وإلا.. شباب من حلب يمهلون مرشحي مجلس الشعب ثلاثة أيام لإزالة اعلاناتهم المخالفة الجمعة - 27 نيسان - 2012 - 21:00:23
التفاصيل
إعلانات
في غمرة الألم حيث الازمة تعصف بسورية للشهر الرابع عشر على التوالي , لعل بعض مايريح الروح و يبشر بالأمل المامول هو أن الشباب السوري بكافة شرائحه وتوجهاته بات اليوم يشعر بوجوده أكثر , مترجما هذا الشعور لنشاط لم يوفر أيا من مجالات الحياة السورية السياسية و الاجتماعية على وجه الخصوص .
وكان دعا شباب حلب في اطار تجمع يدعى " فريق شباب حلب التطوعي " إلى حملة لافتة وربما هي الاولى من نوعها , مرشحي مجلس الشعب بالتزام القوانين التي تنظم حملاتهم الاعلانية , على عكس ماهو عليه واقع الحال , لجهة انتشار الدعايات كالفطر في كل مكان , مما يشكل تشهوا بصريا لجمالية المدينة من جهة , و مؤشر يتعلق بمدى الاهتمام الفعلي للمرشح بالشأن العام .
والجهات الرسمية بالطبع لم توفر "طج " موافقتها الشكلية عليه , ولا نحتاج إلى مزيد من الجهد لنذكر ونستذكر أن هذا النشاط التطوعي هو واجب على الجهات التي "باركت " مضمون الكتاب , والذي جاء فيه :
" نحن فريق شباب حلب التطوعي نعلن مشاركتنا لمجلس الشباب السوري في حملته: "احترمونا، حتمثلونا" ونمهلكم من يوم السبت 28/4/2012 حتى الاثنين 30/4/2012 لازالة كافة المخالفات الخاصة بالملصقات واللافتات المنتشرة لحضراتكم في الأماكن غير المخصصة داخل مدينة حلب" .
و أيضا " نرجو الالتزام وفي حال عدم التجاوب سنقوم بازلة المخالفة بأنفسنا بعد توثيقها ورفع الشكوى للجهة المختصة. كما نرجو من الاخوة المواطنين التعاون مع الفريق بتصوير المخالفات وارسالها الى البريد الالكتروني الخاص بالفريق مرفقة بعنوان ومكان المخالفة وذلك بعد انتهاء تاريخ المهلة " .
و في تصور رومانسي لمثل هكذا نشاط , فإننا نأمل قبل انتهاء مدة الثلاث أيام تكليف المرشحين وكلائهم بإزالة المخالف من الاعلانات , و ان يكتب - على سبيل البطر -على قمصان وكلائهم الى جانب صور " الحضرات المرشحين "مثلا عبارة .."عذرا جدران مدينتي " , و ذلك لا لشيء فقط حتى لا يقول قائل عنهم - اي المرشحين - : " ازا هيك مبلشين " .
عكس السير
احفظ هذا الخبر في :
التعليقات : الآراء الواردة في التعليقات تعبر عن آراء أصحابها وليس عن رأي عكس السير .
الاسم : ابو جعفر
(116)
(3)
لك بشرفي احلى مبادرة من شباب حلب وطز بكل مرشح حاطط اعلانتو باماكن مخالفة
الاسم : ابن حلب الشهباء العنوان : يعني
(39)
(12)
للجهة المختصة هههههههههه
يعني دم وقتل ناقصنا
الاسم : جورج العنوان : عائلة ب
(149)
(10)
عماتخيل شو ممكن يصير لو حدا من هالشباب قرر يزيل اعلان لمرشح من عائلة "ب" المعروفة بهمجيتها وانتماء افرادها للشبيحة.
شكرا عكس السير
الاسم : سالي
(55)
(5)
أي هيك بدهن برابو شي حضاري ومعاهن حق خلونا شي مرة بهالعمر مانعيش بفوضى وكل واحد بدو مصلحتو
الاسم : مهندس معماري العنوان : برافو عليكم
(53)
(4)
أحييكم و ارجو من شباب الوطن ان يوكنوا يدا واحدة ضد الظواهر الشاذة في بلدنا الحبيب .
الاسم : امير العنوان : لفته حلوه
(41)
(4)
لفته حلوه بتعطينا شعور نحو مستقبل مشرق بالحرية الصحيحة المتوجبة على كل مواطن عبينادي بالحرية هي هي الحرية اللي عم ندور عليها الحرية الفكرية الثقافية الحضارية اللي بتقد خدمة لكل الشعب دون ان تاذي شخص واحد شكرا فريق حلب التطوعي
الاسم : طالبة جامعية العنوان : روح الشباب
(36)
(2)
أول مرة بحس بروح الشباب عنا وكتيير حبيت هاللفت ةا لحلوة منون وياريت عرفت بهالموضوع من قبل لكنت شاركت لاني كتيير من الاعلانات كانت مزعجة وغير مفهومة
الاسم : عربي أصيل العنوان : احترموا لغتنا
(18)
(25)
لشباب حلب التطوعي ولموقع عكس السير الرجاء احترموا لغتنا ويرجى عدم استخدام مثل هذه التعابير (احترمونا حتمثلونا) والتي لا أجد وصفاً لها سوى لغة شوارع وليست لغة عربية!!
حتى أنني لم أستطع قراءتها في البداية وظننت أنها لغة أوردية أو هندية
الاسم : حلبي العنوان : شو مشان اعلانات ابو حمود
(73)
(3)
مين بدو يشيل اعلانات بيت بري ؟
الاسم : د. محمد طلال أيوبي العنوان : جبارة خطوات كهذه
(32)
(3)
هذه هي الديمقراطية الحقيقية المنشودة.
هذه هي الحرية الحقيقية حرية لا زيف فيها ولا تمثيل.
حلب باتت خريطة لافتات وصور لأشخاص لم نسمع عنهم إلى الآن.
الكل له حكاية وتاريخ مجيد.
ومن المرشحين ما ينقصه إلا جائزة نوبل.
والبرامج الإنتخابية كثيرة ومنها المخفي خوفاً من التقليد.
والكل يعد ويعد بالمستقبل الزاهر.
وكم سمعنا من وعود لم يتحقق منها إلا سيارات الأعضاء المعفاة من الجمارك.
وكم أعجبني جراءة السيد المحافظ وموافقته على هذا الكتاب.
فآمالنا في مستقبل جديد تأتي من موافقات مماثلة لمحافظين ذوي حنكة.
وما أعجبني بموافقة السيد المحافظ أنه اتخذ قراراً إبداعيا لخير العامة بلا خوف وابتعد عن الشكليات القانونية
وكتب عبارة جريئة يعجز عنها الكثير من المسؤولين بل الوزراء وكتب بصريح العبارة موافق ولم يقل مع الموافقة أصولاً أو مع الموافقة حسب القواعد القانونية المتبعة.
تلك خطوة في الإصلاح جريئة وجبارة من محافظ حلب أهنئه عليها وأهنئ كل شاب يغار على بلده ومظهر مدينته.
ولكن أتساءل ما الذي يجري مؤخرا في الجميلية والإسماعيلية بحلب حيث تهتز الأبنية التابعة لأملاك اليهود بفعل زلازل ربانية فتتداعى أحجارها يوما بعد يوم وتخرج بدلاً عنها أبنية حديثة ونتناسى أن أغلبيتها أبنية تاريخية؟؟
وحبذا في الآخر أن تظهر حملات تطوعية من شباب وشابات حلب لتنظيف شوارع حلب وبإشراف ومتابعة من محافظة حلب, وحملات لنشر الوعي الإجتماعي في شتى المجالات وحملات لحماية الأشجار في مدينة حلب ولي الشرف أن أشارك بها.
الوطن غال ولا يبنى إلا بجهود الجميع, وأقول الجميع بلا استثناء.
لأول مرة ومنذ أشهر أرى نشاطاً شبابياً في حلب يثلج القلوب ولأول مرة منذ سنوات أرى قراراً جريئاً كهذا القرار من محافظ حلب.
مع التحفظ بالقواعد القانونية النافذة.
الدكتور محمد طلال أيوبي.
الاسم : مدير التخطيط والتنظيم بالفريق
(36)
(4)
شكرا لكل على تفاعلهم ...نتمنى من الجميع النقد البناء وتأكد أننا سنعمل أكثر ما نستطيع عليه ....أعتقد أنه مهما أثرنا ولو كان تأثير بسيط ...أفضل من الجلوس مكتوف اليدين والنقد فقط ...وشكرا للجميع ..
الاسم : سوري العنوان : سوري
(31)
(8)
اتمنى ان ارى محافظ حلب الدكتور موفق خلوف رئيسا لمجلس الوزراء ..
أشعر و ارى و يرى الكثيرون معي من ابناء سورية الحبيبة ان هذا الرجل هو الرجل المناسب لهذا المنصب ..فقد احدث تغييرا ملموس و واضح في مدينة حلب كما انه يتمتع بالرؤيا الحضارية و الموضوعية و الكثير من الجرأة البناءة .. بصراحة مللنا ( و جعنا و بردنا ) من الحكومات العاجزة الهرمة المشلولة و المستنسخة من حكومة العطري
الاسم : 123
(27)
(1)
بالأساس مافي أماكن مخصصة للاعلانات متوفرة كتير بحلب..
بعدين اذا رح يتنفذ اللي عم نطلبه فمارح يبقى ولا اعلان لانه كله بأماكن مخالفة.. يعني المرشحين كلهن مافي حدا منيح
الاسم : واحد من الشعب
(33)
(3)
له له له طيب هيك بصير شباب والله هلئ ابو حمود بيزعل
الاسم : واحد من الشعب
(21)
(1)
طيب ليش لحتى تقطعو برزق العباد جماعة الحمامات العامة مااشتغلو غير لما امتلت البلد بهالصور المعبرة الرجاء من الاخوة الشباب عدم قطع رزقة هالدرويش
الاسم : مدير شؤون المتطوعين بالفريق العنوان : فريق شباب حلب التطوعي
(21)
(3)
يا جماعة ما بدنا نعمل حساسيات و انكبر الشرخ بين الأطراف ,,, كتير من المرشحين الحاكيناهم أبدوا اعجابهن بالفكرة و كانو كتير متعاونين , فأنا و برئي الشخصي ما في داعي نشتم حدا و نخلي حدا يشتمنا , هاد مو حل ,,, نحنا كلنا عم نتعاون لحل المشكلة و فقط بالتعاون الجماعي و التنسيق بين كل الأطراف بتنحل المشكلة .
و تركيزنا الأساسي بدو يكون عالملصقات الما بتزول بعد الانتخابات :)
الاسم : حلبي%100 العنوان : الوطن أولا
(18)
(0)
(كما نرجو من الاخوة المواطنين التعاون مع الفريق بتصوير المخالفات وارسالها الى البريد الالكتروني الخاص بالفريق مرفقة بعنوان ومكان المخالفة وذلك بعد انتهاء تاريخ المهلة " )<
>
>
>
>.
بدي عنوان الايميل
الاسم : تامر حسني العنوان : ليش
(32)
(3)
اكيد رح ياكل قتلة من ال بري وحوش البراري ..ده فرجونا همتكم وجربوا شيلوا شي اعلان من اي شخص من ال بري محترم رح نفرح بشوفته بالتلفزيون غدا اكيد اكيد بدو ينجح ...؟؟؟
الاسم : مغترب.. العنوان : رائع يا شباب الحضارة
(6)
(1)
عن جد هي الحركة الأولى من نوعا... يا ريت على طول هيك نهتم بنضافة بلدنا وشكلا الحضاري و نجرب نعمل شي جديد و فكر الشباب ينطلق, حاج بكفي حاطين ختايرة بمؤسسات الدولة قاعدين ورا الطاولات المهرهرة, ولا العمارات مستلمينا مهندسين أفكارن قديمة, خلي شباب وطنا يعمل التحديث بنفسو و يجرب ينهض بسوريا من جديد...مو العيب أنو نغلط بس العيب نستمر بغلطنا....خلينا يكون مثلنا الجديد
" الشاب المناسب في المنصب المناسب" يعني يكون عينو شبعانة
الاسم : مغترب..2 العنوان : اقتراح
(2)
(1)
بما أنو نحن شباب سوريا و بدنا مصلحة بلدنا و بدنا نحدث كل شي.. بقترح يكون للمرشحين لوحات إعلانية دائمة و خاصة وواضحة إلهن يلي بدو بحط صورو فيها و بطريقة إلكترونية حضارية أو حتا لوحات عادية قابلة للتغيير و شكلها يكون حضاري...و في حال لصق اي إعلان لمرشح او غيرو خارج هذه الأماكن المحددة يتم دفع غرامة 500 ليرة على كل منشور على حائط " مدرسة, جامعة, عامود كهربا, سلة زبالة, حاوية, مدخل بناية, الحدائق, و المرافق العامة"
تحيا سوريا نظيفة و حديثة
الاسم : جورج الحلبي العنوان : تنظيم ردة الفعل
(6)
(1)
كل ما كُتب من التفاتة وموافقة وتعليقات تشكرون عليه ، ولكن .. إلى متى سنبقى نأخذ الأمور بطريقة الفعل ورد الفعل الآني؟ وما هي الاجراءات المُتبعة للمرات القادمة لو حدثت لا سمح الله.. لذلك أقترح:
1 - كل مطبعة مُطالبة بكتابة اسمها بأحرف صغيرة جداً على احدى زوايا صور المرشحين ، أو اللافتات القماشية ، أو اعلانات الطرق ... ليكون لدى المشتكين مرجعية لمن قام بطباعتها ، لأنه في أغلب الأحيان المطبعة وفريق عملها هم المسؤولين عن توزيع والصاق الصور في المدينة.
2 - تفرض ضريبة مالية 1000 ل.س. عن كل صورة ملصقة في غير مكانها المخصص ، ويتعهد المرشح أمام مجلس المدينة وقبل ترشيح نفسه أن يحافظ على القانون بهذا الشأن محترماً كل الأعراف العالمية بهذا الشأن ، وأن يكون مسؤولاً أما القانون والشعب بالتعويض عن كل عطل أو ضرر أو تشويه بصري أو ايذاء لأي بناء أو جدار أو ديكور محل أو مبنى ..
3 - تكوين فريق للتنظيف والإزالة من قِبل مجلس المدينة أو المتطوعين يستفي مصاريفه من المسؤول عن تلويث البلد.
4 - تُنشر أسماء المطبعة والمرشح أمام الرأي العام لتقييم فيما إذا كان يستحق النظر إليه كمرشح أو كمخرّب للبلد (لأنه المكتوب مبين من عنوانه).
5- تسري تلك القوانين على كل اعلان من مسرحيات وورشات خياطة وتبرع وفقدان شخص ووفيات ... كما أرجو أيضاً أن لا ترافق صور الناس كلمات وشعارات خيالية من عالم آخر ، وأن يخصص موقع لهذا الغرض ترفق فيه مع صورة كل مرشح سيرة ذاتية مدعومة بملف عن شهاداته وخبراته والتقديرات الحاصل عليها وشهادة بعض من معارفه عن مسيرته ، وماهو تعريفه لأن يكون ممثلاً للشعب وأهدافه وتطلعاته بهذا الشأن ، وأن يقدم للدولة تصريحاً بما كان يملك قبل تسلمه وبعد تسلمه هذا المنصب لمساءلته فيما بعد.
لا يكفي أن ننتفض الآن ، بل أن تكون مشكلة الآن حلٌ دائم للغد، بهذه الطريقة نبدأ بحذف سطرٍ تلو الآخر من كتاب الأخطاء الكثيرة التي تحتاجها بلدنا للارتقاء إلى الأمام ، وعيش كلمة الاصلاح حقيقةً.
بالتوفيق للجميع ولفريق شباب حلب التطوعي الكرام.
الاسم : نور العنوان : برافو
(2)
(0)
صراحة شي كتير حلو و بيرفع الراس وهادف وانشالله يمشي الحال وتوصلو لهدفكن
كيف ممكن نساعد؟
الاسم : حلبي حزين العنوان : كل الحق على المحافظ.
(2)
(0)
شوهوا البلد كل الحق على المحافظ يجب ان يكون في قيود وضوابط على الاعلان وليس عشوائي متل المتخلفين ومافي عقوبات وغرامات للمرشحين الي عبشوهوا البلد ولك منا ألف سنه لنتحضر ان من المرشحين أو من المسوؤلين على الانتخابات.
الاسم : انا ما انا
(7)
(1)
انا بدي اعرف شو انجازات عيلة (ب) بمجلس الشعب يلي صرلون الف سنة ملزقين بهالمجلس ومين يلي بموت عليهون يلي عم ينتخبون باعتبار معروفين بسمعتون الطيبة
ااااااااخ بسسسسسس
الاسم : غيور العنوان : سلام
(4)
(0)
الله محيي ها الشباب متاخرة شوي بس منيح في محلها ان تصل خيرمن ان لا تصل
الاسم : متطوع بالفريق
(3)
(0)
ياجماعة الظاهر انو البعض حكم عالخطوة قبل ماتتنفذ بالفشل
انو لامتا بس بدنا نضل شاطرين بالحكي ونقعد نتفزلك على بعض وناخد الشغلة مسخرة انو استنوا شوي لتشوفو على ارض الواقع شو رح ايصير بعدين تفضلوا تفزلكوا على كيفكن.
للعربي الاصيل بقلو انت مالفت نظرك بكل القصة غير هالعبارة؟؟؟؟ يعني نسيت الفكرة كلا ولحقت العبارة؟؟؟؟ياسيدي بكفي انو لفتتلك نظرك وانشالله هاللغة الشوارع او هاللغة الهندية تجيب نتيجة.
وبقول للفنان المبدع تامر حسني شو رايك تنزل معنا عالارض وتجرب تشيل المخالفات معنا احسن من انو تقعد تنظر علينا وازا اكلنا قتلة بتكون اكلت نصيبك معنا وبلكي بتسمو انسانيتك شوي لانو انا نسيت قلك انو بالتطوع تسمو انسانيتنا.
بالاخير الله ايقدم الخير للبلد وانشالله نقدر نعمل بصمة حلوة بهالبلد الي بتستاهل كتير مننا
الاسم : عضو من الشعب العنوان : شيلو الكل
(3)
(0)
يعني يا ريت الاذاعة والتلفزيون تطالعلنا هالمرشحين عالتلفزيون وتفرجينا هالشخصيات لأني ( الانسان مخبوء تحت لسانه ) وتعرفنا شو دارسين وشو مسيرة حياتون المهنية وعد الاكتفاء بصورهون بالشوارع لأنها غير كافية وفي الاعتماد عليها فقط فيه الاستخفاف بعقول هالشعب المسكين اللي ما عبيعرف زيد من عبيد ولما بيقولو بالتلفزيون لازم تشارك لأنو هادا حقك بحس برغبة بالضحك المبكي . أنو هالمسلسلات أهم من حياتنا ؟؟؟؟
الاسم : غيور على البلد العنوان : حرام يا مرشحين بداية بالفساد ؟
(5)
(0)
ساقط كل من يلصق إعلاناته على الجدران والأعمدة إذا كان هذا يبدأ بالفساد كيف سينجح ويحارب الفساد ؟ هناك إشاعة كل من لصق صورته في غير الأماكن المحددة سيحرم من النجاح إن شاء الله يطبق هذا على جميع من فرحان على حالو ويلصق صوره وين ما كان
الاسم : حلبي العنوان : بطر وتقليد
(3)
(0)
يعني نحن جماعة مالنا شاطرين غير بلتقليد
منشوف العالم او المحافظات التانية ومنقلد
..... طبعاً شي حلو انو ناخد ونقلد الشي الصح .... ماحدا بيختلف انو المنظر بقرف والشوارع انحشة حشي لافتات وصور شي بينشاف وشي مابينشاف ..... بس انا بقول وبقترح (( ليش لنقلد شي بلحقيقة انا ومن وجهة نظري بعتبرو ثانوي )) ....(( انا بقول تاعو نقدم طلب وطلبات ونخلي تنشال البسطاااااات لانو 70% من حلب صارت بسطات نزلو ع شارع يلي ع اساس نص البلد عند ساحة السيد الرئيس وشوف وتفرج شي ببلاش والشباب كل يوم بتخلص بسطاتها وبتنضف بعدها (( بتحرق كلشي حرق وبتشعلك الف حريقة )) ةتاعا خلص من الزحمة بساعة اذا انته شوفير مر بدك ساعة البسطاااااات يا شباب البسطاااااات ياخيو الاخ يلي قاعد عبمجد بسيادة المحافظ الله يخلينا ياه الي لهلق مالاقالنا حل للازمة يلي عبتعملها البسطااااات والازمة التانية بسبب الخير والامطار هل السنة الجور والحفريات يلي عبتعمل ازمة اكتر واكتر بلشوارع
الاسم : مواطن العنوان : كل واحد يلتهي بشغلو
(2)
(4)
يعني بشرفي شي بضحك ليش هدول الشباب شغلتن يشيلو الاعلانات المخالفة ولا ازا المسؤولين عن هي الشغلة تهربو من المسؤولية بدل ما الدولة تحاسبن بيجو شباب بيبعتو برقية ومدري شو وهنن رح يشيلوها وهنن يلي بدن يلاحقو هي الشغلة ليش وين النظام والجهة المسؤولة يعني بكرا كمان بقولو اي واحد بيقطع اشاشرة مرور بدنا نحاسبو ومين شباب حلب التطوعي شو يعني هيك طيب معناها كمان شكلو فريق تطوعي مشان مخالفات البناء وكمان بعتولن انزار ازا ماشالو مخافاتن كمان هدولن والله شي بضحك يا اخي كل واحد يلتهي بشغلو يعني انفجارات كل يوم بمكان وناس ما عمتلاقي لقمة اكل وناس نازلة نهب وناس ستغلت هالوضع وانتو راكدين ورا صور معلقة مخالفة اي شو هالحضارة يلي تركتو كلشي فيها ولحقتو اسهل شي والكل صار يصفقلن وعترا شغلة كبيرة الله يرحمنا احسن شي اتمنى النشر
الاسم : مقهور العنوان : ؟؟؟؟؟؟؟؟؟؟؟؟
(4)
(0)
ياريت كان فريق شباب حلب التطوعي كان طالب بشي مفيد اكتر من هيك مثلاً تزفيت الشوارع المحفرة وغيره الكثير برأيكم منظر الحفر في الشوارع مظهر حضاري
الاسم : أبن البلد وبدي عيش فيها العنوان : يا رب تكمل
(3)
(1)
يا رب تكمل هالبادره الحلوه من الشباب ومو بس تكون خاصه بهيك شي بس ياريت تكون بتخص الوسخ بالشوارع والزباله بكل مكان بما انو المحافظ عم يوافق ياريت يصورو الزباله الماليه البلد ويشوفها بعيونو وشو منشان الشوارع يلي عم تتزفت بالترقيع ابشع مما كانت عليه
نحنا منقول انشاله توصل الرساله بس ما بظن يوصل كلامنا لحدا الله كريم
الاسم : ابن البلد العنوان : خطوة بخطوة
(4)
(0)
لازم نشكل عدة فرق على هل النمط الشريف للمساهمة في للبلاغ عن الابنية المخالفة وعن بسطات العشوائية واهم شي عن ولاد الزعران بتشفيط السيارات
الاسم : samer العنوان : حاج لف
(2)
(4)
انا للي بدو يعطيني 500 بدو انتخبو
الاسم : سوري العنوان : يالله.............
(2)
(1)
يالله بلكي تنضف شوارعنا شوي من هالصور الحلوة
الاسم : مغتربة العنوان : شكر من القلب
(2)
(0)
شي بيرفع الراس
شطر من القلب لشباب حلب و انشالله عطول بتضلوا هيك، خليكون أقوى من موجة هالفساد و ضلوا ثابتين لانو يلي عم تعملوا هوو يلي رح يقلب الموازين
الاسم : aimar العنوان : محتار
(2)
(0)
ياشباب ممكن تساعدوني بالاختيارمحتار كتير انتخب عبد الملك ولاشعبان ولا التنين مع بعضن وخصوصا برنامجن الانتخابي حيث سوف يقومون بتنزيل سعر الدخان ورفد المجتمع باللجان الشعبية والقضاء على مشكلة السكن ببناء عمارات عشوائية وبيعها باسعار زهيدة والقضاء على البيرقراطية حيث اذا الك حق عند حدا لاتعذب حالك وتروح على القضاءوتم سنوات حنن بجيبولك حقك بنهارين وهنالك وميزات كتيرة وبدكن ماحتار مين بدي اختار بيناتون
الاسم : عبدو العنوان : رسم على صور هو الحل
(4)
(0)
ولي ما بشيل صورة ...رح نرسم عليها صرماية حمره وخلي لا يشيلها ....
الاسم : سما
(2)
(0)
يلي برأيك انو تشيل البسطات وتترك صور هالمتسلقين على اكتاف الشعب،، روح دبر شغل للناس العاطلة وويلي ولادها عم تموت من الجوع وبعدين تعا تفزلك
الاسم : شادي جتارة
(2)
(0)
انا معكم ضد هذه الظاهرة القذرة ياناس تعوا شوفوا البلد شلون صارت شي مقرف
الاسم : lpf u;s hgsdv العنوان : pgf
(0)
(0)
kjlkn نتمنى من المرشحين المقصودين بالمخالفات التجاوب
الاسم : \ محمد مهند بري \ أبو نصر \ من حلب \ العنوان : الى الذين يسألون عن صور عبد الملك بري أبو حمود
(1)
(6)
ردآ شباب حلب نحن آل بري معظمنا نحب النظام و نكره الفوضى و نحن لا نضع صور خالي
{ عبد الملك بري } أبو حمود في أماكن ممنوعة فلا أحد يقول أن أبو حمود له صور على إشارات مرورية و شكرآ لشباب حلب
و أتمنى أن لا أحد يقرب الى صورة أو لافتة لنا و خلونا صحاب
الله سورية بشار و بس
الاسم : اسدي سورية الأسد العنوان : يا شباب وقفت على الصور
(0)
(10)
الله يريحنا من المندسين و أن مستعد ما أشوف شاخصة إلا و عليها صور أبشع المرشحين
الله محيي أبو حمود بري
أرجو عرض الرسالة
الاسم : مطلع العنوان : خطوات استباقية
(0)
(1)
على فكرة مجلس المدينة من فترة جرد اسماء المخالفين وارسلهم الى المحافظة
الاسم : حلبي العنوان : تناقض
(2)
(0)
انتو وين وحلب وين
الاسم : لؤي عقاد العنوان : أشد على أياديكم من دمشق وأضم صوتي لصوتكم
(1)
(0)
وأضيف ماحكم المرشحين الذين وضعوا خارطة سوريا على اعلاناتهم منقوص منها لواء الاسكندرون ؟!...
سؤال برسم الإجابة من السلطات المختصة .
وشكراً
الاسم : science, logic & belief العنوان : لا حول ولا قوة إلاّ بالدماغ
(3)
(1)
الآن أصفق دون أن يتم إجباري بشكل مباشر أو غير مباشر, دون أي تهديد ومن صميم قلبي.
وبل أنحني احتراماً لكافة من ساهم بهذا العمل لأن فيهم خير للبلد أكثر منّي.
فما يميزهم عنّي وعن غيري هو الفعل والجهد.
تحية لكافة أعضاء فريق شباب حلب التطوعي.
الاسم : قصاب بيعرفو خالك العنوان : رد على السيد مهند بري
(6)
(0)
خالك عامل جومرت على حساب بعض الدراويش.....
ياريت تسألو ليش شغلنا 25 كيلو لحم بعجين منشان عزيمة يتشنفخ فيها أمام الناس منذ انتخابات مجلس الشعب السابقة ولم يدفع لنا ثمنها حتى تاريخه.
وفهمكم كفاية؟؟؟؟؟؛؛؛؛؛؛؛؛؛
الاسم : احمدسليمان محوك العنوان : الى من يسمي نفسو قصاب
(0)
(1)
الى من يسمي نفسو قصاب هات غير هل الكذبة هههههههه
الاسم : همام العنوان : شيئ مضحك
(2)
(2)
من هم الشباب ومن يتكلم باسمهم يا ترى وما هذه الفبركات يا عكس السير يكفى كذبا يا اعلام وطني واتقوا الله اي شباب يستطيع تنظيم نفسه خارج شبيبة الثورة او ان هذا الشباب من المريخ ومن انتخبهم ليتكلمو باسن شباب حلب الحر عاشت بلدي ويسقط المارقون
الاسم : حلبي حر
(0)
(0)
الاول ايها الشبلب قوموا بحملة تنظيف للشوارع من الاوساخ وبعدها الحقوا الاعلانات مثل ماقال المثل تركتوا الجمل ولحقوا الرسن اما عن الذي يتكلم عن بيت بري لايهمهم رفع الاعلانات لانها قد مضى وقتها بس لو يكون ايام الانتخابات لقطعوا ايديكم
(116)
(3)
