إعلانات
بعد يومين على اختراق موقع البريد .. " هاكرز" يخترقون موقع السورية للاتصالات ويخفضون أسعار الـ ADSL
الاحد - 17 كانون الثاني - 2010 - 14:34 بتوقيت دمشق
التفاصيل

قام مجموعة من " الهاكرز " اطلقوا على انفسهم اسم " قراصنة اللاذقية " باختراق موقع المؤسسة العامة للاتصالات ( السورية للاتصالات ) ، وقاموا بتغيير بعض عناوين الأخبار والأقسام .

وعنون " الهاكرز " بعض الأخبار التي كانت موجودة على الصفحة الرئيسية للموقع بعناوين خاصة ، منها " الهاكرز يقتل ولايرحم .. قراصنة اللاذقية " ، و " يرجى تعديل بياناتكم قبل أن يضرب الموقع بالكامل .. هاكر سوري يشكر حسن سماعكم له " ، و " نحن هاكر مسالم لانريد أن نؤذي ".

وفي أغرب عنوان تركه " الهاكر " كتب : " الهاكر السوري يخفض أسعار الـ ADSL  " في الوقت الذي لم يذكر فيه أي تفصيل آخر .

ويأتي اختراق موقع " السورية للاتصالات " بعد يومين على اختراق موقع البريد السوري من قبل مجموعة " هاكرز " أخرى اطلقوا على أنفسهم اسم "  syrian hackers team  " .

واعتبر أحد أخصائيي البرمجة أن مجموعة " الهاكرز " الذي قرصنوا موقع السورية للاتصالات " مجموعة من الهواة خفيفي الظل " ،  واستدل على ذلك من خلال الطريقة التي قرصنوا فيها الموقع .

فيما استغرب المبرمج تمكن " الهاكرز " من اختراق الموقع ( السورية للاتصالات ) على الرغم من كونه محمي من قبل شركة عالمية مختصة في حماية المواقع .

وأشار عدد من المراقبين إلى أن اختراق الموقع والرسائل التي تركها " الهاكرز " تعبر عن احتجاجهم على نوعية وأسعار الخدمة التي تقدمها " السورية للاتصالات ".

يذكر أن موقع البريد السوري عاد للعمل في وقت متأخر من ليل أمس السبت ، فيما لايزال موقع " السورية للاتصالات " مقرصناً حتى لحظة كتابة الخبر .

يشار إلى أن الموقع منفذ من قبل شركة " بلاتينيوم " السنغافورية التي افتتحت فرعاً لها في سوريا عام 1991 ، وهي شركة مختصة بأمن المعلومات ، وقامت بعدة شراكات  تقنية واستراتيجية مع منظمات وشركات عالمية تعنى بهذا الأمر الهام جداً في مجال المعلومات ومنهم مجموعة " زون اتش " وخاصة مع مجموعة الشركات التي انضمت إليهم بلاتينيوم والمسؤولين عن الموقع حيث ان دور شركة بلاتينيوم هو إدارة ارشيف الاختراقات الالكتروني.

وتعتبر  " بلاتينيوم "  الشركة الأكثر تعاقداً مع القطاع العام لتنفيذ المواقع الحكومية السورية كموقع صحيفة " البعث " .

علاء حلبي - عكس السير

مواضيع متعلقة :

" هاكرز " يخترق موقع المؤسسة العامة للبريد السورية و يترك رسالة تقول " إن الله خلقنا لنعلّم عليكم "


التعليقات :
محمود
(0)   (0)
والله يا شباب الحركة قوية جدا الله يعطيكم العافية بلكي بيعلمونا الدي اس ال بـ 200 ليرة بالشهر خرجكن الله يا يقيمكن والله شي بيفتح النفس
عوجة مستقيمة
(0)   (0)
أعتقد أن الموقع القادم هو موقع منظومة الاتصالات التابع لوزارة الاتصالات وبعدها موقع الهيئة العامة للاستشعار عن بعد التابع لنفس الوزارة ( بسبب افراغ هاتين المنشآتين من أهلها الخبراء ) بمساعي إدارتهما الحكيمة
طلب سريع
(0)   (0)
ما خرج تعدلو ال
3G
زكاتكم
مسؤول تقني
(0)   (0)
هذا الاختراق يدل انو البرمجيات الخاصة كمان بخترقوها اكتر من المجانية المفتوحة المصدر
انتوا صرتوا تقولوا انو اخترق موقع مؤسسة البريد
لأنو سكربت مفتوح المصدر
طيب هي برمجية خاصة واخترقوها
باسل
(0)   (0)
أنا لا أعتبر هذا الأمر فشل للإتصالات السورية بقدر ما هو فشل ذريع للإتفاقيات التي أبرمها من سبق مع شركة بلاتينيوم السورية التي تبتلع عقود بملايين الليرات السورية مع المؤسسة ، دون متابعة ودون اهتمام..وهاهي منظومة مواقعها تعرضت لثغرة قديمة للغاية و سخيفة للغاية ، قام باستغلالها مجموعة شرفاء احبو ان ينوهو عنها بهذا الشكل.

وأكبر دليل على الفشل..بقاء الموقع للحظة ، "ملخبط" وكلمة "بدعم من بلاتينيوم" لاتزال في الأسفل!
يبدو أن بلاتينيوم تحولت لخشب منخو هي الأخرى!
bibo1976
(0)   (0)
الحلو انو الموقع محمي من قبل دكتور ويب
عجب كم صارفين لمشترينو
محمد الحلبي
(0)   (0)
مابهن يهكرزوا شكات الاتصال النقال سيريتل وmtn بركي شوي بخافوا الله
sami
(0)   (0)
بيستاهلوا هالوزارة الفاشلة يلي مو شاطرة غير بتشليح المواطن
حلبي للصاجة%
(0)   (0)
احلى شباب والله
عنجد عطرتوا
ياهك الإختراق يابلا
بلكي بتمرو على كل المواقع السورية وبتخبصوا شوي
خلي يحسو بالشعب المظلوم
فتحية
(0)   (0)
برافو يللا ان شا الله بيصير الدي اس ال اقل من سعره هههههههههههههههبرافو عليهن
أبو نورس
(0)   (0)
الله محي البطن يلي حملكون
فتحية
(0)   (0)
وكمان احلى خبر بسمعوا لليوم ههههههههههههه يللا معليش بلكي بعدولهن على شي كم شركة بطريقهن وبفرحوا الشعب هههههههههههههههههه وانا مضامنة معهن قلبا وقالبا
عبود-دمشق
(0)   (0)
والله بيستاهلو على هيك أسعار وخدمة يالطيف !!! .... الله حيو اللاذقية وقراصنتها.
العراب
(0)   (0)
نرجو من حضرتكم الانتقام من شركتي الخليوي
و معاقبتها على اسعارها
انتم الوحيدون الآن القادرين على ذلك
و ننتظر أن نسمع أخباركم
[email protected]
(0)   (0)
طريقة احتجاجية حلوة على غلاء اسعار ال adsl
وإلى الامام
وياريت المرة القادمة سيرتيل وال م تي ان
كل شي بالعكس
(0)   (0)
الله يعطيكن العافية
عقبال الكهربا والمي ولو المازوت تزبطولنا ياه كمان
وبطريقكن اذا في مواقع للدردري والحسين
يا اخي من زمان ما شمتنا بحدا عطول هنن شمتانين فينا هلق أجا دورنا نشمت فيكن
كنعان
(0)   (0)
ليس م الصعب تهكير ايةمواقع مادم فى الجوجل كل يوم الاف الرامج بتع التهكير لزم من الاصل مواقع النشر لاتنشر برامج التهكير وهيك مفى حد بقدر يهكر شئ
طبيب في مجالي
(0)   (0)
بلاتينيوم ياللعجب معقول شركة اختصاصها الحماية وامن المعلومات يتم اختراق المواقع المستضافة لديها يا عيب الشوم على هيك شركة

ولأ والابشع من هيك كل دوائر الدولة بتعتمد على هي الشركة بالامن والحماية

الرجاء من الجهات المختصة متابعة الموضوع واخذه على محمل الجد وكفانا تقصير وعبث

سامر
(0)   (0)
منيح..عمبدفع المبلغ الفلاني على الدي اس ال:)الله وايدكم
H4
(0)   (0)
ما قصرتوا فيهم , يعني ما في ه أغلى من أسعار خدمات الاتصال بسوريا - هاتف و محمول و انترنت - بالعالم , خصوصاً إذا قارنتوها بمعدل دخل الفرد السوري اللي رح يشحد .
إضافةً إلى أن مستوى الخدمة زباااالة .


أنا كل ما اتصلت بحدا عالمحمول بحس اني انبلصت , يعني عم انبلص بمعدل 5 مرات باليوم بفضل وزارة الاتصالات السورية و الماسكينها , الله لا يشبعن هنن و شركائهم البالعين السوق , أنا بدعي عليهم كل يوم بالافلاس و انهيار أسهمهم بالبورصة .حدهم جهنم هني و أموالهم اللي بسويسرا.

و أنا من هنا أعلن استعدادي للمشاركة بأي مقاطعة لأي خدمة للاتصالات بسورية . خليهم يعرفوا انه المواطن السوري عنده شوية كرامة و احساس , و فيه يرفض بضاعتهم السيئة .
أم سامر
(0)   (0)
الله يحمي عكس السير لأنه هو متنفسنا الوحيد في الغربة الذي يجلب لنا أخبار البلد
sweetnight101
(0)   (0)
أتمنى ان يقرأ احد الشباب الهكرز هدا التعليق .
انا وكل سوري شاكرين لهم
بس ياريت يصير هدا الشي على
mtn &syriatel
رجاء حار ياشباب
ياشباب الهاكرز اللاذقية
ابن ديرعطية
(0)   (0)
هدول يالي بيسمو حاهن الهكرز مو ادمغة لازم تستغل بالشكل الصحيح ؟؟ هدول يمكن لقو فرصتهن وطوروا امكانياتهم بس عنا كتير امكانيات لدى الشباب عم تدفن بعز شبابها
ايهاب يوسف
(1)   (0)
انا وبرايي لازم الدولة تدور عليهن وتجيبن يشتغلوا
سورية بحاجة الى هذه الابداعات لكي نبدا المسيرة يللي سبقنا الغرب بها من زمان
Th3 Pr0
(0)   (0)
هي لسه البداية , قبل البريد وهلأ الاتصالات , ههه , الله يستر
فاعل خير
(0)   (0)
حلال عليكون يا شباب الهكرز يلا بركي بترخص الأسعار و منقدر نطور بلبيت شوي
سورية حلبية
(0)   (0)
الله حيو اللاذقية وشبابها وبناتها وقراصنتها والله ماقصرتوا وانشالله للامام وبطريقكون على شبكات المحمول سيريتل وmtn
one of them
(0)   (0)
والله عيب بدال ما يتمرجلو عمواقع اسرائيلية عكل ان شا الله يضل هالموقع محمي وليي ما يصرلو شي
phoenixsha
(0)   (0)
هاد بيدل انو شبابنا جد عباقرة
بس بليز شباب اخترقو شي يوم شركات الموبايل بلكي بيخفضو التعريفة
ابو القاسم
(0)   (0)
اذا هواة وهيك عملوا
شلون ما يكونوا محترفين ...
هههههههههههههههههههه
موظف
(0)   (0)
امنى من السيد المدير العام اغلاق موقع المؤسسة لان الاخبار تبقى اكثر من سنة ولا يقدم اي جديد ولا يواكب التطورات ولا عمل المؤسسة
محمد حبيب
(0)   (0)
ياسلام شكله الحبل على الجرار

ياشباب هي بلتنيوم لا شركة حماية ولا شي هدول شركة أستظافة بس
يعني عطو الخباز خبزه لو أكل نصه
نحنا وحد بيفهم با الصيانة بيصير خبير حماية مواقع .
بس بجد أن سمعت أن في هاكر محترف جدا" عم يأسس شركة أمن ألكتروني في سوريا في ويب أله www.HackingWiz.com
ِAbu Hadi- IT
(0)   (0)
I checked this website few minutes ago and it seems that the STE team restored an old version (2005) as it is the only backup they had to this website is five years old.
i'm really sorry regarding this case.
where is your plan B and your countermeasures my friends.
Thanks

ابو جانتي
(0)   (0)
الله محييكم الهاكرز السوري حبيابنا انتو
@المجروح@
(0)   (0)
ياؤيت يهكرو شركات الاتصالات ويسكرون لانو خربو بيتنا ياريت يا عكس السير تابعو العروض السواني لانو خربو بينتا خلصونا كرمال الله
HeRo HaCk
(0)   (0)
انا كمان يا شباب ببشركم انو رح تشوفو كتير من هالشغلات لأنو بيستاهلو والله يقدرني انو صير على طريق الاحتراف المطلوب ورح هكر كل موقع مقهور منو عنا واول موقع ......... التربية
ابو رشيد
(0)   (0)
اهم شي لاينسو موقع وزارة المازوت وموقع شركات الخليوي
معلمية
(0)   (0)
ابي تسولي الخط يلي سرعته 20 Mb بسعر 100 شهرياااااا يااااريت ياااااحلووويييين يلى سوووها حباااابين سوووهاااا مشكوررررين
يااااحلوين
ابو علي
(0)   (0)
ياريت تدخلوا على قسم الفواتير وتمسحوا الفواتير بلكي توفروا علينا ولا تنسوا فواتير الكهربا والمي وفرن الرازي وحلويات مهروسة وسوق العتمة وكل من تخول له نفسه العبس باموال المواطنين الكرام
ريما
(0)   (0)
شلون الخبير الفهيم تبع شركة الاتصالات بقول انو اسلوبن بسيط ومابعرف شو وبيستهزء فين بعدا بقول انو عجيب كيف قدروا اخترقوه وهو محمي من شركة عالمية!!!
حاجتو خرط بدو قرن ليوصل لمعلميتن يكون معلم ماكان صار هيك بشركتو..!
وعقبال يارب مايهكروا موقع سرياتل خربت بيتنا الله يخرب بيتن
ابة الهول
(0)   (0)
ليش الشباب الهكرز ما حطولنا التسعيرة الجديدة---واذا في مجال تحاولو تلغو فواتير الهاتف كم شهر خلونا نرتاح-----وانا بدي توصلولي النت باقصى سرعة واقل ثمن--- لاتنسونا ها---هههههههههههههههه
......P@L H4
(0)   (0)
Nice shbab allah y3teekom al 3fiah

mwf8een 2nshallah

:)

مازن
(0)   (0)
يعني كم هكر استطاعوا فعل ذلك معناها شو عامله اسرائيل فينا معناها معلوماتنا كلها عندن شي بيفرح وبيسود الوجه
osamagx
(0)   (0)
الله يعطيكن العافية طبعاً للهاكر ياريت بعد الأكتفاء من تدمير المواقع السورية و أنهاء تدريباتهن عليها منسمع أخباركن عن تدمير مواقع عالمية و منرفع راسنا فيكن و أنا بطلب من الحكومة تمدكن بأي شي بيلذمكن لانو هادا المفروض واجبها سلام
nedalo - lattakia
(0)   (0)
ههههههههههههههههههههه

الله محييكم يا ولاد البلد اي هيك ها ارفعو راس اللاذقية عاليا


بس امانة برقبتكم تخترقو السيرياتل و الام تي ان منشان نضحكلنا شوي لانو من زمااااااااااان ما ضحكت هيك من كل قلبي
بدون تعليق !!!
(0)   (0)
والله شي حلو اليوم هال يوم اللاوادقة تحدو ...بكرا الحلبية والشوام ,... بقا بدون يتراهنواا ويكسرو .... روسون ...
بس موقع مين عميخترقوا !!!!! والله عيب
طيب دي خليلي واحد هكر قال والله اخترقت موقع اباحي اجنبي...او اسرائيلي .... بعرف انو اشتراكات ال DSL غالية وانا عبتخورف كل شهر 3400 ليرة على الواحد ميغا ....ما عبقول شي !!! بس بهال طريقة مارح يحسنو يغيرو الواقع ...


شامي دمو حامي
(0)   (0)
بركي بتحطولنا خبر انو طار فجر ابراهيم
ومنتخبنا فاز على شي منتخب محرز
ناويين تنزلو تسعيرة البنزين شي؟
سلطان
(0)   (0)
هههههههههههه ملعوبة
لذيذ
(0)   (0)
الله يقويكن شباب ويكتر من امثالكن عهالوزارة الفاشلة
Latakian Engineer
(0)   (0)
حبيبي الشوام والحلبية بيكسرو روس بعض مو روس اللاوادقة دير بالك على حكيك عيني انت طبعا مع احترامنا لاهلنا في حلب والشام.
ولو راسك مانو مكسور ما بتجيب سيرة كسر الروس يا حبيب. وتحية لاصدقائنا بالشام وحلب
ميتلجي مرّ
(0)   (0)


واحد من قوانين الهكر قبل اختراق موقع لبلدو انو يراسل الادارة عن وجود ثغرة ولما ما بيسمعو من المرسل وقتها الاختراق واعذر من انذر

تاني شي الهكر موجود لاثبات قدرات وحماية مواقع بلدو


تالت شي انا بوعد الفريقين ا بالرد وبس ارد على مواقعكم واجهزتكم الشخصية رح تعرفوا مين الي عم يحكي معكن !!


سلام يا Baby HaCkErS

والله شي حلو كيبورد يا دوب تمسكو وقعت بايدكن Dvd تعليم صرتو تضربوا مواقع بلدكن طيييييييييييييب كلشي بوقتو حلو

XxXxXxXxXxXxXxXxX

احلى شبيحه
(0)   (0)
بتعرفو شو اقل الخبيراخصائي خلينا نلغي النت بسورية حتى ما يفوتو القرصنة ههههههههههههههههههههههههههههههه
<عفلا أبو العينين
(0)   (0)
ياجماعة هادا بوش وراء الموضوع؟
تمثيلية من تبعاتو؟؟؟؟؟؟؟
بنعطي جماعة هواة كمبيوتر أسرار الموقع وبنخليهم يلعبوا فيه, وبعدين ياشطار بكون عنا كامل الصلاحية لنحمي الموقع والمؤسسة وهون بيجي دور العقود, والكل بيعرف شو يعني عقود, وتحت الطاولة .
بعدين المؤسسات التانيةتبع الدولة لازم تحذوا حذو المؤسسة تبع الأتصالات لأنو حل المشكلة وهم أي الشركات التانية قبضوا المعلوم ولازم يستخدموا الأنظمة الجديدة اللتي لايستبعد أن تكون مدعومة من أعداء البلد ظاهرها حماية المواقع ومن الداخل التحكم واللعب بأسرار البلد؟؟؟؟
أنا غلطان شي؟؟؟؟؟
طالب
(0)   (0)
ارجو من هكرز اختراق شركات الخلوي وشركات مزودي خدمه النت الفاشل
فاضل
(0)   (0)
شباب اذا ممكن تخترقوا فرن الخبز بحارتنا.........
وبدل هيك تزودوا رغيف على الربطة.
يعني بتقولوا في تخفيض على adsl
اييييييييي
نحنا الحضارة والتطور لadsl
ما وصلت لعنا على قريتنا مع انها تبعد عن المدينة 5 كم ويوجد عنا مركز بريد مستقل وجديد 2008........
ابن اللاذقية بالرياض
(0)   (0)
افتخر اني سوري ومن اللاذقية كمان انا معكم بكل شي بتعملوه واكيد انتو عملتوا هالحركة لحتى توصلوا رسالة والرسالة وصلت بس اتمنى من كل قلبي انو تكملوا هالشي بكل الشركات اللي عم تستغل الشعب السوري وبتمنى من قلبي تكون شركة سيريتل اولها
تحياتي لكم
عوجة مستقيمة
(0)   (0)
ياجماعة هادي لعبة مكشوفة من وزارة الاتصالات ميشان يزبطولن كم عقد مع كم شركة أمنية أجنبية مع بداية العام بتعرفوا يعني تيبلعوا كم مليون قبل التغيير الوزاري المرتقب
الجاحظ
(0)   (0)
زعم الفرزدق أن سيقتل مربعاً
أبشر بطول سلامةٍ يا مربع
الوزير: خلل بسيط مومستاهلة
رئيس الوزراء: السنة الماضية صار خلل بالمازوت، وهي السنة يبدو أن الخلل تكرر، ومين عم يدفع ثمن هذه الأخطاء أكيد مو أجدادهم
الجاحظ
(0)   (0)
طفشوا البقية الباقية من الخبراء والمختصين وصاروا مغتربين، حتى تفضى الساحة للشباب
wolf
(0)   (0)
الله يعطيكم العافية والى الامام.....
hassan germany
(0)   (0)
الله محييكم الهاكرز السوري
مواطن
(0)   (0)
امان با ربي امان شلون ما شافتهم المخابرات السورية
مشكوريت=ن
(0)   (0)
الله يعطيكم العافية واهنئكم وزيد من مقدراتكم عالمواقع الأكبر يسلمو ايديكم
فيصل
(0)   (0)
الــخــبــر مــفــرح جــداً ,,,
خبير
(0)   (0)
لاختراق موقع الاتصالات ناحية اجابية للمؤسسة من حيث ان وجود خطأ يدل على مشكلة يجب ان تعالج.
ثانيا لا يمكن ان ننسف ما تقوم به المؤسسة من اعمال وجهود لمجرد اختراق موقع.
ثانيا للمجموعة اللتي ادعت اختراقها للموقع فهي مجموعة من الهواة اللذين لا يفقهون في المعلوماتية والمواقع شيء لماذا:
طريقة الاختراق تدل على انهم اخترقوا فقط الوحدة الخاصة بالاخبار فقط. وهذ واضح
ثانيا و بالتمعن بالامر فان ذلك لم يتم بسبب ضعف برمجيات الموقع او شركة الاستضافة حيث تم الاختراق بالدخول لمجلد الادارة حيث للاسف لم يتم تغير الاسم الافتراضي ومن ثم استخدام الاسم الافتراضي ايضا وهذا واضح.
وهذا يدل على عدم وجود اي خبرة لدى فريق الذي ادعا انه هكرز
لذلك نرجوى منهم توجيه جهودهم نحو المواقع العدو (اسرائيل -و العملاء.............)
ثانيا نطلب من ادارة عكس السير وتعديل الخبر حيث تم حذف الاخبار المعدلة من الموقع.
وشكرا
يابني حافظ على دينك تسلم اخرتك وجافظ على درهمك تسلم معيشتك
amr.h
(0)   (0)
طييييييبة
مستغرب
(0)   (0)
يعنى موقع خدمى للبريد شو فايدة اختراقو عمبيتشاطرو على مين

اذا لهى الدرجة فهايم خليهم
يقرصنو مواقع اجنبية معادية
مو اول شى يبداو بمواقع دولتهم
مدرب الهاكرز
(0)   (0)
روحو نحنا وراكن شباب بطريقكن شوفو mtn شو بدها حرام تحرموها من هالتعليمة هي كمان والله هي بتستاهل أكتر منن بس مثل ماعلمتكن تقيدوا وخلوا هالشباب تضل شباب
for ever
(0)   (0)
بالفعل شي بيفش الخلق
الى الأمام gooooooooooooal
خفيف الظل
(0)   (0)
على قولة جدي رحمة الله عليه : تعلم البيطرة بحمير السوق

جدي موشاطر غير على ستي
المغترب
(0)   (0)
عقبال ما يدخلوا على الاتحاد الرياضي العام ويفيقوا المسؤلين يلي نايمين ويشوفوا الرياضة العربية شلون تطورت مع أنو كنا سابقين الكل
متفاجئ
(0)   (0)
عقبال مايصير عندي هاكر او برنامج بيفتح كلمة سر ايميل حبيبي
احمد السوري
(0)   (0)
هههه
على فكره بعد ماااعدلو الموقع بالامس
تم الاختراق للمره الثانيه اليوم ايضا يعني تهكر الموقع مره تانيه اليوم وحط رسالة تانيه ههعهههه مسخره قال شركة امن الكتروني
cheguivara
(0)   (0)
لأنو مؤسسات الاتصال عندنا بالبلد صار لازم تزوق على نفسها.. أنا بجرمانا صار إلي 3 سنوات عم استنى خط هاتف أرضي (مو أنترنت ولا ADSL) ....
فتاةالاندلس
(0)   (0)
والله شي بيفرح
وبضم صوتي لكل الاصوات يلي عم تنادي بتخفيض
الدي اس ال
و3g
والى الامام يا مجموعة الهاكر
الله حيوا
(0)   (0)
عقال سيريتل و MTN
أبن الشام
(0)   (0)
موقدية دخول الموقع بس قدية البريد هلي تابع لشركات الخاصة والعمة كلهة دمرت وسبب مشاكل كتيرة
HTTP 404
(0)   (0)
احلى شي انو ما حستو يرجعو الصفحة الرئيسية دغري اما شو مهندسين على كل حال لا تاكلو هم اليوم بعت اخي الصغير يز بطلكون الاندكس عالقليل ازا حدا هر الموقغ مابيقولوا العالم شركة امن بيقلوا تصميم هاوي سوري ما حدا بيعتب عليه

مع تخيات طيب
SOMETHING
(0)   (0)
اكيد مبروك علينا بعدين مين عم يطلب مواقع معادية فتح عينك حباب الفيس بوك بده واسطة لتفتحه .ان شاء بيفوتوا على البنوك كمان ويمحسوا الحسابات اكيد ساعتها الدولة بتعترف فيهم لانه بتكون مبسوطة بتنام ع المصار ي اكيد
no hacker
(0)   (0)
يا شباب أنا مقدر موقفكم و عارف أنو نحنا مظلومين من ناحية غلاء أسعار الإتصالات كلها بس
الواقع أنو إختراق الموقع ضربة مو للدولة بس و لألنا نحن الشعب لأأنو هالشي رح يشوه صورتنا أما باقي الناس
فبنصح الهالكر أنو ما ينتقمو من الغلط قتل الخاطئ و الصح إنو يعالجو الخطأ و برجع بقول لهكر الاذقية شغلكم غلط.......!؟؟
مواطنة حلبية
(0)   (0)
لك نشالله مبروك وبدهون اكتر من عقبال سيرتيل وmtn يعني المواطن شو بدو يلحق فاتورة موبايل ولا وحدة ولا فاتورة الكهرباء والمي وبزيادة غلاوة خطوط الانترنيت يعني الي بيشتغلوا المواطن كلوا عم يطير باي باي لندن
ابوالنوس
(0)   (0)
هييييييييييي الطابة صارت بإيدينا هلا ..فرحت كتير و الله لل الخبر....شباب كان اخترقتو و اخترقتو شو بيطلع بإيديكو ساوو اللله يعطيكن الف الف عااافية
[email protected]
اناااااا
(0)   (0)
و الله شي بشرح القلب و الله بفرح كتييييييييييييييييييييير احلى تحية و احلى

قراصنة اللاذقية

تحيااااااااااااااااااااااااااااااااااااااااااااتي
تحياتي شباب يسلم دياتكن بلكي المرة الجاي ع شركات الخليوي الله يوفقكن
الجنزير
(0)   (0)
ههههههه صار لي زمان ما ضحكت ولسا احلى شي ان الله خلقنا لنعلم عليكم



شكرا هاكرز
عمر المشاكس
(0)   (0)
خخخخخخخخخ
عن جد أحلى خبر بسمعو بالألفين و عشرة
في الأنتظار
(0)   (0)
اي نحنا يصحلنا اشتراك ومامنختلف عالأشتراك منبوس ايدنا وش وئفا اذا صحلنا بوابة فاضيية
وائل
(0)   (0)
على فكره اليوم دفعت فاتورت تلفون ////طلع الزيادات الي مكتوبه على الفاتوره اكثر من 350 ليره سوري وما بقدر احكي بدك تدفع وتسكت ///
وبلنسبه لسيريا تل و ام تي ان حدث ولا حرج
على فكره حدا منكم قراء العقد بس شو الفيده مافي غيرن بدل ومابدك
شي حدا
(0)   (0)
حسبنا الله وونعم الوكيل
عاشق حلب
(0)   (0)
الله ياعطيكن العافية بس تغدروا تخترقوا الكهربا حتى تخلصونا من ظلم العداد الذي بيحط على كيفو وهوي ببيتو
صوت الحرية
(0)   (0)
تحية لعكس السير وسياسته الهادفة إلى كشف الحقائق ورتق الصدع بوطننا الغالي ...

سيدي رئيس تحرير عكس السير المحترم

بإسمي وجميع السوريين الشرفاءء أطالب بفتح موضوع تصويت على خدمات الخلوي وأسعارها في سوريا وأن نحذوا حذو الشعب المصري الذي أوقف قرار وزير الاتصالات ((الانترنت العادل)) الذي يحدد استخدام الADDSL ضمن شرائح بالميغا بايت وتم الغاء القرار بعد اسبوع واحد

-قاموا بقطع الانترنت في بيوتهم لمقاطعة شركات الانترنت

- قاموا بالنزول للشارع ورفع لافتة لا لتحديد الانترنت مما اضطر وزير الاتصالات للعدول علن القرار

نرجوا السماح للناس بإعطاء آرائهم
كما أرجو النشر إذا لم يكن مخالفاً للقانون .

كل الشكر والتحية لشعبنا وقائدنا الذي فتح بوابة العلوم والتكنولوجيا لشعبه .
ابو حزينة
(0)   (0)
الله لا يقيمكن
خخخخخخخخخ
>>>> SyriaN HaCkEr <<<<
(0)   (0)


أول شي مسا الخير ... يا شباب ..

وتاني شي آسف أني تأخرت بالرد لهيك وقت .. بس من جديد لصرلي خبر .. أنو نزلتو الخبر عنكون ..


شوفو يا شباب .. بجوز يلي مابيعرف مين أنا يقول هاد واحد كذاب وقاعد عم يخرط على هالناس.. بس يلي حابب يتأكد يفوت على الزون إتش ويتأكد من يلي بقولو ...

ويلي مابيعرف الزون إتش = (( الزون إتش أشهر موقع عالمي .. لتسجيل الإختراقات ))

أنا
>>>> SyriaN HaCkEr <<<<


مدير مجموعة سيريا تيم .. أو مايسمى بال Syrian Hackers للقرصنة ..

نحن المجموعة تبعنا معروفة .. بالمواقع العربية .. متل منظمة الإختراق العالمية

ومتل موقع الزون إتش ... تبع تسجيل الإختراقات ..

نحن ماعملنا ... ولا منعمل هيك شي ...

لأنو مو المرجلة بالتعدي على مواقع بلدنا ....

نحن صح منضرب كتير .. مواقع ... وسيرفرات ..

بس بحياتنا ماقربنا على شي بيخص البلد ... بغض النظر عن مشاكل الإنترنيت
والإتصال
والمؤسسة العامة للإتصالات

بس مو شغلنا نحن نحاسبون ..

أول شي في حكومة تحاسبون

وتاني شي في رب بيحاسبون ..

وبتضل المراجل بضرب المواقع العبرية .. واليهودية ... والجنسية .. واللي بتحكي على ديننا ورسولنا ... بغض النظر شو كانت جنسيتها ....


و الله يعطيكون العافية


سوري متغرب و متميز
(0)   (0)
اول شي مبروك عليكم الاختراق للمةاقع السورية و ثاني شي بتمنى من الحكومة تتعاقد مع هيك هكرز سوري من نفس بلدها لتحمي مواقع بلدها بدل ما تصرف ملايين الدولارات على برى تعطي هالملايين للشباب الهكر السوريين يالي اثبتو جدارة باختراق موقع محمي من خبراء على حد قولكم ( اجانب ) هههههه و الله ما في حد بحمي امن البلد مثل ابن البلد و تاني شي بدل مل يندفع برى بالدولار ملايين ادفعوا لهالشباب السوري بالملايين بس بالليرة و شوفوا قوتهم بحماية امن البلد افهموا بقا نحنا احق بحماية معلومات بلدنا من غيرنا لك نحنا ان كنا باوروبا او بالخليج نحنا يالي متميزين السوريين و بس بس كم مليون و بالسنة و بتشوفوا الفرق صدقوني خلو هالمسئولين يجربوا اولاد البلد بس شي مرة لك و الله مستعدين نصنع حتى مراكب فضائية بس جربوا
سيباويه
(0)   (0)
زكاتك خاي بلكي بتمرو على
mtn &syriatel
رنا
(0)   (0)
منتمنى يلغوا الفواتير
محمد
(0)   (0)
Hi

أهلا بكم في منظمة الهكر السوري



كـرٍهت الـحب وآلتدريس ولآلـي بآلقـلم خـآطر ..... آلـلـه يلـعنك يآ أبلـيس خلـيتني بآلهكر شآطر

XeEd SyRiAn HaCkEr
[email protected]
BY XEED
(0)   (0)
نعاود التكرار عن موضوع الانترنت في سوريا نرجو وضع جدول زمني يدرس به هذه الحالة من غلاء اسعار الانترنت بسوريا وبسرعات فاشلة جدا جدا
يوجد في بعض الدول العربية والاوربية رخص في اسعار الانترنت والسرعة في المعقول دون اي معاملات كأنك فايتت بشي جريمة قتل وسرعة اذا بتكبس زر على شي صفحة بتروح الحمام وبترجع وبتلاقي الصفحة غاصة يادوبا عم تفتح ولله عيب عليك بربي حرام عالجو هالامر مع تحيات ( قراصنة اللاذقية ) (القرصان الاحمر بطاطا)


مؤامرة
(0)   (0)
والله الخوف ما تكون مؤامرة شخص سرب معلومات عن المؤسسة من شان تدفع المؤسسة تكاليف حماية جديدة ويكون في اشخاص منتفعين من هالقصة وغيرها . يعني الموقع من 20 سنة ما صابو شي اش معنى هلئ على اخبارو الحديثة الا عن مواضيعو الشيقة الا على مواكبتو للتطورات الجديدة. صارت هالحركات باب رزق لاصحاب النفوس الضعيفة. وفهمكن كفاية وعلى فكرة الردود ممكن تشكل استبيان على موقف المواطنين من الاسعار البرجوازية للخدمات البريدية.
محمد السوري755
(0)   (0)
الله يعطيكم العافيه هيك بتفرجو الحكومه بانو عنه طاقات مبدعه ومافي حدى عم يستفاد منها لو انو جمعو هل الطاقات وظفوه لخدمت البلد وطوروه مين كان رح يحتاج لشركه اجنبه للامن وحتى اذا كانت قصه خياليه من صنع مين ما كان يعني في لعب بلاتفاقيات العقود للشركه والا ما كان حدا في يخترق الموقع وين التامين يعني اكيد العقد ينص على بنود اذا تم اختراق الموقع مثل دفع مبالغ مثلا وشكراااااا للجميع محب الوطن
طبيب مغترب
(0)   (0)
في عنا شباب بنشد فين الظهر
أكيد هيك فصل رح تهز الوزارة
بس لازم كمان فصل تاني بش مؤسسة قوية مشان الحكومة تفهم وماتجيب اجانب لاماكن حساسة
تحياتي لأحلى شعب الشعل السوري
مقهورة
(0)   (0)
الله يخليكم في اي عبقري يخبرني كيف بعرف معلومات عن الشخص اللي بيتصل برقمي ويزعجني ليل ونهار من خلال معرفة رقم المتصل من شبكة mtn والله رح يجنني رسائل واتصالات بدي اعرف مين هاد
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " فلاش "

11-3-2015
تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو )
تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو )   عكس ...


11-3-2015
المحيسني لفضل شاكر : كن داعية إلى الله بصوتك و لا تعد إلى مسارح اللهو و الغناء
وجه القيادي السعودي المتواجد في سوريا، عبدالله المحيسني، رسالة إلى الفنان اللبناني، فضل شاكر، الذي كان قد خرج ...


11-3-2015
إتهامات عديدة و حديث عن أدلة موثقة .. المليشيات الكردية تواصل ارتكاب الانتهاكات ضد العرب في سوريا ( فيديو )
تشير أصابع الاتهام والإدانة الموثقة إلى مليشيات كردية بارتكاب انتهاكات بحق عشرات الآلاف من المواطنين العرب في محافظة ...


10-3-2015
اعترف ببناء منشأة غاز في مناطق سيطرة التنظيم .. جورج حسواني ينفي تورطه بشراء نفط لنظام الأسد من تنظيم "داعش"
 نفى رجل الأعمال السوري جورج حسواني اتهام الاتحاد الأوروبي له بأنه اشترى نفطاً للنظام السوري من تنظيم "داعش" ...


10-3-2015
لقاء " سري " بموافقة المخابرات الفرنسية يجمع علي مملوك بـ " موظف فرنسي كبير " في دمشق
قالت وسائل إعلام فرنسية إن لقاء سرياً جمع واحداً من أبرز موظفي وزارة المالية الفرنسية، مع اللواء علي ...


10-3-2015
المعارضة ليست ضد مؤسستي الجيش و الشرطة .. خالد خوجة يهاجم سعي أمريكا لتدريب المعارضين : غير كاف و لا معنى له
قال رئيس الائتلاف السوري خالد خوجة، إن ما يسعى الأميركيون للقيام به لجهة تدريب 15 ألف معارض خلال ...


10-3-2015
قال إنه لم يعتزل و أكد تواجده في سوريا .. جمال معروف : نقاتل من دون تسمية خوفاً من تنظيم القاعدة
دحض جمال معروف قائد «جبهة ثوار سوريا» كل المعلومات التي أفادت باعتزاله العمل العسكري وانكفائه في تركيا منذ ...


10-3-2015
ناشط سوري و عروسه يتبرعون بنفقات حفل زواجهم لإقامة مهرجانات للأطفال المحاصرين من قبل قوات الأسد ( صور )
احتفل الناشط السوري "أحمد أبو الخير" المقيم في مدينة اسطنبول بتركيا بزواجه بإقامة حفلات و مهرجانات للأطفال المحاصرين ...