"لا أريد لأحد أن يسكت عن الخطأ أو أن يتستر عن العيوب والنواقص . "‏‏‏‏

حافظ الأسد    

أخبار البلد سياسة كوكتيل كرت أحمر تكنولوجيا  المال و الأعمال مساهمات القراء صاحب قرار
ماشيين غلط حوادث شباب وطلبة بكرى أحلى حلوة يا بلدي طافشين كاريكاتير الصورة بتحكي مستعمل

سوري

هام : مصادر لـ عكس السير : الرئيس الأسد وعقيلته يستضيفان في هذه الأثناء القادة اللبنانيين على مائدة الغداء في حلب


  

  

  

رسب في معظم مواده ووجد عنده رسائل " غرامية " .. انتحار طالب جامعي في حلب
السبت - 14 آذار - 2009 - 18:06:13

التفاصيل


إعلانات

انتحر طالب من قسم الفلسفة بجامعة حلب في منزله بحي " الشيخ مقصود " مساء أمس الجمعة .

ووجد الشاب " مصطفى بركل " البالغ من العمر 19 عاماً معلقاً بحبل في غرفته وقد فارق الحياة .

وحضرت دورية من قسم شرطة الشيخ مقصود وتولت التحقيق ، كما تم نقل المتوفى إلى الطبابة الشرعية بحلب .

وعن سبب الوفاة جاء في تقرير الطبيب الشرعي ان الوفاة ناجمة عن " انقطاع التروية الدماغية نتيجة الشنق ما أدى إلى توقف التنفس وبالتالي القلب ".

وقال أحد أبناء الحي لـ عكس السير " ان المتوفى طالب في السنة الأولى في قسم الفلسفة بجامعة حلب وأنه رسب في معظم مواده ".

وعلم عكس السير من مصدر مطلع أنه قد تم العثور على عدد كبير من الرسائل " الغرامية " في غرفته  ،  وسجلت الحادثة " قضاءا وقدرا " ، وتم تسليم الجثة لذويها .

وتعتبر هذه الحادثة هي الثانية خلال أقل من أسبوع في سورية ، حيث انتحر شاب في التاسعة عشر من عمره في حمص بعد أن طلق زوجته .

يذكر ان  الدول العربية من الدول ذات النسب الأقل عددا من حيث نسب الانتحار عالمياً ، و تحتل مصر أعلى نسبة بعدد المنتحرين العرب في الوطن العربي ،حيث كشفت إحصائية جديدة أن أكثر من ثلاثة آلاف شاب وفتاة أنهوا حياتهم بأيديهم في القاهرة وحدها خلال العام الماضي  وأن 68% من المنتحرين من الإناث مقابل 32% للذكور .

أما في سوريا فيصعب تدوين أرقام ونسب معينة لما يكتنف هذا الملف الغموض والتكتم حفاظا على الأسرار الشخصية .

علاء حلبي - عكس السير






احفظ هذا الخبر في : Facebook Newsvine

التعليقات : الآراء الواردة في التعليقات تعبر عن آراء أصحابها وليس عن رأي عكس السير .

الاسم : انا لله وانا اليه راجعون
العنوان : دنيا فانية

الله يرحمو ...بس ياحسرة راح لنار جهنم الله يعفي عنا ويرحمنا ويرحم هالشب .....

الاسم : مستجد

من عمره الصغير مبين أنه لسا مستجد بالكلية ، والدكاترة الله يعطيهم عافية بيكونوا حريصين على ترسيب أكبر عدد من الطلاب في السنة الأولى في الفصل الأول ، بشان اللي عمبيفكر يعيد البكالوريا ياخد قراره بسرعة ، والمشكلة أنه دكاترتنا ما بيعرفوا أن الطالب المستجد بيبقى أول سنى عمبيكتشف العالم الجديد اللي صار فيه، وما بيعرف شي عمبصير حواليه، شخصيا عندما كنت في السنة الأولى صر معي نفس الحالة ، بقصد رسبت بكل مواد الفصل الأول، فتعقدت وفكرت أن الجامعة كتير صعبة ، وأني ماني عرفان وين الله حاططني ،،حاصة أني درست مليح في الفصل لاأول ، فقلت لحالي معناها أنا فاشل والحياة أصعب من هيك ففكرت في الانتحار وكذبنا على الأهل بخصوص المواد وقلت لهم أني حملت مادتين بس ،،،،،
لكن الله لطف في الفصل التاني وطالعنا المواد ، مو على شان درست أكتر ..لاء ، ولكن الدكاترة في الفصل التاني تغيروا ...
وعرفوا أني لازق بوجهم لخمس سنين مقبلة لأني ما خفت وتراجعت وعدت البكالوريا

الاسم : مغتربة سورية
العنوان : الله يرحمنا

والله شي بيقطع القلب الياة اغلى بكتير من انو نزهقها
الشباب بس بدن مجتمع يستوعبهم عمتكبر الفجوة كتير بين الأهل والجيل الديد الطالع

الاسم : إم عمر
العنوان : المسكين

المسكين انصدم من اللي شافو في الجامعة، أعطى كل وقته وتكيره للجنس الآخر في الجامعة ونسي يدرس ، فكر عمل اللي عليه في البكلوريا وخلص،
أي روح وتفرج على ردهات الجامعة بعد الساعة 3 ظهراَ بتفكر إنو الطلاب ماإلن شغلة غير مواعدة الفتيات وقص الحكي الفاضي على أفل تقدير.بقى من مين سائلين على الدراسة وليش لازمتن الدراسة أصلاً. بكفي الحبيبة ترضى

الاسم : عاشق
العنوان : معلوم

معلوم سيرسب كيف وهو مشغول بالغرام والكلام الفارغ تخرجوبعدين انضرب وحب على كيفك

الاسم : فهد
العنوان : -


يا حرام ضيعان شبابو ...
كل ما بفكر بالنار الملتهبة يوم القيامة بقول كيف هالخلق عم تنتحر ؟
هي كلها من قلة الدين
اللهم ثبتنا على دينك .

الاسم : مواطن سوري ...

حسبنا الله و نعم الوكيل ..

لكن الواقع لا يتم مواجهته بهكذا طريقة ...!!

الحياة حلوة .. بس نفهمها ...

بس ما بتعرف .. بجوز ما لقى حدا جنبه .. لأن للأسف بهالزمن ما عاد صفي لا صداقة و لا أهل .. و حتى الجامعة ضدك ..
زمن المصالح ...!!!

بس لازم نبقى على أمل ...

الاسم : علماني
العنوان : حلول

يجب إيجاد حلول لهذه الظاهرة كتكوين لجنة متابعة و إحصاء خط ساخن للمرضى عيادات نفسية مجانية .

الاسم : rere

حسبنا الله و نعم الوكيل

الاسم : جامعي بحلب
العنوان : غريب

يعني مابعرف شو بدي قول ... فعلا امر غريب اي لهلق ما طلع غير مادة وحدة النا المستجدين سنة 3 انكليزي و انا بنفس كلية هالشب بقى ايمتا لحقوا دكاترتهن يحلحوا و موظفينهن ينزلوا العلامات ؟؟ والله عيش كتير بتشوف كتير

الاسم : ريم الحلبية
العنوان : لاحول ولاقوة الابالله العظيم

معقول لانو رسب شنق حالو ولافي حدى طالعوا عن دينو حسبناالله ونعم الوكيل

الاسم : طالب مو هامو شي
العنوان : لا حول ولا قوة إلا بالله

لك في ظروف بتحيط بالإنسان ما حدا بيعرفا بس هاذا مو مبرر ليقتل الإنسان نفسه
(وكان الإنسان جهولا)

الاسم : حلبي مغترب
العنوان : الله

الله يرحمو

الاسم : بنفسج
العنوان : يا حرام

حسبي الله ونعم الوكيل

اللهم ثبتنا على الايمان


الاسم : حقوقي
العنوان : الله يرحموا

والله ياجماعة نحن مندعيلو الله يرحمو بس هاد خالدا مخلدا في نار جهنم والله العظيم بيمر على الواحد كل ظرف بيخليه مو بس يفكر بالانتحار بيصير بيفكر بالغرب والشرق بس هون بيجي دور الايمان والاسلام الصحيح

الاسم : ابو البيش

الله يحسن خاتمتنا ويميتنا عالفطرة السليمة......

اللهم آمين...

الاسم : رامي
العنوان : حلب

كان الله في عون اهلة

الاسم : افاشين
العنوان : الى ام عمر وعاشق

الم تعرفو الاية الكريمة اللي بتقول
ان بعض الظن اثم

الله يعين كل واحد على بلواه ولا حتى بالموت بدكون تعلقو وتحكو
حسبنا الله ونعم الوكيل
والله يرحمه

الاسم : ابو سامر
العنوان : الغندورة مقهورة

ماعتقد انه هيك اسباب تو صل للانتحار ؟؟؟؟؟؟؟؟ فتشوا على السبب الحقيقي

الاسم : جود
العنوان : ياحرام

عنجد زعلت عليه يعني فوق ضغط المواد والدراسة وعقد الدكاترة الي ما بتطلع غير علينا نحن الطلاب المساكين لسا بدو يحب ويعشق علوا كان يلتهي بدراستو لانو الفلسفة بدا دراسة مو احسن من هالكلام الفاضي وشوفو ما احلى هالنهاية مات والله يعينو من ربو

الاسم : أبو_الحكم
العنوان : فلتكن عبرة

خالدا مخلدا فيها أبدا ...خالدا مخلدا فيها أبدا ....لا رحمك الله

الاسم : طالب

الانسان لازم يبقى قوي رغم كل الصعوبات......اليأس و الانتحار للضعفاء

الاسم : وحهة نظر
العنوان : رأي

انا من رأي ان الخراب كل من البيوت و الاهل " المفروض ان الاهل يحافظو على تماسكهم بأبنائهم و يكونو اقراب منن"
وياربي ارحم حالو و صبر اهله .

الاسم : soso
العنوان : جنون

انا براي كل واحد بفكر بهل طريقة بكون في شي بعقلوا بس مع هيك الله يرحموا ؟؟؟
حسبنا الله ونعم الوكيل

الاسم : أسمر
العنوان : عجيب

والله عجيب واحد ينتحر مشان مواد ما طالعهون أنا بدي ثانية زيادة لأعيش أنا كمان عندي مشاكل وهموم إيه بس مو انتحر على كل صار الشب عند ربو الله يرحمو ويرحمنا أمين يا رب العلمين

الاسم : واحد اسمو ابوعلي
العنوان : هيك بدون الدكاترة

اي ما هاد بدون ياه الدكاترة الساديين....
انو يرسبو الطلاب....
طيب يعني شو بدو يعمل الواحد يروح يبوس ايد الدكتور حتى ينجحو بالمادة....
احسن حل انو ينتحر الواحد وخلي الدكاترة ينبسطو طالما انو الواحد ما بحق الو يقول لدكتور ما أحلى الكحل بعينك....وابن الدكتور اي فرع بالجامعة بحق الو يدخلو...
الله يعين الطلاب عالدكاترة....
ننتحر احسن شي...

الاسم : abo dmar
العنوان : خسارة

دكاترة جامعة حلب
فلاسفة هذه الأمة ولايريدون فلاسفة غيرهم
الله ينصرهم

الاسم : طالب
العنوان : نجحونا والا بنتتحر

الى وزير التعليم العالي يرجى ان تنجحو كل طالب ع الاقل بشي مادتين بالفصل يعني تمنعو شي اسمو رسوب بكل المواد ع الاقليه مساعده بمادة وحدة من شان محدا ينتحر ....
شكرا

الاسم : ابو ملاك
العنوان : يارب ارحمنا

الله يجبر مصيبة اهلووووو

الاسم : سورية
العنوان : حسبنا الله ونعم الوكيل

هاد اللي عم بصير لشبابنا بسبب بعدهم عن دينهم
صار الشب ما يسمع موعظة الا يوم الجمعة وهاد اذا سمعها !!
الله يستر على شبابنا ويهديهم
ونرجو من الدولة الاهتمام بشبابها وزيادة صلتهم بدينهم مو العكس ؟؟
وفهمكم كفاية

الاسم : طالب أدب إنكليزي
العنوان : طبييييعي

مو شي غريب طالما أنه طالب بجامعة حلب و خصوصا في كلية الآداب

الاسم : الليل
العنوان : جغرافية

اذاكان انتحر من أجل المود فكل طلب كلية الادب عم يعانو من مشكلة اظلم في نتائج المود

الاسم : بيبو
العنوان : ولا شي

الله يرحمو انقطعت مياتو من الدنيا

الاسم : طالب الجامعة الادلبي
العنوان : هيك الحال

لو كل واحد فينا بدو ينتحر من هالجامعة ما كان ضل فيها غير الدكاترة

الاسم : طالب بكالوريا ......ولكن
العنوان : قله العقل

اخر شي بالدنيا بفكر في هو الانتحار اصلا اللي بينتحر بكون مالو عقل لانو ما فهم الدنيا واكيد الواحد بس ينحط بموقف اكبر من تفكيرو ما بدو يفكر الا بالانتحار والشب هون "ما بجوز عليه الا الرحمه" وقف عقلو عند الامور الدراسيه والامور الغراميه انا ما عبقول انو ما تحبو بس اللي بدو يركب فرس رح يكون خيالهاااااااااااااااا

الاسم : براءة
العنوان : لاتذكروني

عنجد الدراسة بحلب تدعو إلى الأنتحار

الاسم : مرام
العنوان : الله يرحمنا

الله لايرحمو لاني مابتجوز الرحمه عليه بل الى جهنم وبئس
المصير

الاسم : المرشدة هبة
العنوان : ما في شي بستاهل

لأصلا ما في شي بالدنيا بيستاهل الواحد يروح حاله
ولوين عجهنم؟؟
مستحيل أفكر بالانتحار
بس يمكن في ظروف عائلية قوية ورا الحادث ما عدا الرسوب والغرام

الاسم : dodo
العنوان : رائي

ما في شيء بخلي الانسان ينتحر مشان سنة دراسية لااذا كان ماعندوا عقل
اذا الواحد ما بدوا يحط عقلوا براسوا ويدرس منيح مالا زم يزعل ويوصل للانتحار يادرس ونجاح بتفوق ياعشق ورسوب موا بس بالمواد بالحياة كمان

أرسل تعليقك :

الاسم : *
إعلانات
عنوان التعليق :
التعليق : *
ضع الكود الموجود بالصورة : *


سيتم الموافقة على التعليق في حال استوفى شروط نشر التعليقات
  

  

  

مقالات اخرى من " قضايا الشباب و الطلبة "



8-2-2010
كليات تعلن عجزها عن تطبيق الاختبار المعياري للقبول الجامعي
لم يلق قرار مجلس التعليم العالي بإجراء الاختبار المعياري للقبول الجامعي القبول من قبل كليات الاقتصاد والزراعة والعلوم ...


8-2-2010
التعليم العالي تبحث ضمان نجاح واستمرارية المشاريع المشتركة مع تمبوس
بحث الدكتور غياث بركات وزير التعليم العالي مع السيد كلاوس هوبت رئيس وحدة تمبوس في الاتحاد الأوربي آليات ...


7-2-2010
تحديد موعد الامتحان الكتابي للمتقدمين إلى مسابقة جامعة الفرات لوظيفة عضو هيئة فنية
حددت جامعة الفرات يوم 22 من شهر آذار القادم موعدا لإجراء الامتحان الكتابي لمسابقة تعيين عاملين في جامعة ...


7-2-2010
افتتاح اليوم الإعلامي الوطني الخامس لمشاريع تمبوس .. و وزير التعليم العالي : سورية حريصة على التعاون العلمي والمعرفي مع الاتحاد الأوربي
افتتح الدكتور غياث بركات وزير التعليم العالي اليوم الإعلامي الوطني الخامس للتعريف بمشاريع "تمبوس" الذي ينظمه المكتب الوطني ...


6-2-2010
الغياب 15 يوماً يحول النظاميين إلى أحرار في الامتحانات
شددت وزارة التربية على الالتزام والتقيد بتعليمات التسجيل للامتحانات للشهادات العامة لدورة العام الحالي وبينت بخصوص التقدم الى ...


6-2-2010
جامعة تشرين تطلب تعيين عدد من المعيدين في مختلف الكليات من الأوائل
طلبت جامعة تشرين تعيين عدد من المعيدين في مختلف كليات الجامعة وذلك للخريجين الأوائل في العام الدراسي 2008-2009.  وحددت ...


4-2-2010
التعليم العالي تبحث التعاون مع جامعة كوينز لاند الاسترالية في مجال التبادل الطلابي و إيفاد المعيدين
بحث الدكتور غياث بركات وزير التعليم العالي مع الدكتور سكوت باومان رئيس جامعة كوينز لاند الاسترالية والوفد المرافق ...

الرئيسية | من نحن | فريق العمل | اتصل بنا | طوارئ

 
 
 

© 2007 - 2010 All Rights Reserved To Aksalser.com