إعلانات
ستة قتلى و عشرات الجرحى ..عكس السير يكشف تفاصيل ماحدث بحي "الشيخ مقصود" في حلب
الخميس - 10 أيار - 2012 - 2:59 بتوقيت دمشق
التفاصيل

أثار اطلاق الرصاص الكثيف قلق الشارع الحلبي، مساء أمس الثلاثاء، الذي استمر لأكثر من ستة ساعات في حي الشيخ مقصود شرقي وامتد الى الجانب الغربي منه وحتى حي الأشرفية-وهذي الأحياء تعتبر أكبر أحياء مدينة حلب وذات غالبية كردية ساحقة -  ، وفي ظل استمرار اطلاق النار وشح المعلومات المتوفرة تابع عكس السير تطورات الوضع هناك، و الذي أسفر عن سقوط  ستة قتلى وعشرات الجرحى .
 
وفي التفاصيل , كان سوق الخضرة في حي الشيخ مقصود الشرقي الميدان الرئيس للأحداث المؤسفة التي وقعت يوم أمس، وهذا السوق وكما هو معروف لدى أهالي الحي و المنطقة يقع ومنذ سنوات تحت سيطرة عائلة "أبو عارف" الشهيرة ، والتي تتقاضى مبلغا ماليا يٌعرف بـ"خوة" من كل من يريد "فتح بسطة "،  وهو ما يعتبر احتكارا "مسكوتا عنه " وخارج إطار القانون .

وعلم عكس السير، أنه وفي الساعة الخامسة من مساء قام شبان بالهجوم على سوق الخضرة المشار إليه فُقتل اثنين من أبناء "أبو عارف" بقيت الجثتان ممددتان على الأرض لأكثر من ساعتين  , وكما عمد أولاء الشبان إلى احراق أجزاء كبيرة من السوق .

و خلال أقل من نصف ساعة، قام أفراد من عائلة "أبو فياض" وهي جزء من عائلة "أبو عارف" باطلاق رصاص من بنادق آلية و أسلحة فردية ، وتسبب اطلاق الرصاص الكثيف والعشوائي باصابة إمرأة تدعى " مريم محمد " من قرية "بارباني" التابعة لعفرين برصاصة في ساقها بينما كانت على شرفة منزلها لتطمئن على دخول ابنها إلى البناية والذي أصيب أيضا , ونقلت المرأة وابنها إلى المشفى وخضعت على الفور لعمية جراحية .

و استمر اطلاق الرصاص العشوائي لمدة نصف ساعة سقط خلالها أربعة قتلى وهم ،  احمد كوجر46 عاما من قرية / كورا / التابعة لجنديرس بمنطقة عفرين، و  احمد رشيد عثمان تولد / 1993 / من ناحية جنديرس، و بطال عبدو /22 / عاما من قرية كوركا ، و امرأة عربية تدعى / امينة دياب / 60 عاما من مدينة اريحا بادلب كانت تسكن في الحي الكردي .

واستمر اطلاق الرصاص العشوائي حتى الساعة 6.45 مساءا, وتدخل في تلك الساعة أفراد من لجان الحماية الشعبية في المناطق الكردية من جهة , و أفرد من عشيرة "البكارة" انضمت إلى عائلة "أبوعارف" ( وكلاهما من أبرز مايعرف باللجان الشعبية المشكّلة حديثا في حلب ) ، ليتطور المشهد إلى اشتباك عنيف استمر لأكثر من ثلاث ساعات وامتد الى حي الشيخ مقصود الغربي (قرب مغسلة الجزيرة ) وصولا إلى حي الأشرفية .
 
وبعد ثلاث ساعات، تمكنت لجان الحماية الشعبية الكردية من بسط سيطرتها على كامل أحياء الشيخ مقصود الغربي و الشرقي, وكما شوهدت دوريات امنية على مداخل الحي , حيث قُطعت جميع المداخل المؤدية إليه ، وكما أقيمت حواجز شعبية داخل الحي .

و خلال ذلك حوصرت بعض منازل عائلة "أبو عارف" ، و وردت انباء لم يتسنى لـ عكس السير التأكد منها  وقوع 11 من افراد العائلة في يد اللجان الشعبية الكردية ، و كما شوهدت ألسنة النيران تتصاعد من عدة بيوت عائدة لعائلة "أبو عارف" .

وتجدر الاشارة إلى أن الحادثة ليست الاولى من نوعها ، فقد تكررت اعتداءات من بعض العوائل وخصوصا تلك التي تعمل في اطار " اللجان الشعبية " و كان اخرها حادثة استشهاد " كولي سلمو "وحادثة الاشرفية قبل نحو شهر  .

ويرى البعض ان هذه الاشتبكات ورغم أنها قديمة - متجددة , إلا أنها اليوم تتأطر في خانة الافعال الـ "غير بريئة" وهدفها بث الفتنة بين الشعب السوري بكل فئاته واثنياته .

و إلى ذلك خرجت مظاهرة حاشدة بعد الهدوء الذي ساد حينها ومايزال يوصف حتى لحظة تحرير هذا الخبر بالـ "هدوء الحذر " ، وهتفت المظاهرة " واحد واحد الشعب السوري واحد " .

وبينت مصادر طبية لـ عكس السير في مشافي حنان والمحبة ، ان نتيجة تلك الاشتباكات أوقعت ستة قتلى ، و حوالي 27 جريحا تتراوح اصابتهم بين الخفيف و المتوسط واغلبها بخراطيش من سلاح البيمبكشن في الاطراف و هم :
 
1-محمد حاج حميدمن قرية / شيخورزي /

 2-مريم محمدمن قرية / برباني /

 3-ماهر باخورة من قرية / خالطان /

 4-عبد الرحمن معمو / جنديرس /

 5-دليل بلال / شيه /

 6-بشير ريحاني / جولاق جومي /

 7-اسماعيل معمو

8-محمد حسن

9-وليد خليل ابوعكيد

 10-فهمي حسن رشيد / حج جملو /

 11-احمد رشو / قورطا /

 12-حسن عكاش / بليلكو /

 13-شاهين خليل مصطفى / بانيراكو /

 14-عامر كردي

 15-حسين بلال / راجو /

 16-ابراهيم رشيد داوود / بلبلة /

 17-فاروق حنان / شرا /

 18-باكي عباس / كوباني – شيوخ /

 19-احمد رشيد صالح / باليو /

 20-خليل محمد خليل / راجو /

 21-رزكار مصطفى

22-مصطفى ماميش / موباتو /

 23-احمد عمو / عقيبة /

 24-عبد الرحمن رشو / اومو /

 25-حمزة رفعت خليل / بيلا /

 26-احمد شعبان بريمو / خاليلاكو /

 27-ريزان حسن / ميسكة /

 
ويسود المنطقة هذي الساعات هدوءا حذرا , ومخاوف من تجدد الاشتباك.

عكس السير
التعليقات :
ادلبي
(39)   (2)
لك الخراب مافي أسهل منه.
وأولاد الحرام اللي عم يحاولوا يطبوا فتنة مافي اكتر منهم، وعنا ماشاالله صايرين كل ماحدا نكش حدا ببلش القواص.
والحركشة بالأكراد ما عم تخلص بقا مشان يقوموا حاكم ما ناقصها حلب غير تحرك كردي.
لك نحنا أخوة وأهل واحباب.
وطبعاً بالعلقة الامن بوقف عطرف مشان ما يزعل حدا لأنو الطرفين احبابو.
الله ينهيها عخير مع انو ما شكلها.
ادلبي
(16)   (16)
أحلا شغلة عنا انو نحنا أغبياء لدرجة انو نقتل حالنا بحالنا.
يعني ساوولنا الجيش "الحر" مشان يقتل الناس والأمن والجنود.
ورجعوا هلأ بعلقوا البكارة مع الأكراد وهم صافيين عطرف عم يتفرجوا ويتضحكوا.

بالمناسبة انا بحلب وهدا تاني انفجار بسمعوا طيرلي النوم من عيوني تماماً الساعة 3:00 و 3:15 فجراً
الله يستر
يشار
(87)   (83)
طيب انتوا كاتبين انو اول من اعتدى هم شبان وعلى الاغلب من اللجان الكردية على عائلة ابو عارف..
طيب ليش كاتبين ""فقد تكررت اعتداءات من بعض العوائل وخصوصا تلك التي تعمل في اطار " اللجان الشعبية """"

كيف ظبطت معكن نحن اكيد ضد التفرقة بين افراد الشعب السوري بس احكوا الحقيقة كاملة
M
(25)   (2)
لك اخ احسن شي .... بيكفي والله حرام عم نقتل بعض ....الله يستر من الجاي
خوة
(17)   (10)
جاييكن الدور ياعكس السير بكرى مارح تقدرو تفتح موقعكن غير بالخوة الله كريم
أفلاطون
(16)   (0)
بلاء عظيم من الله حلّ على سورية وأهلها وهذه هي والله بدايته فقط ؟
حلبي
(11)   (26)
يعني الكراد ما حبو ياخدو السوق من البكارة غير بهالظروق وبهالأوضااااع !!!
هنا سوريا
(23)   (3)

خسارة عليكي يا سوريا كنت جميلة في إحدى الايام
أصبحت الان تتزينيين باللون الاحمر
واخبارك كلها دم وسلام تفجيرات وارهاب
عصابات وقتل

اتمنى ان اعود اليك يا بلدي وانت بسلام وامان
غريب 2
(34)   (2)
اكيد هل مساكين اصحاب البسطات ملو من دفع الخوه بدهم يعملوا ثوره ضد عائلة ابو عارف الله ينصرنا على كل ظالم
جورج
(19)   (2)
من اسبوعين حصلت مشادات في السوق وذلك لعدم دفع الخوة وبعدها وحصلت مشاجرة امام الفرن وراح ضحيتها كبير في السن وكلها كانت السبب فيما حصل بتطهير الشيخ المقصود الامس من هذه العائلة القتلى الستة الاكراد قتلو بسبب فضولهم الزائد في مشاهدة الاحداث على الواقع / تعرفو شعبنا بدو يشوف شو عم يصير /
حفيد البطل التاريخي صلاح الدين الايوبي
(37)   (51)
سيدي الرئيس بشار الاسد امد الله من عمرك وادامك تاجا على رؤوس كل شريف في سوريا الحبيبة نرجوا من سيادتكم الايعاز لمن ترونه مناسبا للتدخل وحل المشاكل الصغيرة فورا والعالقة بين ابناء شعبنا (اكراد-عرب) في احياء حلب الشهباء قبل ان تركب الدول .(اللقيطة من الديقراطية السعورية وامبراطورية قطر ولفيف الكلاب الباقين) ليركبو الموج وياخذوا بتكبير المشاكل وتتفاقم لا سمح الله ودمتم لنا سيدي الرئيس ..منارة الكبرياء والصمود وسيبقى شعارنا واحد واحد واحد الشعب السوري واحد .....رحم الله شهداءنا ودمدتم ودامت سوريا الاسد
ابن البلد
(23)   (1)
فقط للتوضيح الذين هجموا على السوق هم البكارة وقد حرقوا محلات الاكراد وفي ساعة متأخرة من الليل دخل الجيش الى الشيخ مقصود رغم انه كان متوقف عن سكة القطار لاكثر من 4 ساعات ولم يتتدخل ودخلت الاطفائية واطفئت بعض الحرائق .
سيبويه
(21)   (3)
لاحظوا ايها الاخوة بلاغة عكس السير وفي الساعة الخامسة من مساء ......من مساء ماذا؟؟؟؟مساء ليلة عيد العمال مثلاً؟؟؟؟وكما عمد أولاء الشبان.....أولاء ؟؟؟؟أولاء ؟؟؟
روح ظبط حالك ياعكس السير اولاً ثم تكلم والا فلتصمت.
وفا
(15)   (6)
طيب ليش مادورتو مين اللي قتل الشابين من عائلة ابو عارف ؟؟؟؟!!!! ولا هدول مسموح يموتو وغيرن لا...
الله يحمي هالبلد وشعبو ويحقن الدم بدن يعملو فتنة بين الاكراد والعرب ماعم يعرفو شلون . متل ماصار بحمص فتنة طائفية وبحلب فتنة قبلية عرقية...الله يستر ويارب مالنا غيرك
ساخط
(27)   (2)
الظاهر انو عائلة ابو عارف واللجان الشعبية قد حلت محل الجهات المختصة في معالجة الإنفلات والفوضى الأمنية وهذا سيؤدي لمزيد من الفوضى والله يستر
حلبي
(16)   (5)
ياحيف بس لما كانت سوريا بأمان ...ماكان يقدر حدا يعلي او يطاول او يحكي على حدا الا بالقانون ...كنا عايشين باامان الله ينعن كل واحد عم يخرب امان ببلدنا ويجعلها ميليشيات وعشائر وطوائف ...نحنا ماهيك ربينا
بكفي
(33)   (2)
سادتي الاعزاء من منا لايعلم بتسل
ط هذه العائلات المحترمة والمعروفة باعمالها في مدينة حلب والتي كانت ومازالت تخوف الناس دون رادع علما انهم معروفين من قبل الدولة باتجارهم بالمخدرات والتهريب والسلبطة بكفي سلبطة وبكفي تغاطي عن هولاء المجرمين
ابن هل البلد
(10)   (2)
حسبي الله ونعم الوكيل والله يرحم اموات سوريا بس بدي احكي كلمة حارقة قلبي انوا نحن مامنصير ابطال الا على بعضنا وين كانوا هل ابطال لما دخلت اميركا على العراق وقتلوا وحرقوا واغتصبوا نساء وفتيات مسلمين وعرب وين كانوا هل الابطال لما كانوا اليهود عما يقتلوا الاطفال والرجال والنساء وهم يستنجدون بنا ونحن جالسين عما نفرغ حكي البلد مستهدفة من كل العالم ونحن بدل في هيك ظروف نكون ايد وحدة صرنا نقتل بعض لك الله يلعن كل واحد عما يخرب هل البلد
كردي
(26)   (1)
و الله حرام الشي يللي عبيصير نحن عب واحد و اذا كان في ناس وسخة ما يعني الشعب كللو وسخ و نحن بدنا ترجع الدولة لسيطرتها المطلقة على كل المناطق و تلغي هدول اللجان الشعبية و يللي اسمها الشبيحة لأنو نحن ما ناقصنا شعب وخم ليحمينا و هنن عبيسووا يللي بدون اياه من أبو عارف و جرر
وينك يا دولة وينك
زينب
(19)   (7)
نحني بيتنا قريب من الحادث واستمرت الاشتباكات لاوقات متاخرة من الليل ارجو من الكورد الحذر من لعبة الطائفية بعرفون اوعى من هيك
مازن
(30)   (4)
يعني سبحان الله .. بتطلع مظاهرة بالمدينة الجامعية من بعض الطلاب .. بعد 60 ثانية بتشوف اجهزة الامن وحفظ النظام والشبيحة (اللجان الشعبية) طلعو من تحت الارض .. هون بتعلق لساعات واحراق واطلاق رصاص ورشاشات وبونباكشن وقتلى وجرحى وترويع لكل اهالي المنطقة .. ومابتشوف لا امن ولا حفظ نظام !!!!!
مغترب
(26)   (2)
يعني ست ساعات والامن ما تدخل وتدخلت اللجان الشعبية

شو شغلت الجنائية والسياسية والشرطة وغيره وغيره

والله لما كنت بسوريا 5 دقائق تكون المنطقة امتلت سيارات جنائية وسياسية

وينهن هلا بهل اوضاع
احمد
(36)   (3)
السوق تحت سيطره عائله ابو عارف والتي تتقاضى خوه من كل من يريد ان يفتح بسطه وهذا خارج اطار القانون وهذا بعلم الدوله وهي ساكته عن ذلك لماذا.......
علي
(6)   (11)
برشلونة وبس
000000000000
(24)   (2)
لك يا عكس السير عيب عليكون تحكوا كلام موا متاكدين منه انا ابن المنطقة و كردي كمان منشان تعرفوا وبعرف القصة من اولتها تجوا تحكوا ان بلشوا وخربوا وحرقوا وقتلوا اتنين من عائلة ابو عارف هيك لله لله قتلوا اتنين
ليش ماتقولوا ان بيت ابو عارف بلشوا بالضرب على الاكراد وكان بالعصيات اول شي منشان تكمل بس شافوا ان معظم الاكراد اجوا وخلصوا اللي عم ياكلوا القتل من بيت ابو عارف فراحوا وجمعوا حالون وجابوا اسلحتون وبلشوا بضرب الرصاص حتى ان اصابوا اربعة ووحدة منهم هي مريم محمد اللي كانت واقفة على البلكون منشان ابنها ولا لأ نحن شعب بس نطلع من عين واحدة ونحكم
عيب عليكون بعدين عم تحكوا على الميتين تعرفوا كم واحد مات من بيت ابو عارف ولا ليكون ما حدا مات تعرفوا كم اسير من بيت ابو عارف ولا لأ
بس اسفي عليكون
نحنا كلنا عايشين بسوريا وولاد هي البلد بس ليش انت اللي عم تفرقوا بينتنا ما عرفنا زارعين بينا النفاق والفتنة
بتمنى ان تنشروا كلامي يا ...........
اللي بقولوا عن حالوا ان هنن عكس السير واخبار المصداقية والحقيقة والكاملة
اسفي عليكون والله
واحد واحد واحد الشعب السوري واحد
(27)   (1)
يارب وحد الشعب السوري تحت راية الوطنية وجنبهم الفتن الطائفية والسياسية واحقن دمائهم ووفقهم لما فيه مصلحتهم

اااااااااااااااااامين يارب العالمين


رامي
(14)   (4)
يجب الابتعاد عن تقسيم الشعب السوري يا عكس السير حسب القوميات والمناطق
يكفينا حقنا طائفيا وإقليميا في الأزمة الأخيرة
وكأني أسمع تقريرا من العربية او الجزيرة
من حلب
(9)   (5)
بسطت سيطرتها والله حاس حالي بالحرب العالمية الثالثة بسطت سيطرتها برافو فتحو بيت المقدس مو هيك
لاحول ولا قوة الا بالله العلي العظيم الله يخلصنا من هالازمة على خير
حلبي
(23)   (1)
اللهم اهلك الظالمين بالظالمين و اخرجنا من بينهم سالمين غانمين
مستغرب
(16)   (4)
بالفعل الله يخليلنا ياهم هالجان الشعبية الأفاضل
و يخليلنا اللي جبلنا ياهم
و اللي عبيحميهم و يقويهم و يدخلهم على مجالس الشعب
خلاص على هالمنوال نحن ماشيين على الطريق الصحيح اللي مرسوم لهالبلد و أهاليها المساكين
احمد
(11)   (2)
الللهم أهلك الظالمين بالظالمين وأخرجنا من بين أيديهم سالمين
جاسم
(6)   (2)
السبب أن جميع الأطراف طغوا وعاثوا فسادآ في الأرض ........... إرحعوا إلى الله.إنكم بعيدين كل البعد عن ربكم
فارس العرب
(24)   (9)
لماذا لا تضعون النقاط على الحروف وتسمون الأشياء بحقيقتها، اللجان الشعبية هي تسمية مهذبة للشبيحة الذين ترك النظام لهم الحبل على الغارب يعيثون فساداً وإجراماً مقابل خدماتهم في قمع الحراك السلمي
زهرة
(9)   (2)
وهو القصور والفشل الامني في ضبط الامن لاحظوا ان اغلب المصابين ليس لهم علاقة بالشجار وهذا ما يحصل في عموم سوريا حيث تدور اشتباكات وتسقط ضحايا ليس لها علاقة بحمل السلاح
نور الدين
(8)   (1)
ملابسات القضية غير واضحة المعالم
والقصة يكنفها الغموض
والشغلة صار بدها (سكويز)
Sami
(14)   (2)
ياجمااااااااااعة 6,30 الاشتباكات شغالة في اقرب المناطق لقيادة شرطة حلب!!!!!!!
شو الأمن !!!!! وشو الإصلاحات !!!!
مازن
(16)   (7)
مايحدث في سورية من قتل وانفجارات من كل الاطراف هو نتيجة طبيعية للسياسة الحكيمة للسلطة
واحد من الشعب
(6)   (5)
مافهمنا شي

شي بتقولو لجان شعبية
وشي بتقولو لجان شعبية كردية

مين ضد مين ومع مين

يعني اللجان الشعبية كانت ضد اللجان الشعبية الكردية وعميضربو بعض !!!
والا كانو مع بعض !!!
والا كانو هنن واحد بس إختلاف أسماء !!!
والبكارة كانو مع مين الشعبية الكردية والا الشعبية بدون كردية والا شوفي !!!
ياريت يعاد تنسيق الخبر لحتى ينفهم ؟؟؟

وكمان على حد علمي انه البكارة والأكراد مو صحبه !!!

كيف انضمو لبعض وصارو ضد مابعرف مين !!!

مين أنااااااااااااااااااااااااااااااااااااااااا ؟؟؟


كرمال الله شو محتوى الخبر

والا اهم شي انه في ضرب وسفك دماء وخلص

مواطن
(22)   (5)
الا ترون أن النظام يستخدم مرتزقة للحخفاظ على أمنه ويسمح لهم بارتكاب كل ما يريدونه من جرائم سلب ونهب والسيطرة علاى أملاك الغير ليبنوا فيها بناء مخالف
وهؤلاء المرتزقة لا يمكن الاعتماد عليهم لأنهم فاسدون ومفسدون لايهم سوى جمع المال من أي مصدر كان
مواطن عربي سوري
(24)   (0)
نحن شعب متألف من عدة أطياف ومذاهب وعايشين على الحلوه والمره مع بعض وهي مو شغله غريبه والشعب الكردي بالشيخ مقصود كان ولا الأشرفية ..إلخ هو شعب سوري أولاً وأخيراً ونحن دخلنا بيوتون وأنا عندي إطلاع على تكويناتون باختصار الشعب الكردي إذا ماحدا تعدى عليه مابتعدى على حدى وإذا ماحدا أجاه بالقوه وبالظلم مابنسمع صوتو لمائة سنه بس في عالم بتخمل الناس دبان قدامه متل عائلة أو عشيره فلانيه ولللأسف حلب مبتليه بهل الوباء على مين إنته وأنا فلان وأنا علتان ...الله يرحنا من هل الجهل وتكون الناس سواسيه ...شكراً
الى يشار
(6)   (2)
بالله جد الاعتداء من الجان الكردية ؟؟؟؟؟؟؟؟؟
مواطن
(6)   (0)
الله يشهد قرفنا هالعيشة لا في امن ولا في أمان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سامي
(12)   (5)
وين الدولة لتضرب بيد من حديد على كل الاطراف وتبسط سيطرتها على كل المناطق ليش بالجامعة كانو شاطرين وينن هلق شو مابيقدرو يفوتو على حي ويدوسو على راس كل خارج عن القانون ام هؤلاء صاروا مابينقدر عليهن بعدين طالما بيتعرفوا عم ياخدوا خوة من الناس وين الامن ليدوس على راس هالكلاب شو نحن وين عايشين بتمنى من الجيش ينزل عالحي ويبسط السيطرة وكل مجرم ياخد جزاءه العادل
انا ما انا
(15)   (3)
طب وين الامن والشرطة بكل هالحكي ؟؟؟ استنو لحتى يخلصو بعدا شرفو
انتو الحق عليكون لو حدا صاح صوتين حرية كانت اجت الدولة كلا
عكس السير ليش مين قلك ان نحن في عنا قانون ؟؟؟
قمر سورية
(4)   (2)
والله ماعم نصدق حالنا ولا الي عم نشوفه
م مصطفى
(9)   (3)
اشكر عكس السير على هذا الموقف الرجولي في نشر اسماء هؤلاء الشبيحة الذين عاثو فسادا في حلب قلوبنا معكم اخوتنا في حي الأشرفية والشيخ مقصود واطالب الشرفاء عدم الأحتكام لردات الفعل التي تساعد الذين يهددون بحرق البلد
حلبي داعس على هتلر
(10)   (3)
لعنة الله على الظالمين
سوريا
(9)   (4)
موهاد لبدنا ياه كل واحد يعيش على كيفو وكل واحد ياخد حقو بأيدو هي العيشه يلي بدنا نعيشها غابه القوي ياكل الضعيف ماعم تحسو انو يلي عم يصير فتن بحمص فتن علويه سنيه وبحلب كرديه عربيه وبدير الزور عشائريه لوين رايحين بالبلد ياسورين ماكل عمرنا عايشين مع بعض عرب وكرد سنه وشيعه ماكل عمرنا بنفس الحاره وبنفس البنايه وبنفس المدرسه وعم نتزوج من بعض وبينا قرابه ونسب شوصار شوصرلكم شفتو استهداف الامن والجيش لوين وصلنا شفتو انو شعبنا لازم ينحطلو مليون فرع امن لحتى ينضبط وبدو عشر جيوش حتى تلجم عصبيتو معقول ياولاد بلدي يلي وصلنالو لمصلحة مين ومين يلي عم يحس فينا ليش هل فتن وليش هل خراب وليش هل فوضى سوريا ويلي فيها النا ليش نخربها ليش نقتل بعض ليش مابدكم امن يحميكم ليش عم تقتلو الامن لوفي امن ماكنتو قتلتوهم ماكنتو اتهمتوهم شفتو يااهل حلب استهداف الامن لوين وصلكم حلب كنا شايفين حالنا فيها وكان كل مواطن سوري يتمنى يكون حلبي ابناء حلب وصل صيتهم للعالم كلو انون اهل الكرم والنخوه والاصاله والعيش المشترك والوحده الوطنيه مين دخل بينكم وخلاكم تكرهو بعض شولفرق بين عربي وكردي موكلو سوري وموكلو ابن البلد وموكلو الو حق بمدينتو وببلدو ويلقط رزقو من اي مكان ارجعو لعقلكم بيكفي حمص ويلي جرى لاهلها مابدنا نبكي حلب ولابدنا نبكي اهلها بدنا حلب تضل ام سوريا وام السوريين والحضن الحنون يلي بيحضن كل سوري الله يهديكم يااهل حلب والله يرد عنكم الفتن والله يجعل ايامكم كلها بيضا وامان والله يرد كيدو بنحرو يلي بيرد بحلب بأهلها السوء والاذى
مالك
(7)   (4)
اطلب من الحكومة ورجال الامن التدخل فورا في ايقاف نزيف الدم في حي الشيخ مقصود الرجاء فورا لاتدعو الفتنة تصل بين الاكراد والعرب نحن اخوة مهما كان الظرف والاوضاع لاتدعو المخربين يعبثون في الشعب الصامد 70
كردي
(2)   (1)
اصبحنا الان في القرن 21 لماذا كل هذا العالم اين وصلت ونحن فين تذكرو ادائما لافرق بين كرد وعرب لماذا لم تلغى كلمة العشائر من هذا الوطن الحبيب التي عشنا في كنانها بامان اترك النظام على جنب نحن كشعب ان نزيل كافة الفروقات من بين بعضنا
ابو بريص هتلر
(8)   (3)
يا مندسين و يا منحبكجية خلونا نحط ايدنا بأيد بعض و نبني سورية

خلونا نرمم الدار بدل ما نهدها و نرجع نبنيها

لانو اذا هديناها بيجوز ما نقدر نرجع نبنيها
زكريا الحلبي
(5)   (1)
اه اه اه يا حلب هي هيه المرجلا نقتل بعض يا حيف عيب عليكن ماتخلو النظام الفاسد يفتن بناتكن انتو اوعا من هيك نحنا كلنا واحد الشعب السوري واحد الله يحميكن يا اهلي
ملك السابا
(7)   (2)
العيشة صارت بتقرف كأن عايشيين بوادي الذئاب اذا كانت عيلة ابو عارف من اللجان الشعبية وبتاخد خوة وعيلة فلان من اللجان الشعبية وبتسيطر على الاراضي وبتعمرا وعيلة فلان من اللجان الشعبية وفتحت بسطة دخان بس الحق مو عليهم الحق على الي فتحلهم مجال
أحمد العلي
(2)   (1)
جد انتم غريبين ياعكس السير
بس الحق على اللي يتابعكم
يعني تعليقاتي مافيها شي مخالف

شكرا على كل حال
سوري محروق قلبي
(6)   (1)
اكيد كلنا منريد نعيش عيشة كريمة ونعيش بكرامتنا ونكون بامان عايشين
بس يا جماعة خلونا نفكر للحظة ليش كنا ساكتين على كل هالفساد ليش كنا ساكتين على كل هاللاعيب والغش والرشاوي وتهريب الاسلحة والمخدرات و....
وهلق شو يلي صاار ؟ مين يلي حركها كيف شعلت بسوريا صحينا نحن؟
ما بعرف انا.
انا بقول كلمة انه كما تكونوا يولى عليكم هي اولا
وتانيا خلونا ندعي ربنا تكون هالمشاكل يلي عمتصير سبب لتطهير البلاد من كل واحد وسخة ما بخاف الله
بعرف كلامي مو متناسق مع بعضه بس اذا بدي احكي بكل نقطة بكتب كتاب كامل
قولوا معي امين الله يقدم كل الخير لامة لا اله الا الله
سوري للعظم
(3)   (0)
حرام نقتل بعضنا يا جماعة سورية فوق الجميع اتقو الله
جميل
(3)   (0)
كل مايأخذ بالخوة والمحاية حرام
ahmad
(0)   (0)
وهو ما يعتبر احتكارا "مسكوتا عنه " وخارج إطار القانون
كردي
(0)   (0)
اذا امن بقي خارج منطقة حوليها وما تدخل بعدين راحو وطلع على قنوات انو امن يحاصر حي شيخ مقصود . وانتو بدكون يتدخل
ابو العلا
(3)   (0)
الله يحمي هالوطن ويحمي كل سوري شريف ياأهل العزة والكرامة عيب علينا ان نرفع السلاح بوجه بعض والله نحنا اخوة ومو هي صفات السوري صار القتل متل شربة المي وما بنا هالامر ينتقل لأطفالنا
كردي
(4)   (0)
لا نريد لجان شعبية ولا شي نريد آمان وألعدل وأن يطبق قانون على جميع بلا أستثناء ونحنو سوريين معرفين بحب بعضنا بعض ولا فرق بين كردي ولا سني ولامسيحي ولا شيعي فكلنا أخوة تحت سقف هاذا وطن فأرجو أن نحافظ على هذا وطن.
صاحي
(1)   (0)
نرجو إعادة الخبر بشكل يوضح تفاصيل الحدث, فكما قال بعض المعلقين هنا السياق غير مفهوم: من هجم على من و من اصطف مع من؟ و لا نريد أن تخبرونا من له مصلحة في كل هذا!
مواطن حلبي
(3)   (0)
الناس في سورية إخوة في الوطن إخوة في المصير إخوة في الدم لايفرقهم مذهب ولاطائفة فلولا الإخوة الأكراد مارأيت معملا" أو مطعما" أونجارة بيتون أو ..... والناس هنا تحتاج إلى بعضها ولم نسمع نغمة الطائفية إلا بعد أن دخلت مصطلحات غريبة فنحن نسمع ال بي كي كي والشبيحة وغير ذلك ونطلب من الجميع أن يكونوا مواطنين فقط يهمهم بلدهم فقط لايحاسبون بعضهم على معتقد أو طائفة أوغير ذلك فالوطن يتسع الجميع إذا كانت قلوبهم تتسع بعضها فالله يحاسب الناس على معتقداتهم ولم يوكلنا بمحاسبتهم إذ قال تعالى ( ليس عليك هداهم ولكن الله يهدي من يشاء ) صدق الله العظيم
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " ماشيين غلط "

11-3-2015
مستشار القائد العام للحرس الثوري : قادتنا العسكريون حرروا 85 % من الأراضي السورية
قال مستشار القائد العام للحرس الثوري الإيراني، اللواء حسين همداني، إن "القادة العسكريين الإيرانيين قد حرروا 85% من ...


11-3-2015
السلطات قامت بتصفية مجموعات عائدة إلى البلاد .. الحزب الشيوعي يكشف عن صينيين يقاتلون في صفوف " داعش "
أفاد أمين عام "الحزب الشيوعي الصيني" في منطقة شينغيانغ غرب الصين بأن متطرفين صينيين انضموا إلى تنظيم "داعش"، ...


11-3-2015
تهريب أسلحة و كوكايين .. السجن 16 عاماً في نيويورك لنجل رئيس " سورينام " بتهمة مساعدة حزب الله
حكمت محكمة في نيويورك الثلاثاء على نجل رئيس سورينام بالسجن لأكثر من 16 عاما بتهمة محاولة تقديم الدعم ...


10-3-2015
محكمة فرنسية تحكم بالسجن 3 سنوات على رجل ساعد فتاة أرادت الذهاب إلى سوريا للانضمام إلى " داعش "
 اصدرت محكمة باريسية الثلاثاء حكما على رجل بالسجن ثلاث سنوات لانه ساعد فتاة في الرابعة عشرة من عمرها ...


10-3-2015
مع تدهور الأوضاع الأمنية في الداخل اللبناني .. الشرق الأوسط : " حزب الله " بين المعركة و الحل السياسي في سوريا
لا يبدو «حزب الله» المنهمك حاليا بمعارك سوريا وخصوصا تلك المحتدمة على الجبهة الجنوبية وبالتحديد في مثلث القنيطرة ...


10-3-2015
الشبكة السورية لحقوق الإنسان : طائرات التحالف تسببت بمقتل أكثر من 100 مدني في سوريا
  أفادت الشبكة السورية لحقوق الإنسان، أن قصف قوات التحالف الدولي على تنظيم داعش، ضد مواقع التنظيم ومواقع أخرى ...


9-3-2015
مستشار الرئيس الإيراني : عدنا " إمبراطورية " كما كنا .. و عاصمتنا الآن هي بغداد
قال علي يونسي، مستشار الرئيس الإيراني، حسن روحاني، إن "إيران اليوم أصبحت امبراطورية كما كانت عبر التاريخ وعاصمتها ...


9-3-2015
صحيفة : دمشق القديمة تتحول لـ " مربع أمني " لحزب الله
  بعد تفجير حافلة تقل شيعة لبنانيين بالكلاسة بالقرب من سوق الحميدية وسط دمشق مطلع شهر شباط الماضي، بات ...