|
رداً على قرار حظر الاستيراد .. السعودية ولبنان ومصر وبلدان عربية أخرى ترفض دخول البضائع السورية إلى أراضيها الثلاثاء - 27 أيلول - 2011 - 15:10 بتوقيت دمشق
التفاصيل
علم عكس السير أن السعودية ولبنان ومصر وبلدان عربية أخرى رفضت دخول البضائع السورية إلى أراضيها رداً على قرار منع الاستيراد الذي صدر قبل أيام. وقال رئيس اتحاد مصدري الخضار والفواكه في حلب " محمد غسان كعكة" لـ عكس السير : " تسبب قرار حظر الاستيراد بتوقيف العمل باتفاقية منطقة التجارة العربية الحرة الكبرى، والتي تسمح بانتقال البضائع بين الدول العربية برسوم بسيطة جداً ، حيث أعاد القرار الرسوم الى شكلها الطبيعي، والذي يزيد على 5% الأمر الذي منع دخول البضائع العربية إلى سوريا". وتابع " فردت الدول العربية ( السعودية ولبنان ومصر وغيرها) على هذا القرار بمنع دخول بضائعنا إلى أراضيها". وأوضح " كعكة " أن أكثر من 500 شاحنة محملة بالخضار والفواكة متوقفة الآن على حدود لبنان والسعودية ومصر، حيث ترفض هذه البلدان دخولها إلى أراضيها وفق مبدأ "المعاملة بالمثل". ورأى رئيس اتحاد مصدري الخضار والفواكه في حلب أن هذا الاجراء أضر بشكل كبير بالتجارة والزراعة السورية، موضحاً أن سوريا هي المستفيد الأكبر من اتفاقية السوق العربية المشتركة، حيث تزيد صادرات سوريا على مستورداتها من الدول العربية. وقال " القرار جاء للمحافظة على القطع الأجنبي ( الدولار - اليورو) ولكن تطبيقه بهذه الطريقة سيؤدي إلى فقدان مصدر هام للقطع الأجنبي، الذي يعود من مصدراتنا من الخضار والفواكة". وتابع " توقفنا عن تصدير الخضار والفواكة سيؤدي إلى ضرر كبير بزراعتنا وتجارتنا، كما سيحرمنا من القطع الأجنبي، وهذا الأمر غاية في الخطورة". وطالب رئيس اتحاد مصدري الخضار والفواكه في حلب الحكومة بإعادة النظر في القرار وتعجيله باسرع وقت ممكن، وإلا فإن خسائر كبيرة ستلحق بالتجارة السورية، والاقتصاد السوري ككل. و منطقة التجارة العربية الحرة الكبرى (تعرف باسم جافتا ) هي حلف اقتصادي بين الدول العربية للتكامل الاقتصادي والتبادل التجاري منخفض الرسوم الجمركية. و دخلت منطقة التجارة الحرّة العربية الكبرى حيز التنفيز ابتداءاً من أول كانون الثاني 2005. والدول الموقعة على الاتفاقية " سوريا، لبنان، الأردن، السعودية، البحرين، قطر، الإمارات، عُمان، اليمن، الكويت، مصر، ليبيا، فلسطين، تونس، الجزائر، المغرب، السودان". وفي ذات السياق، أشار " كعكة" إلى أن اتفاقية تجارية بين سوريا وإيران تسهل عملية نقل البضائع أوقفت أيضا بسبب القرار، مشيراً إلى أن سوريا لا تستورد من إيران سوى بضائع قليلة جداً ( الكيوي) في حين تصدر سوريا إلى إيران مختلف أنواع الخضار والفواكة، ما يعني أننا الطرف الخاسر في إيقاف العمل بهذا القرار". يشار أن القرار 13470 القاضي بتعليق استيراد كافة المواد باستثناء المواد التي تخضع لرسم جمركي 5% ضمناً وما دون، كان صدر في 22-9-2011 بهدف "اتخاذ الإجراءات الوقائية لحماية الاقتصاد الوطني وحماية المنتجات المحلية" . والجدير بالذكر أن مواد أجهزة الهاتف الجوال، والنظارات المصححة الواقية أو غيرها أو ما يماثلها، وواقيات منع الحمل ،من مطاط مبركن غير مقسى، واللوز الطازج أو المجفف ،أو المقشر في عبوات تزن أكثر من 25 كيلو غرام صافي جوز الكاجو (طازج أو مجفف) بقشره، ومقاعد الدراجات النارية.. غير مشمولة بالقرار ويسمح باستيرادها، في حين يمنع استيراد الزيت والسمنة، وبعض المواد الغذائية الضرورية. علاء حلبي - عكس السير مواضيع متعلقة : قائمة لـ 51 مادة مستثناة من حظر الاستيراد وزير الاقتصاد: قرار تعليق استيراد بعض المواد مؤقت و نحن جاهزون بأي لحظة لتعديله
شارك الخبر على :
|
التعليقات :
مواطن فقط
(0)
(0)
صار لازم نضب غراضنا ونسافر هي اسما قهوة مع السلامة
الله بيعين
(0)
(0)
لك نحن بازمة واتنو ليش عم تاكول هوا تمنعو الاستراد الله يلعكون يا عرب على هل الاخوة اللي عندكون , بس راعو وضعنا حالياُ ما بدنا شي منكون .
طالب اقتصاد
(0)
(0)
لا سمحلي فيها أستاذ غسان كعكة <رأى رئيس اتحاد مصدري الخضار والفواكه في حلب أن هذا الاجراء أضر بشكل كبير بالتجارة والزراعة السورية، موضحاً أن سوريا هي المستفيد الأكبر من اتفاقية السوق العربية المشتركة، حيث تزيد صادرات سوريا على مستورداتها من الدول العربية.> سوريا هي المستفيد الأكبر من هذه الاتفاقية مستحيل ياأستاذ لأني من ال2005 الى الأن كم معمل أغلق بسوريا من وراء اغراق البلد بالبضائع الخليجية ذات المنشأ الصيني وكم عاطل عن العمل صار عنا بسببها وأهم شي أننا أصبحنا نستورد مياه معدنية من السعودية........ ـــــتتتتتتتتت
رجل حلبي
(0)
(0)
عم جد قرار كتير متهور رح بنخرب الاقتصاد اكتر ونرجع على ايام المؤسسات والوقفة بالدور لشراء علبة محارم ...شو هي مكافأة اهل حلب الاوفياء سيادة الوزير ما بتعرف انو اكتر شي رح يتضرر من هل القرار التجار الحلبية ؟؟؟لانون هنن عماد الاقتصاد الوطني ...؟؟بتمنى يلتغى هل القرار ..لانو الشارع عم يغلي والله مو ناقصنا ..؟؟شفت هل الشي من وجه التجار امبارح ..؟؟و تسنوا هيك قرارات بتأذي المواطن و تقولوا انو هل الشي من اجل الحفاظ على الاقتصاد ..؟؟
خبير تصدير واستيراد حلبي من الرياض
(0)
(0)
ياريت نترك التصريحات لمن يملكون معلومات صحيحة وكاملة حول ميزان التبادل التجاري وخصوصا مع الدول العربية لا أعتقد مطلقا بأنه كان لصالح سوريا في السابق صحيح أننا نصدر الخضار والفواكه والملابس ولكن فقط من السعودية على سبيل المثال نستورد من المنظفات والشيبس والبسكويت وحفائظ الأطفال وحبيبات البلاستيك من سابك والمكيفات ووووووو لذلك نقول للسيد كعكة خليك بالخضار والفواكه والله يوفق المسئولين في سوريا والدول العربية للتوصل لاتفاق خاص ويمكنهم ذلك على الأقل هذه الفترة ريثما تعدي ازمة سوريا على خير ان شاء الله والحقيقة أن الضرر بالنهاية سيكون على افراد الشعب من تجار ومستهلكين .
alaa
(0)
(0)
يعني نحن عم نعمل هالقرار مشان ظرف طارىء مو من باب الترف او الاستعلاء
ليش العرب ليعتبروا مبدا المعاملة بالمثل
لحتى تعرفو يا مسؤولين سوريا قد ما عم تحاولوا تكونوا طيبين مع الدول العربية
للاسف الفائدة قليلة أحيانا او في بعض الحالات غير موجودة
طبعا مع التذكير بوجود التآمر
لا حول ولا قوة إلا بالله
على سوريا أن تبدا بالتدخل بشؤون الدول ،لانه في وقتنا هذا لم يعد يجدي قصة الجار الذي لا يتدخل
ليش العرب ليعتبروا مبدا المعاملة بالمثل
لحتى تعرفو يا مسؤولين سوريا قد ما عم تحاولوا تكونوا طيبين مع الدول العربية
للاسف الفائدة قليلة أحيانا او في بعض الحالات غير موجودة
طبعا مع التذكير بوجود التآمر
لا حول ولا قوة إلا بالله
على سوريا أن تبدا بالتدخل بشؤون الدول ،لانه في وقتنا هذا لم يعد يجدي قصة الجار الذي لا يتدخل
ابو رياض
(0)
(0)
والله هذا القرار لازم يكون من زمان وهي اول خطوه بطريق الاصلاح الصحيح يعني خلينا نعتمد على ذاتنا ونحنا عنا كل المؤهلات بس عطونا فرصة نشتغل ونشغل معاملنا وورشنا واللهي حتى تصير ثورة صناعية في سوريه ورح نصدر لكل دول العالم ونكون احسن من ماليزيا وتايوان وانا برئيي نمنع تصدير اللحوم والخضار حتى تنزل اسعارها ويقدر المواطن يعيش وبيكفين تجار اللحوم والخضار المليارات الي جمعوها وخلي الفقير ياكل خلينا مرة وحدة بس نفكر بمصلحة البلد مو مصالح الفرد فكرو فيها منيح رح تلاقو القرار بصالحنا وحسناتوا اكتر من سيئاتوا المهم انو الكل رح يشتغل لان انا لما بكون تاجر وبستورد سلعة معينة المستفيد من ربحها انا وبس ولكن لما بصنع السلعة بسوريا رح يستفيد منها فئه كبيره من خلال مراحل تصنيعها من عمال ومصنعين وتجار الخ يا ناس حطو عقلكم براسكم واشتغلو بيكفي الاعتماد ع الغير وعملو مره وحده لله وللوطن اكيد في ناس مارح يعجبها كلامي بس هدول الانانين وكمان هدول كتير قليلين مو مشكلة لان البلد قائمة على الشرفاءالي فيها وليس على المستغلين والمحتكرين واخيرا كل الشكر لمن صاغ وسن هذا القرار واقول له دمت ذخرا لهذا الوطن وتحية من القلب للدكتور بشار الاسد
samer
(0)
(1)
طبعا هذا قرارت الاقتصادية الفذة تبع سوريا اكيد كل الدول العربية سوف توقف الاستيراد من سوريا كون المعاملة بالمثل
سوري
(1)
(0)
و بعدين و بعدين و بعدين ؟؟؟؟؟؟؟؟؟؟؟؟؟؟؟؟؟؟؟
ديري
(0)
(1)
الله لايوفقهم انشالله كلهم عملاء
بس رح ظل سوريا قويه ومارح تلين من عزيمتنا
الله سوريا بشار وبس
بس رح ظل سوريا قويه ومارح تلين من عزيمتنا
الله سوريا بشار وبس
مواطن
(0)
(0)
يعني الموبايلات و الكوندومات مسموحة الاستيراد و الزيت و السمنة ممنوع الاستيراد ؟
مغترب حلبي
(0)
(0)
والله انك صادق ياكعكة ردة الغعل كانت فورية وسريعة فمثلا في الامارت اليوم لعدم دخول البضائع السورية ارتفع الخيار ضعفين والكوسا ثلاث اضعاف والخس ثلاث اضعاف والبطاط والباذنجان والملفوف ضعف السعر وفي سورية لعدم الشحن الى الخليج والاردن والسعودية سيفلس تاجر الخضار بسورية وترمى في الزبالة وخطيت الناس برقبتك ياصاحب القرار . قرار عشوائي بدون دراسة داخلية او خارجية .
جورج
(0)
(0)
بلشت الحكومة بالتخبيط والتجريب متل حكومة عطري
مواطن
(0)
(0)
إذا وجد متضرر وجد مستفيد لكن لانعلم من المستفيد وهناك
شائعات تقول المستفيد الأكبر تجار السيارات الجديدة أي المخزنة في المستودعات نرجو النشر والتوضيح وشكرا لكم
شائعات تقول المستفيد الأكبر تجار السيارات الجديدة أي المخزنة في المستودعات نرجو النشر والتوضيح وشكرا لكم
مغترب الكويت
(0)
(0)
احسن شئ عملته هزه الدول \يانس الشعب محروم من كثير من هزه البضائع بسبب الغلاء الواحد موملحق مصاريف البيت والاولاد والمعروف لوكانم اولادك واهل البيت جوعانيين وماتعطي جارك لاان اولادك اولا في هزى الشئ وزا عندك شئ زياده بطعمي جيرانك \احسن على شان كل شئ بيكون رخيص الله لايردهم التجار الله كريم ومبروك الاسعار الرخيصه ياشعبنا السورياااااااللللللللللل ف ممممممممبروك
أفلاطون
(0)
(0)
نظرا لعدم كفاءة السيد الشعّار في ادارة وزارة الأقتصاد والتخبّط الواضح فى اتّخاذ القرار السليم المبني على أسس علمية في ادارة الأزمات الأقتصادية الطارئة , نرغب اليكم اسناد المنصب الى من ترونه مناسبا.
ودمتم للوطن ذخرا وعقلا نيّرا قائدا
ودمتم للوطن ذخرا وعقلا نيّرا قائدا
منير
(0)
(0)
يعني نستنتج من ذلك انو الحكومة كان لازم تفكر بالقرار قبل مايتم اصدار هكذا قرار يكون له تبعات سلبية على اقتصادنا ... الله المستعان
سورية بس مصدومة
(0)
(0)
مشان الله بكفي خراب و دمار للبلد حرام حاجة قرارات تعسفية متسرعة بدل تعليق الاستيراد كنتو طردوا السفيرين الأمريكي و الفرنسي بنفس السرعة يلي سكرتوا فيها الاستيراد حرام عليكون التجار و رجال الأعمال صاروا علينا مو معنا الغوا هذا القرار الفاشل و يا دار ما دخلك شر ارحمونا قرارات فاشلة
مواطن شريف
(0)
(0)
هذه هي نتيجة قرار ارتجالي بدون تنسيق او دراسة لماذا صدر القرار اذا كان يمكن تعديله بأية لحظة لماذا لم يتم دراسته قبل صدوره ماهي الإفادة التي حققها هذا القانون غير رفع الأسعار الهذا الحد يستخف بعقول البشر بحيث يسمح بإستيراد الواقي الذكري ولايمكن استيراد السمنة نعم الآن يمكن القول الله يرحم نباش القبور القديم
علي
(0)
(0)
مم
علي
(0)
(0)
ممكن للسيد الوزير ان يتصل بوكالة هويندي حمص ويسأل عن سعر اي سيارة صغيرة سيتأكد انها ارتفعت 200000 ليرة سورية واكثر هذا مثال بسيط على ارتفاع الاسعاررررررررر المتضرر الوحيد هو المواطن العادي
مواطن سوري
(0)
(0)
انا مع القرار والله ... واذا التجار خايفين على بضائعهم ينزلوها على الاسواق السورية ولا نحن حرام علينا ناكل فواكه ... شو لكن هل الاسعار الجنونية في الفواكه واللي من النوع ال3 او يمكن ال 10 .... انا مع الحكومة في القرار وان شاء الله ما حد بياخد من عندنا شي ...خلي الاسعار تنزل شوي ونشوف ولو مرة وحدة النوع الاول من الفواكه تبعيت ارضنا
حسن
(0)
(0)
غلاء غلاء خاصة للسيارات الجديدة اكثر من 250000 ليرة هل هذا في صالح الشعب يالله يا الله
سوري
(0)
(0)
اجراء سليم وعادل من السعودية ومصر ولبنان , كيف تستقبل بضاعة سوريا في وقت تمنع بضاعتها من دخول سوريا ؟؟ يا سيدي الحكومة عندنا بتتوقع تتعامل مع الدول العربية وغيرها متل ما عم تعامل شعبها بالقسوة , واذا فرضت رايها على الشعب السوري البسيط فما فيها تفرضو على باقي الدول ياريت نصحصح شوي ..
أحمد
(0)
(0)
من غير التصدير رح نشحد...
وخاصة بعد كساد الأسواق المحلية من بدء المشاكل لغاية الآن
وخاصة بعد كساد الأسواق المحلية من بدء المشاكل لغاية الآن
محمود
(0)
(0)
يااااااااااااااي يالله شو رح ننحرم من الكيوي يعني هاد مو حكي بنوووب
انا ما برضى بنوب بنوب بنوب
فعلاً متل ما بيقول المثل التالي
لما البقره بتوقع بتكتر سكاكينا
انا ما برضى بنوب بنوب بنوب
فعلاً متل ما بيقول المثل التالي
لما البقره بتوقع بتكتر سكاكينا
بكري دحاحل
(0)
(0)
اعتقد أنها خطوة جيدة من الحكومة , سوريا بلد معروف بلوطن العربي بخيراتو خلي الناس تاكل من خيرات هل البلد لكن كيلو الدراق أو الأجاص أو التفاح بخمسة وسبعون ليرة حرام ياسيد كعكة خلي الفقير ياكل
مستهلك
(0)
(0)
لماذا يتغاضى المصدرون عن حاجة المواطن ؟؟؟
لماذا يتم التصدير طالما أن السوق المحلي محتاج؟
أليسو هم السبب في رفع أسعار المواد الغذائية؟
إن كان لدى التاجر:
/ 700/ ل س ثمن كيلو غرام لحمة كل يوم
و/200/ ل س ثمن طبق بيض
و /30/ لس ثمن كيلو بندورة
و/70/ ل س ثمن كيلو فواكه
و /50/ ل س ثمن دفتر أطفال
و /150/ ثمن حقيبة طفل مدرسة
و/50/ أجرة تكسي
و ..............
(لأن دخله اليومي يقاس بالآلاف)
فإن ربع هذه المبالغ لاتوفر لدى %90 من المواطنين
فكيف يأكلون؟
وكيف يزدهر حال الوطن؟
وكيف سينتج ليتم التصدير؟
لماذا يتم التصدير طالما أن السوق المحلي محتاج؟
أليسو هم السبب في رفع أسعار المواد الغذائية؟
إن كان لدى التاجر:
/ 700/ ل س ثمن كيلو غرام لحمة كل يوم
و/200/ ل س ثمن طبق بيض
و /30/ لس ثمن كيلو بندورة
و/70/ ل س ثمن كيلو فواكه
و /50/ ل س ثمن دفتر أطفال
و /150/ ثمن حقيبة طفل مدرسة
و/50/ أجرة تكسي
و ..............
(لأن دخله اليومي يقاس بالآلاف)
فإن ربع هذه المبالغ لاتوفر لدى %90 من المواطنين
فكيف يأكلون؟
وكيف يزدهر حال الوطن؟
وكيف سينتج ليتم التصدير؟
متوكل
(0)
(0)
القصد هو الضغط على تجار حلب و الصناعيين فيها
نجاة الصغيرة
(0)
(0)
اتمنى ان يقر السيد الوزير ما حصل بسبب هذا القرار
رشروووش
(0)
(0)
ودخيلكم خلي الشعب السوري مرة بحياته ياكل من خير بلده بارخص الاسعار اصلا حتى العملة الاجنبية عم تروح لجيبة التجار الجشعين والشعب ماعم ياخد منها شي انا برائ هلازمة لازم تعلمنا انه مالنا غير بعض و خير بلدنا لازم يكون للشعب مو للبعض
سوري بفخر
(0)
(0)
لا بد من حل سريع لهالموضوع لانو عواقبوا وخيمة وبضر كل مواطن سوري على حدى.
شوف ملا عرب.
شوف ملا عرب.
حلبي
(0)
(0)
اهم شي في الاستراد الواقي يمنوع كل شي الا الواقيات
مواطن
(0)
(0)
الأفضل منع الاستيراد من بعض الدول مثل تركيا دول الاتحاد الاوروبي امريكا دول التحالف ضد سوريا وتشجيع الاستيراد من الدول الحليفة مثل الصين روسيا وكل الدول التي تقف موقف الحياد من الاوضاع في سوريا والمنع يشمل الكماليات بجميع انواعها
فادي قباني
(0)
(0)
شكرا لكل الدول العربية لانو اثبتت انو فعلا انها دول شقيقة يعني نحنا اخوة !!
الله محيي اميركا واسرائيل لانو اذكا العالم وافهم الناس يعني مافي عتب عليهن ازا الأخ ماعم يوقف معنا ّّ !! فمافي عتب على عقوبات الاتحاد الاوربي
ونعم الاخوة والله !!!!!!! الله يحميكي ياشام ونشالله منصورين على كل من عادانا
الله محيي اميركا واسرائيل لانو اذكا العالم وافهم الناس يعني مافي عتب عليهن ازا الأخ ماعم يوقف معنا ّّ !! فمافي عتب على عقوبات الاتحاد الاوربي
ونعم الاخوة والله !!!!!!! الله يحميكي ياشام ونشالله منصورين على كل من عادانا
سائق شاحنة
(0)
(0)
والله ياشباب انا راح ارجع لسورية لان بلدي اولى بخضار اللي انا حاملها لدول الخليج اكيد راح يصير عنا فائض بالسوق
سوري عبيبكي
(0)
(0)
ياااااااعالم يانااااااااس
بس بدي حدا يفهمني مين بقيلنا صاحب
ياعالم كننا عمنشتغل ومنترزق الله بدول الخليج ونيجة سياستنا الخارجية خسرنا كل الأخوة العرب
ما ضل حدا يعطي للسوري إقامات ولا حدا يقللي بالناقص لأنو كلنا عمنشتغل بالخليج ومنترزق الله
وهلء كمان شو بدو يصير بالناس يللي جوا
ياعاااااااااااااااالم مشان الله ولك ببوس ايدكون شو يللي عمبصير
ما ضللنا صاحب وخسرنا كل شي
والله العظيم اذا رح تبقى سياستنا هيك حتى نخسر كل الناس وكل الأخوة العرب وحتى الغرب نحنا خسرنا كل شي وللأسف ما رايحة غير على الشعب السوري والمواطن السوري الفقير الكحيان
حسبنا الله ونعم الوكيل بس
بس بدي حدا يفهمني مين بقيلنا صاحب
ياعالم كننا عمنشتغل ومنترزق الله بدول الخليج ونيجة سياستنا الخارجية خسرنا كل الأخوة العرب
ما ضل حدا يعطي للسوري إقامات ولا حدا يقللي بالناقص لأنو كلنا عمنشتغل بالخليج ومنترزق الله
وهلء كمان شو بدو يصير بالناس يللي جوا
ياعاااااااااااااااالم مشان الله ولك ببوس ايدكون شو يللي عمبصير
ما ضللنا صاحب وخسرنا كل شي
والله العظيم اذا رح تبقى سياستنا هيك حتى نخسر كل الناس وكل الأخوة العرب وحتى الغرب نحنا خسرنا كل شي وللأسف ما رايحة غير على الشعب السوري والمواطن السوري الفقير الكحيان
حسبنا الله ونعم الوكيل بس
عمار حركوش
(0)
(0)
رأي شخصي هذه القرار خخاطىء
لاننا لانملك حاجة السوق من البضائع الوطنية :::كالسيارات . والزيت . والسمنة وووو
هكذا قرار ممكن ان يصدر بعد دعم الفلاح قبل عام و دعم المصانع وتشجيعها على العمل ..
رأي شخصي
لاننا لانملك حاجة السوق من البضائع الوطنية :::كالسيارات . والزيت . والسمنة وووو
هكذا قرار ممكن ان يصدر بعد دعم الفلاح قبل عام و دعم المصانع وتشجيعها على العمل ..
رأي شخصي
طبيعي
(0)
(0)
أمر طبيعي ان يردو بهذه الطريقة لهذا القرار الغبي الذي لم تحسب عاقبته بشكل صح وكاننا نفرض عقوبات على نفسنا وبنفسنا ولنفسنا
حلبي فهيم ومالو علاقة بالتجارة
(0)
(0)
له له له قرار فاشل ...تخبط واضح
بالله عيكم يا مسؤولين اعترفوا
أن سوريا تمر بأذمة ...
ولكن ماهكذا تورد الإبل ...
ولكن جنت على نفسها براقش ...
استدركوا الأمر فإن إيقاف الإستيراد
بدأت بوادر عمدم جدواه تبرز على الساحة وهذه الدول العربية تعامل بالمثل ....
بالله عيكم يا مسؤولين اعترفوا
أن سوريا تمر بأذمة ...
ولكن ماهكذا تورد الإبل ...
ولكن جنت على نفسها براقش ...
استدركوا الأمر فإن إيقاف الإستيراد
بدأت بوادر عمدم جدواه تبرز على الساحة وهذه الدول العربية تعامل بالمثل ....
مواطن حلبي
(0)
(0)
خلي العالم تتهنى بخيرات البلد ذاتا التجار مو شاطرين غير يصدرو اليضائع الممتازة ويبلوا الشعب بيلي بيزيد عندن بالمحصول
كنت مرة بالسعودية وأكلت تفاحة وبتفاجئ انو هي مستوردة من سوريا والله بحياتي ما شفت من لونا وطعما وشكلا بسوريا خلينا نتهنا بخيرات بلدنا وسدد الله خطا وزير الاقتصاد
كنت مرة بالسعودية وأكلت تفاحة وبتفاجئ انو هي مستوردة من سوريا والله بحياتي ما شفت من لونا وطعما وشكلا بسوريا خلينا نتهنا بخيرات بلدنا وسدد الله خطا وزير الاقتصاد
زياد .. سعودي
(0)
(0)
لك والله و الي اسمه الله اني بحزن على كل خبر ضد الوحدة العربية و التفرقة .
عامل بمكتب ترانزيت
(0)
(0)
من الجهة اللبنانية ادخلنا اليوم اكثر 120 شاحنة فوسفات وعشرات الشاحنات المحملة خضار ومسحوق تنظيف وقناني زجاجية فارغة وغيرها من البضائع ولا يوجد اي قرار في مركز الحدود اللبناني بهكذا قرار الرجاء التأكد من اي خبر قبل نشره
سوري وسوري فقط
(0)
(0)
ماشاء الله شو هالأخوه العرب دايما واقفين معنا !!!!!
اقتصادي وطني
(0)
(0)
قرار منع الاستيراد هو قرار مندس .القرار السليم هو :1-تعليق استيراد المشروبات الروحية والدخان والعطورات والسيارات السياحية والالبسة والمفروشات لفترة زمنية محددة .
2-تعليق تغطية اجازات الاستيراد المقدمة من التجار بالقطع الاجنبي وكل تاجر يستورد بموجب بوالص ضد الدفع .ويغطي اجازة استيراداته بالقطع الاجنبي بوسائله الخاصة.
والا فان استمرار هذا القرار وعدم الغائه سيؤدي الى مايلي :
1-فلتان اسعار المواد واحتكارها وعدم امكانية ضبطها مهما كانت الاجراءات الحكومية صارمة
2-اغلاق عدة منشأت تجارية وصناعية وهذا سيؤدي الى تسريح العاملين فبها وتفاقم مشكلة البطالة بدلا من حلها والتي هي علة العلل ومصيبة المصايب؟
3-عندها تواجه اي دولة ازمات تسعى حكومتها جاهدة لتنشيط الاقتصاد علما ان بلدنا يعاني من ركود اقتصادي بسبب هذه الازمة فأتى هذا القرا ليزيد الركود ركودا لذلك سميته قرار مندس؟
2-تعليق تغطية اجازات الاستيراد المقدمة من التجار بالقطع الاجنبي وكل تاجر يستورد بموجب بوالص ضد الدفع .ويغطي اجازة استيراداته بالقطع الاجنبي بوسائله الخاصة.
والا فان استمرار هذا القرار وعدم الغائه سيؤدي الى مايلي :
1-فلتان اسعار المواد واحتكارها وعدم امكانية ضبطها مهما كانت الاجراءات الحكومية صارمة
2-اغلاق عدة منشأت تجارية وصناعية وهذا سيؤدي الى تسريح العاملين فبها وتفاقم مشكلة البطالة بدلا من حلها والتي هي علة العلل ومصيبة المصايب؟
3-عندها تواجه اي دولة ازمات تسعى حكومتها جاهدة لتنشيط الاقتصاد علما ان بلدنا يعاني من ركود اقتصادي بسبب هذه الازمة فأتى هذا القرا ليزيد الركود ركودا لذلك سميته قرار مندس؟
مواطنة سورية تحب بلدها و رئيسها
(0)
(0)
خير بلدنا نحنا أولى فيه........ و بالناقص منهم, و من واجب كل مواطن سوري أن يقوم بمقاطعة كل المنتجات الغير سورية
صحفي
(0)
(0)
الى اين النظام ذاهب بلبلد ؟؟؟؟؟؟؟؟؟؟
مغترب بلسعودية
(0)
(0)
الله يستر من هل القرار اذا نفذه
خربان بيت على المستعجل
لكل التجار السوريين وخصوصا اهالي حلب
لانه يوميا بتطلع اكثر من 200 سيارة كبيرة محمل بلبضائع للخليج وتحديدا السعودية
واذا مشي هل القرار البطالة صارت 90 بلمئة بحلب وحدها
يارب يكون هي اشاعة
الله يستر
خربان بيت على المستعجل
لكل التجار السوريين وخصوصا اهالي حلب
لانه يوميا بتطلع اكثر من 200 سيارة كبيرة محمل بلبضائع للخليج وتحديدا السعودية
واذا مشي هل القرار البطالة صارت 90 بلمئة بحلب وحدها
يارب يكون هي اشاعة
الله يستر
حمصي مر
(0)
(0)
مقال غير مقنع لا يرى جوانب الضبط الاقتصادي ونحن مع هذا القرار اذا كان في مصلحة البلد واذا كان يمنع سرقة التجار للمواطن بسبب تصدير الخضار مما يؤدي الى غلائها على المواطن السوري..
دعاء
(0)
(0)
والله أنا شايفة هيك أحسن ولمصلحة الشعب لأنه ارتفاع أسعار كل البضائع والسلع سببه جشع هؤلاء المصدرين وتصدير 90% من منتجاتنا السورية للخارج وبذلك تنقص المواد وترتفع أسعارها بسبب نقصها، ففي هذه الحالة ستكثر المواد والمنتجات وستنخفض الأسعار وتمتلئ الأسواق بالسلع الاستهلا كية التي ستتوفر للجميع...
هذا أنا
(0)
(0)
ما بعرف إذا كنتم رح تنشروه أو كالمعتاد المهم الحل بكل بساطة إثتثناء دول منطقة التجارة العربية الكبرى + إيران من القرار سابق الذكر
محمد
(0)
(0)
واحده بواحده والبادي اظلم
هي هي الاصلاحات المنتظرة
(0)
(0)
حرب اقتصادية اوربية وحرب اقتصادية عربية وداخلية
لا حول ولا قوة الا بالله
مو رايحة غير على الشعب
لا حول ولا قوة الا بالله
مو رايحة غير على الشعب
حكومة جديدة ع اضرب
(0)
(0)
مابعرف كيف عم تطلع هالقرارات بدون دراسة شو عاملين البلد حقل تجارب والله عيب عليكون ارحمونا وارحموا هالبلد
الفرزدق
(0)
(0)
من اجل مصلحة البلد الرجاء من وزير الاقتصاد التراجع عن قرار تعليق استيراد البضائع من الدول العربيه
وفي حال استمرار الدول العربيه في رفضها للبضائع السوريه
على سوريا قطع طريق الترانزيت في وجه البضائع اللبنانيه والتركيه
الذاهبه الى دول الخليج
وبعدين خليهون يبلطو البحر
وفي حال استمرار الدول العربيه في رفضها للبضائع السوريه
على سوريا قطع طريق الترانزيت في وجه البضائع اللبنانيه والتركيه
الذاهبه الى دول الخليج
وبعدين خليهون يبلطو البحر
مهندس
(0)
(0)
لا داعي لخلق مبررات للتراجع عن القرار .. فالاعتراف بالخطأ فضيلة ..
أياً كان المخطئ ومهما علت مسؤوليته يحتم عليه الواجب الوطني الاعتراف بالخطأ والتراجع عنه ..
القرار له نتائج إيجابية بالإضافة للكثير من النتائج السلبية التي تطغى على الإيجابية , وعلى ما يبدو بأنه صدر بدون دراسة فالمتضرر الأول والأخير من القرار هو المواطن الفقير الذي يمثل غالبية الشعب السوري ..
مهما بلغ الضرر بالنسبة للصناعي أو التاجر فلن يشكل هذا الضرر إلا نسبة صغيرة من الضرر الذي سيلحق بالمواطن نتيجة لقرار غير مدروس .. التاجر عندما يخسر مليون أو مليوني ليرة لا تشكل إلا نسبة بسيطة جداً مما يملك .. لكن المواطن عندما يدفع زيادة بسعر السلعة ألفي ليرة فهذا يشكل نسبة 20% مما يملك كراتب شهري على أقل تقدير وبالنسبة للسلعة الواحدة هذا عدا عن تحييد المنافسة في ظل عدم وجود رقابة على الأسعار ..
بالإضافة لنتائج سلبية كثيرة تتمثل بإغلاق الكثير من المتاجر وتسريح لليد العاملة وتعطيل الحياة الاقتصادية في الوطن وخاصة بمنع قطع الغيار من الاستيراد بكافة أشكالها .. وكلنا يعرف نتائج الحظر الأمريكي على قطع غيار الطائرات وما تسبب من ضرر على السوريين عامة فهل ننتهج نفس النهج عندها ستقف الكثير من المصانع والأليات عن العمل ..؟!
ما هذا إلا تعطيل للاقتصاد وليس حماية له ..!!
اقتراحات :
1- إلغاء إعطاء العملة الأجنبية للتاجر للحفاظ على المخزون العام .
2- حظر استيراد الكماليات ويمكن إدراج الألبسة والأحذية بقرار الحظر شريطة مراقبة الأسواق من ناحية تسعير البضائع المحلية .
3- حظر استيراد المواد الغذائية غير الضرورية كأكلات الأطفال أو المعلبات الأخرى أو البسكويت .
4- حظر استيراد أطعمة الحيوانات والتي تتواجد بكثرة في المولات .
5- حظر استيراد السلع المرتفعة الثمن كالمجوهرات التقليدية والثريات وقطع الزينة الفاخرة .
6- بمعنى آخر حظر استيراد كل ما غلا ثمنه ولم يقدر على شراءه غالبية الشعب .
دمتم والوطن بألف خير ..
أياً كان المخطئ ومهما علت مسؤوليته يحتم عليه الواجب الوطني الاعتراف بالخطأ والتراجع عنه ..
القرار له نتائج إيجابية بالإضافة للكثير من النتائج السلبية التي تطغى على الإيجابية , وعلى ما يبدو بأنه صدر بدون دراسة فالمتضرر الأول والأخير من القرار هو المواطن الفقير الذي يمثل غالبية الشعب السوري ..
مهما بلغ الضرر بالنسبة للصناعي أو التاجر فلن يشكل هذا الضرر إلا نسبة صغيرة من الضرر الذي سيلحق بالمواطن نتيجة لقرار غير مدروس .. التاجر عندما يخسر مليون أو مليوني ليرة لا تشكل إلا نسبة بسيطة جداً مما يملك .. لكن المواطن عندما يدفع زيادة بسعر السلعة ألفي ليرة فهذا يشكل نسبة 20% مما يملك كراتب شهري على أقل تقدير وبالنسبة للسلعة الواحدة هذا عدا عن تحييد المنافسة في ظل عدم وجود رقابة على الأسعار ..
بالإضافة لنتائج سلبية كثيرة تتمثل بإغلاق الكثير من المتاجر وتسريح لليد العاملة وتعطيل الحياة الاقتصادية في الوطن وخاصة بمنع قطع الغيار من الاستيراد بكافة أشكالها .. وكلنا يعرف نتائج الحظر الأمريكي على قطع غيار الطائرات وما تسبب من ضرر على السوريين عامة فهل ننتهج نفس النهج عندها ستقف الكثير من المصانع والأليات عن العمل ..؟!
ما هذا إلا تعطيل للاقتصاد وليس حماية له ..!!
اقتراحات :
1- إلغاء إعطاء العملة الأجنبية للتاجر للحفاظ على المخزون العام .
2- حظر استيراد الكماليات ويمكن إدراج الألبسة والأحذية بقرار الحظر شريطة مراقبة الأسواق من ناحية تسعير البضائع المحلية .
3- حظر استيراد المواد الغذائية غير الضرورية كأكلات الأطفال أو المعلبات الأخرى أو البسكويت .
4- حظر استيراد أطعمة الحيوانات والتي تتواجد بكثرة في المولات .
5- حظر استيراد السلع المرتفعة الثمن كالمجوهرات التقليدية والثريات وقطع الزينة الفاخرة .
6- بمعنى آخر حظر استيراد كل ما غلا ثمنه ولم يقدر على شراءه غالبية الشعب .
دمتم والوطن بألف خير ..
حازم
(0)
(0)
مباشرة تظهر الوجوه الحقيقية ... المعاملة بالمثل نحنا النا اربعين سنة عم نعاملهم معاملة خاصة ليش ماعاملونا بالمثل ؟؟؟؟
نسور سوريا
(0)
(0)
نحن نتعرض الى حرب افتراضية و يجب حماية المنتجات السورية وخاصة الزراعية لاننا دولة زراعية و برايي يج منع استيراد زيت الزيتون لاننا كمجتمع زراعي اضرنا استيراد الزيوت النباتية
محروق القلب على البلد
(0)
(0)
أكيد الموبايلات وواقيات منع الحمل أهم من الزيت والسمنة والسردين المعلب والطون ووووووووووالخ لأنهم كماليات وبينما الموبايلات ضرورية ولا يمكن الإستغناء عنها لأننا ماكنا عايشين قبل الموبايل.
مواطن حر
(0)
(0)
و الله يا جماعة قرار منع الاستيراد قمة الغباء.هاي أول خازوق ورجوني كيف بدكن تتصرفوا.
تبهدلنا
(0)
(0)
الرجاء النشر اذا الخبز أكيد انقطع رزقنا ورزق كثير ناس يا حكومة الجديدة خربتوا الدنيا ولا حدا يضرب وطنيات و مزاودات هيك اجراء سورية الخسرانه يعني بس الموبايلات معلش وبتعرفوا ليش فكروا بس شوي وبلا استيراد ولا تصدير يعني انهيار ومعادلة الاكتفاء الذاتي يعني منرجع ايام العصر الحجري والرئيس بالخطاب الموجه للحكومة وآلية العمل حكى عن المحاسبة ووعي الحكومة وينننننننن
ابويامن
(0)
(0)
تذكرو أيام الثمانينات ...سكر مافي شاي مافي رز وسمنة وحليب الاطفال بالمؤسسة على الدور ومالك دور.........فترة وجاوزناها ورجعنا أحسن من قبل.....الصبر وبعده الفرج كرمال الوطن .....اذا راح الوطن رح نصبر كتير بدون جدوى ....والله يعين وشكراً
ريمو
(0)
(0)
بكون احسن خلي خيرات البلد لابن البلد وبلا ماتطلع لبرا انا برايي يتم تاميم جميع الشركات والمصانع لصالح الدولة والشعب يصير كله موظف عندا لانو اصبحت الوظيفة حلم للشباب والقطاع الخاص بيمص دم العامل ليعطيه الراتب
بدي قول للدول العربية شكرا لوقفتكون جنبنا وجايكون يوم والدنيا دين ووفا
بدي قول للدول العربية شكرا لوقفتكون جنبنا وجايكون يوم والدنيا دين ووفا
ايمن
(0)
(0)
طيب ليش لتصدروها خلو الخضرة ترخص بس بدكن مصاري
كرم
(0)
(0)
المعاملة بالمثل !! انا مو شايف غير اني الدول العربية عبتتآمر مع الدول الغربية على سوريا ..
يعني بدال ما يقدرو الوضع السوري بهالمرحلة ويصيرو يشتروا منتجاتنا وسلعنا بشكل اكبر !!! يعني مفكرين رح يمسكونا من الأيد يلي بتوجعنا ويلعبو لعبة الإقتصاد بعد ما فشلو بالمظاهرات .. ايه ببساطة فشروا ..
يعني بدال ما يقدرو الوضع السوري بهالمرحلة ويصيرو يشتروا منتجاتنا وسلعنا بشكل اكبر !!! يعني مفكرين رح يمسكونا من الأيد يلي بتوجعنا ويلعبو لعبة الإقتصاد بعد ما فشلو بالمظاهرات .. ايه ببساطة فشروا ..
ابو مصطفى
(0)
(0)
هلأ بالنسبة الى لبنان بصراحة الجماعة معهم حق كون كلشي عم يوصلهم تهريب فليش يستوردوا نظامي ...على هالكبرة جبة حمرة ,,,حتى أنت يا لبنان
سيريانو
(0)
(0)
معقول حكومة كاملة ووزراء ومستشارين ومدراء لم يدركو خطورة مثل هكذا قرار على اقتصادنا بالله عليكم الى اين تتجه الامور في وطننا لماذا كلما هدأت ياتي احد المسؤولين ويولعها
الله يستر
الله يستر
ابوحسن
(0)
(0)
قرار غير مدروس
مندهش الفكشة
(0)
(0)
انشا الله عمرن مايدخلو بضاعتنا لعندهم شو حيصير حيزيد العرض ببلدنا وبالتالي بترخص الاسعار وبالتالي التاجر مارح يحسن يكدس ملايين بس المواطن العادي رح يحسن يشتري الفواكه اللي يتنتجها بلده واللي كان شبه محروم منها
بس بحب الفت النظر أنو لا زم مايكون في انتقائية بمنع دخول المنتجات السورية للدول العربية يا بياخدو كل الصادرات يا بيرفضوها كلها يعني مو يرفضو الخضار والفواكي مثلا لأنها سريع العطب مشان يضغطو هالتاجر والتاجر بدورو بيضغط عالحكومة ويسمحو بدخول اللحوم لأنهم اذا بيطلعوا عالقمر مارح يلاقو متل اللحم العواس البلدي معليش خلي ابن البلد يأكل لحمة بتتاكل بكفينا أكل لحم جاموس هندي والله هالجومسة يلي عم نشوفها عند بعض المتظاهرين من أكل لحم الجاموس
( حاجتنا جومسة )
( انشاء الله بيصير كيلو اللحمة البلدي بين 200 والـ 500 ل.س
بس بحب الفت النظر أنو لا زم مايكون في انتقائية بمنع دخول المنتجات السورية للدول العربية يا بياخدو كل الصادرات يا بيرفضوها كلها يعني مو يرفضو الخضار والفواكي مثلا لأنها سريع العطب مشان يضغطو هالتاجر والتاجر بدورو بيضغط عالحكومة ويسمحو بدخول اللحوم لأنهم اذا بيطلعوا عالقمر مارح يلاقو متل اللحم العواس البلدي معليش خلي ابن البلد يأكل لحمة بتتاكل بكفينا أكل لحم جاموس هندي والله هالجومسة يلي عم نشوفها عند بعض المتظاهرين من أكل لحم الجاموس
( حاجتنا جومسة )
( انشاء الله بيصير كيلو اللحمة البلدي بين 200 والـ 500 ل.س
عبدو بركات
(0)
(0)
البارحة كان السيد الوزير يناقش عددا من التجار على قناة الدنيا وأوضح سبب اتخاذ القرار ومجال تنفيذه وفوائده وضرره ومن ضمن الاضرار (المعاملة بالمثل) وقال في هكذا حالة سينظر بالقرار وربما يلفى
ارجو من الجميع الثقة بالسيد الوزير ومنح الحكومة فرصة لادارة الازمة ومن ناحية اخرى لا احد يزعل اذا رخصت البندورة والبطاطا والخيار والتي أصبحت أسعارها تقارب 25 ل فينتفع الفلاح والمواطن ويتضرر التجار للمرة الاولى وانا صراحة ماني زعلان
وشكرا
ارجو من الجميع الثقة بالسيد الوزير ومنح الحكومة فرصة لادارة الازمة ومن ناحية اخرى لا احد يزعل اذا رخصت البندورة والبطاطا والخيار والتي أصبحت أسعارها تقارب 25 ل فينتفع الفلاح والمواطن ويتضرر التجار للمرة الاولى وانا صراحة ماني زعلان
وشكرا
مهموم
(0)
(0)
اول الرقص حنجله وين بدنا نروح ببضايعنا وشو بدنا نعمل بالديون الي علينا وشو بدنا نشتغل اذا كان كل شغلنا للتصدير ولهي الدول لاحول ولا قوة الا بالله . بدي افهم شغله هلاء انا باخد كل المواد الاوليه من الدوله ومن شركات القطاع العام وبدفع سعرا بالدولار وبصدرا للدول العربيه وبجيب دولار للبلد كيف هلاء بدي اشتغل وشو لازم اعمل اصرف العمال ما بيكفي اطعمي ولادي من راسمالي ما بيظبط ؟ شو نعمل يا سعادة الوزير
فراس
(0)
(0)
هذا الكلام غير صحيح اطلاقا والسبب انو البضائع ذات المنشأ العربي معفاة من الجمارك يعني ما بيشملها القرار
كنعان
(0)
(0)
انا امبارح سمعت القاء مع التجار ووزير الاقتصاد وكان الوزير كتير شفاف وخاص فى هل نقطة قال لو شوفنا فى ضرر راح يتغير القانون كلو او المرسوم وقال اني هاد امر موقت ممكن بس كم شهر حتى تمر الزمة اما الدول العربية اعتقد قراراتهم سياسية اكتر من انها بلمثل وهم بيعرفو وضع سوريا واني الوضع مو تمام واني هيم قرار تم اخذو من اجل المحافظة على الاستقرار يعين تصرفهم هاد مو تصرف اخوا والا اشقاء هدول عملو متل من زمان مع ليبيا لما خرج قرار الحظر الجوي بعدو ما تقوع الحظر والغرب ما نفذو العرب نفذو الاردن منع الطيارن اليبي والسعودية ودول الخليج كلها اعتقد الامر هو حصار من الدوال العربية على سوريا وليسا بلمثل نحن قدمنا ونقدم فداء هل امة وعروبتها وكرمتها سوريا الله حميها وسريا بخير ازمة وتعدى
تاجر
(0)
(0)
مع احترامي للجميع , و لكن اتفاقية الدول العربية تعفي نسب الجمارك للبضائع العربية, مما يعني أن تعليق الإستيراد لا يمت لا من قريب و لا من بعيد لعملية الاستيراد من الدول العربية. فكفانا تفلسف من دون أن نعي عن ماذا نتكلم
بقولو
(0)
(0)
الضربة اللي ما بتكسر بتقوي بس السؤال شو رح تعمل هالضربة فينا؟؟؟؟؟؟؟؟؟؟؟؟؟؟
نجاة الصغيرة
(0)
(0)
شهادة لقائك على الدنيا اشكرك كثيرا على حسك الوطن بس عندي تعليق رجاء ليس عيب في اخذ قرار فيه سلبيات لم تتوقعوها ان تنراجع عنه حيث انتم من يضع القوانين وبامكانكم تغيرها او الغائها وبراي ان السلبيات كثيرة منها:
1- ارتفاع الاسعار بشكل جنوني ولا يمكن لاحد ان يتحكم بها
2- تاثر القطاع التجاري في سوريا علما ان القطاع التجاري 35% من المجتمع
3-تاثر القطاع الصناعي بسبب ضعف القطاع التجاري كونه احد القطاعات المستهلة في المجتمع
4- خوف روس الاموال من التجرا على اي فتح صناعة جديدة بسبب الاوضاع الراهنة في البلد والسبب الثاني الخوف من قرارات جريئة جديد قد تتخذها الحكومة بعدما اخذتم مثل هذا القرار المفاجئ
5- نسة كبيرة من التجار اهل روؤس الاموال الكبيرة يعملون في البضائع الترفيهية وبهذا القرار ادى الى خروج نسبة راس مال من الدورة الاقتصادية في البلد ما عدا رفع اسعارهم من 30% الى 100% وبعد بيع كامل بضعته الموجودة في المستودعات اما ان يهرب اماله الى الخارج او ينتظر ايقاف القرار وبذلك له اثران/ غلاء بالاسعار و صرف كافة العاملين لديه / مما ادى الى بطالة زائد ة رغم ان البطالة كبيرة في بلدنا
اختم قولي ان الاضرار التي حصلت اكثيرة وكبيرة واصابت كل مواطن سوري والتاثير الاكبر على الطبقة الفقير للاسف .
اما راي الحلول المحتملة للحفاظ على القطع وتشجيع الصناعة كثير اذكر بعضها اتمنى ان تفكر الحكومة بها :
1- منع استيراد البضائع المصنعة داخليا للقطاعات الصناعية القوية فقط مثل المفروشات او الالبسة او الاحذية فهي صناعة جيدة في سوريا
2- رفع التعرفة الجمركية للصناعات المثيلة والتي تكون مبتدا في سوريا ليجع جو منافسة بنائة بين المنتج الوطني والمنتج المستورد
3- منح تسهيلات للصناعين الداخلين
اما بالنسبة للقطع الاجنبي اقترح فكرة
: احتفاظ الحكومة بالقطع الموجود لديها وعدم التصرف به وعلى المستوردون ايداع نصف قيمة المستوردات بالقطع في المصارف السورية وعليه تامين القطع لاستيراده من السوق السوداء وانتم تعلمون ان التاجر يستطيع تامين قيمة بضائعه من السوق السوداء بالاضافة للقطع الذي سوف يسدده للمصارف السورية وبذلك يزداد الاحتياطي القطع وطبعا هذا الحل مؤقت لتخرج سوريا من الازمة طبعا
1- ارتفاع الاسعار بشكل جنوني ولا يمكن لاحد ان يتحكم بها
2- تاثر القطاع التجاري في سوريا علما ان القطاع التجاري 35% من المجتمع
3-تاثر القطاع الصناعي بسبب ضعف القطاع التجاري كونه احد القطاعات المستهلة في المجتمع
4- خوف روس الاموال من التجرا على اي فتح صناعة جديدة بسبب الاوضاع الراهنة في البلد والسبب الثاني الخوف من قرارات جريئة جديد قد تتخذها الحكومة بعدما اخذتم مثل هذا القرار المفاجئ
5- نسة كبيرة من التجار اهل روؤس الاموال الكبيرة يعملون في البضائع الترفيهية وبهذا القرار ادى الى خروج نسبة راس مال من الدورة الاقتصادية في البلد ما عدا رفع اسعارهم من 30% الى 100% وبعد بيع كامل بضعته الموجودة في المستودعات اما ان يهرب اماله الى الخارج او ينتظر ايقاف القرار وبذلك له اثران/ غلاء بالاسعار و صرف كافة العاملين لديه / مما ادى الى بطالة زائد ة رغم ان البطالة كبيرة في بلدنا
اختم قولي ان الاضرار التي حصلت اكثيرة وكبيرة واصابت كل مواطن سوري والتاثير الاكبر على الطبقة الفقير للاسف .
اما راي الحلول المحتملة للحفاظ على القطع وتشجيع الصناعة كثير اذكر بعضها اتمنى ان تفكر الحكومة بها :
1- منع استيراد البضائع المصنعة داخليا للقطاعات الصناعية القوية فقط مثل المفروشات او الالبسة او الاحذية فهي صناعة جيدة في سوريا
2- رفع التعرفة الجمركية للصناعات المثيلة والتي تكون مبتدا في سوريا ليجع جو منافسة بنائة بين المنتج الوطني والمنتج المستورد
3- منح تسهيلات للصناعين الداخلين
اما بالنسبة للقطع الاجنبي اقترح فكرة
: احتفاظ الحكومة بالقطع الموجود لديها وعدم التصرف به وعلى المستوردون ايداع نصف قيمة المستوردات بالقطع في المصارف السورية وعليه تامين القطع لاستيراده من السوق السوداء وانتم تعلمون ان التاجر يستطيع تامين قيمة بضائعه من السوق السوداء بالاضافة للقطع الذي سوف يسدده للمصارف السورية وبذلك يزداد الاحتياطي القطع وطبعا هذا الحل مؤقت لتخرج سوريا من الازمة طبعا
يا لطيف
(0)
(0)
هلأ خطرلن يفكرو بالابعاد
سوري
(0)
(0)
أتمنى إعادة دراسة هذا القرار وأبعاده..والله ولي التوفيق
الصبر يا شعب سوريا
(0)
(0)
الصبر و الصبر و الصبر نحنة في محنة و ازمة بس طولو بالكن شوي والله رئيسنا رح يجي يوم و يكون عراب رأساء العالم و بكرا بتشوفو بس لازم نعطي فرصة لبعض ...... بس فكرو بي شغلة انو امريكا مو تاركة كل اشغالها و امورها و عم تسأل عن الديموقؤاتية بي سوريا هههههههههه لا تاخدو الموضوع بي شكل شخصي فكرو فيه بي اوسع يا عالم والله الموضوع اكبر من الشي الي عم تفكروه و بعدين لو فعلا في معارضة عنا بي سوريا وينها بس فروجونا ياها بس للأسف هي مو معارضة هي مسخرة والديموقراطية الي امريكا عم تحكي عنا لك لهلق و نحنة بي 2011 في فرق عندهن بيت الابيض و الاسود في عندي كتير حكي بس شو بدي احكي ل احكي انتو ما شفتو اوروبا و امريكا كيف عايشين
مواطن شريف
(0)
(0)
هذاالقراربحاجة الى اعادة نظر ودراسة جديدة ومعمقةبمايحقق مصلحة المواطن بالدرجة الاولى بما يتناسب مع مصلحة الوطن
اقتصادي
(0)
(0)
يعني بقدر أعمل معمل و شغل العاطلين عن العمل ، و بعدين القرار( المؤقت أصلا ) بيلتغى و الخسارة مؤكدة و العمال عالشارع
شو هالقرار ، شو بيعمل استقرار
ما شاء الله ،
شو هالقرار ، شو بيعمل استقرار
ما شاء الله ،
محمدعلي الشيخ
(0)
(0)
احسن والله
يمكن ترخص الفواكة والخضار ...
وحتى اللحمة
يمكن ترخص الفواكة والخضار ...
وحتى اللحمة
محمد
(0)
(0)
بكرة بيدخل كل شي من الدول العربية وما منستفيد شي من وقف الإستيراد ، التجار بيعرفوا كويس يزوروا المنشأ ويبرطلوا الجمرك فيجب على القرارات أن تكون جادة ، مصلحة الوطن فوق الجميع
سوري
(0)
(0)
اخوتي الاعزاء قرار المنع يجب ان يشمل الموبيلات فالمواطن كل شهرين بدو يغير موبايلو وهذه ظاهرة ترفيهية وخاصة هنالك جوالات اسعارها مرتفعة فلماذا لانوفر القطع الاجنبي من استيرادها وتقوم شركة سيرونكس بصناعة الموبيلات ونكون بذلك شجعنا الصناعة الوطنية وللاخوة الذين يقولون اننا مستهدفون من الدول العربية فمن الذي بدا بمنع الاستيراد هم ام نحن ولكل فعل رد فعل يوازيه بالقوة ويعاكسه با الاتجاه نرجو من وزير الاقتصاد اعادة النظر بهذا القرار لانه سوف يضر الشعب السوري وخاصة الفقراء والمساكين بالامس كان قرار منع ا الاستيراد من تركيا والان لبنان والسعودية وبعديين شو ياللي بدو يصير ونحن قادمون على فصل الشتاء والمازوت وزيرنا الحبيب نرجوا اعادة النظر بهذا القرار لانه سيكون سببا في افلاس الصتاعيين والتجار وصغار الكسبة نحن كنا مبسوطيين ووصلت سوريا لحد مقبول بالرفاهية نتيجة الانفتاح على الدول العربية والمجاور ة فبعد ماعودتوننا على الرفاهية تاتون الان لتحرموننا منها رغم اننا كنا ندفع ضريبة الرفاهية عن كل شيء من السيارة الى المكيف الى الكومبيوتر سيادة الوزير الرجاء منك اعادة التفكير بالقرار والتراجع عنه لخدمة الشعب السوري ليس عيبا لانه نحن السوريون شعب مكافح وشغيل ورغم كل ظروف البلد الله يخرجنا منها على خير بنستحق
شوية ترفيه
شوية ترفيه
أضف تعليقك :
مقالات أخرى من " فلاش "
 11-3-2015 تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) عكس ... |
 11-3-2015 المحيسني لفضل شاكر : كن داعية إلى الله بصوتك و لا تعد إلى مسارح اللهو و الغناء وجه القيادي السعودي المتواجد في سوريا، عبدالله المحيسني، رسالة إلى الفنان اللبناني، فضل شاكر، الذي كان قد خرج ... |
 11-3-2015 إتهامات عديدة و حديث عن أدلة موثقة .. المليشيات الكردية تواصل ارتكاب الانتهاكات ضد العرب في سوريا ( فيديو ) تشير أصابع الاتهام والإدانة الموثقة إلى مليشيات كردية بارتكاب انتهاكات بحق عشرات الآلاف من المواطنين العرب في محافظة ... |
 10-3-2015 اعترف ببناء منشأة غاز في مناطق سيطرة التنظيم .. جورج حسواني ينفي تورطه بشراء نفط لنظام الأسد من تنظيم "داعش" نفى رجل الأعمال السوري جورج حسواني اتهام الاتحاد الأوروبي له بأنه اشترى نفطاً للنظام السوري من تنظيم "داعش" ... |
 10-3-2015 لقاء " سري " بموافقة المخابرات الفرنسية يجمع علي مملوك بـ " موظف فرنسي كبير " في دمشق قالت وسائل إعلام فرنسية إن لقاء سرياً جمع واحداً من أبرز موظفي وزارة المالية الفرنسية، مع اللواء علي ... |
 10-3-2015 المعارضة ليست ضد مؤسستي الجيش و الشرطة .. خالد خوجة يهاجم سعي أمريكا لتدريب المعارضين : غير كاف و لا معنى له قال رئيس الائتلاف السوري خالد خوجة، إن ما يسعى الأميركيون للقيام به لجهة تدريب 15 ألف معارض خلال ... |
 10-3-2015 قال إنه لم يعتزل و أكد تواجده في سوريا .. جمال معروف : نقاتل من دون تسمية خوفاً من تنظيم القاعدة دحض جمال معروف قائد «جبهة ثوار سوريا» كل المعلومات التي أفادت باعتزاله العمل العسكري وانكفائه في تركيا منذ ... |
 10-3-2015 ناشط سوري و عروسه يتبرعون بنفقات حفل زواجهم لإقامة مهرجانات للأطفال المحاصرين من قبل قوات الأسد ( صور ) احتفل الناشط السوري "أحمد أبو الخير" المقيم في مدينة اسطنبول بتركيا بزواجه بإقامة حفلات و مهرجانات للأطفال المحاصرين ... |
مفكرين حالكون اذكى من الخليقة كلا يعني
شايف انو سوريا سوف تتحول بغضل جهابذة السياسة و الاقتصاد لدينا الى جزيرة مستقلة و معزولة