"لا أريد لأحد أن يسكت عن الخطأ أو أن يتستر عن العيوب والنواقص . "
حافظ الأسد
أخبار البلد
سياسة
كوكتيل
كرت أحمر
تكنولوجيا
المال و الأعمال
مساهمات القراء
صاحب قرار
ماشيين غلط
حوادث
شباب وطلبة
بكرى أحلى
حلوة يا بلدي
طافشين
كاريكاتير
الصورة بتحكي
مستعمل
كاريزما
يعرفه كل عاشق في اللاذقية حتى ولو لم يعترف .. عكس السير في ضيافة " أبوقدور" ( روبنسون كروزو ) العرب الجمعة - 19 آذار - 2010 - 16:29:08
التفاصيل
إعلانات
من يعرف شاطئ اللاذقية جيدا لا بد وأن يعني له اسم " أبو قدّور" شيئاً, مئات بل آلاف الأشخاص مروا على طول كورنيش اللاذقية الجنوبي ووقفوا على صخوره ليراقبوا صخرة الانتحار ويرددوا ما سمعوا عنها من حكايات, لكن قلة قليلة فقط من عرفوا بأنه وقبالة الصخرة الكبيرة في قلب الجرف الصخري, يسكن رجلٌ أشعث الشعر طليق اللحية, ومجرّد التفكير بالوصول إليه هو مغامرةٌ تستحق التجربة ,ومن يعشق المغامرة أكثر منا في عكس السير .
رحلة الوصول إلى الكهف
على الزاوية الجنوبية الغربية من الكورنيش الجنوبي وتماماً عند حافة الجرف الصخري يبدأ درجٌ حجريٌّ شديد الانحدار وبالقرب من نهايته كوخٌ صغير من الخشب والصفيح وبجانبه ممر وبيت لكلب لا يتوقف عن النباح, ما إن ينتهي الدرج حتى تجد نفسك على الشاطئ تماماً وإلى يمينك الصخرة تبدو مخيفة, هناك على اليسار حيث أقام أبو قدّور بيته البدائي, في التجويف الحجري الضخم في قلب الجرف الصخري, أكمل إغلاقه باستخدام بعض قطع الصفيح والخرق البالية, وصنع بيده قطع الأثاث البسيطة من الخشب والحجر, أسلوب حياته لا يمكن إلا وأن يذكرنا بـ " روبنسون كروزو " , حتى حين كانت أشد أيام حياته حزناً هي تلك التي بدأت فيها شركات الاستثمار الخاصة العمل بالقرب من كهفه لإقامة مشاريع سياحية كبيرة أقلقت راحته.
تحيط الشائعات أبو قدور لتجعله يبدو كبطل هارب من إحدى الأساطير, "عبد الله الهندي" هو اسم أبو قدور الحقيقي وهو في الأصل من أبناء جزيرة أرواد, ويؤكد الجميع أنه يملك منزلا كبيرا في وسط اللاذقية, لكنه فضل اعتزال الحياة الصاخبة والاكتفاء بالصيد.
يبرر البعض بقاء أبو قدور في كهفه قبالة صخرة الانتحار الشهيرة بأنّ حبيبةً قديمة ملّ أهلها انتظار عودة أبو قدور من إحدى أسفاره, فأرادوا إرغامها على الزواج, وهناك على صخرة الانتحار أنهت حياتها وفاءً لحبها الغائب. الذي عاد متأخراً ليتوقف لديه الزمن في اللحظة التي سمع فيها أن حياة حبيبته انتهت.
شيخ الصيادين
صيادو اللاذقية وعمال الميناء فيها يشهدون له استحقاقه للقب شيخ الصيادين, فهو مرجعيةً لا يمكن أن تخطئ, قادر على التنبؤ بحالة الطقس ويصيب دوماً حتى لو خالف رأيه كل النشرات الجوية وأصحاب الخبرات, كما يتقن بفطرته البدائية اختيار أماكن الصيد ويهدي نصائحه للصيادين وللهواة أيضاً, كثيراً ما ساعد في إنقاذ القوارب الجانحة والتائهة بدقة تحديده لمكانها عبر تقديره للتيارات البحرية وحركة الرياح, وكثيراً ما حدد أسباب العطل في زوارق وسفن مرّت على اللاذقية واحتار في أمرها اختصاصيون.
صفحة من تاريخ الحب
يروي أبو قدور لزواره ,كما روى لـ عكس السير , قصص البحر والصيد ومغامراته, ,يروي كيف عشق البحر حتى نسي أي شيء آخر, ويحكي تاريخاً حافلاً من قصص الحب التي شهدها على الشاطئ, قصصاً بنهايات حزينة حين يُفرِغ العشاق ما لديهم من صراخ وعتاب على حافة الجرف الصخري ظناً منهم بأنّ أحداً ما لا يسمعهم, وقصصاً أخرى لعشرات الأشخاص الذين أصابهم اليأس قصدوا صخرة الانتحار أو مرّوا مصادفةً بكهفه ليتبادل معهم أحاديث كثيرة ويروي لهم حكايات عن صبرِ الصيّادٍ وغدر البحر.
يعتبر أبو قدور هؤلاء الغرباء أصدقاء حياته, رغم أنه لا يرى معظمهم إلا مرة واحدة, ولا بد من القول أنّ أبو قدور رجل يعرفه كل عاشق في اللاذقية, لكن أحداً لن يعترف بأنه مر يوماً من هناك.
فرح يوسف – عكس السير - اللاذقية
احفظ هذا الخبر في :
التعليقات : الآراء الواردة في التعليقات تعبر عن آراء أصحابها وليس عن رأي عكس السير .
الاسم : مـــحمـــــــد حــاج اســــــــــــماعيـــــل*ســـــــــــــــــــراقـــــــب*
بيعين الله ابو قدور
بدا صبر
الاسم : حمصية مغتربة بالخبر العنوان : اه اه اه تتبناني يا ابوا قدور وبيصير الي 2 فازر
يالله منكن يا عكس السير فتاتولي جروحاتي يا ريت اقدر اوصل لابوا قدور لحتى احكيلوا جرايد وياريت يابلني متل بنتوا ونيالوا على هل العيشي والله بتجنن حد البحر ولحالوا الواحد لا حدا بيزعجوا ولا حدا بيسالوا من اين لك هازا الله يطول بيعمروا ويضل شيخ الصيادين وسفينة العشاق وياريت ولك اخ بس كنت اتمنى شوف هيك ناس بحياتي لان كتير بيعطوا من تجارب حياتن وعاد في منن كتير لهيك الله ياخد من عمري ويعطيه لان انا ما بفيد حدا بس هوي انسان بفيد كتير ناس الله يحميك ويمد بعمرك
الاسم : غيورعالبلد العنوان : اختيار شخصي
بكرى بهدموله بيته لانه يسيئ للسياحة
ههههههههههههه
وبينسو الفجور ياللي بالشاطئ الازرق
الاسم : مجنزن !!!
والله يا لادقاني ما حدا مجنون غيرك
الاسم : يمامه العنوان : حلو
بس ليه سموها صخره الانتحار
تحيه لابوقدور مع انه مابعرفه
الاسم : ساري العنوان : احلى ابو قدور
الله يعطيكون العافيه
موضوع جميل احسنتم يا عكس السير.
ياريت تعملونا موضوع عن(( الرجل الاصفر )) اللي بوقف بباب الفرج انا لهلق ما عرفت شو قصتو
يلبس اصفر باصفر ساعه صفرا ومسبحه صفرا وكرسي اصفر ونضاره صفرا وموبايل اصفر .........
الاسم : من العامة العنوان : نيالو
عن جد نيالك يا ريت اقدر عيش متله و الله خلص من المشاكل و الهموم و القرف اللي نحن عايشين فيه
الاسم : مهندس العنوان : نحن عنا واحد كمان
في عنا بالحارة واحد اسمه حفيظ ...انسان عقلاني وعالم بيعرف 15 لغة وكان مدير احد الشركات ويستطيع تقييم اي شخص بقابله في الحارة
عكس السير لو تتفضلو على حارتنا واتشوفو هالثروة الوطنية
الاسم : أحد ما العنوان : الى السيد لاذقاني المحترم????????
يعني والله انك واحد ما بتفهم وما عندك زوق بالمرة
ما عيب عليك تحكي بهل الطريقة على الزلمة فينك تقلي مع الدليل والبرهان انو شي يوم بحياتو ضر شي واحد او سرق او شحد او او او او
مع العلم انو باللاذقية الحبيبة مليان وسخات وانت بتعرف مين قصدي ورجيني حالك وكتوب عنهم بالعاطل اذا كنت رجال
بس يا حرام ما بتروح الا على الفقير
مع العلم ان ابو قدور ليس بفقير لان الفقر ليس هو عدم وجود المال الوفير ولكن انت من هو فقير فقير العقل الوجدان
اتمنى من عكس السير الحبيب نشر تعليقي هذا مع العلم انه لا يليق بي ان اتكلم بهذه الطريقة عن اح لكن اطلب السماح من الجميع لان السيد لاذقاني جعلني اخرج عن طوري وشكرا لكم
الاسم : venus العنوان : نيالو
انا ما بعرف شو بدي علق بس ذكرني بفلم cast away مو روبنسن كروزو بس عنجد نيالو ياترى هل أد بيحب حبيبتو حتى وقف الزمن عندا؟؟؟؟؟؟؟؟
الاسم : غزالة العنوان : الى ساري
والله سبقتني انا صلي مغتربة عن حلب 7 سنين وصورتو ماعبتفارقني ليش بيلبس اصفر باصفر , عملونا مقابلة معو ياعكس السير وسالونا ياه
الاسم : حلبي بالسعوديه
انا بحيي ساري وفعلا منتمنا تعملوا تقرير عن هالرجل الاصفر اللي من يوم ماولدت بعرفوا اصفر كتير شائعات بتحوم عن هالرجل ناس بقولوا مخابرات وناس بقولوا عندوا بنات للدعارة وناس بيقولوا ويقولوا فعلا حيكون موضوع مهم كتير وعلى فكرة كل مدينة حلب بتعرفوا وبتشوفوا على طول ببباب الفرج
لك حتى شواربو صفر
الاسم : siyamend العنوان : الى ساري وغزالة
انتو التنين او التنتين ما بعرف
سبقتوني لكن اول ما قريت الخبر خطر ببالي الرجل الاصفر بباب الفرج.
يا ريت يا عكس السير تعملو تحقيق عنو كمان لاني عم يخلق عندنا فضول كتير لنعرف حكياتو مع هالاصفر.
الاسم : علي رجب
القصة حلوة بس خايف هاد متنكر وهو بالاساس تاجر مخدرات والله بيصير كل شي وارد بيطلع بالاخير زعيم مافيا بس حلو ياعكس السير الكلام المعبر يلي كاتبتو فرح يوسف
الاسم : ابن اللادئية العنوان : الله يكون بالعون
عن جد انا من اهل اللادئية بس بعمري ما عرفت او سمعت فيه لاني من يوم ما بلشت هالمطاعم 5 ستارز بطلنا نروح نتمشى على الكورنيش الجنوبي و اتركناه للناس المبروزة و الي بتحب العلو ولو على ...... عن جد لما قريت الخبر و شفت الصور اتضايقت و حسيت أديش صرنا نحنا ناس بدون مشاعر او احاسيس وين هالاغنياء او الحرامية اللي نهبوا البلد معلش يطلعوا بعين الرحمة على غيرهم ولله عيب و لله ينتقم من كل حرامي بهالبلد و حسبي الله ونعم الوكيل
الاسم : سعدون الحمصي (جدة) العنوان : الى حمصية في الخبر
تذكرت دراويش حمص الغالية (راتب وكوكو ومطيع وابو شاكر ) اه شو اشتقتلك يا بلد
الاسم : superman العنوان : خدوني للعنده
هل تقبل سيد ابو قدور عامل او اجير عندك يغسلك ويكنسلك قصرك الرائع انا مستعد ان اعمل عندك ببلاش واخلص من حلب وزوجتي المقرفة وطز بكل شهاداتي
الاسم : nedalo-lattakia
احلى ابو قدور و الله
يا ريت لو كل شعب اللادقية بيكون طيب و صافي القلب متلك
مشكور عكس السير
الاسم : لادئاني يحييكم
ولله اتخيلوا معي هالناس اللي قاعدة بالفيو او غيره و في انسان بسيط عايش بهيك وضع بس ياعيب الشوم على هيك ناس و زمن
الاسم : مو مهم العنوان : نيالك
يا ريتني شجره على مطل الدني جيرانها غير السما وغير المدى ما في حدا...........نيالك يا أبو قدور واللهي حسدتك على هالعيشه وبالآخر لما بيعجز الواحد وما بيعود قادر يخدم حاله ما رح يلاقي أحن من البحر يزت حاله فيه.
الاسم : Alaa USA العنوان : To Superman
What 's the shame. you should not write something like that about your wife whatever she is. Stupid and silly
الاسم : حسام بيازيد
برافوا عليكي كتير حلو الخبر
و الصور
الاسم : mouhamed العنوان : شيخ البحر
هموم الدنيا لسه نتأجها أكتر من هيك خاصة بالنسبة لشباب السوري يلي ماعندو واسطة لحتى تساعدو أنه يقبل بشغل مع أنه عنده المؤهلات والمعطيات والمهارات والشهادات والخبرات وتاري في شغلة أهم من كل شي الواسطة أو الدفع فعلا أنحط من قيمة العلم وهازولت ياجماعة
الاسم : غاندي
عن جد خبر بيلامس المشاعر وفيه أحاسيس كتير حلوة.. قصة حب ضائع..بحر .. وكهف وصياد عتيق .. اييييييه
الاسم : صوت الحق العنوان : الشفافية
الى غزالة والله انا بدي اعرف الرجل الاصفر كمان الف تحية لابو قدور وعلى راسي
الاسم : ابوشادي:جدة العنوان : فتحتو ا............جروحنا
اه.......اه............اه..........اه..........اه
زكرتوني بأعظم عاشق
على وجه الارض
ضحى بعمرو من شان حبيبتو
خاض اكبر المعرك
وقف بوجه الالاف من شان الحب
انا ماشفت ولاسمعت احلى من حكايتو
عن جد انسان شهم ولكل بيعرفو
مين يا حزركن
لاول مرة يسمح ابو قدور بالتصوير, يبدو انو في شي عم يتغير بداخلو.
ايييييييييييييه يا ابو قدور, زمن!!!!
الاسم : حلبي متعصب بموضوعية العنوان : بدون عنوان
والله أنا بحترم هيك أشخاص .
يعني الخبرة الي عنده لحالا بتكفي (إن كان بعالم البحر أو بالصيد أو حتى الغرام)
بس للأسف ما بقا في حب صادق بهالأيام
والظاهر آخر يوم رح يصير فيني متله
رح أروح عأطراف الصاخور أو أرض الحمرا وألاقيلي شي مغارة أو كهف أسكن فين وما رح آخد معي غير أركيلتي واللاب توب مشان أتابع عكس السير لأنو الظاهر حاطننا بباله وما رح يتركنا .
ولذلك رح ضم صوتي لـ ساري و غزالة و حلبي وsiyamend
وبنطلب من موقع عكس السير
أنو تعملو مقابلة مع الرجل الأصفر وتخبرونا بأي معلومات بتعرفوها عنه
هالزلمة غريب :
كندرته صفرا وطقمه الرسمي أصفر وقميص أصفر وكرافة صفراء وطاقية صفرا ومسبحة صفرا
أنا سمعت مرة دخلو رفقاته على بيته ضيعوه لأنو البيت كله أصفر بأصفر
بقا إش قصة هالصفار هاد ما بعرف ....
وإلى حمصية مغتربة بالخبر إذا بدك أنا بتبنى مشكلتك
لأنو صار عندي خبرة الله ربا وكلها من قصة وحدة
mail me to my false mail and i'll add u to my massenger
nour.lover@hotmail.com
الاسم : روادي مغترب العنوان : الله معو بوقدور
بوقدور واحد من الاف الناس البسيطة اللي موجودة بأرواد
بيقولو عن اهل ارواد مجانين
بس اللي بيعرفنا بيعرف انو نحنا اعقل ناس ولما بنحب
قلوبنا بعمق البحر
الله معو بوقدور
الاسم : المحامي ايهاب عبد ربه العنوان : السعادة
براهن انو هاد الشخص اسعد واحد بالحياة وما حسن يحصل على هي السعادة حتى اتجرأ انو ينقلب على الحضارة والعادات والتقاليد برافو srgoon@hotmail.com
الاسم : جولييت العنوان : يا حسرة على اللغة العربية
الى حمصية مغتربة يعني انت مغتربة بدولة عربية وعم تكتبي كلمات انكليزية بالعربي ........ ليش
الاسم : سورية بالامارات
يا سلااام على عيشة الحرية شو حلوة
الله يطول بعمره ويسعده بأيامه
الاسم : ابن اللاذقية بالرياض العنوان : تحياتي ابو قدور
والله بعمري ما شفت من هالانسان الا الخير خبر بجنن يا عكس السير والله يا ابو قدور حطمتني من كتر شوقي للصخرة وللبحر ربي يحميك ويخليك وبالنسبة للرجل الاصفر بتمنى نسمع خبر عنو لان عندي شك انو انسان مجنون والله اعلم وما حدا يزعل مني سلاااااام
من جد حبيت التعليقات على تعليقي اول شي الى سعدون الحمصي اي والله يا سعدون انوا فتاولنا جروحاتنا انت ازا بتاصد راتب الحصني اجيت والله جابك هاد مات ابل ما اخلق على هل الدني وهوي الي خبر امي انوا رح تجيب بنت والعلم عند الله متل ما كانوا يعملوا الصبايا من كتر ما كانوا يحبوا وكان انسان اريب من رب العالمين تاني شي الى حلبي متعصب بموضوعية مشكور كتير انا مشكلتي اكبر بكتير من تبني مشكلتي انوا في ناس بتوقف للناس على الدئرة متل الاخت جوليت والاخ ابو رشوان انوا من كل التعليقات الي عم يكون فيها مشاعر واحاسيس يا جوليت مااريتي غير كلمت فازر يكون بعلمك انوا انا اكتر وحدي بكره انوا العرب يحكوا اللغة الانكليزية بس يا حسرة ازا صارت حياتنا كلها من عند الغرب فهلق جاي تحاسبيني على كلمت فازر بحب ادعيكي انت يا جوليت ويا ابوا رشوان لحتى تجوا وتشوفوا الخبر روحوا على شي مشفى حكومي او خصوصي وترغلوا بلعربي اد ما فيكن لان ما حدا رح يفهم شو عم تحكوا للاسف لان الكل عمالي وافدة من دول اجنبية ما عدا الدكاترة في بعض منن عرب ازا سمحتي لا تاولي دولي عربية لحتى تتاكدي انوا هل اللغة الي بتستخدمها عربية ام لاء وشي تاني اخ بس من زمن صاروا فيه ولاد بلد وحدي ما يحسوا بي ولاد بلدن والله يعين كل مغترب لان حتى كلاموا مو بكيفوا اجباري عنوا لازم يغير لهجتوا وعربيتوا بي دول لم تعد عربيتها رمزها بل عاد رمزها دول المغترب والعمالة الوافدة وفهمكن كفاية واسفي كتير كتير لان طولت بس معليش بدي فش البي وبتمنى من عكس السير النشر
الاسم : kinan العنوان : sraab.h@hotmail.com
* لأن الغد ليس مضموناً لا للشاب ولا للمسن ... ربما تكون في هذا اليوم المرة الأخيرة التي ترى فيها أولئك الذين تحبهم ... فلا تنتظر أكثر ، تصرف اليوم لأن الغد قد لا يأتي ولا بد أن تندم على اليوم الذي لم تجد فيه الوقت من أجل ابتسامة ، أو عناق ، أو قبلة ، أو أنك كنت مشغولاً ... كي ترسل لهم أمنية أخيرة ...
الاسم : أيمن_حلب العنوان : الى ساري وغزالة و siyamend
عكس السير سبقكم وعمل تقرير من فترة بعيييييييييييدة عن الرجل الأصفر .
الاسم : Luz العنوان : إي شو هالحكي!!!
هاد يمكن عم يستنى سفينة التايتانيك. أو تركه القبطان باروبوسا مثل جاك سبارو ونسيو طاقم السفينة يرجعوا يجيبوه... (:
يا عمي نيالو..
الاسم : صلا ح ال حبيب العنوان : في كثير مثلك يابو قدور
السلام عليكم لا اطيل عليكم
مثل ابو قدور بالساحل كمان في واحد اسموابو زينب بدير الزور ماتت حبيبته هو غير متزوج ولكن يقولون له ابو زينب
بقي 15 سنة عايش تحت جسر قديم للمشاة مهجور هذا الجسر لان حبيبته قتلت بحادث فوق الجسر
هذا الي نسميه حب
ابو زينب ابو قدور قيس وليلى
الناس مجانين شو حب رمو جولييت والفلنتاين هؤلاء يهود وثقافتهم وحبهم جنسي لا اكثر ولا اقل
الاسم : جولييت العنوان : الى مغتربة حمصية
اول شي يسعد صباحك
تانيا انا بعرف هالشي انو كل دول الخليج صارت ملك للاجانب واستوطنوا فيها متل ما عم تستوطن اسرائيل بفلسطين بس نحنا ليش اسمنا شباب وعم نتعلم مشان نحافظ على لغتنا مو مشان نحطمها هنن يسطفلوا يحكوا ان شاء الله بالسنسكريتي نحنا ما دخلنا المهم نحنا شو منحكي وشو منعمل
بتمنى ما تزعلي مني
انا متأكدة انو انا وانت رح نصير اصداقاء
وبعتذر اذا ازعجتك
ارجو النشر لتوضيح اللبس
jojo.1985@hotmail.com
joli.lith.ody@hotmail.com
الاسم : nana
يالها حبيبيتو ياريت في هيك حب هلأ بالعالم كلو مصالح وكذب
الاسم : سعدون الحمصي العنوان : الى مغتربة في الخبر
أولا أعجبتني صراحتك وفشة خلقك الظريفي ثانيا انا متلك مغترب ولكن في جدة وهي كما تعلمي فيها خلطة مميزة من الجنسيات اكتر من باقي مدن المملكة (هندي ع باكستاني ع مصريين ‘ بنغال ....ألخ ) وعملي يقتضي التعامل معهم يوميا ولكن للجكر لا أتكلم ألا بلكنتي الحمصية ومع الوقت بدل أن ينعوج لساني أنعوج لسانهم ودائما أحمد ربي وأقول الحمدلله أنني حمصي (مع خالص تحياتي )
الاسم : kinan العنوان : sraab.h@hotmail.com
for nana
والله ياصديقتي شفت وسمعت واقوى من هيك كمان وبهالوقت هاد
شو رأيك
مش كل شي متل بعضو
لسا الدنيا بخير والله
الاسم : حمصية مغتربة بالخبر العنوان : الى احبائي
من جد انا حبيت اعتزر من القراء لان طلعنا عن الموضوع كليا بس معليش وبعتزر من جولييت لان كنت مع الاسف مزعوجي من هل الموضوع كتير واجت كلمتك على الجرح لهيك فشيت البي من جد انا اسفي ومعك حق نحنا الشباب لازم نغير اوضاعنا الحالية لانها مؤسفي بلفعل تاني شي الى سعدون الحمصي انا بشكرك كتير لاهتمامك بلموضوع وياريت انا وكل الشباب نكون متلك ما نحكي الا بلهجتنا بس للاسف كلوا بيساير بعضوا وانت من جد افدتني بتجربتك ورح جرب كون متلك وخلي الهندي يحكي حمصي بعون الله انا مرة تاني بعتزر كتير منكن ومشكورين
الاسم : RoMiOoOoO العنوان : ومن الحب ما قتل
انا كنت اعمل شي بسيط من يلي عملو ابو كدرو كنت كل يوم روح ع محل ما التقيت بحبيتبي ومحل ما افترقنا بس لاقيتا شغلة طويلة
لاني حسيت متل المجنون لا هي دريانة شو عم اعمل ولا هالشي عميجيب نتيجة
أبو الريم
الاسم : أبو عبدو الحمصي العنوان : كمان مغترب بالخبر
هلأ انا علقت الأسبوع الماضي ... وما بعرف ليش يا عكس السير ما نشرتولي
كان تعليقي عادي وموضوعي .. علقت على الأخ سعدون ... انو اللي ذكرهم مو كلهم دراويش وطيبين ... في منهم زعران وسكرجية وفلتانين بالشوارع متل أبو شاكر ... والكل بيعرفو بحمص
تحياتي للجميع من مدينة الخبر المشمسة ... باريس المملكة
الاسم : عموstavroes العنوان : عطريقك ياأبوقدور
عنجدأبوقدور من أجمل الشخصيات ومن أطيب القلوب بتصدقو كان يصطادويعطيونللعالم ببلاش مقابل ملابس قديمة أو أي شي تاني أبو قدور أنسان طيب جدا بس لسوى فاهيك البحر والسفروهيدي ضريبة البحريامنصفى لحالنا يااما منفضل نضل معزولين عن العالم بس شوبدنا نسوي بس أكيد ابوقدور بوقتا لوكان متأملو شغل بلبلد ماكان سافر بلبحر ولى كانت حبيبتو نتحرت رحمة الله عليها ولى كان وصل لهل مواصيل
وبحب الكون حتى أبوقدور ماخلص منكون حاسدينو على عيشتولا حولة ولا قوة حدى بيتمنى يدخل بعمر الشيخوخة ومايكون جنبو لا مرة ولا ولد يساندو لكن فكركون أنو هو مرتاح هيك لا والله بس ظروف بتجي ضد ظروف مابتسمعو بلمثل يلي بيقول تأتي الرياح بما لاتشتهي السفن وهيك صار مع عمنا أبوقدور
ولسى في واحد غيرو كمان أسمو ابو علاء بتمنى من عكس السير تعمل معو مقابلة طبعا هيدى أذا هو ريضي بس منتمنى منشان تشوفو قصصنا نحنا اللاودئة يالله خير
منحب نودعكوم حاليا ومع تحيات عمو ستافروس
الاسم : beeroo العنوان : الله يرحمو
بعد المقابله مع ابو قدور بعددت ايا م مات ابو قدور ورحال عنا
