إعلانات
الائتلاف يحدد موعد البدء بتمديد جوازات السفر للسوريين
الثلاثاء - 27 كانون الثاني - 2015 - 14:37 بتوقيت دمشق
التفاصيل


أعلنت السفارة السورية في قطر بدء العمل رسمياً في تمديد جوازات السفر المنتهية اعتباراً من يوم الخميس المقبل لأبناء الجالية السورية في قطر كمرحلة أولى.

وأوضحت السفارة في بيان لها اليوم، أنه يمكن تحميل طلب التجديد مع الأوراق المطلوبة عبر صفحة السفارة على "فيس بوك"، كما يمكن التواصل معها أو طرح الأسئلة والاستفسارات عبر نفس الصفحة أو بالاتصال على الرقم الأرضي 40208222".

وجاء في بيان السفارة : "تم إصدار لاصق تمديد (عينة) يحمل الشعار الرسمي المعتمد بكافة المواصفات و العلامات الفنية و الأمنية و بحسب المقاييس العالمية, و يعتبر هذا التمديد رسمياً كونه صادر عن سلطة رسمية نابعة عن الائتلاف الوطني و الذي يعتبر الممثل الشرعي و الوحيد للشعب السوري".

وأضافت السفارة : "تمت مراسلة 52 دولة بالإضافة إلى الأمم المتحدة , و الجامعة العربية و الاتحاد الأوروبي, و منظمة التعاون الإسلامي و مجلس التعاون الخليجي ,وكان الخطاب مرفقاً باللاصق الخاص بالتمديد و لم يأتنا من طرف أي دولة جواب بالرفض باستثناء دولة واحدة فقط".

وختمت : "لذا تعلن السفارة السورية في قطر عن بدء العمل رسمياً في تمديد جوازات السفر المنتهية اعتباراً من تاريخ الخميس 29/1/2015 م لأبناء الجالية السورية في قطر ( كمرحلة أولى ) و يمكن تحميل طلب التجديد مع الأوراق المطلوبة عبر صفحة السفارة على الفيس بوك , كما يمكنكم التواصل معنا و طرح الأسئلة و الاستسفارات عبر نفس الصفحة أو بالاتصال على الرقم الأرضي 40208222".

وقال نزار الحراكي سفير الائتلاف في الدوحة إن كندا هي الدولة الوحيدة التي رفضت الاعتراف بهذا التجديد، فيما أكد أن المرحلة الثانية من تجديد الجوازات ستبدأ خلال الشهرين القادمين في دول الجوار، بحسب "حارة إف إم".

وكان جدل واسع أثير حول مدى مصداقية الائتلاف في عملية تجديد جوازات السفر مع إعلان كل من السفارة في قطر والحكومة المؤقتة في عنتاب عن اتباع أسلوب مختلف عن الآخر في عملية التجديد، حيث أن الأخيرة ستقوم باستخدام لصاقات مشابهة للصاقات النظام، في خطوة لم تبصر النور بعد.

يذكر أن أياً من المنظمات الدولية التي ذكرتها سفارة الائتلاف في بيانها، لم تخرج بأي تصريح حول موضوع تجديد جوازات السفر السورية عبر الائتلاف، لا نفياً ولا تأكيداً.

عكس السير

 

 


التعليقات :
OMG
(60)   (11)
فعلا شغل هالائتلاف غباء على تخبيص ...بدل من انو يجيبو الموافقات من الدول قبل ما يمددوا... بيمددوا وبيتركوا الناس لرحمة الشرطة بالمطارات على بنعترف ومابنعترف....قال ماحدا رفض قال.... يعني السكوت علامة الرضا ههههههههه
مستفسر!!!!
(48)   (15)
الائتلاف: يعتبر هذا التمديد رسمياً كونه صادر عن سلطة رسمية نابعة عن الائتلاف الوطني و الذي يعتبر "الممثل الشرعي و الوحيد للشعب السوري". حزب البعث: "الممثل الشرعي و الوحيد للشعب السوري". يعني من تحت الدلف لتحت المزراب...
خونة الوطن
(44)   (93)
فشرتوا حقكن فرنك وين مارحتوا
سوري
(37)   (14)
والله بدكون تخلونا نضيع شلون ما عم تعرفو هههههههههههههه حلوة هي انت والنظام ابشع من بعض
سوريا الاسد
(36)   (95)
بلو و شربو ميتا... على صدوركم باقون و باقون كالحديد...
سوري فايت بلحيط
(38)   (16)
خطوة في الطريق الصحيح والخطة الثانية إصدار جواز سفر الخطوة الثالثة الاتصالات الخلوي والأرضية سحبه من النظام ولاتنسىوا تلو كلمة العربية الجمهورية السورية فقط
سوري
(65)   (35)
انكسرت رقبتك يا بشار الجحش ماعاد فيك تتحكم بمصير السوريين يانصيري يانجس
1818
(35)   (14)
انتبهوا ايها السوريون ... كل الدول ماعدا بعض دول الخليج لن تعترف بهذه اللصاقة وستعتبرها تزوير في وثيقة السفر. الحكومة الشرعية و المعترف بها دوليا وفي الامم المتحدة هي الحكومة السورية في دمشق سواء اعجب هذا البعض ام لم يعجبهم. فرجاء بيكفي تخبيص
مغترب
(21)   (0)
يارب تقدم بما فيه الخير لصالح الشعب السوري اللي حرام يصير فيه اللي عبصير
شو منشان
(27)   (11)
انصح الجميع بعدم الثقة بهذا الاجراء ... قال بعتولهم وما اجلهم الجواب بالرفض ؟ طيب يقولوا وما اجانا الرد بالقبول !!! فعلا صرنا ضحية طرفين متماثلين بالغباء وبرؤيا واحدة تجاه الشعب بأنه فأر تجارب لجميع القرارات الغبية والاسلحة الفتاكة والفصائل العسكرية بشتى انتمائاتها . اذا تركيا حاضنة الائتلاف لسه مابتعترف الا عالبسبور الصادر عن النظام !!
Alex
(25)   (10)
الف مبروك وان شاء الله الفرحة بتكتمل وقت بينعفس الجربوع بشار واذنابه
الشبيحة الى زوال
(13)   (13)
يعني يا اما الي عميعلق ما بفهم يا اما الشبيحة بيتابعو عكس السير و هذا نجاح لعكس السير اما بالنسبة للاعتراف او ما في اعتراف الي عميشتغلو بتجديد الجوازات ابو لزقة ليه مشي حاله و ليه ما حدا عميرجعو لصاحب الجواز الي عمل تمديد من عند ابو لزقة !!!! فعلا لسا في ناس مجنونة لك ما ظل لبشار بس ينداس بالصرامي هو و شبيحتو
وطني الحبيب
(5)   (2)
الحب كل الحب لوطن يظل مهوا الأفئدة وتبقى سويا بلد التسامح بلا جواز سفر
1818
(15)   (3)
سبحانو هالرب . يعني في ناس اذا كان الحكي مو على كيفهن بيصير الطرف الثاني رأسا شبيح او ما بيفهم. يابني ادم الجواز اللي تمدد من عند (ابولزقه) يعتبر جواز صادر من حكومة دولة معترف عليها من كل دول العالم حتى لو كانو معارضينها وبدن اسقاطها. اصلا ماخرب حياتنا الا اللي متلك مخهن زنخ ومفكرين حالهن صح و كل الناس غلط
مغترب
(15)   (6)
الممثل الوحيد للشعب السوري!!مين عينهم ممثل ووحيد؟والله والله مابرضى انكم تمثلو صرمايتي
بو صالح
(12)   (6)
الائتلاف الوطني و الذي يعتبر "الممثل الشرعي و الوحيد للشعب السوري....اوكي مين اللي انتخبوا حتى صار الممثل الوحيد للشعب السوري ؟ وكيف صار شرعي وين صارت الانتخابات ؟
ابن حلب
(8)   (4)
بغض النظر عن الموضوع سوريا ماهي ملك الاسد اللي مسمي حالو سوريا الاسد ماعاد تفهم انت وامثالك سوريا ملك للشعب وليست ملك لحكومة او رئاسة معينة ،،، ياربي دخيلك ارحمنا من عقول هيك بشر
الله يحمي سوريا
(10)   (3)
نرجو من سفارة الإتلاف ذكر أسماء الدول التي تمت مراسلتها وهل تم الرد منها إيجاباً أم سلباً
سوري شايف حالي
(1)   (1)
هي مو سفارة الجمهورية العربية السورية. السفير يمثل رئيس الجمهورية. هي سفارة الائتلاف اللي بياخد راتبه من .......؟
مغترب حديث (نجاح سياسي)
(2)   (1)
40% من المغتربين لم تتم الموافقة على تمديد جوازاتهم في سفارات النظام وهذه الخطوة المنتظرة هي الامل الوحيد لهم حتى يبقو مقيمين بشكل شرعي .. فلا حدا يتفلسف ويقول بيمثلني ابو بيمثل صرمايتي. لما بكون النظام ما عما يعطيك جواز لأنو شاكك بأمرك لأنو البلد ملكو فهي الخطوة رح تكون نجاح سياسي للائتلاف وتدمير لمخططات النظام بتزليل الشعب السوري .
الحل هوي تركيا
(2)   (0)
خلي تركيا تحتلناو ناخد الجنسية الأصلية تبعنا و طز بالعرب و الله يلعن الشريف حسين و غباؤه
من يوم يومكون بقر و رح تبقو بقر
(2)   (1)
جددو جوازاتكون وانبسطو يا هيك الثورات يا بلا هي انجاز تاريخي عظيم كرمال شخص واحد بدكن تحرقو البلد و حرقتوها مالكن غير داعش يا حرام عليكي يا بلد شو طلع فيكي عاهات
الى 1818
(2)   (2)
اثبت انك لست شبيح بذكر اسمك الحقيقي و من اي جورة عمتحكي و صحة و هنا على الخوازيق الي عمتاكلها و الجاية اكتر
يا حرام
(2)   (0)
هدول شكلهم انزعجوا أنه كيف الدولة السورية بتجمع مائة وثمانين مليون دولار من تجديد الجوازات بالخارج الجماعة عجبتهم الحكاية و بده يلموا قرشين و المعتر السوري بيدفع و بالمطارات له الله الله يعلم و يتلطف شو ردة فعل الدول عيش يا سوري أمورك بخير و مسهلة
وائل
(2)   (0)
فعلا مهزلة دولة الائتلاف لا أرض ويلا شعب وتصدر جوازات لمن ياترى وتفرض رسوم . وتتاجر بالدم السوري
1818
(2)   (0)
هاهاها .. للمعلق اللي بدو يعرف اسمي الحقيقي... خبر تازة من الفرن "سفير الائتلاف في قطر يتنصل : تجديد الجواز يتم على المسؤولية الخاصة لمقدم الطلب" .... فمابعرف هللق مين منا اللي عم ياكل خوازيق !
111
(2)   (0)
حدن انتبه انو اللي مكتوب باللعينة العجيبة بالانكليزي غلط، بعدين على فيس بوك عالم رح تحمل صور جوازاتها؟ يا عالم يا ناس الكل تطور وصار بين ادم نحنا رايحين جايين بنتفلسف على بعضنا والشاطر بيكبر راس وبيلوم التاني وبيتمرجل وبيحكي اصلا نحنا ما شاطرين غير بالحكي واكل الخ*** ، نهايتنا رح تكون تقسيم سوريا ل 5 او 6 دويلات وبعدين بيتحاربو مع بعضون وشيخ كل وحدة بيجحش اكتر من التاني وبيكون راح البلد وصارت بالحضيض اكتر ما هيي هلاء وبيصير اللي عايش فيها كأنو عايش بغابات الكونجو مع قانون الغاب كل شي معو سكين وسلاح بيشوف حالو ابو عنتر وكل شي منيح ومسكين وبدو يتطور ويزبط بيكون يا اما ترك البلد او راح تحت الرجلين وبيجيك جيل على اوسخ يعني بعد كم سنة بتلاقي البلد راحت لاننا نحنا السورين كنا اوسخ مافي الارض وروحنا بلدنا لاننا ما عرفنا نتفاهم سوا وبيجيك كل واحد حقو فرنكين من اي دولة تانية حتى لو جنوب الصومال بيتضحك علينا ، لك تفي علينا واحد واحد ، ولا حدا يساويلي حالو قبضاي ويقول شبيح وللا مندس، بدي اطلب من كل سوري عمبيقرا يوقف ثواني ويحكي مع حالو ينسى التشبيح والاندساس ، وفكر بالبلد ، ما ضل ولا سوري صغير وللا كبير الا وضحى بشي من عندو ووصلو شي خازوق من هالحرب ، الكل خسران ولو بيضل كل واحد يجحش اكتر ويروح البلد وبنضلنا نقول فلان بلش وفلان كفؤ وعلتان ممثل شرعي وبطيخ يمثلي والخيار لا يمثلني، عاملين متل قرود بحديقة حيوانات الكل عمبيتضح علينا واللي قال بيشفق علينا يعني بيروح يرميلنا موزة ونحنا بدل ما ناكلها ونزبط امورنا ونرجع نبني بلدنا اللي راحت بسبب النظام الجحش والمعارضة الاجحش بيصير نحط الموز بط****ز بعض واللي بيكون راسو اكبر بيكسر راس التاني والعالم من برا قفص القروح بتضللا تتفرج علينا وبعضها تشفق عليك اكتر او مبسوط بطريقة استخدامنا للموز وترجع تعطيك موز اكتر لتضحك عليك وهكذا،،، رأيي الخاص سورية بدها بلدوزركبير يمر عليها ويشيل كل شي فيها ويرجع يحط فيها كم طفل من غير كوكب وخليهم يعملو شعب سوري جديد، غير هالكلام كلو رح يرجع يتجحشن على كلو وبعرف كلامي ما رح يعجب حدا وكتير تعليقات سخيفة رح اقرأها لكن ماني مستغرب لاني بعرف النفسيات المريضة اللي من صنفي انا بالضبط، سوري ،،، واثبتت انو بمقدروي اعمل اللي ما انعمل من قبل التاريخ وحتى هاي اللحظة، ابتداء بالتخريب وبيع الضمير وتكبير الراس والجحشنة والسماع لذوي الذقول اللي قاعدين بدول الكفار عايشين على معونات الكفار وهنن اللي ناهبين البلد وبيعملو مشاكل حتى للبلاد اللي حوتهم وعملتهم بني ادمين ويحاربوها كمان ويشجعو عالمشاكل وكلو استنادا بجملة متناقضات يفتوها على كيفهون للشي اللي بدهون اياه يصير بوقتها، هذا والله اعلم بتشكر اللي قرأ التعليق كامل ، متوقع كلمات من هالقبيل، تلحس،، كول خ***را ، انت شبيح، انت مندس، انت شييعي ، انت سني، انت ما بتفهم، انت حمار، شو بيقطع وبيلحش، يلعن روحك يا حافظ ويا بشار الجحش.... الخ من الشغلات اللي نحنا شاطرين فيها ، وكمان، ماني مستغرب بالمرة، لان نحنا السورييين بيطلع معنا كل شي، اي نعم، كل شي وبكل فخر، اخر شي بنهتم فيه هوي كل شي الا قول اللهم اسألك نفسي. وربي يسر
رد الى 111
(3)   (0)
اقسم بالله انك اصلي وابن حلال و شريف و بتحب وطنك و عندك ولاء واخلاص لأبعد الحدود. انتي حكيت الواقع بالظبط كما هو و بكلمات يستطيع أي شخص بسيط أن يفهمها. يا ريت الجميع يفكر متلك او يكون عنا واحد متلك يا أصيل. لك روح ربي يحفظك و يحميك و يكتر من أمثالك
البيروتي
(0)   (0)
انا عندي سؤال لكل المعلقين و الائتلاف؟. ماهي الجوازات السفر التي يملكها الائتلاف وهل السيد نزار الحراكي جدد جواز سفره بوضع لزقة تجديد مثل كل السوريين ام انه يحمل جنسية غير
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " طافشيين "

11-3-2015
تنفيذ حكم القتل بحق " مهرب مخدرات " سوري الجنسية في السعودية
نفذت وزارة الداخلية السعودية حكم القتل تعزيراً بحق "فادي صبحي عبداللطيف عبدالرزاق" – سوري الجنسية – بتهمة تهريب ...


11-3-2015
موسكو لا تعتبر أن ما يجري في سوريا يستدعي اللجوء .. آمال السوريين اللاجئين في روسيا لا زالت خائبة
بعد فترة انقطاع عن الدراسة استمرت ثلاث سنوات وجد خمسون طفلا سوريا من اللاجئين في روسيا مكانا لمواصلة ...


11-3-2015
وزير الدفاع اليوناني يهدد بإرسال المهاجرين غير الشرعيين والتكفيريين إلى غرب أوروبا
 هدد وزير الدفاع اليوناني بانوس كامينوس بأن تفتح اليونان حدودها أمام اللاجئين ومن بينهم اعضاء محتملون في تنظيم ...


10-3-2015
الإمارات تحذر من خطر التطرف في مساجد ألمانيا .. ووزير ألماني يدعو لدعم اللاجئين السوريين و العراقيين تجنباً لظهور "الإرهابيين"
أعرب ولي عهد إمارة أبو ظبي الشيخ محمد بن زايد آل نهيان عن مخاوفه من انزلاق المزيد من ...


10-3-2015
وسائل إعلام تركية تكشف سبب إغلاق المعابر الحدودية مع سوريا
كشفت وسائل اعلام تركية، يوم أمس الاثنين، سبب إغلاق السلطات التركية لمعبري باب الهوى وباب السلامة مع سوريا. ...


9-3-2015
السلطات اللبنانية تحضر لـ " تسوية أوضاع " اللاجئين السوريين و توزيعهم على مخيمات جديدة بالقرب من الحدود
قالت صحيفة السفير اللبنانية الموالية لنظام الأسد، إن المئات من النازحين المقيمين في مخيمات عرسال بادروا خلال الأيام ...


9-3-2015
دراسة : الألمان في غرب ألمانيا أكثر انفتاحا على المهاجرين
خلافا للولايات المتحدة، كان الحديث عن موضوع الهجرة إلى ألمانيا لايأخذ من اهتمام المواطنين الألمان في السابق. غير ...


9-3-2015
أمين عام حزب ميركل يطالب بقانون هجرة في ألمانيا
 ما يزال بيتر تاوبر، الأمين العام للحزب المسيحي الديمقراطي الذي تتزعمه المستشارة أنغيلا ميركل، متمسكاً بحملته لإدخال قانون ...