إعلانات
رفض عروضـاً لشركات عربية وأجنبية .. مهندس سوري يستخلص السيلكون من الرمال
الاثنين - 28 تشرين الثاني - 2011 - 12:56 بتوقيت دمشق
التفاصيل

تمكن الدكتور "خلف العبد الله" الأستاذ في كلية الهندسة الكهربائية والإلكترونية في جامعة حلب والحاصل على الدكتوراه في الالكترونيات من جامعة بول ساباتييه الفرنسية إثر أبحاث وتجارب عدة من استخلاص السليكون من الرمال لاستخدامه في مجالات الكهرباء والاتصالات .

وقال "العبد الله" لوكالة الأنباء السورية سانا : " إنه نال جائزة معرض الباسل للإبداع والابتكار الذهبية، ودرع الباسل الذهبي لعدة مرات لابتكاراته بخصوص استخلاص السليكون من الرمال والتطبيق على الحمايات الكهربائية ،وإمكانية تصنيع الخلايا الشمسية لتوليد الطاقة الكهربائية البديلة عن طاقة النفط المتوقع له أن ينضب في حين أن الطاقة الشمسية متجددة".

وتابع أنه رفض عدة عروض لشركات عربية وأجنبية مثل شركة بروتيل وشركة سوليه الأوروبيتين لشروط تتعلق باستثمار الاختراع خارج سورية ومع ذلك كله لم يفقد الأمل حيث سيعرضه خلال مسابقة نجوم العلوم في العام المقبل في أبو ظبي وفي أي فعالية علمية محلية أو عالمية حتى لايبقى هذا الاختراع حبيس الورق.

وأضاف أنه يمكن الاستفادة من هذا الاختراع أيضا في تصنيع العناصر والدارات المتكاملة التي يمكن استعمالها في كل الميادين سواء كانت منزلية أو صناعية ذات استخدام فردي أو جماعي.

وأشار إلى أن لهذا الاختراع تطبيقات صناعية شتى مثل مضخمات الصوت والإشارة ودارات الاستقبال والإرسال في مجالات الاتصالات كل كما يمكن استخدامه في حماية الأجهزة الكهربائية والالكترونية من الارتفاعات المفاجئة للجهود.

وأكد العبد الله أنه في حال استثمر اختراعه استثمارا جيدا يمكن أن يؤسس لعدة مشاريع كما يمكن أن يتم تسويقه والاستفادة من نتائجه خارج سورية.

يشار إلى أن "العبد لله" حصل على براءة اختراع في مجال أنصاف النواقل عام 1997 معترف بها من المنظمة العالمية للملكية وايبو.

عكس السير


التعليقات :
خبير
(7)   (17)
أصلا السيلكون يستخرج من الرمل و الدكتور المذكور ما جاب شي جديد
بكرا بيطلع باحث جديد بيكتشف انو النيكوتين يسبب الادمان
يبدو انو نحنا سوف نعيد اختراع العجلة
حلبي
(12)   (1)
احسنت دكتور انتم الباحثون والمخترعون امل الوطن أهنؤك واهنؤ الوطن بك.
وفقك الله
(22)   (1)
انت خبير بالحكي الفاضي وقله الادب ياخبير
لا تطاول على من هو اعلم منك ولا احسن منك
العمه بقلبك شو حقود
الله يوفقك يادكتور العبدالله ولا يضيعلك تعب
Milad
(7)   (1)
اول اتمنى تقديم الدعم للباحث ليصار لاقامة مشروع ضخم لتوفير الطاقة الكهربائية للجميع باسعار مناسبة وهي مناسبة كبيرة للحكومة لتوفير الطاقى بتكاليف اقل من المستورد وبالتالي التخفيف عن الحمل الكهربائي المطلوب وايضا التخفيف من مشكلة الوقود خاصة للمزارعين وكنت سابقا قد قدمت اقتراح لحل ازمة المازوت بالنسبة للفلاحين وهم اهم طبقة تعاني.
مما يقول انه خبير اقول لك طريقة استخراج الكوارتز و السليكون هي المطلوبة بالعالم والطريقة الاسهل والاقل تكلفة هي الافضل . الكل يعلم المبدا لكن تكلفة الطريقة هي الاساس لنقول اننا اخترعنا او عدلنا او اكتشفنا, يبدو لي عزيزي انك بعيد كل البعد عن البحث العلمي واسف لأقولك لك ان تناقش لمجرد التناقش بفرض انك تناقش.
المكلوب اكرر تبني المشروع ودراستة وتنفيذى باسرع وقت ممكن خاصة بالظروف الحالية. اتتمنى من عكس السير ان تقوم بدعم المشروع ونشره وتبنية اعلاميا لاننا بحاجة لكل فكرة لبناء الوطن وحمايتة. اتمنى منكم ايضا اللقاؤ مع الباحث ونشرة تفاصيل اكثر
لكم الشكر
كيميائي
(11)   (1)
طبعا الرمال عبارة عن مزيج اوكسيد السيليكون مع الاكاسيد الترابية , ومن زمااااان بيجيبو السيليكون من الرمال , يعني ما في شي جديد ابدا , ويلي كاتب المقالة ماله متخصص بالموضوع , بس يمكن الدكتور يكون ملاقي طريقى أقل تكلفة او اسهل فهذا شي تاني .
خبير تاني
(6)   (1)
اذا واحد من طلاب هندسة الكهربا بحلب صدق و اقتنع بهل حكي خدو يلي بدكون ياه
مهندس
(5)   (0)
أراهن بأنك لا تعلم شيئا عن العجلة و لو كنت تعلم فلست قادر على اختراعها مجددا !!!
عجبي
أنا شخصيا أفتخر بأي مواطن سوري من أبناء جلدتي ولو كان طفلا صغيرا في روضة أطفال و يقوم بتركيب لعبة مكعبات بعضها فوق بعض فما بال ابناء جلدتي قد اتخذو من الغريب سيدا و من القريب عدوا
احمد
(3)   (0)
اللة يوفق الدكتور بس ولل حرام متل هيك واحد يشتغل لدول غير سوريا
خلي البلد تستفيد منو
سوري
(2)   (2)
انا كمان نلت جائزة معرض الباسل علي مشروع تخرج فاشل لانو الباقي كانوا افشل
مهندس من نفس الكلية
(3)   (2)
الأخ الدكتووور ، عايش في الأحلام و خارج الزمن و مثله الكثير
لا تعليق
(0)   (1)
؟؟؟؟!!!! لا تعليق 0-:
مهندس
(0)   (3)
يا سيدي اختراع رائع ويستحق النشر ويسنحق الجوائز وشي جديد كتير لم يعرفه احد قبله ماشالله
الله يكتر من امثالك يا هيك الاختراعات يا بلا سبقنا الاجانب بمية سنة
ولا جوائز كمان
هزلت
عدنان الجدعان
(3)   (0)
الله يوفقك يا دكتورنا
مغترب
(4)   (0)
استخلاص السليكون من الرمال موجود سابقا و مستخدم بكثرة و عدوتنا اسرائيل تسمى وادي السليكون المهم انا ما بعرف الدكتور بس باعتقد انه اوجد طريقة في هذا المجال ذات مردود افضل تكاليف اقل او طريقة تصنيع اسرع ...المهم اذا الدكتور بحاجة للمعلومات لمرحلة وصل الخلايا الشمسية الى الشبكة العامة و بناء القالبات و برمجتها فيني ساعد بخبراتي و يلي بتحتاجه ابحاثه
hatemsyria@yahoo.com
\ محمد مهند بري \ أبو نصر \ من حلب \
(4)   (3)
هؤلاء هم السوريون الأحرار و هذه هي الحرية الحقيقية حرية الممانعة و الصمود و لن يستطيعوا إضعافنا طالما نحن صامدون و طالما يوجد لدينا هذه العقول النيرة التي لا تعتمد إلا على الله و على أنفسها
و بعون الله لن يستطيعوا إضعافنا بل على العكس سوف نتطور أكثر بعد هذه العقوبات الحقيرة و الدليل الجمهورية الإيرانية التي استطاعت أن تتحول الى دولة عظمى بعد أشد العقوبات و إيران هي الحليف الحقيقي لنا و سوف تتعاون معنا حتى نخرج من هذه المحنة بعون الله تعالى
ابو عبدو
(1)   (2)
والله يعطي الفرصة لشباب سورية مشان يثبتوا حالهن.. وروح نام يا خبير، باين عليك خبير باستخراج العلكة من الغبار..
seher gut
(1)   (1)
انتو ما فيكم غير الحكي ؟؟؟ الله يوفقه لها البلد
خبير تعدين
(2)   (1)
موضوع استخراج السيليكون من الرمل هو موضوع قديم و معروف. وهناك العديد من الطرق للحصول على السيليكون من الرمل . و أنا من أحد الأشخاص الذين كنت مع اتصال مع شركات عالمية متخصصة في هذا المجال و لكن المشكلة كانت في كلفة الطاقة الكهربائية. حيث أن القسم الأكبر من الكلفة هو كلفة كهرباء. و كون الكهرباء في سوريا تعتبر مرتفة بالنسبة للصناعة فسيكون المنتج غير منافس في الأسواق العالمية. و هذا ما دعانا إلى إهمال المشروع لعدم جدواه اقتصادياً. فيا ريت لو الدكتور المذكور يوضح ما دام اختراعه مسجل، ما هي الآلية بالمجمل للحصول عاى منتج اقتصادي و منافس؟
طالب سابق
(3)   (2)
اول شيء السليكون من يوم يومو يستخرج من الرمل تاني شي هالدكتور ما عرفان وين الله حاطو
اسدي ابن اسدي
(1)   (4)
أحيي هذا المخترع و أقول للمتفزلكين و لك مو عيب عيكون تتفزلكوا على الأدمغة السورية كل من يفعل ذلك نشك في وطنيته
علي
(2)   (0)
يعني يا "خبير:" شو ديقة هالعين ...اكيد مانو مخترع شي قديم وفي تجديد بالموضوع...
ولاحضرتك علامة مابيفوتك شي !!!
الله يعطي العافية للمخترع وبس
عالشق آل الأسد
(4)   (4)
تحياتي لك أيها العربي السوري و أتمنى من الذين ليس لديهم أي فهم و يدعون أنهم خبراء و علماء أن يسدوا بوزهم أحسن لهم
فارس من زمن الأحلام
(3)   (4)
كل طالب درس في كلية الهندسة الكهربائية بجامعة حلب ويعرف هذا الدكتور عندما يقرا الاعلان سوف يضحك كثيرا وكثيرا جدا

اشتقتلك يا بلادي

فارس من زمن الأحلام
طالب
(2)   (3)
السيلكون السلكون السلكون ياخلف ومن الرمل كمان ,,,,,,,, اختراع بفيد بمادة لتجميل النساء,,,,,,,,, هزلت
ابراهيم
(2)   (0)
يظهر انو في ناس مو شاطرين غير بتكسير معنويات الغير واذا الواحد اخترع شىء بيقولو قديمة واذا سكت بيقولو شوفو الغرب سابقنا بكتير ياريت حدا يخترع طريقة تعامل جديدة لهناس
آآآآآخ بس
(1)   (2)
يا الخبر قديم يالاختراع ؟؟
المتشائم
(0)   (2)
أتمنى للدكتور مزيداً من البحث للتقدم والازدهار وشئ مفرح أن يكون في بلدنا علماء وباحثين وأتوقع من الجهات المعنية تقديراً منها لجهود الدكتور بأن يتم تعينه مديراً عاما لمصنع نسيج في منطقة نائية مكافأة له على اختراعه !!!!!!!!!!!!!!!!!!!!
ابو اللول
(0)   (2)
يعني فعلاً ما شاء الله
هالدكتور لازم يكرموه
فعلاً مو بس بالحكي لانو بجيك كل
غبي مو فهمان شي وبتكرم .
someone know Mr.Abdalla
(1)   (3)
الدكتور خلق العبد الله بقي في فرنسا لسنوات عدة حيث فشل في أخذ الدكتوراه في إحدى المدن ثم وبعد 3 سنوات انتقل إلى مدينة أخرى لأنه رسب بجميع المواد وبعد ذلك أخذ الدكتوراه من مدينة أخرى والله يعلم كيف ..
AH.M
(0)   (3)
اختراع رائع ومميز ورهيب
بسسسسسسسس لو كان من مية سنة
ولو ينقل خبرتو لغيرو لأنو ما حدا بيستفيد منو ما شالله لا طلاب ولا غيرن
طالب
(2)   (1)
الدكتور خلف بيدرسني مادة مواد نصف ناقلة سنة تانية اتصالات
الدكتور كتير قلبو طيب وكتير فهمان الله يكتر من امتالو ولازم يتكرم لانو ةلازم كل مواطن يعمل لبلدو رغم كل شي

دكتور خلف الله محيي أصلك :)
المتصل p-n
(2)   (2)
دكتور خلف احلى دكتور
بكل شي ماعدا بالعلم
طروشي
(2)   (0)
للأخ يلي اسمو خبير
يعني اختراع السليكون من الرمل مو جديد ماهيك
طيب انت قريت شي عن اختراع الدكتور !! بتعرف انو عم يستخرجو بأرخص التكاليف
ونسبة نقاوة السليكون بتفوق ال 99.5%
بتمنى تساوي دراسة عالموضوع وتشوف انو بيستحق الاحترام
وبتمنى يكون في احترام عالاقل هاد اسمو بروفيسور
وكل واحد بيعرف قدرو
!!!
(2)   (0)
المتصل p-n
عندك معرفة بالدكتور خلف لحتى عم تحكي هيك !!
عيب نحكي ع ناس بيرفعو راس البلد بهالطريقة
طروشي تاني
(2)   (0)
خبير تاني
انا طالب بكلية الكهربا بحلب وبعرف الدكتور منيح
الدكتور فهمان بمجالو وبخاف الله وقلبو عالطلاب
مو كل طالب فاشل يرمي بلاه عالدكاتره
lمتعجب وحيران
(2)   (0)
اعجب من الغيرة والحسد هضامين حقوق الناس اعداء الوطن اعداء سوريا- كيف يفشل دكتور في اخذ الدكتوراه وكل الناس تعرف ان الدكتور خلف نشر اكثر من 40 بحثا عاميا في مجلات محكة فهل هذه كذب وهل من ينشر ذلك فاشل ؟ وهو عضو لجان تحكيم على رسائل دكتوراه في فرنسا ومشرف على رسائل دكتوراه في فرنسا- وقد منحه الاتحاد الأوروبي مشروع لتطوير درجتي الماجستير والدكتوراه في جامعة حلب ولديه براءات اختراع - واكيد اللي يكتب عن الدكتور هو من أعداء سوريا والله قيلي وجدان واعتقد اللي يحاول تشويه سمعة الدكتور هو زميله الله يعينك يا دكتور على الفشلة الخونة فاقدوا الضمير - وانا اقول استمر والله معك والشرفاءمعك
طالب
(2)   (0)
اود عدم التعليق على بعض الاشخاص امثال المسمى الخبير و غيره لان امثالهم كثر.
بالنسبة للدكتور خلف العبدالله اود من الاخوة اللذين لا يعرفون الدكتور ,عليهم ان يبحثو في الغوغل ليتعرفو عليه , و فق الله الدكتور العبدالله وغيره من العلماء السوريين اللذين رفعو راس الوطن عاليا. و شبكة عكس السير و و كالة سانا و غيرهم من الشبكات الاخبارية العالمية الصادقة و المحترمة لا تنشر الا الحقيقة.
تهامي باشا
(2)   (0)
ما بتتواخذ يا غالي لانك تشعر بالدون اتجاه الغرب وما يتحمل عقلك انو عربي يخترع او يطور اختراع.
المهم ثابر يا خلف والى الامام
فاعل بقوة
(4)   (0)
خيو شو ماكان يكون, المهم في عقول عم تفكر ببلدنا والحمد لله.
asad dary
(0)   (1)
ولك والله طالما في ناس من امثال الخبير (يلي ماذكر خبير بايش...يمكن خبير باكل الهـ...) بحياتها هل البلد مابتكبر
في الدول الغربية اذا الشخص وضع لمسة لون فقط على اي عمل تجد جميع اهل بلده يدعمونه مهما كان هذا العمل بسيط
الا عند العرب كلما برز عقل مفكر مخترع يحاول النهوض بالبلد ومن فيها يحاول اقرب المقربين اليه بتفشيله ليش لانو احسن منهم
..عجبا ياناس قبل ان تعرفو اي شيء عن اي شيء تهاجموه وكلما حاول الكبار انتشالكم من بين الاحذ.... رفضتم ....ليش ولك حدا يفهمني كرمال الله....
خبرة
(1)   (0)
هذا الدكتور نشل كل اختراعاته من داكاتره كانو بعملوا ابحاث علمية في فرنسا اسألو الدكاتره يلي معه بقولوا لكم هذه الحقيقة ولكن للأسف الكاذب والمنافق بمشي حالوا في البلد وبصبح شغله كبيرة وهو لايسوي شيء
eng.keng
(0)   (0)
ياريت يكون الشي صاير
المهم عندي وعند الجميع العمل مو الحكي الفاضي شبعانين حكي وشعارات................؟
للأسف فاشل
(0)   (0)
هاد الأختراع تقدم من نفس الدكتور واندعم وانبنى مخبر لألو في اللادقية من 35 سنة بس نسبة نقاء السلكون طلعت كتيرة فاشلة منشان هيك فشل المشروع والظاهر هلأ رجع الدكتور يجرب يعمل زوبعة أعلامية
ما أظن أنو طور مشروعو لأنو 35 سنة مكانك راوح ......
مهندس
(0)   (0)
الحقيقه المقال ماهو واضح ابدا .. اي مهندس في الكون درس اي شي له علاقه بالهندسه الكهربائيه بيعرف ان السلكون يستخرج من الرمل..
ولذلك ذكر بان الاخ تمكن "اثر أبحاث وتجارب عدة من استخلاص السليكون من الرمال لاستخدامه في مجالات الكهرباء والاتصالات" هو كلام قديم.

يعني لو تقولو انو وجد طريقه جديده منقول فيها وما فيها .. ولكن ما ذكر في المقال ليس بجديد.

ياليت يا عكس السير لما تحكوا بموضوع علمي تاخذوا اراء متعدده من المختصين لكي لا تكونوا اداه اعلاميه رخيصه تروج دون فهم.
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " حلوة يا بلدي "

6-3-2014
ستون عاماً من العطاء : عصائر " أبو شاكر " الأشهر في سوريا .. قصة تعبق برائحة الشام ( فيديو )
  عكس السير ...


10-8-2013
مرافق ومراسي جبلة القديمة.. شواهد على حواضن تاريخية لحماية السفن والبحارة من العواصف
جبلة تلك المدينة الوادعة النابضة بالحياة والتي احتفظت من ماضيها القديم بأوابد تاريخية ومعالم أثرية يدل عليها العديد ...


19-7-2013
بين الهواية والاحتراف.. الصيد البحري مهنة متوارثة تحدد مردودها الخبرة والصبر
اعتاد كثير من المواطنين في مدينتي طرطوس وبانياس على ممارسة حرفة أو هواية الصيد البحري حيث يقومون بنصب ...


19-7-2013
الأطباق القشية.. منتجات تراثية عريقة تزين جدران المنازل التقليدية في الساحل السوري
رغم إنكفاء الأشغال التراثية والصناعات التقليدية الفلكلورية بفعل انتشار الصناعات الحديثة وتنوع منتجاتها إلا أن بعض المشتغلين في ...


9-7-2013
معلولا.. عبق التاريخ ونفحات من القداسة تفوح من حضارة عمرها آلاف السنين
في قلب صخور القلمون تصطف بيوتها القديمة الاثرية كالعقاب في وكره لتحكي قصصا لا تنتهي عن تاريخ عمره ...


14-3-2013
مدينة إنخل .. رصيد تاريخي تروي تاريخ المنطقة والحضارات المتعاقبة عليها
على بعد 55 كم من مدينة درعا و45 كم جنوب مدينة دمشق تقع مدينة إنخل التي يضعها الباحثون ...


13-3-2013
فن الخزف.. أتقنه السوريون فأضحى موهبة وهواية " تقرير مصور "
لأن الخزف فن خالد .. تكاد لا تخلو أي حضارة من الحضارات الإنسانية من ممارسته حاولوا تعلمه والغوص ...


31-1-2013
" نهر الشهداء " قويق بين الماضي والحاضر (تقرير مصور)
لنهر قويق" حكاية طويلة مع مدينته المحبوبة "حلب" فهو شاهد على كل الأحداث التي مرت على المدينة بل ...