بعد يومين على اختراق موقع البريد .. " هاكرز" يخترقون موقع السورية للاتصالات ويخفضون أسعار الـ ADSL الاحد - 17 كانون الثاني - 2010 - 14:34 بتوقيت دمشق
التفاصيل
قام مجموعة من " الهاكرز " اطلقوا على انفسهم اسم " قراصنة اللاذقية " باختراق موقع المؤسسة العامة للاتصالات ( السورية للاتصالات ) ، وقاموا بتغيير بعض عناوين الأخبار والأقسام . وعنون " الهاكرز " بعض الأخبار التي كانت موجودة على الصفحة الرئيسية للموقع بعناوين خاصة ، منها " الهاكرز يقتل ولايرحم .. قراصنة اللاذقية " ، و " يرجى تعديل بياناتكم قبل أن يضرب الموقع بالكامل .. هاكر سوري يشكر حسن سماعكم له " ، و " نحن هاكر مسالم لانريد أن نؤذي ". وفي أغرب عنوان تركه " الهاكر " كتب : " الهاكر السوري يخفض أسعار الـ ADSL " في الوقت الذي لم يذكر فيه أي تفصيل آخر . ويأتي اختراق موقع " السورية للاتصالات " بعد يومين على اختراق موقع البريد السوري من قبل مجموعة " هاكرز " أخرى اطلقوا على أنفسهم اسم " syrian hackers team " . واعتبر أحد أخصائيي البرمجة أن مجموعة " الهاكرز " الذي قرصنوا موقع السورية للاتصالات " مجموعة من الهواة خفيفي الظل " ، واستدل على ذلك من خلال الطريقة التي قرصنوا فيها الموقع . فيما استغرب المبرمج تمكن " الهاكرز " من اختراق الموقع ( السورية للاتصالات ) على الرغم من كونه محمي من قبل شركة عالمية مختصة في حماية المواقع . وأشار عدد من المراقبين إلى أن اختراق الموقع والرسائل التي تركها " الهاكرز " تعبر عن احتجاجهم على نوعية وأسعار الخدمة التي تقدمها " السورية للاتصالات ". يذكر أن موقع البريد السوري عاد للعمل في وقت متأخر من ليل أمس السبت ، فيما لايزال موقع " السورية للاتصالات " مقرصناً حتى لحظة كتابة الخبر . يشار إلى أن الموقع منفذ من قبل شركة " بلاتينيوم " السنغافورية التي افتتحت فرعاً لها في سوريا عام 1991 ، وهي شركة مختصة بأمن المعلومات ، وقامت بعدة شراكات تقنية واستراتيجية مع منظمات وشركات عالمية تعنى بهذا الأمر الهام جداً في مجال المعلومات ومنهم مجموعة " زون اتش " وخاصة مع مجموعة الشركات التي انضمت إليهم بلاتينيوم والمسؤولين عن الموقع حيث ان دور شركة بلاتينيوم هو إدارة ارشيف الاختراقات الالكتروني. وتعتبر " بلاتينيوم " الشركة الأكثر تعاقداً مع القطاع العام لتنفيذ المواقع الحكومية السورية كموقع صحيفة " البعث " . علاء حلبي - عكس السير مواضيع متعلقة : " هاكرز " يخترق موقع المؤسسة العامة للبريد السورية و يترك رسالة تقول " إن الله خلقنا لنعلّم عليكم " |
انتوا صرتوا تقولوا انو اخترق موقع مؤسسة البريد
لأنو سكربت مفتوح المصدر
طيب هي برمجية خاصة واخترقوها
وأكبر دليل على الفشل..بقاء الموقع للحظة ، "ملخبط" وكلمة "بدعم من بلاتينيوم" لاتزال في الأسفل!
يبدو أن بلاتينيوم تحولت لخشب منخو هي الأخرى!
عنجد عطرتوا
ياهك الإختراق يابلا
بلكي بتمرو على كل المواقع السورية وبتخبصوا شوي
خلي يحسو بالشعب المظلوم
و معاقبتها على اسعارها
انتم الوحيدون الآن القادرين على ذلك
و ننتظر أن نسمع أخباركم
وإلى الامام
وياريت المرة القادمة سيرتيل وال م تي ان
عقبال الكهربا والمي ولو المازوت تزبطولنا ياه كمان
وبطريقكن اذا في مواقع للدردري والحسين
يا اخي من زمان ما شمتنا بحدا عطول هنن شمتانين فينا هلق أجا دورنا نشمت فيكن
ولأ والابشع من هيك كل دوائر الدولة بتعتمد على هي الشركة بالامن والحماية
الرجاء من الجهات المختصة متابعة الموضوع واخذه على محمل الجد وكفانا تقصير وعبث
إضافةً إلى أن مستوى الخدمة زباااالة .
أنا كل ما اتصلت بحدا عالمحمول بحس اني انبلصت , يعني عم انبلص بمعدل 5 مرات باليوم بفضل وزارة الاتصالات السورية و الماسكينها , الله لا يشبعن هنن و شركائهم البالعين السوق , أنا بدعي عليهم كل يوم بالافلاس و انهيار أسهمهم بالبورصة .حدهم جهنم هني و أموالهم اللي بسويسرا.
و أنا من هنا أعلن استعدادي للمشاركة بأي مقاطعة لأي خدمة للاتصالات بسورية . خليهم يعرفوا انه المواطن السوري عنده شوية كرامة و احساس , و فيه يرفض بضاعتهم السيئة .
انا وكل سوري شاكرين لهم
بس ياريت يصير هدا الشي على
mtn &syriatel
رجاء حار ياشباب
ياشباب الهاكرز اللاذقية
سورية بحاجة الى هذه الابداعات لكي نبدا المسيرة يللي سبقنا الغرب بها من زمان
بس بليز شباب اخترقو شي يوم شركات الموبايل بلكي بيخفضو التعريفة
ياشباب هي بلتنيوم لا شركة حماية ولا شي هدول شركة أستظافة بس
يعني عطو الخباز خبزه لو أكل نصه
نحنا وحد بيفهم با الصيانة بيصير خبير حماية مواقع .
بس بجد أن سمعت أن في هاكر محترف جدا" عم يأسس شركة أمن ألكتروني في سوريا في ويب أله www.HackingWiz.com
i'm really sorry regarding this case.
where is your plan B and your countermeasures my friends.
Thanks
يااااحلوين
حاجتو خرط بدو قرن ليوصل لمعلميتن يكون معلم ماكان صار هيك بشركتو..!
وعقبال يارب مايهكروا موقع سرياتل خربت بيتنا الله يخرب بيتن
الله محييكم يا ولاد البلد اي هيك ها ارفعو راس اللاذقية عاليا
بس امانة برقبتكم تخترقو السيرياتل و الام تي ان منشان نضحكلنا شوي لانو من زمااااااااااان ما ضحكت هيك من كل قلبي
بس موقع مين عميخترقوا !!!!! والله عيب
طيب دي خليلي واحد هكر قال والله اخترقت موقع اباحي اجنبي...او اسرائيلي .... بعرف انو اشتراكات ال DSL غالية وانا عبتخورف كل شهر 3400 ليرة على الواحد ميغا ....ما عبقول شي !!! بس بهال طريقة مارح يحسنو يغيرو الواقع ...
ومنتخبنا فاز على شي منتخب محرز
ناويين تنزلو تسعيرة البنزين شي؟
ولو راسك مانو مكسور ما بتجيب سيرة كسر الروس يا حبيب. وتحية لاصدقائنا بالشام وحلب
واحد من قوانين الهكر قبل اختراق موقع لبلدو انو يراسل الادارة عن وجود ثغرة ولما ما بيسمعو من المرسل وقتها الاختراق واعذر من انذر
تاني شي الهكر موجود لاثبات قدرات وحماية مواقع بلدو
تالت شي انا بوعد الفريقين ا بالرد وبس ارد على مواقعكم واجهزتكم الشخصية رح تعرفوا مين الي عم يحكي معكن !!
سلام يا Baby HaCkErS
والله شي حلو كيبورد يا دوب تمسكو وقعت بايدكن Dvd تعليم صرتو تضربوا مواقع بلدكن طيييييييييييييب كلشي بوقتو حلو
XxXxXxXxXxXxXxXxX
تمثيلية من تبعاتو؟؟؟؟؟؟؟
بنعطي جماعة هواة كمبيوتر أسرار الموقع وبنخليهم يلعبوا فيه, وبعدين ياشطار بكون عنا كامل الصلاحية لنحمي الموقع والمؤسسة وهون بيجي دور العقود, والكل بيعرف شو يعني عقود, وتحت الطاولة .
بعدين المؤسسات التانيةتبع الدولة لازم تحذوا حذو المؤسسة تبع الأتصالات لأنو حل المشكلة وهم أي الشركات التانية قبضوا المعلوم ولازم يستخدموا الأنظمة الجديدة اللتي لايستبعد أن تكون مدعومة من أعداء البلد ظاهرها حماية المواقع ومن الداخل التحكم واللعب بأسرار البلد؟؟؟؟
أنا غلطان شي؟؟؟؟؟
وبدل هيك تزودوا رغيف على الربطة.
يعني بتقولوا في تخفيض على adsl
اييييييييي
نحنا الحضارة والتطور لadsl
ما وصلت لعنا على قريتنا مع انها تبعد عن المدينة 5 كم ويوجد عنا مركز بريد مستقل وجديد 2008........
تحياتي لكم
أبشر بطول سلامةٍ يا مربع
الوزير: خلل بسيط مومستاهلة
رئيس الوزراء: السنة الماضية صار خلل بالمازوت، وهي السنة يبدو أن الخلل تكرر، ومين عم يدفع ثمن هذه الأخطاء أكيد مو أجدادهم
ثانيا لا يمكن ان ننسف ما تقوم به المؤسسة من اعمال وجهود لمجرد اختراق موقع.
ثانيا للمجموعة اللتي ادعت اختراقها للموقع فهي مجموعة من الهواة اللذين لا يفقهون في المعلوماتية والمواقع شيء لماذا:
طريقة الاختراق تدل على انهم اخترقوا فقط الوحدة الخاصة بالاخبار فقط. وهذ واضح
ثانيا و بالتمعن بالامر فان ذلك لم يتم بسبب ضعف برمجيات الموقع او شركة الاستضافة حيث تم الاختراق بالدخول لمجلد الادارة حيث للاسف لم يتم تغير الاسم الافتراضي ومن ثم استخدام الاسم الافتراضي ايضا وهذا واضح.
وهذا يدل على عدم وجود اي خبرة لدى فريق الذي ادعا انه هكرز
لذلك نرجوى منهم توجيه جهودهم نحو المواقع العدو (اسرائيل -و العملاء.............)
ثانيا نطلب من ادارة عكس السير وتعديل الخبر حيث تم حذف الاخبار المعدلة من الموقع.
وشكرا
يابني حافظ على دينك تسلم اخرتك وجافظ على درهمك تسلم معيشتك
اذا لهى الدرجة فهايم خليهم
يقرصنو مواقع اجنبية معادية
مو اول شى يبداو بمواقع دولتهم
على فكره بعد ماااعدلو الموقع بالامس
تم الاختراق للمره الثانيه اليوم ايضا يعني تهكر الموقع مره تانيه اليوم وحط رسالة تانيه ههعهههه مسخره قال شركة امن الكتروني
وبضم صوتي لكل الاصوات يلي عم تنادي بتخفيض
الدي اس ال
و3g
والى الامام يا مجموعة الهاكر
مع تخيات طيب
الواقع أنو إختراق الموقع ضربة مو للدولة بس و لألنا نحن الشعب لأأنو هالشي رح يشوه صورتنا أما باقي الناس
فبنصح الهالكر أنو ما ينتقمو من الغلط قتل الخاطئ و الصح إنو يعالجو الخطأ و برجع بقول لهكر الاذقية شغلكم غلط.......!؟؟
[email protected]
قراصنة اللاذقية
تحيااااااااااااااااااااااااااااااااااااااااااااتي
تحياتي شباب يسلم دياتكن بلكي المرة الجاي ع شركات الخليوي الله يوفقكن
وبلنسبه لسيريا تل و ام تي ان حدث ولا حرج
على فكره حدا منكم قراء العقد بس شو الفيده مافي غيرن بدل ومابدك
سيدي رئيس تحرير عكس السير المحترم
بإسمي وجميع السوريين الشرفاءء أطالب بفتح موضوع تصويت على خدمات الخلوي وأسعارها في سوريا وأن نحذوا حذو الشعب المصري الذي أوقف قرار وزير الاتصالات ((الانترنت العادل)) الذي يحدد استخدام الADDSL ضمن شرائح بالميغا بايت وتم الغاء القرار بعد اسبوع واحد
-قاموا بقطع الانترنت في بيوتهم لمقاطعة شركات الانترنت
- قاموا بالنزول للشارع ورفع لافتة لا لتحديد الانترنت مما اضطر وزير الاتصالات للعدول علن القرار
نرجوا السماح للناس بإعطاء آرائهم
كما أرجو النشر إذا لم يكن مخالفاً للقانون .
كل الشكر والتحية لشعبنا وقائدنا الذي فتح بوابة العلوم والتكنولوجيا لشعبه .
أول شي مسا الخير ... يا شباب ..
وتاني شي آسف أني تأخرت بالرد لهيك وقت .. بس من جديد لصرلي خبر .. أنو نزلتو الخبر عنكون ..
شوفو يا شباب .. بجوز يلي مابيعرف مين أنا يقول هاد واحد كذاب وقاعد عم يخرط على هالناس.. بس يلي حابب يتأكد يفوت على الزون إتش ويتأكد من يلي بقولو ...
ويلي مابيعرف الزون إتش = (( الزون إتش أشهر موقع عالمي .. لتسجيل الإختراقات ))
أنا
>>>> SyriaN HaCkEr <<<<
مدير مجموعة سيريا تيم .. أو مايسمى بال Syrian Hackers للقرصنة ..
نحن المجموعة تبعنا معروفة .. بالمواقع العربية .. متل منظمة الإختراق العالمية
ومتل موقع الزون إتش ... تبع تسجيل الإختراقات ..
نحن ماعملنا ... ولا منعمل هيك شي ...
لأنو مو المرجلة بالتعدي على مواقع بلدنا ....
نحن صح منضرب كتير .. مواقع ... وسيرفرات ..
بس بحياتنا ماقربنا على شي بيخص البلد ... بغض النظر عن مشاكل الإنترنيت
والإتصال
والمؤسسة العامة للإتصالات
بس مو شغلنا نحن نحاسبون ..
أول شي في حكومة تحاسبون
وتاني شي في رب بيحاسبون ..
وبتضل المراجل بضرب المواقع العبرية .. واليهودية ... والجنسية .. واللي بتحكي على ديننا ورسولنا ... بغض النظر شو كانت جنسيتها ....
و الله يعطيكون العافية
أهلا بكم في منظمة الهكر السوري
كـرٍهت الـحب وآلتدريس ولآلـي بآلقـلم خـآطر ..... آلـلـه يلـعنك يآ أبلـيس خلـيتني بآلهكر شآطر
XeEd SyRiAn HaCkEr
[email protected]
يوجد في بعض الدول العربية والاوربية رخص في اسعار الانترنت والسرعة في المعقول دون اي معاملات كأنك فايتت بشي جريمة قتل وسرعة اذا بتكبس زر على شي صفحة بتروح الحمام وبترجع وبتلاقي الصفحة غاصة يادوبا عم تفتح ولله عيب عليك بربي حرام عالجو هالامر مع تحيات ( قراصنة اللاذقية ) (القرصان الاحمر بطاطا)
أكيد هيك فصل رح تهز الوزارة
بس لازم كمان فصل تاني بش مؤسسة قوية مشان الحكومة تفهم وماتجيب اجانب لاماكن حساسة
تحياتي لأحلى شعب الشعل السوري
11-3-2015 تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) تراشق بالتصريحات و حرب كلامية بين مندوبة بشار الأسد و المندوب القطري في الأمم المتحدة ( فيديو ) عكس ... |
11-3-2015 المحيسني لفضل شاكر : كن داعية إلى الله بصوتك و لا تعد إلى مسارح اللهو و الغناء وجه القيادي السعودي المتواجد في سوريا، عبدالله المحيسني، رسالة إلى الفنان اللبناني، فضل شاكر، الذي كان قد خرج ... |
11-3-2015 إتهامات عديدة و حديث عن أدلة موثقة .. المليشيات الكردية تواصل ارتكاب الانتهاكات ضد العرب في سوريا ( فيديو ) تشير أصابع الاتهام والإدانة الموثقة إلى مليشيات كردية بارتكاب انتهاكات بحق عشرات الآلاف من المواطنين العرب في محافظة ... |
10-3-2015 اعترف ببناء منشأة غاز في مناطق سيطرة التنظيم .. جورج حسواني ينفي تورطه بشراء نفط لنظام الأسد من تنظيم "داعش" نفى رجل الأعمال السوري جورج حسواني اتهام الاتحاد الأوروبي له بأنه اشترى نفطاً للنظام السوري من تنظيم "داعش" ... |
10-3-2015 لقاء " سري " بموافقة المخابرات الفرنسية يجمع علي مملوك بـ " موظف فرنسي كبير " في دمشق قالت وسائل إعلام فرنسية إن لقاء سرياً جمع واحداً من أبرز موظفي وزارة المالية الفرنسية، مع اللواء علي ... |
10-3-2015 المعارضة ليست ضد مؤسستي الجيش و الشرطة .. خالد خوجة يهاجم سعي أمريكا لتدريب المعارضين : غير كاف و لا معنى له قال رئيس الائتلاف السوري خالد خوجة، إن ما يسعى الأميركيون للقيام به لجهة تدريب 15 ألف معارض خلال ... |
10-3-2015 قال إنه لم يعتزل و أكد تواجده في سوريا .. جمال معروف : نقاتل من دون تسمية خوفاً من تنظيم القاعدة دحض جمال معروف قائد «جبهة ثوار سوريا» كل المعلومات التي أفادت باعتزاله العمل العسكري وانكفائه في تركيا منذ ... |
10-3-2015 ناشط سوري و عروسه يتبرعون بنفقات حفل زواجهم لإقامة مهرجانات للأطفال المحاصرين من قبل قوات الأسد ( صور ) احتفل الناشط السوري "أحمد أبو الخير" المقيم في مدينة اسطنبول بتركيا بزواجه بإقامة حفلات و مهرجانات للأطفال المحاصرين ... |