إعلانات
إعلانات
التعليم العالي تعلن نتائج الامتحان التقويمي الوطني للطب البشري دورة حزيران 2011
الاحد - 3 تموز - 2011 - 18:47 بتوقيت دمشق
التفاصيل
إعلانات

أعلنت وزارة التعليم العالي اليوم نتائج الامتحان التقويمي الوطني للطب البشري دورة حزيران 2011.

وتضمن الإعلان العلامة النهائية للمتقدمين ونتيجة الامتحان وتفصيلات أخرى تتعلق باسم الجامعة التي تخرج منها الطالب وبلد الدراسة والنتائج على الموقع الرسمي للوزارة.
 
 اضغط هنا لتحميل النتائج

عكس السير


التعليقات :
محمد
(0)   (0)
الان و بعد امتخان الكوليكيوم الذي كان امتحان للوزير الجديد اقول : الله يرحم ايامك يا بركات , من 500 طالب نجح 160 , و اعلى علامة 67 من 100 , واللي جابوا فوق الستين 4 طلاب بس , و الناجحين ناجحين شحط و في كتير مساعدة .
الاسئلة يمكن اذا حلتا نانتي تجيب اكتر , و كل الاسئلة اجت نكشات , و في اسئلة غلط , مثلا : في تنافر ال RH في دم الجنين اختر الاجابة الصحيخة :
1 الاب ايجابي ال RH
2 الام سلبي ال RH
3 الاعراض تظهر من اليوم الاول
طيب كلون صح .
اقول للوزير , لم تصلح شيئا , و مازال نزار الظاهر كما هو , يا ريتك سمعت كلام دريد لحام بان تكون ميداني .
والله حرام , لك يا جماعة والله ادينت 1000 ليرة دين لرحت عالفحص, والله العظيم صرلي سنين لا شغلة ولا عملة, عم اشحد ال 100 و ال 200 حق دخان , اقسم بالله درست كلشي و رسبت .
انني من منبر عكس السير اناشد الدكتور بشار الاسد بان يطلع على اسئلة هذه الدورة التي لا يمكن ان تقيم طبيبا , دكتور بشار هدول والله منفردين فينا , موتونا و الله , اقسم بالله انا خالص , عم فكر بالانتحار .
ابو حلب
(0)   (0)
الاسئلة توزعت عال 11:10 يعني روحولنا 10 دقائق , و طلعولنا بشغلة التظليل بالالم الازرق , فيا اما بدك تحل بالرصاص مشان اذا غلط بعدين تظلل بالازرق او تحل بالازرق مباشر و ما عاد فينك تصلح بعدين وهادا كتير بروح وقت , و الاسئلة عم تنقط سم مشان هيك النتائج سيئة , نحنا ما رح نسكت , ورح نوصلا لعند السيد الرئيس بشار الاسد اللي ميت مرة فهمكون : حاربوا البطالة , و في النهاية انا مع انو رسبت رح اروح و ارفع العلم بحلب يوم 6 بالشهر لأنو الوطن اغلى من كل فحص .
خريج
(0)   (0)
اي مبرووووووووووووووك بس شو مشان طلاب الهندسات ايمت رح تجتمع اللجنة وتحن علينا بقى والله هرمناااااااااااااااااااااااااااااااااااااااااااااااااا
سوري
(0)   (0)
بعد الاطلاع على النتائج اراها نتائج سيئه وبحسب معلوماتي من الكثيرين من المتقدمين
الجميع اشتكى من صعوبه الاسئله وانها اسئله تعجيزيه وليست اختباريه لقدرات الطالب كطبيب نتمنى من الجهات المعنيه النظر الى الامر جيدا لان الطالب الذي تخرج ولم ينجح في الامتحان ينتظر دوره اخرى لتقديم الامتحان ولكن متى لا احد يعلم الا الله و وزير التعليم ارجو النظر في الاسئله التي يتم وضعها على ان تكون اختباريه لمعلومات الطبيب وعلى هالاساس يتم تقييم الطالب وشكرا
طالب كولكيوم
(0)   (0)
والله انا معك اخ محمد .... الاسئلة كانت صعبة جدا جدا جدا
والاجابات كلها صحيحة ولم يحدد الاجابة الخاطئة ام الاجابة الصحيحة ... وربي حرام ....
درسنا محاضرات جامعة دمشق سنة سادسة واللي عددون 11800 صفحة .... ودرسنا اسئلة دورات من سنة 2004 حتى سنة 2010 وما اجى منون غير 4 اسئلة ....... والله حرام ... من 504 طلاب ينجحوا بس 160 طالب مع العلم انو في 52 طالب منهم مع المساعدة ناجحين بناء على المرسوك الجمهوري تبع العلامتين .....
ورب العباد اللي بيشهد على كل كلمة عم نكتبها وعم نقولها انو حرام عليكم ..... فوق ال70% مافي ولا طالب .... وفوق ال 60% في بس 8 طلاب .... والباقي كلهم 152 طالب نسبهم بال50% وربي حرام حرام حرام ....
مع العلم انو النسبة من سنة ال2005 لم تتجاوز ال 33% الى هذا اليوم ........ سبحان الله ..... النسبة ثابتة من يوم يومها شوفوا الصدفة .....
وانا وباسم كل طبيب من خريجي الجامعات غير السورية اناشد السيد الرئيس بالاطلاع على الاسئلة فقط وتقيم حالتنا اللي صارت تصعب على كل انسان يعرفنا او يشوفنا او يشوف وضعنا .... وربي حرام من الله ...... بشرونا بالاصلاحات وكنا متأملين خير من الله ومن الحكومة الجديدة بس للأسف انخذلنا .......
حرام عليكم تطفشوا الاطباء لبرا وبلدنا محتاجة الهم ... شوفوا المشافي الحكومية والشواغر اللي فيها ........ والله حرام .......
اتمنى من السيد رئيس الجمهورية محاسبة المسؤوليين على تردي هذة الاحوال في ظل الوزارة القديمة والجديدة في التعليم العالي ....... من السيد الوزير الى الدكتور نزار الظاهر نائب الوزير الى الدكتورة ميسون دشاش مديرة قسم تعادل الشهادات .......
ونكرر يرجى الاطلاع على الاسئلة قبل الحكم علينا او لنا في هذة المسألة ... وثانيا مراجعة النسبة اللتي لم تتغير من سنة 2005 الى ساعة كتابة الخبر ...... واتمنى ان يشملنا الاصلاح لاننا ابناء الوطن وحرام الواحد يرجع يتغرب بعد ما قضى اقل طالب فينا بالغربة 7 سنوات وعاد الى بلدة وهو متفائل .... بس للأسف خيبتوا املنا
سوري
(0)   (0)
انا ما بعرف ومو فاهم شي وبس بدي اعرف شغلة انو نحنا معتبرين ببلدنا او لا؟؟؟؟؟؟؟؟؟وليش كل هالمحاربة لطلاب خريجين برا؟؟؟؟؟؟؟حتى بالنظر بتشعر انو الموظف لما تقلو انو خريج برا مو شايلك من ارضك هاد اذا رد عليك.الامتحان حدث ولا حرج؟؟؟؟؟؟؟؟؟؟؟وكانو نحنا عم نقدم شي بورد او ؟؟؟؟؟؟؟ممكن نسيو انو طلاب على قدناومع ذلك احيي الكل وصبرا جميل وبالله المستعان
انا سوري اه يا نيالي
(0)   (0)
اضم صوتي لاصوات الاخوة يلي علقو و اقول رسبت بعد كل هذا الانتظار و بعد كل هذا العناء و لا اعلم لماذا عدت هل كنت مخطئ هل علي العودة للغربة .عندما اظلم في بلد اوربي لانني عربي اقول لا بأسفهذا ليس بلدي و لكن هل يظلم المرء و هو بين اهله !!! لماذا هذا التضييق علينا نحن لم نرتكب اثم عظيم حتى تعاقبونا هكذا !!!! تريدون منا ان نبني وما سفرنا و تعبنا الا لهذا وعدنا ولكن ماذا بعد لماذا علي ان اضيع سنة كاملة من عمري بانتظار هذا الامتحان الم تعترف وزارتنا الحبيبة بهذه الجامعات????اذا لماذا فحص التقويم هذا وهل هو حقا امتحان تعديل شهادات ام هو تعذيب لحامليها اذا كنتم لا تثقون بهذه الجامعات فلا تعترفو بها اصلا و اريحونا !! لقد اصبحت منبوذا في الحي الذي اسكن فيه و الكل ينظر لي نظرة الشك لماذا لم ينجح في الامتحان اذا هو لم يدرس الطب و هو غير فاهم لذا اعتقد انه حتى لو نجحت فلن ياتي لعندي احد بعد هذا الرسوب المشرف فلا حول ولا قوة الا بالله ارجو من عكس السير نقل صوتنا الى المسؤلين لاننا نحب هذا البلد و نتمنى خدمته و لا نحب البطالة التى تجلب الافكار السيئة و اليأس
بحبك سورية
(0)   (0)
"لا أريد لأحد أن يسكت عن الخطأ أو أن يتستر عن العيوب والنواقص هذه الكلمة الرائعة للسيد الرئيس الراحل حافظ الاسد لذا نحن متأكدون ان شاء الله انه سيتم انصافنا ولكن بعد ان نوصل اصواتنا لذا اتمن من عكس السير ان تنقل معاناتنا الى السيد الرئيس فنحن لا نطلب المستحيل اذا كانو لا يرغبون بالغاء هذا الامتحان فنرجو من سيادته ان يسمح لنا بالدخول لمفضلات الاختصاص حتى لا نضيع المزيد من شبابنا فاذا لم اعمل وانا شاب فمتى ساساهم في بنا وطني الحبيب و ارجو من الاخوة الذين يسكنون في دمشق ان يزورو وزارة التعليم و يرفعو هذا الطلب للسيد الوزير لا نريد ان ينجحونا فقط اسمحو لنا بموصلت حياتنا بالتسجيل على الاحتصاص
ابو عرب
(0)   (0)
انا كمان رحت على الفحص وقال شو متأكد انو رح انجح لاني بصيم كتير حفظت كل محاضرات السنة السادسة و اسئلة دورات و الحمد لله لم احمل اي مادة اثنا دراستي بس كنت موت حالي بالدراسة وبالاخر رجعت من الفحص يوم الاحد 3-7 وانا سعيد و متاكد من النجاح رغم ركاكة الاسئلة و الاخطاء الكثية يلي فيها و الي ما الها علاقة بالطب بس مع هيك كنت مبسوط على اساس رح ارتاح بعد كل هذا التعب بس للاسف-الغريب يا شباب انو النتيجة كانت اسرع من الطيارة يلي رجعت فيها فبعد الامتحان رحت على المطار و 1ليت قاعد من الساعة 4 الظهر حتى ال 8 من صباح اليوم التالي فلم يكن هناك حجوزات بسبب كثرة الاقبال - ولكن بعد ما ربي حن علي ووفقني بالوصول الى بيتي فوجئت باتصال احد الاصدقاء يخبرني بظهور النتيجة فظحكت ظنن منى انو عم يخفف دم بس حلفلي وانا رحت فتحت الكمبيوتر ويا ريت ما فتحتو والله من يوما حاسس حالي ميت والهم اكلني اكل لذم ارجع استنى اللهاعلم

شقد لحتى فوت على الفحص هدا اذا نجحت فقد اكتشفت انو هذا الفجص لا يحتاج الى دراسة وانما الحظ و كلما كنت طبيب شاطر و اكتشفت الاخطاء القاتلة يلي اجت بالفحص كلما كرهت اليوم يلي فكرة فيه انك تدرس طب وهي طبينا و الله يسترها معنا حسبس الله و نعم الوكيل احسن شي
بحبك حلب
(0)   (0)
لك يا عالم يا هو صارلي متخرج سنة ونص وقاعد بالبيت لا حدا راضي يشغلني ولا الوزارة راضية تحن علي وتسمحلي ابلش اختصاص لك كل يوم الصبح الي بهدلة من الوالد عم يقلي قصرت رقبتي قدام الناس هلق شو بدي قلن وانا بقلو والله درست و بشرحلو اش جابونا بالفحص بقلي قريبنا والجيران ما بيعرفو هيك شي الون النتيجة وهاد غير قريبيني يلي كل ما شافني واحد بقلي شو صار معك و بضحك ضحكت استهزاء وشماته مشششششششششششششششان الله اسمحولنا نسجل على اختصاص وبوعدكن ان اضل اقدم امتحانات عندكم لاخر يوم بحياتي
طالب طب
(0)   (0)
نرجو من الوزارة ان تعيد تصليح الاوراق بضمير و ارجو من وزير التعليم انو يطلع على هل الاسئلة يلي كانت عدا ضعفها و بعدها عن المنطق كانت كلها اخطاء طبية طالب سنة اولى بحسن يطالعها بس شو بدنا نساوي اخترنا جواب حتى ما يبقى مكانها فاضي ونحن غير مقتنعين لا بالسؤال و لا بالاجوبة فارحمونا من هكذا امتحان و هكذا اسئلة
الى وزير التعليم المحترم
(0)   (0)
لك يلي بيقهر انو كان مكتوب على ورقت الاسئلة في الاعلى اختر جواب صحيح واحد فقط ومن تحت كانت الاسئلة تحتوي على ثلاث اجوبة صح وواحد خطا -وتلك الاسئلة وردة في كتب اسئلة الامتحان يلي درسناهم وعندما اخبرت المراقبون عن هذا نادو المسئولة بينهم فأجابتنا اختارو الجواب الخطا فهناك خطأ بالاسئلة قال شو نسو يغيرو العبارة السابقة بكل مايلي صحيح ما عدا و قال شو انتو لازم تحزرو لحالكن هيك شغلات?????وقال اذا كل الموجودين اعترضو على سؤال منحذفو فما بعرف ايمت كان لازم نعترض!!!!و كمان قبل ما تطلع قاللها احد الطلاب يا دكتورة شو هل الاسئلة قام قالت لا تخافو اقرو السؤال و وين بتشوفو بين الخيارات جواب غريب عن اخوته فاختاروه و اعتمدو على هاي الطريق فانا بدي اسأل من يضع هذه الاسئلة ومن الذي يطبعها و لماذا لايعطونا مقررات للتحضير فأنا درست كل اسئلة الدورات يلي مرت و اجا منها 3 اسئلة فقط فالرجاء دلوني على الطريق للنجاح صرت قد ال............ولسى باخد مصروفي من والدي الله يصبرو علينا لانو ما عم لاقي شغل
طالب يلحق شعلة امل
(0)   (0)
ارجو من وزارة التعليم الغاء هذا الامتحان فلقد احضرنا كل ما يثبت اننا درسنا وتخرجنا اذا كنتم لا تريدون مشاركتنا في بناء الوطن فأرجو منكم اعلامنا بهذا لنجد لانفسنا مكان نتابع به حياتنا التي ملأها الفراغ و اعتقد انه بعد كل هذه المدة انني بدات انسى اني طبيب و نشكر عكس السير التي عودتنا علىدعمها للشباب و و حل مشاكلهم
فلافل و حمص
(0)   (0)
لك انا مو بس صرت انسى الطب انا صرت انسى انو طبيب ولما حدا بينادي دكتور ما عدت التفت بفكرو بينادي شي دكتور و شكلي رح روح افتح كشك فلافل وحمص و امانة يا شباب يلي بحب يشتغل معي اهلا و سهلا المحل على حسابكن بس بتعرفو شو رح سمي المحل >>>>رح سميه فلافل طالب بانتظار التعديل بس شفتو هيك محل حولو خدولكن كم صندويشة حرام بعرف انو مافي بجيبتكن 5 ليرات مشان هيك الصدقة بتجوز عليكن و مين بيعرف يمكن لانو رح اتصدق و اطعمي المساكين شي مرة تصيب معي وانجح
طبيب مع وقف التنفيذ
(0)   (0)
سبع سنين وأنا عاطل عن العمل، يعني ماعم تعترفوا فينا كأطباء لأن ماعم ننجح بالإمتحان العظيم ، طيب قدموا البديل ..إعملوا دورات إجبارية لكل راسب وحددوا موطن الخلل... يعني مو معقول طبيب متخرج من جامعة معترف بها ما يكون قادر يجتاز هالإمتحان الأنتيكة تبع الوزارة... بعدين مين رح ينصف المظلومين؟
أبو كمال
(0)   (0)
بس بدي أفهم شغلة وحدة بس وهي يللي محيرتني من زمان !!!!
ليش امتحان التعديل موجود بس بسوريا و بباقي الدول العربية لأ ؟؟؟؟؟؟؟
يعني ليش بس بدي أفهم ؟؟؟؟
يعني ما بترحموا حدى و لا بتخلو رحمة الله تنزل !!! مو حرام دكتور دارس و متغرب 7 سنين و بالآخر بترسبو بهالإمتحان ؟؟؟؟؟؟؟؟؟؟
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " شباب و طلبة "

29-10-2014
بدء موعد تقدم الطلبة السوريين لمئة منحة جامعية ألمانية
بتكليف من وزارة الخارجية الألمانية أعدت هيئة التبادل الأكاديمي الألمانية DAAD برنامج منح دراسية جامعية للطلبة السوريين اللاجئين. ...


28-10-2014
وزارة التعليم العالي : نتائج الموازي خلال أسبوع
أكدت وزارة التعليم العالي السورية أن نتائج مفاضلة الموازي ستصدر خلال أسبوع، واتخذ مجلس التعليم العالي قراراً يمكن ...


22-10-2014
اتفاقية قطرية تركية لدعم تعليم اللاجئين السوريين
وقعت قطر وتركيا الأربعاء في أنقرة اتفاقية حسن نية بشأن تقديم الدعم لتعليم اللاجئين السوريين.وحضر مراسم التوقيع كل ...


17-10-2014
وزارة التربية التركية تتبنى تعليم الطلاب السوريين النازحين مجاناً
أصدرت وزارة التّربية والتّعليم التّركية تعميماً بخصوص الطّلاب الأجانب الّذين لجأوا الى الأراضي التّركية بسبب الأوضاع المتردّية في ...


12-10-2014
وزارة التربية والتعليم في الحكومة المؤقتة تدعو الطلبة السوريين إلى إرسال بياناتهم بغرض إيجاد حل لمشكلة دراستهم في تركيا
 دعت وزارة التربية والتعليم في الحكومة السورية المؤقتّة كافّة الطلاب السوريين المنقطعين عن الدراسة الجامعية، وحاملي شهادة الثانوية ...


2-10-2014
صدور نتائج المفاضلة الجامعية الثانية في سوريا ( علمي - أدبي )
صدور نتائج المفاضلة الجامعية الثانية في سوريا ( علمي - أدبي ) اضغط على الروابط للوصول إلى المفاضلة ...


2-10-2014
ست جامعات تركية تدخل قائمة الأفضل عالمياً
    دخلت ست جامعات تركية قائمة أفضل الجامعات على مستوى العالم لهذا العام، وذلك وفق الترتيب الذي أصدرته مجلة ...


25-9-2014
جامعة اربكان تفتح ابوابها للطلاب السوريين المنقطعين
دعت وزارة التربية الطلاب المنقطعين عن الدراسة ويرغبون التسجيل في جامعة نجم الدين أربكان في مدينة قونية، أن ...

X
وردنا الآن