إعلانات
سعر "أسطوانة الغاز" وصل إلى 1000 ليرة في حلب .. المسؤولون "نائمون" والجرّة "ضايعة" !
السبت - 5 أيار - 2012 - 15:48 بتوقيت دمشق
التفاصيل

بدأت قبل نحو أسبوع في حلب ازمة الغاز للاشتعال من جديد ، بعد فقدان الاسطوانات من معظم مراكز التعبئة ، وبدأت اسعارها بالارتفاع تدريجيا من 600 إلى 750 مرورا بـ 800 وأخيرا قال احد المواطنين لعكس السير أنه اضطر لتبديل "اسطوانة الغاز" بـ ألف ليرة سورية ، واكتشف فيما بعد أن نصفها ممتلئ بالمياه! .

وأمست فكرة العثور على "جرة غاز" حلما يؤرق الحلبيين ، متنقلين بين مركز واخر دون العثور على شيء ، رغم استعدادهم لدفع مبلغ الألف ليرة ، لتفتح الساحة من جديد امام تلاعب واحتكار تجار الزمات من بائعي الغاز وغيرهم .

وتسببت أزمة الغاز بآثار سلبية على جميع نواحي الحياة الاقتصادية ، لاسيما أصحاب المطاعم الذين بدأوا بتكديس ماتيسر لهم من اسطوانات باسعار "فلكية" قبل ان تفقد من السوق بشكل نهائي ، وهو ما ادى إلى رفع أسعار بعض أسعار الصندويش ، من الفلافل وحتى الهمبرغر !.

وفي وقت حمّل فيه بائعي الغاز مراكز التوزيع (الدولة) مسؤولية فقدان اسطوانات الغاز وارتفاع أسعارها ، بحسب تصريحاتهم لعكس السير التي قالوا فيها إن "عدم توزيع الاسطوانات بشكل منتظم بين المناطق" ، أطل وزير النفط "سفيان العلاو" بتصريحات اعلامية قبل يومين ليقول أن " لا ازمة غاز في سوريا" ! ،مشيراً إلى أن العطلة الأسبوعية الأخيرة إضافة إلى يوم من عمليات الصيانة لبعض الأعطال في العديد من وحدات تعبئة الغاز سببت نقصاً في بعض المراكز.!

أما مديرية حماية المستهلك التي لاتنفك تتحف المواطن السوري باخرصرعاتها الاعلامية ومراقبتها الدؤوبة والمستمرة للسوق في الظروف الحرجة التي تمر بها امتنا المجيدة ..، فيبدو أنها "خارج التغطية" من كل مايحصل بينما ضعاف النفوس يعوثون فسادا في استغلال حاجات المواطن الاساسية لجني مزيد من الأرباح ، او ربما لاتزال "في زيارة رسمية لأحد مقرات الاحزاب الجديدة التي دخلت في اضراب مفتوح عن الطعام نتيجة الغلاء الفاحش تحت شعار " بعضهم جشعون وانتم مقصرون" !.

وحاول عكس السير التواصل اكثر من مرة مع مسؤولي حلب للاستفسار عن الموضوع ، إلا أن "اجتماعاتهم" التي لاتنتهي ، ووقتهم الثمين منعهم من التحدث لعكس السير ولو بدقيقة لتطمين المواطنين والتخفيف من روعهم .

ولايعرف بعد إن كانت الازمة "عابرة" ام مستمرة ، لكن المعروف هو ان اسطوانة غاز "إن وجدت" إما أن تكون بسعر مرتفع أو يكون نصفها فارغ، بعد عودة التلاعب والغش باسطوانات الغاز من اوسع أبوابه.

تجدر الاشارة إلى أن وزير النفط وعد المواطنين بعودة الإنتاج لطبيعته يوم غد الأحد ، وهو ماسيجعل الغاز متوفرا من جديد بحسب تصريحات الوزير .. إن شاء الله !.

عكس السير

تنويه : وردت عدة شكاوي إلى موقع عكس السير من مختلف المحافظات السورية تتحدث عن نفس الأزمة ، ورغم أننا آثرنا الحديث عن حلب باعتبارها المحافظة الأكبر والأقرب إلى محيط مراسلي الموقع إلا أن التواصل مع المعنيين كان ضربا من المستحيل بسبب "الاجتماعات" التي ينتظر المواطنون أن "تتمخض" عن شي ما .. في يوم ما .
التعليقات :
مواطن نص جدبة
(178)   (44)
إن سبب فقدان جرات الغاز هو استخدامها من المجموعات المسلحة لتجهيزها كعبوات ناسفة المصدر : الإعام السوري الرسمي!!!!!
عاشق سورية الاسد
(40)   (217)
ارجو من سيادة الرئيس التخل شخصيا في اقصاء الحكومة الحالية عن بكرة ابيها لفشلها الذريع والمرعب والفاضح في تلبية حاجات المواطنين وعلاء الاسعار المخيف دون ان تتدخل وتحرك ساكن كما يقول المثل المكتوب مبين من عنوانه والله ثم والله ثم والله من اول يوم شكلت فيه الحكومة راهنت على فشلها لاسباب سبق ذكرها ففاقد الشي لا يعطيه فرئيس الحكومة العتيد كان وزيرا سابقا للزراعة والكل يدري ما حصل لقطاع الزراعة في البلد عاشت سورية حرة ابية بقيادة سيد الوطن الدكتور بشار الاسد ارجو النشر يا عكس السير الموقع الذي اعشق والله
مرهق من الغلاء
(310)   (8)
لعبة صارت معروفة ....

1-ترقبوا رفع سعر اسطوانة الغاز
2- ظهور وزير النفط لتبرير ان رفع السعر لمصلحة المواطن وهو ما سيجعل السيارات العاملة على الغاز تتجه للبنزين وتترك غاز المواطن بحاله
انا ما انا
(376)   (9)
مؤامرة عالغاز خيووووووو مبينة قطر شترت الف جرة غاز عندا طبخة لاسرائيل
أزمة استيراد بسبب سياسات الوزارة
(35)   (6)
يعني وزارة النفط بدل ما تستورد الغاز من دول صديقة و مضمونة مثل ايران و روسيا تذهب و تستورد من شركات يتم الضغط عليها تجاريا و سياسيا لتتوقف بأي لحظة - هل هو تصرف مقصود ام ماذا - لازمنا وزير نشيط مو رجل تدبير ازمات بعدين النفط يجب بيعه و لو بخسارة - يعني اذا برميل النفط ب 100 دولار حاليا ، مو غلط نبيع ب 90 او 85 المهم يجيب عائد للدولة و العالم بحاجة للنفط و الشركات معظمها رأسمالية همها الربح
ابو رحمو
(89)   (2)
لك يا أخي بدهن يذلو أهلنا بشان جرة غاز وزير النفط بيقول مافي أزمة هي مجرد عطلة ويوم تاني صيانة شبكن شو صرلكن .
لأ ويلي بيقهر أكتر من هيك اذا حدا بيذكر بنهاية عام 2011 طلع احد الوزراء الفهمانين او خلينا نقول رئيس مجلس الوزراء بيقلك .
سيتم تشكيل لجان لضبط الاسعار ومكافحة غلاء الاسعار وطبعاً ومتل ما عودتنا حكومتنا بتحكي و بتفعل (وهي اللجان اللي قالو عنها قايم بواجبها على اكمل وجه وعم تضبط بهالاسعار وعم تكافح بهالفساد وعم تلاحقهن بالشوارع وتحصرهن بالزاوية وتوقفهن عن حدهن ) والحمد لله رب العالمين طبق البيض سعرو 210 و كيلو البندورة 85 و الكوسا 50 و الموز 130 و و و و و ....... منرجع لموضوع الغاز يلي بعدت عنو شوي .

أصلاً الاحتكار مين عم يسمح فيه مو الحكومة ورجاءً لا حدا يقول لأ ما بتقدر لأنو كل الناس بتعرف و متأكدة أنو بتقدر ...


مع خالص الشكر
محمد
(79)   (1)
بقترح اغلاق فتحة الجرة بالنايلون متل الشام وهيك الواحد مابيشتري جرة غير وهي مختومة من سادكوب
ثوار حمص العدية
(347)   (28)
ئال ثوريا بخير وخلثت خخخخخخ
عنجد خلصت بس مين ياحزركن ؟؟
من هون
(85)   (3)
بتمنى من المؤيدين والمعارضين على السواء النظر الى مصلحة البلد والشعب....لك تفو على طمع البني ادم....
الظنبوط الحلبي
(115)   (12)
مقصوة
مقصودة مقصودة مقصودة مقصوة مقصودة
تغييب الخدمات وتسليم حلب لعائلات معروفة ومشهورة بالأجرام أمر مقصود

بدكن حرية ؟

وهاي مشان الحرية
ابو وليد
(29)   (24)
هي كلها لعبة من اولاد الحرام بياعين الغاز



انشاء الله ينفجرو فيهم
هام
(86)   (3)
لا بد من النزول إلى الساحات مليونيات لشكر الحكومة والقيادة وتأيدهما على انجازات عام كامل.....(بعد ما خلصت)88
مو حلوة صرلنا زمان مو طالعين ....ها ها ها!!!!!!!!
تعبان
(66)   (12)
إن سبب فقدان جرات الغاز هو استخدامها من المجموعات المسلحة لتجهيزها كعبوات ناسفة المصدر : الإعام السوري الرسمي!!!!! أقتباس
!!!!!!!!!!!!!!!!!!!!!!!!


ههههههههههههههههههههههه
لا تعليق
M
(317)   (7)
اي عادي لسة ما شفتو شي ..... هي من ضمن الاصلاحات
رينالدو
(45)   (2)
انا مشتهي الله يطول بعمري مشان شوف نهاية هالمسخرة
سوري
(21)   (7)
لا سحبتها الحكومه عشان عندها طبخه جديده مجاس شعب جديد وحكومه جديده شوبدكم اكثر دلال ياشعب سوريه تفو على هيك حكمه ومجلس حراميه شاطرين بالتصفيق والتتطبيل طبخه فاسده بدها رمي بالمزبله
محلوله
(22)   (2)
تجدر الاشارة إلى أن وزير النفط وعد المواطنين بعودة الإنتاج لطبيعته يوم غد الأحد ، وهو ماسيجعل الغاز متوفرا من جديد بحسب تصريحات الوزير .. إن شاء الله !.لك ازا يوم عطله بيخرب الدنيا معناها............... لا تعليق
الحفاظ
(28)   (5)
اخي المواطن عندما تبلغ عن مظاهرة او حركة احتجاجية ضد ......... فانك ستلقى الاذان الصاغية من جميع المسؤولين اما عندما يتعلق الموضوع بقوتك وقوت اولادك فلا احد سيستجيب لك لاننا نطهر البلاد من اهل درعا حمص ادلب حماه دير الزور الرقة الحسكة حلب وريفها دمشق وريقها (عفوا المجموعات الارهابية المسلحة) طبعا ضمن حملة التطهير منلغي دوام الجامعات ومنسكر المدن الجامعية واحلا وطن واحلا سوريا ورقصني يا كدع
يرجى النشر
شوشو
(10)   (2)
بالفعل لقد ذهبتا إلى مركز توزيع الغاز في الليرمون مرتين خلال الاسبوع الماضي ولم نستطع اخذ أي أسطوانة لأنه يوجد شاب وبشكل دائم على شباك توزيع البطاقات هو المسفيد الوحيد أو السمسار مما جعلني أتصل بالرقم 102 أي الرقم الذي خصص من قبل السبد المحافظ فكان الجواب من الموظفة التي تكلمت معي ليش تروحي على سادكوب أشتري من مراكز البيع فقلت لها إنهم يبيعون الأسطوانة بسعر مرتفع فقالت بدنا نتحمل هذاوضع بلدنا وقالت إنها إتصلت بالسيد مدير سادكوب ولكن حتى الان لن أستطيع أن أحصل على أسطوانة
الابيض
(25)   (12)
خلي الحلبية يعرفو ان النظام لا صديق له
سوري
(30)   (5)
أحقر من بياعين الغاز في هذه الأيام ما شفت ........قول كأني معون مياه الحياة..........بس عادي التاريخ عمبيسجل
ابو مؤيد
(18)   (1)
يوما بعد يوم00 يتاكد للجميع اهمال مسؤولي حلب عن متابعة هموم المواطن 00 وكانهم في واد والمواطن في واد اخر 00 هموم المواطن كثيرة 00 يوم غلاء وفقدان المازوت 00 يوم فقدان البنزين 00 يوم ازمة الخبز 00 يوم ازمات امام جمعيات توزيع الرز والسكر 00 يوم ازمة غاز 00 وازمات وازمات متتابعة 00 هذا بالاضافة لارتفاع الاسعار فالبندورة وصل سعر الكيلو الى مئة ليرة 00والمواطن لا حول له ولا قوة 00 والمسؤولين بحلب غير مكترثين 00 وكان الازمات في بلاد اخرى 00 لماذا لا تكون هناك محاسبة لكل مسؤول يهمل امور المواطنين 00
فقد ثبت ان حكومتنا لم تقدم شيئا للمواطن الا الغلاء وفقدان المواد الاستهلاكية والمحروقات وتالغاز 00 ارحلي وارحمينا ياحكومة
أحمد العلي
(31)   (0)
اي وبعدين
بكرا بتصير بال 10000
لاقولنا حل
الله يعين هالمواطن شو بدو يتحمل ليتحمل
يارب مالنا غيرك
ابن حلب الشهباء
(166)   (9)
الوطن غالي
.
.
.
.
.
.
.
.
.
.
.
والرز غالي
والسكر غالي
والمازوت غالي
والبنزين غالي
... ... واللحمة بعدك على بالي
كرمالك بعت قميصي وشروالي
ونجوم الضهر براسي عم تلالي
والكهرباء ياأغلى آمالي
مشان الله اشعلي بدي اشحن جوالي
والشعب على طابور الخبز والغاز من الوقفة طلعلو دوالي
وعم يسأل ياربي إلى أين سيكون مآلي
بس معلش كرمالك ياوطني بيرخصلك روحي ومالي
وانا سوري اه يانيالي .......
سوري منتوف نتف
(25)   (0)
والله العظيم احترت فكيت القاظان ورميته بعد غلاء المازوت قلت خلينا على الكهرباء غليت الكهرباء وصارت شرايح خ..........ريت على السخان وقلت بس هاي هي الغاز هي 275ل.س تتدبر طيب اليوم شو اعمل والله عندي ال3 جرر فاضية شو اعمل ....والله العظيم عيب لسا نحن في متابعة الاسواق ومراقبة التلاعب ونحن ....ونحن......ايه تخنت والله كتيررررررررررررروبعدا الى متى هذا الكلام المعسول على كل حال رح تتسعر ب800 عشان الجشعين ويبيعوها ب1000 ....اه....
J7Germany
(17)   (2)
وبعدين يعني ؟؟؟؟؟؟؟؟؟؟؟

شو نهاية القصة ؟؟؟؟؟؟؟؟

خلي الشعب ي***** !!! بعدين بترتاحوا !!!!!!!!!!!!!!!!

فعلاً ما حدا بقى يستحي على دمه !!!!!!!!!!!!!!
طارق التونجي
(24)   (2)
انا اشتريت الجرة ب500 ليرةفقط بس كلها ماءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءء----الله لايسامحه لادنيا ولا اخره---مين --الي كان السبب
درويش معتر
(8)   (1)
حاج لاذم ننتهي من هل مهازل ناس لقدام الف خطوة ونحن لورى الف خطوة وشعب درويش معتر عليه يصفق بدون ما يفكر مجبور يقول نعم ويسمع فقط لا نعم لكل شيء موضروري شقد اسود ولا لأي مطلب له مجبور يسمع كلمة لا هدا حقو او حلمو او مطلبو كمان شيء مو ضروري
مواطن سوري
(10)   (1)
بدنا غاااااااااااز شو هاد ما في جره في بلد عييييييييييييب والله عيب
رجعنل لعصر الحجري
الحمد لله
(22)   (1)
بس كلمة صغيرة وين يروح الفقير في هذه الظروف لعنة الله على كل ظالم كان من كان واللعنة عليه في الدنيا والآخرة
أبو الغاز
(6)   (2)
ألف / ألفين مو مشكلة كلو رزق العالم بده ترزء
رمز السلام الاسلام
(33)   (2)
لاتنصلح البلاد الا بتطبيق كتاب الله ورسوله اقسم لكم
حلبي
(15)   (4)
الحكومة ستتدخل في الوقت والزمان المناسبين طولو بالكم ياشباب الحكومة بتخاف علينا أكتر مما بتخاف على حالها فهي كالأم الرحيم للمواطن بل هي أرحم
مواطن حلبي
(11)   (0)
ليش ياترى في شي رخيص غير الانسان كل شي غالي البندورة ب 90 ليش ياترى لاانوا عبتنشحاً للعراق وشعب بشهوتها وغيرو وغيرو بس. موظف التموين وينوا عب يأخذ راتب واذا نزل على سوق بياخذ رشوة وبروح على البيت وشعب بجهنم يلي بياكول وله بياكول خ مو فارقه معوا بس لازم هل شي يتعاقب مدير التموين ضروري
رش المبيدات
(8)   (0)
دائرة رش المبيدات ورئيسها ب+ د يضهد العمال وياخذ منهم خوة ( 500 ) بالشهر وعددالعمال 63 عامل بهذه الدائرة والعامل الذي لايدفع يهدد بقطع طبيعة عمله
حكيم
(10)   (1)
بدي غاز لسوريا
مقهور
(34)   (2)
الله يسّلم ايديك على هالجواهر يلي كتبتها الله محيي اصلك
'طيبة
(8)   (3)
اذا الواحد حكا بولو حكا واذا ماحكا بقولو ماحكا انتو شو رأيكن
سوريا
(5)   (2)
معناتو بدا تصير الجرا ب900
سوري للعضم
(23)   (4)
خلصت سوريا
-
-
-
-
-
-
-
-
-
-
-
والأزمة بخييييير

كبيرة كبيرة كتير
متفااااااااااائلة :)
(9)   (4)
عزيزي المواطن السوري...........موووووووو مشكلة........ كلو بهون بس انتو طولو بالكن شوي......لنشوف لأيمتى رح يضل هالغلاء بالاسعار والنصب والاحتكار.... بجوز تفرج ....لوقتا بنقول يا رحيم ارحم ......الله يديم سوريا بخييييير
أبو حلب
(7)   (0)
بسم الله الرحمن الرحيم .هلأ في بعض التعليقات تمام وصحيحه يعني مثلا متل يلي قال انه لازم نرجع لكتاب الله وسنه النبي (ص) بس كمان لازم ناخد بعين الاعتبار انه دولتنا الكريمه فلتت الامور عالاخير والشاطر منهم مين بدو يعبي الجيبه وطبعا كل واحد منن نسيان انه المواطن برقبته وعليه انه يخدمو لانو كلكم راعا وكلكم مسئول عن رعيته يعني لايمت هالقصه هي غش ونهب وكذب وما بعرف شو يعني مثلا العامل بيشتغل طول اليوم على 350 ليرة يعني مو الكل اجرة يومو 1000 متل مو ظانن البعض بس بالاخير دائما بقول لحالي انه هاد بلاء من الله لحتى نرجع اهل حلب الصح يعني نكون كلنا شخص واحد رايح ع الجامع واللي عم يعمل خير مع اهلو وجيرانه وكل الناس ولا حدا منكم يظن انه رح يخلص من حساب الله ان كان مسئول او مواطن و حسبي الله ونعم الوكيل
البلد مو ماشي
(10)   (0)
ان الدولة قررت ان تتضمن الخطة الخمسي رقم خمسين استخراج الغاز من الهواء وسيكون ذلك اختراعا سوريا صرف وسيصبح سعر اسطوانة الغاز خمس ليرات فقط تيمنا بالخطة الخمسية وسيصبح كل شيء بخمسة ، بس طولوا بالكن ولاتستعجلوا زمن الخمسة جاي كلها عضة كوسايه بحجم سيخ الشاورما اللي عملوه بحمص بحي الزهراء !!
مواطن
(4)   (0)
بدون يرفعوا سعر الغاز شي واضح..
بيعملوا اول شي ازمة غاز بيصير حقها بالسوق 1000 ليرة وبعدين بتجي الحكومة الرشيدة بتخفض سعرها شوي بيصير شي 800 او 700 وهيك بيلاقيها المواطن رخيصة ومتوفرة ودمتم
أفلاطون
(2)   (0)
قال رسول الله صلى الله عليه وسلّم:
لا يؤمن أحدكم حتى يحبّ لأخيه ما يحبّ لنفسه . رواه البخاري ومسلم
أفترضى أن يكون عندك 3 جرات غاز مليانة , وجارك بل وأخيك لا يجدون ما يقضون به حوائجهم ...؟

ام الجوج
(3)   (0)
الذهب ع بيرخص والاسعار ع بتغلى اكتر واكتر شوبقي ماغلي غير الشعب رخيص عنجد ياحرام هيك عبصير فينا
مشية علينا كمان
(5)   (2)
العثور على 2000 جرة مرمية في نهر قويق (مبية هي مؤامرة لافتعال أزمة )
1250
(1)   (0)
اليوم الجرة في المشهد في حلب 1250 ليرة
123
(2)   (0)
يا ريت تهتموا بجرات الغاز بقدر اهتمامكم بالانتخابات وتمسيح الجوخ على أساس ما جرى اسمه انتخاب وعم بتنقلوا الخبر من قاعة فرز الأصوات وعلى أساس نحن بفرنسا والناس تنتظر ان تعرف مرشحيها الفائزين كفوا عن هذا فذلك لا يليق بنا وهذا استغباء لكم قبل أن يكون استخفاف بعقول الناس.
hazemkudsi
(5)   (0)
السلام عليكم
اخي انا موظف وصرلي يومين عم دور على جرة غاز وماعم لاقي بأخر شفنا بس سعر الجرة 1000 ليرة طيب اذا انا بدي حط 1000 ليرة حئ جرة الغاز و500 حئ كيلو لحمة و 70 ليرة كيلو بندورة طيب انا شو رح يكفي هاراتب الزفت بقولو المسؤولين الغاز متوفر وبأعداد كبيرة شو هالكذب والله عيب حاج كذب
انا بدي أسأل السيد النمحافظ عجب هو كمان عم يدور على غاز ولا في عندو كم وحدة والله عيب يعني نحن الموظفين يلعن ابونا والله ماعم نلحئ شي بالمرة صارت الحياة العادية والاقل من العادية حلم بالنسبة النا
ر
(4)   (0)
اذا كان الحكي هاد صحيح هذا معناه ان الدولار اصبح فعليا ب 95
ميشيل
(4)   (0)
كل مسؤول في هذا الوقت , وعن أزمة الغلاء بالتحديد وعدم اكتراثه هو في موقع الأتهام بخراب البلد وتحريك النفوس النائمة.
مواطن من ادلب
(2)   (0)
صرنا نحلم بالغاز حلم لا بالف ولا بالفين انتظرنا سبع ساعات امام المحل عسى ان نحصل على جرة غاز وبالاخير طبعا ما في غاز ليش لانه البائع باع الغاز( الجرة 1000 ليرة احسن ما يبيعه 425 ليرة خطي خلي هالعالم تاكل هوا
ملا حظة : طبعا اخذت اجازة من الوظيفة
ثائر
(3)   (0)
ولا يهمكن قال التلفزيون السوري نقلا عن وزير الخارجية الروسي شي يومين بتنحل وبتوفر الغاز
جرة الغاز
(0)   (0)
ياجماعة حدى يقولي ويني انا بس فيكون تشوفوني بالمنام بجيع الاحجام او فيكون تعملوا بحث عني عن طريق جوجل او بس شفتوني فيكم تشتروني عن طريق dhl بوصل لغاية الباب خلوني ساكتة احسن ما احكي وانفجر هههههههه صحيح كيف بدي انفجر وانا فاضية حتى الازمة بتجيب نكت
ابن المشارقة
(2)   (0)
هلق الغاز مفقود ؟؟؟؟اشبو الفحم الحجري استخدموه رجاءً لأنو كل عصر إلو وقود ليش مابتعرفو إنو نحنه في العصر الحجري و أكبر دليل على كلامي ترشيح البي والشامي لمجلس الشعب !!!!!!!!!!عجبي ع هيك زمن
الشامل
(1)   (1)
الدولة فاسدة والموارد البترولية تذهب للجيش والمواطن يقتل بعشر طرق اهونها الحصار الاقتصادي
حلبية
(0)   (1)
ولساانازعلانة ليش سافرت براسوريابس قلبي عليكن ياشعبي والله عالظالم
سوري مقهور
(0)   (1)
بس نخلص اتخابات مجلس الششششعب الموقر وتصدر النتائج بطمئنكن انو جرة الغاز بدا تصير بلشوارع مافي مين يشيل لانو الغاز حاليا مطلوب بشدة عمال يطبخو علي نتائج النتخابات يارجل مقول شو اعداد المصوتين عشرات الملاين حتى الاحظة ماصدرة النتائج حتى تعرفو كم نحي شفافين ودقيقين مو متل الانتخابات الفرنسية بوم واحد طلعت النتائج اييييية مزوة ؟؟؟؟؟؟؟؟!!!!!!!
عابر سبيل
(0)   (0)
حسبنى الله ونعم الوكيل الجره بالف ومئتان ياناس والله حرام
العين الساهرة
(1)   (0)
الحل ان نسحب ترخيص البيع من المخالفين اللذين يبيعون الغاز على باب سادكوب
مالك
(1)   (0)
ليش وين الجرر يا ابي وين راحت
الو جارو الو وين الجرر
الله يلعن كل واحد عم يحتكر المستلزمات على الشعب حتى يرفع سعرها والله لا يباركله فيهم
سوري
(0)   (0)
والله بالشام صارت 1100 بتمنى لفت الأنتباه
ابو العلا
(0)   (0)
الوزير قال بدو يتوفر وما شفنا شي معناها بيعرف ان في ازمة غاز بكل سووووووووووريا طيب وين الشغل وين الانتاج وين راحة المواطن ارتفع سعرها و قلنا معليش وهاد حق من الدولة مشان هالاوضاع اللي بالبلد بس ما تتوفر وان توفرت السعر بالأيام اللي جاي يمكن بالدولا بدو يصير شو اللي عم يصير فينا ولوين مصيرنا الله ورسوله اعلم
الفقير
(0)   (0)
لحقو علينه عندنا الجره ب2200لاومافي وصاحب الرخصه يقول ابيع بكيفي ويقول ضايعه الطاسه روح اشكيني منو يقرا ومنو يستمع\ سحبة عليه المسدس واعطيتياها بين عيونه والحريم الموجودات صارو يهلهلو \يزغردو\ اسئلكم يامشايخ هل هذا حلال ام حرام العملته بهلمستهتر المقبور لاراظي بلشعب ولاسائل على حدا ولو جوابكم كان حرام الخطيه اردها على اعضاء مجلس الشعب \ودمتم \ احب واعشق ترابك سوريا
ابو العبد
(1)   (0)
صارت معروفة قبل كل تغيير او في كل حلقة من الازمة الوزير بيخترع ازمة وبيلاقي الحل بالوقت المناسب الصحافة بتنشر اخبارو بيصير بطل بيمددولو
بس ماحدا بيعرف انه هو السب في هلازمات
الله يسامحو بدو يلاقي شيئ للناس تنشغل فيه
هدى الشام
(0)   (0)
كان وزير زراعة ووزارة كانت تملك اسوا اداء وفشل بالزراعة قامو حطو رئيس حكومة لحتى تفشل كل الوزارات
يااخي هالوزارة شئم على هالبلد لك غيروها والله احسن
في سؤال ببالي ياترى رئيس الوزراء عم يعاني من نقص الغاز
سوري
(0)   (0)
الحل هو مثل ماقال الاخ العين الساهرة سحب الرخص من اصحابها وتباع من الدولة مباشر الفاسدين هم اصحاب الرخص عم يبيعو الغاز على باب سادكوب علنا ما خايفين من حدا الله اكبر عيهم وعلى كل ظالم والله عيب عيب عيب
وعد
(0)   (0)
يلعن ابو بياعين الغاز يخرب ديارهم مو معقول اللي عم يعملوه يعني اللي عندهم اطفال شلون رح يحضروا لهم الاكل ماعم نسال ع الكبار بس الاطفال كل شي ما بيهم غير الاطفال فكروا فيهم مامسؤولين خافوا الله فيهم
عامل في المؤسسة الاستهلاكية بدمشق ضميروا انبوا
(0)   (0)
السيد رئيس مجلس الوزراء المحترم
السيد وزير الاقتصاد والتجارة المحترم
السيد وزير النفط والثروة المعدنية المحترم
السيد وزير الداخلية المحترم
السيد مدير موقع عكس السير المحترم

ان القائمين على توزيع مادة الغاز على الدوائر والجهات الرسمية والحكومية والمتقدمين بطلبات اصولية ومن جهات رسمية وموافقات اصولية واضحة وصريحة من قبل السيد مدير محروقات دمشق ومدير استهلاكية فرع دمشق المحالة الى القسم المختص في استهلاكية دمشق (قسم النقل) ليتم الايجاب للموافقات ولكن بدون رقيب عليه يقوم بالحصول على مضمون موافقات الجهات الرسمية لنفسه ويقول (لايوجدغاز اليوم ) وبعدين هوه وشركائه بيروحوا بياخدوا الغاز الي مخصص بالكتاب وبيتاجروا فيه من دون اي رقيب واحسبوا عاد لليوم اديش صاروا اخدين مخصصات الموافقات للجهات الرسمية وانا بتمنى من ادارة موقع عكس السير انوا تحط المسؤولين باسرع وقت علشان تحاسب هيك ناس الي بلا زمة ولاضمير والى عمال بيتاجروا بأقتصاد الوطن وقوت المواطنين وهنن الي عمال بيسوقوا لهيك ازمات علشان بس يتاجروا ويسرقوا على كيفن وبدون اي حساب او عقاب .
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " ماشيين غلط "

11-3-2015
مستشار القائد العام للحرس الثوري : قادتنا العسكريون حرروا 85 % من الأراضي السورية
قال مستشار القائد العام للحرس الثوري الإيراني، اللواء حسين همداني، إن "القادة العسكريين الإيرانيين قد حرروا 85% من ...


11-3-2015
السلطات قامت بتصفية مجموعات عائدة إلى البلاد .. الحزب الشيوعي يكشف عن صينيين يقاتلون في صفوف " داعش "
أفاد أمين عام "الحزب الشيوعي الصيني" في منطقة شينغيانغ غرب الصين بأن متطرفين صينيين انضموا إلى تنظيم "داعش"، ...


11-3-2015
تهريب أسلحة و كوكايين .. السجن 16 عاماً في نيويورك لنجل رئيس " سورينام " بتهمة مساعدة حزب الله
حكمت محكمة في نيويورك الثلاثاء على نجل رئيس سورينام بالسجن لأكثر من 16 عاما بتهمة محاولة تقديم الدعم ...


10-3-2015
محكمة فرنسية تحكم بالسجن 3 سنوات على رجل ساعد فتاة أرادت الذهاب إلى سوريا للانضمام إلى " داعش "
 اصدرت محكمة باريسية الثلاثاء حكما على رجل بالسجن ثلاث سنوات لانه ساعد فتاة في الرابعة عشرة من عمرها ...


10-3-2015
مع تدهور الأوضاع الأمنية في الداخل اللبناني .. الشرق الأوسط : " حزب الله " بين المعركة و الحل السياسي في سوريا
لا يبدو «حزب الله» المنهمك حاليا بمعارك سوريا وخصوصا تلك المحتدمة على الجبهة الجنوبية وبالتحديد في مثلث القنيطرة ...


10-3-2015
الشبكة السورية لحقوق الإنسان : طائرات التحالف تسببت بمقتل أكثر من 100 مدني في سوريا
  أفادت الشبكة السورية لحقوق الإنسان، أن قصف قوات التحالف الدولي على تنظيم داعش، ضد مواقع التنظيم ومواقع أخرى ...


9-3-2015
مستشار الرئيس الإيراني : عدنا " إمبراطورية " كما كنا .. و عاصمتنا الآن هي بغداد
قال علي يونسي، مستشار الرئيس الإيراني، حسن روحاني، إن "إيران اليوم أصبحت امبراطورية كما كانت عبر التاريخ وعاصمتها ...


9-3-2015
صحيفة : دمشق القديمة تتحول لـ " مربع أمني " لحزب الله
  بعد تفجير حافلة تقل شيعة لبنانيين بالكلاسة بالقرب من سوق الحميدية وسط دمشق مطلع شهر شباط الماضي، بات ...