إعلانات
إعلانات
الازدحام أمام السفارة السورية في دبي " ماركة مسجلة "
الاثنين - 18 كانون الثاني - 2010 - 19:41 بتوقيت دمشق
التفاصيل
إعلانات


يعاني المواطن السوري في الإمارات العربية المتحدة مما يعاني منه المواطن السوري في سورية من انتظار , وازدحام غير مبرر , و بيروقراطية  , بفارق واحد هو أن المواطن هناك " مغترب " .

ازدحام بات " وشما " سوريا بامتياز للشارع القائمة فيه سفارتنا في إمارة دبي , و يثير هذا المنظر استغراب  الهنود على كثرتهم , حين يراجعون سفارتهم والقائمة مقابل السفارة السورية .

وأرجع المواطنون في شكواهم أسباب الإزدحام إلى أن إمارة دبي تستقبل المقيمين السوريين من كافة الإمارات ( عدا إمارة أبو ظبي ) , و اقتصار فترة إستلام سندات الإقامة خلال الثلاث الشهور الأولى فقط من العام , و سوء معاملة الموظفين , و عدم قيامهم بواجباتهم الوظيفية كما يجب .

وطالب المواطنون السفارة بآليات عمل أكثر مرونة , و بإيجاد صيغة يتم خلالها ضبط تعامل الموظفين مع المراجعين في إطار الاحترام , و الحرص على سرعة الأداء وجودته .

وقال أحد المواطنين " حين راجعت أحد الموظفين سألني عن جنسي قبل أن يعرف جنسيتي " , موضحا أن السؤال كان على سبيل التهكم و المزاح , متابعا " في الوقت الذي كان ينتظر ورائي العشرات دورهم , و المتواجدين منذ ساعات الصباح الأولى "

الازدحام , المعاملة الغير لائقة , احترام الوقت , بالنسبة للمغترب هي أقل ما يمكن للـ " مغترب " أن يطالب به حكومته – حسب مضمون الشكوى التي وصلت عكس السير  - .

و أثنى بعض المواطنين على جهود القنصل في تنظيم العمل و إشرافه المباشر , وخصوصا عندما جاء أجانب ( غير سوريين ) إلى مكتب الاستعلامات الخالي من الموظفين , فقام القنصل " على الفور" بتكليف " أحد " الموظفين بالجلوس في مكتب الاستعلامات و الإجابة عن " استفساراتهم " . 

الجدير بالذكر ان معظم السوريون المقيمون في الإمارات العربية هم من شريحة العمال , والمعروفين باجورهم المنخفضة , وساعات عملهم الطويلة , الأمر الذي  يستنزف طاقاتهم لأجل بعض الدراهم , التي يرسلونها إلى الوطن لافتتاح دكان أو الشراء الأمر الذي يصب في نهاية الامر في " خزينة الدولة " .

وبالتالي إذا لم يكن احترامهم " هبة " , فيجدر أن يكون تحصيل حاصل لقاء مايدفعونه .

رأفت الرفاعي - عكس السير

الصور بعدسة مواطن سوري غيور , مع التنبيه أن الصور في غير اوقات الذروة

 


التعليقات :
عاشق سورية
(1)   (1)
انا من ناحيتي بخلص اموري بدون ما اروح السفارة -واللبيب يفهم =
بحبك ياسوريا
(0)   (0)
الوضع كأنك رايح تجيب خبز زحمة وقلة احترام وموظفين كأنن سفراء والأحلى الموظف جالس عما يدخن كمان روتين وبيروقراطية ومهزلة والسفير يمكن ولا مرة نزل على صالة المراجعين وشاف الوضع على الأقل إذا ما بدو ينزل يركب كميرا ويوصلها عالمكتب لعنده ليشوف الوضع على قول أيمن زيدان عوحة عوجة وياما راح نشوف
متعجب
(1)   (0)
احلى شي انك بتروح على مكان القنصلية السورية بدبي
بتتعجب من كثرة الزحمة
مع انو جنب قنصليتنا في الكل القنصليات والقنصلية الهندية مقابل قنصليتنا ومع انو عدد الهنود في الامارات تقريبا مليونين شخص مابتلاقي اي شخص قدام القنصلية الا قنصليتنا
بتنسى دبي وابراجها وبتتذكر سورية ومعاملة الدوائر الحكومية لا احترام ولا تقدير الي تارك وظيفتوا وجاي يطلع سند الاقامة مشان يدفع بدل الجيش الي رفعوا ل6500 دولار مو احنا بنستلم راتبنا بالدرهم
الله يصلح الاحوال احسن شي
مواطن
(0)   (0)
المشكلة انه المسؤولين لما بيصدروا تعليمات بخصوص اي اجراء بيجتمعوا وبيحكوا بكل شي ما عدا نتائج الاجراء واكبر دليل مأساة دعم المازوت حيث لاحظنا ان الازدحام تحول لكارثة دليل أن المسؤولين الذين يفترض انهم اختصاص تخطيط لا علاقة لقراراتهم بالتخطيط بل مجرد عشوائية ومزاج واي كلام يتقال والسلام
feras dubai
(0)   (0)
مرحبا يا شباب
والله انا كنت معدي من هناك وشفة ها المنظر الي الكل بطلع ع الشعب السوري وبضحك واحلى الشي الموظف الي مو عاجبو شي وبعد شي سعاتين بتوصل لعند الموظف وبقول روح جيب فكة معا عندي وروح دور ع الدكان هي حال المواطن السوري والله انا دخلت السفارة الهندي والله مو هيك بس اذا راح يضلو ها المظفين الي مفكرين انو نحنا عبد عندهم او عم تشحد منهم ولا بعمرنا بنصير خلق وعالم الله يعين ياشباب
رندة
(0)   (0)
اشو السوريين من المغضوب عليم وين ما راحو
يحيى احمد
(3)   (0)
هل يعلم السيد القنصل ان المواطن اذا ارد ان يصور صوره فووتوكوبي فان الموظفين في القنصليه يرسلونه الى القنصليه الهنديه لوجود ماكينه فوتوكوبي هناك وعدم وجود هذه التقنيه المذهله عندنا
وسيم
(0)   (0)

المشكلة بالقنصلية السورية بدبي هو انه وقت استلام الطلبات من يوم الاحد للخميس ومن الساعه 9 حتى الساعه 11 ونص فقط

وكل الشباب السورين معهم مهملة 3 شهور فقط

وولعلم هناك في غرامة 6000 ليرة عن التأخير

وللعم أكثر وأكثر عند تقديم الطلب لا يتم استلام سند الاقامة الا بعد شهر عن طريق البريد
يعني كل الشباب اللي بيقدمو الطلبات بشهر 3 بستلموها بشهر 4 بالتالي صارت الغرامة اجباري لكل اللي قدمو بشهر 3


الحل لهالمسخرة هو موظفين القنسلية يشتغلو وقت اضافي وكمان يوم السبت

كل دوائر الحكومة بتفتح من السبعه للـ 8 بالليل الا قنصلية سورية من الساعه 9 للـ 11
وبيضلو للساعه 3 عشان طق الحنك والتسلاية .



شكرا
المغترب السوري
(0)   (0)
يا جماعة الخير الحكي شي والشوف شي
الموظفين مش ولا بد و كأنو عم يشتغل ببلاش أو إنو مفكر أنو الناس عم تشتغل عندو
صراحة و الحق يقال القنصل شيء تاني و ماني عم أمزح قمة بالزوق و بعكس الموظفين بينزل عالشارع والله مشان ينظم الناس فعلاً بنظري إنسان محترم جداً يا ريت كل موظفين القنصلية يكون عندن جزأ من هالمسؤولية
بتمنى تحسين الوضع والنظر بحالنا الله ينظر بحالكم الكلام موجه لكل مسؤولين الوطن و بالأخص وزارة الخارجية والمالية أيضاً
ولكم الشكر يا عكس السير
عشتم و عاشت سوريا
حشور
(0)   (0)
مو المهم الازدحام المهم بيجيهم الدور لو بعد كام يوم بس تعالو شوفو السفاره السوريه بالاردن يلي ماعندهم لاشغله ولا عمله وابسط حقوق المواطن السوري انو يدخل على محافظه العقبه ممنوع والسفير ماتحرك ولا بشي من 5 سنين لحد الان ليش لانو مو هامو اذا المواطن السوري دخلو على العقبه ولا عمرينو مايدخل بس نحنا منطالب قائدنا وتاج راسنا الدكتور بشار التدخل بالموضوع لانو والله وقف حالنا هل شي وبعدين سمعتنا من سمعت قائدنا واكيد الدكتور بشار مابهون عليه انو السوريين ينمنعو من دخول العقبه وطرحت هل موضوع كتير ياعكس السير وناشدتكم انو تعملو عنو موضوع وطنشتو انتو كمان يعني مشاركين السفير انتو ياعكس السير بعرفكن اوادم شو صاير عليكم عبتتسترو على اغلاط بحق السوريين
dark storm
(0)   (0)
والله بكرا رايح اطالع سند اقامة
واكل هم الموضوع وانا موجود بابعد نقطة بالامارات ..........ز
بقا شباب مالنا غير دعاكم
nedalo - lattakia
(0)   (0)
اصلا ما في داعي يعينو سفير بسفاراتنا بالخارج

لانو الموظفين كل واحد فيهم متل السفير


و لك ايمت بدو يطلع قانون عحسن المعاملة للمواطن لانو عنجد صار ضروري
مغترب عاشق لسورية
(1)   (0)
اتقوا الله ياجماعة والله كلامكم مو صحيح لاني راجعت بنفسي القنصلية ووجدت للامانة القنصل وأظن اسمه عثمان ؟؟؟ على الباب يراقب ويسهل الامور وهذه شهادة للتاريخ فلماذا تقولون غير ذلك وللامانة والله انني اقدم له جزيل شكري والله يكثر من امثاله فارجوا ان تكونوا واقعيين ياجماعة وبالنسبة للشباب لسند الاقامة فرايت احد الموظفين قبل الدوام ينظم الدور واظن يوزع ارقام فاتقوا الله ولا تقوموا بجلد انفسكم , باسمي وباسم السوريين في دبي اشكر سعادة القنصل الذي راياته بام عيني على الباب بل سلمت عليه كموظف لانني لااعرفه ولم اعرف انه القنصل الا من الشباب بل استدعى لي المسؤلة عن القسم للجوازات وقام بالاتصال بالسفارة باابوظبي وشكرا لسعادة القنصل بابو فلماذا لاتتكلمون الحق ارجوكم انقلو الصورة الصحيحة التي ترونها لانكم ستحاسبون امام الله وارجوا من السيد وزير الخارجية ان يعمم امثال ذلك الشاب وللعلم اسمحوا لي ان اعطيكم بعض اوصافه لانني متاكد من ان بعض المشككين سيقولون غير ذلك ( شاب اسمر قليلا يميل للقصر يلبس نظارة طبية يلبس طقم كحلي .......
نانا
(0)   (0)
جوزي غيرتوا حظي غيرتوا
FIIDO
(0)   (0)
اي روحوا شوفو السفارة السورية بكييف (اوكرانيا)
كل الشعب الاوكراني صار يعرف انو هاي هيي السفارة السورية وياحزركون ليش ...لانو الطلاب هونيك قدام السفارة متل النمل لا وقال بينطروا الواحد شي 6 ساعات ميشان ياخدوا وراقو يالله هي العادة المي مي
مغترب
(0)   (0)
صرنا حاكين بهل الموضوع 9484743 مرة ومافي فايدة ولا حدا حرك ساكن بكل دول العالم السفارة بتخدم مواطنيها الا سفارتنا بتخدم جميع الجنسيات ماعدا مواطنيها وماوقفت على السفارة حتى لما بننزل بنكون مشتاقين لسوريا لاني حبها بدمنا بتلاقي وجوه موظفين المطار مكشرة بتخلي الواحد يندم على اللحظة اللي قدم فيها الاجازة ونزل وحسبي الله ونعم الوكيل بس
سوري منصف
(0)   (0)
الله يرحم أيامك يا أخ مروان منيب الرفاعي يا ابن الكرام. كان هذا الشخص موظفا بالقنصلية وكان من أفضل وأرقى الموظفين الذين تعاقبو على القنصلية منذ زمن القنصل الأطرش إلى حين استقال.

منذ فترة عين مجلس اعمل السوري برأس الخيمة موظفا من اعضاء المجلس لاستلام المعاملات وتصديقها بدلا من أن يعاني السوريون في رأس الخيمة من النزول إلى دبي لتسيير معاملاتهم. اتعرفون ماذا فعل هذا الموظف. كان يسرق باقي الرسوم المدفوعة.

المجلس يهتم بنفسه فقط وهو عبارة عن وجاهات لا تعرف إلا مصالحها.

الله يحمي قائد الوطن لحتى يكافح كل مفسد.
مغترب دبي
(0)   (0)
ألة تصوير مافي صرافة مافي معاملة كويسة مافي

موظف الأستقبال نفسية وبيحكي من راس مناخيرو وبجأرة

لما بروح على القنصلية بحس حالي في سورية بس هون بدبي مافي حق فنجان قهوة لأنو قانون دولة الامارات لايسمح

جميع السفارات مجمع بنفس المنطقة يعني كل دول العالم عبتشوف تميز القنصلية السورية إذا كان عنا شي معاملة بغير قنصلية وأخرونا شوي ماخرج نحكي شي أحسن مايقولو بس تعاملكن القنصلية السورية متل البشر تعو أحكو
مغترب
(0)   (0)
شلون رح يحترمونا دول العالم
إذا القنصليات والسفارات السورية مابتحترم المواطن
شو مفكرين كل الناس متغربه سياحة لا أبوي بس على مبدئ

الفقر في الوطن غربة والغنى في الغربة وطن

أشتغل في الغربة متل الجحش أحسن ما أوقف متل الكلب عبلهت بشان شيك بخمس الاف ليرة
فادي
(0)   (0)
ياشباب فعلا يلي بيفوت على السفارة السورية بدبي بيشوف انه لاتوجد مكيفات واحيانا مقطوعة الكهربا (جايبينا من سوريا معهم) وبيشوف انو الموظفين غير مخلصين بعملهم وبيشوف انو الموظف بيشرب متة وبيطق حنك مع غيرو وازاسألتو اي شي زي كأنك شتمتو والمعاملة زي الزفت ومانا عارفين ايمتا الحكومة بدها تعاملنا كبشر زينا زي الجنسيات الاخرى

بس نحن نقول للحكومة اننا شعب قوي وقوي جدا في الداخل والخارج وان ممثلي السفارات في الخارج هم عملاء
سوري
(0)   (0)
للاسف اني بحب بلدي بس هي ما بتحبني لذلك تركتها ومشيت
ياترى في امل انه بلدي تحبني شي يوم وارجعلها
اتمنى ذلك واعتقد انه كل المغتربين بيتمنو نفس الشي لاني فعلا صعب كتير انه الانسان يحس نفسه انه غريب ببلده
وغريب كمان بسفارة بلده وبقنصلية بلده للاسف
فانيش
(0)   (0)
تعالو شوفو البهدلة بالكويت
وين ما كان السوري متبهدل حتى ببلدو
كل الدول بتعمل منافذ خاصة لمواطينها في المطارات و المنافذ الحدودية
بس نحنا كلو متل بعضو
ما بيفرق و ما حدا اولى من حدا
فاعل خير
(0)   (0)
انا في واحد موظف ب القنصلية بلبس نظارات الكل بيعرفه بيجي لعندي ع المحل وبياخد اسعار خاصة ب المقابل بيمشيلي اموري بسرعة
وهذا الشخص مافي حدا مابيروح ع القنصلية الا مابيعرفه مشهور كتير
ايمن
(0)   (0)
انا عندي تعليق صغير يا عكس السير مهمة القنصلية والسفارة مو بس استلام طلبات السورين المقيمين بدبي كمان لازم تشوف اوضاعون وخصوصا المسجونين منهم يعني انا بعرف في كتير ناس مسجونين في سجن دبي ومع هيك ما في حدا يسأل عنون ولا يعرف اساسا ليه وكيف نسجنو او ليه او كيف يدبرون ليصلحو وضعون في منون عندون منع سفر وترحيل بنفس الوقت طيب هاد شو مصيرو يتخ بالسجن يعني ما لازم السفارة الي بيحمل جوازها تسأل عنو وتشوف شبو ولا بيهمون بس الفلوس الي بتنبعت على البلد بدون مقابل كلنا هون عم نشقى وفي منا مظلومين وكتير انا عم احكي عن واقع شفتو بعيني وفي ناس الها سنين بالسجن ما بتقدر ترجع على البلد لأنو ما معها تزكرة وما في مين يدفع مع العلم انو الطيارات السورية بترجع نصها فاضية انا عم ناشد عكس السير ليوصلو للسفير ويقلولو شوف هل الناس مهمة السفير مو بس دبلوماسية بين الحكومات في ناس بحاجة الو ولا بس بيبعتو السوري وقت بيموت على حساب الدولة بتمنى انكون تفكرو بحكيي ؟ شكرا
سوري وافتخر
(0)   (0)
الشــــهادة لله انو في شب من السفارة كتير كتير كتير محترم كان ينظم الدور وكان تعاملو معنا بكل ادب واحترام وكان نفسي اعرف اسمو واشكرو





الشــــهادة لله انو في شب من السفارة كتير كتير كتير محترم كان ينظم الدور وكان تعاملو معنا بكل ادب واحترام وكان نفسي اعرف اسمو واشكرو






الشــــهادة لله انو في شب من السفارة كتير كتير كتير محترم كان ينظم الدور وكان تعاملو معنا بكل ادب واحترام وكان نفسي اعرف اسمو واشكرو







الشــــهادة لله انو في شب من السفارة كتير كتير كتير محترم كان ينظم الدور وكان تعاملو معنا بكل ادب واحترام وكان نفسي اعرف اسمو واشكرو







الشــــهادة لله انو في شب من السفارة كتير كتير كتير محترم كان ينظم الدور وكان تعاملو معنا بكل ادب واحترام وكان نفسي اعرف اسمو واشكرو








الشــــهادة لله انو في شب من السفارة كتير كتير كتير محترم كان ينظم الدور وكان تعاملو معنا بكل ادب واحترام وكان نفسي اعرف اسمو واشكرو






الشــــهادة لله انو في شب من السفارة كتير كتير كتير محترم كان ينظم الدور وكان تعاملو معنا بكل ادب واحترام وكان نفسي اعرف اسمو واشكرو




وهي كذا شهادة مني لالو ,وكان التعامل معنى مختلف عن السنوات السابقة
سوري مغترب
(0)   (0)
يا جماعة الواحد يحكي الصراحة سفاراتنا وقنصلياتنا بأغلب دول العالم مابيفرقوا أبداً عن أي دائرة حكومية بسوريا

وبأي دائرة حكومية بسوريا بتلاقي البيروقراطي والشريف والمتعجرف والمتواضع والحرامي والمرتشي ويلي موسائل على حدا
يعني بتلاقي تشكيلة فريدة من نوعها فيها كل الأشكال والألوان
وكل مواطن بينكتب عليه يزور السفارة لأي موضوع بيكون هو وحظه مين رح يطلعله من هالتشكيلة السابقة وعلى هالأساس بيتشكل رأيه عن سفارات بلدنا الحبيب

وانا اثناء وجودي بالغربة شهدت حالتين قمة بالتناقض من ناحية تصرف السفارة
الأول : شخص كان ضحية نصب وبمبلغ كبير فكانت ردة فعله بعد ما عجز القانون المنحاز نحو المواطن انو يرجعلو حقو سلخو لكفيلو قتلة نتيجتها 20 يوم بالمشفى للسعودي والسجن سنة ونص للسوري المقهور والله وكيلكن يا جماعة ما حدا سأل عنو من السفارة على الرغم من ايصال الموضوع للسفارة أكثر من مرة ويلي زاد الطين بلة انو لما ترحل السوري ورجع على البلد دقو فيه المخابرات وعلى تحقيق ليش كنت مسجون بالسعودية

والتاني : مقاول اختلف مع ضابط نفسيتو كأنو مخابرات وكانت النتيجة طلقة من مسدس الضابط برجل المقاول السوري والنتيجة الأحلى انو الضابط كانت نهايته تسريح وغرامة كبيرة كتير كتعويض للمقاول السوري وبوسة راس ودقن وووووووو........

فيا سيد مغترب عاشق لسوريا لا تستغرب من كلام الشباب لأنو فعلاً الوضع بالسفارات انت وحظك

( طبعا اذا فسرنا الأمور بحسن نية وما قلنا انك من طرف السفير وبدك تبيض الصفحة )

والأهم من هيك انو 80% من يلي برى البلد لو حسنو يعيشو بالبلد عيشة كريمة ما كانو سافروا وعاشو عيشة الغربة المرة
ومهما صار معك فلوس لايمكن تعوض الأيام يلي عم تموت بالغربة وأخر شي بيزيدها عليك ابن بلدك يلي بالسفارة
بس اذا بدنا نكون متفائلين منشوف الموضوع على انو بيخلينا نحس انا ببلدنا اثناء مراجعة السفارة
سنحاريب
(0)   (0)
في يوم 06-01-2010كان عيدمسيحي بحت\للارواح\مع احترامي الشديد لكل اعيادابناءوطني ..واول ماخطر ببالي ان السفارةالسورية تتبع لدولةمسلمة وعلى ذلك لايعطلون في هذااليوم فذهبت لتصديق بعض الاوراق لانني بحكم هذا العيد كنت معطل وعندما وصلت الى السفارةوجدتها مغلقة فاستغربت ويعدذلك دقيت الجرس وبعد10دقائق خرج احدالمقيمين في السفارةوقال نحن معطلين ومعيدين ...وكان لدي تحصيل اوراق في سفارة دولةمسيحية فمررت من عندهم فاذا بهم فاتحين وغير معيدين وانهيت عملي عندهم خلال 5دقائق ..فلماذا السفارةالسورية ليس عندهم كبير الا الجمل...عن السفارة السورية في اليونان اتحدث...
كاديمي سوري-مغترب لعشرة سنوات في الإمارات
(0)   (0)
اريد أن أقول كلمة حق أمام بأن كل قيل من كلام سلبي على القنصلية في دبي فهو باطل 100%. لقد تعاملت مع القنصلية الستة أشهر الماضية من أجل تصديق أوراق أولادي وعسكرية ابني وفقدان جواز سفر زوجتي. لقد زرت السفارة أكث من عشرة مرات خلال ال6 أشره الماضية.
لقد وجدت كل الإحترام لى ولمن كان حولى من ألاخوة المراجعون. والله كان أنا وزجتي وقلت لها إنني لاأصدق ماأرى. دور على الكاونتر وجميع الموضفون محترون ولافي ضجة أوفوضى.
حرام ياجماعة تظلمون القنصلية أتقوا الله شىء معيب هدا التجني. عندما قرأت الخبر والتعليقات قلت بلا ماارد ولكن وجدت من واجبي الإنصاف ولم أستطع أن انام وقررت أنت اكتب تجربتي مع القنصلية. أنا استاد جامعي وصارلي لي مغترب حالى 28 سنة عشرة منها في الإمارات والله على مااقول وكيل أن معظم ماقيل بحق القنصلية تجني وخالى عن الصحة.
العقيدي الاصيل
(0)   (0)
والله كلامكم مو صحيح الشعب السوري معروف بالدفاشه وبدو الحكومه تشعل اصابعه شمع لاكن هيهات انا دفعت البدل 5 سنين وانا ارجع السفاره اروح الساعه 9 صباحا اخلص معاملتي وارجع وماشفت الكلام الى تقوالونه لاكن اروح بالشهر الثاني مو باول اسبوع بالشهر اوال ليش مستعجلين قدامكم 3 شهور لاكن النتم متعودين على الزحمه بكا شيئ الله يكون بعونهم عليكم
مغترب
(0)   (0)
لا سفارتنا في دبي فيها الهن عن سفارتنا في قطر انا راجعت من اسبوع فكرت حالي انا رايح الى فرن قاضي عسكر ولا لموسسه تموينيه ناسي نفسي اني رايح للسفاره من كثر الزحمه ويوجد موضف واجد يرد على التلفون ويكلم المراجعين ويرجع يسألك لنت شو بدك ناسي انو انت كنت تتكلم معاه ...... روح ارجع بكره .... هذه المعامله في الدم مارح تتغير
مواطن حلبي سوري
(0)   (0)
والله العظيم يا جماعة أنا بصراحة ساعدني هادا القنصل وشفته يعيوني واقف بنفسه عالباب وعم يمسي النظام وعلى فكرة أنا ما طولت أبدا يعني كل الوقت أخذ معي ربع ساعة
لك تتخيلوا حتى أنوا بيتحمل مزح من كل الناس ما شاء الله على أخلاقه
وحتى وصلني سند الأقامة بعد 5 أيام بس
وبكره رايح أجدد جواز سفري كمان
ورح سلم عليه وقلله الله يكتر من السوريين أمثالك في البلد
ابن حمص البار
(0)   (0)
ياعيب الشوم على سفاراتنا
كراج الست
(0)   (0)
سفارتنا بالرياض متل كراجات الست نفس الشي
اول مرة كنت بدي روح عالسفارة تطئمت ورحت ولهلئ بعدني ندمان
لازم الواحديروح بأواعي الشغل وزيادة
ملك الهوب هوب
(0)   (0)
انا هون مزاعل القنصلية وبعمري مارحت عليها مابدي شي يذكرني بالبلد ..خليني مروق ونسيان لفترة من الزمن
صلالة
(0)   (0)
هذا هو الموطن السوري ولم يتغير
كان من يكن جلاد ان كنت امرا فانت جلاد وان كنت مامورا فانت جزار. شؤاءً داخل الوطن وها هو خارجه.
سوري غيور
(0)   (0)
كان مدرس الجغرافيا يحكيلنا انو ذيل الكلب اعوج حطوه بالقالب 40 سنة وماتغير
بس ليش مدرس الجغرافيا مابعرف
يمكن لأنو ماكان يعجبو شي وكان يحاول يغيرنا ومانتغير

وهي سفاراتنا بجميع دول العالم
بصراحة شي بيخجل
لك عالقليلة السفارة بدبي ماتكون هيك وتفشلنا
يتعلمو شوي مابدي احكي من الاجانب اللي بدبي يتعلمو من الاماراتيين كيف تعاملهن ورقيهن واحترامهن حتى للكلب الله يعزكن
حلبي ياباني
(0)   (0)
أقول لمن يتفلسف ويتفاني بالدفاع عن الخدمات الراقية للقنصلية، جربوا الاتصال بهم على الهاتف وأتحدى أن يرد عليك أي إنسان؟؟؟ هم عبارة عن موظفين متعالين و متشاوفين ونسوا أن الدولة عينتهم سفراء وقناصل لها لخدمة السورين وليس للوجاهات.

رزقت بولد عام 1998 وقمت بتسجيله في القنصلية أصولا. هل تعرفون أن أوراقه لم تصل حتى الآن إلى دائرة النفوس في سوريا؟؟؟؟؟

عيب عيب عيب.


أبوغسان
(0)   (0)
اول شي انا صرلي يومين عم احاول اتصل في القنصلية بس للاسف مافي حدا لحدا....لدرجة اني اتصلت على السفاره في ابوظبي من شان اشتكي على طريقة التعامل وعدم الاحترام....قلي الموظف بضحكه مافي امل!!!!!

داسوس
(0)   (0)
اكيد الناس المعلقين على الموضوع من ناحيه ايجابيه للقنصليه اما من طرف القنصليه مدسوسين او مدعومين وامورهم بتمشي بدون اي انتظار بالدور 3 ساعات
... تعوا وشفوا المعترين كيف بيقفوا من الساعه 7 الصبح من شان ياخد دور!!!!!
مع العلم انه بيبدأ الدوام ساعه 9

لك عوجااا وبحياتنا ما بنصير

جبلاوي
(0)   (0)
يعني الصراحة ما بعرف اذا هالحكي صحيح وللا لا لاني ولا مرة رحت عالقنصلية بدبي بس الصراحة السفارة بابو ظبي جدا محترمين والنظام فيها اتغير كتير من لما استلم السيد رياض نعسان اغا الله يذكرو بالخير ولهلق الامور ميسرة ما في ازدحام في بض المنغصات متل موضوع ماكينة التصوير بس يعني ما هي مشكلة كبيرة كتير .....لك يا اخي قبل ما تروح صور اوراقك كلها وجهزها يعني نحنا السوريين نقاقين كتير وما بيعجنا شي الله وكيلكم .وبالنهاية كلنا متمنى انو تتحسن الامور اكتر واكتر لانو الله وكيلكم لما بدخل عالسفارة قلبي من جوى بيرقص بشم ريحة بلدي بعدين يا اخوان ويا ادارة الموقع عيب يطلع هيك حكي على بلدنا من ناس سوريين وموقع على اساس انو سوري يا اخوان القائمين على الموقع خلو عندكم شوية مصداقية بنقل الاخبار بعني لما بتنشرو الخبر لا تقولو من مصدر مطلع----- حددوا من جريدة معينة ---من مصدر مسؤول اسمو فلان الفلاني----من محطة اذاعية اسمها كذا----وهيك يعني شوفو المواقع تبع البلدان التانية وتعلمو ---مو عيب الواحد يتعلم بس العيب اذا عم يشتغل غلط واستمر بالغلط
واخيرا تحياتي لادارة الموقع المحترمة ولكل الاعضاء والزوار وسامحونا اذا حكيت شي ما عجبكم بس والله ما حكيت الا الواقع ولا تنسو انكم سوريين وسورية الله حاميها
ودمتم
الجبلاوي(ابو حيدرة)
طارق من دبي
(0)   (0)
يا جماعة انا رحت الساعة 6 ونص الصبح اخدة رقم 180 يعني مو معقول هل زحمة
بليز خلونا نطور في بلد التطور
سوري بابوظبي
(0)   (0)
بصراحة مابعرف الوضع بدبي بس بالنسبة لابوظبي السفارة السورية احياننا بقول مو سفارة سوريا بجد والله يشهد محترمين كتير وبحاول يساعدوا الناس ياريت كل سوريا متل موظفي السفارة بابوظبي
مالي غير قول الله يصلحهم
علاء
(0)   (0)
يا جماعة انا شفت منظر بالقنصلية السورية بدبي بالسنة الماضية وقت كنت عم طلع سند الاقامة انو كان في موظف عم يدخن بالقنصلية وعمكتبوا
يعني بدبي معروف انو التدخين بالدوائر الحكومية ممنوع منعا باتا
وشرطكن كان حساس الحريق فوق مكتبوا مباشرة
بقا عوجةةةة بلديةةةةةةةةة
سامي
(0)   (0)
لو تشوف القنصلية بجدة تشبه الزريبة وسقفها من الزنك
هريان
(0)   (0)
يا اخي لا تروحوا بعيد بقطر على اشنع واحد قديم اسموا احمد بالسفاره نفسيه العوزبالله كمان اللي عالكاونتر ازا عرفوا انك بتشتغل بالسيارات بيحطوك بعيونهم وخود تصليح وتلفونات وحصل ازا فيك اتحصل ولما بتراجعهم والله الرواتب تاخرت من سوريه وخود كل واحد فاتح احلى بيسنس شي تجارة سيارات وشي سلسلة مطاعم وكلوا من السلبطه هاد صاحبي عندوا كراج تصليح ويا شحاروا ازا ماصلح سياره او مارد عالموبايل بيطلعولوا مصيبه ازا مو بسوريه هون وفهمكم كافي
مغترب في السعودية
(0)   (0)
أنا مغترب أعيش في جدة بس الشهادة لله أنا جددت جواز سفري من ثلاث شهور وكانو ا الموظفين معنا في غاية الأحترام والتعامل الحسن
مغترب بالاكراه
(0)   (0)
والله يا جماعة الخير البدل عندي صرلو مستحق شي سنة بس ما عم ادفعو لان الشباب بالقنصلية ماعم يرضو يطلعولي السند الاخير الا اذا جبت جواز السفر القديم والمشكلة انو الجواز القديم ضايع من اكتر من سنتين والاحلى من هيك بقلك الموظف بدي الجواز القديم وبقلو ضايع بيقلي ما بعرف بدي الجواز القديم بقلو يا اخي والله لو بعرف فينو كنت جبتو برد بقلي بدي الجواز القديم بقلو يا اخي ما بصير اجبلك شي تقرير من هجرة الامارات منشان تعرف تاريخ الدخول والخروج بيقلي بدي الجواز القديم بقلو يا اخي يعني ما انزل لسوريا خلص ابقى بالامارات بيقوم وبرد علي (بأمر من السيد الرئيس بشار الاسد ما بطالعلك سند اقامة الا بالجواز القديم ) والله العظيم لو السيد الرئيس عرف انك بتعامل الناس متل الغنم كان مسحك من على وجه الارض.
والله يا جماعة بربكم هيك موظف بيستاهل يقعد على الكرسي تبعو.... مو احسن يحطو بشي دكان او فرن
أبو عبدو
(0)   (0)
صراحة يا عكس السير أنتو هالأيام تحطوا أيدكن على الجرح اللي ملينا من معالجتها
سأتكلم اليوم بشكل عام نحن المغتربين في جميع البلاد وخاصة الخليجية تعامل السفارات معنا بشكل لا يليق ولا ينظر اليه بأي شكل من الأحترام أو أحترام مصالحنا على سبيل المثال لا الحصر :
جميع مواطنين الدول الأخرى تقبل أن يسير معاملة مواطنيها من يجديد أو تمديد جواز أو تصديق عن طريق مكتب الخدمات يعني 50 ريال رسوم اتعاب مكتب وانتهى الموضوع أما سفارتنا المحترمة في المملكة يجب أن يحضر صاحب المعاملة شخصيا يعني يعطل يوم إن كان بنفس مدينة التي توجد بها السفارة وأكثر من يوم إذا قدم من المدن البعيدة وأجور الطريق والفندق وترك عائلته وتعبه يعني يدخل ب 500 ريال عدا البهدلة والشندلة والتعب وهم مين يوصل الاولاد على المدرسة هاليومين
ثالنيا أي سفارة لو حصل مع أي أصغر عامل مشكلة داخل الدولة فإنها تهتم وترسل لجنه وتدافع عن المواطن بكل الاشكال والاساليب اما نحن يكفونا شرهم وما بدنا من الخير شي
لكن الحق يقال في الرياض لا ننشر غسيلنا الوسخ أمام الأغراب بل ندخل داخل السفارة وهناك كراسي محترمة وصراحة أستغربت منذ سنة راجعت سفارتنا بالرياض والحق يقال فكانت المعاملة فوق الممتازة وكان معاون السفير ينظم الدور وكان السفير نفسه يهتم بالمواطنين طبعا من سنة يعني السفير السابق أما الآن لاأدري ما سياسة السفير الجديد
نوجز ما نأمل أن تكون هناك سياسة لتوحيد سياسة سفاراتنا في الغربة تتسم :
بأحترام المواطن وتيسير معاملاته
النظر الى الاجراءات ما فيه مصلحة المواطن بحيث لا تتعارض مع سياسة السفارة
أتمنى لجميع المغتربين التوفيق وأن لا يزداد همهم بالمعاملة من قبل سفاراتنا يكفينا هما من أصحاب العمل ولكن أتوقع أن سفاراتنا تقوم بما تقوم به للحفاظ على الفلكلور ولكي لا ننسى معاملة بعض الجهات في الوطن ولكنهم نسيو أن التعامل داخل الوطن من قبل تلك الجهات بات محترما أخبروهم لعلهم لا يدرون . وتصبحوا على خير
سوري مغترب
(0)   (0)
لك هي حال المواطن السوري ذل جوا وبره
لا تخليني احكي عن السفارة الي انا موجود بدولتها
والله شي مخزي وما باليد حيلة
وان شكوت فانك تشكو اصما في احسن الاحوال
ناهيك عن الاتهامات التي تطالك من جراء الشكوى وعرقلة لامورك وتضيع لمستنداتكر
fadi
(0)   (0)
طيب الحكومة وفهمنا
بالمطارات ياشباب في حكومة؟
سافرت كتير وكنت بالطائرة مع جنسيات مختلفة والله العظيم اكتر شعب فوضوي بالعالم هو الشعب السوري العظيم وبصراحة هيك شعب بدو هيك حكومة
؟؟؟؟؟؟؟؟؟؟؟؟؟
(0)   (0)
اسمها سفارة . . .

يعني تمثل بلدكم بما فيه من فساد وشوة ومحسوبية وعنطزة . . . .

تخيلوا مثلا تطلع سفارة الكم متل العالم والناس . . . والله ما بتركب . . .
شامل الاوصاف
(0)   (0)
بس بدي اشكر سعادة السقير المحترم لانو نزل بنفسو ينظم الدور وكان كتير صبور ومهذب وابن ناس. وبدي اشكر الشب اللي كان ينظم الدور ويكتب اسماء الناس. السنة هاي فرقت كتير ياجماعة عن زمان. اما ما تبقى من الوظفين, ارجو انو يتقو الله بس. السوري تارك شغلو وعايف حالو مو مشان تنذل! اتقو الله.
بلاال
(0)   (0)
الحق يقال السنة كان مختلف الوضع عن قبل

وكان في شب واقف برة لابس طقم وعم ينظم الدور كتيييييييير محترم وعن جد هو مثال
دائما مبتسم وعم يرد على الاستفسارات برحابة صدر
"هو اسمر وصحتو منيحة شوي"
الباقي كلو متل بعضو
ياحيف على الوزير المعلم
(0)   (0)
يا شباب القصة كلها من ان اي وظيفة بالحكومة هي عبارة عن كنزززززززززززززززززززززززززززززززز
ولك كنززززززززززززززززززززززززززز
علي باب والاربعين مليون حرامي
نعم لو في محاسبة ما كانو هيك والله مافي محاسبة الموظف بالسفارة مو فاضي غير لطق الحنك وسؤالك ان شو بتشتغل ويا ويلك اذا عرف انت صاحب مطعم والله رحت *** سمك كل يوم جايبلك الشباب وخود سهرات وعزايم والدفع يوم القيامة... لك مو مشلكة انه الموظفيين عاملين كل واحد كانيه رئيس فرع *** والله عيب صار السوري ما عندو امل غير بتاريخوا بس
محمد
(0)   (0)
ما بشك ان الاخوة الي ذكروا ما ذكروه عن السفارات و القنصليات في الدول العربية انو ما معهم حق.هذا الحكي فيه نسبة كبيرة كتير من الصحة
لانو معظم الي وصلو لهيك مراتب اما وصلو بالمحسوبية او بشراء الوظيفة و هذا امر لا يغفل على عاقل
بس انا مقيم في سويسرا من 17 سنة و الحق يقال اني اكتر من مرة راجعت القنصلية السورية و مر علي اكتر من قنصل .بس هون ما مرة حسيت بمعاملة غير طيبة لا من القنصل و لا من الموظفين
بيجوز لان ما في جالية سورية كبيرة و لكن ما اظن هذا السبب
و كلمة شكر بدي اقدمها لقنصل سابق اسمه المتشار ابراهيم ابراهيم

الله يصلح حالنا و حال كل انسان ببلدنا
مغترب
(0)   (0)
كانك قد ناديت حيا ولكن لاحياة لمن تنادي
اذا سرنا اي دائرة بالامارات بدقائق تكون خالصة مع الاحترام والتقدير وبالنسبة للقنصلية حدث ولاحرج تسلم اوراقك الساعة 9 تستلمها الساعة 2 او ؟؟؟؟؟؟؟؟؟؟؟؟؟؟؟؟؟؟؟؟؟
سوري وللاسف
(0)   (0)
اتعاملت مع القنصلية على مدة 9 سنين ، وماشاء الله القنصلية قطعة من الدوائر الحكومية بسورية : طلبو صور للجواز القديم وما عندون ماكينة طبعا، واضطرت مرتي الحامل انو تفتل الحارة كلها تحت طقة الشوب منشان تجيب الصور للسيد المحترم، طبعا القنصل اللي قبل هدا كان يطلع ويبهدل الناس منشان يصطفو بالدور، كانو الناس واقفين على الخبز او عساكر عندو....طبعا الناس باللي بسوريا كلون بيعرفو هدا الحكي لانو متكرر بالسعودية وبالكويت وباوربا...ما بعتقد انو خافي على الشباب اللي بسوريا مشكلة السفارة السورية للاسف....انها سورية ...
مواطن درجي عاشرة
(0)   (0)
هذا التقرير غير كافي للتعبير عن مأسات السوريين في القنصلية بدبي

الاخوان كل واحد عامل انو هو الي بيحل وبيربط في القنصلية وبتفكرو هو السفير

وغير هيك كثير والله اعلم ما في حدا يحاسب هذي الناس لانن مدعومين

بجانب القنصلية السورية يوجد القنصلية البنانية والهندية والاردنية و البكستانية والمراجع منا يتمنى ان يكون من هذي الدول بحال فكر ان يراجع القنصلية بشيئ لانك تلاقي الاحترام والتقدير وكلب المعاملة الائقة للانسان
تسألوني كيف اعرف هذا طبعا كلنا يعرف بحال ان طلب سند الاقامة يحتاج الى صور الاقامة وغير هذا من الاوراق لتقديم الاوراق نحتاج الى تصوير الاقامة فيطلب منا الذهاب الى احدى السفرات لتصوير لانه لايوجد مكنة تصوير او انه يوجد لاكن ليذل المواطن ويحتقر البلد التي ينتمي لها
علي شب سوري مقيم في دبي
(0)   (0)
- لو بتعرفو لسا مبنى القنصلية القديم (منطقة الوحيدة بدبي)كيف كان كان عبارة عن غرفة 3*5 م فيا 3 شبابيك وما فيا تكييف وأنا رحتلا أول مرة متل مادلوني الناس. قالولي بس تدخل عل منطقة والحاق الزحمة لحالك بتوصل... ههههه
- جينا عل مبنى الجديد طبعا على اساس تطور وتكنولوجيا وبتاخد رقم وبتقعد متل البني ادمين.. طبعا بتجي لتاخد رقم بيطلعلك موظف الاستقبال اللي حكى عنو الأخ اللي فوق اللي بيلبس نظارة بيتفلسف عليك وبيذلك ليعطيك الرقم.. طبعا هوه دايما سيجارتو بايدو وقدام وشو ملزوق ممنوع التدخين وهوه حرصا على المراجعين مابيخلي حدا من المراجعين يدخن ههههه
- بتاخد الرقم بعدين سرعة المعاملات هونيك هوه معاملة كل ساعة لأنو الموظفين ما شا الله عليهن كتير سريعين وطبعا ماعندن لا فراطة ولا ماكينة تصوير.
- بيقلك ارجاع عل ساعة تنتين.. بتجي عل تنتين بتلاقي متل سوق الجمعة قايمة الدنيا..
السفارات اللي حولينا كلا مسكرة وبس نحن اللي فاتحين وقايمة الدنيا عنا متل سوق الغنم..

بقا الله يعينا على هل قنصلية وعلى هل عيشة...
لأنو انا كل مابدو يكون عندي شغلة بالسفارة باكل هما قبل أسبوووووع منشان الروحة والبهدلة...

وسلامي على ابو نظارة اللي على الاستقبال.. وحابب خبرو انو التبسم بوش الناس مو عيب ولا حرام.. خصوصي قدام الأجانب..
مغتربة في دبي
(0)   (0)
أنا مريت بالصدفة مرة من قدام القنصلية السورية اللي بدك كتيب إرشاد حتى تلاقيها وأكتر شي انتبهت عليه كان العلم المشقوق والمهتري (هادد الحكي من سنتين ) بس عن جد اختنقت وقت شفت المنظر لأني المكتوب مبين من عنونه وبالطبع هاد رمز وطني وما بتوقع إن استبداله بده مناقصة وكلفة عالية وما بعرف بعدين اذا غيروه
أبو عدنان
(0)   (0)
في مرة واحد موظف من قنصلية دبي ألغى جواز سفر طفلة, دون علم والدها.
بناء على طلب أمها المطلقة.
كلهم محسوبية و رشوة.
sword
(0)   (0)
والله انا اليوم كنت بالسفارة السورية بدبي مشان سند الاقامة خلصتون كلهون بـ 15 دقيقة.
يعني يا شباب الشغلة حظ ايام بكون زحمة ايام لأ حسب التوقيت الي عمتروحوله.
ابو الجوج
(0)   (0)
انا اول مرة رحت على السفارة بأبوظبي استقبلوني احلى استقبال وكرموني احلى تكريم
وتفضل استاز وشو بتأمر يا استاز وشو بتشرب ...
انا قلت لكان نحنا هون بالامارات ولما وصلت على الشباك بدوري بعد ما اخدت رقم ونطرت شوي طبعا اكتشفت انو انا فايت على سفارة عربية تانية...
وعينكن ما تشوف شو صار معي لما رجعت على سفارتي الحبيبة
:(
زياد ابو الزوز
(0)   (0)
بعض الاخوة المواطنين من الامارات رأوا المنظر فقرروا الابتعاد عن سوريا في الصيف بحجة إذا امام السفارة في بلاد الاغتراب هيك ,, فكيف هو الحال داخل سوريا ... والله .
ماستر
(0)   (0)
المواطن السوري لا ببلدو ولا برا بلدو له قيمة لانو بجدة في كتير ناس علقانة مع كفيلها وما بيرضا يسفرن عالبلد بيشتكو للسفارة الي مفروض هيه تسفرن لا حياة لمن تنادي مع انو بيعرفو انوجواز السفر مع الكفيل وبيعرفو قوانين هي البلد بيقولو وبدم بارد انو ممنوع تعطي جوازك لحدا وحتى لو كان الجواز معي ما بيقدرو يسفروني او يتخذو اي اجراء
اما القتصلية الفلبينة فاهم شي عندها راحة وحقوووق المواطن الفلبيني حتى لو كانو سواقين او شغالات وليس دكتور او مهندس سوري
سوري وفتخر
(0)   (0)
يعني شو متعودين على الزحمه والفوضى وليش عم يشتكو لازم يتعودو على هيك مواضيع لانه احترام مافي للمواطن
yy
(0)   (0)
مشان يزكرونا ببلدنا
كتالوني الدم
(0)   (0)
هالصورة انا مصورها والمقالة كتبتها عكس السير بتصرف من خلال ايميلي الذي ارسلت لهم .... يعني نفس المفهوم بس تعبير غير ....

على فكرة انا هنا بدبي .. ولا زلت احتفظ بالصور لدي على الهاتف وصورتي موجودة بين الواقفين بالطابور ..... والمصور صديقي تم الصوير عن طريق هاتف نوكيا ان 97 وشكرا لعكس السير للنشر

للمراسلة sharoofuae@gmail.com
مواطن سوري عادي جدا"
(0)   (0)
من امن العقوبة اساء الادب
Khalil
(0)   (0)
الله يعين العباد ويصبرون هون بلندن مستحيل تشوف حدا ع الباب ويعني جوا بلكتير بتنطرلك نص ساعة وحسب لشو جاية ممكن من اول ما تدخل يمشي حالك بس المشكلة ب التلفون لاني ممكن تضل اربع ايام تتصل حتى تقدر تستفسر هنى بيردو با الاول وبيسمعو شو بدك وبيقلولك نطور لنحولك عند الشخص المسؤل ههههههه وهون القصة عيش يا كديش حتى ينبت الحشيش يوم يومين تلاتة ما فارقة حسب ما يخلص من الاجازة ليرد عليك
احمد السوري
(0)   (0)
ههههههههههه بصراحه انا الحمد الله الحمد الله بحياتي ماعنيت من هل الزحمه لانو عندي معارف جوا هون وبابوظبي كمان ههههههههههههههههه بس المنظر مريب لهيك الله يعيين الشعب اولا وثانيا فشلوني الدم عفوا عفوا كاتلوني الدم ههههههه يعني عم تفرجينا انو مع ان مدري اديش ههههههههههههه لك نحنا الشعب السوري منستاهل هيك معامله يعني شوف ترك القصه كلها وقال التصوير عن طريق هاتف مدري شو وحط اميلو للتواصل شنو الشب عم يشخص قدام العالم ههههههههههههههههه حبيبي هيك عالم بتستاهل هيك معاملة
aja8383@hotmail.com
بيدرو رودريغز
(0)   (0)
أنا رحت أخر مرة من يومين عالسفارة بابو ظبي أحلى شي عاملين دور عن طريق الالة وهي شغلة حلوة . بس اللي مو حلو نفسية الموظفين خصوصا أول 3 شبابيك . الشباك الأول قاعدلك فيه واحد أحمر الشعر مابيطلع فيك أبدا وهوه عم بيمشيلك وراق الجواز كأنو عبيتصدق عليك وتاني شباك وحدة متكتفة ولافة رجل على رجل واذا سألتها سؤال يادوب تسمع صوتها بتحسها قرفانة منك وعم بتقول لحالها مالقيت غير تسألني الي. والشباك التالت مسؤول سندات الاقامة بتحسو باعتينو من شعبة التجنيد أي شي بتستفسر عنو بينزعج منك وبقلك روح أخدم جيش أحسنلك
زهير
(0)   (0)
الحقيقة انا مدرس مغترب منذ 20 سنة ومنذ اكثر من 6 سنوات لم اراجع القنصلية في دبي .. لكن منذ حوالي شهر ابني المتخرج من جامعة الحقوق في دمشق ارسلت الجامعة شهادتة الثانوية وهي صادرة من الامارات لتصديقها والتاكد من صحتها وللاسف عند وصولها الى وزارة التربية في ابو ظبي نامت هذه الشهادة عندهم 5 اشهر ..فما كان مني الى ان اتصلت بالسفارة السوريةبابوظبي تلفونياً علما بانني ابعد عن ابو ظبي 300 كم واوصلوني بموظفة مسؤولة عن القسم الثقافي واسمها فاطمة خزندار فما كان منها الا أنه اهتمت بموضوعي ومن خلالهاانتهت المشكلة وانتهت المعاملة ارسل لها تحية ومازلت اتذكر قولها نحن في خدمة ابنائنا في الخارج
مغترب عاشق لسورية
(0)   (0)
لماذا يااخوان نتهم البعض فهل من يقول الحقيقة جاسوس او ما اعرف شو من الفاظ سوقية هل ان تكلمت الحق عن بلدي اكون مجرم هل يجحب علي ان اكذب لكي ترضى عني هل القنصل السوري بحاجة شهادتي ليبقى ام نقدمها للامانة نقول لكل المعلقين هذا ما حدث ومارايت وارجوا ممن لاتعجبه بلده فليذهب الى اي مكان يراه مناسب له ,ثم لماذا كل هذا التحامل الكبير على بلدنا يااخوان فغيب عليكم ان تنشروا الاتهامات جزافا وبدون طائل وستسال امام الله عن كلامك ( ا حبيت تصدق انني رايت القنصل على الباب ينظم الدور في القنصلية فاهلا بك وعيب اقول لك ياابني تعلم الادب مع من اكبر منك وللعلم كان معي اخ مصري وبلدي لايلزمني من عندك او من قنصلنا المحترم سهادة بوطنيتنا , فهذا ماراينا ولمسنا وشكرا لهذه المستويات من النقاش , واقول مرة اخرى ان احببت ان تسمع او لا اللهم اكثر من امثال هذا الشاب المحترم واختيار موفق من قبل الاستاذ وليد المعلم ولسنا بحاجة ان ناخذ صور للاخوة يقفون على الدور وهذا رايته وهم طبعا شباب لسند الاقامة اما نحن بقية المراجعات فخلا ربع ساعة خلصت , ولكي اعيظك اكثر فجواز سفر طفلي انتهى خلال اسبوع واشكرهم جميعا ولعلمك ان موظف استقبال الاحوال المدنية محترم وقد قام من مكانه وصور لي شهادة الولادة للطفل لاخذ الجواز واشهد الله انني لا اعرف للان اسمه , والموظفة المسؤلة كانت خلال دقيقتين للاستفسار وليس لي اي محسوبية لدى القنصلية يشهد الله الا حبي لهؤلاء الشباب ووطني ,وللمرة الالف شكرا لقنصلنا هذا الشاب المحترم ويا اخوان من لايشكر الناس لايشكر الله ؟؟؟؟؟اما ماتعلقون خارج دبي فانا ليس لي تعليق لانني لم اراى شيء , بالنسبة للاتصال بالسفارة يشهد الله اتصلت وردوا علي ( مع بعض التاخير ) ولكن رجل محترم لا اعرف اسمه واخذت مااريد فشكرا لبلدي الحبيب سورية , واذا كان حبي وتقديري لوطني فجور لدى البعض او جاسوسية فليسجل لي التاريخ اني اول الفاجرين بحبه .وارجوا من بعض ابنائي صغار السن قليلي التجربة ان يتروا بكلامهم فليس هذه الطريقة المثلة لبناء وطن وشكرا لكل اخواني المغتربين واهلي بسورية فردا فردا ففضل وطني بعد الله سبحانه وتعالى وحب الوطن من الايمان وليس جاسوسية عيب ابنائي اتمنى لكم حسن الخلق واسف للاطالة
ابو الصاف
(0)   (0)
عن جد يا شباب السفارة بأبوظبي مثال للتعامل وفعلا الجماعة محترمين وشكلا أبوظبي بلشت تتفوق عدبي بكتير شغلات... ومن كم يوم قدمت عل سند وبعد 4 ايام راجعتن كان خالص.. وحتى طلع فيو خطأ وراجعتن بعدين وورجيتون الغلط قام الموظف بكل احترام قلي انتظر .. وبعد ربع ساعة طلع وطالعلي سند جديد معدل وموقع ومختوم بدل ما ارجع بعد 4 ايام تانية كمان.. وفعلا احترمتو كتير..هو موظف الشباك 3 عكلن

بس مابعرف ليش عمبسمع بدبي من الشباب هيك والله عيب عليهن يعني شوهو سمعة السفارة عنجد..
سوري من دبي
(0)   (0)
أيها الأخوة اتقوا الله و كونوا منصفين والله و الله والله هذا الكلام فيه تجني وظلم ، لماذا ترون الحق و تتعامون عنه و تظهرون الباطل باضعاف ما هو عليه .. شهادة أما الله أن القنصل الجديد رجل بغاية الطيب و اللطف والاهتمام ، صدقوني شاهدته الساعة السادسة و النصف صباحا يقف في الشارع ينظم الدور و يتعامل مع الجميع باحترام واهتمام و كنت بين المنتظرين من حوالي اسبوع وإذا بمطر شديد فقام القنصل بادخالنا و حمايتنا من المطر و بدا مهتم بكل واحد فينا بشكل أبوي لا يوصف ، والرجل يتابع العمل و يبقى طول وقت الدوام في الصالة على عكس ما يذكر ، فلماذا هذا التجني و القول عكس ذلك ؟؟ والله حرام ، عني أقول له ل الشكر لك أيها الرجل اللطيف الطيب و فعلا في المكان المناسب و يسلم البطن اللي حملك ، وأرجو من الجميع أن يقولوا الحق
واحد فهيم
(0)   (0)
مزبوط السنة كان القنصل نفسوا عم يمشي الدور بابتسامتوا والكل اخد السندات خلال يومين بلكتير
بس النقطة المهمة انو شعبنا عونطجي ونقاق ياجماعة انا دخلت سفارات اجنبية هون بدبي مشان فيز والله فتشوني تفتيش كامل وسحبوا الموبايل مو بس انا اي واحد حتى من نفس جنسية البلد والكل متعاون وماعمل مشكلة
..

خرج يكون بسفارتنا هيك كان خود على نق وواسطات مشان يدخل معملتوا او موبايلوا..

وعلى فكرة الزحمة السنة ما بتعادل 1% من زحمات السنوات السابقة
واحد من الواقفين
(0)   (0)
أنا كنت من بين الواقفين و بصراحة ما كان فيه زحمة حتى الصورة ما تبين زحمة ، أما عن التعامل فلقد تغير كثيرا عن اول والقنصل العام واقف برا عم ينظم الدور و هاد شي ما سبق وعرفناه أنا أصلا عمري ما شفت قنصل غيره و كنت مفكر القنصل شي كائن مختلف بس لما شفت هالشب الله يشهد علي جدا احترمته لأنه محترم و يحترم الجميع و باله طويل و يتحمل فلسفة و ثرثرة الكثيرين و بصراحة بقنصليتنا كلنا شاطرين بالتعليق بس لما منروح على أي دائرة حكومية بالإمارات ما واحد فينا بيفتح تمحه و مننطر عالدور متل الأوادم و لما فيه أي ورقة ناقصة بكلمة واحدة منرجع بس بالقنصلية بكون الواحد مخالف التعليمات و اسمعوا طول لسانه و مرجلته ، أما اللي عم يقولوا انه اللي عم يحكوا بايجابية مدعومين فهذا كلام سخيف و حرام أن يقال وكل واحد عنده أمانه وخوف من رب العالمين رح يحكي الحق و بيعرف تماما أن القنصل العام عم يكون من الساعة سته منتظر بالشارع عم ينظم الدور و يوزع الأرقام و الله اننا ما منستاهل هيك تعامل
الله يحفظك يا القنصل و يكتر من أمثالك بحق الحبيب محمد
وياريت لو الموظفين بربع تواضعك
كتالوني الدم
(0)   (0)
على فكرة موظف الاستقبال ما بيعرف يحكي انكليزي .. والدليل كنت واقف عنده وحدة اعطته المبايل مشان يحكي مع مديرها . بخصوص الفيزا .. قال هو يعرف عربي ولا لا .. بالأخير طلع مديرها سوري

بيحط نظارات وسمعت من أحد القدماء بدبي .. أنه صار له أكثر من 20 سنة هون بالقنصلية
أبو محمد
(0)   (0)
ههههههه اي والله صدقت ياخيوو " مغترب " أشتغل في الغربة متل الجحش أحسن ما أوقف متل الكلب عبلهت بشان شيك .... المهم بالنسبة لهالموضوع لازم أدلي بدلوي .. 1 نطالب نحن الشعب السوري في الامارات بشراء ماكينة تصوير فوتوكوبي ولو حتى يلموها لمية مستعملة معلش 2 بدنا ماكينة صراف آلي 3 بدنا تشيلو هالأنسر ماشين اللي حاطينها وبلا فضايح 4 بدنا موقع للقنصلية عالانترنت .. هي صار في وظائف شاغرة ياشباب .. سلام عليكم
سمير
(0)   (0)
كلمة حق تقال.........

هذا العام الوضع افضل من الاعوام السابقة، وصحيح في موظفين بالقنصلية معاملتهم سيئة، بس في بالمقابل موظفين كتير مرتبين وكتير محترمين, وانا كان عندي مشكلة حلها في السفارة، في موظفة وقفت معي وساعدتني وكأنها مشكلتها مو مشكلتي.....مابقول مافي مشكلة، يوجد مشكلة ومشكلة ليست صغيرة، لكن في الاعوام الماضية كانت اكبر بكثير.
ونقطة تانية، السوريين في الامارات مثل كل المقيمين فيها، متعودين على المعاملة الراقية من قبل الموظفين الاماراتيين في الدوائر الرسمية الاماراتية، معاملة راقية جداً للمقيم وبطبيعة الحال للمواطن، لذلك عندما نعود للمقارنة مع الموظفين السوريين سنجد الامر صعب جدا


حلبي للصاجة%
(0)   (0)
الله وكيلكون لما بتدخل عالسفارة السورية بالرياض كأنك ديخل على شعبة التجنيد بحلب

انا لحد الأن رحت عليها مرتين بس لما طلعت السند الإقامة الأول والمره التانية لما طلعت سند الدفع ومارجعتلا من هداك اليوم من خوفي لأنو بتذكرني بشعبة التجنيد بحلب
أوسخ دائرة حكومية بسوريا كلا
مع اني والشهادة لله لما رحت عشعبة التجنيد ماعاملوني الا بكل أحترام ليش لأنو جي أدفع البدل أم لو انا مقيم بسوريا لا كان احترموني ولا قدروني

بس لأيمت رح يضلو هيك عنا بسوريا لا في أحترام للمواطن ولا تقدير
لأ يمت رح تنلغي كلمة ياسيدي
ويا طـــ...........
خالد
(0)   (0)
اذاموظفين بلدنا هيك فلي بصيرمن المعاملة السيئة من الغريب عادية احنا السوريين اتعودناوالحقيقةليش ماحدا بيعرف وين المسؤول عن وزاة المغتربيين يعني اذاترفع بينسانا.
ارجوا النشر
فهيم مستغرب
(0)   (0)
اول مرة بحياتي بسمع انو في سفارة بدولة (محترمة طبعاً ماتقولي اسرائيل) مو بعاصمتها و يعني على حد علمي المتواضع عاصمة الامارت أبو ظبي
صح ولا أنا غلطان
man
(0)   (0)
انا برائي ان تشوفوا معاملة القنصلية السورية بجدة بعدين تتكلموا
والله شكلها مخزي للغاية كان داخل باحة المدرسة والله عيب سوا مقارنة مع القنصلية اللبينانية وشوفوا الفرق
اللبينانين اللي نحنا نتريق عليهم
والله عيب عيب
.اذا بدكن انا بدعمك بصور
مشتاق لسوريا
(0)   (0)
انا الي عايش بالامارات 5 سنوات بحياتي ما رحت للسفارة ولا بعرق وين موقعها اصلا بدبي


انا سوري اه يانيالي ................
مغترب
(0)   (0)
ذهبت اليو لتجديد جوازي اليوم في 19\1
ولكن المخجل دخول السائق الهندي الذي يرافقني لانتظاري

في البداية احتجت لتصوير الجواز فقالولي اذهب الى السفارة الهندية وصور هناك

والاطرف انه احتاج السائق الهندي الذي معي الذهاب الى التواليت ( اعزكم الله ) فما كان به الا ان سأل احد الاشخاص الا يوجد لديكم في السفارة تواليت فاجابه بلا فقال له ألا يبول الشعب السوري كالبشر الا تاكلون وتشربون .......


ولكم الشكر



مغترب في قطر
(0)   (0)
أنا من جهتي بحب أقدم كل الشكر للموظفين في سفارتنا في قطر الدوحة لأنهم عنجد جدا محترمين و لكلهم ذوق
دبوس
(0)   (0)
لسبب ما , رافقت أحد الأشخاص الى قنصليته , و كان الوقت مساء", و علمت منه بأنه اتصل بالقنصلية و أعلمهم بأن ليس لديه الوقت سوى خارج اوقات دوامه, وصلنا المبنى قبل الموعد بعشر دقائق , و خلال دقائق قليلة و صل مساعد القنصل و أدخلنا الى مكتبه... كان يتحدث الى صديقي بأبوية و اهتمام شديدين... عندما خرجنا , نظر الي صديقي قائلا" و بلغته " الواحد بيحس حالو في بلده ضمن القنصلية " طبعا" كان مسرورا" و ممتنا", قلت له : و نحن كذلك عندما ندخل القنصلية نشعر بأننا في سورية , و نشعر بنفس السعادة التي شعرت بها , و لكن عندما نخرج منها.......
ابوتالامن دبي
(0)   (0)
للاسف شي ما بيشهي طاول انا من اسبوع رحت ع القنصليه وخود بقا بتحس حالك بسوريا يعني الشباب عم يحسسوك انك بسوريا وكل واحد بتسئلو سؤال بيطلع فيك وبيقلك ما فضين الله معك واحسن شي كان في شاب ع الدور ووصل ع الكونتر ولا بيقلو الموظف ليش جوازك مجعلك هههه انت شو بدك بي جوزو اي شو بدك تتجوز بصرحه شي بيشهي وفهمكم كفايه والسلام
احمد ساسوكي
(0)   (0)
رحت مع صاحبي عشان اشوف الي عم يحكو الشباب والله لايرويكن علي شفتو احسن شي في واحد ع الباب قال عم يعطي ارقام لا الشباب واحلى كلمه سمعتا ع الدور ياشباب وخود قهر واحلى الشي كل واحد محسب حالو شي خ........... كبيره وعم يحكي من راس منخيرو تقول عم تشتغل عند الي خلفو ودخلنا لجوه وياريت ما دخلنا تقول سوق الخضره جد حرام ياريت اخود الجنسه الهنديه افضل اشو هدا احترمو الناس ياجماعه الخير والله بشار ما عم يقصر معكم ولا بس شطرين تركبو المرسيدس وال بي ام وبل الاخير الله يرحمنا احسن شي والسلام كان معكم محدثكم احمد من دبي
وين
(0)   (0)
ليش السفارة بابو ظبي الا بدبي؟؟؟؟؟؟؟؟
المغترب ؟
(0)   (0)
والله هل السنة غير وصلت على القنصلية الساعة 8.45 وخلص الساعة 10.10 والله ما سدقت حالي بالمقارنة بهديك السنة من الساعة 8.00 حتى الساعة 2.00
والاحلى من هيك وصلوا الوراق اعندي خلال يومين مو بتل هديك السنة 15 يوم
وبصراخة الله يعطي العافية للقنصل هنن قالوا جديد
ونشاله يضل هيك وما يمل من هيك موظفين معوا شيفين حالن لانن موظفين بالسفارة على شو ما بعرف
وحرام يشتغلوا بهيك محل
لانوا والله العظيم انا مثل الي مواطن سوري بغار على سمعة بلدي
العالم كل ما بتعدي قدام القنصلية بدهدي السيارة وبتسال
افففففففف
شو في هون
والله شي بطقق والله مو حلوه مع انوا بيحسنوا يدخلونا على حديقة القنصلية وما حدا بشوفنا
بس السؤال ليش
انا بجاوبكن لانوا الشمس من الصبح بتصح بتضرب على القنصلية لبعد العصر محل ما منوقف على الدور
منشان ماي ينسونا لذية الجيش
بس بوجه كلمة للي عبيعلقوا لاتحطوا بهاراة كتير لانوا جوات القنصلية مرتبة ومحترمة لا تخنوا القصة حرام عليكن
لانوا الشعب السوري بس شاطر بالت والعجن
والله نحن بالامارات كتير محترمين وكل العالم بحبوا السوريين وبحترمون لانوا محترمين
وبعاملونا احسن معاملة
وخصوصا السشرطة بس يعرفوك سوري والله ببتسملك بالاكتر
واذا كنت مخالف والله احتمال ما يخالفك
بس في بعض الشبان الي حرام يعيشوا هون وحتى في سورية حرام
بشوهوا سمعة البلد وانا ارجوا من عكس السير انوا يطرح موضوع عن هل الشبان الي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وانا بتمنا انوا مايطلع هيك عالم لاي بلد تاني منشان سمعة البلد
سوري
(0)   (0)
والله عنا بالسعودية نفس الشى يا خيو وبعدين الموظفين شايفين حالهن وبرمو كلشي قدامهن وحتى الجواز شو بدي احكي لحكي الله يقوي الدكتور بشار ويحفظو ويطور بالهل شعب
اين البلد
(0)   (0)
تعو وشوفو حالنا معا السفارة باوكرانيا بس يلزمنا جمعية الرفق بالحيوان؟؟؟؟؟؟؟؟؟؟؟؟؟
مواطن حمصي بدبي
(0)   (0)
عنجد اان بحياتي كلها يلي عشتها بدبي ما شفت متل هلموظفين يلي بلقنصلية شوفت حال وكأنهم عم يعطونا او يشحدونا مصاري وكل شوي واحد بيروح بيفطر وبيرجع وبيروح لتاني يعني موظفين مهزللة علأخر طبعا غبيلا لوقفة بلشارع أقل شي انتظار ساعة
لاجئ
(0)   (0)
هلا انا للامانة رحت يوم الاحد الماضي الساعة 8 ونص وخلصت وراقي بباقل من 5 دقايق والجواز اجاني يوم الاربعاء يعني مش زي زمان كان ينام اسبوعين و3 يعني انا ملاحظ في تحسن
مقيم هون
(0)   (0)
اللي بيقرا تعليقات هالشباب اللي كتير مبسوطين بدبي و بالتعامل فيها و عم يحكوا عالقنصلية بالسلب و يقارنوا بينها و بين حياتهم برا بفكر انه الشباب كل واحد شي دكتور أو رجل أعمال ؟؟ ههههههههه
يا أخوان صدقوني 90% منهم ميكانيكيين و عمال عم يعيشوا الذل و القهر 24 ساعة باليوم وما عم يطالعوا قد اللي بيطالعوه بسوريا ورغم هيك بيبقوا مبسوطين ليش ؟ ما بعرف
مسكينة يا سورية كم ابناؤك عاقون !!!!!!!!!!
ابن سوريا
(0)   (0)
والله ياريت بيعطوني الجنسية بالامارات... وفهمكن كفاية لان بلدنا ماعادت النا ولابتحملنا
سورية بلدنا
(0)   (0)
ياشباب أنا رحت على القنصلية
وأحنجت لحمام ( الله يعزكم )
للأسف مافي هيك خدمات بقنصليتنا أضطريت أروح لقنصلية قريبة لقضاء الحاجة عندهم
سوري بالامارات
(0)   (0)
والله جميع عناصر السفاره حراميه ولايملكون من الحس الوطني مثقال ذره لصوص لا اخلاق ولا ضمير بما فيهم السفير لانه على الاقل لو كان عنده ضمير كان منعهم من احتقار المواطن السوري واقول الحقيقه تسطيع ان تحل مشاكلك كلها بشرط ادفع فلوس تاخذ ما تريد والله نكون محترمين باي مكان ما عدا سفارتنا هل تنتقي وزارة الخارجيه اللصوص والسفله واشباه الرجال لتمثيل سوريا بالخارج هل الشرط للعمل بالسفارات القذاره والسفاله هذا واقع مقذذ مقرف بالاضافه للقذاره داخل السفاره مش بس الموظفين قذرين حتى السفاره متسخه ومقرفه ورايحة الجوارب والطبخ وبشرف شي مخجل
سوري سوري
(0)   (0)
شباب انا بالكويت و الحال نفسه بس هيك مراجعين بدهم هيك سفارة و معاملة لأنا ما بنفهم لا بدور و لا بنظام و بس يفتح الباب بندخل ركض لحرم السفارة و متل الغنم اللي بده عصي.
الشباب الموظفين عم يشتغلو ما عم يلعبو بس نحنا نضيف لحالنا كمراجعين شوية ذوق و اخلاق و نحترم حالنا للعالم تحترمنا.
مغترب في الامارات
(0)   (0)
معليش ياجماعة خلونا موضوعين شوي الوضع القائم حاليا أحسن بكتير من قبل سنتين
بس بالنسبة للازدحام ماتغير شي و بالنسبة لمعاملة الموظفين نفس الشي مافي شي تغير حتى الأرقام عاملينها على دفتر عادي طيب هنن عملو أكتر من شباك و المفروض كل شباك مخصص لأرقام معينة يأخذها بالتوالي المراجعون من ماكينة الترقيم
ولا ليش هالشبابيك اللي ما الها نفع ودائما بروح لهونيك لازم يكون في على الأقل شباكين مافي عليهن موظفين ليش ما عرفت
يعني معقول كلشي عم يصير فينا بهالغربة أول شي موضوع البدل اللي زادوه علينا كأنو نحنا عم نقبض بالدولارات و بعدين المعاملة الغير لائقة أي شو نحنا مغضوب علينا معقول يعني و الله أوعى شعب وأذكى شعب شعبنا معقول هيدا اللي صاير فينا
عبدالله $$
(0)   (0)
بذكر سنة الماضية وقت موعد السند . على باب السفارة صار مناوشات بين موظف الدور وبين شب . رامي دخان وبيبسي في حوض زريعة في السفارة فعلا صاير الحوض حواية زبالة .
عامر الدبيسي
(0)   (0)
الحق يُقال في السنوات السابقة كنا نشتكي من سوء معاملة الموظفين و الازدحام و رداءة مقر القنصلية السابق في دبي.. لكن في هذه السنة خصوصا لاحظت تغيير كبير في التعامل و الخدمات فقد جددت جواز سفري منذ اشهر و صدّقت عقد زواجي قبل اسبوع و سأزور القنصلية ايضاً لاصدار سند الاقامة الاخير باذن الله . و كما قال بعض الاخوة لا بد من شكر سعادة القنصل على متابعته الشخصية لسير العمل .. كما أن موظف تصديق العقود كان في غاية اللباقة و الاحترام.
ابو فراس الرياض
(0)   (0)
الحمدلله على السفارة السورية بالرياض لكان
هبة حسن
(0)   (0)
يعني بصراحة مجرد ماأدخل على القنصلية الجديد في دبي

بكون جاية من برج خليفة وشارع الشيخ زايد

وبشوف الموظف العابس والصراخ على الشباب والشرطي اللي مو راضي يدخل حدا من الباب الرئيسي بحس اني رجعت شي الف سنة لورا وبتمر بذهني عبارة سورية ترحب بكم
الكابتن ماجد
(0)   (0)
والله عندي كلمة حق بدي قولها وهي أنو القنصل السوري في دبي الأستاذ توفيق هو رجل محرتم لأبعد حدود كتير لبق ومهذب وجنتلمان وبيساعد الشباب بكل طاقتو والشباب كمان جوى القنصلية محترمين ومابيقصرو وياريت يحلو مشكلة ورقة السند لأنو ظاهرة مو حلوة بالنسبة للسوريين انو يوقفوا هيك بالشارع قدام كل الناس وميرسي كتير لأحلى سوريين واحلى سورياز شكرا عكس السير
ابو احمد
(0)   (0)
انا جوازي القديم ضايع من زمان وهو بالاساس ملغى وبالقنصلية بدبي بدهم الجواز القديم منشان سند الاقامة الاخير والمشكلة انو الموظف ما عندو حل تاني راسو والف سيف الا بدو الجواز القديم منشان هيك صرلي اكتر من سنة ونص ما عم اقدر انزل لسورية
يعني بكل الدوائر بكل البلدان عندهم حلول لكل مشكلة الا عنا لازم يسكروا البواب كلها بوش الواحد
ارحمونا والله اشتقت انزل لسوريا بس شو اسوي كلو بيد القنصلية
علاء
(0)   (0)
بس القنصلية نتقلت من ابو هيل الى بر دبي وانا مابعرفها بس على طول رحت على بر دبي عرفتها على السريع من الخلق الواقفة برا بس في موظف اااااااااااخ لو اسطى في برا شي ابن حرام صرف دائما بصرخ بتتخيل حالك عسكري وهوة ضابط يعني وقت بتكون بشغلك قاعد على مكتبك الك قيمتك بتروح على القنصلية بتفقد كل الاحترام الي كنت فيه لك شوووووووووووو هاد شي فعلا بقرف.
مواطن سوري
(0)   (0)
اول مرة بسمع كلمة مواطن هون في الامارات . تعالوا شوفوا المواطنين دعم حكومي و صندوق زواج و منحة سكن و منحة دراسة , يعني اذا بدك تدرس هندسة نووية بالمريخ بتروح على الديوان و بيعطوك كل الاوراق و مركبة فضائية كمان .

يعني بصراحة اشتهيت اكون مواطن و من شان هيك رجعت لسوريا لكن بعد مخالفة من شرطي مرور غير اخلاقية و الي صار معي بالنفوس و من شان الهوية و انا متزوج من سنة و زوجتي رح تولد بعد 4 شهور و ما في دفاتر عائلة بحلب , يعني شو وزارة الخارجية مالها حاسبة انه عندها مواطنين بدهم يتزوجوا و يجيبوا ولاد و بدهم شي اسمه دفتر العائلة .
حملت حالي و قلت خليني مغترب اشرف الي .
و بعدين مين بدك تشكي اذا الموظف بالسفارة واسطه اتقل من القنصل و السفير .

مر كنت بشركة طيران شفت شخص سوري متلي بس باين عليه انه ما كمل دراسة و حالته تعبانة و كان بده يحجز تذكرة على جنوب افريقيا , ان استغربت قلت شو بده في جنوب افريقيا ما عجبته الامارات بدو يهاجر, و سألته طلع ابن عمه صار القنصل هنيك و قال بدو يشغله معه ؟ ؟؟؟؟
و ركزوا كتير بدو يشغله معه ؟

طيب من وين بدها تجي الحضارة اذا كل الحكومة محسوبية
سوري
(0)   (0)
بالفعل قمة التخلف والتسيب و عدم الإحساس بالمسؤولية
و الشي اللي بخجل انو القنصلية الهندية مقابل القنصلية السورية و نحنا وة الهنود واقفين عم ننتظر بكير. و لما بتفتح القنصليتين الهنود بخلصوا و بروحوا و نحنا بنكون لساتنا واقفين عم ننتظر ما تحركنا و لا خطوة بمحلنا . بالفعل معاناة مقرفة و الغريب انو لحد هلق وزارة الخارجية مانا عم تتحرك لمعالجة هالظواهر هاي مو بس بدبي وبكل دول العالم وين ما تواجدت قنصلياتنتا و سفاراتنا . و لما بتفوت عالقنصلية الأردنية ، مثلا، بتخجل منهن قد مابيحترموك رغم انك مو أردني ... و الله شي مؤسف لأنو هالقنصليات و السفارات هي لازم تكون واجهة جميلة و مشرقة لسوريا...
مواطن
(0)   (0)
غير مستغرب كون هذاالامر هو حال جميع السفارات حتى الملحق الثقافي في القاهرة دعي في احد المناسبات والجهة الداعية ولكونها سوف تستقبله استقبال رسمي الا انه لم يلبي الدعوة ولم يعتذر عنها وهذا ابسط التقاليد الدبلوماسية ---فقارن هذا الملحق يرعاك الله بالملحق الثقافي الذي كان في فترة الستينات واسمه نزار قباني حيث تحتفظ جامعة القاهرة في متحفها ببعض خطاباته التي وجهها اليها -- تصور يرعاك الله
واضحة
(0)   (0)
المزلزل ببلدو مستحيل ينعز برات بلدو.....
رامي من لندن
(0)   (0)
عيب أن نقول انشروا عرضهم العرض مهم ياآنسة وحرام نحكي عليه وإلا مابيهمك العرض هيك الظاهر
تعالو شوفوا سفارتنا في لندن من أروع السفارات وبتفكر حالك في سويسرا
الدكتور سامي الخيمي غير شكل
هبة حسن
(0)   (0)
فيه فرق بين الشرف والشرف المهني

انا قصدت الشرف ومبادئ المهنة اللي عم ينتهكوها بتعاملهم الغير محترم وغير حضاري مع المراجعين

وانا سعيدة انو صار فيه عنا صحافة ونقد انشالله يون تاثيره ايجابي

لانو طول عمرنا نسمع كلام ايجابي عن مؤسساتنا ودوائرنا الحكومية وهي في الواقع قمة في التخلف والبيروقراطية والواسطات
احب سوريا
(0)   (0)
والله يا شباب الحق م بس عالسفارة الحق عالبلد الي بتخلي الشباب تترك البلد مشان يعبو جيابون بالمصاري عالحساب الشباب
احمد عامر
(0)   (0)
لي بيسبق بياكل فستق ولي ما بيسبق بياكل ؟؟؟؟ تروح عليه لا تفعموني غلط يا ناس نحن السوريين مشكلجية من عهد ابونا ادم عليه السلام والله لو جابولنا الذهب بالصحون ما بيعجبنا العجب ولا الصيام برجب وشغلة تانية ليش مو خادمين جيش قبل ما تطلعو من سوريا وعلى فكرة انا مو خادم جيش متلكن هههههههههه بس صدقوني ما في احلى من هالحال بلا تقدم بلا طابور وبن عايشين انتو ؟؟؟؟؟؟ نحن التقدم بسوريا من وقت لي كان بامريكا ما عندهم نفط فرفش طنش تنجلي
أبو الحلول
(0)   (0)
ياجماعة الحل كتير بسيط وممكن نستفيد من موقع السفارة السورية في دولة الإمارات كالتالي:
1.كل شخص سوري بدخل البيانات المطلوبة على موقع السفارة.
2.تحميل نسخة عن صورة جواز السفر ،الإقامة، الصورة الشخصية.
3. استلام الوثيقة عن طريق البريد الالكتروني الشخصي أو طباعتها من موقع السفارة.
ملاحظة: بدنا سنين حتى نقوم بتفيذ هذا الحل البسيط.
شاهد حق
(0)   (0)
والله انو كلشي نحكى على القنصليه كذب ونفاااق يا حرام عليكن والله عيب الواحد يحكي على البلد يلي لحم كتافو من خيرها انا خلصت معاملتي بربع ساعه يا شباب عيييييب والله عيب ستحو على دمكن
حسن
(0)   (0)
و الله العظيم و الله العظيم و الله العظيم
من شي 3 سنين بدي اطلع سند
و اجينا زي العاده الصبح و زحمه خير الله

و الله بعد طول انتظار طلع القنصل وقفناه بصفوف زي الجيش و انتو هون و انتو هون
و فوتنا رتل رتل على السفاره
و الله شي بيضحك يوميتها

ابو لجين
(0)   (0)
والله بالسفارة في ناس كويسين وناس غير هيك ومابيصير نعمم هذا من خلال مراجعتي للسفارة اخر مرة بس في موظف لابس نضارة يجلس عاليسار اول ماتدخل عالسفارة بتساله بيجاوبك بس بتحسه ضابط بيخوف ما تحسن تساله مرة تانية وشكرا لصاحب الموضوع اللي هو صديقي ولعكس السير
مواطن مغترب
(0)   (0)
عندي تعليق بس على الخبر عن الازدحام على السفارة السورية في دبي
أول شي أن الواقع صحيح من حيث الازدحام ولكن الصورة مأخوذة في وقت الذروة وليس كما ورد تحت الصورة
ثانيا التعامل من قبل الموظفين مقبول جدا ولا توجد أي إهانات مع مراعاة أيضا السرعة في تنفيذ إجراءات إستلام الأوراق المطلوبة
ثالثا القنصل الأول والقنصل الثاني والقنصل الثالث(سيدة)متواجدون بين الناس دائما داخل وحتى خارج القنصلية
التنظيم موجود على شكل بطاقات مرقمة تحفظ التنظيم وعدم الفوضى
يعني لن يدوم انتظارك لأكثر من ساعة مع مراعاة الأعداد الضخمة للمراجعين وبالأخذبعين الاعتبار أن سند الإقامة وصلني وجميع زملائي خلال يومين فقط بعد تسليم الأوراق للقنصلية
وأشدد على أنه لا توجد أي إهانات من أي شخص كان لأي مواطن
والله أنا مجرد مواطن غيور على سمعة بلدي داخلها وخارجها ولا علاقة لي بأي شخص داخل القنصلية ولكن فعلا هذه السنة مختلفة عن سابقاتها واستغربنا أن المقال أتى في هذه السنة على الرغم من التحسن الواضح والملموس ... وإذا أمكن تعملوا تصويت على صحة الخبر وشوفوا النتائج
وإلى مزيد من التوفيق
زعلان
(0)   (0)

يعني واحد بخبرنا انو الساعة 6ونص كان رقموا 180 يعني القنصلية فاتحة من 5 صباحاً وواحد آخر بيخبرنا انو الدوام ببلش الساعة 9 صباحاً لك وين الحقيقة وواحد بيحكي عن سائقه الهندي واكانو ذكر التعليق مشان يذكر بان عنده سائق واللي بيذكر الأمور الايجابية بيصير داسوس او مقرب من القنصلية ووحدة بتذكر انو ما بتعرف وين القنصلية رغم بانو القنصلية في بردبي ام هرير منطقة القنصليات,ويعني نصف التعليقات ايجابية ونصفها سلبي واللي عم يكتب بسلبية ما في عندو ضمير واخلاق وطنية لانو هي مو الحقيقة اداء القنصلية كثير ممتاز بدءاً بأصغر موظف مروراً بالدباماسيين وانتهاءً بالقنصل العام وانو هو شخصياً عم ينظم الدور وطبعاً في ارقام خاصة بالسندات وفي ارقام بباقي المعاملات السنة السند عم بيكون واصل لعند صاحبوا خلال يومين ثلاث واذ في غير شي حدى يذكر حالة معينة السنة في لوحة اعلانات مذكور عليها شو مطلوب لكل معاملة ورسوم كل معاملة في صندوق شكاوي ولو لازم ننشجع القنصلية والعاملين فيها وانا زعلان لاني مواطن سوري غيور على بلدي وبحب ذكر الحقيقة انا سافرات كثير دول شوف القنصلية الامريكية كيف ببتعامل مع العالم نفس الشي البريطانية والكندية وانا ذكرت قنصليات دول متطورة في دبي والله يعطيهم العافية والى الامام ووعاشت سوريا
حلبية قرفانة
(0)   (0)
اصلا نحن السوريين تراثنا قلبان الوج والتدفش بالحكي وغير الحكي, اي دائرة حكومية اي بنك اي معاملة, بتحس حالك ذليل وشحاد لك حتى شركة السيرياتل هيديك المرة الموظف طلع فيي تطليعة كانا قواس لاني سألتو عالانترنت وياريت هالموظفين يعرفو يحكو بالأول ... خليا لالله هيدا تراث ومتمسكين في وخصوصا الحلبية
هبة حسن
(0)   (0)
قصدك سفارة السويد او سويسرا

نحن عم نحكي على القنصلية السورية في دبي

واذا انت احد موظفي السفارة

فلازم اسفة يعني ماتكذب

لان كلامك كله غير صحيح

ولو عم يعاملوك هيك بيكون معك واسطة والله اعلم
كتالوني الدم
(0)   (0)
أولا اللي بيوزع الأرقام اثنين مرات واحد مصري والثاني بنغالي او هندي تقريبا وبعدين الساعة 9 بيجوا الاساتذة وبيبدؤوا بالفلسفة وحقيقة اللي كان ينظم الدور مش القنصل (اللي بالقاعة) هو يمكن نائب القنصل بس المهم مش القنصل وهالشيء عرفته االيوم واللوحة اللي تحكي عنها مش كافية لأنها مش كل مذكوررر وفي قرارات من سنة واوراق غير متجددة
في موظف بيلبس شيرت قصير الاكمام وجاكيت كات كمان ووبيفتح ازرار صدره للنص تقريبا فوق السرة بكم سنتم برايك هذا موظف قنصلية

ولا اللي ما بيعرف يحكي انكليزي وجالس بالاستعلامات
وجرب اتصل (اذا ردوا عليك ) بيرد نعم شو بدك
ولما تستفسر عبر التليفون بيقولك تعال هون وشوف

شو هالحضارة والتطور ... موظفي القنصلية كلها بفلوس وواسطات صايرين بالقنصلية

بس في واحد قبل كان يجلس على الكونتر بس هلأ لا .. هو جوا بالقنصلية .. كثير محترم .. لا تفكروا اللي بيقولوا الشباب لابس نظارات لا غيره .... بس للأسف ما في حضااااارة ورقي وتقدم ....
كتالوني الدم
(0)   (0)
نسيت اقول احيانا شرطة دبي اللي على الباب بيوزعوا الاوراق
زعلان
(0)   (0)
زعلان عليك ياسيد كتالوني بلا دم لانو كل شي ذكرته مو صحيح القنصل العام شخصياً ينظم الدور ومعه نائب القنصل وموظف سوري لانو باختصار وانا صرلي سنين وسنين بدبي ما في ولا موظف مصري وهدول يافهمان تبع الامبوست والشرطة ما داخلها وانت جرب اتصل على القنصلية مو أنا. وما بعرف ليش حكي هبة حسن كلوا مو حسن ومجرد كلام حاقد مجرد من المسؤولية والاثبات والاقناع ويرحم جدك اللي صرتي تعرفي شارع الشيخ زايد وبرج خليفة وممكن انتي ساكنة بالخان ياشباب شوية ضمير ارجو النشر
صفر
(0)   (0)
وين المشكلة؟؟؟
مشان 100 دولار دعم مازوت صار اقرف من هيك
ابو نزار
(0)   (0)
هلآ القنصلية تحسنت هاد الشي الصحيح والتعليقات ضد القنصلية هي الشي اللي مو صحيح وانا بطالب باجراء استفتاء من قبل وسيلة اعلامية محايدة تأخذ عينة مختلفة من الف سوري في دبي والامارات الشمالية وبنشوف النسب المؤيدة والنسب المعارضة للتوجه الجديد سلام
خالد الزين
(0)   (0)
بصفتي صديق مقرب من القنصلية منذ سنوات واللي شاهدته السنة هو تطور كبير لازم لتوضيح الحقيقة رد على بعض التعليقات غير المنصفة.في تعليق متعجب من الدور الطويل امام القنصلية السورية ومافي هاد الدور امام القنصلية الهندية ما سئل حالوا ليش الهندي مواطن منتظم المشكلة ياعزيزي المواطن السوري جداً فوضوي,feras dubai وصولك الدور بعد ساعتين وطلبوا فكة شوف الشباب اذ حدى مصدق روايتك؟! وسيم أوف منك ياوسيم من 9الى11 والباقي طنق حنك ياعيب الشوم عليك بكرا روح وسلم معاملة الساعة 12 وشوف بيتم استلامها ولا لا الدوام من الساعة 9الى12 استلام ومن 12 الى 2 انجاز وتسليم المعاملات بنفس اليوم من 2 الى 3 انقد بضمير,dark storm ما حدى غيرك مأساة حقيقة لانك ما بتذكر الحقيقة,سوري منصف مو منصف انت بتعرف اسم ثلاثي لموظف سابق مروان منيب الرفاعي شو الذاكرة يامنصف,مغترب دبي معاملة كويسة ما في والله أحلى مغترب؟!فادي ما في مكيفات وكهربا مقطوعة يعني اذ الكهربا مقطوعة هي مو مشكلة القنصلية هي مشكلة دبي بتكون ومكيفات الناس بتشكي احياناً من برودة الجو,ابوغسان جرب واتصل بالقنصلية راح تجد من يرد على الهاتف,مواطن درجة عاشرة لانك درجة عاشرة,كتالوني الدم يعني ذكر انه من قام بارسال المقال وانه من قام بالتصوير طيب من المنطقي ذكر اسمك الحقيقي,ومغترب يتحدث عن سائقه الهندي بس مشان يقول عنده سائق ياسيدي,يادبوس ياريت تذكر لنا اسم قنصلية صديقك اللي فتحت المسا خصوصاً مشانه تخينة!مواطن حمصي بدبي باعتبارك حمصي راح أخذ كلامك على سبيل الدعابة,هبة حسن في مين رد عليها وهذا بيكفيها,علاء والله كذب مافي ازدحام طاول.كنت اتمنى من كاتب المقال رأفت الرفاعي توخي الدقة لانو الشي الصحيح الوحيد الذي ذكره السطرين عن القنصل العام والباقي حكي بحكي وفي ناس بتخربط بين السفارة السورية في ابوظبي وسفارة دولة أخرى والله انا بقبل ضميركم اللي بيعمل هيك يأخذ بحكيه.انا بطالب الناس بالكتابة الموضوعية واللي بدافع عن القنصلية مو داسوس وعميل ومتل ما أنت إلك رأي ضد في مين له رأي مع وبطالب القنصلية بتخصيص شخص للرد بالمنطق والوثائق لان السكوت عن الحق شيطان أخرس والله يوفق بلدنا وعاشت سوريا وبطلب من عكس السير نشر تعليقي كاملاً وحاجة تكون بعكس السير.
خيري
(0)   (0)
كذا مرة علقت ولا ينشر تعليقي
لانني ادخل الى جوهر المشكلة والحل
ابن الريف
(0)   (0)
انتم ليش زعلانين ياناس ياسوريين
اذا احنا اصلا مش محترمين داخل سورية
بدكم نكون محترمين بره
رح نظل شحادين وطراطير بين الامم لحتى نصير محترمين ببلدنا
قال يافرعون مين فرعنك
قال مالقيت حده يردني
غريب الدار
(0)   (0)
هي جزات ترك بلد الام والي عم يقول مافي شغل بسورية قلوا كذاب وارجعوا على بلادكم مهما كان بتم بلدك
علاء
(0)   (0)
ياجماعة انا عملولي اقامتي بالسعودية وانا بالامارات وانا بحياتي ماشفت السعودية قال عندي اربع سنوات اقامة بالسعودية اتصلت على القنصلية جاوبوني انو الكمبيوتر غلطان فسالتوا لايكون الموظف الي قدام الكمبيوتر هوة الي غلطان قام قلي لا لا الكمبيوتر مراة بخربط بقى يا اما الكمبيوتر حمار وهاد شي مستحيل يا اما هنن حمير وهاد شي اكيد وشكرا
خالد الزين
(0)   (0)
كمان انا وضحت اكثر من مرة وطالبت الناس والقنصلية باشياء بس ممكن لانها ايجابية عكس السير ما حبت تنشرلي
اه يابلد
حسام من ابوظبي
(0)   (0)
الحمد لله تزوجت فلبيبية فرحت ع السفارة السورية بابوظبي. اسجل زواجي فسالت الاستعلامات ال روح ع شباك رقم 3 انتظرت بالدور , فاجا دوري فخبرتو انو بدي اسجل زواجي من اجنبية و و و الخ.. فقلي انت شغلتك عند الاستعلامات كمان مرة.
رجعت لعند ابو الاستعلامات وكمان قلتلو القصة, فما استنظف يطلع علي( روح ع شباك رقم 3) قلتلو اخي والله هو بعتني لعندك...... بالاخير اعطاني ورقة قلي( جبلنا هدول الاوراق وتعال.. بالاخير قلتلو ما عاد بدي اسجل زواجي... وبالفعل لغيت التسجيل كلوو
مغترب في الخليج
(0)   (0)
والله كل كلامكن صح مو بس في الامارات هيك عم يصير كمان هون والله بس واحد راح عالسفارة بحس حالوا صار بسوريا بس مجبورين احيانا نروح صح ما في حق فنجان قهوةبس السعر شي والدفع شي تاني واجباري كمان والله كل مكان هون احترام غير شكل بس ماتروح على السفارة السورية
عييييييييييييب نحن مو فب بلدنا والله عييييب
علاء حناك
(0)   (0)
انا فعلا كنت عند القنصل اليوم وهوة انسان محترم جدا جدا جدا بس الموظفين اتهموني انو انا الي كاتب تعليق هوة انا قريت التعليقات كلها وفي واحد اسمو علاء كاتب تعليق بس مو مهم يكون انا ممكن تكون صدفة بس بحب خبر كل الي مابيعرفوا الي كان عبينظم الدور في القنصلية هو القنصل السوري بذات نفسوا بقا لا حدا يقلي مو محترم واكابر هاد الزلمة وفي كل دائرة لازم يكون في اخطاء بس انا مو حاطين اقامتي في السعودية انا كاتبين عندي اقامة في السعودية ثلاث سنوات مو اربع سنوات متل مو مكتوب بتعليق الي اسمو علاء ممكن يكون هاد عبيتبلى تبلي وعلقت في راسي وطبعا لازم ياعكس السير ماتطالعوا كلمات بذيئة على الموظفين لان الموظفين اذا شافوا هالكلمات بصيروا فعلا ببطلوا يشتغلوا متل الناس وانا حبيت وضح بس لان اليوم كنت واستغربت انو الموظفين عبيسالوني ليش حاكي هيك وانا هاي اول مرة بعرف بهالموقع حتى سالت واحد برة قلي افتح على موقع اسمو عكس السير بس بحب قلكن انو هاد القنصل محترم جدا ودخلت على مكتبو اليوم والي شرحلي مشكلتك وحكيتلوا القصة كاملة وخلال ربع ساعة كان مجهزلي سند الاقامة وكل شي جاهز بس انا عبستغرب من كترة الحكي الي قراتوا من الشباب وانا شفت شي غير بقى بتمنى من الموظفين الي ظلموني يقرؤا هاد التعليق من شان يعرفوا انو انا ماني كاتب هالشي الي مفكرين في وشكرا ونحنا شعبنا بحب الت والعجن كتير لذلك شوفوا هالموضوع اديش علي تعليقات وشكرا .
سوري قرفان حالو
(0)   (0)
كل الكلام صحيح ومو مشكلة بس المشكلة ان بالرياض نحن ساهمنا ببناء المبنا للسفارة
ولما بتروح على السفارة من اجل اي معاملة يستقبلوك جميع الموضفين بداية من الحارس الى اكبر موضف باستحقار كائنك طابورخامس
نور الدين
(0)   (0)
ارجو من الجميع ان تتسع صدورهم اليوم ذهبت الى القنصلية ولم اجد الا الاحترام الازدحام لاعلاقة للقنصلية به هو واقع يفرضه الحال فاعداد السوريين هنا كبيرة جدا وان اردنا المساعدة علينا ان تبدأ بأنفسنا نحن المراجعين لأن تجاوزاتنا ع بعضنا أكبر من حمل القنصلية لانحترم اي حرمة وأنانياتنا طاغية
عمار الشامي الأصيل
(0)   (0)
يا شباب ....حمدوا ربكن ....راح عليكن أيام القنصلية القديمة بالحمرية .....فيلا قديمة صغيرة هريانة .....و لسا ما كان واصل إختراع ماكينة الأرقام .... يلو بيدفش أكتر بيخلص أسرع ...يا محلا هلأ ....بوسو أيدكن وش وقفا
سورية بالبحرين
(0)   (0)
بتشكر السفير السوري والقنصل السوري الموجودين بالبحرين لما يبذلون من جهود مع المواطنين السوريون ومعاملتهم جدا راقيه وشعرت بفخر اني سوريه لما يقدمون من احترام ومن نظام ومن سرعه للمغتربين السوريون المقيمين بالبحرين فليست كل السفارات مثل بعضهم هناك الجيد وهناك الذي يسيئ لنفسه قبل ان يسئ لبلده وللمغتربين
واحد كان بالقنصلية اليوم
(0)   (0)
أرجو من إدارة عكس السير التحقق أكثر قبل المسارعة بنشر مثل هذه المواضيع لأنها تؤثر على سمعة الناس اللي بالقنصلية بدبي وبالذات القنصل .. وممكن تجوا وتشوفوا بعينكن ..
أنا اليوم الصبح رحت ودخلت على القنصلية مشان اعمل سند إقامة .. دخلت الساعة 8:40 وطلعت الساعة 8:50 .. يعني بعشر دقايق، والدور كان عبنظموا القنصل شخصيا .. وكل الأمور ميسرة ومسهلة .. حرام تظلموا الناس ..
ارجو النشر ..
مغترب
(0)   (0)


انا مغترب في سوريا
تقدمت للحصول على الجنسية لاكثر من دولة فقط من اجل السفارة السورية المهذلة معروفة من زمان اناشد اسرة عكس السير على نشر هذه القصة.
منذ اكثر من عامين كنت وبسبب فشل السفارة والية العمل التي بينها وبين الدوائر الحكومية في سوريا قد ارسلت اخر سند طالبا من السادة ادارة التجنيد السماح لي بدفع البدل النقدي كان الرد من احد الموظفين هذا السند مزور توقيع القنصل غير واضح وواقع بداخل الختم ( تجنيد سوريا ) في الاوقات التي كان اخي وامي يذهبان لتسجيل سنداتي وبسبب عدم اكرامه الله لا يوفقه ولا يسامحه بعدم تسجيلها في ملفي علما بانني احمل صورة عن كل سند وتم نشر استدعاء شرطي باسمي وتعميمه على الحدود وفي اخر سند كما ذكرت سالفا شعبة التجنيد ادعت بان السند مزور والتاخر في ارسال سندي هو ما بين ارساله من سوريا والذهاب الى القنصلية وكل شخص ينكر هذا صحيح وبسوريا مزور الى ان قابلة السيد الدكتور ابو غالون وشرحت له قصتي وبدون فائدة وجلست مع نائب القنصل وبدون فائدة لا احد يفهمك ولا احد من الموظفين يفهم اصلا الا ما سلف ذكره عن السيد مروان كان رجل يفهم ويعي ويشرح ويحترم السوري قبل الاجنبي برؤيا عيني والكل على الدور(لك دخيل صلعتوااا ) والمأساة بالنسبة لي هي ان اختي في هذه الفتره قد تعرضت لحادث قاسي اودى بها للمكوث في مشافى حلب ( مقاصب حلب ) الصحية وانا لم اراها بسبب الظروف القاسية لاكثر من ثلاثة اعوام واخرها توفت ولم اقدر حتى على وداعها ذهبت كالمجنون الى القنصلية وقابلة نائب القنصل وكانت ولا زالت امراة وشرحت لها الموضوع دون ما جدوى ما في عندن احساس اصلا لن ولن اسامح اي شخص في هذه القنصلية التعيسة واناشد سيادة الرئيس بارسال موظفين مخلصين لعملهم يلتزمون بدوامهم يساعدون المغتربين امثالي وايجاد الية عمل لهذا الموضوع الي في الصورة نبذة والحقيقة اعظم .

احب ان اقول لو انني ابن لمسؤول كان حصل ما حصل لو انني من جنسية محترمة كان حصل ما حصل.

اعتز بقائدنا رحمه الله حافظ الاسد اينما ذهبت .

رحمه الله وشد على ازر سيادة الرئيس الدكتور بشار حافظ الاسد
كتالوني الدم
(0)   (0)
كم يسرني أن اتقدم إلى سعادة القنصل العام ... حيث طلبت لقاءه والتقيته في مكتبه ..ز إنسان متواضع جدا وطيب وأخلاقه عالية ،، ويحب التطوير في الأداء والعمل ويشرف بنفسه على سير العمل في القنصلية ...

تناقشت معه في عدة أمور .. في الحقيقة لم ألمس إنسانا مسؤولا بهذه الطيبة والأخلاق .. عاملني كأنني ابنه وولده .. استقبلني استقبال الأب لابنه ...

لاحظت قيامه ( سعادة القنصل ) بنفسه بترتيب عدة امور ورأينا كيف يسعى بنفسه لخدمة المواطن السوري ( حيث كما علمت أنه منذ فترة بسيطة هنا في دبي وسيقوم سعادته بتقديم أفضل الخدمات للمواطن المغترب عن وطنه ) .

لم يبق ازدحام كما كان سابقا ... تعامل الموظفين أصبح راقيا .. لأنه يشرف بنفسه على سير العمل الابتسامة لا تفارق محياه ..كما انه يسعى لتقديم أفضل الخدمات للمواطن المغترب

مدد من توقيت دوام القنصلية حفاظا على وقت المراجع
يساعد الأخرين في أنهاء أعمالهم

الملاحظ هذه الأيام عن غيره كثير من الأمور تغيرت ... ويسعى ( سعادته ) إلى التغيير إلى الأفضل

أتقدم إليه عبر عكس السير بجزيل الشكر فهو مثال يقتدى به لخدمة الوطن والمواطن ... بابه مفتوح لكل الناس ....

سعادة القنصل العام : أنت أب لنا هنا في دبي ... مرجعنا في امورنا أشكرك مرات ومرات على طيبتك وابتسامتك وخدمتك لأبناء وطنك ...

نيابة عن كل الجالية السورية هنا في الإمارات أتقدم إليك بكل الشكر والتقدير والاحترام ووفقك الله في عملك وكان الله في عونك على تحملنا ....
مقيم بالكويت
(0)   (0)
وضع السفارة عنا بالكويت مابيختلف عن وضعها بالإمارات اللي بدوره ما بيختلف عن أي دائرة حكومية داخل البلد
نفس الأسلوب في التعامل وكأنهم متفقين على إذلال المراجعين
صدقوني يا جماعة مشكلتنا بدها حل جذري بدءا من التربية في البيوت انتهاء بثقافة الجلوس خلف الطاولات

يعني مو فولة وحدة المقسومة بالنص فينا نقول كل الفول السوري الرسمي مقسوم بالنص ومع كل هاد رح ضلني أعشق تراب بلدي
wathq
(0)   (0)
ولك لايمتا بدكون تذلو المواطن السوري
والله السوري مو طالب شي بس شوية احترام
فهمنا الفساد والرشوة والسرقة نسناها لأنو صارت جزء من حياتنا اليومية
بس الواحد بيهرب من المازوت بتلحقوا إلى الخارج بالبهدلة بالقنصلية ورفع بدل الجيش ولك ليش والله السوري بيعبد شي اسمو سوريا
حاج وعيب بقا
حمصي مهاجر
(0)   (0)
أنا حمصي أوروبي
للحق أيها الاخوه المعلقين خساره لأنكم تتكلمون ولاتحسون كل انسان يتكلم غلط يكون هو الغلط.
عندما اشاهد علم سوريا ابكي من شده إعتزازي وافتخاري ببلدي.
اعتقد إنو المظف بالسفاره ما هو المسؤول.
لان الغتربين بدول الخليج اغلبهم نفسيات
محمظه شايفين حالهم كتير
مافي داعي للسفير ينظم الدور لازم تكونو
انتم منظمين ولاتفكرو إذا كنتم مغتربين
لازم تركبو على الموظف بلسفاره
مواطن عربي غيور
(0)   (0)
أنا عربي وانني أعرف السفارة السورية من المظهر الخارجي لها حيث الازدحام والفوضى ومن الداخل عدم الاحترام للمراجعين وعدم وجود انتظام وصالات انتظار وقلة الموظفين وكثرة المراجعين وعدم اهتمام المسؤولين داخل السفارة بما يحدث للمراجعين من موظفي السفارة من تذمر ورفع الصوت وكذلك عدم ترتيب المكاتب والفوضى والتدخين والأكل وترك مقر عمل الموظفين لمكاتبهم وقلة الامكانيات ... منظر غير حضاري لا يليق بسمعة ومكانة سوريا في العالم العربي والعالم وهي مهد الحضارات وبلاد الشام الذي بارك البني صلى الله عليه وسلم في بلاد الشام وبلاد اليمن فأين هذا في هذا الزمان واه حسرتاه عليهما
واحد من الناس
(0)   (0)
كتالوني الدم بغض النظر عن اعترافك بالخطأ والرجوع عن الخطأ فضيلة بس مين انت لتقول نيابة عن كل الجالية السورية طيب اذكر اسمك بلكي انت متحدث باسم الجالية وشرف الدين افضل من كتالوني الدم لانو فيو شرف ودين الا اذ انت مو شايف فيك هيك صفات.سلام
عزام الاصيل
(0)   (0)
تمر ايام واوقات مختلفة باختلاف الاشخاص والمسميات
مر على القنصلية بدبي اشخاص جيدين جدا لا نزال نذكرهم بالخير وربما تتحفنا وزارة الخارجية بامثالهم منهم رجل طيب كان بدبي من عدة سنوات فتح ابواب القنصلية لكل مواطن وساعد الجميع دون استئثناء وخدم بلده بصدق وجد ونزاهة شكر الله له اسمه شوقي الشماط
وللحقيقة فان القنصل الجديد عثمان صعب هو ايضا رجل محترم غاية الاحترام ومنفتح وهادئ ونظيف الكف ندعو له بالتوفيق
البطل النائم
(0)   (0)
لا ذروة و لا غير ذروة دايما هيك
مؤجل للاغتراب
(0)   (0)
متل ما علمتنا دبي انو النظام قبل كل شي و بتشوف السوري بينطر على الدور متلو متل باقي الجنسيات في اي دائرة
بس ليش من بيدخلو على اللقنصلية بيديق خلقن و بدن ينطو على الدور ما بعرف
ممكن لانو اللقنصلية السورية المكان الوحيد المسموح فيه التدخين
ما بعرف و الله ما بعرف الغلط فينا و لا في السفارة او القنصلية
و لا با لحمراء الطويلة
سوري
(0)   (0)
احلى شي هاد الأصلع يلي بالإستعلامات يعني والله لو كان هو القنصل او السفير ما بيكون بهالأخلاق الـ........ هي بس شو بدنا نحكي وقت واحد متل هالمسطرة بيحملوه شوية مسؤولية ما بيعود بيحمله عقله بتصدقوا بس فوت عالسفارة هون بدبي بينشرح قلبي وبنسى اني بغربة لأنه ما بحس حالي بعيد عن بلدي او عن اي دائرة حكومية يعني ممتل ما بتعرفوا بيصير جلدنا بيحكنا ولازم نروح ونسمعلنا كم مسبة او كم كلمة او حتى كم تدفيشة من المراجعين وخصوصي كلمة صف بالدور انت وياه هاهاهاهاهاها ......... بس بدكم الصراحة (حلوة يا بلدي )
سوري معوقف التنفيذ
(0)   (0)
شو بدنا بالحكي لي يفوت ع السفارة السورية بدبي كأنه فايت ع فرن خبز ؟؟والموظفين كانه سارقين مصاري اهلهم وياويلك لو حدا يلتئم عليك وكمان قبل ماتروح ياتسوي واسطة وتمشي حالك او انتظر أسبوع لتخلص معاملة بدها 5 دقايق لا تنظيم ولا رحمة ؟؟؟؟والله بكره حالي كل مايكون عندي معاملة ولا شي بالسفارة ولا بسوريا؟؟؟ومو طالبين غير الأحترام من الناس لي ماتسوا
والله طفشتونا وكرهتونا بلادنا حرام عليكم بلادناحلوة
عندما أخرجت سند قامة من دبي
(0)   (0)
عند ذهب لأطالع سند قامة من سفارتناالمحترمة ، ضيعتها ولم أندل غليها ، وكنت عمبفتل بالسيارة بالشوارع لبين ما دخلت شارع كله مطبات وحفر ، متل شوارع سوريا قلت معناها أنا قريب من سفارة بلادي، مشيت شوي وغذ شفت ذنب طابور بشري نزلت من السيارة ومشيت مع الطابور بس من طول الطابور كتير بعدت عن السيارة قمت رجعت وركبت السيارة ومشيت بمحاذاة الطابور لى أن وصلت للسفارة وأول ما نزلت من السيارة أجاني واحد قال لي: تريد تمشي اوراقك بسرعة هات 500 ليرة أو 50 درهم بتمشي وما بتستنى على الدور ، يعني متل بلدنا بالظبط، طبعا عطيته المصاري بعد ما سمعت واحد بأول الطابور عمبصيح يا بكم يا بهايم صفوا على الدور !!!! أخذت شهيق طويل وقلت الله يا ريحة بلدي
ماجد
(0)   (0)
ها الحكي مو صح من خلال تجربتي القريبة مع القنصلية حيث انجزت معاملتي خلال 15 دقيقة حيث انني احضرت المعاملة كاملة مو نسيت تصوير الورقة هذه او نسيت ...........اذا نسيت اي شي فأنت بتحمل نتيجة الغلط يااخي المواطن وليس للموظف اوالقنصلية اي ذنب وعلى العكس موظف القنصلية تعامل معي بكل ذوق فكفكم يااخواني تذمر حتى نرتقي للافضل ونكون غيورنين على بلدنا كما يفعل الغير
متمني أخلص
(0)   (0)
والله الوضع كأنو بسوريا أنا وقت رحت عاتلقنصلية فكرت حالي وصلت عالشام شي ........... ياريت ينعاد النظر بهل الوضع وحدا يسمع هالشي يلي عم نكتبو أو يقرأه ياريت.........
سوري حر
(0)   (0)
انا لاحظت في تحسن نوعا ما في الخدمات المقدمه للمواطن من توجد مقاعد للجلوس و ارقام وغيرها نتمنى استمرار الوضع للاحسن اما بالنسبه للشكاوى فممكن من الفتره الماضيه قبل سنة 2009 حيث كانت السفاره في مكانها القديم و الموظفين كان سيئين جدا
ذنبي أني سوري
(0)   (0)
المؤلم أن الموظف داخل السفارة والذي يأخذ رواتبه المضاعفة بالدولار من دمنا وعرقنا لازم يخدمنا بصدر رحب . لكن للأسف يعاملك معاملة العدو وكأنك قاتل أبيه . فلايرد على استفساراتك . بل كثيرا ما يكون عاجز وغير فاهم لطبيعة عمله كونه معين بالواسطة فيعطيك أوراق رسمية بعكس ما هو مطلوب وهنا المصيبة حيث يتم إرسال الأوراق لسورية وبالبريد العاجل لتقديمها ضمن الوقت النظامي المحدد ، لتأتي المفاجأة والكارثة بعد شهر وتعود الأوراق من سورية بحجة أنها غير مستوفية للشروط القانونية أو المطلوب كون الموظف جاهل وغير مطلع على اللوائح الإدارية والنظامية بشكل صحيح ( تصوروا موظف بسفارة أو هيئة قنصلية يتم إرساله من سورية ليكون ممثلا للوطن يكون بهذا المستوى من الجهل والتخلف ، فعلى أي أساس تم تعيينه ؟؟) وهكذا يتم قتل الوقت وتضيع المدة القانونية على المراجع الذي عليه أن يتحما أخطاء وجرائم الموظف ، وعندما تذكر الموظف امخطئ بخطئه ومسؤوليته عن الخطأ الذي سبب الضرر للك و تستفسر منه عن سبب الخطأ الذي ضيع عليك الوقت وجعلك متأخرا ومسؤولا عن تجاوز المدة القانونية ، يرد عليك بتكبر واحتقار ويقوم بزجرك وإهانتك زوأحيانا لايجيب استخفافا وازدراء . بل إن بعضهم يهينك بالكلام ويتعامل معك بتعال وكأن القنصلية دكانة ورثها عن أبيه . وخاصة هناك موظف قصير وأقرع لاأدري ما اسمه . وكل الناس تشكو من سوء معاملته بالاضافة لبعض الموظفين الاخرين الذين للأسف يشوهون المظهر الحضاري للبلد . فهل افتقدت سوريا وشعبها للموظفين القادرين على تمثيل البلد بأحسن صورة أيها السيد وزير الخارجية وأين وزير المغتربين لينصفنا . والذي لم نشاهده ونشاهد الوزيرة السابقة قبله ولا مرة منذ 15 سنة . أم هم لا يعرفون منا سوى الواحبات المالية ودفع البدلات والضرائب . سؤال نرفعه لسيد الوطن ورئيسه السيد بشار الأسد ، لأنه وحده من بعد الله بايجاد الحلول التي تخلصنا من مشاكلنا ومآسينا ومن امثال هؤلاء الموظفين المشوهين لوجه سوريا
كرهاااان أخت البلد
(0)   (0)
نحنااا صرنااا مهزلة القرن الوااحد والعشرين ورح نظل مهزلة طول عمرنااا مع هيك فساااد
زئيــــــر الأســد
(0)   (0)
لو أنه واحد منكم عمل في القنصلية أو السفارة لكنتم علمتم لماذا هذا الأزدحام ولماذا في بعض الأحيان يتعذب المغترب المراجع
موظفي أستلام المعاملات في القنصلية يعانون من بعض المراجعين الذين لا يحضرون ومعهم كامل أوراقهم
ولا يلتزمون بالنظام في أخذ رقم والأنتظار بل وكثيراً حدث وأن شاهدت بعيني حضور المراجع بعد طول أنتظار وهو لم يملأ بعد أستمارته باللغتين ويطلب من موظف الأستلام أن يساعده على تعبئة الإستمارة وإذا طلب منه الموظف بكل تواضع أن يذهب ويكمل تعبئة الإستمارة باللغة الإنكليزية فأنه وبكل وقاحة يجاوب ويقول ولماذا الإنكليزية هل أصبح بلدنا مثقف إنكليزي
هذا غير أنه أكثرية الشباب يطالبون بالإسراع في تسليم معاملاتهم لظروف مختلفة دون أن يقدروا الضغط الكبير الذي يعانوه الموظفون وخصوصاً أشهر الإزدحام وهي الأولى من كل سنة فالعدد الهائل من المعاملات الخاصة بالشباب المكلف لخدمة الوطن هائلة كون القنصلية العامة تخدم كافة المغتربين في شرق وشمال الدولة
أنا أطلب من وزارة الخارجية بأنشاء نظام إلكتروني يخدم كافة ممثليات الوطن في الخارج حيث يستطيع المغترب من طباعة وتقديم المعاملات الخاصة به وحتى دفع رسومها قبل الحضور للقنصلية
ورغم من إنشاء هذه الخدمة الإلكترونية أنا متأكد من أن المراجعين سوف يحضروا بدون إجراء المعاملة الإلكترونية لأننا وبكل صراحة أغلبيتنا فوضويين ونحب الفوضى
Translator
(0)   (0)
والله قرات التعليقات كلها علماشي ولفت انتباهي تعليق خالد الزين وبقلو الظاهر انك ابن القنصل ؟؟؟؟؟؟؟؟؟؟!!!!!! صـــــــــــــح؟
مستغرب
(0)   (0)
أنا رحت أجدد جوازي من 3 شهور وما كان في عجقة نهائيا
ورجعت كمان بعد أسبوع وكمان ما في عجق

وشغلة مهمة كتير تانية
بدبي في سيدة هي يللي بتشتغل بمنصب قنصل وليس رجل متل بعض العالم يللي بتقول قنصل
للتنويه فقط

فلسطيني سوري مقيم بدبي
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " طافشيين "

1-9-2014
مصري يحرق 150 محلاً تجارياً لينتقم من سوري لم يسدد ديونه في القاهرة !
 قال موقع "صدى البلد" المصري اليوم الإثنين إن التحقيقات التي أجرته السلطات المصرية في شمال القاهرة كشفت إن ...


1-9-2014
تخطيط الأردن طلب دعم بمبلغ 4.5 مليار دولار لمواجهة تداعيات لاجئي سوريا
لفت وزير التخطيط الاردني ابراهيم سيف الى ان "بلاده اعدت خطة لعام 2015 تتضمن مطالبة بدعم بمبلغ 4.5 ...


1-9-2014
المستشارة الألمانية تقدم مساعدة مالية لمصور سوري في ألمانيا
 قالت صفحة "أرتس ووركس" التابعة لمبادرة "الباحثون السوريون" يوم الأحد إن المستشارة الألمانية أنجيلا ميركل قدمت مساعدة مالية ...


1-9-2014
شبح " قارب تهريب " يطارد أخوين سوريين إلى إيطاليا ( فيديو )
شبح " قارب تهريب " يطارد أخوين سوريين إلى إيطاليا ( فيديو ) عكس السير ...


31-8-2014
اختطاف رجل أعمال حلبي في غازي عنتاب .. و الخاطفون يطالبون بفدية
علم عكس السير أن رجل أعمال حلبي اختطف قبل أيام في مدينة غازي عنتاب التركية.وأكدت مصادر مقربة من ...


31-8-2014
بالفيديو .. انتشال جثث لعشرات السوريين الغارقين قبالة سواحل تونس بعد محاولة هجرة فاشلة
عكس السير ...


31-8-2014
الشرطة السويدية تفرق بالقوة تظاهرة مناهضة للعنصرية في البلاد
تصدت الشرطة السويدية، السبت، لمجموعة من المناهضين للعنصرية، الذين خرجوا في تظاهرة رافضة لمسيرة نظمها حزب «ديمقراطيو السويد» ...


31-8-2014
26 في المئة من اللاجئين السوريين حصلوا على اللجوء في اوروبا
    أعلنت وكالة " يوروستات " ان اللاجئين السوريين يشكلون ربع من حصلوا على اللجوء السياسي في الدول الـ ...

X
وردنا الآن