طعنتها بـ " شوكة " طعام .. " راما " بعامين و أذية دماغية و لا تعرف لماذا حاولت زوجة والدها قتلها ؟! الاثنين - 14 شباط - 2011 - 20:17 بتوقيت دمشق
التفاصيل
في سريرها ترقد ، تغط في نوم عميق بعد أن أنهكها البكاء ، اللغة الوحيدة التي تتقنها ، إلى جوارها تقف والدتها ووالدها ، ينتظران خبرا سارا يعيد لهما " راما ". " راما " ابنة العامين ، كانت تغط في نوم عميق ، على سرير ، في غرفة بمشفى ، فاختصرت بازرقاق عينيها ، رواية جاهدت والدتها لتخبرنا تفاصيلها ... " حردت " فتزوج زوجها .. وقالت والدة " راما " لـ عكس السير : " قبل حوالي خمسة أشهر وقع خلاف بيني وبين زوجي ( مصباح .ش ) ، فتركت المنزل والأطفال عند والدهم و حردت في بيت أهلي ". وتابعت " اشتد الخلاف بيني وبين زوجي ، فقام زوجي بالزواج من امرأة أخرى ( ميراج . ر وتبلغ من العمر 30 عاماً ) ، حيث سكنت مع أبناء زوجها الأربعة في المنزل ". وأضافت " مذ أن دخلت المنزل ، بدأت تمارس على أطفالي شتى أنواع التعذيب والضرب ، وتهددهم في حال أخبروا زوجي ". وختمت " وفي آخر مرة انهالت على راما بالضرب بطريقة مبرحة ( بحسب ما أخبرني أشقاؤها ) ، قامت بضربها ، ورمتها على الجدار ، كما قامت بطعنها بشوكة الطعام طعنتان في رأسها ، وكانت تريد قتلها ". والد " راما " : لم أكن اعلم بما يجري ومن جهته ، أوضح والد الطفلة لـ عكس السير انه يخرج إلى العمل منذ الصباح الباكر ، ويعود في وقت متأخر من الليل ، وان أبناءه لم يكونوا يخبرونه بما تمارسه معهم من " تعذيب واضطهاد ". وقال لـ عكس السير " فوجئت لدى عودتي من العمل أن ابنتي مصابة بكدمات كبيرة في وجهها ، وعندما سألت زوجتي عن سبب هذه الكدمات الكبيرة ادعت أنها سقطت لوحدها على الأرض ، فقمت على الفور بإسعافها إلى أحد الأطباء في المنطقة ". وتابع " فور وصولي إلى الطبيب طلب مني تحويلها إلى المشفى لأنها بحاجة إلى كشوفات وتصوير شعاعي لأنه يشتبه بوجود نزيف دماغي ، وعلى الفور قمت بنقلها إلى أحد المشافي الخاصة ، حيث تبين بالفعل وجود نزيف دماغي ، كما تبين أن انفها مكسور ". وأضاف " أثارت كل هذه الإصابات في الشك في نفسي ، فقمت على الفور بتسجيل ضبط لدى الشرطة ، وقمت بعرض ابنتي على الطبيب الشرعي ، الذي بين ان ابنتي تعرضت للضرب بعنف ". واستطرد " كما بين الطبيب الشرعي وجود ثقوب في رأسها من الخلف ، ناجمع عن تعرضها للطعن بشوكة الطعام ..!!". وتم تحويل الطفلة إلى مشفى الرازي الحكومي في حلب لاستكمال إجراءات العلاج. الأطفال .. وعقدة الخوف وفور صدور تقرير الطبيب الشرعي ، تولى قاضي التحقيق القضية ، وقال والد " راما " لـ عكس السير : " قام القاضي بسماع إفادة أبنائي الذين رفضوا في البداية الحديث ، إلا أنهم وبعد أن وعدناهم بحمايتهم أخبرونا ان زوجتي الثانية هي التي قامت بضرب راما ". وتابع " كما بينت ابنتي الكبرى أن زوجتي كانت تقوم بضربهم بشكل مستمر ، وأنها كانت تهددهم بعقاب كبير في حال أخبروني ". وعلى الفور تم توقيف الزوجة ، حيث أنكرت أن تكون قد اعتدت على " راما " ، ولا تزال التحقيقات جارية حتى لحظة كتابة الخبر . وبدوره ، قال الدكتور سمير بيبي مدير مشفى الرازي لـ عكس السير : " تعاني الطفلة من كسر في أنفها ، وأذية دماغية ونزيف دماغي ناجم عن تعرضها للضرب ". وتابع " يقوم أخصائي عصبية بمتابعة وضعها ، ومراقبتها ، وتقديم العلاج اللازم لها حتى تتماثل للشفاء "، مشيراً إلى أن " راما " تعاني من مشكلة عصبية تجعلها تميل للنوم بكثرة ، وأن فترة العلاج " قد تطول ". وعلم عكس السير أن شقيقة " راما " الكبرى أفادت خلال التحقيق أن زوجة والدها طلبت منها أن تشتري سما لتقتل به " راما " ، وعلقت بكلمات طفولية " كانت بتكرهها كتير وبتحقد عليها لأنها صغيرة وبتشغل ابوي وبتشغلا ... ". يشار إلى أن والدا راما " تصالحا " ، ويجري الزوج حاليا معاملة طلاق من زوجته الثانية ، الموقوفة حالياً . ولاتزال راما تغط في نوم عميق بالمشفى ، تجهل ما حصل ، وما سيحصل ، ولماذا حصل ؟؟ علاء حلبي – عكس السير مواضيع متعلقة : وماتت الطفلة " ريم " بعد سيل من الاستنكار لعذاباتها .. براءة مطحونة بيد قسوة و"حيوانية" الأب وزوجته تغط في نوم عميق |
ما ذنب طفلة العامين لتضرب بهذا الشكل الوحشي..
حتى الحيوانات لا تفعل ما فعلته هذه الظالمة مهما كانت الأسباااااااااااب.......
هؤلاء الضحايا يدفعون ثمن زواج فاشل
بتمنى من كل الأزواج يحافظوا على زواجهون
وإن وصلوا لطريق مسدود ...ياريت تكون الحضانة للأم
بترجاكون
أرجوكم تدخلو بما يحصل حاولو فض النزاعات وخاصة بين الازواج
يا أزواج لا تتركوا الابناء عند زوجات الاب كل يوم عم نسمع قصص تغضب الرب والعبد ايها الاباء لا تأخذكم العزة والجهل أتركو الابناء عند الامهات مهما كان الوضع
والله حرام حرام
الله يعين الامهات ويعين هالاطفال اللي يقعو أم ضحايا لاب جاهل غافل أو لزوجة أب لا تعرف الرحمة
لأنو مابين معي إلا لما وصلت ع وبدوره قال مدير مشفى الرازي .
ياريت تنحكم هالمدام بجريمة الشروع بالقتل .
اي وبالنسبة لأم راما خليكي حردانة ابوي حردي اكتر
يلي كلها من ناتج واحد خلافات زوجيه والاطفال هنه الضحيه
الرجال مابيعد بلازواج وبدو يحرق قلب زوجتو الاولانيه
والمراه بدها تتطلق ومابدها ولادها مشان فرصة جوازه تانيه
يا حرام على هالاطغال موذنبهم انو
اهاليهم بهايم لك حتى البهايم بتحمي ولادها بقا هدول شو؟؟؟؟؟؟؟؟؟؟؟؟؟؟؟؟
و الله حلو كل ما واحد حردت مرتوا يروح يتزوج عليها , واقع مرير و الناس صايره ما بتجي إلا بالعين الحمرا
رحماك ربي كم دموعا سكبت على ملائكة صغار
ريم .. راما ..واي قمر تدمره سطوة الاشرار
تلطف بها وارعها فانت مسير الاقدار
رحماك ربي
اشفيها انت الشافي
عافيها انت المعـــافي
واحيها بكنف والدين من الاخيار
الغلط الاب هو مسؤل عنهم يفرحتي ازوج مرة تانية جكر في الاولى ولهذا بنصح اي واحد مزوج مره تانية وعنده اطفال من الاولى وخاصتا مطلقها بتمنى من الزوج ابو الاولاد ان ينتبه لهم جدا لان الاطفال براءه وتشوف وضعهم كل يوم لان انت المسؤل عنهم مش تطنشهم كلكم راع وكلكم مسؤل عن رعيته وبنفس الوقت تندمج مع اطفالك وزوجتك وقتها الامور تكشف حاله لحاله اذا في محبه او تظلمهم امهم مايطنشهم
وتعطيها اللبتوب لتذهب به إلى غرفتها وتعمل شات مع أحد الشبان الذين تعرفت عليه من خلال موقع الفيسوب بوك, بسبب غياب تلك الأم وإنشغالها عنها أو لتغض الفتاة البصر عن تقصير الأم في رعاية بيتها وأولادها؟
والمؤسف أن الأم لم تنتبه لأخطائها بعد وهي كالألاه المعصوم الذي لايخطأ
انتو وحوش مو بشر!!!!
رحماك ربي كم دموعا سكبت على ملائكة صغار
ريم .. راما ..واي قمر تدمره سطوة الاشرار
تلطف بها وارعها فانت مسير الاقدار
رحماك ربي
اشفيها انت الشافي
عافيها انت المعـــافي
واحيها بكنف والدين من الاخيار
وارجو من جهة الامن الي معتقلها بضربها حتى يصل صريخها الى الاندلس
ومن حضرت القضاء عقوبة محترمة مو اقل من خمس سنوات والى رح يتكرر الفعل والله اعلم
تعقدت ما عاد بدي اتزوج ولا اكون اسر الله يجعلها على الايمتن وما بدي شيء
أم ان الزوج قد همس لك بأنه تزوج نكاية بالزوجة الأولى؟
الأب يعمل ولديه أربع أولاد ماذا تريدينه أن يفعل هل إذا ترك عمله وجلس يرعى أولاده ستقومين أنت أو غيرك في مجتمعنا الخير بالأنفاق عليه و دون منة؟
هل سيستطيع أن يقوم برعاية أولاده كماترعاهم أي إمرأة من تحفيض وإطعام وماإلى ذلك؟
كبرنا ووعينا واقتنعنا انو هاد الشي كان تخويف وبس ومزح وبس
كبرنا اكتر وشفنا انو من المستحيل يصير هاد الشي حتى لو فعلن اتجوز ابي بيومها
بس الغريب انو هي المرة اتجوزت من الرجال وهي على دراية مسبقا بانو عندو ولا
طيب ما بدها الولاد ليش قبلت بالزواج اصلا
قبلت بالزواج غصب عنها طيب شو ذنب الاطفال
معلش حبت تنتقم من شي صار بحياتها بس مو على حساب الاولاد
لازم يكون عندها قناعة انو ممكن ما حدا يشك فيها
بيوم من الايام يصير عندها ولد تتركه مرة بالبيت ينتقموا منها الاولاد ويقتلوه !!!
اي بيقتلوه مزال صار في عند الولاد حالة من الخوف والحقد وغريزة الانتقام
تعلموا البطش من هنن صغار
الله يخليك يا ابي فوق راسي
لانك كنت بيومها تمزح وما عملتها وتزوجت
رسالة الى زوجة الاب
شكرا لك فتحت عيون الامهات والاباء مرة اخرة ليتذكروا كلام الله بان ابغض الحلال عند الله
هو الطلاق
مغترب سوري محب لتراب وشعب الوطن
شيء غريب اقسم بالله
لك اليهود والكفار ما بيعملو هالشي و عمنشوفو ببلادنا بلاد الاسلام و المسلمين
احسن شي لا حول ولا قوة الا بالله
الله لا يوفق هيك مرت اب لك نحنا ما كنا نفهم انو كل وحدة بتاخد رجال متجوز و مطلق وعندو عر ولاد انو هالوحدة بتكون مريضة ومعقدة نفسيا لك شو الله جابرك و جابرو
وكل الحق على الام يلي تركت الاولاد ومشيت ايه شو مفكرة حيجي لولادك احن احسن وارق من قلب الام وخوفها عولادها
عنجد مسخرة
والله يعافيكي يا راما والله ملاك والله الناس عم تدفع ملايين مشان تشوف ضفر ولد
ارجو النشر
يعني والله هالقصص ما بتدخل على عقل انسان كيف بتقدري تعملي هيك بطفلة صغيرة ... ما بتخافي الله يعمل حدا يعمل هيك باولادك بالمستقبل ...
انا ما في شي بيستفزني اكتر من هيك قصص
عقلي ما بيتصور هيك شغلات
اجرام بكل اصرار
والله قليل عليكي الاعدام الف مرة
الله يعافي راما ويرجعها لحضن امها وابوها
يعني بصراحة اذا هاد الاب فكرو
انو طقق مرتو من الجكر وتزوج عليها و وانو هو رجال بهي الحركة فهو غلطااااان ... لانو هو مين رح يطق بكي على بنتو بكرا لا سمح الله اذا صار لها شي ... نطلب من الله عز وجل انو يشفي ويعافي هالبنوتة ويردها لاهلها سالمة معافاة .... وهالاباء والامهات يكبروا عقولهن شوي ...
واسف على الاطالة..
والله ماني عارف شو بدي احكي ، حسبي الله ونعم الوكيل فيكي حسبي الله ونعم الوكيل فيكي و الله يعلنك الله يلعنك.
المهم أنه كل وحدة متزوجة من رجل عنده أولاد من غيرها إنها تتعظ وتتقي ربها بالاطفال وتفكر بالهشيء .
وانا بقصد حالة محددة بعينها بتمنى أنها تكون قرأت هالخبر وعمتقرأ تعليقي.
أوعى بقى يا رجال حبيت تهين مرتك بتانيه قام رب العالمين جابها براسك على كل حال الله يشفيلك أياها يا رب
هلق اجى دور مرتو التانيه أم أربعه وأربعين أم ضمير ميت بالشوكه يا أم قلب ميت علها الشوكه تفوت بقلبك انشاء الله
ويلك من الله قال يعني أنكرت التهم يعني الشوكه لحالها دخلت براس البنت وأنفها لحالو أنكسر الله يكسرك كلك وأولهم اجريكي
حسبي الله ونعم الوكيل فيكي
أرجو من القضاء أنزال أقصى عقوبه دون شفقه أو رحمه حتى تكون عبره لأمثالها
حسبي الله عليكي ياخي ماعندك قلب انتي شلون طاوعك قلبك تضربي طفله
حسبي الله عليكي وعلى هالام والاب
قال تحرد ويروح الاهبل يتزوج
لك شوصاير بالعالم يالله
شلون عم تفكرو مرت اب لايمن تكون متل حنان الام
حسبي الله ونعم الوكيل
الحل الانسب انو مرته وولاده و بعدها نفسه
اشرف و اطهر
العمى شو هل القصص الي عم تتكرر كتير
اتقو الله
والله انو قصتها وصورها تبكي الحجر
ادعوا لها تقوم بالسلامة
اما الاب فالله يهديك يعني ماعندك وقت تجلس مع اولادك وتسألهم عن اخبارهم
والزوجة الثانية الله لايسامحا هذي ماعندها رحنة خالص
حتى الاعدام مايشفي غليلنا
الله يهدي الزوجين
مشان يجاكر بزوجتو تزوج من وحدة سفاحة
يا رب احميها
انت القوي ونحن الضعفاء
آمين
بتمنى من الجميع يدعيلها
وبتمنى من عكس السير متبعة اطلاعنا على صحة البنت
ماضل رحمة ولا شفقة العما الضربك بنت عمرها سنتين شو ذنبها
الله يشفيها ويكسر ايدين مرت ابوها على هالعملة
والاخت ام وزوجة سابقة
الحضانة للام الى سن معين ولكن هناك امهات لا يرغبن باخذ الاطفال
اللي بيحاونوا وبعدين ولادهم بيدفعوا الضريبه
مرة الأب معروفة بكرهها للأولاد لو شو ماكانت
بس مابقول غير حسبنا الله ونعم الوكيل
هل هو عديم النظر ام عديم الرحمة والقلب فإن كان يقول بأنه لا يرى شيئاً مما يجري بأطفاله فهو كاذب او المسكين غلبت غريزته الجنسية رحمة قلبه وأدت الى سكوته ..
لعله لا يخسر زوجته في المساء .
فلتبتر كل يد تمس الأطفال الأبرياء اولئك الذين لاحول لهم ولاقوة سوى البكاء او النحيب في الفراش ليلاً.
الرحمة يابشر فكما كنتم أطفالاً ه}لاء اطفالكم فاتقوا الله .
تأثرت كثيرا برؤية هل البنت المسكينة وكأنها ابنتي ..
أشد على يد الأب بإرجاع الأولى فهي الأقدر على تقديم الحنان لابنائها وإخراجهم من العقد النفسية التي ألمت بهم ..
وأرجو منه أن يسارع بطلاق الثانية بأقرب وقت لتكون عبرة لمن افتقد الإنسانية ..
شكرا لعكس السير
السن بالسن والعين بالعين
والشوكه بالمخ بالشوكه بالمخ والقلب
لانو ماعندك قلب
بالمختصر انت كائنه غير البشر
الله ينتقم منك
وانشاء الله الاب يفهم انو الاولاد من دون امهم بيضعوا وانو تصرفه ماكان حكيم بزواجه مرةتانية ولازم الزوج والزوجة يفهموا انو الحرد بيقلل من قيمتهم قدام الناس معافية حبيتي راما ومشكور مشفى الرازي على اهتمامهم الكبير بالمرضى ومعاملتهم الطيبة بالاخص الدكتور سامر سخيطة والدكتور طه الهبل و الدكتور احمد الخلف والطاقم التمريضي في قسم حراحة الفكية
ربي من عااااالي سمااااه ينتقم منك ويعذبك عذاب جهنم بالسما و بالارض
ويحرمك اغلى حبابك ويخليكي تشوفي عليهن ابشيع ايام ويحرق قلبك طول لعمر لو بتعيشي السبع جيال تعيشيهن بحسره وندم وحزن
على علمي الشعب السوري ودود ورقيق ...مابظن يطلع معاه هيك عمايل كتير من الحوادث المشابهة سمعناها بهذه الأيام ...هل هي جديدة أم كان الأعلام سابقا ضعيف ....والله صار الواحد ملخبط
بحياتنا ما شفنا حيوان بيقتل الا ليعيش وبحياتنا ما شفنا حيوان بيقتل أو بيهاجم لحقد أو بدون سبب
حسبنا الله ونعم الوكيل
اللهم أرنا بها عجائب قدرتك
أمين أمين أمين
أرجو من عكس السير متابعة أحوال راما وعرضها على الموقع
والله يعافي هالطفلة البريئة ... لك بس بدي افهم شو في بينك وبين الطفلة في تار قديم عم تصفيه ...
لك نشاء الله بتروحي اعدام
وراما عم تدفع الثمن متلا متل غيرا ..
فحطو ايدكن عالجرح وعالجو المشكلة من اساسا..
سلام
هي تزوجت وتعلم انه يوجد اطفال ، اذا ما بدها هؤلاء الاطفال ليش تزوجت من البداية ....حسبي الله ونعم الوكيل
اما زوجة الاب هنا فلا أقول الا حسبي الله ونعم الوكيل فيكي
الله بنتقم منك بنفس عملك ويسلط عليكي من لا يرحم لتدوقي عمايل ايديكي ( لعنة الله عليكي الى يوم الدين لعنة لا تحول ولا تزول )
الهم آمين
ودعواتي القلبيه لهالطفوله البريئه بأن يشفيها الله ويعيدها لاخوتها فقط لأن والديها لا يستحقان هذه الطفوله البريئه فهم لك يكونوا أمينين عليها ويجب محاسبتهم الام على حردها وترك اطفالها ) للعلم القطه ما بتترك اطفالها بأي حال ) وكذلك الاب صاحب الشهوه المستعره الي ماصبر وطقها زواجه على مرتو وهذا جزاء متقترفت يادكم بس المشكله انها طلعت براس هالمسكينه البريئه اللي مالها لسان يحكي والا لكانت عاتبتكم اشد العتب مما سيجعلكم تبكون بدل الدموع دم
حسبنا الله ونعم الوكيل
أراهم مدى عمري فكـل قصيدةٍ
أغنّي قوافيَـها التي تُشتهــى هـمُ
أحبّهم في العيد فرحـةَ بيتنــا
مع الفجر قاموا، وارتدوا ثم سلّـموا
أحبّهم عند الشتـاء إذا غــدوا
فضجّ بهـم صـفٌّ ونـاء معلّـــم
فإن رجعـوا فالبيت منهم قصائدٌ
تُعـادُ، وأرقــامٌ مئــاتٌ تُنظّـم
وأعينهـم إذا علقت في حكايـةٍ
توقّدُ من وهْــج الحديــث وتحكم
وخمشاتهـم في وجنــة الأم لذّةٌ
تسيل من الظفـر الحـــبيب وتنعم
لأمثالهم نبني ونرفـــع عالمـاً
على الأرض يحيا الطفـل فيـه ويسلم
منها لله ياويلا من الله
الله يبعتلا مين يحرق قلبا متل ما عذبت هل الاولاد من دون اي شفقة ولا رحمة ................ ما منقول غير
حسبنا الله ونعم الوكيل بس
لزم يصدر قانون بيحمي الاطفال في سوريا .وبنفس الوقت يصدر قانون اعدام للجاني.
بس اعداممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممم
والله دمعت عيوني على هالملاك
كيف تحملت كل هالألم والتعذيب وعمرا بس سنتين
لك بكون انبح صوتا من البكي حتى تعبت ونامت هيك
الله يارب يشفيا ويعافيا
وهداك الغبي ماحس بكل هالشي
لك مزرقة عينة المسكينة ومورمة توريم وماحس
ومرة الأب لك تفووووووو عليكي انتي عقابك عقاب المفسدون بالارض
انشر
الله يشفيها يارب ويعين امها
والحق كل الحق على الاب الي تزوج من هيك مجرمة ليش ما شاف آثار تعذيب على ولادو التانيين قبل ما يشوف الطفلة الصغيرة ؟؟؟؟؟
والله هدا شخص اعمى بصيرة.
مين زرع أفكار الحقد تلك
ومن شوه تلك النفوس ؟
إنها النسوان أنفسهم
كل وحدة بتشوف عن بعد أنو رجل تزوج حتى تنال المسبات على الرجال و الشتائم
و كأنهن الخاليات من أي عيب
و بتنزرع تلك الأفكار في رؤوس الجيل القادم
حتى تسبب الضحايا الأبرياء
لازم نغسل من رؤوس أولادنا أنوز الزواج الثاني شيء مسيء و معيب ، حتى ما تتكون تلك الأفكار
و بيجي الإعلام المسلسلاتي عليه اللعنة من دراما : يأتي ليرسخ مشاكل الزواج التاني و يكرس في الأذهان أنه مصيبة المصائب
ياناس .. وين رايحين بأفكاركن
ياناس .. وين تاركين ولادكن ؟
أكيد ستنهش فيهم أفكاركم و ضلالاتكم
فعيثوا في الأرض فساداً ..
و بعد أن يملأ الفساد حياتكم : ماذا تركتم لأبناءكم ؟
أرجو النشر
بس في الله .
الله يشفيها
طيب أنت ما تفقت مع زوجتك شو ذنب هل الأطفال الصغار لك هدول خطيتون برقبتك بس لأني إنت الرجال
بس المشكلة هاد رجال علفاضي لأني ما في رجال عوش الأرض كلها بيرجع عبيتو ما بينتبه على بنتو مضروبة أو صايبها شي بس أنت الحقد عما عيونك
(الله ينتقم منك بحق الطفلة الصغيرة)
يا ويلك من الله لاحول ولا قوة الا بالله بس
بعمرها ما كانت زوجة الأب محبوبة
عندنا مثل شعبي: زوجة الأب لا بتحب ولا بتنحب..
الله أكبر عليها ومن أفعاله
إني أطالب بوضع مادة في القانون تحمي الأطفال في حال الطلاق
فإلى متى الانتظار...
الله يقوم هل طفلة بالسلامة .
معقول في هيك ناس ماعندن قلب يتخيلوا هالطفل هو ابنن وإلو مرت أب شوكان شعورن
ما منقول غير حسبي الله ونعم الوكيل
يعني طفلة عندها سنتين خديها يا ام واعتني فيها اذا زوجك انكتبله زواج تاني الله يصيرنا على عقولنا
والله بكيت لما سمت قصتها وشفتها
زوجة الاب هذه حالة شاذة عن أي أنثى فالمراة اتسمت بالحنان والرحمة حتى لو كانت زوجة أب . كان عليها من البداية رفض الزواج من رجل متزوج ولديه أطفال
ليت العدالة تطالها والاب الأناني لعنه الله عليه .
الله يشفي هالطفله البريئه المسكينه اللهم اشفها ياالله وعافها يارب
الله ينتقم من الظالمه يا ويلها من الله وين الرحمه
مابيعمل هيك الا الانسان فاقد القلب هي الانسانه مالازم تعيش للحظه وحده ..
مابتخافي ربنا ولك شو عاملة بلاولاد
يارب تلاقي عذاب بالسجن اضعاف مضاعفة عن العذاب الي دوئتي للاولاد
وهالاب هلأ ضميره ارتاح
اصلا الحق عليه بأول وبالاخير
شبك ماعاد الك صبر على زوجتك هيك احسن هلأ بربي خطية بنتك برقبتك قبل ماتكون برقبة الحقيرة زوجتك التانية حسبي الله ونعم الوكيل انت أهل وبدكون ولاد
لا اله الا الله
وأرى أنه من الأفضل لو كانت زوجة الاب حكيمة عاقلةلعملت جهدها ان تكسب حبهم بالمعاملة الحسنة والكلمة الطيبة وان تعوضهم عن حرمان الأم (فأما اليتيم فلا تقهر) .
لذا لكل زوجة أب أقول إن حكم القدر عليك بالزواج من متزوج أو أرمل أو مطلق فلاينف ذلك أنك من اخترت فلا تفشي غلك وحقدك في الأولاد لأن للظالم نهاية وعقاب هذه أن تغز بالشوكة بيدها التي طالت راما البريئة شفاها الله وردها لامها وإخوتها.
لادين ولا دنيا
هاي رابع قصة بقرأها على الموقع
الاطفال لا يرحمهم إلأ الله وآباهم وأمهاتهم
والحقيقة
الصعبة
الناس تغيرت للأسوء
وتانيا على الزوج يلي ماسدأ مرتو تترك البيت
والولاد هنن يلي رحات عليهن الله يعين الاولاد على هل الام والاب
اذا غردت في حالك الرمل اعشبا
الغلط الاساسي من الام كيف طاوعها قلبها وتترك هذا الملاك اللطيف لوحده حتى لو لم يتزوج الاب من اخرى كان يجب عليها ان تتحمل اي شىء من اجل اطفالها خصوصا وحسب الخبر لم يكن الاب سيئا ارجو من كل ام واب التفكير الف مرة قبل التصرف الخاطىء
بتمنى ان تنال الخالة جزاءها العادل
وهو الاعدام
لحتى تعرف كيف تكون الامومة
وكثير قصص صارت
ومن بينها قصة المرحومة ريم في محافظة حمص
إن مفهوم الزواج للأسف في رأي الكثيرن هو
عادة اجتماعية , رغبة جنسية ,
تقوم على دافع غريزي غير مرتبط بالعقل أو بالمنطق
و باعتبار أن الأغلبية في المجتمع أناس مادييون
و عندما نقول مادييون يعني التجرد من كل ما هو أخلاقي و أدبي و روحي
و الكل يعلم أن المال هو أكبر استثناء و ماح لكل الخطاي و العلل
يتزوج الكثيرين و لا يعلمون أبسط المفاهيم للرابطة الزوجية و أيضا دور الأهل يكاد معدوماً
و أهم من هذا كله غياب الرجال في المجتمع
فلو أن هذه المرأة المجرمة تعلم أن في بيتها رجل لما أقدمت على فعلتها
وبرأيي أنها جربت ردت فعله تجاه إيذاء أولاده تدريجياً فرأته غير أبه
فتمادت بالأذية إلى هذا الحد
و برأي أن زوجها هو شريك في الجريمة ولكن بطريقة غير مباشرة
انا برايي الاب هوي يللي لازم ينسجن .طبعا هو وزوجتو المجرمة
11-3-2015 مستشار القائد العام للحرس الثوري : قادتنا العسكريون حرروا 85 % من الأراضي السورية قال مستشار القائد العام للحرس الثوري الإيراني، اللواء حسين همداني، إن "القادة العسكريين الإيرانيين قد حرروا 85% من ... |
11-3-2015 السلطات قامت بتصفية مجموعات عائدة إلى البلاد .. الحزب الشيوعي يكشف عن صينيين يقاتلون في صفوف " داعش " أفاد أمين عام "الحزب الشيوعي الصيني" في منطقة شينغيانغ غرب الصين بأن متطرفين صينيين انضموا إلى تنظيم "داعش"، ... |
11-3-2015 تهريب أسلحة و كوكايين .. السجن 16 عاماً في نيويورك لنجل رئيس " سورينام " بتهمة مساعدة حزب الله حكمت محكمة في نيويورك الثلاثاء على نجل رئيس سورينام بالسجن لأكثر من 16 عاما بتهمة محاولة تقديم الدعم ... |
10-3-2015 محكمة فرنسية تحكم بالسجن 3 سنوات على رجل ساعد فتاة أرادت الذهاب إلى سوريا للانضمام إلى " داعش " اصدرت محكمة باريسية الثلاثاء حكما على رجل بالسجن ثلاث سنوات لانه ساعد فتاة في الرابعة عشرة من عمرها ... |
10-3-2015 مع تدهور الأوضاع الأمنية في الداخل اللبناني .. الشرق الأوسط : " حزب الله " بين المعركة و الحل السياسي في سوريا لا يبدو «حزب الله» المنهمك حاليا بمعارك سوريا وخصوصا تلك المحتدمة على الجبهة الجنوبية وبالتحديد في مثلث القنيطرة ... |
10-3-2015 الشبكة السورية لحقوق الإنسان : طائرات التحالف تسببت بمقتل أكثر من 100 مدني في سوريا أفادت الشبكة السورية لحقوق الإنسان، أن قصف قوات التحالف الدولي على تنظيم داعش، ضد مواقع التنظيم ومواقع أخرى ... |
9-3-2015 مستشار الرئيس الإيراني : عدنا " إمبراطورية " كما كنا .. و عاصمتنا الآن هي بغداد قال علي يونسي، مستشار الرئيس الإيراني، حسن روحاني، إن "إيران اليوم أصبحت امبراطورية كما كانت عبر التاريخ وعاصمتها ... |
9-3-2015 صحيفة : دمشق القديمة تتحول لـ " مربع أمني " لحزب الله بعد تفجير حافلة تقل شيعة لبنانيين بالكلاسة بالقرب من سوق الحميدية وسط دمشق مطلع شهر شباط الماضي، بات ... |
بتمنى من ربي يبعت مين يضربك متل ما ضربتي الاطفال
الله يشلك
لانك قطعتي الحيوانات