيطة أختي تمت الشاشة ببطنها حوالي 11 سنة
وصار ابنها بالصف الخامس والمصيبة أن العملية كانت من مدير و صاحب المشفى الخاص
يلي المفروض أنو كتير فهمان.
بس هلــ 11 سنة سببوا لها كتير من الأمراض
أبوحسون
(1)   (0)
يعني لا مشفى خاص ولا حكومي واحد بيرتاح فيو......
حسبي الله ونعم الوكيل
كيكي
(0)   (0)
شوشو شو رجع التعليق و الله منيح ثابر الى الامام يا عكس السير بس الغولنا دعاية غسالة بيكو اللي هلكتني كل ما بفتح صفحة من صفحات عكس السير مشكوووووورين
مازن
(0)   (0)
للأسف وضع الأطباء في بلدنا والمشتشفيات متل وضع أي بسطة خضرة أو محل بقالة فهم ينظرون إلى المريض كزبون مضطر للتعاطي بسلعتهم السيئة فالطبيب يعمل في أكثر من مكان (موظف في أحد المشافي الحكومية + متعاقد مع أحد المشافي الخاصة + عيادته الخاصة ) وهذا بالطبع ينعكس خدمة سيئة على المريض وإذا حدث أي خطئ نتيجة إهمال الطبيب فالمبرر جاهز دوماً ( إختلاطات مابعد العمل الجراحي ) فعلى وزارة الصحة الوقوف موقف حازم اتجاه مايجري فأما يعمل الطبيب في عيادته فقط أو يعمل في المشفى
أم عبدو
(0)   (0)
أناصار معي نفس الفصل بس ولادة قيصرية وعند أكبر أطباء حماه وبمشفى التخصصي وبقيت الشاشة في أحشائي عشرة أشهر ونفدت من موت محقق بقدرة قادر
لولو
(0)   (0)
الله لا يسامحها هالفاتنة بترضاها هيي على حالها ولا على بنت من بناتها كانت قيمت الدنييي وما قعدتها
Nony
(0)   (0)
والله عيب يلي عم يصير قال مستشفى خاص وبأبو رمانة
ماعندون ضمير
مشروع طبيب
(0)   (0)
بس يا سيادة الدكتور اللي عم تهاجم القراء الشرفاء وانت بلشت تحط الحق على الناس وعلى المشافي وعلى التجهيزات بحب قلك انو بحترم الطب بسوريا كتير بس انت واثق باللي درسوك ياه أنا طالب طب سنة رابعة والحمدالله الفكرة الاساسية اللي براسي انو اطلع من هالبلد بس لكمل دراستي وما اشتغل هون ابدا مشان ما يجي اليوم اللي صير فاشل و حط الحق عالتجهيزات والمرضى اللي كل اللي بدن اياه انو نمارس واجبنا مو اكتر....
وشكر
طبيب مغترب بالسعودية
(0)   (0)
بدي قدم نصيحة لعكس السير:
أنا برأي بدل ما تنشرو موضوع تشهرو فيو باسم الدكتورة و تثيروا الحقد الاجتماعي الكامن على الأطباء كان لازم أكتر تهتموا بموضوع ممكن يزيد ثاقاة الشعب الطبية لأن الشعب مازال يؤمن أن السيروم هو اكثير الحياة لا يحق له الحكم على الأداء الطبي
أنا طبيب مغترب بالسعودية وعندما أقارن الطب في سوريا بالطب هنا دائما ترجح كفة الطب بسوريا بس لازم تعلموا الناس شو يعني اختلاط وشو يعني اهمال وشو يعني خطأ
المشكلة أنو دايما الحرامي بشوف كل العالم حرامية والكذاب بشوف كل العالم كذابين وللأسف عدد الحرامية و الكذابين زاد بالفترة الأخيرة وهاد واضح من التعليقات على الموضوع
طبيب طافش
(0)   (0)
يعني الواحد بيفوت على مستشفى حكومي بيلاقي وسخ وزبالة وبيروح على مشفى خاص بيلاقي مشارط وعمليات وأحيانا مافي سبب للعملية وبيعملوها وفوقها اهمال وطمع وسحب مصاري جزاريين يعني والنقابة متل قلتها بس شاطرين بالركض وراء الدكاترة حتى يدفعوا الرسوم ومراقبة مافي ووين وزارة الصحة وين مافي شي نهار فكر وزير الصحة يروح على شي مستشفى هيك زيارة فجاة آخ منكم آخ
أبو مازن
(0)   (0)
أنا برأيي نرجع متل أيام زمان لعند المجبر والداية

حسبي الله ونعم الوكيل
bisan
(0)   (0)
والله استحت الداية أم زكي تعمل هيك بولاداتها .....
محمود
(0)   (0)
منيح الدكتورة مانست حالة جوا ! شي منيح(مشفى خاص)*****
مساعد عمليات من حلب
(0)   (0)
طيب شو رايكون يا قراء انو الدكتور محمد فوزي حسن وهو جراح عام متخرج من اسوء الدول الاشتراكية وفاتح عيداة بالاشرفية بمدينة حلب , دخل على عملية دوالي باحد المشافي الخاصة بحلب لمريض عمرو 40 سنة وشالو الشريان الفخذي بدل ما يشيل الوريد الفخذي وبعدين ازرقت اجر المريض بعد العملية وصار برودة اطراف واستدعو جراح اوعية عالمشفى واكتشف انو الشريان الفخذي مو موجود وعملولو للمريض عملية تانية اسعافية بعد ما نقلو المريض لمشفى تاني لعدم توفر الامكانيات وزبطو وضعو بعد ما حطولو وصلة صناعية شريانية , وبعد كل شي صار طلعو اهل المريض عم يشكرو الدكتور محمد فوزي حسن لانو انقذ حياة المريض وهني مو عرفانين انو خرب بيتو للمريض ؟؟؟؟؟؟؟؟ وا اسفاه
سلام
(0)   (0)
اقترح تعين موظف من الدولة في سائر مشافي الخاصة وتقديم تقرير يومي (اسبوعي ) عن وضع المشفى ومتابعة اجور العمليات واوضاع المرضى .
حتى لا يظن أن المشفى لايوجد أحد يراقبه
توفيق
(0)   (0)
انو شو هالدكتورة الغبية المعاقو وهالمشفى اللي لازم يتسكر ولازم ماحدا بفوت عليه انو ما في قانون ياخد حق هالمراة وزوجوا انو عايشين بغبة هالبلد صارت العيشة فيا كأنك عايش في حاوية زيالة
مكسور الخاطر
(0)   (0)
الله لا يسامح الدكتورة فاتنة و لا يوجهلها الخير
كرم ستوت
(0)   (0)
أمامك القضاء يا صديق .
بإمكانك رفع دعوى أمام القضلء الجزائي تطلب فيه التعويض عن الضرر الذي لحق بك وبزوجتك من جراء خطئ الدكتورة والمشفى .
وبدوره القضاء الذي هو ليس أحسن حالاً من الطبابة سيكلفك بتوكيل محامي وتدفع أتعابه من ثمن قوتك وقوت عيالك وسوف يطلب المحامي تشكيل خبر ثلاثية وبعد الخبرة يتبين بأن نسيان الدكة أمر بسيط ولايؤدي إلى هذه الإلتهابات وأن سبب هذه الإلتهابات هو تشوه ولادي تعاني منه زوجتك منذ ولادتها ( مابعطوا على زميلتهم ) وسيستأنف المحامي الخبرة وسيطلب خبرة خماسية والتي بدورها ستؤيد ما ذهبت إليه الخبرة الثلاثية وتضيف بأن أهل زوجتك على علم بتشوه ابنتهم ولم يخبروك عندما تقدمت لها ( ما بيعطوا على زميلتهم وزملائهم )وينبري المحامي لاستئناف الخبرة ويطلب تشكيل لجنة سباعية وستكون نتيجة الخبرة نفس ما سبق وتضيف بأنها تطلب ملاحقتك وزوجتك بجرم الإنجاب وزوجتك على هذه الحال
ايمان
(0)   (0)
دائما هيك بيصير لما بيكون في خبر حلو الناس بتحكي شوي عنو بس لما بيكون سيئ بتصير فضيحة و مابعدا فضيحة ليش مانكون احسن من هيك ونحافظ على سمعة البلد و اطباء كمان متل مافي السيئ في المنيح مو كل الاطباء سيئين ولا كان ما ظل حدا عيش سمعت بلدك من سمعتك خليها احلى بوجودنا ازى مافي حدا بيقدر يحاسبن في يلي اكبر مني و منك هو ربك مافي دين بيموت و في وراه مطالب
داعي
(0)   (0)
أخي ارفع اديك للسماء وادعي فدعوة المظلوم ليس بينها وبين الله حجاب

ولا حول ولا قوة الا بالله
د.محمد
(0)   (0)
ياجماعة اللي بيعرف الدكتورة فاتنة عن قرب بيقللك هي شيخةزمانها شو دين وشو تقاة وتستر وراء الحجاب والصلاة
انا برأيي نعمل حملة شعواء ضد الدكتورة ونحذر كل مريضة بتحاول تدخل على عيادتها وانا أول من سيطلق الحملة في منطقتنا حيث أسكن قرب عيادتها
لربما الله يحق الحق وتاخد المريضة حقها
سليم سلنغو
(0)   (0)
ياجماعة هيدا منو اول ولا رابع ولا عاشر خطأ لهيدي الدكتورة روحو وشوفو كام شكوى صار عليها من اخطاء رهيبة
ياترى مين اللي داعمك يادكتورة
مين اللي عم يحمي فساد الطب ببلدنا ويداري عليه
هديل
(0)   (0)
باين شغل هالدكتورة هات ايدك ولحقني منيح ما نسيت شي شرشف جوا
ابن البلد
(0)   (0)
الاطباء لي علقو على الطب بسوريا ولي علقو على الطب خارج سوريا
الطب عمل انساني قبل ان يكون مهنة للربح وكل العالم يعرف ان الطبيبة تتكل على القابلة قبل الولادة وبعدها ولا تتعب نفسها الا في ساعة الفصل وهذا الامر مرفوض في نص مهنة الطب ودراستها وان الطبيب او الطبيبة يجب ان يكون فوق راس عمله ومتحمل لمسؤليته تماما مثل اي صاحب عمل ثاني فارجو من مدير المشفى فتح التحقيق اللازم واخذ حق المريضة والزام نفسه ايضا بتقديم الاعتذار لانه ايضا صاحب غلط كبير لعدم تحققه من الامر عن طريق دكتور او دكتورة ثانية ضمن سرية لعدم احراج الزملاء
شي بهوي
(0)   (0)
يعني مانا مرتاحين لا مشفى حكومي ولا مشفى خاص

بالنسبة لهي البطيخة الدكتور حرام تكون دكتورة بيطيرة او حتى كتير عليها

وين الرقابة ووين القاناون يعاقبها ويخليها عبرة لغيرها

الله يرحمك يا جدي

شو دخل جدي بالموضوع شي بجنن
طبيب محب لسورية
(0)   (0)
في كل دول العالم اي طبيب يتخرج حديثا أن يتدرب على الناحية العلمية فترة قبل ان يتعامل مع النفوس البشرية,ومرتبته العلمية تترقى بالتدريج ,لا أن يفتح عيادة ويستمر بالتخبيص ولم المصاري
سهيل سهيل
(0)   (0)
يلي بيفوت على المشافي الدوله والخاصه ياما بيشوف تقشعرو لها الابدان
اذا بحكي ما بخلص الاسنه وكانو المريض ليسى من البشر بدن يتعلمو بلبشر لازم يشمع المشفى بلشمع الاحمر مهما كان الغلط بسيط يعني لازم المريضه تموت لا سمح لله حتى يسئلو أو يحسبو المشفى ***يحكم هولاء الاطباء حتى يكون هنال رادع مشان غيرهم شفنى كتير وسمعنا كتير بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ايوب زين الدين
(0)   (0)
عزيزي انا اليوم مؤمن بعدم وجود الطب اصلا في سوريا لان ما جرى مع السيد علاء وزوجه الكريمين كان حالة افضل من غيرها بكثير "فتخيل واقع الطب والاطباء ان كانت هده عي الحالة الافضل"
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " ماشيين غلط "

11-3-2015
مستشار القائد العام للحرس الثوري : قادتنا العسكريون حرروا 85 % من الأراضي السورية
قال مستشار القائد العام للحرس الثوري الإيراني، اللواء حسين همداني، إن "القادة العسكريين الإيرانيين قد حرروا 85% من ...


11-3-2015
السلطات قامت بتصفية مجموعات عائدة إلى البلاد .. الحزب الشيوعي يكشف عن صينيين يقاتلون في صفوف " داعش "
أفاد أمين عام "الحزب الشيوعي الصيني" في منطقة شينغيانغ غرب الصين بأن متطرفين صينيين انضموا إلى تنظيم "داعش"، ...


11-3-2015
تهريب أسلحة و كوكايين .. السجن 16 عاماً في نيويورك لنجل رئيس " سورينام " بتهمة مساعدة حزب الله
حكمت محكمة في نيويورك الثلاثاء على نجل رئيس سورينام بالسجن لأكثر من 16 عاما بتهمة محاولة تقديم الدعم ...


10-3-2015
محكمة فرنسية تحكم بالسجن 3 سنوات على رجل ساعد فتاة أرادت الذهاب إلى سوريا للانضمام إلى " داعش "
 اصدرت محكمة باريسية الثلاثاء حكما على رجل بالسجن ثلاث سنوات لانه ساعد فتاة في الرابعة عشرة من عمرها ...


10-3-2015
مع تدهور الأوضاع الأمنية في الداخل اللبناني .. الشرق الأوسط : " حزب الله " بين المعركة و الحل السياسي في سوريا
لا يبدو «حزب الله» المنهمك حاليا بمعارك سوريا وخصوصا تلك المحتدمة على الجبهة الجنوبية وبالتحديد في مثلث القنيطرة ...


10-3-2015
الشبكة السورية لحقوق الإنسان : طائرات التحالف تسببت بمقتل أكثر من 100 مدني في سوريا
  أفادت الشبكة السورية لحقوق الإنسان، أن قصف قوات التحالف الدولي على تنظيم داعش، ضد مواقع التنظيم ومواقع أخرى ...


9-3-2015
مستشار الرئيس الإيراني : عدنا " إمبراطورية " كما كنا .. و عاصمتنا الآن هي بغداد
قال علي يونسي، مستشار الرئيس الإيراني، حسن روحاني، إن "إيران اليوم أصبحت امبراطورية كما كانت عبر التاريخ وعاصمتها ...


9-3-2015
صحيفة : دمشق القديمة تتحول لـ " مربع أمني " لحزب الله
  بعد تفجير حافلة تقل شيعة لبنانيين بالكلاسة بالقرب من سوق الحميدية وسط دمشق مطلع شهر شباط الماضي، بات ...