صحيفة محلية تسبق الزمن وتصدر عدد "بكرا" اليوم !!


أخبار البلد	سياسة	كوكتيل	كرت أحمر	تكنولوجيا	المال و الأعمال	مساهمات القراء	سيارات

ماشيين غلط

حوادث

شباب وطلبة

بكرى أحلى

حلوة يا بلدي

طافشين

فلاش

الصورة بتحكي

ع البال

سوريا أخبار سورية اخبار حلب اليوم

هام : الجبهة الاسلامية السورية تتبنى عملية تحرير "معسكر الشبيبة "بريف ادلب في عملية القصاص لاهلنا في بانياس

صحيفة محلية تسبق الزمن وتصدر عدد "بكرا" اليوم !!
الاثنين - 7 أيار - 2012 - 17:56:05

التفاصيل

من المرات النادرة جداً أن ينسل مؤشر الماوس لدي ليدخل في الصحف المحلية التي تصدر في المحافظات، وليس لكونها نسخة مكرورة عن الصحف الرسمية الثلاث بألوانها الزاهية "الأزرق والأحمر والأسود"، بل لورود الأخبار التي يمكن أن تؤخذ من هذه الصحف من الوكالة الرسمية "سانا" قبل أن تنشر تلك الصحف في اليوم التالي حيث يكون الخبر "بايت".

اليوم ولأسباب غير مفهومة دخلت إلى موقع صحيفة "الفداء" التي تصدر في محافظة حماه، لأفاجئ بخبر عن الانتخابات النيابية، وقد وضع الموقع تاريخ 8-5-2012 للخبر، مع العلم أن اليوم هو 7-5-2012 وهو اليوم المحدد للانتخابات، وهذا ما يعرفه جميع من في سورية.

وبعد اطلاع بسيط على أخبار أخرى تبيّن أن تاريخ الصحيفة بشكل كامل هو 8-5 أي العدد كله، ولم يتنس لنا التأكد من النسخة الورقية إن كانت تحوي نفس الخطأ.

القضية هنا ليست بأن الموقع "قدّم" تاريخ الانتخابات يوماً كاملاً، وليست نوعاً من "الصيد في الماء العكر" إلا أنها ببساطة تعبر بكل وضوح وشفافية على "لا مسؤولية" القائمين على المؤسسات الإعلامية، الأمر الذي يجعل من خطأ صغير عرضة للتكهن والتندر.

موقع صحيفة "الفداء" في حماه، وصحيفة الفرات في دير الزور، وصحيفة الوحدة في اللاذقية، كلها تتبع لمؤسسة الوحدة التي تصدر منها صحيفة "الثورة" الأم، ورغم "عجر وبجر" الشكل والمضمون إلا أنها تبقى "أحسن من بلا"، ويكفي أن لها موقعاً على الانترنت رغم الهفوات.

عكس السير

احفظ هذا الخبر في :

التعليقات : الآراء الواردة في التعليقات تعبر عن آراء أصحابها وليس عن رأي عكس السير .

الاسم : سمير
العنوان : عأساس المهنية عبتنقط من عكاسكم

(57)

(107)

أنتوا مو أحسن عالأقل هنن أخبارهم لتهدئة الشارع أما انتوا بيطلع شي 100 همجي بالشارع بتنقلوها كأنها 100000 و الأبشع أنو بتحطوا تعليقات لناس يمكن بعمرها لا فهمت و لا رح تفهم شو عبيصير بالبلد!!!

الاسم : ميخائيل مطانيوس غطاس
العنوان : الثلاثاء: 8-5-2012 - رقم العدد 14353 من الدستور الجديد

(32)

(14)

الثلاثاء: 8-5-2012 - رقم العدد 14353

من الدستور الجديد............
لهلأ ما غيروها جماعة الثورة.......
طيب
السؤال...؟هلا فعلا ثورة ثورة
أو الثورة يلي بالي بالك هي الثورة الحقيقة

الاسم : haysamm
العنوان : وشو يعني؟؟

(44)

(66)

.

والله ياعكس السير صاير فيكم متل معارضي الخارج ... إذا بشوفوا صحفي تفركش وهو ماشي بصوروه فيديو وبينشروه عالأنترنت وبقولوا عنو تفركش لأنو كان عم يكذب

.
هزلت ماهيك؟؟؟!!!

الاسم : وضاح
العنوان : توضيح

(5)

(2)

ياشباب ... لا تكونو سباقين للاصطياد في الماء العكر ... الوضع الامني بحماه معروف ... والمحررين بحماه ينجزون مهامهم باكرا ... والقصة طبيعية ... فقد اجرى الشباب لقاءاتهم ومقابلاتهم منذ الصباح ليتمكنوا من طباعة العدد باكرا بسبب الظروف الراهنة ... حيث لا يمكن لهم العمل ليلاً ..
والحال نفسه بالنسبة للعاملين على تحميل المواد على الانترتيت ,, حيث تم تحميل العدد والمواد التي فيه باكرا ايضا ..
ولأننا نعتبركم صحافة وطنية .. نوضح لكم هذا الموضوع .. لأن هناك الكثير ممن يصطاد بالماء العكر ..
نتمنى ان تكونوا على قدر المسؤولية وتتفهموا هذا الموضوع على حقيقته .....

الاسم : سوري
العنوان : الله يعين

(9)

(5)

منيح يلي ما نشروا أسماء الناجحين بالانتخابات !!!

الاسم : محمد
العنوان : اي شو يعني !!!

(8)

(2)

لك ليش صايرين تافهين كتير ليش !!!!!!!!!!!!!!!!!!!!!

العمى شو هادا ولو !!! هلق مفكرين حالكن قل صايرين عم تنشرو كلشي وانتو الحربوقين اللي ما بيخفى عليهم شي !!! هيك مفكرين !؟؟؟

العمى اذا هيك مفكرين مصيبة
واذا مو هيك مفكرين فالمصيبة أعظم !!!

انشرو يللي بتلاحقو كلشي وبتنشرو كلشي !!!!!!!!!!!!!! يا حيف بسسسسسسسسسسسسسسسسسسسسسسسسس يا حيف .
بس كلو خير.

الاسم : مواطن
العنوان : مابين السطور

(1)

طبعاً مضمون الخبر الحقيقي في الصورة , رغم ان كاتب التعليق اغفل ناحية مهمة , وهي كون صياغة الخبر معدة فعلاً لتكون في عدد غداً , اي بعد "نجاح الإنتخابات" ... وقد يكون الخطأ مقصوداً من شخص طفح الكيل معه ... والله اعلم

الاسم : سوري
العنوان : مقال تافه

(6)

(4)

حبيبي بحب قلك انو مقالك سخيف وتافه.

وبيكفي أنو الموقع والجريدة متنقل أخبار واقعية مو متلكم كلو تأجيج للوضع.

إذا لم تستحي فاصنع ما شئت

الرجاء النشر

الاسم : متابع
العنوان : فضيحة

(2)

(5)

فضيحة اذا اعلنوا بالعدد نفسه اسماء الناجحين بالانتخابات وكشفوها قبل ماتعلنها لجنة الانتخابات ؟؟؟

الاسم : مندهش
العنوان : شي ابشع من شي

(6)

(2)

هذا ليس شيئ ويعتبر خطأ بسيط (مطبعي )بالنسبة للأخطاء الطبية القاتلة التي تحدث في مشافينا الخاصة قبل العامة .

الاسم : م سليم
العنوان : يعني خطأ وارد بكل المجالات

(3)

(0)

يعني مو ضل اخبار غير الاصطياد هاد بجد عادي اخطاء بتصير وفورا اتهمنا الناس بعد المهنية واللامسؤولية .. شكرا لك القائمين على جريدة الفداء وكل العاملين بالصحافة وشكرا لعكس السير الذي لا يزال يتهادى كورق الكربون الى القاع بعدما كان في الريادة والف مليون اشارة استفهام على مصداقية موقعكم واهدافه وتوجهاته الحالية .؟.؟.؟.؟.؟.؟.؟.؟.؟.؟

الاسم : محمد
العنوان : ما تفركش

(0)

(1)

ما تفركش لانو عبحكي بلغة بوكرا

الاسم : think twice
العنوان : الى سمير

(1)

مين سمير؟؟؟
بحب قلك بلش من حفظ جدول الضرب وانت طالع. بدا تعلم !!لانو العلم على كبر مو عيب

الاسم : حلبي حر

(4)

والله يا عكس السير انا بحييك و استمر بنهجك الثوري .. لأنو إذا رح تمشي متل قناة الدنيا ما حدا رح يقرالك أخبارك ..

الاسم : حموي
العنوان : للأمانة

(3)

(0)

للأمانة أنا اعرف موظقين في جريدة الفداء يقومون كل يوم بانشاء عدد اليوم التالي من عصر كل يوم وذلك بسبب خوفهم من البقاء في الجريدة نظرا للظروف الراهنة .. وعليه فهذا ليس حطأ بل اصدار عدد الغد من عصر اليوم الذي يليه

الاسم : ناهد كوسا
العنوان : من يزيد؟

(1)

(2)

لدي خبر أحلى .. وأكثر دقة! عندما نشرت جريدة تشرين على صفحتها ما يلي: 32 آب 8 من العام 2005 علما أن أطول شهر يحوي 31 يوما.. لا غير .
كتبت وقتها للصحيفة ولوكالة سانا أن تصحح الخطأ.. دون أي جدوى وبقي تاريخ 32 آب طيلة اليوم.
المعلومة موثقة لمن يرغب.

الاسم : رشيد
العنوان : خبر غير ذي اهمية

(2)

(0)

فكرت هناك تزوير بالاحداث اوشيء اخر ومليح انه لم ينسل المؤشر لديك ويدخل موقع للكبار فقط كنت ايش بدك تعلق هذا ولدى قراءتي الخبر لماذا صورة الخبر على اليسار واعلان عن الالعاب على يمين الصفحة المفترضة لتكون مكان صورة المقال هل هو تمبلت اجنبي مركب على الموقع ولماذا احمل 7 اعلانات فلاش كبيرة لمقالة من 6 اسطر ومامعنى كلمة مكرورة اذا سمحت
تامرون الناس بالبر وتنسون انفسكم

الاسم : بحب سورية
العنوان : مهنية

(3)

(0)

لأ وشو عملينا مهنية وعم تنشروا التعليقات والله قلب الموقع مسخرة

الاسم : صحفي حكومي
العنوان : ياعكس السير

(2)

(0)

تتبع هفوات الاعلاميين صار عادة عندكم وهو ما يؤسف له ومن المعروف ان المراكز الاعلامية اعرضت للحرق في الاحداث المؤسفة وصحفيو الفداء يعملون في ظروف صعبة جدا جدا .. يعني تحت النار والرصاص والصحفي او العامل ياتي لمقر الجريدة وروحه على كفه في سبيل الا تتوقف الجريدة ولو عدد واحدبينما انتم جالسون في مكاتبكم الفارهة تشربون الشاي وتعملون .
العاملون في صحيفة الفداء فدائيون لانهم يصدرون جريدتهم من منطقة ساخنة كلنا نعرف اوضاعها وكان الاولى توجيه التحية لهم لاتصيدّ ما اعتبرتموه ثغرة

الاسم : ahmad
العنوان : يالطيف

(0)

شو هالخبر الغريب والعجيب

الاسم : اللمبي 81GB

(0)

(4)

يعني انا ما عم بفهم ليش عم تتهجمو على الموقع عكس السير.

و هو شعارة مقتبث من القائد الخالد رحمُ الله ( لا أريد لأحد أن يتستر عن الخطأ ويتستر عن العيوب والنواقص ).

خلنا بقى نطلع لجو إعلامي صحي ثمتهُ النقد البناء.

وشكراً أعزائي

الاسم : أحمد فلاحة
العنوان : هذا الصح

(2)

(1)

أنا بما أني سوري والحمد لله بحب أشكر موقع عكس السير مو لأنو ( عم ينشر غسيلنا الوسخ ) بس لأنو وإن شاء الله نبحث عن الخطأ وإن شاء الله نصححه مرة تانية بشكر موقع عكس السير ألف شكر

الاسم : سامي
العنوان : هزلتوا فعلا

(2)

(0)

متل ماقال الاخ سمير على الاقل صحيفة الفداء بتعتمد الحكمة والمسؤلية بينما حضرتكن بتعتمدوا على كم امي بنقل الاخبار وبعدين ليش كل هل حقد على المواقع التانية والاعلام الحومي .ز فعلا هزلتو ياغكس السير

الاسم : لول
العنوان : فعلا

(1)

حتى بالطباعة نازلة 8 الشهر بس اكيد خطأ مطبعي ومافي شي الانسان الا ما يسهى عنو

الاسم : الوطن
العنوان : يلي بيتو من زجاج لا يرمي الناس بحجارة

(3)

(2)

بالمناسبة عكس السير والقائمين عليه يمتازون بضعف القدرة على الإبداع وحبهم لسرقة المواد الجاهزة وخصوصا من جريدة الوطن دون ذكر المصدر

الاسم : الى سمير

(3)

(0)

بشرفي حكيك دهب ومظبوط 100% هالموقع صاير مهزلة عاساس شو هنن بهمن مصلحة البلد بس ماحدا بيعرف انو الموقع معن معن عليهن عليهن بس يمكن معن حق مدير الموقع مرشح حالو وماحدا انتخبو وما نجح مشان هيك كل هاد حاقدين عالانتخابات وعم يحكو من قلب محروق بتمنى انو تطلعو عحالكن شوي قبل ماتنتدقدوا العالم

الاسم : حموي
العنوان : بس أنو وين الخطأ؟؟

(9)

(1)

يعني وين الخطأ
إذا بلشت تقرا المقال رح تلاقي مكتوب:
""""""""""""""""""""""""""""
الثلاثاء 2012-05-08:
بدأت في الساعة السابعة صباح أمس عمليات انتخاب مجلس الشعب
""""""""""""""""""""""""""""
يعني كلامن صحيح
و الانتخابات كانت بيوم الاثنين 2012-08-07
و هاد عدد الثلاثاء 2012-05-08
و العدد نزل بشكل الكتروني مساء يوم الاثنين 2012-05-08
و بهالوقت كمان رح تبدأ عملية طباعة الجريدة ليصار إلى توزيعها صباح الثلاثاء 2012-05-08
أنتو يا عكس السير نشرتو الخبر الساعة 6 المسا و خطأ الفداء بس أنه نشرو العدد الكتروني بشكل مبكر
و هاد لا يعتبر خطأ

يمكن حكيي ما ينتشر على صفحاتكن .. بس المهم أنكن تقرو كلامي منيح و تفهموه

الاسم : اسماعيل الحمصي
العنوان : نسابق الزمن

(4)

(3)

دائما في مايخص مصالح النظام نسابق الزمن وفي مايخص المواطن نعود للعصر الحجري

الاسم : زوز
العنوان : الله يسترنا

(2)

(0)

يعني على ثانية وحدة كانت قامت الساعة بسبب الخطأ الناتج عن الظروف الراهنة ( مو هك يا عكس السير ) بربكن هاد شغل هاد المشكلة صارت عند عكس السير متل ألي بيتو ع يحترق و جارو عندو عرس ترك بيتو يحترق و راح يخانق جارو ليش عندو عرس .. جلسو بقا جلسو حطو أخبار و حوادث يكون اسمها أخبار انششششششششششروا

الاسم : صديق قديم لعكس السير
العنوان : صدقوني

(0)

عكس السير انتو موقع محترم وانا بحبكم بس للاسف وهاد الشي مزعلني كتير جد لانو انتو عاساس عبتنزلو وبتكتبو بحيادية بس للاسف عبتكتبو بانحياز من دون ماتنتبهو لاخطائكم وبنتزلو تعليقات لناس يمكن هلئ بالاوضاع الراهنة عرفت شو هو النت او المواقع
لا تخربو بيتكن بايدكن وخليكن واقعيين لانو احيانا عبتعملو مشاكل بين الناس من دون ماتحسو وصرتو تدعمو الارهاب وتخلوهن يعلقو باتفه العبارات المحنة سوف تذهب وستبقى الذاكرة خلونا نذكركن دايما بالخير بعد المحنة <ارجو النشر يااصدقائي >

الاسم : الى محمد
العنوان : اي شو يعني

(1)

(0)

انا برأي تساويلك شي موقع تنشر فيو الي بيعجبك بس و الي بتشوفو ضروري لعما شو انك بايخ

أرسل تعليقك :

مقالات اخرى من " الصورة بتحكي "

22-5-2013
بالصور .. إسعاف قطة أصيبت برصاصة في بستان القصر بحلب
نشر ناشطون على مواقع التواصل الاجتماعي صوراً قالوا إنها لقطة أصيبت برصاصة في بستان القصر بحلب. وتم نقل القطة ...

21-5-2013
شبكة سي ان ان تنشر صورة لاماكن استخدام السلاح الكيماوي في سوريا
عكس السير اضغط هنا للوصول إلى صفحة عكس السير على "فيس بوك" ...

20-5-2013
رويترز: من تشييع قتلى حزب الله في مدن لبنانية
عكس السير اضغط هنا للوصول إلى صفحة عكس السير على "فيس بوك" ...

19-5-2013
بالصور احمد حسون ونجله في زيارة لمواقع حزب الله في الجنوب
أستقبلت منطقة أقليم التفاح في الجنوب مفتي نظام الاسد الشيخ أحمد بدرالدين حسون في زيارة هي الاولى له ...

17-5-2013
في محاولة للتأكيد على أنها لم تغادر سوريا .. أسماء الأسد تتجول في شوارع دمشق
فيما يبدو أنه رد على ما نشرته وسائل الإعلام التركية حول مغادرتها للبلاد، نشرت صفحة "رئاسة الجمهورية العربية ...

16-5-2013
مقاتلات الجيش الحر على جبهة حلب
عكس السير اضغط هنا للوصول إلى صفحة عكس السير على "فيس بوك" ...

15-5-2013
آثار الدمار الذي سببه القصف على كنيسة أم الزنار في حمص القديمة
عكس السير اضغط هنا للوصول إلى صفحة عكس السير على "فيس بوك" ...


الرئيسية \| من نحن \| اتصل بنا \| طوارئ