حكايا نسوان حلب في "كتاب اللباد " السبت - 16 نيسان - 2011 - 6:40 بتوقيت دمشق
التفاصيل
امتلأت موسوعة حلب المقارنة للعلامة خير الدين الأسدي بالمعتقدات الخرافية الشائعة بين النسوان في حلب, والتي أوردها تحت تصنيف كتاب اللباد. و هو يقول : كْتاب اللبّاد: اسم كتاب وهمي لا وجود له، يريدون به مجموعة اعتقادات النساء الخرافيّة. ويزعمون أنه كان سفراً ضخماً ثم احترق وبقي منه صفحة واحدة سطت عليه الأرضة (فسفسة ورق الكتب)، بقي منها جزء هو ما في صدور النسوان. عائلة حلبية سأورد بعض ما جمعته من تعاليم كتاب اللباد و أضيف ما اعتقد انه العبرة من هذا الاعتقاد السائد : - اللي مابجيب آلة الخزۤانۤة ليلة عرسو بتبقى مرتو عينا جوعانة طول عمرا. و العبرة : حث الرجل على التحلي بالكرم مع زوجته. - اللي بتاكل لبلوب البصلة او لبلوب الخسّة بس وبتكبّ بقيّتا بموت أبوَّا وأمّا. و العبرة : حض المرأة على عدم التبذير. - إذا تعذبت المرا في الطلق بكون عمر ابنا طويل. العبرة : تصبير المرا على تحمل ألم الطلق. - إذا حكّتك إجرك بكون بدك تدوس أرض جديدة. العبرة : تشجيع الزيارات والسيبانات. - اللي بنام واجريه عالقبلة بتقصر اجريه. و العبرة : احترام بالغ للقبلة الشريفة . - البقتل قطة ملزوم يوم القيامة يعبّي اجريها دهب. العبرة : الحض على العطف على الحيوان. - اللي بْتخسۤل أربعين أحد ورا بعضا بتتْزَنْكنَ. العبرة : حض على النظافة. - لازم العروس تاخد معا من بيت أبوّا عجينة وتلزقا بحيط بيت آحماها تتلزّق هيّه معها. العبرة : عدم تشجيع العروس على الجرد.
- إذا عدّۤت المرا فوق الميّۤة اللي انخسل فيّا الميّت بجيّا ولد إلوٓ غطة قلب. العبرة : حض المرأة على عدم الدخول إلى الغرقة التي يتم تغسيل الميت فيها. - اللي بتساوي كبّۤة نيّة تلت أياۤم ورا بعضا بتطيّر بركة البرغل. العبرة :الحض على التوفير المتثل في ثمن الهبرة. تقول البركة إلها أجنحة!! - البتنام بكيانۤة بطلعلا شعر جوّات عيونا. العبرة : تشجيع على التخلي عن الحزن. - إذا الكنّة سحرت حماتا أو بالعكس: الحماية سحرت كنتا ، ما بنفكّ هالسحر إلا إذا تخسّلت المسحورة بالقليط ( أي مجرى المياه القذرة ). العبرة : هل يمكن أن يكون ذلك دعوة نحو تحقير الذات وبالتالي دعوة نحو التواضع. - اللي بتشلح جرابا قبل ما تشلح ملحفتا ما بتجوّزوا بناتا. العبرة : دعوة إلى عدم العيش بشكل عشوائي. - إذا عدّت عروس عباب حمّام بتخطفلا الجان جوزا. العبرة : هل يعني أنه يفضل على المرأة أن لا تمر بحارة فيها حمام؟ - اللي بتشعل الضوّ قبل المغرب بتجيّا جيجة الفقر. العبرة : دعوة نحو عدم التبذير. - إذا حدا فشخ فوق الحبلى بموت ابنا بقلبا. العبرة : تقليل من احتمال التعثر فوق بطن الحامل. - إذا كبّينا ميّة الخسيل بالليل بتترل في حلوق امواتنا. العبرة : دعوة إلى عدم تأجيل الغسيل. - مابنضرب الولد في الخارج لأنّو بلطشوه الجان. ( الخارج هو دورة المياه ) العبرة : دعوة نحو الابتعاد عن التعامل بعنف مع الأطفال.
- اللي مابكون بلقن خسيلا سخرة بنكب لقن خسيلا.( المقصود بسخرة أي تغسل لغيرها مجانا ) العبرة : دعوة رائعة نحو التعاون. - إذا غابت الشمس والمرا عم تنشر غسيلا بكون جوزا بدّو يطلقا. العبرة : كسل المرأة في اداء واجباتها سيؤدي حتما للطلاق . - اللي بتنشّف لقن خسيلا بعد أول تمّ ، بتجي ستنا بلقيس وبتعاونا. العبرة : اتقان العمل . - إذا كتّينا ميْ سخنة بلقن لخسيل وما كان فيه خسيل بحاسبنا اللقن يوم القيامة. العبرة : عدم التبذير بتسخين المياه بلا طائل . - البمدّ راسو عالجب بخطفوٓ شيخ الجب( أوبسحبو). العبرة :يوهمون الأولاد أن للجب شيخاً من نوع الجان و الهدف هو التحذير عبر التخويف. - البمسح راس اليتيم تلت مرّات بتنكتبلو حجّة. العبرة : الحض على عمل الخير. - البقطب توبو وهوّه لابسو بتجيه الرزيّة. العبرة : دعوة غير مباشرة للتأني وإعطاء الأعمال ما تحتاج إليه من وقت. - الببعج الرغيف من نصّو تياكلو برو فقي. و البقسم الرغيف بإيد وحدة مو بإيدتين بتيبس إيدو؟ العبرة : دعوة نحو اتباع اتيكيت أثناء تناول الطعام. - البياكل ملطنجرة بتنزل مطر بعرسو. ( المطر يعكّر العرس لأنه غالباً ما يجري العرس في أرض الحوش . ) العبرة : حض على عدم تناول الطعام بشكل فوضوي. - إذا عدّت العروس قدّام حمّام بخطفوّا الجان إلا إذا كسروا شربة مي قدّام الحمّام وفشخت من فوقا. الغريب ان هنالك مخاوف عجيبة من دخول العروس للحمام؟ لقد أغلقت حمام يلبغا وتحولت إلى مصنع لبابيد بعد أن اختفت فيها عروس. - منشان يكون سعد العروس كويّس لازم ليلة الدخلة تدخل عالخارج وترقصلا شوي فيه: أنّو ولو هزّة خصر، تيرقصلا السعد. العبرة : عجب لتدريب العروس على حقيقة أن تنفيذ أعمال تافهة قد تكون سبب سعادة المرأة. - البكنّس بالليل بقلّع الملايكة. إذا انجبرتي تكنسي بالليل لازم تحرقي شْوي ما لمكنسة تما يموت حدا. العبرة : حض غلى عدم تأجيل الأعمال المنزلية. - البشخ بجرن الحمّام بضيّع قميصو. العبرة : حض على النظافة والطهارة. - إذا كبۤر إبنۤك وما مشي طعمي القطاط معلاق بمشِي. العبرة : حض على الرفق بالحيوان. - البنت البتكنّس بيتا وما بتنضفو مليح بجيّا جوْز أقرع. العبرة : حض على النظافة.
- لازم تتركّب ملحفة اللحاف قبل الظهر، وإذا بقيت لبعدا اللي بنام تحتا مرضان، وإذا بقيت لبعد العصر بنام تحتا ميّت وبتصير كفنو. العبرة : حض غلى عدم تأجيل الأعمال المنزلية لأن التأجيل من مؤشرات الرعونة. - الببرٓك في العتبة بلطشوه الجان. العبرة : حض على النظافة. غالباً ما تكون العتبة وسخة لأنها مكان الأحذية. - البحكّو أنفو بكون بدّو يتقاتل مع مرتو. شي منطقي لأن حكة الأنف غالباُ ما تكون تعبيراً عن التوتر ، والمرا هي مفش خلق الرجال. - إذا السفرة انتركت وما انشالت بتشيلا الملايكة. العبرة : حض على عدم تأجيل الأعمال المنزلية. لأني الملايكة غاليين علينا. - حتى في بيتا...المرا لازم تقشط شعرا تما تشوفا الملايكة. العبرة : تدريب المراة على عملية العيش المشترك لعدة أسر في حوش واحدة. - اللي بكب الزبالة بعد المغرب بتصير عشا لامواتو. العبرة : حض على النظافة حيث أن الزبالين كانوا يعملون في النهار فقط. نلاحظ أن معظم ما ورد في كتاب اللباد جاء ليحث على أمور تتوافق مع ظروف الحياة كالحث على النظافة وعلى أن لاتقوم المرأة بتأجيل أعمالها المنزلية. الدكتور المهندس أحمد أديب شعار |
بالفعل ذكرتني بنانتي كان دائما الها هيك كلمات ولما كنت اسالها كانت تقول مكتوبات بدفتر اللباد وماكنت افهم عليها اشو هاد دفتر اللباد
كتير بستمتع بحديث نانا الله يخليلي ياها ولايقطعا يارب ويقويا وماتحتاج حدا
فقحتونا قدام الاجانب يا عكس السير
عابمزح معكون كتير حلوات وفعلا لحد الان امي بتحكي هيك شغلات بس مابفهم عليها
العبرة : تدريب المراة على عملية العيش المشترك لعدة أسر في حوش واحدة.
لأ العبرة : ماينتشر شعرها وينزل على الاكل
وحبيت أضيف شغلي :
المرا إذا بدا تحكي على شي
وحدي بالفاينة ( بالذم )
قبل ما تحكي بتقول (( السلام
عملايكتا )) ..
سوا إلا لأ ؟؟؟
بس يا خسارة ما بقى الواحد يئدر يحكي حلبي عالسوى
اشّبوا
اشوّ هاد
ويا عيني على اسماء الاشارة :
هديك
كيهنه
كيهاك
هدوليك
بهالايام إذا ما دخلت بالحكي كم كلمة موضة بتصير دقة قديمة
بس احلى حكي
وكلامن وأفعالن وكرمنننننننننننننننن
دخيل حلب ورب حلب أنا
مع ذلك الأصيل بتم أصيل هلأ الشعب تغير والنفوس أتغيرت الله يرحمنا مابدنا نحكي أكتر من هيك
يعني أنا بألمانيا و حسيت حالي بفسط حلب وأنا عم بقراهن...
صحيح كلن عبر بس هلق ما بقا احد بيتكلم فيهون
بس يا حيف على زمان اول
مو متل هلق
هاي_باي_اوكي .........؟
بس اخخخخخخخخخخخخخخخخخخ
ما احلا هديك الاييم وما ابسطا
يا ريت ترجع
على راسي خيو ابوس جنق وجك
اصلن هي العبرا وغير معروفة بكل الدول العربية وين ما بروح بسمعا
بس اذاممكن اسم كتب مسلية ومفيدة ومفهومة(مبسطة) بتحكي عن حلب القديمة (بس كمان سعر معقول) والله يعطيك العافية وعمننتظر المزيد
احييك اطيب تحية والى الأمام
24-1-2015 " برغر كينغ " ترفض تعويض الطفل السوري الذي ضربه أحد مدرائها في اسطنبول .. و الأخير يحاول إسكات والد الضحية بـ 100 ليرة ! رفضت الشركة التي تمتلك ترخيص سلسلة مطاعم "بيرغر كينغ" في تركيا تعويض الطفل السوري الذي تعرض للضرب على ... |
15-4-2013 بعد ظهوره في "أراب آيدول".. صفحة إخبارية "مخابراتية" تهدد عائلة الفنان عبد الكريم حمدان نشرت صفحة إخبارية مؤيدة للنظام السوري على موقع التواصل الاجتماعي "فيس بوك" منشوراً هدّدت فيه الفنان عبد الكريم ... |
7-6-2012 عرض أول جهاز أنتجته شركة أبل للبيع أعلنت دار "Sotheby" للمزادات عن نيتها طرح أول جهاز كمبيوتر أنتجته شركة أبل للبيع في مزاد يُقام في ... |
3-11-2011 حديقة العزيزية (مرعي باشا الملاّح) والحديقة العامة بحلب تمهيد: إنّ التقرير الذي قدّمه الى المجلس البلدي بحلب المهندس الاستشاري شارل غودار، عضو المجلس البلدي ومدير سكة حديد ... |
28-9-2011 زقاق الأربعين ووثيقة آل دلاّل و الشاعر جبرائيل دلال (1836 – 1892) من أوائل شهداء الحرية في محاولة لربط الزمان بالمكان وبالحدث الذي يفعّله الإنسان سنحاول ان ننقل خطواتنا في النصف الثاني من القرن ... |
18-8-2011 سر البيلون الحلبي كتب المرحوم الدكتور عبد الرحمن الكيالي مقالة في مجلة الحديث الحلبية تساءل فيها : هل كلمة ( بيلون) ... |
13-8-2011 صناعة صابون الغار في حلب تلفظ أنفاسها الأخيرة في عام 1999 ظهرت المواصفة القياسية السورية لصابون الغار ، التي حددت نسبة زيت المطراف فيه بخمسين بالمئة ... |
10-8-2011 عيدو السواس و عيدو التنكجي مؤسسا فرقة نجمة سورية أول فرقة مسرحية بحلب نشر الاستاذ أحمد نهاد الفرا مقالة مطولة في مجلة العمران (التي كانت تصدر عن وزارة البلديات فترة الوحدة ... |