إعلانات
مشاجرة في حفلة " ديسكو " بنادي الجلاء في حلب بسبب " تلطيشة "
الاثنين - 14 شباط - 2011 - 15:55 بتوقيت دمشق
التفاصيل

علم عكس السير أن مشاجرة وقعت في حفلة " ديسكو " أقيمت بنادي الجلاء يوم الخميس الماضي ( العاشر من الشهر الجاري ) بسبب " تلطيشة ".

وفي التفاصيل التي حصل عليها عكس السير ، فإن شابا يدعى " ف . ر " قدم من حمص بصحبة شقيقته لحضور الحفلة ، حيث قام شاب يدعى " ح . ط " بـ " تلطيش " شقيقة " ف " أثناء الحفلة الراقصة ، بحسب ما ذكر شهود عيان .

و بحسب أحد شهود العيان ، قام " ف " باستدعاء عدد من المسؤولين عن تنظيم الحفلة ، فقاموا بإخراج الشاب " ح " من الحفلة .

وقال الشاهد لـ عكس السير " بعد دقائق من طرده،  عاد الشاب " ح " وبصحبته شابين هما ( "ق . ش" و " ع . ش " ) حيث وقعت مشاجرة كبيرة أثناء الحفلة ، انتهت بقيام الشبان الثلاثة ( ح ، ق ، ع ) بالاعتداء على الشاب الحمصي " ف " بالضرب ، و الذي أصيب بكسر في فكه ".

وتم إسعاف الشاب حيث تبين أنه أصيب بكسرين متبدّلين في فكه السفلي .

وعلم عكس السير أنه لم يتم إعلام الشرطة إلا بعد مرور مدة طويلة من وقوع المشاجرة .

وفور إعلام الشرطة، تحرك قسم شرطة العزيزية لمتابعة الشبان الثلاثة الذين قاموا بالاعتداء على الشاب ، الذين لايزالون متوارين عن الأنظار حتى لحظة كتابة الخبر ، وتوقع مصدر أن تتمكن الشرطة من القبض عليهم قريباً .

يذكر أن المشاجرة وقعت في حفلة ديسكو كان يحضرها حوالي 800 شخصاً من مختلف المحافظات السورية .

عكس السير - حلب

صورة شعاعية توضح إصابة الشاب


التعليقات :
جوج
(0)   (0)
عليه العافية
أوووف
(0)   (0)
ليش ما حطيتوا صور الحفلة مشان نعرف اذا صحيحهالحكي
بالدمام
(0)   (0)
سبحان الله تقليد اعمى للغرب

يعني جايب اختو على ديسكو شو بيتوقع يقرو عليها قرآن ؟؟؟


الله يهدي هالشباب وبس خبر بوجع القلب
الحفلة
(0)   (0)
سؤال متى بديت الحفلة
ابو سامح
(0)   (0)
تلطيش وديسكو مع بعط والله كبيره ههههههه
ابو الورد
(0)   (0)
ليش الديسكو مشان شوبالله’??مو لحتى الواحد يتعرف ويرقص مع اللي بعجبوا ولا انا غلطان......
التقرير ضيعني كلو احرف ح وق وم وما بعرف شو
ضيعتونا
المهم الزلمة انفشل حنكه وخلص
عليك العافية
غسانوف
(0)   (0)
كأني هالجمجمة بعرفها او مشبهها لحدا بعرفوا سبحان الله نفس العيون و لفة الدقن بس الشعر متغير يمكن صبغوا
زعلان
(0)   (0)
الله حماك من الأبشع هدول ملاكمين و مفكرين حالهم محمد علي كلاي بس اكيد رح ينالو جزائهم.......يعني والله شعب ناواري و مانون شايفين بنت بحياتهم....تفوز.
علاء
(0)   (0)
بيستاهلوا ليش مقالوا ان في حفلة كنت رحت على الحفلة هاد الله من خطيتي
شو
(0)   (0)
ياااي
كريم
(0)   (0)
يعني ديسكو شو بدن يعملو
ديسكو
(0)   (0)
والله معك حق
ابو الشوك
(0)   (0)
يعني الديسكو من شان الناس تتعرف على بعضا يا جماعة وترقص مع بعض شب وبنت او حتى شبين
بس مو حلو التلطيش ولله عادة مو كويسة وعيب كتير
عنجد لازم تبطل الشباب هي العادة يعني الشب اذا عجبتو بنت يحكي معاها بأدب يا أخي ولله عيب ما حدا بيرضا انو شب يلطش أختو مهما كان الزمان والمكان
إنسان متحضر
(0)   (0)
هلق هاد اللي همكن من كل الموضوع؟؟ ديسكو و مدري شو؟؟
لك إيمت بدكن تصيرو عالم و ناس؟؟
والله ما بيلبقلكن!!! هي حفلة عائلات!! متلا متل أي حفلة للناس الي بتفهم!!
مو ديسكو!!! متل الي إنتو متعودين عليه!!!
و بهيك حقلات ممنوع الشباب يفوتو لحالن.. لازم يتحاسبو الي خلاهن يدخلو.. ولازم بنحبسو خدول الشباب الوسخ و يصيرو عبرة لكل واحد عاملي حالو قبضاي متلن!!!
و الله يعين هالشب و يصبر عائلتو.
أبو علي
(0)   (0)
لاحول ولاقوة إلا بالله العلي العظيم
هذا اللي ناقصنا
هذا الشي يدل على تطورنا
ههههههه
كل هالشي بسبب قلة الدين
وهذا اخر الزمن
مجهول
(0)   (0)
كوني طبيب وبعد تامل مطول للصور الشعاعية ومعاينة المنطقة الجبهية عرفت سبب اصابة الشاب بكسرين متبدلين بالفك ...نقص كلس
مغترب
(0)   (0)
تعليق جميل
مجنون
(0)   (0)
يا جماعة ملاحظين انو بنفس الوقت ثلاث مشاكل بحلب على عكس السير والمخفي اعظم نتمنى من المسؤولين الاهتمام بمدينة حلب يبدو انو حجم المشاكل فيها كبير
بهاء
(0)   (0)
ممممم... واضح الكسر هههه.... لك شو الفائدة من صورة الكسر شو شايفينا دكاترة؟؟
مدقق
(0)   (0)
معقول جاية من حمص لحلب هو وأختو لحالن وعلى الديسكو ايمتا بدن يرجعو على حمص اي شو هالسلبة
عمار
(1)   (0)
انا كنت موجود بالحفلة
و ما بعتقد إخت الشب إلا علاقة هدول الشباب شافو شلة غريبة من برا الجو و بلشوا غلاظة و نكت معلاقة
و لما عرفو إنو الشب حمصي ما إلو حدا يدافع عنو استقووا عليه و ضربوه بشكل كتير بشع و حقير

حرام عليكم تزيدو مصيبة الولد
كانو شباب لحالن و ما زعجو حدا
الله يصطفل فيون هالسرسرية...
بدون اسم
(0)   (0)
يعني ليش لحتى تكتب اسماء الخلق
كل انسان بيحاسبه ربه
( من ستر مسلما ستره الله في الدنيا والآخرة )
ام غضب
(0)   (0)
يعني ماحدا سآل حالو سؤال كيف ديسكو بيسع800 شخص؟بصراحة اول مرة بسمعى
بعدين الكل حاطط اللوم على الشب يعني لا عيب ولا حرام الواحد يسهر بس العيب هالهمجية والوحشية اللي عايشينا
والله مالنا بحديقة حيوانات او حلبة مصارعة
ياعبشوم على هالزمن اللي ماعرفت الاهل تربي في ولادا
مو ضروري
(0)   (0)
حسبي الله ونعم الوكيل
شايسا
(0)   (0)
ليش في ديسكو بسوريا
جاهل
(0)   (0)
دخيلكن اشو يعني ديسكو
مين سمير ..؟
(0)   (0)
مين سمير ..؟
ahmad
(0)   (0)
يعني لو مصورين فيديو كنا فهمنا اكتر الموضوع :):)
صباح الخير
(0)   (0)
هاد كلو من قلت الدين لايمتا بدنا نضل نفسنا دنيه شو هالزكا حدا بياخد اختو على الديسكو ما كون محل الشباب مو كسر بخلي فيه عشر كسور قال ديسكو هههههههههههههه
ابو حميد
(0)   (0)
والله زعلت عليه بس كمان هو ليش جايب اختوا يعني شو متوقع رح يشوف اعمال خيرية..........
حلبي
(0)   (0)
اذا الشباب اللي اعتدوا على الحمصي متوراين عن الانظار و هربانين كيف عرفتوا اسماءهم ؟!!!69
ابو الزلف
(0)   (0)
اولا الجلاء مغلق شلون صارت الحفلة ما بعرف هههههه
اطلس
(0)   (0)
اولا ‏:الحمدلله ع السلامة ‏ثانيا:الدنيا ‏
بدون

مشاكل ‏
مو ‏
حلوة ‏
‏.صلحتكم ‏
علينا ‏
‏ و
عقبال ‏
كل ‏
حفلة ‏
وانت ‏
طيب
هنا0س
(0)   (0)
يعني اعمارهم بالعشرين مو مراهقة بس عقله صغير جايب شقيقته عالديسكو شو هالحكي
tarek
(0)   (0)
الناس اتغيرت حد بياخد اختو معو واللة عيب ناس ما بستحي
هههههههه
(0)   (0)
لشو الواحد بيروح على الديسكو مشان الله قلولي

ولشو البنات بتروح على الديسكو كمان قلولي
swans
(0)   (0)
شو هاالأذى يعني واحد جاي على حفلة يطلع بقتلة!!!!!!!
الله يهدي الجميع و عليه العافية
كنت نايم
(0)   (0)
ديسكو مسخرة وشاب ما بستحي والشباب يعطيون العافية والبنا ت لك ضروري تجي على حلب ههههههههههههههههه
safee
(0)   (0)
بس ولله كانت احلى حفلة بس منيج طلعنا بكير انا ورفيئتي
العدالة
(0)   (0)
هدول بلطجية أهل حلب الحديثي النعمة.. شاطرين بالملاكمة و الهريبة من العدالة
أبو الوفا
(0)   (0)
منترك الدنيا كلها ومنروح منقعد خلف الحمار تماما (بقفاه)، وبعدا منقول للحمار: ولي عليك على هالريحة خنقتنا !!!!!!!!!
وفهمكم كفاية
AmMaR
(0)   (0)
الله يبلاهن بتكسير ايديهن ,,بعدين وين العالم ما عرفو يخلصوه من ايديهن ,,تفو علين
DJ
(0)   (0)
فعلا احلى حفلة بس يا جماعة كني انا جيت متاخر شو ايمتى بديت الحفلة؟؟؟
ههه
(0)   (0)
كل هاد وبسوريا !! وبحلب !!

انا وين عايش

الله يسترنا
مريم
(0)   (0)
يسلموا حالون للشرطة هالرياضيين الملاكمين.. شو هالمرجلة بالهروب من العدالة!!!
س م م
(0)   (0)
كيف نادي الجلاء بنظم حفلة بدون مسؤولية حفظ الأمن و النظام للحفلة؟؟؟؟؟؟؟؟؟؟
شي بيضحك
(0)   (0)
ملاكم جبان بيضرب و بيهروب هاهاهاهاهاهاهاهااهاهاها
عبدنقار
(0)   (0)
لازم يقضو طول عمرن في السجن
متيم أسير
(0)   (0)
مافي نار من دون دخان.

الحمدلله على سلامة الشب .

بس كمان إللي بدو يحضر حفلات ديسكو بدو يتحمل شوي .

يعني الشب إللي كان بالديسكو كان مفكر البنت لحالها وحب يونسها :) وما منعرف شو صار بالتحديد وشو كان الموقف حتى الواحد يعلق بس الله يهديهم وهي الحفلات غريبة عن مجتمعاتنا ومقتبسة من الغرب وإللي هدفهم تضليل الشباب بمثل هذه الترهات.


دمتم بخير
سؤال هام
(0)   (0)
إلى متى سيبقى هؤلاء المجرمون الصغار طليقون في شوارع و حفلات و أمسيات حلب؟!؟!؟!؟!
سائحة
(0)   (0)
هذا هو الوجه السياحي لمدينة حلب!!!
edwardo
(0)   (0)
تركو كل واحد يعبر عن حريتو الشخصية ليش بدكن تتدخلو بلناس في ناس بتحب الحفلات والديسكو اذا انتوا ما بتحبو الحفلات ما حدا بيجبركون تروحو بعدين البنت راحت مع أخوها مو أحسن ما تروح مع واحد من الشارع .. ( متخلفين )
حلبية
(0)   (0)
اي ووين المشكلة يعني ما كل يوم بحلب بيصير عنا هيك قصص ولا هي حملة إعلانية لحفلات الجلاء وما تقولو الجلاء ديما كومبليه ,
جواب للجاهل
(0)   (0)
ديسكو يعني بارتي
بيتجمع فيه الفاضيين
ليلعبو رياضه ^^
هههههههههههههههههه جد شي بيضحك كتير يعني معروفة يلي بيلطش بالديسكو بدو ياكل قتلة هههههههههههههه
سنا
(0)   (0)
ولله عيـــــــــــــــب شو ما عاد في نخواي بي هل الشباب حد بجيب اختو معو ولله عيب
سنا
(0)   (0)
ولله عيـــــــــــــــب شو ما عاد في نخواي بي هل الشباب حد بجيب اختو معو ولله عيب
Lana
(0)   (0)
عجيب غريب. كل شيء له تحليل ....رجعي.
عجيب. غريب.
من اربعين سنة كان العقل اكثر حضاري.
احس انني أتقدم الى الوراء مع هذه العقول العظيمة.
الى الوراء. الى الوراء وفقكم الله.  
ابوتيم
(0)   (0)
انو بدي افهم وين اخد اختك معك والله مستاهل
لأن البنات اللي تروح ع هيك محلات بدك تتوقع كل شي هنيك الزعران بكل مكان ضب اختك بالبيت ماحدا يقرب عليها مو تاخذها ع مرقص وتعمل حالك شريف مكه ..... والله مستاهل هالقتله هههههههههه
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " حوادث "

11-3-2015
المنظمة الدولية للمعوقين : مليون سوري أصيبوا جراء عمليات النظام العسكرية
 أعلنت المنظمة الدولية للمعوقين أن مليون سوري أصيبوا فى العمليات العسكرية، لافتة إلى أن النظام السوري لا يوفر ...


11-3-2015
الفتيات البريطانيات الثلاث مولن رحلتهن إلى سوريا ببيع مجوهرات لعائلاتهن !
ذكرت الشرطة البريطانية أن المراهقات البريطانيات الثلاث اللواتي هربن من لندن في شباط للتوجه حسب الترجيحات المطروحة إلى ...


11-3-2015
والد شاب " فلسطيني إسرائيلي " قتله تنظيم "داعش" : أتمنى لأبناء البغدادي المصير ذاته
قال والد شاب قتله تنظيم “داعش” بداعي ارتباطه مع جهاز المخابرات الإسرائيلي (الموساد)، إنه يتمنى لأبناء زعيم التنظيم، ...


11-3-2015
تنظيم " داعش " يشن هجوماً عنيفاً على " رأس العين " و يسيطر على قرية غرب المدينة
يشن تنظيم "داعش" هجوما واسعا في اتجاه مدينة رأس العين ذات الغالبية الكردية الحدودية مع تركيا في شمال ...


10-3-2015
تنظيم " داعش " ينشر مقطعاً مصوراً يظهر إعدام من قال إنه " جاسوس إسرائيلي " على يد طفل
نشرت مؤسسة الفرقان التابعة لتنظيم "داعش" إصداراً مرئياً بعنوان "فَبِئْسَ مَا يَشْتَرُونَ" ظهر فيه شخص قال التنظيم إنه ...


10-3-2015
الفصائل المعارضة تتقدم في ريف اللاذقية .. و بشار يرسل رئيس هيئة الأركان لقيادة المعارك
أعلنت الفصائل المعارضة في ريف اللاذقية، عن إحراز تقدم تمثل بالسيطرة على كل من كتف الجلطة وتلة الشيخ ...


10-3-2015
اغتيال عضو في قيادة فرع حزب البعث بحمص على يد " مجهولين "
علم عكس السير أن عضواً في قيادة فرع حزب البعث بحمص، اغتيل صباح اليوم الثلاثاء (10.3.2015).وقالت وسائل إعلام ...


10-3-2015
ضبط 500 ألف حبة مخدرة بحوزة سوريين اثنين في تركيا
ألقت السلطات التركية القبض على مواطنين سوريين، عثر في سيارتهما على 500 ألف حبة مخدرة في محافظة غازي ...