|
امتحانات الدورة التكميلية للتعليم المفتوح بجامعة دمشق 14 أيلول الاثنين - 29 آب - 2011 - 17:17 بتوقيت دمشق
التفاصيل
تجري امتحانات الدورة التكميلية لبرامج وأقسام التعليم المفتوح في جامعة دمشق للعام الدراسي الجامعي 2010-2011 اعتباراً من 14 شهر أيلول القادم ولمدة عشرة أيام. وأوضحت الدكتورة فاتنة الشعال نائب رئيس الجامعة لشؤون التعليم المفتوح لوكالة سانا اليوم أن تسجيل الطلاب للدورة التكميلية سيتم عن طريق الانترنت من 4 ولغاية 8 من الشهر القادم مؤكدة ضرورة الالتزام بالمواعيد وعدم قبول التسجيل بعد الفترة المحددة حيث بإمكان الطلبة تسديد رسوم التسجيل لدى أي فرع للمصرف العقاري في سورية وتزويد إدارة التعليم المفتوح بوثيقة تثبت ذلك. وأشارت إلى أنه يحق لطلاب السنوات الأخيرة من مختلف برامج التعليم المفتوح بالجامعة ممن يحملون أربعة مقررات فقط التسجيل للدورة التكميلية داعية الطلاب إلى زيارة الموقع الإلكتروني للتعليم المفتوح للاطلاع على أسماء الطلاب المقبولين في الدورة التكميلية والبرامج الامتحانية إضافة إلى مسودات قرارات التخرج للبرامج المختلفة. وأكدت الشعال أن إدارة التعليم المفتوح بالجامعة على استعداد لمنح إشعار تخرج للطلبة الخريجين الراغبين بالاشتراك في المسابقات والوظائف المعلنة. عكس السير
شارك الخبر على :
|
التعليقات :
nadeem
(0)
(0)
أرجو النظر بعين الرحمة لطلاب التعليم المفتوح في جامعة حلب وأعطائنا مثل جامعة دمشق دورة تكميلية لأنها تساعد عدد كبير من الطلاب على الترفع ألى السنة التي تليها
يحيى شاعر الحب
(0)
(0)
شو هالمسخرة هي ونحن طلاب حلب يلي عمندرس بجامعة البعث يلي راحت علينا هداك الفصل اي حاج مسخرة اما طالعوا قرار يشمل الكل او خليكن ساكتين
ارجو النشر
ارجو النشر
طالب سكران بس صحيان
(0)
(0)
روحوا وحاج مسخرة وبهدلة نحن طلاب التعليم المفتوح صار عندنا يقيين انو الوزارة التعليم العالي وجدت لناس وناس ليش هالنسة الكل عوضوا بدورة استثنائية سواء الشهادة الثانوية او الجامعات الحكومية بس لانو نحن تعليم مفتوح ما بعبي العين بتتركوا كتيييير طلاب راح الفحص عليهن بس ايه الله بعين
خالد
(0)
(0)
شو التعليم المفتوح بجامعة الفرات مالو دورة تكميلية نرجو النظر بعين الاعتبار لطلاب جامعة الفرات لان في طلاب كثيرين ماترفعو
زياد
(0)
(0)
نرجوا من موقع عكس السير الكرام نشر مفاضلة عام 2011/2012
مواطن
(0)
(0)
لمدينة حلب الحق والاولوية بالدورة التكميلية بسبب الحاج ة الماسة جدا ووجود فراغ كبير بين الطلاب لذلك ارجو من السادة المسؤولين اعطاء لكافة فروع التعليم المفتوح بكل المحافظات هذه الدورة التكميلية ولكم منا جزيل الشكر ....
شهد
(0)
(0)
أي فعلا وشو مشان طلاب جامعة البعث ؟؟؟؟ يعني اذا الواحد عندو مادة وحدة عالتكميلية , كيف بدو يسجل اذا كان بغير محافظة ؟؟؟؟ يعني بدنا حل منطقي ومعقول وفعلا حاج مسخرة
شي طالب
(0)
(0)
وجامعة تشرين يا عيني يا فتال شو بدنا نساوي
شهد
(0)
(0)
هلا ما فهمنا شي ؟؟؟ يعني ممنوع طلاب جامعة البعث يسألوا عن طريقة تسجيل متل جامعة دمشق ولا مكتوب علينا الشقا والتعتير والشندلة !!!!! وليش وقت يكتب فينا الواحد كومينت و ما فيو شي ما بتنشروه ولا لازم نكتب الرجاء النشر ؟؟؟ عكلن يعطيكون العافية
نبيل ابراهيم
(0)
(0)
اانا عندي مادة للتخرج اللي راحت علي هداك الفصل.....وماتخرجت
عجب رح ندفع للمادة الاخيرة اللي راحت عليي ولالأ
يااخي بجامعة البعث لهلق مااعلنو عن التكميلية
....شو هاد
عجب رح ندفع للمادة الاخيرة اللي راحت عليي ولالأ
يااخي بجامعة البعث لهلق مااعلنو عن التكميلية
....شو هاد
ليش بس الأخيرة
(0)
(0)
غريبة ليش يعني بس السنوات الأخيرة شو المانع ماتكون حتى السنة الأولى والثانية والثالثة ألها دورة تكميلية ليش بس الرابعة يعني هي هدية بمنية ؟؟؟؟؟؟؟؟؟؟؟؟؟؟؟؟؟؟؟؟
نور الدين محفوظ
(0)
(0)
المشكلة بتنحل بقرار من وزير التعليم العالي بشمول الدورة التكميلية لكل الطلاب (مفتوح و مسكر )والجامعات السورية غير متضررة مادام عم تقبض ثمن المواد والموضوع مو بحاجة لكل ها الحكي
طالب مظلوم
(0)
(0)
لماذا يحق لجامعة دمشق مالا يحق لجامعة البعث ؟؟؟؟!!!!!! أم أن الإداريين في جامعة البعث نايمين ....أو ....في كوكب آخر
سورية للعضم
(0)
(0)
أرجو من سيادة الرئيس بشار الأسد الله يحميلنا ياه من كيد الاعداء ,انو يصدر دورة للمستنفذين هالسنة كرمال الله لانو اغلب الطلاب بيشتغلوا و بيدرسوا و الله يحمي سوريا و قائدها و شعبها
الحسين
(0)
(0)
شو استفدنا اذا لحد الان ماطلعت نتيجة التنفيذ2 بحلب
ليش التأخير وحرق الاعصاب
ليش التأخير وحرق الاعصاب
جيمي
(0)
(0)
والله عيب يعني طلاب السنوات التانية ما الهم علاقة لما بس طلاب السنة الرابعة اتاثروا بالاحداث,,,او ان طلاب التعليم النظامي يلي جالسين طول الاسبوع بالمحاضرات وبالمدن الجامعية حرام هدول الهم استثنائية وتكميلية وطلاب التعليم المفتوح يلي محاضراتن يوم الجمعة ويلي اكثرهم من غير محافظات ما الهن شي ....العدل بالقرار او بلا القرار
طلاب المعاهد المتوسطة
(0)
(0)
نحن طلاب المعاهد المتوسطة نتوجه اليك يا سيادة الرئيس وسيادة وزير التعليم العالي لأننا لم نستفد من الدورة التي منحت للمستنفذين بسبب الأوضاع الأمنية لذلك نرجو النظر بوضعنا
طالب معهد متوسط
(0)
(0)
انا طالب معهد ادارة اعمال لم استفد من الدورة التي منحها السيد الرئيس للطلاب المستنفذين بسبب الظروف التي نمر بها لذلك نرجو النظر بوضعنا ونحن لا نقول اعيدو الأمتحانات بل يقدم الطالب المواد التي لم يستطيع تقديمها
أرجو النشر ولكم الشكر
أرجو النشر ولكم الشكر
طالب معهد
(0)
(0)
نتوجه اليك يا سيادة الرئيس بشار الأسد بمنح طلاب المعاهد دورة للمستنفذين لأنه أقسم بالله لم نستفد من الدورة التي منحت بسبب أعمال التخريب والمجرمين وأنشاء الله سورية بخير بوجودك أبو حافظ
علي
(0)
(0)
طلاب معاهد سورية يريدون بشار الأسد .
طلاب المعاهد يريدون دورة للمستنفذين
طلاب المعاهد يريدون دورة للمستنفذين
شهد
(0)
(0)
طيب هلا حدا فينا سأل حالو اذا في حدا رح يقرا يلي عم نكتبو أو لا ؟؟!! في حدا سأل حالو أنو فارقة معون هموننا ولا لا؟؟؟!! ؟؟ أصلا بالنسبة لطلاب التعليم المفتوح أهم شي عندون يقبضوا و نحنا رح نعمل يلي علينا لأن ما بيطلع بأيدنا غير هالشي فأنا بعتقد أنو عم نوجع راسنا عالفاضي
شهد
(0)
(0)
بس في شغلة أحلى بجامعة البعث أنو التسجيل لازم يكون شخصيا أو نعمل توكيل لشي حدا ب 5000 ليرة مشان يسجلنا والحلوي وين أنو كل يلي بدنا نقدمو مادة وحدة وعالتكميلية يعني راسبة بكم علامة وراس مالا 1500 ليرة بقا بدنا نتشندل عبر المحافظات مشان تسجيل مادة و من ثم تقديم مادة أرجو النشر لأن ما حدا رح يهتم
الأمل
(0)
(0)
يا دكتورة نحنا مدرسين اللغة الانكليزية عم نكمل جامعة ترجمة بعد المعهد وعم ندفع مصاري ولك والله حرام وحرام كتير ولك شو فرقنا عن طلاب صف الخاص الى عم يكملوا تربية من شان الله لاقونا حل والقران نحن بحاجة الكم لتساعدونا تبنونا متل ما تبنيتم التربية وعاشت سورية الأسد وعاش قائدها
العلا
(0)
(0)
مرحبااااااجميعا شكراكتير لكل طلاب التعليم المفتوح اللي عم ينقدو الشي الواضح انو لازم ينتقد بس صدقوني خلينا متل مانحنا احسلنا لانو اذا بكرا قالولنا خدوا هي دورة تكميلية والله لتطلع من قفا راسنا يعني رح نقول ياريت ماطلبنا شي منهن وعلى فكرة صحيح نحنا تعليم مفتوح بس كل هالشي وعم نثبت جدارة ماعم يوصلولها اللي بالتعليم النظامي اتطمنوا يا أحبائي الله معنى موفقيييييييييييييين
عبد القادر
(0)
(0)
الله أكبـــــــــــــــر على الظالم ليش التعليم المفتوح بدون دورة أستثنائية
قطرة مطر
(0)
(0)
الطلاب لابيعجبهن العجب و لا الصيام برجب وكل طالب بدو قانون على مقاسو
ريم
(0)
(0)
أنا طالبة رياض اطفال سنة رابعة باقيلي التربية المقارنة وقدمتها ست مرات وماعم انجح والعلامة 40 لل48 وقدمتها تكمياي والله أعلم شوبدو يصير ساعدينا يادكتورة فاتنة وخلصينا من الجامعة وانظري بعين الرحمة علينا لأنو تعبنا وهرمنا وشكرا
منير صالح
(0)
(0)
اذا بدفع 100000 على تقديم المواد ما بدفع رشوة لأي دكتور
أضف تعليقك :
مقالات أخرى من " شباب و طلبة "
 10-3-2015 وزيرة التعليم الألمانية تعتزم توفير دعم تعليمي إضافي لأبناء الأجانب تعتزم وزيرة التعليم الألمانية يوهانا فانكا توفير المزيد من الفرص لأبناء المهاجرين في ألمانيا. واعتبرت الوزيرة في تصريح ... |
 24-2-2015 الإعلان عن موعد بدء التسجيل في برنامج المنح الدراسية التركية أعلنت "مؤسسة المنح التركية (Türkiye Bursları)" عن فتح باب التقدم بطلب الحصول على منحة للدراسة في تركيا لكل ... |
 22-2-2015 12 ألف طالب في التعليم المفتوح يوقفون تسجيلهم في جامعة دمشق قالت وسائل إعلام النظام عدد الطلاب الذين تقدموا بطلبات توقيف تسجيل لبرامج التعليم المفتوح، بلغ 1200 طالب في ... |
 20-2-2015 ألمانيا تعترف بالمؤهل الدراسي لأكثر من 25 ألف مهاجر أفادت بيانات صادرة عن الحكومة الألمانية بأنها اعترفت حتى الآن بشهادات أكثر من 25 ألف مهاجر يقيمون في ... |
 18-2-2015 مديرية المنح و البعثات في الحكومة السورية المؤقتة تطرح استبياناً لمعرفة عدد الطلاب المنقطعين عن الدراسة طرحت مديرية الإحصاء و مديرية المنح والبعثات في وزارة التربية والتعليم في الحكومة المؤقتة استبياناً لمعرفة عدد الطلاب ... |
 14-2-2015 أفضل 10 جامعات في تركيا لعام 2015 أعلن مركز التنسيب و التقييم والاختيار في تركيا (ÖSYM) ترتيب الجامعات على مستوى تركيا لعام 2015. ووفق هذا ... |
 14-2-2015 الأوراق المطلوبة للتسجيل في الجامعات التركية الأوراق المطلوبة للتسجيل في الجامعات التركية اضغط على الصورة لرؤيتها بالحجم الكامل عكس السير ... |
 9-2-2015 جامعة غازي عنتاب تفتتح أكثر من 20 برنامجاً باللغة العربية أعلن رئيس جامعة غازي عنتاب أن مؤسسته التعليمية تستعد لإطلاق أكثر من 20 برنامج في اللغة العربية، بما ... |