ترك رسالة لأهله تبين السبب .. انتحار شاب في السابعة والعشرين من عمره بحلب

سوري

هام : مصادر لـ عكس السير : الرئيس الأسد وعقيلته يستضيفان في هذه الأثناء القادة اللبنانيين على مائدة الغداء في حلب

ترك رسالة لأهله تبين السبب .. انتحار شاب في السابعة والعشرين من عمره بحلب
الاحد - 5 نيسان - 2009 - 13:37:57

التفاصيل

أقدم شاب يبلغ من العمر 27 عاماً على الانتحار شنقاً في منزله بحي " الصالحين " بحلب في وقت متأخر من مساء أول أمس الجمعة .

وعلم عكس السير ان الشاب " يحيى. ب" والذي يعمل "نجار ألمنيوم" ترك رسالة لأهله قال فيها انه أقدم على الانتحار بسبب " إفلاسه ".

وقال أحد أبناء الحي لـ عكس السير ان المتوفى متزوج ولديه طفلتين ، وانه كان يعاني من " ضغوطا مادية كبيرة في الآونة الأخيرة ".

وكان المتوفى طلب من زوجته قبل يومين من انتحاره الذهاب لزيارة أهلها مع طفليهما ، وبعدها انقطعت أخباره حيث قام شقيقه بكسر باب المنزل ليفاجأ به معلقاً وقد فارق الحياة .

وعن سبب وفاته جاء في تقرير الطبيب الشرعي ان الوفاة ناجمة عن " انقطاع التروية الدماغية المفاجئة التالية للشنق " وحددت ساعة الوفاة قبل 48 ساعة من اكتشاف الجثة . ونظم ضبط بالواقعة وسجلت الحادثة قضاء وقدرا .

وسبقت حادثة الانتحار هذه عدة حالات انتحار بحلب كان آخرها انتحار امرأة في العقد الثالث من عمرها في منزلها بحي " الشيخ خضر " نهاية الاسبوع الماضي .

عكاش عشير - عكس السير - حلب

احفظ هذا الخبر في :

التعليقات : الآراء الواردة في التعليقات تعبر عن آراء أصحابها وليس عن رأي عكس السير .

الاسم : ميشيل

راح و استراح

الاسم : اهلاوي للعضم

هذا يلي بتنطبق عليه مقولة.

لا طال بلح اليمن ولا عنب الشام.

والله مارح تتسع جهنم كل هلناس . حاج ارحموها بقى

الاسم : سامي عبد الكريم
العنوان : يجب إيضاح

شو صايره الأنتحارات لى أبو موزة

الاسم : عبودي
العنوان : ؟؟؟؟؟؟؟؟؟

والله ما زعلت غير على هالطفلين اللي عندو و تركن وراه وما فكر كيف بدن يتربو

الاسم : روح الياسمين
العنوان : ربي يلطف فينا

شو هاد يا ربي ..دخيلك جيرنا والطف فينا...والله حرام معقول الوضع الإقتصادي عنا بالبلد صاير بهالسوء...بس ليش ضعف الإيمان بربنا وليش اليأس...والله لازم هالدوله تعمل شي لهالشعب المسكين..أكيد مديون وحالتو حاله حسبي الله ونعم الوكيل..بس حرام مهما كانت الظروف مابعد الضيق إلا الفرج..الله يقوينا ويصبرنا...وإنتي يا دولتنا العزيزه شوفي أحوال الشعب شوي....بالتحديد بعض المسؤولين يعني بيكفي فيلا وسياره لكل ولد...ضروري الطمع..بيكفي بقى بيكفي حرام...

الاسم : حمصي وافتخر

لك بس بي افهم شو قصتكن يا اهالي حلب ما في غير عم تنتحروا لك ما في شي اسمه انتحار الا وبلاقيه صار بحلب يمكن صار عدد المنتحرين خلال الشهر هاد والماضي شي 6

الاسم : ام عبدو
العنوان : حسبي الله ونعم الوكيل

اللهم اجرنا من شرور انفسنا حسبي الله ونعم الوكيل ولا حول ولا قوة الا بالله العلى العظيم

الاسم : نيدا

الله لا يردو

الاسم : ام عبدو
العنوان : لااله الا الله

اذا يوم الجمعة ما ردعه شو بيردع قليل الدين يا ناس قلة الدين بتعمل اكتر من هيك ولو كل واحد فقير بده ينتحر كان ثلاثة ارباع العالم راحو

الاسم : أمجد @ الشاغوري
العنوان : الله يسامحه بسسسسسسسس

كله من قلة الأيمان والوعي والشخصية المهزوزة
@@@@@@@@@@@@@@
تشاااااااااااااااااااااااااااااااااااااااااااااااو

الاسم : صبحي
العنوان : لجهنم

يعني بجهنم اللي تحرقو .......انتحار........
هادا الو سويت ..... جناح كامل بجهنم

الاسم : ام علي
العنوان : حسبي الله ونعم الوكيل

مفكرين حالن بالانتحار بيخلصوا من الهموم والمشاكل مابيعرفوا أنو راحوا للعذاب ومصيرن نار جهنم والعياذ بالله

الاسم : سحاب
العنوان : لا حول ولا قوة إلا بالله

لا حول ولا قوة إلا بالله
صرنا نسمع كتير من هذه الحوادث
الله يثبت قلوبنا على الايمان

الاسم : جهاد
العنوان : دبي

الله يخلينا الحكومة

الاسم : الحمصي الحزين
العنوان : قال الله تعالى : بادرني عبدي بنفسه حرمت عليه الجنة )

الانتحار من كبائر الذنوب ، وقد بيَّن النبي صلى الله عليه وسلم أن المنتحر يعاقب بمثل ما قتل نفسه به .

فعن أبي هريرة رضي الله عنه عن النبي صلى الله عليه وسلم قال : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبداً ) رواه البخاري ( 5442 ) ومسلم ( 109 ) .

وعن ثابت بن الضحاك رضي الله عنه أن رسول الله صلى الله عليه وسلم قال : ( مَن قتل نفسه بشيء في الدنيا عذب به يوم القيامة ) رواه البخاري ( 5700 ) ومسلم ( 110 ) .

وعن جندب بن عبد الله رضي الله عنه قال : قال رسول الله صلى الله عليه وسلم : ( كان فيمن كان قبلكم رجل به جرح فجزع فأخذ سكيناً فحز بها يده فما رقأ الدم حتى مات . قال الله تعالى : بادرني عبدي بنفسه حرمت عليه الجنة ) رواه البخاري ( 3276 ) ومسلم ( 113 )

وقد ترك النبي صلى الله عليه وسلم الصلاة على المنتحر ، عقوبةً له ، وزجراً لغيره أن يفعل فعله ، وأذن للناس أن يصلوا عليه ، فيسن لأهل العلم والفضل ترك الصلاة على المنتحر تأسيّاً بالنبي صلى الله عليه وسلم .

فعن جابر بن سمرة رضي الله عنه قال : ( أُتي النبي صلى الله عليه وسلم برجل قتل نفسه بمَشاقص فلم يصل عليه ) رواه مسلم ( 978 ) .

قال النووي :

" المَشاقص : سهام عراض .

وفي هذا الحديث دليل لمن يقول : لا يصلى على قاتل نفسه لعصيانه , وهذا مذهب عمر بن عبد العزيز والأوزاعي , وقال الحسن والنخعي وقتادة ومالك وأبو حنيفة والشافعي وجماهير العلماء : يصلى عليه , وأجابوا عن هذا الحديث بأن النبي صلى الله عليه وسلم لم يصل عليه بنفسه زجرا للناس عن مثل فعله , وصلت عليه الصحابة " انتهى .

" شرح مسلم " ( 7 / 47 ) .

ولا يعني هذا – إن ثبت انتحاره – أن تتركوا الدعاء له بالرحمة والمغفرة ، بل هو متحتم عليكم لحاجته له ، والانتحار ليس كفراً مخرجاً من الملة كما يظن بعض الناس ، بل هو من كبائر الذنوب التي تكون في مشيئة الله يوم القيامة إن شاء غفرها وإن شاء عذَّب بها ، فلا تتهاونوا بالدعاء له ولغيره ، وأخلصوا فيه ، فلعله يكون سببا لمغفرة الله له .

والله أعلم .

الاسم : ابوطارق
العنوان : استغفر ربك يا اهلاوي للعضم

لاتقولوا على الله مالاتعلمون.
(والله مارح تتسع جهنم كل هلناس . حاج ارحموها بقى)

الاسم : الحمصي الحزين
العنوان : بادرني عبدي بنفسه حرمت عليه الجنة )

في حديث قال الله تعالى : بادرني عبدي بنفسه حرمت عليه الجنة )

الاسم : ابو خالد

شو صاير بحلب يا جماعة

الاسم : سورية بسعودية
العنوان : العقل زينه للبني ادم

سدد الدين الي عليه هو هيك اكيد مفكر بس باقي في زمتو دين كبير عند رب العالمين في قتل النفس لانو مو حقو الغبي كم بدو حتي يوفي الي عليه بنار جهنم 0000وبئس المصير

الاسم : أمير وحنون
العنوان : سوريا الأسد

يعني هلأ كل وحد ماضل معو مصااري بدو ينتحر ؟
اذا هيك شعب حل ب بكره كلو بدو ينتحر لأنو الشعب تلت اربااعو ميت بأه لحئوووووو جرائم شنئ

الاسم : حمصي وافتخر

لك هو يموت ينتحر ينفلق بس شو ذنب هالطفلتين صاروا ايتام ومرته كمان ترملت بس لا حول ولا قوة الا بالله من هالعالم ما بتفكر غير بحالها يعني مثلا هلأ شو استفاد غير انو زعل العالم ويتم هالطفال سلاااااااام

الاسم : احمد

ولك لعما شو صار بحلب
حلب الامان حلب شهباء و الله ما كانت هيك
كترانة الجرائم وبخاصة الانتحار
يا لطيف احسن شي

الاسم : سائد
العنوان : الله يرحمه

يعني شاب في مقتبل العمر ينتحر .....لو طول باله ومعه صنعة ذهب كان رب العالمين أكرمه وعوض عجزه المالي.........الله يغفرله ويرحمه أستعجل...

الاسم : مالك

انا لله وانا اليه لراجعون @ مو مشكلة الانسان يموة المشكلة اش بدو يصير بعد الموة الله يجيرنا من عذب القبر ومن عذاب اجهنم

الاسم : ZoDiaC
العنوان : الله يرحمو

أن لله و إن أليه راجعون
يعني اللي شمتان الله لا يرحمو لا دنيا و لا آخرة
وانتو ما بتعرفوا ظروف اللي أنتحر ... و عيب عليكون الشماتة بالزلمة , خلي شوية رحمة بقلبكون و تفضلوا و ساعدوا العالم بدال ما *****...

الاسم : A.J
العنوان : ???????????

حسبنا الله ونعم الوكيل

الاسم : ابوالروض

ولك يصطفل راح من كيس حالو ماحدا ساءل جهنم مستنية زبونات

الاسم : stavroes
العنوان : bokee50@hotmail.com

لا حول ولا قوة ألا بالله العلي العظيم والله العظيم حرام يلي عميصير وبعدين ياشباب وياصبايا طالما أنتو بتعرفو الله وكاتبين كل هتعليقات حرام مابتجوز على الميت ألى الرحمة ربو قدرى فا وبعدين حرام عليكم راعو شعور أهلو وأقرباء لو دخلو وشفو يلي كاتبينو والله العظيم حرام بعدين مين نحنا حتى نحكم على بجهنم ولى بجنة ياناس شبكون أصحو أنا معكوم قتل النفس جريمة بس الله أعلم بعبادو يعني مافي داعي لهل تعليقات الجميلة بس بتمنى من كل واحد عميكتوب تعليق أنو يحط حالة محل واحد من أقرباؤ وقرء يلي كاتبينو شو بتكون ردة فعلكون
لاحول ولا قوة ألى بالله العلي العظيم
مع تحيات عمكوم ستافروس

الاسم : الله يكون بالعون

حسبي الله ونعم الوكيل بس

الاسم : عزيز حلب
العنوان : السريان

اللة يسا محك في نا س عليها ملاين وما نتحرت شو عملت يتمت هل اطفال سا محك اللة

الاسم : مهند

كني سمع عن التسعيرة الجديدة للكهرباء

الاسم : zoom
العنوان : ?????

الله يرحمو ويرحمنا اجمعين

الاسم : sab-j
العنوان : اكشن للصبح

بس اش بدكون بالحكي نحن الحلبية كل يوم عنا قصص جديدة واكشن ولا يمل مننا
واخبااار مشان ما نشعر ابدا بالروتين او الملل
واكشن للصبح

الاسم : حلبي وراسي مرفوع
العنوان : وينو عزرائيل

يـا شــــبـاب طـــولوا بالكون عزرائيل موجود ورح ياخود كل روح بوقتا

لشو العجلعة

الاسم : هاني
العنوان : دراسة للموضوع من قبل منظمات مختصة

السادة المسؤولون في عكس السير نشكركم على اهتمامكم باقتراحاتنا
والرجاء ايصال موضوع الانتحار في محافظة حلب الى منظمات دولية متخصصة في هذه الأمور لبحث ودراسة هذه الحالات التي لم نكن نسمع عنها على مدى عقود من الزمن إلا نادرا والوقوف على أسبابها وايجاد الحلول لايقاف هذا السلوك الشاذ في مدينة مسلمة ومسالمة.... فلا بد أن أسبابا مستجدة ظهرت في هذا المجتمع أدت الى هكذا تصرفات وسلوكيات
وتقبلوا منا الشكر والتقدير لجهودكم الجلية في معالجة المواضيع

الاسم : حلبي من قطر
العنوان : مابعرف

يعني كل واحد بدو يفلس برح بيشنق حالو لك مافكر باولادو شو بدو يصير فيهم لك حسبي الله ونعم الوكيل والله يغفرلو

ماباثرولاد

الاسم : حلبي مقيم في جدة
العنوان : حلبي مقيم في جدة

اااااااخ الله يعين الصالحين كلها فقر بفقر وانا مابحط الحق غير على حكومتنا الرشيدة يلي مخلية حشرات تلعب بالبلد وباقتصاد البلد
الله يعزك ياسعودية

الاسم : مدمن عكس السير ذهب4
العنوان : افلس من الوحدات

يلعن ابوك يلموبيل هي روحت الزلمة مات ولاوحدة في خطو

الاسم : ابو ابراهيم
العنوان : عصابات وراء الانتحار

أكيد هناك عصابات تمول من الخارج لافساد مجتمعنا عن طريق حبوب تسبب الاكتئاب وتؤدي الى الانتحار دون الشعور بالرهبة او الخوف من الموت مما يدل أن شيئا ما خفي وراء هذه الحالات التي كثرت في الآونة الأخيرة
فالرجاء الانتباه لهذه المؤامرة للقضاء على هذه السلوكيات اللا واعية من قبل أناس تورطوا بشكل او بآخر بتعاطي هذه الحبوب

الاسم : سوسو
العنوان : حرام

مو حرام عليهم يلي عميعملو يعني اذا كل واحد فلس بدو ينتحر اي ما بضل حدا بالبلد

الاسم : صقر حوران

قلت الدين ياناس بتساوي اكتر

الرزق من عند الله

اشكر اخي
الحمصي الحزين

الاسم : ابو الكرم
العنوان : في الستين

في الستين جهنم مات وسخة من هالوسخات عقبال البقية من قليلين الايمان؟؟؟؟؟؟؟؟؟؟؟؟؟؟؟

الاسم : كان الاسطورة

اولا الله يرحمو
تانيا بلا شماته قال لاتعيب بتلتقي لو كنت شيخ تقي
تالتا الله يستر على مرتو ويبعت ايام حلوة لبناتو
ورابعا الله يخليلنا هالدولة يلي عم تخلي حفارين القبور ما يوقفوا لاني العالم عم تنتحر وعم تريح عزرائيل
حسبي الله ونعم الوكيل

الاسم : حلبي مرضان
العنوان : الله يكون في العون

لك ماحدا بحس بتاني يلي جوعان مو متل يلي شبعان ويلي بردان مو متل يلي دفيان ماحدا بيعرف شو السبب الله مايعيزنا غير لبابو الكريم الله يرحمو شي بقصر لعمر

الاسم : دندونة

اش هالموضة الرهيبة؟؟
كل واحد انضغط شوي أومر بأزمةلازم ينتحر؟
الله يصبراهله وولاده ويخفف عنو

الاسم : الى اهلاوي
العنوان : الى اهلاوي

يا اهلاوي لا تكفر
لا تخاف بتتسع

" هل من مزيد "
الم تسمع بالاية الكريمة

استغفر الله

الاسم : روح الياسمين
العنوان : عجيب

ليش كلهون عم يختارو هالطريقه لحتى يموتو فيها والله مستغربه ..الشنق؟؟؟؟ياربي شو صعبه طيب يلاقو طريقه تانيه!!!!!!الله يرحمو متل ماقال أخونا الحمصي الحزين ربنا أعلم بالأسباب ونحن كبشر لازم ندعيلو إنو ربنا يغفرلو ويرحمو...

الاسم : عبدالرحمن امارات
العنوان : عجب

عجب ليش مافي بدول الخليج أي حالات انتحار والله عجيب ليش ما بدها زكى أنتوا بتعرفوا ليش؟؟؟

الاسم : أبو حمزة
العنوان : لمين

ما فكر لمين ترك زوجته واولاده إذا كان عايش وعم يشتغل و مفلس مين بدو يبري الاولاد و ما علم عقوبة الانتحار قلة ايمان ووعي

الاسم : أنا
العنوان : شو هاد

قالوا عنو في ******إنو شيخ طريقة صوفية
شو هالحكي
ومين نصدق
بصراحة أنا بصدق عكس السير أكثر

الاسم : موكا
العنوان : الى اهلاوي للعضم

استغفر ربك متل ما قال ابو طارق...

وعم تحلف كمان...

كلمة لا تلقي لها بالاً تلقيك سبعين خريفا في النار..

الاسم : حموي
العنوان : الله يرحمه

لازم نقول انو هذا الشخص ايمانه في الله ضعيف جدا

الاسم : ruru
العنوان : بس

بس والله حرام عليه , الله اعلم بعباده

الاسم : عبودي
العنوان : @@@@@@@@@@@@@@@@@@@@@@@@@@@@@@@

يعني بموقع ********* قالوا انو هالشب هو في الحقيقة شيخ طريقة صوفية...وهون عبيقولوا نجار المنيوم .....ونحن فتنا بـــ 152000حيط... يعني مين الصادق ما عم نعرف
والأكيد انو من المستحيل شيخ طريقة صوفية ينتحر....وهالكلام غير مقبول
والسؤال :ليش ما اكتفى هالموقع بذكر كلمة شيخ فقط....
وركز على شيخ طريقة صوفية أكيد في التباسات بالموضوع...
شكرا

الاسم : عبد الله منتوف
العنوان : سمعنا ياحسون

وينو المغني حســـــون أبو المفهومية!!! إين تغرد الآن ياحسونة

الاسم : مرام
العنوان : الله يرحمنا

ياجماعه عكس السير انا بدي اعترفلكم عن شب يالطيف شو صلير

الاسم : شاهد عيان
العنوان : الى عكس السير

يااااا جماعه عكس السير بدي اخبركن خبر اكيد في واحد شب اسمه عابد أيوبي هو اللي اصر على هالمتحر فعل الشي هاد لانه مادفعلو مصاري وحطو تحت الامر الواقع اام الرجال انتحر وهي عنوانه ساكن عابد بحلب شارع النيل السوق المحليه وبيته جنب فروج البيت السعيد بالخالديه وانا متاكد 100 بالميه من هالشي لاني كتير نصحته بتمنا منكم انكم تلقوا القبض عليه وشكرا

الاسم : حسناء أمانة
العنوان : مارتاح

يعني هيك فكر ريح حالو ؟؟ هاد مارتاح في الدنيا ولا راح يرتاح في االآخرة ولا ريح يلي خلفهم حسبي الله ونعم الوكيل!!! اذا الرجال مشان شوية مصاري شنق مباشر ؟؟؟؟؟ هي قلة دين وصبر ... ان الله مع الصابرين كونو مع الله ... يكن الله معكم

الاسم : شوفير السابا
العنوان : 35

الله يرحموووووووووووووووووووووووووووووووووووووووووووووووووووووووووووووووووووووووووووووووووووووووو

الاسم : مسلم
العنوان : الى جهنم

حسبنا الله ونعم الوكيل شو هلقصص يلي عبنسمعها كل هاد بعدنا عن الدين لو كل واحد يؤمن برزقته لماكان صار فينا هيك بس كل واحد بدو يطلع على العالي وسبب عدم الشغل مو بس بحلب ببلاد العالم كلها والله كريم بيتحسن الوضع اصبرو ليش كل هاد مستعجلين على رزقكم الانتحار افضل يعني شو استفاد مات كافرا والى جهنم وبئس المصير حسبنا الله ونعم الوكيل شو زنب الطفلتين يتيتمو وزوجته تترمل

الاسم : الى شاااااااهد عياااااان
العنوان : الله يستر

اذا كنت متاكد من هالشي فلك جزيل الشكر لاننا كتير عم نسمع هيك شي عن ناس عم يضغطو عناس وهالشي مابيصير ونتمنا من عكس السير انهم يشوفوا شغلهم مع هالانسان اللي حكيت عليه وشكرا

الاسم : امير الليل
العنوان : يالطيف

الله يرحمنا ويلطف فينا والله صار شي بيخوف يعني مو معقول لهالسبب حدا ينتحر دورو بالحقيقه اكتر بس شو الاستفاده الشب راح وخلص ولارح يرتاح بالاخرة لان المنتحر خالد مخلد بالنار الله يجيرنا

أرسل تعليقك :

مقالات اخرى من " حوادث "

9-2-2010
مندوب أدوية يسرق 600 ألف ليرة سورية و " يفبرك " قصة يتهم فيها رجل شرطة بسرقته
ألقت إحدى الجهات الأمنية بمدينة ادلب القبض على شخص في العقد الرابع من عمره بتهمة سرقة مبلغ 600 ...

8-2-2010
إغلاق سينما أوغاريت بحلب بسبب عرضها أفلاما إباحية للمراهقين
علم عكس السير من مصادر موثوقة أنه تم إغلاق سينما " أوغاريت " بحلب , الثلاثاء الماضي بعد ...

7-2-2010
كلب شارد يتسبب بمقتل مراهق في حلب
تسبب كلب شارد بوفاة فتى في السادسة عشر من عمره دهساً تحت عجلات " بيك آب " بالقرب ...

6-2-2010
لص يعترف بجريمة قتل امرأة بعد أن قدم له الضابط سيكارة أثناء التحقيق
ألقت عناصر شرطة قسم باب السباع في حمص صباح اليوم السبت على سارق المنازل في احد الأحياء الشعبية ...

6-2-2010
أردني يخطف فتاة سورية و يفقدها عذريتها في حلب
ألقى عناصر شرطة العزيزية ، في حي الأشرفية بحلب ، القبض على المدعوة " شهيناز " لتغيبها عن ...

6-2-2010
عصابة مختصة بسرقة الأبقار تخطط لسرقة منزل مسؤول في اللاذقية لتفاجئ بعصابة أخرى سرقته
ألقت عناصر شرطة منطقة السلمية القبض على مجموعة رجال لقيامهم بحوالي 30 سرقة ، كان أغلبها سرقة أبقار ...

5-2-2010
مقتل شخص في جريمة " ثأر " .. ومشاجرات بالـ " جملة " و إجراءات أمنية " مشددة " بمنطقة جبرين في حلب
قتل رجل بسبب جريمة ثأر اليوم الجمعة أدت إلى حدوث مشاجرات عنيفة بدأت تتصاعد لولا تدخل " حازم ...


الرئيسية \| من نحن \| فريق العمل \| اتصل بنا \| طوارئ