إعلانات
في حلب.. الغاز بـ 1200 للأسطوانة الواحدة والبيع "سـراً" !!
السبت - 12 أيار - 2012 - 18:09 بتوقيت دمشق
التفاصيل

اليوم.. حديث الغاز والمازوت، له الأولوية العليا بالتوازي مع الحديث السياسي الساخن في الشارع، فأزمة من نوع فقدان القدرة الشرائية للمادة كفيل أن يوتر "نفسية" الناس خصوصاً لما تحمله المرحلة من سمات التوقع التكهن والخوف من المجهول.

وفي حلب للأزمة نكهة آخرى حيث يتفنن باعة مواد الطاقة من غاز وأشياء أخرى في عمليات البيع التي تجعل من المواطن باحثاً عن بصيص أمل متكورٌ داخل .. أسطوانة غاز.

بـ 1000 أو بـ 1200 أو ما بينهما هو السعر الرسمي لأسطوانة الغاز عند معظم الباعة (إن وجدت)، هذا ما يرويه مواطنون لـ عكس السير عبر عشرات الشكاوى والاتصالات.

ولم يكتف المشتكون بهذا بل أضافوا أن مناطق "طريق الباب، الشعار، باب النيرب" كلها مناطق أعلنت سعرها الرسمي، وكل على هواه.

وما يحدث عملياً هو أن صاحب رخصة البيع يقوم باستجرار الغاز من مراكز التعبئة على أنه للمواطن ويتم فيما بعد بتمريره للأصدقاء والمقربين، الأمر الذي يجعل من الحصول على أسطوانة غاز ولو كانت بـ 1200 ضرب من الخيال.

ولأن أزمة الغاز باتت واقعاً "واقعاً" فإن أغلب توجهات المواطنين تتجه الآن نحو هدف واحد.. الكهرباء.. والتي كانت ضيفاً ثقيلاً خلال الشتاء على عناوين أخبار المحليات في الصحف والمواقع حيث استهلكت ساعات التقنين منها ما يكفي.

وبعزوف الناس عن استخدام الغاز إن تفاقمت الأزمة أكثر ستأكل الكهرباء نصيبها من التقنين خلال الصيف مع ازدياد استعمال وسائل التبريد الكهربائية، وسوف ينضم الطبخ إلى قافلة المستهلكين للكهرباء.

وزاد طين الأمر بللاً تصريحات مدير شركة "محروقات" عبد الله خطاب بأن الأزمة سوف تطول بسبب توقف استيراد المادة رامياً الكرة في ملعب العقوبات الاقتصادية.

الجدير ذكره أن الأزمة قد تطول قطات أخرى بحسب تصريحات "خطاب" كالمازوت، ولا يمكن توقع ما قد يكون عليه الحال بعد أشهر إذا لم يتم اتخاذ اجراءات فاعلة في تفادي هذه الأزمة.

عابد ملحم - عكس السير - حلب
التعليقات :
حلبي معتر
(124)   (1)
نحنا بس بدنا حدنا يجاوبنا في غاز و لامافي على اساس كل شي متوفر وبكميات وهي رفعتو سعر الجرة الحمدلله صارت ب500 و اليوم ب1200 ومافي هي اهم شي مااااااااااااااااااااافي وبالنسبة لسيادة مديرالمحروقات زادنا تفاؤل انو لازم نحنا ندور على بديل(يعني المواطن يدور على بديل) وهو اش شغلتو وليش هو مدير و ليش نحنا نوصل لهيك امور ومنشكر عكس السير على نشر هالموضوع بس هي الازمة صرلها اسبوع مو يوم او يومين و لحد الان ما نوجد حل واللـــــــــــه يستر بس
y
(337)   (0)
حسبي الله ونعم الكيل
ادلبي
(74)   (1)
اول الغيث قطرة.
الله يلطف فينا.
اااايه
(130)   (3)
قصدي يعني العالم اش تعمل ؟؟؟؟
جكومتنا الحكيمه بلله بشوا بتنصحينا؟؟؟؟؟
ما كل عمركون بتقلولنا عدكون احتياطي و اكتقاء ذاتي و كل دول العالم بحاجتنا و منا بحاجة حدا مشان العشر سنين الي كنتوا عبتضحكوا علينا في المدرسه خلصت كلا بسنه؟؟؟؟؟؟؟
الله يفرجينا فيكون يوم متل ما عبتعملوا فينا يصير فيكون
ramrum
(133)   (2)
بكرا بتقلك الحكومة انو رح نرفع سعر الجرة مرة ثانية كي لا يتم التلاعب بالأسعار وانو هاد الحل الوحيد . ( متل ما عملو المرة الماضية ) !!

بتقوم بتصير الجرة ب 3000

دخيلن ودخيل حلولن أناااااا
د سامي شاهين
(20)   (341)
اننا بدائنا ندخل في دومه مرعبة لا غاز ولا مازوت ولا بانزين ولا كهرباء سنصل الى وضع قد نضطر الى ان ننتحر انتحار جماعي بس من ظل محافظين على الحج والعمره كون ارادات الحج والعمرة تعود فائدتها لخادم الحرمين واذياله
قدور
(134)   (1)
ليش روسيا ما صادر غاز الى سورية وتساعد شعب سورية ؟؟؟؟؟؟
مستر جرة
(70)   (6)
لك بشرفي شي بضحكـ وشو بدنا نحكي ماعدنا نعرف
ولسه بيسآلوا ليش وصلنا لهون!
لكـ قبل ماتسآلوا خالونا نراجع أنفسنا .. الدولة ماعاد تسآل علينا والزنكيل مو حاسس فينا
ونحن عم نتشاطر على بعض ومناكل بعض لكـ حاجـ بربكم حاج ولله ملينا وقرفان وكرهان شي اسمو سورية .. ولسه بدكن يانا نحب سورية وينكـ ياسيادة الرئيس مو لازم هلق القيادة كلا تكون ملتفه حوالينا نحن الشعب اللي عانى وعم يعاني الأمرين وماحدا بالدنيا كلا حاسس فيهـ ,, يكفيكم أستهتار بنا ,, "" أرحمو من في الأرض رحمكم من في السماء ""
الرجاء النشر ,,
دخيلكون وين
(60)   (2)
قال ب 1200 نحن مسجلين ع جرة ب1800ومافي وكل يوم من روح مندور على غير محل بلكي صار عندو !!!!!!!!!!!حسبنا الله ونعم الوكيل على كل حال
علاء الحمداني
(349)   (7)


مو رايحة غير عالمواطن

وبكل ذكاء المسؤول بيقول على المواطنين تأمين مواد بديلة بانفسهم

ياعيني على هيك مسؤول بيبث روح الأمل والتفائل في نفوس المواطنين

بعدين مادام مافي غاز ولا مازوت ليش هنن موظفين وبياخدو رواتب من الدولة

خلص يروجوا عالبيت وتسريح هالمسؤول بالذات مادامه متشائم

يعني بالمشرمحي يحل عن ط....



شي مسخرة من فوووووق لتحت



وحرية للأبد




حكومة سفر
(83)   (2)
وين الحكومة

نائمة في العسل.................
خطأ هالشي
(410)   (20)
يلي بتابع قناة الدنيا بيكتشف إنها عم تقدم أفلام خيال علمي و أكشن و مؤامرات مريخية و كوميديا و فيتشرز و فلاشات
rami alhapel
(59)   (3)
يعني شو شغلة عبد الله خطاب افندي غير انو يرمي الحق على العقوبات مو من شهر قال انو الغاز والمازوت لدينا اكتفاء ونسعى للتصدير اي تصدير حاجة كذب خلي مجلس الشع الي عل السلة يحاسبو ليش شغلة المواطن انو يبحث عبديل والله عيب علية يحكي هيك حكي
وسيم
(69)   (3)
ليس طموحي قناة اعلامية حرة ولا تشكيل حزب ولا عضو ادارة محلية ولا عضو مجلس شعب ولا طموحي ان اصبح طيارا
طموحي غاز ومازوت.
حلبي مفلس
(56)   (2)
1.مازوت
2.غاز
3.بنزين
4.غلاء اسعار السلع الاساسية
5. الله يستر من الباقي
6. من 450 الى 1200
..............................

أحمد العلي
(41)   (2)
انا قلت انو بكرا بيرتفع سعر الاسطوانة لاكثر من ال 1000
شو ضل لسه

لاحول ولاقوة إلا بالله العلي العظيم
مرتووووووووت
(28)   (2)
بتجنن الصورة تبع الخبرررررررررر
بهلول
(24)   (1)
بس بدي اعرف ليش بيع سرا وخايف من مين
ابو العبد
(13)   (4)
بتنا نحسب الف حساب لمل ستؤول اليه الأمور يوم بعد يوم هل بعد هذا الكساد الاقتصادي والضغوط المادية على الموطن . تخرج الينا وزارة الاقصاد بفاجعة اخرى وأي فاجعة يشبه الميت الذي يحاولون دفنه فلا يندفن ,
جميلة هي الصراحة ولكن ليس ان تكون الآزمات كلها محلولة على لسان السادة الوزراء , ثم نسمع النفي وبأن علينا الثبات لرياح عاتية وربما تكون تسونامي .
الم يكفينا ما جرى من تخريب . ام ستكملون وتجعلون التخريب دمارا .
مواطن مقهور
(19)   (286)
يا استاذ أويا انسة يلي عم تحكي على قناة الدنيا بظن الموضوع المطروح عن اسطوانة الغغغغغغغغغغاز
يا ريت تكون مصحصح تاني مرة ..؟
بالنسبة لأسطوانة الغاز الله لا يوفق يلي عميستغل الظروف وما راحت غير عالفقير المعتر يلي مو ملاقي ياكل
ياناس يا تجار الأزمة لا تنسو انو هالفقير ابن بلدك يلي راح يموت وما حدا حاسس عليه...........
ابو الريم
(50)   (3)
ايران و روسيا اكبر مصدري الغاز
محتار بين الجنة وبين النار
(38)   (2)
روحوا صورا قدام مركز الليرمون وشوفوا شو عم يصير مهزلة حقيقة بكل معنى الكلمة سماسرة الجرار يشتروا القسيمة ويبعوا برا مين عم يساعدن اللهم اعلم .....؟.,؟ والشرطة واقفا وعم تتفرج ع الشعب شلون عم يقتل بعضوا مشان جرة ....؟
حلبي حر
(43)   (3)
كلشي عبيغلى بهل البلد الا البني ادم صاير ببلاش
سوري
(20)   (1)
كل شي غالي وقفت على الغاز
أفلاطون
(18)   (2)
اذا لم ترحموا بعضكم البعض فكيف سيرحمكم الله ؟ والراحمون يرحمهم الله .
كلّما اشتدّ فتككم ببعضكم ازداد غضب الله عليكم وسلّط عليكم القتل والقذف والخسف والزلازل والبراكين , وما يعلم جنود ربّك الا هو ؟
على الناس في سوريا أن :( أفهموا هذا فهو حق ومخرجكم باتّباعه)
يقول تعالى:
فقلت استغفروا ربّكم انّه كان غفّارا يرسل السماء عليكم مدرارا ويمددكم بأموال وبنين ويجعل لكم جنّات ويجعل لكم أنهارا .
على الحكومة التركيز المكثّف على العمل السياسي الدولي وفتح قنوات اتّصال مع باقي دول العالم من جديد , ولوزارة الخارجية الدور الأهم في ذلك , وذلك لايجاد مخارج من الحصار الأقتصادي على الأقل بما يوفّر الحاجات الانسانية لملايين من الشعب السوري .
مغترب
(21)   (6)
طيب احسن مالنا قاعدين عم نلطم و نفتل ع جرة غاز خلونا نفكر بشي بديل. ما حدا فكر مثلا انو نستفيد من الطاقة الشمسية بالصيف يلي ما بتنقطع عنا. متل ما العالم عم تشغل الطاقة الشمسية لسخانات المي ممكن تشغيلا لسخانات الكهربا بالمطبخ. بهالحالة ما بتزيد الضغط ع شبكة الكهربا ولا بتحتاج لغاز يلي اساسا مو موجود. يرجى من عكس السير تقديم دراسة عن الموضوع و طرح الفكرة بشكل جدي.
سوري
(36)   (4)
مو على اساس ايران و العراق و روسيا اصدقاء فليش ما بعتلونا غاز و مازوت و بنزين بسعر رخيص و بدون ديون و فوائد ؟ شو تفسير الحكومة لازمة الغاز ؟
طالب عم يساعد أباه من أجل العيش
(18)   (7)
لك شو هاد الريح ولي جاي عم يحط سعر على كيفو طب وسمحولي أحكي عني وعن ناس متلي درويش شو بدنا نعمل كل راتبي ما عم يكفي كنا في المواد الغذائية صرنا بالغاز كمان شو يعني نسرق لعمه شو ها لعيش وين الحكومة مافي رقابة ما في تفتيش ياأخي حسو بقيمة الموطن السوري لو مرة بسنة ما بكفي زعلنا على أخوتنا يالي عم يموتو صحيح في ناس مابفرق معون الغله وطلوع ونزول بس نحن شو منعمل وبتمنا وأرجو من سيادة الرئيس بشار الأطلاع على حل ها الأمور وشكر
محمد
(5)   (0)
منيح لسا في غاز بهل الظروف يلي عم نمر فيها والله يرجعلنا الايام يلي كانت الجرة ب 300 من السيارة مع التركيب كمان و اله يرجعلنا هديك الايام يلي كانوا بياعين الغاز يصرعونا فيا بس تعا اشتري ا
كريمان
(2)   (1)
منيح بعت الجرة من اسبوع..........
المحامي
(5)   (1)
الغاز كل يوم كذبة جديدة يوم المسلحيين استولواعلى عدد من الاسطوانات ويوم المعمل بصيانة والمادة متو فرة ويوم عقوبات اقتصادية ويوم السعودية منعت الباخرة من الوصول كفى كذب ونفاق على الشعب وين المحاسبة لوزير النفط ويقول الغاز متوفر صحيح ويلي ما بيصدق يشوف بيتة لازم تقوم ثورة غاز حتى يتوفر مثل ثورة فرنسا ثورة الخبز
سمير
(2)   (2)
حسب نصيحة السيد خطاب لازم نرجع نستعمل الله يعزكم الجله
بالمختصر رجعت ايام العز للبهائم
أش رايكم
حسن
(1)   (0)
اليوم الطبخ على ببور الاثري بس وصل سعر ببور القديم الحديدمو النحاس....
2000فقط ألفاليرة
كريمان
(3)   (10)
اذا الرئيس بشار ما أصدر أوامر من عندو مشان حل المشاكل ما رح يمشي الحال
قطري
(5)   (3)
ليش خايفين يا شباب شو انسيتو انو العقوبات تستهدف الحكومه بس والمواطن ما دخلو بالعقوبات وكونو قطر بتدعم الشعب السوري رح تبعتلنا شويه نفط من نفطانها ليش خايفين
لك ااااااااآآآآآآآآآآآخ بس
ابن ادم
(4)   (2)
من فوق السعر الطبيعي المعزوف

لعنة الله على بائعها

لعنة الله على شاريها

لعنة الله على من يرشيها

لعنة الله على من يرتشيها

لعنة الله على كل من يستطيع توفيرها وعودة سعرها الطبيعي ولن يفعلها
صابر
(4)   (0)
لا يلام الذئب في عدوانه
اي يك الراعي عدو الغنم
توقعوا غداً رفع الدعم عن الخبز وبيصر كيلو الخبز 30 ل س
عندها لكل حادث حديث

(سوف نأكل كيك)
اردني - اربداوي
(7)   (1)
حسبنا الله ونعم الوكيل
الله يكون بعونكم يا اهل سوريا
الله يرفع البلى عنكم , اصبروا وصابروا
, يا ريت نقدر نساعدكوا
الله على الظالم
خربت البلد
(3)   (1)
يعني فوء كل هموم المواطن والبلد كل يوم عن يوم اسوء من اسوء مابكفي مالنا خلصانين من سرقات السيارات والحراميه المنتشرين اجت ازمة الغاز كمان يعني وبعدين هيك بدنا نضل ماحدا سائل على حدا
حسان حلو
(3)   (0)
ليش ياسيد مدير المحروقات ؟ مادة الغاز مستوردة ؟؟؟؟؟؟؟؟؟؟؟؟؟
ابوفصل مغترب الكويت
(1)   (0)
الاخوه السبقوني بلكلام ماخلونه شئ نحكيه والله حرام وين الرفابه من المستهترين والبايعين الوطن والمواطن يااخوانانتبهو \حتى وزن جرة الغاز ناقص يعني ملعوب فيها من المصدر يعني صاحب الرخصه متفق مع المصدر على هذا الشئ \نرجو من المسئولين ان يتحملو مسؤلياتهم وان يبعثو موظفين الى مراكز التوزيع وان يوقع صاحب الرخصه على تعهد بعدم رفع السعر المقرر وفي حال المخالفه تسحب الرخصه وتغريمه بمبلغ 500000نصف مليون \ولو كان الامر راجع لي كنت حكمة عليه اعدام والخطيه برقبتي لان عاملينه ازمه ونحنا موناقصين ازمات والله يحمي بلدنا والشعب والله يعين هلشعب المظلوم الفقير والله يارب اعمل بماهو صالح للئمه واحمى سوريا بلدناونجنا من الظالمين امين شكرا عكسسسسسسسسسسس السر
احمد
(2)   (0)
هل الشي كله لعبة لرفع سعر الغاز والمسؤول قبض كاش ثمن هل التصريح لانه شرع رفع الغاز ولو كان كلامه صحيح كان قال الحكومة قريبا ستبحث عن مصدر بديل مو المواطن عليه ان يجد البديل مسؤول فاسد وبحب يولعهاويخربها ويكمل على الدولة ويثبت ان الدولة ستنهار
مزعوج من سمير
(7)   (0)
ان يصبح الغاز والمازوت والخبز والبنزين ووووووووو...وووو...ووو,,.....والمحارم والحليب والزيت الرز والاسمنت ............وووو...الخ...حديث الشارع فهذا هو المطلب..................صحي لك وينوسمير
ابن حلب
(3)   (1)
حاج كفكم غلاء ارحمو من في الارض يرحمكم من في السماء
حسبنا الله ونعمل وكيل
صارلي جمعه لايوجد غاز عندي
شو اعمل
M
(3)   (2)
لك عادي مو قلتلكن هي من ضمن الاصلاحات
جميلكو
(4)   (0)
اكيد سعر بني ادم بسعر الزبالة وحتى الزبالة يمكن اغلا

ماضل شي ماغلي الله ياخدنا ويريحنا
ثروة المعدنية
(3)   (0)
السيد عليو وزير النفط و الطاقة على قناة الدنيا قال منذ اسبوعين الغاز متوفر بكثرة لكن سبب الازمة العطلة الطويلة ثم من يومين قال مافي غاز بسبب العقوبات الخارجية وليست الداخلية طيب كيف الغاز بينفقد بين يوم وليلة ومين كان عم يخدع السيد الوزير (طيب القلب) بانه متوفر بكثرة وهو يتكلم بشفافية مع اخوه المواطن والحل بسيط نغلق وزارة النفط والثروة المعدنية لانها لا عمل لديها بعد الان باستخراج الغاز والنفط ونوفر مبلغ من المال نشتري فيها الغاز من لبنان الجرة بـ 800 ليرة سورية
ومن ثم العقوبات المطبقة على سوريا فقط من اوروبا وامريكا فهل اصبحت سورية تستورد الغاز من اوربا ام هي طريقة جديدة بالشحادة
مش مهم
(5)   (0)
بات لدى الشعب السوري بأجمعه تساؤلات خطيرة :
مثلا:
الحكومة غير القادرة على توفير المواد الاساسية للمواطنين...هل هي حكومة ناجحة؟؟
الخبز...المازوت...الغاز...الكهرباء...الماء..البنزين...المتة...السكر...الرز...الشاي... يرحم ايام العطري..يرحم ايامك يا عمو عطري...
في سوريا الغد والاصلاح المزعوم يجب توفير حاجيات المواطن الاساسية...مو هيك يا ناس...
حبيبي عكس السير...يا نور عين ماما...اديش كيلو البندورة..والخيار...والبصل والبطاطا...يعني الامور اكيد ما وقفت ع جرة غاز...حكومتنا المجيدة صلى الله عليها وسلم بتمون ع العيون مو بس ع الجيوب..
حبيبي عكس السير يا عمري انا..شو رأيك تنشر؟؟؟؟؟؟ بعطيك بوسة اذا نشرت مو؟؟؟ببعتلك البوسة بالايميل ولا بدك جرة غاز ؟؟؟؟؟؟
سائق تكسي
(2)   (0)
في زمانو اجتني مخالفة تموين منشا ن سبع ليرات مخا لفةب17000ليرة ويومين توقيف شلون لو اخذت 750 كانو علقوني فى باب فرج وشكر خا ص الى عكس سير
جورجس
(4)   (0)
خلال المقابلة ضحك وزير النفط ولا عبالو وحكى وشو فيا إذا انفقد الغاز كم يوم اتحملو شوفو بديل . شو هالوزراء ولا ادنى مسؤولية والله المواطن حقو فرنك عند الوزير وبعرف عكس ما بنشر تعليقي
المتعجب؟؟
(5)   (0)
حدا يفهمنا........كيف يعني على المواطنين البحث عن بدائل...؟؟؟ يعني أجيب الحطب من الغابات مع العلم أنه ممنوع قطعها.....أو مثلا" اروح للدول وأعمل معها اتفاقيات مشان أؤمن الغاز والمازوت مثلا" واذا كان هيك شو دور السادة المسؤولين لكن ...مع احترامنا الشديد لهم ؟؟؟؟
ابو محمد
(4)   (1)
حسبي الله ونعم الكيل
حلبي قرفان من هالحكومة
(3)   (4)
عندي اقتراح للدولة الله يعزها
يجب رفع سعر جرة الغاز لل5000 ليرة مشان ماحدا يحسن يتلاعب بهالسعر
nizar
(4)   (0)
يا اخي المسؤول انت قاعد بيقصرك وشو عبالك بس تحس انو ما ضل عندي غاز حتى اغلي مي لأبني مشان الحليب...
" حسو فينا " مو طالبين أكتر من هيك ...
جاكوااارر
(3)   (1)
ياشباب حددا يفهمنا وين ايران اللي عاملا حالها قلباب علينا وروسيا اللي عم تنهب هالخزينة ولا هالشعب اخر همها
حسبي الله ونعم الوكيل عهالحكومة
أبو محمد
(2)   (0)
البحث عن البديل هو الكهرباء ياسيادة المدير وبعد فترة بسيطة ستجد تفاقم أعطال الشبكة المهترئة أصلاً وتفشي ظاهرة سرقة الكهرباء ,تصريحك ياسيادة المدير لم يقدم فائدة بل فاقم الأمر وليتك لم تتكلم ولم تتحفنا بتصريحك ، وإذا لم تجد البديل عليك أن تستقيل
ابو علي
(1)   (0)
ان صناعة الغاز وتكريره واسخراجه جميعها في سوريا شودخل لعقوبات ملينا من هذا الكذب خافو الله بهذا الشعب
سوري للدم
(1)   (259)
ولك عيب عليكم تحطو اللوم عالدولة والحكومة .....!!!! الله يساعد الحكومة ويكون بعونها كل واحد يشوف حالو قبل مايشوف العالم ........؟؟؟؟؟؟
نسيتو أنو إلنا 15 شهر بحرب مع العالم كلو
الله يخليلنا التجار يلي أكلونا لحم ورمونا عضم ولسا بتقولوا الدولة......؟؟؟!!!!
عيب والله عيب
الخضرجي بيرفع السعر وبيقول الدولة والتاجر بيشتغل وبيقول الدولة ووووووو...إلخ ؟؟؟
الله يعين الدولة
عادي
(2)   (0)
عمتنباع ب 1500 و علنا
من حلب
(5)   (0)
لك انا قلبي محروق نزل راتبي25% والاسعار كلها ارتفعت بحدود40% و الكهرباء ارتفعت صارت نار لك شلون بدنا نعيش بس بدي اعرف شلون بدنا نعيش هالوزراء كلهن بس شاطرين بالحكي يوم بحسسونا عايشين عيشة الدنيا كلها بتحسدنا بعد كم ساعة بنط وزير تاني بينفي حكي الاول لك رسونا على بر الشعب مابدو شي بدو بس يعيش بكرامة ويكون مرتاح ببلدو يعيش بامان يلي انحرمنا منو العالم وصلت على القمر ونحنا بتلاقينا واقفين على الدور على الفرن وعلى دفع الفواتير وعمنقتل ببعضنا ونسب بعضنا عمندو على غاز و مازوت و بنزين والله رجعنا مية سنة لورا مع العلم نحنا من قبل الازمة متراجعين كتير ما رح نقول شوفو غير يلاد بدنا نرجع متل اول و احسن ياااااااااااااااااريت
اللمبي 81GB
(4)   (0)
بس حماااد .. بس

مو ناقصتك انت كمان
زاهر
(1)   (0)
ياجماعة الدولة لازم تحمي المواطن من ارتفاع الاسعار عنا كتير موظفين لحماية المستهلك بس كلن بلا ضمير و مرتشين و منتفعين ارجو من الجهات المختصة تحريك اسطول الموظفين القاعدين عبياكلو فول و تاركين الشعب الفقير عبيدوق انواع العذاب المادي لانو حاج بقا انا مابقا اقدر اجيب لبيتي شي هي انا لسع مو متجوز اللللللللله يعين يلي متجوز و عندو ولاد شو بدو يقلن اذا ماقدر يجيب جرة غاز و يطبخلن شو بدو يقول حدا يجاوبني ياجماعة ارجو انو تنتهي هالازمان بامان يارب
حلبية س
(257)   (1)
ونعم من هيك اصلاحات
وهلئ بجي منحبكجي وبقول الجملة الشهيرة:
(( مو بدكن حرررررررررررية))
م مصطفى
(3)   (3)
عنجد الشعب السوري ما بيلبقلو بضل بنق معقول لسه بدو غاز وكهرباء وميه ووظايف وكرامة وتعليم ووسائل نقل وطرقات والله العظيم شعب ما بيلحقلو.... الله يعين الحكومة علينا ويخليلنا الرئيس
سؤال هام
(1)   (1)
ياحبيبي ابو شركة محروقات انتي عجب في غاز عندك في البيت
أكيد مافي انت عم تدور اكيد في الشوارع من شان جرة ياحرام
بس ياعيب الشوم قال حكومة جديدة
وعد
(2)   (1)
يلعن ابو كل بياع غاز ومازوت ماشبعوا شو ذنب الفقير يعني يموت شو ماصار فيني قليل اذا ماحبينا بعض وكان قلبنا على بعض مين رح يرحمنا يامسؤول انسى الكرسي شوي وفكر فينا حتى الله يوفقك بدعوتنا
حر حلب
(4)   (1)
اى وخلصت والازمة فى اول نهاياتا ويلا وديه ر سالتى الى كل مواطن سوريا يفتح عيونو منيح ويعرف شو عم يصير حواليه ويلى نايم يصحصح معنا شوى وعاشت سوريا حرة ابية ويسقط كل مجرم ويلى بشد على ايدو
باهر
(1)   (0)
المشكلة ليست في حلب بل بكل سوريا بس تطلع نتيجة الانتخابات يمكن تنحل
الحر
(1)   (0)
حسب فهمنا اللي على صغره
++ الحكومة مفلسة ++
بدها عملة كيف بتحصلها++
1_ الكهرباء
2_ الغاز والمحرقات العامة
3_ الضرائب المخفية ولها عدة طرق
4_طبع العملة وقد طبع منها سابقا بدون رصيد
5_عدم اعطاء وتاخير وراتب الموظفين
ولكم الفهم والتحليل
والله يستر مما سياتي
pencil
(1)   (0)
المدير لفرع الغاز بالإدارة من ستة سنوات ومن إنجازاتو حريق معمل التيارة ( قال شو ماس كهربائي ) وخسائر بالملايين وماحدا لحدا ولاواح حكى أو سأل المدير لازم يشيلو مو هيك بس يأخي ماكن الدعم يلي وراه خلصونا بقى منو من كل مدير فاشل وحرامي
حلبي
(1)   (0)
طيب مادام الأمن والمخبرين واللجان الشعبية عارفين كلشي يللي عم يصير بالبلد
ليش ما بيجيبوا هدول المستغليين وأنا على يقين بعرفوهم وخللي يحاسبوهم
ليكون هي تجارة رابحة ويلا طنش المواطن
إذا كان تحركوا وكافحوا هل المستغليين لأشوف خليون يخبوا الغاز ولا يبيعوا إلا بالسعر الفاحش
عنتر
(0)   (1)
ياعكس السير ...ابعتلي فورا اسماء اللي عبيحكوا انوا ماغاز ...لحتى انخون بالغاز ....مين عبقول مافي غاز ولا....نزلوا عالدولاب .الله وسم الله عالحكومة ....تاتا يالله يالله ...تاتا ماشاء الله ....ولاتنشر يكفي انك يارقيب بتعرف شو شغلك .
العيون السود
(1)   (0)
انا برائيي انو وزارة المحروقات تسحب الرخص من جميع المراكز وتقوم بالاشراف على البيع هي وهكذا نلغي على الاقل استحكام جماعة الرخص فينا الا اذا كان عم ياخد المدير نسبه من هل زياده
ذكية
(4)   (0)
يعني انتو والزمن علينا ...
كل الحق على العبوات الناسفة هي عم تستهلك الغاز .. يالله هلق المسلحين بيبطلو يعملو تفجيرات ، مساكين منين رح يجيبوه؟؟؟
حلبية
(3)   (0)
ههههههههههههههههه

يا جماعة صدقوني

من شي ست سنين وأنا بدرس

وما كان في تامر ع سورية كما يدعي

وما في هالازمة وهالوضع كنت بقول

الحمد لله كل ما بيطورو نقطة برجعو عشر سنين لوراء

قال تطور وحداثة

بس تخلف وجهل واستغلال

للأسف ما رايحة غير ع شعب الدرويش

وهدول تجار الحلبية

ما شبعوا تخزين كافة المواد
ما شبعوا نهب
ما شبعتوا

وبعدين معكم

بس إن شاء الله ربكم بمرصاد

إن شاء الله كل واحد استغلالي وحرامي وبياكل حق الضعيف والدرويش يبعتلوا ربي حدا يهينو ويذلوا

يارب

كريم يا ربي والحمد لله
ابو يوسف
(1)   (1)


وين الدول النفطية والغازية الداعمة للنظام كلهن على حدود بعض

ايران روسيا العراق


وينهن يا مؤيد خلي ينقذو نظامك من طفرة الشعب وانفجاره أكتر وأكتر


ولا بس ضراط عالبلاط



حلبي منتوف
(1)   (0)
أعتقد أنو المسؤولين كلهم عندهم غازات...لذلك مو حاسين فينا
انتو بس طولو بالكن شوي...خلصت
thaeer
(1)   (0)
والاحلى من ازدياد الاسعار وعدم توافر المواد اللازمة للمواطن في تلاعب وغش من البائعين لي عم يستغلوا حاجة المواطن . يعني مثلا انا من اسبوع اخدت جرتين غاز عن الباب وبتفاجأ بانن معبايين مياه بدال الغاز .. شو هالمسخرة هي .
لك لي ما بيخاف الله خاف منو .
حلبي
(3)   (1)
قال السيد خطاب يجب ان نبحث عن بدائل للمازوت والغاز ونسي يقول نبحث عن بديل له لانه اجر كرسي وبدها غيار
هاااااااااااام
(0)   (0)
ضروري للشعب انو يحط قنينة ع قفاه وياكل فجل+بيض+مخلل+دبس فليفلة+ويحط جنبو قنينة فاضية+وينام على بطنو على البلاط
وبس يصير التفاعل العجيب وتصير امعاؤ غازات
بحط القنينة الفاضية ع قفاه ويعبي غاااااااااااااااااااااااااز
يلعن روحك ياحرامي -نحنا بدنا ندور ع بديل ياترى عيلتك عم ينقصها غاز-بعدين فين انتاج حقل الغاز اللس افتتحناه من سنتين
المحامي فواد
(1)   (0)
اذا ايدنا الرئيس نحن منحبه بس ليش نؤيد الحكومه شباب هي اسوا حكومه تاريخيا اذا افشل وزير في عهد الحرمية و الفشل رئيسها
الرئيس الاسد قال تراجعت الزراعة في عهد هذا الفهيم في عهد الامان ماذا تنتظرون في عهد الاصلاح و العقوبات اذا الجرة اليوم1200 بكرا ما راح نشوفها ابدا ابدا و عفكرة سوريا تصدر غاز و نفط وهي عضو باوبك
سوري وبس
(1)   (0)
غلاء الاسعار يدل على افلاس الدولة التي استهلكت مخزونها او اللي بقي منه وهذا يعني ان النهاية قربت
ماعلينال الا ان نصبر شوي
بس ياريت هالمرة تنشر ياعكس السير ولو انو ما عندي امل
سلمان المجدد
(0)   (0)
مافي أزمة وسورية بخير.. بكفي إشاعات مغرضة.. وحتى لو ما كان في غاز.. اطبخوا عالكرامة الوطنية.. إن عشنا منعيش شرفاء.. وإن متنا منروح عجهنم وهنيك الطبخ بالبلاش.
الحور العين
(0)   (0)
صورة الخبر حلوة كتير وانا حفظته عندي بكرى رح كبرها و حطه شعار بالبيت ههههههههههه بكفي مافي غاز عالقليله نشوف صورتو ؟؟؟
الرجاء النشر ؟؟؟
مواطن حلبي
(1)   (0)
اش الي ما عجبكم بالتعليق الماضي يا أسرة التحرير التي تسعى للصحافة الحرة و الشفافية في زمن نحتاج لللشفافية للخروج من الأزمة و بناء الوطن
ديبو
(0)   (0)
هي فرصة لنقطع الاتصال مع المسؤؤل
ونتصل مع رب العباد
لايحرمنا من الشمس عليكم بالطاقة الشمسية يا عباد الله
النمر الوردي
(0)   (0)
تعرفوا ليش شو سبب ها الازمة
والله شعبنا الازم يرجع الى كل شي طبيعي يا اخي شتغلواعلى الحطب
ليش مو عاجبكن والله ما في احسن منو متوفر كتير شو ما بتقدرو دور على البديل
كانت ستي على طول تفضل الحطب على كل شي
ديبو
(0)   (0)
هي فرصة لنقطع الاتصال مع المسؤؤل
ونتصل مع رب العباد
لايحرمنا من الشمس عليكم بالطاقة الشمسية يا عباد الله
pencil
(0)   (0)
ي شباب في معمل الغاز بحلب عصبة موعصابة المدير ونائبو صار معن ملايين من أزمة الغاز ولا حدا أو في موقع المسؤولية سألن من أين لك هذا أكيد من فضل شركة الغاز ..... الله ياخدن ونخلص مدير ونائب
طالب جامعي
(0)   (1)
للأسف الكل حكا وماقصر
بس العيب فينا مو في الدولة .. وبين قوسين الطاسة ضايعة وكل شي عم نلزقو بالدولة والحكووومة
نحن منتمنى انو الحكومة الجديدة تشتغل اكتر وخاصة عالواقع المعيشي لانو الشعب الو طاقة ممكن يتحمل كل شي الا لقمة العيش (( يعني لقمة العيش رح ننحرما ,,, شو يقي غير نموت وخلص )) ونحنا بدنا الحياة لشعبنا وليس العكس نحنا مابدنا حدا ينذل نحنا بدنا نكذب الغرب مابدنا نعضي دافع من تحت راس كم تاجر وكم حرامي بالبلد وكم مخرب

اذا الواحد فينا وسطيا يوميتو 400 شو بيعمل فيا هاااد ؟؟؟

بجب نوه لكتير من الناس انو التجار والحرمية (( والي راكدين يعبو جيوبن من وراء الازمة ))
هنن السبب وليس الدولة
وكتير من محلات الغاز عم يعبو جرات الغاز الصغيرة من الكبيرة وعم يطالعو منا 3 جرر تصورو يرعاكم الله
(( مع انو الحكومة لازم تعالج اول شي الواقع المعيشي شي متأزم الامور أكتر وأكتر ))
ونحنا بوضع بدنا الي البو عالبلد والي حابب يخدم البلد ومابدنا حدا يسرق لانو الواحد منا مو لقيان
وشكرا عكس السير شكرا لطرحكم مواضيع الشارع السوري الحساسة متل هيك موضوع
فايق ورايق
(0)   (0)
طالما المسؤول عم يقول انو كل واحد يدبر راسو انا قررت أقطع الشجرة يلي قدام بيتي واستعمل الخشب للطبخ
سهلة وبسيطة
سورية بخير
(2)   (0)
كل شي صار غالي اومفقود من لمابلشت الثورة الله لايوفق يلي كان السبب طبعا كل واحدعم يطلع مظاهرةعم يسبب أذى لكل الناس حتى أوقات بكون سبب لموت ناس أبرياء اوسبب سجن كمان ناس أبرياء
يارب نسألك الأمن والأمان
بنت سوريا
(0)   (0)
و لك الله لا يوفق كل انسان تظاهر شفتو ثورتكم المبجلة لوين وصلتنا انو كنا عايشين بامان و استقرار و سلام و عين الله علينا هلا صرتو تفهمو بالحرية و انتو واحدكم ما بيعرف الخمسة من الطمسة الله يسود وشكم
سامي مسلم
(0)   (0)
http://www.facebook.com/
[email protected]
في زمن العجائب الغاز بي سوريه اصبح حلم السورين
كم انت رائع يا ابا عصام عندما اشتريت الببور لي ام عصام في زمن باب الحاره
موسكو
(1)   (0)
لسع الاغرب من هاك العمال الي بشتغلو دهخل مستودع الغاز شو بيعملو
اسمعو وواعو؟
بس تصير الساعة 4او5 العصر
بروحو بجيبو مثلا 100 جرة مليانة وبجيبو 20 فاضية وبصيرو يفضو من جرة لجرة بكونو اكتسبو 20 جرة مليانة على هاك ومتلو
انا بعيني شفتهم مو حدا عبيحكي
بس شو بدنا نعمل العين بصيرة والدعم قصيرة
؟؟؟ ارجو النشر
حنكة
(0)   (0)
تجارة من الطراظ القاسي ,الله يخلينا الصين اذا كترت غازات الكهرباء عندن بيجي واحد من عنا (بدون تعليق) بيسال حالو كيف بدنا نجبر الناس عشراء الغازات الكهربائية ؟ منقطع الغاز الطبيعي شغلة شهر شهرين كافية للبيع .طبعا بعد حقن الناس (دبروا البديل)
طالب جامعي
(0)   (0)
عشت خمس سنوات بالمدينة الجامعية من دون غاز
الكهرباء هي الحل البديل
روح لأقرب كهربجي وهو بي بظبط الغاز الكهربائي والساعة الكهربائية كمان
كلنا للوطن والكهرباء للجميع
جملووووووووووووووف
(0)   (0)
ع فكرة سوريا من مجموعة منظمة اوبك (يعني نحنا نصدر غاز وبترول ..............) ابعرف
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " ماشيين غلط "

11-3-2015
مستشار القائد العام للحرس الثوري : قادتنا العسكريون حرروا 85 % من الأراضي السورية
قال مستشار القائد العام للحرس الثوري الإيراني، اللواء حسين همداني، إن "القادة العسكريين الإيرانيين قد حرروا 85% من ...


11-3-2015
السلطات قامت بتصفية مجموعات عائدة إلى البلاد .. الحزب الشيوعي يكشف عن صينيين يقاتلون في صفوف " داعش "
أفاد أمين عام "الحزب الشيوعي الصيني" في منطقة شينغيانغ غرب الصين بأن متطرفين صينيين انضموا إلى تنظيم "داعش"، ...


11-3-2015
تهريب أسلحة و كوكايين .. السجن 16 عاماً في نيويورك لنجل رئيس " سورينام " بتهمة مساعدة حزب الله
حكمت محكمة في نيويورك الثلاثاء على نجل رئيس سورينام بالسجن لأكثر من 16 عاما بتهمة محاولة تقديم الدعم ...


10-3-2015
محكمة فرنسية تحكم بالسجن 3 سنوات على رجل ساعد فتاة أرادت الذهاب إلى سوريا للانضمام إلى " داعش "
 اصدرت محكمة باريسية الثلاثاء حكما على رجل بالسجن ثلاث سنوات لانه ساعد فتاة في الرابعة عشرة من عمرها ...


10-3-2015
مع تدهور الأوضاع الأمنية في الداخل اللبناني .. الشرق الأوسط : " حزب الله " بين المعركة و الحل السياسي في سوريا
لا يبدو «حزب الله» المنهمك حاليا بمعارك سوريا وخصوصا تلك المحتدمة على الجبهة الجنوبية وبالتحديد في مثلث القنيطرة ...


10-3-2015
الشبكة السورية لحقوق الإنسان : طائرات التحالف تسببت بمقتل أكثر من 100 مدني في سوريا
  أفادت الشبكة السورية لحقوق الإنسان، أن قصف قوات التحالف الدولي على تنظيم داعش، ضد مواقع التنظيم ومواقع أخرى ...


9-3-2015
مستشار الرئيس الإيراني : عدنا " إمبراطورية " كما كنا .. و عاصمتنا الآن هي بغداد
قال علي يونسي، مستشار الرئيس الإيراني، حسن روحاني، إن "إيران اليوم أصبحت امبراطورية كما كانت عبر التاريخ وعاصمتها ...


9-3-2015
صحيفة : دمشق القديمة تتحول لـ " مربع أمني " لحزب الله
  بعد تفجير حافلة تقل شيعة لبنانيين بالكلاسة بالقرب من سوق الحميدية وسط دمشق مطلع شهر شباط الماضي، بات ...