القبض على رئيس دائرة السيارات في مؤسسة التأمين متلبساً بجريمة رشوة

كاريزما

القبض على رئيس دائرة السيارات في مؤسسة التأمين متلبساً بجريمة رشوة
الاربعاء - 3 شباط - 2010 - 21:26:34

التفاصيل

تمكنت إحدى الجهات الأمنية في إدلب مطلع الأسبوع الحالي وضمن كمين محكم من إلقاء القبض على رئيس دائرة السيارات في فرع المؤسسة العامة السورية للتأمين متلبساً بجريمة رشوة .

وذكرت صحيفة تشرين أنه تقاضى مبلغ عشرة آلاف ليرة سورية من متعامل مع المؤسسة لقاء انجازه معاملة تأمين خاصة بوفاة أحد الأشخاص كان قد توفي في حادث سير.

وذكرت الصحيفة أنه أثناء عملية تسليم المبلغ المشار إليه (الرشوة) في مدينة إدلب وأمام إحدى الدوائر الرسمية ، داهم عناصر الجهة الأمنية رئيس دائرة السيارات متلبساً ومعه المبلغ الذي تمت مقارنته بالصور المأخوذة للمبلغ مسبقاً، وتم توقيفه واستجوابه وسيتم تقديمه إلى المؤسسة القضائية بغية اتخاذ الإجراءات القانونية بحقه .

هذا وكشف مصدر مطلع في إدلب للصحيفة العديد من التجاوزات التي كان يقوم بها رئيس دائرة السيارات في فرع المؤسسة العامة للتأمين ، حيث كان يتلقى مبالغ نقدية مقابل معاملات حوادث السير والوفاة والتأمين عليها واستغلال اصحاب السيارات التي تعرضت لحوادث سير. ‏

عكس السير

احفظ هذا الخبر في :

التعليقات : الآراء الواردة في التعليقات تعبر عن آراء أصحابها وليس عن رأي عكس السير .

الاسم : ابو رعد
العنوان : استفهام

مسخرة...............والله مسخرة
حتى الموت بدو رشوة.....
اي العمى؟؟؟؟؟؟؟؟؟؟؟؟

الاسم : عمار
العنوان : فساد غريب

ما بعرف إيمتى بدي أشوف الفساد أخد إجازة ولو يومين
لك يا جماعه شو صاير الكل ماعاد يستحي وعم يدخل مال الحرام على بيته بإيده وبيطعميه لولاده وزوجته وهو بيعرف إن المال الحرام بيخلي الجسم مدمن على الحرام ..... شلون بيجيه قلب يطعمي زوجته حرام ؟؟؟؟
الجواب : كل مين ياخد رشوة أو بيسرق بيكون حصراً إبن حرام وأولاده أولاد حرام ولايسأل زوجته بعدها عن الحرام لأنه هو السبب

الاسم : حاتم السوري

القبض على أكبر مرتشي في سورية؟؟؟؟رشوة عشرة الاف ليرة سورية !!!!!
وتم القاء القبض عليه بالجرم المشهود؟؟؟؟؟
برافوا برافوا برافووووووووووووووا
بهذه العملية الخارقة والنوعية تم القضاءعلى الرشوة والمرتشين بمحافظة ادلب بواسطة رجال الامن الاشاوس وبمساعدة عناصر المرور وموظفين البلدية وموظفوا مديرية النقل00وقد شارك بهذه العملية نخبة من رؤوساء البلديات ولفيف من مسيري المعاملات العقارية وتم بعد ذلك سوق المرتشي الخطير الى فرع التحقيق وبينت التحقيقات الاولية أن المرتشي كان السبب وراء تدهور الاوضاع الاقتصادية بمحافظة ادلب الخضراء ومازلنا بانتظار اخر المستجدات بهذه الجريمة النكراء التي هزت الشارع السوري عامة والادلبي خاصة وخصوصا ان هذه الجريمة تعتبر دخيلة على مجتمعنا السوري المحافظ***

الاسم : دانا@
العنوان : بيستاهل

خرجو الله لا يقيمو
لعن الله الراشي والمرتشي عقبال عند كل المرتشين

الاسم : الحموي النواعيري

بس 10000 ليرة

روحو شوفي اللي اكبر منو بس ا

الله يعطيكن العافية

الاسم : ملك الهوب هوب (رافضك يازماني)
العنوان : ياترى كمين ولا مو كمين

له هيك حكمتوا عليه بلكي الشخص عطاه العشرة الاف حتى يصرفله اياهم خمسميات ..ترى هيك ماعاد حدى يصرف مصاري لحدىبالبلد كلها ..يعني اي شخص بيقلك خوذ هالخمسمية اصرفلي اياها صار لازم تعد للعشرة وتقول ياترى كمين ولا مو كمين...ومين لمين ولوين رايحين ماحدى بيعرف..كل شي بيصير في جزيرة المازوت الاخضر...بس كل الحق علي اخترع المازوت..لو ما خترعوا المازوت ماكان صار فينا هيك

الاسم : مواطن
العنوان : برافو

برافو ليش ما بتذكرو اسمه حتى يتربى غيره شكرا يا عكس السير

الاسم : الماهر
العنوان : ياسلام

يعني معقولة تنضف البلد
بكرا بيطلع مع اعتذار ورد شرف وتعويض؟
روحوا شوفه شو بيصير بلمشفى الوطني؟
كيف حياة الناس لعبة بايدي الممرضات وزملائهم المقربين من الاطباء
والله حرام عليهم
المهم عندهم انهم ياخده رشوة وبس؟

الاسم : أ بـ و تـ امـ ر ( دبـ ي )
العنوان : انا مستشار تأميني بشركة تأمين أماراتية في سوريا ...........واه مصيبتاه

إن من أكبر المشاكل التي تواجه شركات التأمين الخاصة في سوريا ألا وهو العقلية لدى العملاء (اصحاب المشاريع )
وذلك بسبب الخوف وعدم المصداقية المتواجدة لديهم من ناحية شركات التأمين وهو على العكس تماماً لأنه سبب هذا التفكير هو الشركة السورية للتأمين وهذا أكبر مثال بأن مدير قسم السيارات قد أرتشى

وانا كمستشار تأميني عندما أتحدث الى العميل أشاهد وكأنه يتحدث وكأنني الشركة السورية للتأمين ( ما في مصداقية وأختلاس على العلن بدون خوف لماذا لأنها تابعة للدولة )

نقطة على السطر أنتهى الحديث

الاسم : عنتر
العنوان : حرام عليكم

دائما يقع الحرامي الصغير ويقدم ككبش فداء على انه هو سبب الفساد !!!؟
وكل يوم يزداد عدد الفاسدين والمرتشين الصغار!!!!؟

الاسم : طوق الياسمين

شي مضحك الا بكي
10 الاف وبده كمين وبده تصوير بتعرفوا ليش لانه مسعول صغير وماله ظهر ياترى المسعولين الكبار والي هم راس الافعى وكل انواع الفساد حدى بستجري يصورن او يراقبن صدقوني مسعول كبير على شخطة قلم للتحايل على القانون قبض بمكتبه 5 ملاين داخل مكتبه ولا كانه عمبيبع شئ هو مالكه و جدا طبيعي وبرجع بقول داخل مكتبه

الاسم : HUSSAM
العنوان : دعني وشأني

ترى هل من الممكن أن تتمكن هذه الجهات الأمنية الفظيعة من القاء القبض على من يرتشي بالملايين من ثم ملاحقة أبو العشرة ألاف

الاسم : T I G E R
العنوان : بتمنى كل المواطنين يعملو هيك

يعني المواطن اذا خبر الجهات الامنية عن الرشوة يلي بدو يدفعها وتجي الجهة الامنية وتقبض على المرتشي صدقامارح يضل ولاموظف حكومي بيرتشي
بس نحنة بدنا امورنا تمشي ان كانت قانونية أو لاء المهم تمشي معاملتناومندفع يلي بدن ياه
نحنة خلينا الموظفين يستفحلوبالرشوة والفسادوصار الموظف يطلب الرشوة علنا,طبعا الحق مو كلو علينا كمان في موظفين نفسهم ضعيفة ودنيئة
اجتمع المواطن مع الموظف فاستفحل الفساد في كل دوائر الدولة.

الاسم : ياريت يجربوا هل الطريقة مع مدير الشوؤن الصحية بحمص
العنوان : فساد مستمر وعلى المكشوف

اتنمنى ان يطال مكافحة الفساد مدير الشوؤن الصحية الذى يسيئ استخدام السلطة والرشاوى والتزوير وقلب الحقائق وانا استغرب هل المحافظة ختى الان وبعد استلامة اكثر من 10 سنين لم تسمع به نتمنى من السيد المحافظ التدخل بهذا الموضوع

الاسم : مـــحمـــــــد حــاج اســــــــــــماعيـــــل*ســـــــــــــــــــراقـــــــب*

صار عنا هلق حملات على المرتشين واقاعن بالجرم

المشهود!!!!!!!

شي مبشر وجميل وعاشت سوريا الحبيبة واحلى عكس سير

الاسم : والله مصخرة
العنوان : حتى التعليقات اللي نبعثها لاتعرض

اذا نحنا عما نشد ظهرنا بهذه المجلة لمحاربة الفساد واسماع صوتنا حيث بعثنا برسائل كثيرة ولكن لم تعرص للمسوؤلين وانتو ما عما تردو علينا بس العيب على من يفتح هذه المجلة او يقرأها مرة ثانية

الاسم : كبش الفدا
العنوان : سلام ياصاحبي

بالله عليكم هذا خبر يمكن ان يكتب وكأنه حالة استثنائية غريبة يعني على مين عم بتضحكوا وكاني هي اول مرة بتصير اني موظف يقبض رشوة ليش اللي قبض عليه قبض عليه مجانا بس الظاهر المواطن المبلغ عنه مدعوم اكثر منه او معلمه غضبان عليه وطقله برغي حاجة بقا استهزاء في عقولنا واستخفاف بنا , قال شو قبضو على موظف مرتشي على اساس مالن خبر بأن الرشوة صارت حق مكتسب للموظف وكاني جايين من المريخ ومابيعرفو شو صاير بالدوائر والله اذا بدن يقبضو على كل موظف مرتشي بتعطل الدوائر كلها , على الحلال كأني عم بقرا نكته سخيفة او شي خبر كلاسيكي
والى اللقاء في الحلقة القادمة

الاسم : محمد ص
العنوان : عيب والله عيب

ياترى انتو يلي عم تحكو عن هاد الشخص يلي رتشى انتو متأكدين انو رشوة ولا بس شفتو شخص عم ياخد مصاري من حدى ساويتوها رشوة بس هادا شعبنا بدو شغلة يتسلة فيها عيب عليكن روحو شوفو الأكبر منو يلي عم يسرق مو عم يرتشي عم يسرق بس المظلوم عند ربو بريئ

الاسم : احمد
العنوان : بسيطة

هو الشخص نفسو كان مدير فرع المخابز سابقا وهلق لحتا عرفو انو حرامي بعد 15 سنة

الاسم : مخمدخميس
العنوان : الحقيقة

الاخوة المعلقين جميعا على حادثة الرشوى.يااخوان المرتشي اللي ما بدنا نذكر اسمه الكل بيعرف انو للأسف عندو واسطة وهرب من سرقة ملايين من السابق وقت كان مدير المخابز والرشوة هاي مش 10000 ليرة بس يكون بعلمكم صار عندو 3سيارات و5 اراضي كبيرة و2فرن خبز في المسطومة وبنش وفيللا ورضيد بالبنك10000000 ل.س واولاده غميدرسو بجامعات خاصة وكمان وكمان انا بغرف كتير عنه الله يجعل هالرشاوى اللي اخدها في جهنم وعلى فكره اسمعت انو طلع براءة بس كلفتو نص مليون

الاسم : بلا اسم
العنوان : الوطن العربي

الحمد لله اول الغيث قطرة واول الدرب خطوة والله يعطيكم العافية

أرسل تعليقك :

اخبار اخرى من " أخبار البلد "

30-7-2010 موجة الحر تعود إلى سوريا من جديد .. ودرجات الحرارة إلى ارتفاع تتأثر سورية بامتداد المنخفض الموسمي الهندي السطحي المترافق بامتداد مرتفع جوي في طبقات الجو العليا. وذكرت مديرية الأرصاد الجوية ...	29-7-2010 من بينها مسبح نقابة المعلمين والاتحاد والجلاء .. إغلاق ثمانية مسابح في حلب اصدر محافظ حلب علي أحمد منصورة قراراً بإغلاق 8 مسابح ضمن مدينة حلب لمدة ثلاثة أيام ، بناء ...	29-7-2010 حماة : الإسكان تعتزم تنفيذ 580 من أصل 1500 طرح فرع المؤسسة العامة للإسكان في حماة 580 مسكنا عماليا في حي الوفاء للتنفيذ من أصل 1500 مسكن ...	29-7-2010 إعفاء وتوقيف رئيس بلدية على خلفية الابتزاز والرشوة أعفى الدكتور فيصل كلثوم محافظ درعا أمس رئيس بلدية النعيمة هايل المحاميد وأمر بتوقيفه وسيق للتحقيق موجوداً على ...	29-7-2010 وزير الداخلية : تفعيل قسم مكافحة الجريمة الالكترونية و التحضير الجيد للموسم السياحي تناول اجتماع اللواء سعيد سمور وزير الداخلية مع مدير إدارة ورؤساء فروع الأمن الجنائي بالمحافظات أمس مناقشة الآليات ...	28-7-2010 شرطة خاصة لحماية الأحداث في سورية‏ أطلقت أمس وزارة الشؤون الاجتماعية ورشة عمل حول مؤشرات نظام عدالة للأحداث في سورية بمشاركة وزارات الداخلية – ...	28-7-2010 احتفال شعبي في ريف حلب بحضور وفد من حماس بمناسبة مرور عشر سنوات على تولي الرئيس الأسد مقاليد الرئاسة شهدت منطقة " اعزاز " بريف حلب احتفالا شعبياً أمس بمناسبة مرور عشر سنوات على تولي الرئيس بشار ...
28-7-2010 مكافحة الدخان المهرب أصبحت من الجمارك بحث مجلس الوزراء في جلسته التي عقدها برئاسة المهندس محمد ناجي عطري رئيس المجلس مشروعات القوانين المدرجة على ...	28-7-2010 عطري يعفي خمسة مدراء خلال أسبوع واحد اصدر رئيس الحكومة المهندس محمد ناجي عطري عدة قرارات قضت بإعفاء خمسة مدراء من مناصبهم خلال أسبوع واحد ...	28-7-2010 اكتشاف سر الحريق الضخم في غابات ادلب و القبض على مفتعليه كشف فرع الأمن الجنائي بادلب سر الحريق الضخم الذي اندلع يوم الإثنين في منطقة " الزعينية " الحراجية ...	28-7-2010 نجاة طفل في ربيعه الثاني من العمر بأعجوبة بعد سقوطه من الطابق الرابع في ادلب نجا طفل في ربيعه الثاني من الموت بأعجوبة بعد سقوطه من الطابق الرابع في منزله بمدينة اريحا التابعة ...	27-7-2010 مرفأ اللاذقية ومخالفات البناء على طاولة حوار مجلس المحافظة اختتمت مناقشات مجلس محافظة اللاذقية في جلسته الثالثة برئاسة الدكتور خليل مشهدية و تركزت على الواقع الخدمي في ...	27-7-2010 ضبط ستة ملايين دولار مزورة في ادلب علم عكس السير من مصادر مطلعة أن إحدى الجهات المختصة ألقت القبض على خمسة أشخاص بحوزتهم ستة ملايين ...	26-7-2010 شخص يسرق قسائم بنزين و مبالغ مالية كبيرة من صندوق محطة وقود يعمل فيه في حمص ألقت عناصر شرطة المحطة في حمص القبض على شخص قام بسرقة مبلغ كبير من المال بالإضافة إلى قسائم ...


الرئيسية \| من نحن \| فريق العمل \| اتصل بنا \| طوارئ