إعلانات
إعلانات
إصابة ثمانية أشخاص إثر سقوط عائلتين من شرفة منزل في حي الشيخ مقصود في حلب
الجمعة - 10 أيلول - 2010 - 20:03 بتوقيت دمشق
التفاصيل
إعلانات

أصيب ثمانية أشخاص اثر سقوط عائلتين من شرفة منزلهم الكائن في حي الشيخ مقصود بحلب قبل الافطار بقليل في آخر أيام الشهر الفضيل الذي صادف أمس الخميس .

و قال شقيق صاحب المنزل    لعكس السير " خرجت زوجتي و زوجة أخي إلى شرفة الطابق الثاني لتحضير الفطور ، و عندما لحق بهم الأطفال لم تتحمل الشرفة الوزن و سقطت بمن عليها".

و حضرت إلى المكان سيارة اسعاف و تم اسعاف المصابين إلى مشفى الرازي بحلب .

و قال مدير مشفى الرازي الدكتور سمير بيبي لـ عكس السير ان ثمانية أشخاص اغلبهم اطفال وصلوا إلى المشفى  قبيل آذان المغرب بحوالي عشرة دقائق , و تم اجراء الفحوصات الأولية اللازمة لهم لمعرفة الأضرار ".

و بين  الدكتور " بيبي " أن حالة الطفل رياض محمد حسن سيئة للغاية و يعاني من كسور في الجمجمة و تكدمات دماغية ، و يرقد حاليا في قسم العناية المركزة حيث انه في سبات دماغي ".

اما البقية ، فأوضح مدير مشفى الرازي أن اوضاعهم مستقرة و لا خطر على حياتهم ، إذ ان اغلبهم يعانون من كسور و رضوض معممة في مختلف انحاء الجسم ، مشيرا إلى انهم سيبقون لمدة 24 ساعة تحت المراقبة في المشفى للتأكد من سلامتهم ".

يذكر أن المبنى الذي سقطت شرفته يقع في منطقة مخالفات .

عكاش عشير ـ عكس السير

اسماء المصابين :

رياض حسن (5 سنوات ) في العناية المركزة

زلوخ محمد حسن (24 سنة )

ميديا حسن (25 سنة )

نازلية حسن (30 سنة )

سهام حسن (31 سنة)

جوان عرب (6 سنوات )

عبد الحنان حسن (4 سنوات)

برن حسن (3 سنوات )


التعليقات :
حلبي
(0)   (0)






خطيتهم برقبة كل من أخر المخطط التنظيمي لمدينة حلب
وكل من أغمض العين عن البناء في المناطق المخالفة
وكل من حرم ويحرم حلب من البناء بشكل نظامي





سالي
(0)   (0)
يالطيف الله يشفيهن بس كيف برندة ومااستحملتن كأنو لازم يطلعو من البيت لأنو رح ينهدم فوق روسهن هالمرة مرقت على خير شو تاني مرة رح يصير
عمورة
(0)   (0)
الله يعافيكم وتقومو بسلامه يارب والله شكلكم اكراد بعرف الله يلعن الفقر بس خودي بوارابا
هيثم
(0)   (0)
مين المسئول برأيكم
وين البلدية تراقب هيك بناء عشوائي ولا شاطرين بس يهدو للي مابيدفعلهم الفيش
انا برئيي لازم محاسبة المتسبب وهو تاجر البناء مهما كان قديم ....
ميماتي العرب
(0)   (0)
اللهم لا حول ولا قوه الا بالله العلي العظيم
ربنا يشفي المصابين جميعا ويردهم سالمين غانمين لبيتهم ولأهلهم وربنا يعيد العيد عليهم بألف خير والبركة ويكونو جميعا العيد القادم فرحين مسرورين يا رب العالمين
الله أكبر
(0)   (0)
إن شاء الله وإكراماً لتلك الأيام الفضيلة أن ينتقم الله من تاجر البناء ومن الموظف الذي قبض منه لتغطية البناء العشوائي والتجاري بأبناءهم وبأغلى مايملكون آمين آمين آمين يارب العالمين
كارينا
(0)   (0)
على وجه العيد ياحراام مليح ما هي اعطم
Thinker
(0)   (0)
يا حرام
amr.h
(0)   (0)
والحمدلله على السلامة عليهم العافية والله يشفيهم
soso
(0)   (0)
يعني ضروري تطلعوا على البلكون كلكن ...................طلعوا واحد واحد ...
يا أخي والله النظام حلو .......
عكل حال حمد الله ع السلامة ...
ميشو
(0)   (0)
بس قال منطقة مخالفات عناها خلص .. كلشي محلل هنيك
الشبح
(0)   (0)
ياأخي شوهالبلكون يلي ماتحمل وزن طفلين زيادة؟ياسيدي العذر من الحديد مو أصلي أو الأسمنت مغشوش!!!!!!!!!!!!!متل مهندسين ومتعهدين هالأيام!؟
والله عجيب
(0)   (0)
الشيء الغريب أنو مخطط تنظيمي يطول عشرات السنوات ليطلع والناس بدها تسكن ..وكل البلديات رح يوافقو ان كان بشكل نظامي ولا بالرشوة ولارحمة بالناس ولا ولا ...يعني شو اختراع ذرة المخطط التنظيمي ...مافي حدى يشغل مخو ولا نحنا مصرين نشتغل على طريقة الفيل بالغرفة ...والله يرحمك ياستي في متل بيقول ......"خـ..." ونقلو وشوف ما أتقلو .
قديم
(0)   (0)
السبب الاول هو البلدية ومن يشرف على اولاء المسؤولية للمهندسن الذين يقمعون البناء المخالف اذا ان اغلبهم مرتشين
ان البناء في المخالف غي حلب يبنى على الشكل التالي اولا يبنى البناء بدون صب السقفية ويبدأ صب الغرف غرفة غرفة على مراحل حتى يتم الوصول الى الغرف المشرفة على الشارع وتصب بدون برندا او بركون حتى لاتكتشف الصبة وتغطى بالحصر والبسط والشراشف وبعد طرش الغرف وتزريقها وتمديد الكهرباء والسكن يقوم القاطن بلصق البرندا بالبناء مما يؤدي ذلك الى عدم انسجام مواد الخرسانة مع بعضها وتصبح ايلة للسقوط بعد فترة
ليلى
(0)   (0)
الله يعينهم فوق الفقر أجتهم هالمصيبة الله يشفيهم
nour51
(0)   (0)
حرام الاحلام تموت
كويس
(0)   (0)
المشكله بروحو بشوفو المخالفات وبخربو وبمشو

عطوهم بيوت ان شاءالله بابشع المناطق بس شي نظامي ويسترو فيه


ياريت ياانسه "كارينا" ماتشمتي

لاتظهر الشماتة لاخيك فيعافيه الله ويبتليك
قلبي للوطن
(0)   (0)
1- الله يشافيهم ويعافيهم.
2- حسبنا الله ونعم الوكيل على متعهدينا
3- اوجه نداء غلى الجهات المختصة بالتدخل فورا في دراسة البناء المذكور
ابو شهاب
(0)   (0)
هيك الذي يترك ضيعته وينزل ويسكن 15 شخص بمساحة لا تتعدى 40م
tedros
(0)   (0)
حمدالله على السلامة تنذكر و ما تنعاد . بتمنى من الاخوة ما يشمتوا او يتمسخروا اذا مفكرين عم تخففوا دم بسئالتكون بتكونوا غلطانين . المصابين و اطفالون مش ناقصينكون . الله يشفيكون و تتخرجوا من المشفى بسرعة .
أبو علي
(0)   (0)
الله يشفيهم ويعافيهم
لازم يلاقوا حل لهالمشكلة
وعم نسمع في ابنية راح تسقط
لازم تتعالج المشكلة وبأسرع وقت ممكن
هذه الرسالة اوجها للجهات المختصة
متابع
(0)   (0)
على اساس في لجان بدى تدرس وضع مناطق المخالفات الجماعية وتقرر مدى سلامه المخالفه وتأثيرها على سكانها عام 20000000000000000000
المارد الحلبي
(0)   (0)
طب حدا سأل حالو ليش سقطت الشرفه لماذا يتلاعب المتعهدين بمواد البناء هل اصبحت الاموال عندهم اغلا من ارواح ابنائهم بس حسبي الله ونعم الوكيل والله يشفي الطفل الي حالتو خطره وباقي المصابين
ساندي
(0)   (0)
لازم يتعاقب كل حدا كان مشارك بالبناء الله لايعطيون عافية..بس المفروض المسؤولين يتدخلوا حتى يعاينو باقي البنايات بهاد المكان..الله يشفييون
مسافروحدي
(0)   (0)
بلالادية حلب بل فعل بلادية!!!!!!!!!!!
freedom
(0)   (0)
الله يعينن على مصيبتن ويشفيهن
هبه
(0)   (0)
وحياة الله بيئطعو القلب الله يئومون بالسلامة يارب ويعافي رياض هامسكين ياحياتي. بليز عكس السير طمنونا عن أخر أخبار رياض شو هالبيت يلي أعدين فيه حتى وئعيت البرندا والله خبر كتير بيزعل وبنفس الوقت فيه حس كوميدي كانو فوء وصارو تحت ليش شو وزن الأطفال والله أنا شفتو نحاف بالصور والبرندا ماتحملت
الحرية
(0)   (0)
يا لطيف شو هاد

طيب لو اجت هزة ارضية شو كان بيصير

--

اللهم شافهم وعافهم وردهم الى بيوتهم سالمين غانمين
حلبي عتيق
(0)   (0)
الى متى ستبقى قطاعات مجلس مدينة حلب تاخذ المعلوم وتمشي والله حرام بربي يعني المفروض يتعاقبو هنن الي بالقطاعات قبل الي عمر البناء المخالف لاني الي عم يبني مخالف لو مو شايف دعم فن القطاعات المسؤلة ماكان ستجرى يعمر مخالف بس وبعدين لايمتى رح نبقى هيك لحتى تحصل كارثة تحكي عنها الاخبار العالمية لحتى نوقف هالمهازل هي الله يشفي المصابين ويصبر اهاليهن على هالمصيبة وحسبي الله ونعم الوكيل بس يا مسؤول شوف هالصور وحس بهالشعب شوي وتخيل ولو لحظة انو ولادك مكان هالمساكين الي الله اعلم كيف رح يئمنو علاجهن منعرف انو اولادك محاطين برعاية وساكنين اروع الفلل بس عم نطلب منك تتخيل تخيل بس وحسبي الله ونعم الوكيل
برو الحلبي
(0)   (0)
والله كلامك ذهب والله يعجل لنا بالفرج عن هالمخطط التنظيمي لتبني العالم بيوتها بالنور ونظامي.
وحاجتكم يامن تتنفعون من تأخيره
ساري الحلبية
(0)   (0)
الله يحميكون والله يستر ما يوقع البيت اذا اجا حدا عيدون
الحشا دولة مأنشحة
(0)   (0)
كلو سرقة بسرقة مابعرف كيف ماشية أمور سوريا
كردي
(0)   (0)
علوه بلا تعليقات ساذجة أوك الليبيسمعك بيقول أنك من السلالة البريطانية المالكة وعلوه كمان تشوف شوفي بالريف لحتى هالبشر والعباد عم تنزل للمدن يعني اذا بالمدينة وما عم يلاقو اللقمة فكيف بالريف والناس عم تكتر لمين بدها تطعمي الأرض ولا لمين ربي يشفيكم أهلي وناسي يا حرام قال نحن مسلمين ولسة في ناس عقولها مريضة
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " حوادث "

20-12-2014
مقتل ما لا يقل عن 20 عنصراً من قوات النظام في معارك متفرقة بدمشق و ريفها
تمكنت الفصائل المعارضة في دمشق من قتل سبعة عناصر من قوات النظام في معارك دارت في حي جوبر.وبحسب ...


20-12-2014
السلطات اللبنانية تطلق سراح سوريين بعد ساعات على اعتقالهم بتهمة " الإرهاب "
 قالت الوكالة الوطنية للإعلام، السبت، إن الأجهزة الأمنية أفرجت عن مجموعة من السوريين، وذلك بعد وقت وجيز على ...


20-12-2014
إضراب عن العمل من قبل سائقي الحافلات في طرطوس بسبب فقدان المحروقات و ارتفاع أثمانها
علم عكس السير أن عدداً من سائقي الحافلات في مدينة طرطوس قاموا بإضراب عن العمل يومي الأربعاء والخميس ...


20-12-2014
سبق له أن قطع أصابع ناشط إعلامي .. جبهة النصرة تعدم قائد " فصيل معارض " في ريف حمص
علم عكس السير أن جبهة النصرة (تنظيم قاعدة الجهاد في بلاد الشام) أعدمت قائد لواء مقاتل رمياً برصاص ...


20-12-2014
مخابرات الجيش اللبناني توقف سوريين لمشاركتهما في الاعتداء على الجيش بعرسال
أوقفت مخابرات الجيش اللبناني، الجمعة، سوريين اثنين في بلدة الفاكهة في وادي البقاع الشمالي شرق لبنان لمشاركتهما في ...


20-12-2014
" داعش " يعدم رجلاً ذبحاً و يقطع يد آخر في ريف حلب .. و " جند الأقصى " يرجم إمرأتين حتى الموت بتهمة " الزنا "
 أعدم تنظيم "داعش" رجلاً في مدينة الباب، بتهمة "سب الله عزَّ وجل" ذبحاً، و ذلك وفقاً لـ"قرار من ...


19-12-2014
تركيا تعتقل 6 جرحى من " وحدات الحماية الشعب " الكردية بعد إسعافهم إلى أراضيها
أفادت وكالة محلية كردية يوم الجمعة أن الشرطة التركية اعتقلت مساء أمس الخميس 6 مقاتلين من وحدات حماية ...


19-12-2014
إصابة " أبو ماريا القحطاني " أحد أشهر قادة جبهة النصرة في سوريا خلال معركة ضد " شهداء اليرموك " في ريف درعا
قال ناشطون معارضون إن " أبو ماريا القحطاني " أحد أشهر القياديين في جبهة النصرة، أصيب اليوم خلال ...

X
وردنا الآن