" أبو جانتي " حديث الشارع السوري في حلقاته الأولى .. المصري لعكس السير : نتيجة تعب ثلاث سنوات .. وأيمن رضا : إذا فتحت شباك منزلك سترى أبو جانتي وأبو ليلى السبت - 14 آب - 2010 - 17:27 بتوقيت دمشق
التفاصيل
في حلقاته الأولى ، وقبل أن يكشف عن جميع شخوصه ، احتل المسلسل السوري " ابو جانتي " مركزاً مرموقاً في قلب المشاهد السوري والعربي ، وبات حديث الشارع ، في مختلف شرائحه وفئاته ، واصبحت مواقفه مثار نقاش وإعجاب المشاهدين ، الذين حفظ معظمهم " الطقطوقات " ثنائية اللغة التي قدمها العمل حتى الآن . ومسلسل " أبو جانتي ملك التكسي " مسلسل كوميدي سوري يعتمد بساطة الشخصيات والكوميديا السوداء في الطرح ، ويعمل وفق آلية الحلقات المتصلة المنفصلة ، التي تلعب فيها الشخصيات ذاتها أحداثا تختلف من حلقة لأخرى، وهو من تأليف وبطولة الفنان سامر المصري ، الذي يشاركه البطولة عدد من نجوم الدراما والكوميديا السوريين كالنجم أيمن رضا ، والنجم أندريه سكاف وغيرهم ، وهو من إخراج زهير قنوع . سامر المصري : أبو جانتي استهلك ثلاث سنوات من العمل الجدي الشاق وقال الفنان سامر المصري لـ عكس السير " إن أبو جانتي استهلك ثلاث سنوات من العمل الجدي الشاق ، وهو أكثر مسلسل تعبت به في حياتي ، وأكثر عمل استمتعت به في نفس الوقت". وكشف المصري لـ عكس السير عدداً من الصعوبات التي واجهت العمل ومنها " إيجاد سيارة لانسر مناسبة ، وتجهيزها كونها قديمة يعود موديلها لعام 1983 ". ورفض النجم السوري التعليق على الحلقات الأولى التي عرضت من العمل ، وقال لـ عكس السير " دعونا نترك المشاهد يعلق ويحكم " ، معبراً في الوقت ذاته عن فرحه لما حققته الحلقات الأولى من " نجاح مبهر " على الساحة السورية والعربية . وختم " المصري " حديثه لـ عكس السير بتهنئة القراء بشهر رمضان ، مؤكداً أنه ينتظر نهاية العمل وتقييم المشاهد . ايمن رضا لـ عكس السير : تقصدت إظهار أبو ليلى " بشع " .. وأم ليلى " تعشق مهند " ومن جهته ، اعتبر النجم السوري ايمن رضا أن دوره في مسلسل " ابو جانتي " من أهم الأدوار التي لعبها في حياته ، لما تتمتع به شخصيات المسلسل من " بساطة وكاراكترية " يلعب عليها الممثل . وقال " رضا " لـ عكس السير : " إن مسلسل ابو جانتي ببساطة هو البساطة دون تعقيد ، فالمشاهد إذا فتح شباك منزله سيرى ابو جانتي وأبو ليلى ، إن مقولة العمل واضحة وبسيطة ، عش حياتك واستمتع بها ايا كان وضعك المادي ، غنيا كنت أو فقيراً ". وبين النجم السوري أن أهم ما ميز مشاركته في هذا العمل " حرية التعامل مع الشخصية " ، وقال لـ عكس السير : " لقد اخترت شكل الشخصية ، وتعمدت أن تكون بشعة ، كي أخرج قدراتي التمثيلية ، لأنني مؤمن بأن المشاهد يحب الشخصية لتأثيرها وليس لشكلها ". وتابع " كما أردت أن أظهر النقيض ، فأبو ليلى بشع المظهر ، يعيش تحت سطوة زوجة تعشق "مهند " ، وهو نسونجي ، وهنا تكمن المفارقة ". وأثنى أيمن رضا على سامر المصري وقال " سامر فنان ذكي جداً ، عمل ببساطة ، استمتع خلال إعداده وعمله ، لذلك سيكون العمل ممتع وناجح " ، كما اثنى على جميع الممثلين الذين شاركوا في المسلسل ، وخصّ الفنان اندريه سكاف الذي اعتبره " الفنان الكوميدي الأول في سوريا ". وعن تطور مسلسل " أبو جانتي " من لوحة في بقعة ضوء إلى عمل متكامل ، قال أيمن رضا " إن هذا التطور يحقق الغاية التي خرج لأجلها " بقعة ضوء" ، فمسلسل ابو جانتي حاله كحال بقعة ضوء يعتمد أسلوب العمل المنفصل المتصل ، وهو القالب الذي تعلمناه من عمالقة الفن في سوريا أيام غوار و حسني بروظان ، ونقوم الآن بتطويرها ". يشار إلى أن عدد محبي صفحة " ابو جانتي ملك التكسي " على "الفايس بوك" فاق الـ 750 معجباً بعد عرض حلقتين فقط من المسلسل . يذكر ان مسلسل " ابو جانتي ملك التكسي " يعرض على أربع محطات فضائية ، وهي قناة الدنيا السورية و قناة روتانا خليجية و قناة الجماهيرية الليبية كما يعرض على القناة السورية الأولى . علاء حلبي - عكس السير |
مسلسل حلو وممتع والبساطة اهم ميزاته
تضحك من مواقف واقعية مشاهدت تعكس حياة المواطن السوري
يخرج عن الغطار التقليدي وله قصص وحكايا حقيقية ومن الواقع
مشكور عكس السير على هذه اللقاءات الطيبة
لكنه ليس في الكوميديا فاللوك الخاص به لا يليق بالكوميديا ابدا
تحية لايمن رضا
حتى ممثلين سوريا بيجننوا
وبحب اخبركم انو بعد سوريا ورئيس سوريا مافي
شو الظاهر لتكوني مو ام جانتي لتكوني بسامة الملا :)
ولاحكي طالع نازل ولا كبارهيات ولاشي
**رمضان كريم**
الظاهر مانك شايفتيه وعم تحكي
من راسك استني نهاية المسلسل بعدين قرري مو من اول حلقتين
ممثلينا مبدعين مافي بعد المسلسلات السورية
يعني لولا ما يكون سامر المصري مشهور بكوميديته ما حدا فكر يتابعه ولهلق عم نقول بدنا نشوف الحلقات الجاية بلكي منكون غلطانين
يعني يهدف الى جعل المواطن مثل الحشاش الذي عتقد انه مثل ابو جانتي معتر بس سعيد أكتر من الغني .
مررررتاح كتيررررر
ومع هيك يا دوبني لحق اقرالي جزءين بهالأيام الفضيلة
هو الواحد كام عمر بعييييش ؟؟
بلا كوميديا بلا بطيخ
وشكرا للفنان سامر مصري على هذا المسلسل الرائع
و بانتظار المزيد
...
أما أيمن رضا ,, فحكاية ثانية لا تعليق على روعتها
....
الدعا بكرا ما يصير باب حارة جديد ويبدل أب جانتي السيارة ععدد بواب الحارة D:
نحن برمضان الشهر المبارك
يلي فيه ليلة القدر خير من ألف شهر .
حاسبوا أنفسكم قبل أن تحاسبوا
أغتنموا هذه الأوقات بالطاعات
وبالتقرب إلى الله عزوجل
فكروا بالآخرة تركوا المسلسلات
العربية والتركية الله يهديكون
الله يهديكون أغتنموا أوقاتكم
بذكر الله وأفضل الذكر
لا إله إلا الله
لكن المخرج دون مستوى النص بصريا
وهذه الفزلكة التافهة في تكسير الصورة يسيء إلى الصورة وجمالها
مودتي
ورغم أنه مبالغ فيه بالنسبه لسائق تكسي ولكنه يبقى بالأول وبالأخير عباره عن مسلسل وليس حقيقه ... ومني لسامر المصري وأيمن رضا كل التقدير والشكر
وبعدين مسلسل عم يحكي واقع يعني مو تهريج وهادا الواقع كل يوم عم يصير معنا وهيك مسلسل واقعي احسن بمليون مرة من التخريف اللي عم يصير بمسلسل باب الحارة
وعنجد احلى ثنائي سامر وايمن
بس للأسف خاب أملي كتيييييييير لانو المسلسل ممل وفيو شوية بياخة
لأنو بحبك وبحب تمثيلك يا أستاذ سامر بتمنى ترجع لمسلسلات تليق بشخصيتك المهيوبة
ضيعت حالك بهالدور.....
بالكاسة شلفتووووو
وبالكف لحقتووووو
ابو جانتي طليانوووووو
خخخخخخخخخخخخخخخخخخخ
دخيل ربه على هالمسلسل
ســــــــامر المصري مو مستني رأيكم الفذ
شكلكم متعودين على أبو شهاب و على راسي حارتك
يا جماعه يالي متفاجأ فيه أيمن .. لك ليش هيك عم يعمل بحالوا أنا مو عارف ..
وكمان سامر لك يا شباب كنتوا أنتوا التنين أمل للفن السوري .. وكنتوا ركيزه أساسيه فيه ..
لك توصلوا لهيك مستوى .. بس صراخ وصياح ومو عارفين كيف بدكون تعملوا شي يضحك الناس ..
والله أنا نصدمت فيكون
بالنسبة لسامر المصري فأنه راااائع واقول له انو دور العقيد لا يلبق إلا له مهمه فعل بسام الملا المغرور والذي فشل باب الحارة بعقليته الدكتاتورية
ويجب ان ينصب تمثال لابو جانتي بساحة سعد الله الجابري بالفردوس لانو اكيد رح يحرر الكثير من الاراضي العربية المغتصبة
والو شعبية كتير كبيرة متل اللي بينباعو باريحا بادلب
حسبنا الله ونعم الوكيل ماذا يحدث بالشباب المسلم وكيف تتغير الافكار بهذا الشكل
............
واكثر نجاحا من بقعة ضوء
ويصور الشارع السوري بكل بساطة
هي الي بتقول اتقو الله وهاد الي بقول سخيف وهاد الي بقول الله يهديكم اي حاج تنظير وبيض كلياتنا مامقصرين برمضان باذن الله وبالنسبة لمسلسل ابو جانتي فهو اكتر مسلسل محترم لهلا انو مافيو شخلعة و كتير محترم
يعني بعد الأدوار الجريئة و الصعبة يلي نفذها سامر المصري ما حلوه منو يصير مهرج .........
من بعدك ما حدا يكتب
ياسلام
و الحشا هالدراما السورية صايرة مسخره.. انتو معتبرين حالكون فنانين ولا مخرجين ؟
لك انتو شلة نصابين راكضين خلف العملة
اللي بقدم اخراج خلف منو ابداع هو نجدت انزور و بس
و اللي بمثل بابداع من قلب و رب
هو بسام كوسا
اما البقية شلة متصنعين
اناس راكضين خلف العملة و بس
الكوميدي الهادف اجتماعيا وفقكم الله يا شباب مسلسل ملك التاكسي
وشكرا
بس الإخراج بقرف
والله بيخ المسلسل
ع أد ماعم يأطشو المقاطع
هالمخرج فاشل
وبتمنى أنو يبطل يخرج ويخلي هالشغله لغيرو
بس المسلسل حلو كتير
وسامر المصري عم يأدي دور مختلف
والله يوفأو
الشخصيات متعوب عليها
والممثلين ماشاء الله لاغبار
عليهم
مع انهم كل ادوارهم كوميدية
الا ان كل دور يتميز بنكهة معينة
ارى التقطيش ليس سيء
بالعكس يظهر تناقضات رائعة ويعطي الشخصية الكوميدية حقها
انت وعم تحضر بتقطع الصورة 100 مرة
ما قدرت كمل و لا حلقة
الممثل الناجح اللي فيه ياخد ادوار متنوعة ومتعددة يعني الدور مابيحكم علىشخصية الواحد
والمسلسل رائع وبس
سامر المصري روعة وايمن رضا على اروع التنين بجننو
ليش بتستشهدو فيه لكن
قال 750 معجب
صحي انو بروكسي عم تحطو هالايامات خبرونا ..
الحياة مزيج من التناقضات
الله يوفئكم كمان وكمان
مسلسل ابو جانتي حلو كتير كتير
واحترم آراء اللي بيئولو ان المسلسل عمبيأطش كتير ،
انا اشوفه هاد مو تأطيش هذا لمسة اخراج ابداعية مايفهما إلا القليل من الناس وهي اللمسة عبارة عن اختصار وقت ،،، يعني مثلا لبينما تجي شكران من عالباب لتسلم على ام النور بدها وئت كتير ماهيك ، فالمخرج أطش الوئت هاد كله خخخخخ
،،،،
بس الصراحة يا شباب
المسلسل روعة روعة روعة وخصوصا حلقة المسؤول ابو طارق
وكزلك الامر بحلقتو ببقعة ضوء اللي عملت هاد المسلسل الحالي
شي طبيعي كل اللي قرفو من هاد العمل انون خابت توقعاتهم شوي بس مو يعني انو المسلسل مو ظريف وسامر بيضل عفوي غصب العنك ولزيز
بس في نقطة تانية شدت انتباهي في واحد من الاخوان معلق فوق على ايمن رضا
وهو مستغرب ليش ايمن رضا عامل في حالو هيك
والله العظيم انا اللي مستغرب واانا اللي بقلك انعمش حدا بيحكي على ايمن رضا هيك وانت بتعتبر اذا اخد دور هيك انو انتقص من حالو
بالعكس يا فهمان ايمن رضا هو اللي بيضيف للشخصية وبيضيف كتير
بنهاية الحكي بعرف انا منغولي بس افهم من كتير ناس
بس هنن كلمتين وشكلين ما بحكي
ممثلين بتحدى فيهم ممثلين العالم اجمع
- بسام كوسا
- ايمن رضا
بتحدى فيهم ممثلين هوليود نفسهم
شهر رمضاننحنا منقضي مسلسلات
وكلنا مننسى انو شهر عبادة الله يرحمنا ويغفرلنا شقد عم ناخد سيئات وهيك بدون مانحس
المسلس ناجح وأحلى مسلسل برمضان على الأكيد وسامر المصري ممثل قدير بكل أدواره وأيمن رضا الممثل الكوميدي الأول بسوريا وبالتوفيق لكم جميعا
1 - سئل شخص كيف تعرف السوري فقال
اولا انه متأفف دائما على كل شيء
يتكلم من خلف الحيطان
يتصل على اي برنامج ويقول ممكن اشارك
اخوتي الكرام والاحباء تعلموا اصول النقد وابتعدوا عن التجريح واللغط ورأي في هذا المسلسل
فاشل بالثلاثة
اخي انا معك بشغلة التقطيش
يعني مو معقول يضوعو مسلسل عم يحضروه 3 سنين با التقطيش وبكل مشهد الا اذا كانو قاصدين من تغيير فكرة الاخراج المملة ..
وبصراحة المسلسل رائع بكل ماتحمل الكلمة من معنى
وبيزكرني بشيخ محي الدين والجسر وها الاراني البسيطة والحلوة هي ..
وسامر لابقله الدور وعايش الدور من قلبه
(والله حترنا معكن لسى بتقولو دائما بتطلع يا ها الممثل بدور جدي ورسمي ليش ما تغير شوي عا الكوميدي ؟
ويوم يلي بيغير الفنان حالو متل ما بدو المشاهد الكريم
بيقولوله مو لابقلك بنوب يا اخي مشرشح حالك ..
اي شو هاد شو هاد ؟؟
عنجد ما عم تنقدو الا حالكن
ويلي عم يتفزلك ويقول المسلسل بايخ وتافه وما بعرف شو ..!!
شو ها الكلام التافه هاد
منين بتجيبو ها الكلمات مابعرف؟
يلي عندو كلمة طيبة يحكيها ويلي ما عندوالافضل يحتفظ برأيه لنفسه لانو رأيك ما بيهم ابدااااا متل حضرتك ..
ويلي عم يحكي مشان رمضان والوقت والطاعات واغتنام الفرصة والله معك حق يا اخي ..
يعني دائما خير الامور اوسطها
وديننا دين يسر مو عسر
يعني الواحد يتفرج بس بحدود المعقول والادب عا القليلة احتراما للشهر
ويغتنم الفرصة يلي اجته
ويحمد ربه انه بلغه رمضان ..
وان شاء الله كل رمضان ونحن بخير
تقبل الله منا ومنكم امييييين
سبحان الله وبحمده عدد خلقه ورضا نفسه وزينة عرشه ومداد كلماته ..
هي كلها تعليقات من ناس بتغار
وما لازم نوقف عندها العمل بسيط وقريب من الناس والله يعطيك العافية سامر المصري ويلي بقول عنك إنو الكوميديا ما بتلبقلك بكون ما بيعرفك إنت وأيمن فنانين كبار وموفقين
أشو كوميديا ما كوميديا؟؟؟؟؟
خود و عطي يا خاي
خود و عطي
خخخخخخخخخخخخخخخ
و أحلا شباب
يعني حبيتو بباب الحارة المسلسل الفاشل
و الدبور
و هلق بأبو جانتي بدكن تتقهمنو
-------------------------
صحيح الإخراج كان فيو شوية ركاكة
بكم حلقة
بس الممثلين المتمكنين بيغطو على هالشي
من الأخير أبو جانتي أحلى و أظرف وأنسب مسلسل هالسنة
بس آخر حلقة نزعت المسلسل!!
حبيت المسلسل كتير بس اخر حلقة زعلتني و خربت المسلسل.
11-3-2015 تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) عكس ... |
11-3-2015 المحيسني لفضل شاكر : كن داعية إلى الله بصوتك و لا تعد إلى مسارح اللهو و الغناء وجه القيادي السعودي المتواجد في سوريا، عبدالله المحيسني، رسالة إلى الفنان اللبناني، فضل شاكر، الذي كان قد خرج ... |
11-3-2015 إتهامات عديدة و حديث عن أدلة موثقة .. المليشيات الكردية تواصل ارتكاب الانتهاكات ضد العرب في سوريا ( فيديو ) تشير أصابع الاتهام والإدانة الموثقة إلى مليشيات كردية بارتكاب انتهاكات بحق عشرات الآلاف من المواطنين العرب في محافظة ... |
10-3-2015 اعترف ببناء منشأة غاز في مناطق سيطرة التنظيم .. جورج حسواني ينفي تورطه بشراء نفط لنظام الأسد من تنظيم "داعش" نفى رجل الأعمال السوري جورج حسواني اتهام الاتحاد الأوروبي له بأنه اشترى نفطاً للنظام السوري من تنظيم "داعش" ... |
10-3-2015 لقاء " سري " بموافقة المخابرات الفرنسية يجمع علي مملوك بـ " موظف فرنسي كبير " في دمشق قالت وسائل إعلام فرنسية إن لقاء سرياً جمع واحداً من أبرز موظفي وزارة المالية الفرنسية، مع اللواء علي ... |
10-3-2015 المعارضة ليست ضد مؤسستي الجيش و الشرطة .. خالد خوجة يهاجم سعي أمريكا لتدريب المعارضين : غير كاف و لا معنى له قال رئيس الائتلاف السوري خالد خوجة، إن ما يسعى الأميركيون للقيام به لجهة تدريب 15 ألف معارض خلال ... |
10-3-2015 قال إنه لم يعتزل و أكد تواجده في سوريا .. جمال معروف : نقاتل من دون تسمية خوفاً من تنظيم القاعدة دحض جمال معروف قائد «جبهة ثوار سوريا» كل المعلومات التي أفادت باعتزاله العمل العسكري وانكفائه في تركيا منذ ... |
10-3-2015 ناشط سوري و عروسه يتبرعون بنفقات حفل زواجهم لإقامة مهرجانات للأطفال المحاصرين من قبل قوات الأسد ( صور ) احتفل الناشط السوري "أحمد أبو الخير" المقيم في مدينة اسطنبول بتركيا بزواجه بإقامة حفلات و مهرجانات للأطفال المحاصرين ... |