إعلانات
إعلانات
التعليم العالي ينشر تفاصيل قرار العلامات المساعدة لطلاب الجامعة
الاثنين - 4 تموز - 2011 - 11:30 بتوقيت دمشق
التفاصيل
إعلانات

أقر مجلس التعليم العالي تفاصيل المساعدة لطلاب الجامعة من خلال إضافة علامات لبعض المواد الراسبة .

و بيّن القرار أن المساعدة للطالب بعلامتين على الأكثر في مقرر واحد أو موزعتين على مقررين إذا كانت هذه المساعدة تؤدي إلى تبديل الوضع الجامعي للطالب وتمنح هذه المساعدة في أي دورة امتحانية حيث تؤدي إلى تبديل وضع الطالب أي إذا كانت هذه المساعدة تؤدي إلى التخرج، أو إذا كانت هذه المساعدة تؤدي إلى النجاح في مقررات السنة جميعها، أو إذا كانت هذه المساعدة تؤدي إلى الانتقال إلى السنة الأعلى، أو إذا كانت هذه المساعدة تؤدي إلى السماح لطلاب الكليات التي لها مشروع تخرج للتقدم إلى هذا المشروع، أو إذا كانت هذه المساعدة تؤدي إلى السماح لطلاب السنة السادسة في كليات الطب للتقدم إلى امتحانات التخرج، أو إذا كانت هذه المساعدة تؤدي إلى السماح للطالب بدخول امتحانات الدورة الصيفية.

و في نص القرار يساعد الطالب بست علامات على الأكثر في مقرر واحد أو موزعة على مقررين إذا كانت هذه المساعدة تؤدي إلى عدم استنفاد الطالب لفرص التسجيل المقرر في أي سنة من السنوات الدراسية وفي أي دور امتحانية (أولى – ثانية – صيفية) سواءاً كان الاستنفاد من داخل الجامعة أم من خارجها ويشمل ذلك الطلاب المتقدمين للدورة الاستثنائية الصادرة بمرسوم.

و يبدأ العمل بالمساعدات الامتحانية من الفصل الدراسي الثاني لعام 2010-2011، حيث تقوم بحسب قرار المجلس مديرية الامتحانات في الكلية بالتنسيق مع شؤون الطلاب فيها بإعداد قوائم بالحالات التي تنطبق عليها المساعدات تقدم إلى عميد الكلية، ويتخذ مجلس الكلية بعد تدقيقها القرار بإضافتها، شرط أن تضاف المساعدة إلى علامة المقرر التي تكون الأقرب إلى علامة النجاح، وفي حال تساوي علامتي مقررين في المساعدة تضاف إلى علامة المقرر الذي يختاره الطالب.

وفي القرار تبين أنه لا يجوز إضافة أي مساعدة امتحانية (عدا ما نصت عليه قواعد المساعدات الواردة في هذا القرار) بعد فتح الأوراق الامتحانية، ولا تدخل المساعدات الامتحانية في حساب المعدل العام إلا إذا كان هذا المعدل دون الحد الأدنى للنجاح وفي هذه الحالة يضاف إلى مجموع العلامات عدد من العلامات التي كان الطالب قد سوعد بها حتى يصل المجموع إلى معدل النجاح 50% أو 60% حسب الحال.

وفي سياق متصل بيّن القرار أن الجلسة الامتحانية الواحدة لطلاب السنة السادسة في كليات الطب المتقدمين لامتحانات التخرج وفق النظام القديم تعامل كمقرر واحد في مجال تطبيق القواعد الخاصة بالمساعدات الامتحانية الواردة في هذا القرار، ويشار في كشوف العلامات التي تعطى للطالب إلى المساعدات الامتحانية التي استفاد منها، كما تدون في جداول الامتحانات بالحبر الأحمر العلامات التي تقل عن (50 أو 60 حسب الكلية تطبيقية أو نظرية).

ولا يجوز للمصحح أن يعدل في العلامة النهاية التي حصل عليها الطالب بعد جمع العلامات الجزئية للمقرر إلا في حال جبر الكسر إلى الواحد الصحيح ولمرة واحدة، وإن المساعدات الامتحانية الواردة في هذا القرار هي مساعدات لمقررات علامتها من مئة، ومن ثم فإن المقررات التي لها أمثال أو التي تعد عدة مقررات في حساب المعدل العام (عدا الامتحان الوطني الكتابي الطبي الموحد) تتحول علامتها إلى علامة من مئة ثم يجبر كسر العلامة إلى الواحد الصحيح، ثم تطبق على العلامة الناتجة عن جبر الكسر بعد التحويل قواعد المساعدات الامتحانية ثم تضرب العلامة النهائية بعدد الأمثال أو بعدد المقررات للحصول على العلامة النهائية الجديدة.

كما يعامل مقرر التصميم المعماري في كليات الهندسة المعمارية في مجال تطبيق قواعد المساعدات الامتحانية الواردة في هذا القرار معاملة المقررات الأخرى وتطبق عليه القواعد الواردة في المادة السابقة.

و يساعد طلاب السنة السادسة في كليات الطب في الجامعات الحكومية والخاصة المتقدمون إلى الامتحان الوطني الكتابي الطبي الموحد لغرض التخرج بجبر الكسر بعد علامة 59 مهما كانت قيمة هذا الكسر، لكون الامتحان يتضمن مجموع مقررات السنة السادسة، على حين لا يستفيد من هذا القرار طلاب دراسات التأهيل والتخصص والدراسات العليا، ولا تمنح المساعدة المنصوص عليها في هذا القرار في درجات العملي أو أعمال السنة، ولا يجوز الجمع بين المساعدات الواردة في هذا القرار، وتعطى المساعدة على المقررات التي يتقدم بها الطالب في الدورة الامتحانية وتؤدي إلى تبديل وضعه أو عدم استنفاده ولا تعطى على مقررات تقدم بها في دورة سابقة مهما كانت الأسباب، والاستفادة من المساعدات الامتحانية كما وردت حكمية للطالب إلا إذا تقدم بطلب مسجل رسمياً خلال أسبوعين من تاريخ إعلان النتيجة يبدي فيه رغبته في عدم الاستفادة من هذه المساعدة ولا تعاد إليه بعدها مهما كانت الأسباب.

و في السياق ذاته أقر مجلس التعليم العالي مساعدات لطلاب نظام التعليم المفتوح ومقدار هذه المساعدة علامتان على الأكثر في مقرر واحد أو موزعتين على مقررين إذا كانت هذه المساعدة تؤدي إلى التخرج.

عكس السير


التعليقات :
rt
(0)   (0)
شكرا
يحيى شاعر الحب
(0)   (0)
ههههههههه لك بس فهموني ليه طلاب التعليم المفتوح الله غضبان عليهن يا زلمة اشتهيت يطلعو بقرار نتهنى فيه نحن طلاب التعليم المفتوح اي يعني والله عيب عالاقلية قولو طلاب التعليم المفتوح هنن يلي عميدعمو الجامعات بالمصاري
آية
(0)   (0)
شو بالنسبة للجامعة الافتراضية بتشملها هيدي القرارات ولا لأ؟
انا
(0)   (0)
شي بيبكي
"يعني كلنا منعرف انو اي قرار بيصدروو بيكون لمصلحة الاغلبية
بس هاد حالة خاصة هاد مو للأغلبية ولا للأقلية , يمكن يستفاد منو 1 او 2 من كل جامعة بس
ahmaduv
(0)   (0)
طيب شو مشان انو الجامعة الافتراضية ما شملها و لا قرار طلع و كانها جامعة تأسست بكوكب ثاني
نرجو من ادارة الموقع دراسة عمل تحقيق صحفي عن مشكلات التعليم الافتراضي في سوريا و مناقشة الطلاب بمشكلاتهم

frodo.aude@hotmail.com
(0)   (0)
ايمت بدن يساعدونا نحنا طلاب البكلوريا
طالبه
(0)   (0)
طيب في ندوة التلفزيون قالوا رح يكون الأمتحان من الكتاب بس يجيبو الاساله من الكتب ما بدنا المساعده والله نشفوا عيوني وانا عيد الامتحان الي من المريخ دكاترت حلب التعليم المفتوح رحمونالس كل دكتور بيقول انا افهم من التاني
مصدومة
(0)   (0)
يعني شو هااااااااااااد يرجعو العلامة للخمسين بدال الستين اللي بتطلع الروح ويرجعوا نظام المساعدات القديمة هيك بيعطونا حقنا اما علامة وعلامتين وبالاصل النجاح من ستين اي تخييينة هي ماعم تنبلع
(0)   (0)
اول شي شكرا كتير لوزارة التعليم العالي لأنه علامة بتساوينا بالجنة وبدونها ااحتمال نبقى بجهنم السنة الراسبين فيها تاني شي بقترح انه يكون مساعدة الطلاب بهالعلامات بدون شروط يعني اذا مادتين بغض النظر عن وضع الطالب علاماتهن 49 اي ترفيع تلقائي بالمادة وشكرا
سوريه الاسد
(0)   (0)
ليش التعليم المفتوح دائما مظلومين شو السبب انو
هذه المساعدة تؤدي إلى التخرج.؟؟؟؟؟؟؟؟؟؟
ليش مو تعديل وضع متلنا متل الطلاب الجامعه ؟؟؟؟؟؟؟
وبقولو انو التعليم المفتوح متلو متل التعليم النظامي وين المساواة والعدل

الى يحيى
(0)   (1)
لا كتير انتو مفكرين حالكن عم تدعموا الجامعات بمصاري عيني جامعات الحكومية مو بعازة تعليم مفتوح ليكون عندا وارد الدولة يلي عم تدعما وبعدين ماكان في تعليم مفتوح من قبل فكيف الجامعة عم ادبر مصروفا؟ وموبس انتو بتدفعوا وارد للجامعة التعليم الموازي هو عم يدفع اكتر منكن سنة وحدة للموازي طب 160 الف انتو باربع سنين مابتحطوا هيك مبلغ هاد اولا وتانيا حئ موادكن مابكفي اتعاب الدكاترة لحالن فياريت ماتمنن عل جامعة لانو انتو عم تدفعوا حئ علامات ماجبتوها بل بكالوريا من قلة دراستكن احسن ماضلوا بلا جامعات وبلا دراسة وشكرا عكس السير
سيساكو
(0)   (0)
يعني نفرض انا هلق كنت طلعوا كل موادي و اطلعت راسب ب 4 مواد و الخامسة على ال 58 .... يعني انا بيجوني العلامتين المساعدة قبل فحص التكميلية ولا بعد ما ارجع اقدم كل المواد على الصيفية و من بعدها بتتوزع العلامات ؟
طالب حظو منحوس
(1)   (0)
انا عندي مادتين من السنة الرابعة من السنة الماضية وماتخرجت بسببون ولحسن حظي المادتين فصل تاني
قدمتون هالفصل وكمان لحسن حظي جبت اول وحدة 49 والتانية 47 (علما ان نجاحي من خمسين )
فشو رح اعمل بحظي يلي مااستفدت بهالمساعدة بعلامتين
عبد , طالب من الجامعة الافتراضية
(1)   (0)
لم نلاحظ أي تأثير بالجامعة الافتراضية السورية بأي من القرارات التي تخص الجامعات في سورية وكأنها سورية بالاسم فقط , بل يجب عليهم أن يقومو بدراسة القوانين التي تقوم عليها الجامعة الافتراضية لما فيها من مشاكل واعتراضات من قبل الطلاب , ولن أطيل عليكم لكثرة المطالب .ولكن أطلب من عكس السير نشر مادة حول الجامعة الافتراضية والمشاكل الموجودة فيها ليت وزارة التعليم العالي تتذكرنا وتتابع منهجها في الاصلاح الحقيقي.
طالب تعليم مفتوح - كلية الإقتصاد
(0)   (0)
من المفترض إعادة النظر في قوانين التعليم المفتوح وضمها إلى قوانين الجامعة الرسمية
يعني توحيد عمل القوانين الجامعية في جميع أنظمة التعليم(تعليم نظامي-الموازي-المفتوح)
يعني لحد الا‘ن مو معترف بشهادة التعليم المفتوح مع العلم أنو السيد غياث بركات أصدر قراربل إعتراف بشهادة التعليم المفتوح ومع ذلك بتروح لحتى تتوظف بقول أنو شهاة التعليم المفتوح غير معترف فيها .
حتى من فترة طلع عل تلفزيون ندوة حوار وجابو سيرة التعليم المفتوح وقال الضيف يلي مستضيفو التلفزيون أنو الدراسة في التعليم المفتوح عبارة عن معلومات عامة يعني من الا‘خر شهاداتنا عبارة عن فض عتب..........
*******
(0)   (0)
علامتين بس
طالب دراسات عليا
(0)   (0)
بس فيني افهم ليش القرار شمل كل فئات الطلاب إلا طلاب الدراسات العليا؟؟؟؟؟؟؟؟؟؟
موظف
(0)   (0)
ان لادارةكلية الصيلة قرارات خاصة كونها كلية خاصة لا تتبع اي جامعة او اي وزارة فهي تقر مبدأ حذف اي ائلة لا تروق لادارتها بعد تصحيح المواد ومعرفة الأسماء تحت زرية رفع نسب النجاح التي تكونفي الأصل جيدة و مبرر هذا ان هذه الكليةهي افضل كلية بنسب نجاحها التي تصل في بعضالمقررات الى 99 بالمئة علما أن قراراتها لا تظلم الطلبة في كل الجامعات و الكليةفقط بتميزها هذه المساعدات بل انها تظلم بعض طلبتها الذين يرسبون بسبب حذف الأسئلة كون العلامات للأسئلة المحذوفة تعوض في الةأخرى ولا تضاف الى جميع الطلبة
مع الأسف ادارة ظالمة و مدعومة مع انعدام وجود اي رقيب
جدو
(0)   (0)
زميل نحن ولاد البطة السوداء طلاب التعليم المفتوح
طالب تعليم مفتوح
(0)   (0)
شو بدو يحكي الواحد النظاميين بساعدون بكلشي ومواد أقل ودورة تكميلية أم التعليم المفتوح مواد أكتر ومابساعدونا وعم يصعبوا علينا يعني والله صرت حس أنو التعليم المفتوح بس مشان المصاري
طالب همكي
(0)   (0)
شباب انا سنة خامسة ميكانيك عندي عندي مادة وحدة بس و جبت فيها 46 بتشملني المساعدة؟أرجو المساعدة
طالب فحص وطني
(0)   (0)
نحن الأطباء العائدون للوطن تقدمنا بفحص الكوليكيوم للطب البشري منذ يومين لكن ما حصل خيب امال الجميع فالكل كان متوقع أن مستوى الأسئلة سيكون معقولا لكن بالعكس كانت الأسئلة جميعها مستحيلة الحل بدليل أن أعلى علامة كانت 55 ونسبة النجاح 30 بالمئة وثانيا أن الطلاب أبدو ارتياحهم بالغاء قلم الرصاص لمنع الغش بالتصحيح لكن تبين أن اللجنة المصححة أخترعت ماهو ألعن وهو تثقيب الأجابة الخطأ يعني بأمكان أي شخص ثقب الورقة و.............. وثالثا أن الوزارة لم تلتزم بمحاور الأسئلة التي وضعتها فركزت على مواد وأهملت أخرى مع العلم أن الوزارة نجحت 60 طالبا بالمساعدة وأهملت من يستحق النجاح بالفعل يعني بالمختصر المفيد راح سيئ أجا أسوأ أرجو النشر
فاروق
(0)   (0)
شكرا لعكس السير لأنها تنقل بصدق هموم الشباب.......أما بعد في الفحص الوطني لطلاب الطب للشهادات الأجنبية لم تلتزم الوزارة بهذا المرسوم فلقد تقدمت للفحص الوطني خمس مرات وحصلت اخر مرة علامة 46 واستنفذت جميع الدورات فلماذا لم يطبق علي هذا المرسوم أم ان الوزارة الموقرة لا تعتبرنا من سكان هذا الوطن وهذا الشيئ شكل استياء كبير لدى العديدين و أصابنا باليأس
اماني ابوالزين
(0)   (0)
عطاء كبير
حامل 3مواد
(0)   (0)


شو مشان علامة النجاح ؟؟؟

بدها تضل 60

ع اساس نزلت ع 55

واذا نزلت ع 55 مواد اللي حملناها منشيلها ولا هي بس للمواد الجديدة ؟؟؟


بدون اسم
(0)   (0)
لأنو طلاب التعليم المفتوح مساعدينكون خلقة
يعني النجاح عن حل مين يشيل
اي بحياااااااااتي ما شفت طالب تعليم مفتوح رسبان أو آخد أقل من 60 بشي مادة مع أنو ما بيدرس
اي نحنا بنضل ندرس و بينلعي قلبنا من كتر المحاضرات طول السنة ويااااااااادوب نوصل عال50
طالب حاسوب
(0)   (0)
بقيلي 5 مواد و بتخرج ولا مره سمعت قرار لصالحنا
ع طول منتعامل درجه ثانيه و كانو بيشفقو علينا و بيدرجو اسمنا مع كلمة جامعه
ما منحسن نقول غير حسبي لله و نعم الوكيل . . . بس
BR
(0)   (0)
هل شرط التقدم إلى الدورة التكميلية واجب للحصول على العلامتين لضمان عدم الرسوب؟
خاص
(0)   (0)
يا جماعة شو ممشان طلاب الجامعات الخاصة علواه تعطونا رد بسرعة!؟؟؟؟؟؟؟؟
طالب حقوقm
(0)   (0)
نحن طلاب التعليم المفتوح في جامعة دمشق.وكل المحافظات نطالب...
ان يكون لنا دورة ثالثة اسوة بغيرنا من الجامعات والله العظيم حالنا بيبكي طيب ليش ما بتعملو هيك
نطالب سيد الوطن وزعيم العرب ان يمنحنا هذه المكرمة منه هو شخصيا لان كل ما يصدر من مساعدات لطلاب الجامعات لا يشملنا...نرجوكم نرجوكم نرجوكم ساعدونا...
طالب تعليم مفتوح
(0)   (0)
الظاهر انو طلاب التعليم المفتوح من جنسية اخرى حتى عم تتم معاملتنا بكل القرارات الصادرة بشكل ظالم ابتدا من مراسيم السيد الرئيس الذي دعم فيه الطلاب و منحهن دورة اضافية تم استثناء طلاب التعليم المفتوح لماذا يا وزارة التعليم العالي تعتبرينا خارج كل القرارات مع اننا اهم مورد للجامعات من اموال
jimi
(0)   (0)
يجب المساواة لطلاب التعليم المفتوح خاصة ان طلاب العليم المفتوح اكثرهم غير متفرغ للدراسة بسبب عمله ورغبته بمتابعة الدراسة
طالب حقوق.... ح م
(0)   (0)
بالاصل لازم مايكون عنا طلاب تعليم مفتوح لانو هنن عم يضيقو ع طلاب النظامي بفرص العمل وبسبب رفع المعدلات وغيرو
خلو الجامعة للي يستحقها
مو الي جايب مثلا 150بالادبي بيطلعو حقوق
اذا هاد مستواه بالأصل تعبان كيف بدو يدرس حقوق والحقوق معروفة بمناهجة الضخمة والجافة نوع ما
فلذلك........... يحـــــــــــمدو ربن سعرن بسعر الطلاب النظامي بعظم الامور
ميشو
(0)   (0)
بالأول كتبتو علامتين بعدين 6 علامات أنو شو 2 و لا 6 ..؟؟؟؟؟؟
علاء
(0)   (0)
السيد يحيى هدا القرار شامل كل شي تابع لوزارة التعليم العالي يعني المفتوح والموازي احلى خبرية والله
ناطرة الفرج
(0)   (0)
نحن ياحرام طلاب التعليم المفتوح ليش صفر عالشمال ..........تعالوا شوفوا الكساد يلي صار بسبب عدم تقديم التسهيلات للطلاب بغير محافظات وبالأخر يلي ماعمل فحص بسبب هالظروف الاستئنائية بسوريا قال يعتبر منقطع وبدو يدفع من المادة الراسبة متل المستجدة
بربكن النظر بهيك أمر مانو مهم متل أهمية العلامتين
طالب تعليم مفتوح
(0)   (0)
طيب ليش حتى بالمساعدة ما في مساواة 6علامات للنظامي مشان التخرج وبس 2للتعليم المفتوح والله العظيم عيب
anas008
(0)   (0)
سؤال :
اذا الطالب في الفصل الثاني استفاد من هالعلامتين بمادة و قدم على الدورة الثالثة و طلعت معو مادة غيرها برسبولو المادة إلي ساعدو فيها بعلامتين و لا شو ارجوا التوضيح و شكرا .
ابو النور
(0)   (0)
القرار الصادر من وزارة التعليم العالي للجامعات الحكومية والتعليم النظامي هو نفسه القرار الشامل للتعليم المفتوح لكن الفرق بعدم وجود ست علامات للتعليم المفتوح لانه لا يوجد حالة في التعليم المفتوح تسمى "استنفاذ" لان التسجيل يكون بحسب رغبة الطالب بعدد مواد كما يشاء الطالب وبالفصل الذي يرغب به الطالب..يبقى طلاب التعليم المفتوح ابناء سوريا مثلهم مثل كافة طلاب سوريا وشكرا
طلاب دراسات عليا
(0)   (0)
لم نترك أي جهة رسمية تعتب علينا لمعالجة وضعنا نحن الطلاب المستنفذون في مرحلة المقررات دون فائدة ألسنا طلاب تابعين لوزارة التعليم العالي أليس لنا حق يا سيادة الوزير بالنظر في وضعنا ومعالجته الى متى سيبقى هذا الاهمال والتقصير في أمور طلبةالجامعات والى متى ستبقى جامعاتنا السورية خارج التصنيف العالمي ألم يحن الوقت لاجراء تعديلات جذرية في منظومة التعليم العالي لتدخل جامعاتنا في سباق علمي مع أعرق الجامعات العالمية0
متشائل
(0)   (0)
دائما نرى الواقع مختلف تماما عما هو الكلام او المرسو م الصادر.
الجامعة الافتراضية السورية على اساس انها جامعة حكومية و تعامل معاملة الجامعات السورية كافة.
فما بال مرسوم المساعدات الامتحانية لايطبق بها شأنها شان كل الجامعات الحكومية الموقرة.
ارجو ان تفيدونا يا ع ك س السير لانو الامور في ضمور و الحالة في استحالة.
ام لانها افتراضية فكل شي فيها بالهوا
طالب تعليم مفتوح-كلية الإقتصاد
(0)   (0)
نتمنى أن يكون هناك دورة فصلية ثالثة للتعليم المفتوح لأنو إذا عملو فصل ثالث رح ينخفض معدلات الرسوب وبتالي تسريع في التخرج وزيادة نسبة عدد الطلاب المقبولين في بداية كل سنة
التعليم الافتراضي
(0)   (0)
نحن طلاب الجامعة الافتراضية السورية لم يشملنا اي قرار من القرارات التي تصدرها وزارة التعليم العالي سواء كان من حيث الدورة التكميلية او قرار العلامتين نرجو منكم ان تنظروا في حالنا نتمنى انا تصل هذه التعليقات الى الجهات المعنية.وشكرا للجميع
السيد قنوع
(0)   (0)
يا جماعة الطلاب والله بيكفي نق على التعليم العالي يعني شو ما عملولكم بضلوا تنقوا بس عن جد هم ما عمبيقصروا معكم يا ريتني كنت بقدم بهالوقت معكم لك كنت بدرس معهد كمبيوتر بجامعة تشرين ومدته سنتين ما خلصتوا غير بأربع سنين وكل مرة على علامة واحدة رسوب والنجاح من 60 . يعني شكروا ربكم والدولة يلي بتساعد هالطلاب وإنتوا ما عليكم غير شوية درس زيادة وفق الله كل طلابنا والله لايضيع تعب أحد وشكرا .
طالب معتوس ومكروك
(0)   (0)
بدي اتذكر نظام قديم قبل سنة 2006شلون كان وضع طلاب جامعة أنا بتذكر أن كلمة استنفاذ أو حملة مادة ع 48 ماكنت اسمعها بس من وقت ماسجلت بجامعة سنة 2006صارت تطلع قرارات شي بشرح صدر وبخلي واحد مكروك عنجد اذا بدنا نضل هيك في حياتنا مارح نتخرج ورح نشوف استنفاذ شي بشرح صدر كمان بس ياحسرةمايرايحةغير ع.....‏}‏
اشكر عكس سير عحريةرأي وسداد معلومات
؟؟؟؟؟
(0)   (0)
يلي قال أنو جميع طلاب التعليم المفتوح عم ينجحوا بدون دراسة وأقل واحد جايب 60 علامة هاد يا أما عايش بغير كوكب أو هلق فايق من النوم لأنو ياحبيبي أنا بتحداك إذا بكون كلامك صح والمنهاج نفسو تبع النظامي و ع فكرة عند تعليم المفتوح بالحقوق عندن 14 مادة والنظاميين 13+دورة تكميلية=بقى من وين عم يساعدونا؟
وشكرا كتير ل عكس السير لولاهن كنا نفجرنا
طالب التعليم المفتوح
(0)   (0)
طيب طالب التعليم المفتوح سيتفيد من العلامتين اذا كان بدو يترفع على السنة الاعلى شو ارجو التوضيح ياناس
حمدو
(0)   (0)
والله مابعرف شي بضحك على هيك قرارات من العصر ماقبل العصر المطري مو الحجري ولا شي بكي على احوال الطلاب
حمدو
(0)   (0)
والله مابعرف شي بضحك على هيك قرارات من العصر ماقبل العصر المطري مو الحجري ولا شي بكي على احوال الطلاب
حسن
(0)   (0)
على عينا وراسنا
شكر الله سعيكم
طالبة اقتصاد
(0)   (0)
بصراحة لا تعليق يعني لازم الواحد تطلع روحو ليتساعد بعلامة؟؟؟؟شر البلية ما يضحك
مستنفذو طلاب الدراسات العليا
(0)   (0)
الرجاء من عكس السير إيصال طلبنا إلى وزارة التعليم العالي أو إلى سيادة الرئيس للنظر بوضعنا نحن طلاب الدراسات العليا المستنفذون في المواد حيث لم يشملنا أي قرار من قراراتكم المتعلقة بالاستنفاذ .... ألسنا طلابا مثل طلاب المرحلة الجامعية الأولى ولدينا ظروف قاهرة ؟؟؟؟ ألسنا طلابا تابعين لوزارة التعليم العالي في سورية؟؟؟؟؟ أم أننا طلاب من كوكب آخر ولا ننتمي لأي جهة رسمية تدافع عن حقوقنا وتمنحنا بعضا من عطفها أسوة بعطفها الكبير على عدد كبير من الطلاب!!!!
الرجاء ياعكس السير مساعدتنا في إيصال طلبنا وصوتنا إلى الجهة المعنية لأن لكم خطوات رائدة سابقة في هكذا مجالات

والرجاء من الطلاب المستنفذين في الدراسات العليا أيضا مساندتي وضم صوته إلى صوتي لعلنا نجد من يسمع صدى هذا الصوت الخافت وويغمرنا بعطاء من عطاياه
طالبة اقتصاد
(0)   (0)
يا جماعة عنا بالإقتصاد الترفيع من 60 على هالحالة انا حملت كل موادي ع ال 58, 59, 57 هالحكي ما بصير واذا عنجد بدن يساعدونا بس ينزلولنا معدل الترفيع لنص العلامة يعني 50
الحزينة
(0)   (0)
من الظروف يلي مريت فيها ماقدرت أدرس وأنا طالبة تعليم مفتوح بجامعة البعث وللأسف ما قدمت منيح لأنو ماقدرت أدرس وأنا بالفصل الأول رفعت 5 موات بمعدل عالي جدا بس هلق راحت عليي والبابا قلي إذا برسب مافي رجعة ع الجامعة يعني ضاع مستقبلي بسبب الظروف وماشفت ولامساعدة من قبل وزارة التعليم العالي_وبقدم شكر لدكاترة ع الأسئلة الصعبة والأجبارية و على روح المساعدة الميتة بيناتنا_ _ _ وشكرا لعكس السير _ وبالتوفيق لجميع الزملاء
تالا-تعليم مفتوح
(0)   (0)
يا عاااااااااالم حرام عليكم والله نحن بالتعليم المفتوح عم ناكل الكتب بس دائما نحن بنظر الكل مرتاحين كرمال الله يا وزارة التعليم لييييييييييييش العلامتين بس للتخرج
‏!‏
(0)   (0)
لاحياة لمن تنادي......
رزان
(0)   (0)
شكرا للوزارة وياريت تكترولنا من هالقصص وهيك تساعدو كل فروع الجامعة والله انظلمت كتير بال 49 وفي دكاترة ولاد "حلال" كتير بيحطوها قصدا ليضلو مفتخرين انو هم بيخفضو نسبة النجاح بموادهم ســــــــــــــاعدونا الله يخليكم
مظلوم
(0)   (0)
شكرا ياوزير التعليم الحالي... قراراتك تؤكد حجم الاخطاء التي وقع فيها الدكتور بركات الذي نرجو من الله ثم المسؤولين ان يحال للقضاء لينال جزاءه العادل جراء ماقترفته يداه بحق التعليم العلي بسورية. حل المشاكل يحتاج لوقت و نقةل ان الوزير ابتدا بالاهم و يتابع. المشكلة في الوزارة هو مجلس التعليم العالي و الشؤون القانونية اللذين جاء بهم غياث بركات و كبرهم حتى يصادقوا على كل قرار ياخذه ليضفي عليه صفة الشرعية و يخلي مسؤوليته. الوزير بركات كان يتدخل في كل قرار و لايسمح باقرار شئ لايرضى عنه. انا داخل هذه المنظومة و اعرفو حتى يتمكن الوزير الجديد من تغيير الطقم فلاشك سيتعب كثير. ندعوا الله ان يعينه حتى يحل جبل التراكمات و الماسي
زهير حميضة
(0)   (0)
في السيرة الذاتية للدكتور غياث بركات معلومات طرزانية فهو حصل على دكتوراة في اللغة الانكليزية , وأشرف على بعض طلاب الدراسات العليا كانت واحدة منهم دكتوراة في اللغة الانكليزية تنين فيما بعد أنها منسوخة من الانترنت نسخاً كاملاً. وأشرف كمشرف رئيسي على طالب في الرياضيات في كلية العلوم في جامعة حلب وعاونه في الاشراف معاونه المخلص د.نجيب (اختصاص ميكانيك) وقسم الرياضيات التزم السكوت خوفا" من بطشه , والجميع كان مطنش من فوق لتحت والكل يعلم , إن ذلك الغيم جلب هذا المطر حتى وصلنا الى ما نحن فيه في أواخر الترتيب العالمي بين الجامعات !!

حسو
(0)   (0)
ياشباب والله مع حق الحزينة يعني لازم يكون في شوي اهتمام بالطالب والاخص التعليم المفتوح واللي عاشو حياة صعبة بهالظروف وقت الامتحان على كل حال انا جوعان وبدي روح اكل باااااااااااااااااااااااااااااااااااااااااااااااااي
مو بس مظلوم شبعان ظلم
(0)   (0)
يازلمة والله الاختبار الوطني للغات ( الحاسوب والانكليزي) طالعونيا بع؟؟ة صار هي تاني مسابقة بتروح علينا ونحن عم نستناها بالدقيقة واخرتها شو العمل بتمنى من وزارة التعليم العالي والشباب الحلوة انو يلغونياه لانو في بعض الشهادات سواء كلية او معهد مو بحاجة للاختبار مثلا الزراعة والصناعة بس شوية رحمة مو اكتر
ميمو
(0)   (0)
يعني التعليم المفتوح بكلشي مظلوم وقفت على العلامتين ؟؟ليش ماشملونا بالدورة الصيفية الاضافية كل الجامعات لازم يكون عندا دورة صيفية لا نهابتفرق مع الطالب بشكل كبير "ولا اناغلطانة"؟
طالب تعليم مفتوح وطافش
(0)   (0)
حرام والله نحنا مضلومين ياريت تجو وتشوفو حالتنا عم نشتغل ونعت طول اليوم لنطالع حق موادناوبالاخر بيجيك شي دكتور بيرسبك على علامة وحدة شو الفرق بينا وبين طلاب النضامي ولا الموازي حرام والله مابقي معنا حق المواد ياريت حدى يطلع علينا بعين وحدةبس منتمنى تشوفولنا حل انا رح اترك الجامعة بس بشان زملائي بتمنالون التوفيق احسن شي مابعرف
صالح
(0)   (0)
اذا سمحتو التعليم المفتوح كتير مظلومين .
رجاء تعديل علامتي ال48و 49 الى ال50 لانو جد حرام مشان علامة او علامتين نعيد المادة . مو مشان المصاري بس مشان اعادة المادة بحد ذاتها . يرجى اخذ الموضوع بعين الاهتمام راجين الموافقة و شكرا
باختصار شديد
(0)   (0)
طيب بالماضي ليش كان النجاح من 50 و مو يس هيك كان الطالب اذا بجيب 48 كان ينجح بالمادة و علما انو التدريس هلئ صار أسوء من قبل بس المشكلة انو الدكاترة او والمسؤولين بمجال التعليم نسوا وقت كانوا هنن طلاب و على مفاعد الجامعة ..............
يحيى ابو زكور
(0)   (0)
اشكر القيادة في الوزارة
ولكن المناهج فيها صعوبة وخاصة السنة الثانية مشاريع والطلاب يعني متل حكيتي انا ادبي يعني مابعرف اش بدي احكي نو كومنت
بدي افهم
(0)   (0)
هلأ انا بدي افهم عنجد متل ماعم يقولو انو رح ينجحوا كل الطلاب هي االسة والمواد الي حملناها رح تضل معنا للسنة الجاية قوليلي ارجوكم صحيح هالخبر انا وبدي اعرفالدورة التكميلية صارت اكتر من تمن مواد قولولي رح جن انا وانا كانت ظروفي كتير صعبة الفصل الاول ومارفعت ولامادة وهلأ رح جن كيف بدي ادرس ردولي خبر اووووووووووك
موظف
(0)   (0)
معظم مواد كلية اليدلة بجامعة حلب نسب نجاحهامئة المئة و هذه النسب ليس لها اي علاقة بمستوى الطلبة و انما بتغير سلم تصيحيح المواد بحجة المساعده الخاصة من عميدي الكلية السابق و الحالي و التيفي الاساس تستر مستوى تدريس الدكاترة و خير برهان عن التزوير و التلاعب حصول احدالطلبة على علامة 71 من اصل 70
بكل استهتار بزورون لكنهم يشوهون العلم
عبدالله
(0)   (0)
انا من حلب بدرس بجامعة تشرين
وما رحت ع الامتحانات منشان الطرق كانت مقطوعة شو الحل برايكن رسبت ؟
عاشق وطن
(0)   (0)
قد بدأت مسيرة الاصلاح التي دعا فيها سيادة الرئيس كل الاحرار الى المشاركة في بناء المجتمع صغيرهم وكبيرهم وبالاخص شريحة الشباب لذالك اقترح اعادة النظر بالخدمة العسكرية ومدتها لانها تشكل عائق حقيقي امام شريحة الشباب الطامح لدخول في تحقيق اهدافهانا لا اتنصل من خدمة الوطن لكن هنالك اسباب منطقية فانا طالب جامعي عمري 23 واذا اردت ان اكمل دراستي سيصبح عمري 27وبعدها ساذهب لاداء الخدمة فكم سيصبح عمري؟؟؟؟!!!!!!!!!!!!نرجوا النظر بعين الرؤفة والحمة وشكرا
حلا
(0)   (0)
ليش ما بيرجعولنا اضافة العلامة والعلامتين فورا متل قبل ولكل المواد وبالتالي مابعيد الطالب المادة مشان علامة لان الدكاترة ما عم يصححوا
صطوف
(0)   (0)
أي رسبت ياعين عمك وأنا معك صرنا تنين وباقي الشباب معنا صرنا *******!
ضايع مستقبلو
(0)   (0)

طب شو مشان انا رح استنفذ وعندي مادتين 59 ومادة 58 مو الي 6 علامات ضروري يتوزعو ال 6 علامات على مقررين بس اي خلص انتو عطونا ال 6 علامات ونحنا منوزعن عكيفنا والمشكلة انو لازم ينجحو هل 3 مواد حتى انتقل عل السنة اللي بعدا
'طالبة هندسة تعليم عام
(0)   (0)
على راسي ربك لك قلن ل اهل التعليم المفتوح حاج يطولو ويقسرو والله لو يقدمو مادة وحدة بس من موادنا يلي بتطلع قد مقررن السنوي كان شفناهن وصلو المريخ من كتر النق وعدم الرضى كمان
حقوقي
(0)   (0)
واللهي العظيم راكبني النحس من ايام تثقيل المواد بلبكالوريا ولهلق بلتعليم المفتوح_معقوله هيك قرار ما بيشمل التعليم المفتوح و الموازي_يا طبقوا القرار عالكل يا بلاها_شاطرين بس بأنصاف الحلول_
آية
(0)   (0)
شو بيطلعلو فرع بالجامعة يلي مجمع 162 من 240 علمي حسب مفاضلة 2011 مع العلم أني قدمت بدورة 2012 ونجحت بس بدي أعرف
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " شباب و طلبة "

19-12-2014
الأناضول : هيئة التربية و التعليم في " مقاطعة عفرين " تعتمد تدريس الديانة الأيزيدية
 أعلنت هيئة التربية والتعليم في مقاطعة عفرين، الأربعاء، أنها وبالتنسيق مع الجمعية الإيزيدية ستقوم بإدراج مادة الديانة الإيزيدية ...


19-12-2014
وزارة التربية في حكومة النظام تحدد مواعيد امتحانات التعليم الأساسي و الثانوي
 أعلن معاون وزير التربية في حكومة النظام، عبد الحكيم الحماد، أن امتحانات الفصل الدراسي الأول لمدارس التعليم الأساسي ...


18-12-2014
كيف استطاعت سلطات الأسد الحصول على أكثر من " 2 مليون دولار " من جيوب طلاب البكالوريا ؟!
ابتكرت سلطات الأسد طريقة جديدة لـ " تشليح " السوريين نقودهم، وذلك من خلال قرار وزارة التربية الجديد ...


12-12-2014
وزير التعليم العالي يحرم 25 طالباً من سكان المناطق " غير الآمنة " من التسجيل في جامعات سوريا بتهمة الغش
وجه عامر ترمانيني وزير التعليم العالي في حكومة النظام كتاباً إلى كافة الجامعات في سوريا يقضي "بإلغاء تسجيل ...


11-12-2014
وزارة التربية في حكومة النظام : سبر المعلومات قبل الثانوية العامة يحد من المتقدمين لتأجيل خدمة العلم فقط
قال يونس فاتي مدير الامتحانات في وزارة التربية في حكومة النظام إن قرار وزارة التربية الأخير حول اجراء ...


9-12-2014
مجلس التعليم العالي يحدد أسساً إضافية للقبول في الدراسات العليا و دوام جامعتي حلب و الفرات
وافق مجلس التعليم العالي على اعتماد سنة تحضيرية للقبول في الكليات الطبية بدءاً من العام الدراسي القادم ووضع ...


6-12-2014
السلطات المصرية تجدد قرار معاملة الطلاب السوريين مثل نظرائهم المصريين في الجامعات
أصدر المجلس الأعلى للجامعات في مصر قراراً جديداً يقضي باستمرار معاملة الطلاب السوريين كنظرائهم المصريين في الجامعات.وجاء في ...


1-12-2014
جامعة دمشق تعلن عن تمديد التقدم لمفاضلة الماجستير العام والموازي
أعلنت جامعة دمشق يوم الإثنين عن تمديد طلبات التقدم لمفاضلة الماجستير التعليم العام والموازي في مختلف الكليات والمعاهد ...

X
وردنا الآن