أردوغان : المنطقة الآمنة في شمال سوريا ستمهد لعودة مئات الآلاف من اللاجئين في تركيا
قال الرئيس التركي “رجب طيب أردوغان” إن إنشاء المنطقة الآمنة في سوريا سيكون بمثابة أرضية لعودة اللاجئين السوريين الموجودين في تركيا إلى بلادهم.
وجاء ذلك خلال تصريحات أدلى بها أردوغان في مؤتمر صحفي عقده بمطار أسين بوغا بالعاصمة أنقرة قبيل زيارته إلى الصين وأندونيسيا، حيث قام بتقييم المستجدات الأخيرة على الصعيدين المحلي والدولي.
وأشار أردوغان إلى أن ما تعيشه تركيا خلال الفترة الحالية يُساعد على معرفة الصديق من العدو، وأن القوات الأمنية التركية سترد على أي خطر يهدد أمنها القومي داخل وخارج أراضيها.
وقال: “لن نسمح لأحد أن يزرع الفتنة والتفرقة بين أبناء شعبنا، ونحن مستمرون في مشروع المصالحة الوطنية”.
وأضاف، بحسب ما نقلت عنه “ترك برس” : “إن تركيا تملك القوة الكافية لمحاسبة الإرهابيين والداعمين لهم من الذين يسمون أنفسهم بالسياسيين والمفكرين وممثلي مؤسسات المجتمع المدني، حيال دماء شهدائنا التي أراقوها. ولن يكون في هذا الموضوع أي تراجع إلى الخلف أبدًا”.
وأوضح قائلًا: “الكفاح ضد تنظيم الدولة داعش والتنظيمات الإرهابية الأخرى ليست عملية رد اعتبار بسيطة. وأؤمن بأن الناتو سيبدي في اجتماعه اليوم استعداده لأداء واجبه حيال المستجدات الأخيرة”.
وكان رئيس الوزراء التركي “أحمد داود أوغلو” قد صرّح بأنه حان وقت إنشاء منطقة آمنة في سوريا، لا سيما ضد هجمات “داعش”، منوهًا إلى أن التفاهم الذي جرى مع الولايات المتحدة، بخصوص محاربة التنظيم، ينبغي أن يشمل دعم المعارضة السورية المعتدلة من أجل مستقبل سوريا.
ولفت داود أوغلو إلى أن تركيا دافعت منذ بداية الأزمة السورية، عن ضرورة تشكيل منطقة آمنة، لضمان بقاء اللاجئين السوريين في وطنهم، مشيرا إلى أن تركيا بمفردها تستضيف حاليا نحو مليوني لاجئ سوري، وقال: “ستمنع (المنطقة الآمنة) تدفق المجموعات الإرهابية، وستشكل ملاذا آمنا للسوريين الذين يتعرضون لهجمات النظام والمجموعات الإرهابية على حد سواء”.
وأفاد خبراء محليون أتراك بأنّ إنشاء مناطق آمنة داخل الأراضي السورية وخاصة الشمالية منها، سوف يحافظ على استمرارية الوجود التركماني في هذه المناطق وسيبعد خطر تنظيمي داعش وحزب الاتحاد الديمقراطي الكردي (PYD) عن القرى التركمانية الواقعة ضمن القسم الشمالي لسوريا.
قال رسول الله صلى الله عليه وسلم : إذا عمل أحدكم عملا فليتقنه .
لقد عمل أردغان على دعم السوريين ضد النظام السافل منذ بداية الفترة والآن يتخاذل معهم ويرغب في إخراجهم من بلده وهو فخر له استضافتهم
ولكن ربما كان هدفه وقتها الدعاية لتركيا والآن تغيرت المستجدات
لو قلتم بسبب التفجيرات هو مضطر لعمل هذا فتذكروا بداية الثورة كم صاروخ وتفجير قام به النظام على الحدود وغيرها
ولكنه لم يتحرك ضد النظام ولم يتحرك ضد البي كي كي لينتقم لبلاده بل خوفا على بلاده من تنظيم اسلامي وهو اسلامي لو كان محقا بانه أرهابي لذلك يقاتله فالنظام السوري أكبر أهابي ولم يشهد التاريخ مثل وحشيته وجرمه فلماذا لم يقاتله
للأسف طلع اردغان سياسي لا اسلامي
هاي بداية طرد أهلنا السوريين من تركيا…… لا توجد عواطف في السياسة … يوجد فقط مصالح… بعدين.. شو يعني إسلامي يا معلم؟؟؟؟
بعد اربع سنوات لا اعرف كم اصبح عدد الحمير الذين لا يزالون يصدقون اردوغان ان الامريكان كشفوا من الوثائق و الادلة التي تدين تركيا بتجارة النفط مع داعش و الاف الادلة على انشطة داعش في تركيا و الضربات الخلبية في الغارات على الاراضي الزراعية الخالية الخاضعة لسلطة داعش و حتى عملية سروج قامت بها المخابرات التركية و الدليل ان داعش لم تتبناها حتى الان و الشهداء كلهم من خصوم اردوغان في منطقة تكره اردوغان و هي التي تفتخر عندما تقوم بهكذا اعمال و حتى عملية قتل الشرطيين في اورفا لم يتبناها حزب العمال الكردستاني و خلق كل هذه الذرائع في لحظة من الهوس ليبدأ حربين ستهد كل ما بناه خلال حكمه الطويل و سينتهي اما الى السجن او الى المصح العقلي
والله ما راح يروح للمصح العقلي الا امثال حاملي هالتفكير الاناني و السطحي للاحداث. والله لولا تركيا لكانت الكلاب اكلت جثث مئات الوف السوريين و لحصلت مجازر و مجاعات لم تحصل في التاريخ. تركيا احتوت مليونين لاجئ و صرفت المليارات و وجعها راسها من ورا السوريين و لسه بيجيك واحد عامل حالو محلل سياسي و بيقلك تركيا استفادت من معامل الخردة تبع حلب ومن هالكم الف برميل نفط اللي عمتبيعهم داعش للتجار الاتراك. يا اخي ارحموا عقولنا. حاجة بقا. والله تركيا راح يضل الها دين باعناقنا الى يوم يبعثون. و ما في دولة لا عربية و لا غربية عملت عشر اللي عملته تركيا للسوريين. الله محيي البطل و الشهم و المسلم الحقيقي اردوغان
لولا تركيا التي حمستكم و شجعتكم على الارهاب و ما يسمى ثورة لكنتم قاعدين في بيوتكم عاقلين متلما كنتم طول عمركم و الحرية لا تليق بكل من هب و دب الحرية بدها تربية و تدريب لممارستها و بعدين تركيا ما لها برقبتك و رقبة امثالك غير الرسن و كلامك عن العرب صحيح لم و لن يفعلوا شيئا لكم لان فاقد الشيء لا يعطيه و كان يجب ان تفهموا ان من لا يسمح للمراة بقيادة السيارة و سموا دولة على اسم عائلتهم لا يهمهم ديمقراطية و لا حرية عند غيرهم و كذلك بقية العربان
تبقى تركيا المستفيد الأول من العقول و المهارات و الإستثمارات السورية…. في السياسة توجد مصالح فقط و اللي بيهم الأتراك ( أردوغان و غير أردوغان) مصالحهون….. أصلاً ببداية الحراك الشعبي أردوغان اقترح على الأهبل بشار أنو يحط كم وزير أخونجي لقلوق…. و الأهبل رفض…. فعصب الأفندي أردوغان….
والله عن جد هيك اقترح أردوغان؟ مالي خبر والله!
أنت الحق عليك الله يصلحك لو خبرتني أنو هيك اقترح عليه لكنت أقنعتو للأهبل وخلصت الأزمة..
منك لله يا ما رسيل..
أي نعم كلامك صحيح,,
أنا واحد من الناس كنت قاعد (عاقل) ببيتي بأمان آكل شارب وفجأة أجت تركيا و(حمستني) أعلم ثورة قمت عملت ثورة وبعدها أجت السعودية صارت تحطلي خمسميات بالصندويش وحبوب هلوسة مشان أطلع مظاهرات وبعدها أجا الجيش العربي السوري وقصف بيتي وقتل أهلي وقصف المساجد وأحرق اخوتي وقصف مدرسة أولادي وحولهم أشلاء مشان يخليني أصحى وأذوق على حالي وأرجع لحضن الوطن وهلق أنا ندمان وبدي أرجع لحضن الوطن وماعاد بدي حرية لأنها مابتلبقلي هي بس للناس يلي عايشين في بلاد الكفار في أوروبا وأكيد حكومتنا (الحكيمة) ورئيسنا (المؤمن) بشار مابدهم نصير كفار متلهم.
الله يلعن الشيطان بس..
شو هالتخبيص ياأخ عاشق؟؟؟ يبدو انك بسيط و على نياتك!!!!!!
يعني حضرتك عمتوزع صكوك من يستحق و من لا يستحق الحرية من عندك. و برأيك لازم يضل هالشعب شي قرنين تلاتة ياخد دورات تدريبية على طريقة ممارسة الحرية لحد ما يجي واحد متل نمرتك فهمان حشك و يعطيه شهادة تؤهله للمطالبة بممارسة حريته. بس الحق على من ربطو و فلتك
لولا اردوغان لم يقتل مئات الالوف لتأكلها الكلاب ولم تحصل المجازر ولا المجاعات ولكن دعمه المنقوص للثوار والتغرير بهم والسماح للمتشددين بدخول سوريا هو ما أوصلنا الى هذا المصير المحزن
لوين رح يرجعهون!؟
مين رح يطعميهون؟
يعني صار ملجاء متل صبرا و شاتيلا.
نشكر الارهابي اردوغان على هذا الخبر المهم، هاي احسن فكره يتخلص فيها من السوريين.
أروغان التركي هذا غدر بكل من التالية اسماؤهم:
1- أربكان رئيس حزب رفاه
2- بشار الأسد الذي كانت الزيارات بينهم أسبوعية
3- أكراد العراق. عندما هاجم داعش أربيل بتوصية من المخابرات التركية ورفض اردوغان تقديم المساعدة للبرزاني
4- داعش
5- السوريين والائتلاف الذي يعيش ايامه الأخيرة
اي ويعني خلي هالعالم ترجع تعمر بلدها ولا عجبتكون تركيا و أوروبا ومابقا تزبط سوريا معنا …….
يمكن الكلام يسر بالظاهر بس بالحقيقة ح يكون لسوريين وظيفة جديدة : درع لتركيا ضد داعش اولا وعازل بين الكراد ثانيا و بنفس الوقت ح يتخلصو من العبء الزايد (يعني السوري صار جوكر بايد تركيا) وح يستعملو بالوقت القريب المناسب واكيد اخر همن واولوياتن سلامة السوري وازا كان حكي غلط سألو حالكن (ليش هلئ حتى طبقو مشروع المنطقة العازلة؟؟)
كلنا خرجنا كم يوم لكي نعطي فرصة لاخواننا الثوار للقضاء على المجرم بشار الحمار و ننتظر العودة بفارغ الصبر
و نرجو من المشايخ اصدار فتوى بقتل اي ايراني على الارض السورية الطاهرة اما بالنسبة لبشار الحمار اي محمكمة في اي مكان ستحكم عليه بالاعدام مجرم قتل الشعب السوري بمئات الالاف
اردوغان مشكور لو كان هالحكي قبل سنتين , ما بتخيل انو الامان يلي بالمنطقة العازلة (بغرض مبطن) لوحدو ح يطعمي الخبز او حتى ح ينهي الحرب, يلعن ابو النفاق!!!
بعد ما أكلوا خبز وملح اردوغان هلا صار خائن و بدو يتخلص من السوريين
ما يكفي خربتو سوريا وهلا بدكن تخربو تركيا
بكفي اطلعو من تركيا لو فيكم خير ما كان خربتو بلدكم وهربتو على غير بلد
يا مرفت خانم (إزا إنتي حرمه)…يبدو انك عايشه بجزر واق الواق و ما عرفانه شو عم بيصير بسورية……
هو جدبة مثل الأوربيين مفكر انوا السوري هربان من القتل وايش وايش بيعد الأيام ليرجع على بلدوا سوريا بأمان واطمئنان ، ومنوا عرفان انو السوري ما صدق من الله انتقل الى بلاد افضل للعمل وكسب الرزق لحياة ومستقبل افضل حسب ما يظن ، بدو هلق يرجعوا على بلدو ، يلا الفرق بين الذكي والغبي هو الوقت فقط فالبنهاية الطرفان يفهمان القصة جيداً
أهلنا ما هربو من القتل؟؟؟؟؟ أنت أجدب ولّا عم تجدبها؟؟؟؟
العماااا شو أنك عبقري,,
والله وكشفت الشعب السوري يا عكروت,,
هو فعلا متل ما قال حسن زميرة سوريا ما فيها شي والدنيا بخير والعصافير تزقزق والبراميل ترفرف وخلصت سوريا ومات بس شي 250000 سوري مابنحكى فيهم فراطة,,
بس أوعك يا مواطن لبناني أوعك تخبر تركيا وأوروبا بالحقيقة وتخرب خطة الشعب السوري لأنو متل مابقولوا قطع الأعناق ولا قطع الأرزاق.
لا اهلكن لم يهربوا من القتل فقط ، فهناك ناس هربت من الخدمة بالجيش وهناك ناس هربت للعمل لأن سوريا انتهت اقتصادياً وهناك ناس هربت لحياة افضل وهناك ناس هربت من القتل فعلاً كما تفضلت حضرتك ، انا شخصياً في مجتمعي اعرف فوق 13 سوري شاب هرب من الجيش فقط وهو من دمشق ومافي ضربة رصاص بمنطقتوا
اخ عبدالرحمن علوش – لا ترد عليهم وتضيع وقتك
في بعض الناس هون بتحب تعمل حالها بتفهم
(قال أهلنا ما هربوا من القتل – ياسيد هربوا من القتل ومن القصف بالهاون وبالبراميل ومن العبوات الناسفة ومن الانتحاريين)
يبدو انو مواطن لبناني عم يحلي عن فنلندا……
بعدين مين هاد عبد الرحمن علوش؟؟؟؟؟؟؟؟