تحول تعليق لبرلماني تركي خلال مقابلة مع إحدى وسائل الإعلام المعارضة، إلى مثار جدل واسع بين السوريين على مواقع التواصل الاجتماعي.
ففي برنامج على قناة " أورينت "، قال نائب عن حزب العدالة والتنمية الحاكم في تركيا : " نحن ضد التقسيم ومع وحدة أراضي سوريا -لكن- ان حصل تقسيم -وهذا رأي - فيحق لتركيا استرجاع الموصل وحلب كما كان الوضع قبل تأسيس الجمهورية التركية ".
ونشر الإعلامي " موسى العمر " التعليق على صفحته الشخصية، قبل أن يتم تناقله من قبل السوريين عبر مواقع التواصل الاجتماعي.
وتنوعت التعليقات السورية على هذا الافتراض، وانقسمت بين ساخرة ورافضة ومؤيدة، في موقف يعكس الانقسام السوري المزمن، ( بعيداً عن تأييد الأسد الذي أصبح جريمة و ليس انقساماً ).
ورأى العديد من السوريين أن ضم حلب لتركيا هو أفضل خيار في الوقت الحالي، فعلى الأقل تستطيع تركيا إعادة إعمار المدينة التي دمرتها براميل سهيل الحسن وبشار الأسد، كما أن المدينة الصناعية الأشهر في المنطقة ستنال ما تستحقه بعد أن تصبح جزءاً من أوروبا.
وتندر آخرون إزاء هذا الطرح، مطالبين بضم مدنهم أيضاً علها تنجو من بطش الأسد، وعدم الاقتصار على ضم حلب فقط، فيما سخر آخرون من افتراض الضم مؤكدين أن الأتراك ينتظرون اليوم الذي يعود فيه السوريون إلى بلادهم، فكيف يقومون بضم مدنهم.
أما الطرف الثالث، فوجد في هذا الطرح الحلم العثماني التوسعي القديم، وإشارة إلى نوايا تركيا الخفية إزاء الموقف الذي اتخذته من الثورة السورية، مطالبين المعارضة السياسية التي جلست في الحضن التركي بالرد على هذا الكلام.
وكانت انتشرت في فترات سابقة صفحات داعية إلى ضم حلب لتركيا بعد أن أهملها نظام الأسد، وقام بتحويل معظم أحيائها إلى أكوام من الخراب، إلا أنها لم تلق الصدى الواسع الذي لقيه تصريح النائب التركي، على الرغم من كونه " رأياً شخصياً ".
عينة من تعليقات السوريين حول التصريح المثير للجدل :
محمد ابراهيم المجآريش : روقو يا اهل حلب شوبدكن احلى من اردوغان
Krmo Albasha : هوي برجع الموصل وحلب والدولة الاسلامية بتجيب انقرة واسطنبول ونسينا لواء الإسكندرون كمان
Alaa Kalash : بتحلم يا غبي انكن تقربو على أرضنا
ابو حذيفة الشامي : لماذا لم يقل لسوريا او للمسلمين الحق بسترجاع لواء اسكندرون الذي انتزعوه منا
Abd Alhassan : موسى العمر زعلان لانو ادلب مو من ضمن المخطط هههههههههههههههه
Aya Tlass : ايوا شو كانو بلشنا!!!! نرسم بعد لواء اسكندرون بس بمعيتو ازا بضم حمص بكون منيح كمان بدل جيرة العرب الكرام والله لنكيف:)
Mohammad Al Dimashqui : في مجال ياخدو دمشق بطريقهم ؟ لك نيال حلب و الموصل اذا عاشو تحت حماية الوحش التركي
Aacem Khallouf : أخي موسى .. عقلية المنحبكجية اللي رباها فينا النظام لا تزال موجودة .. ومنحبكجية أردوغان ما عندن مانع بانضمام حلب والموصل لتركيا. وأهل حلب اللي مع النظام هﻷ وضد "داعم الإرهاب" تركيا أول من سيوافق على انضمام حلب لتركيا
محمد ديب : ولك ياأخي أنا بتذكر إنو حمص كانت ولاي عثمانيه بركي بتفكرو بإسترجاعها لحض الوطن ؟ والله من ناحبتي متأسف للأتراك وللفرنسيين عن كل كلمه قلناها بحقهم وممكن نعتذر بأشد العبارات إذا بيمشي الحال بيرجعو بيخلصونا من هالمجرمين
Zaid Ghazi Aldwesh : موااااااافقين انا عراقي ومن الموصل وموافق على هذا القرار
Abd Albast Muhammd : الرقة غالي مشان الله ضمونا معاهم
Omar Al Nabbash : يعني اردوغان قدّم للحلبية يلي ما قدمه الهن لا النظام و لا المعارضة يعني صرماية اردوغان بتسوى كل حكومات الانظمة العربية و بتسوى الإئتلاف (المعارضة) و بتسوى النظام فـ انا متأكد 100% اذا عملو تصويت لحلب متل شبه جزيرة القرم رح يصوت 10000% للانضمام للزعيم اردوغان و الله اعلم و انا اول المصوتين للانضمام ههههههههه و بعدون بلكي الاتحاد بصير بيلعب بدوري ابطال اوروبا و منشق ميسي و كرستيانو
Gania Homs : علواه ياخدوا حمص مع حلب
Mohammed Darwish : والله اردوغان احسن من البغدادي
رامي قلعجي : الله حيوووووو انشالله نصير بتركيا
Mohammed Darwish : وياريت ياخذوا الدير كمان ..
طالب خيرالله : عندما تصبح تركيا دولة عظمى ولديها مقعد دائم في مجلس الأمن , عند ذلك تستطيع ان تفعل ما تريد . وحتى يحصل ذلك خلي النائب يتعشى وينام ويحلم
محمد جبارين : لا ... ياخدوا العلوية على لواء اسكندرون ومسامحينون فيها وفيون
Ibrahim Dadikhi : والله هالمعاملة الحسنة مو لله زمن النفاق بمتياز!! حلب للحلبية
Ahmad Souri : لك ليش مو كل سورية... ليش بس حلب.. شو هلتميز هاد؟؟
ماجد العمر : مبروك أردوغان.حلب والموصل إلك.إخونجي أصلى.مافي شي لله.كله بحسابه.
مهند الحلبي : لو قيل هذا الكلام بداية الثورة لانتفض الجميع غضبا" ، لكن شعبنا المذبوح المسكين بات يبحث عن طوق نجاة ، لكن أرجو ألا نضيع البوصلة
Maqsud Hosh : تركيا من يوم يومها بدها حلب ولو بس يعطوها الضوء الاخضر لتدخل مباشرة
ابو محمد الناصر : تركيا لها اطماع استعمارية منذ سلخ لواء اسكندرون وان شاء الله سوف يحرر
Abo Jamal : لك احلى الشي جماعة كلا .. اطماع استعمارية واخوان ومدري شو .. لك حاجتكم هبل .. بشو بدها تطمع تركيا ؟ بالمعامل المعفنة ولا بالشوارع المحفرة ولا بالبنايات المدمرة ولا بنفسيات الناس المحمضة ؟!! ..
Hussein Salloutah : شايف لسا في ناس ما استوت و لسا عم يقولو "سوريا" و "عرب" .. قويلي النار تحتون شوي
Hammadi Abdulghani Sallat : يو خاي يستر عرضك خود ادلب كمان يعني offer مع الموصل وحلب خود ادلب
لمى اليوسف : لك علووووووووواه ...جربنا القوميه العربيه والوطنيه والتمسك بالوطن ومانفع مع هالحكام
محمد احمد : إن من يؤيد ويطبل ويزمر لكلام هذا المعتوه التركي لايفكر حالو استثناء فقبله وسبقه خونة كثيرون...
Nour Hm : هههه بالدوووور ياجماعة بالدور ..خلونا نأمن انضمام حلب لتركيا وبعدا منعمل مظاهرات نطالب فيا انضمام بقية المدن معنا
Ibrahim Aljhmani : استغرب التعليقات اللي وصلنا لهون مين مو المجرم ابن المجرم بشار تاركين ابن انيسه ونازلين بأمه لا إله إلا الله عدوكم واحد ابن انيسه المجرم بشار كلب الخميني هو سبب ما نحن فيه بس
عذب الفرات : ياريت ترجع حلب ضمن الأراضي التركيا بلكي نتنفس شوي ونحس بكرامتنا
Bokra Ahla : سوريا صارت متل الوكاله يلي مالها بواب عم يقسموا ويفصلوا على كيفهم لك فشروا
رجل في زمن الخيانه : رائي الشخصي وانا رائي الشخصي لواء اسكندرون لازم يرجع لصحابو النا يعني
سما الشام الشام : لو سوريا قطعة من تركيا ياترا بيوتنا تهدمت هيك وتشردنا وقتلنا ؟؟؟؟؟؟؟؟ياريت ياخذ سوريا كلها بطريقو احسن من هالعصابة يلي عم تقتل فينا
Abdulrahman Al Aswad : نعم للانضمام الى تركيا من هلئ انا موافق .
أسامة الحمصي : يضمو حلب بس!!! لا خيو, لو ما ضمو حمص كمان ما برضى
Basel Kilani : لك كلو مصلحة واطماع بس تركيا بتلعب على عواطف ومشاعر الناس لتاخود يلي بدا يا
Mohammad Ghiath Sahloul : وانت شو رايك اخي موسى . انا براي من يتخلى عن سم من ارضه فهذا بﻻ شرف وﻻ عرض وﻻ اخﻻق
Tala Adoonhe : عشم بليس بالجنة بإذن الله سورية سوف تبقى وترجع أحسن بكتتتتتتتير
فهد مخلف العنزي : شنو مشان الحسكة اقرب شي خذوها لله يستر على عرضك
Elias Himo : عبر المئة سنة الاخيرة التي تلت سقوط السلطنة العثمانية لم ينقض حلم الأتراك من ضم الموصل وحلب ، حلم قديم حديث للأتراك ربما أصبحت الظروف مؤاتية ، من يعلم ؟
Basel Badr : قال تركيا حريصة على وحدة الدولة السورية، بس اذا صار انقسام بدهم بس الموصل و حلب، هالكلام بزمة المجلس الوطني و الاخوان المسلميين يلي قعدوا بحضن تركيا و باعوا و اشتروا بدم السوريين و لهلق عم يتاجروا بحق كاذب لتمثيلهم.
عكس السير