ألمانيا تلغي قرار إعادة اللاجئين السوريين إلى أول دولة أوروبية دخلوها وفق معاهدة دبلن

أفاد الموقع الإلكتروني لصحيفة تلغراف يوم الاثنين بأن ألمانيا ألغت “بصمة ” تطبيق معاهدة دبلن بالنسبة للاجئين السوريين، التي تنص بنودها على إعادتهم إلى أول بلد أوروبي دخلوه، بالتزامن مع توافد الألاف منهم براً من اليونان إلى مقدونيا في الطريق إلى الدول الأوروبية الغنية.

ويأتي هذا القرار الذي دخل حيز التنفيذ في الـ 21 من شهر آب الحالي و أكد مصدر رسمي ألماني للصحيفة صدوره، بحسب ما ترجم عكس السير، في الوقت الذي دعت اليوم المستشارة أنغيلا ميركل و الرئيس الفرنسي فرانسوا هولاند إلى إصلاح نظام اللجوء في الاتحاد الأوروبي.

و نقلت صحيفة “اندبندنت ” عن الحكومة الألمانية بحسب ما أطلع و ترجم عكس السير قولها إن كل أوامر الطرد بحق طالبي اللجوء السوريين ستلغى، و ستصبح ألمانيا المسؤولة عن طلباتهم.

ويعد هذا القرار مفاجئاً من ألمانيا، إذ لطالما اشتكى مسؤولها من تداعي تطبيق بنود المعاهدة، متهمين بعض الدول الأوروبية بعدم تطبيقها لتفادي قبول عدد أكبر من اللاجئين.

وكانت إعادة اللاجئين إلى الدول التي بصموا فيها، أو تم أخذ بصماتهم فيها بالقوة في دولة كمقدونيا و بلغاريا و هنغاريا من أبرز المشكلات التي تواجه اللاجئين السوريين، و دفعت بعضهم إلى محاولة الانتحار، نظراً لسوء الأوضاع في الدول المذكورة.

ويسلك الكثير من السوريين الطريق البري للجوء الذي يبدأ من اليونان مروراً بمقدونيا و صربيا و هنغاريا وصولاً لألمانيا.

وكانت رفعت الحكومة الألمانية بصورة كبيرة من توقعاتها الخاصة بأعداد اللاجئين لهذا العام إلى 800 ألف شخص، رافقها ارتفاع كبير في عدد الهجمات على اللاجئين و دور استقبالهم إلى مستو قياسي.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫22 تعليقات

  1. عليكم ببلجيكا فهي تدفع رواتب اكثر والجنسية خلال وقت قصير ولا يوجد فيها سوريين وطقسها معتدل ولم الشمل فيها خلال فترة قياسية !!

    1. كني انت احد الحاقدين اللي ما بتمنو الخير للسوريين وبدك تبعدهم عن المانيا لانك عايش فيا وعندك النجاسة وصلانة للسما.

    2. بلجيكا معروف فيها انو عم ترفض العالم . راتب المانيا كاف ولم الشمل ايضا جيد بالنسبة للضغط الذي حاصل والاقامة سوف تصبح دائمة للسوريين (لأن المانيا كانت تعطي السوريين والفلسطينيين السوريين ثلاث سنوات ومن بعدها تمدد بشرط ان تكون تعلمت اللغة ،ولمستوى بسيط ليس عالي ) والان تعطي بعد ثلاث سنوات الى دائمة دون قيد او شرط وهذا قرار جديد .
      نصيحة لله : انا في المانيا و الحمدلله . تعالو الى المانيا واستغلو هذه التسهيلات

  2. والله احترنا.. مرة بيشتكو من تدفق اللاجئين ومرة بتلاقيهن بيشجعو تدفق اللاجئين.
    طبعا هلأ الشباب الطيبة رح تستغل هاد القرار ورح تلاقي نص سوريا بألمانيا.
    أنا مو ضد اللجوء لأوروبا بس يا أخي توزعو بهلبلاد مو تهلكو سما دولة وحدة.

  3. يا ناس يا عالم حاج تكتبوا أوهام, و حاج تقولوا رواتب هي معونات معونات و البعض منها منح و منها يجب اعادته للدوله عندما تحصل على عمل, ما بشوف غير بكتبوا و بقولوا رواتب, شو هل الراتب التشحيده.
    تعرفوا شو بيعطوا للواحد دخيل الله.
    بيعطوا للأب 350 يورو معونه بالشهر.
    للأم و الأولاد كل واحد 250 يورو بالشهر.
    بيدفعوا عنك التأمين الصحي.
    بيدفعوا دوره اللغه عنك و عن زوجتك و اولادك.
    بيدفعوا جزء من آجار البيت و هو حوالي 256 يورو بالشهر.
    بيدفعوا بدل مواصلات حوالي 75 يورو.
    و لمعلومكم المصاري دوبها تكفي لآخر الشهر.
    لأنه البيت ما في آجار احا ال 400 يعني الفرق انت تدفعه.
    المواصلات حوالي 120 الفرق انت تدفعه
    الكهرباء 80 انت تدفعها
    المياه 65 انت تدفعها
    بعطوك بدل فرش يعني تجهيز البيت لحد ال 1000 يورو بس الفرش ممكن يكلفك 1800 و ما فوق يعني الفرق انت رح تدفعه.
    و اذا حسبت الأكل و الشرب يادوب تكفي هل المعونه اللي بصر البعض يكذب على حاله و يسميها راتب.
    راتب ع شو على شغلنا أم سواد عيونا.

    1. بغض النظر عن المصطلحات لكن معلوماتك عن المعونات والمصاريف مو صحيحة مية المية
      قبل الحصول على اقامة تكون المساعدات مختلفة من مدينة لاخرى ولكن عندما يحصل الشخص على اقامة يسمى بالقانون الالماني باحث عن العمل ويحصل قانونا على نفس راتب باحث العمل الالماني تماما وتصبح معوناته عالشكل التالي:
      1 معونة الاب 350
      2 معونة الام 350
      3 معونة كل طفل تحت ال18 250 وفوق ال18 350
      4 اجار البيت مع التدفئة مدفوع بالكامل اذا كان ضمن الاجار المطلوب
      5 فرش البيت بيقدرولك ياه بين ال1300 وال1500 يورو حسب عدد الافراد …. بس طبعا الفرش اغلبيته بيجي ببلاش من التبرعات وهيك بتكون معونة الفرش حلال عليك .. بس في ناس ما بتحب تشتري الا جديد وهالناس الله يعينون

      6 التامين الصحي تامين شبه كامل عن كل الامراض اللي تصاب فيها بالمانيا او امراض اعتيادية … اما تعويض الاسنان فيسري عليك ما يسري على جميع الالمان من تكاليف … اما الامراض العظمية والوراثية فيدرس وضعها بشكل منفرد

      7 تكاليف دورات اللغة كاملة حتى المستوى المتوسط على حساب الدولة وهالمستوى بيأهلك لتشتغل

      8 بطاقات السفر والتنقل للاطفال على حساب المدرسة
      9 احيانا تكون بطاقات التنقل والسفر للكبار الى مدرسة اللغة اذا كانت بعيدة فوق ال5 كم على حساب الدولة

      المصاريف:

      10 الاكل والشرب بامكانك ان تشتري الخضروات من محلات التافل Tafel باسعار رمزية جدا … مثلا لتر الحليب 20 سنت… او كيلو الموز 50 سنت والبندورة 20 سنت
      11 الملابس توزع من منظمات اجتماعية كالكاريتاس او دياكوني بالمجان او باسعار رمزية جدا *مثلا بوط رياضة اديداس ب5 يورو*وهي كثيرة … بس الشبيبة بتحب تلبس ماركات مو من البالة مشان المنظرة يعني وبرغم هيك في سوق السبت للمستعمل بتلاقي فيه اللي بدك اياه
      فاتورة الكهربا تقريبا 40 يورو شهريا للشخصين وتزداد 10 يورو عالشخص
      الهاتف والانترنت تقريبا شهريا شي 50 يورو عالعائلة

      بطاقة التنقل تقريبا عالشخص 40 ل60 يورو

      يعني بالمشرمحي …. وهالكلام بحكم عملي معهون الراتب بيكفي وزيادة لانه مصروف الشخص غير المدخن شهريا لن يتجاوز المعونة مع كل هالمساعدات واغلب الناس بالمانيا عم تجمع راتبها وكل فترة ببعتوه عا سوريا او بيساعدو اهلون بالسفر لالمانيا ولم اجد شخص خبرني انه راتبه قليل الا اللي مو شبعان ببيت اهلو

    2. دخلك بتساعدني اخ OMG وتقولي انت في اي مقاطعة اومدينة بالمانيا فيها هالمساعدات وجزيت خيرا

  4. نص الخبر ليس بخبر.
    كفانا أوهام.
    إلغاء أو الأحرى ايقاف التعامل بأتفاقيه دبلن بألمانيا تم ربطها بتوزيع اللاجئين من مراكز اللجوء ألى أوربه بدلاُ من المانيا.
    من قبل كان اللاجيء الباصم في حال القبول بلجوء في ألمانيا يحول من المركز الرئيسي لأجدى المدن الالمانيه, أو يعاد لدوله البصمه و هو أمر حصل بحالات نادره.
    الآن المانيا ستضيف خمس مواقع لمخيمات ضمن مواقغ الجيش الألماني اي بالثكنات بالطبع الخروج و التحرك في المدن كما هو الحال اليوم سيكون ممنوعاٌ و غير ممكن.
    اللاجئين الذين بصموا أو لم يبصموا يعاملوا ذات المعامله و لكن بعد قبول لجوئهم سيتم توزيعهم في الدول الأوربيه و ليس في ألمانيا فقط, و العمليه قصريه و نهائيه يعني اذا واحد قبلوه بالمانيا و حولوه لصوفيا ببلغاريا خلاص ما في دخله لألمانيا لأنهم رح ياخدوا بصمه العين اضافه لبصمات اليدين.

    1. كأنه انت قاعد معهون عا طاولة المفاوضات وما النا خبر …. منين جايب هالمعلومات الخنفشعلبية

    2. بيتر أولدنبورغ ولقبه أبو عماد المهاجر .. لما يحكي .. خلاص لازم نبصملو ببصمة العين ..
      واصل الزلمة .. كل يوم المسا لازم ميركل تتصل معو وتحكيلو عن كل شي عملتو بيومها ..
      وأحلا شي .. إذا حولوه لصوفيا ..!!!!!!!!!!!!!!!!! لأن صوفيا من ورثة جدك انت وميركل !!
      آلو صوفيا .. حولنالكن شي 1000 واحد طلعوا استقبلوهن علحدود ..
      صوفيا: حاضر سيدي ..
      لأن الموضوع توزيع علقطعات بعد دورة الأغرار ..

  5. بارك الله في الدول الاروبية الكافرة التي تقدم للمهاجرين السكن و المأكل و الخدمات الصحية و لعن الله الدول العربية و المسلمة التي تقدم لنا السلاح و الارهابيين لنقتل بعضنا البعض

  6. في بداية الثورة كانت كلفة الرحلة إلى ألمانيا بشكل تقريبي تتراوح بين 7000 إلى 10000 يورو وكانت إجراءات اللجوء أشد صرامة من حيث إعادة اللاجئين الذي يملكون بصمة في إحدى الدول مثل بلغاريا و هنغاريا وكان اللاجئون يضطرون إلى الاختفاء ليلا حين الاقتراب من الحدود للعبور بين الدول أما ما نلاحظه الآن فهو تسهيل عملية مرور اللاجئين بدءا من تركيا حيث أن الرحلات تخرج من ازمير وبودروم مع غض السلطات التركية الطرف عنهم وفي الجانب اليوناني نلاحظ كيف تقلهم في وضح النهار إلى حدود مقدونيا ويتم اجتياز الحدود المقدونية في وضح النهار وأمام حرس الحدود الذين يؤمنون القطارات لنقلهم للحدود الصربية المختصر من هذا المقال هناك خطة ممنهجة لتفريغ الشرق الأوسط من المكون البشري تقود هذه العملية المانيا

    1. خطة لتفريغ الشرق الأوسط من المكون البشري! ايه لازم خبراء وعلماء من سوريا يعني شوية شبيحة على شوية تكفيريين. بالمناسبة ماحدن ضربهن على ايدن وقاللهن تعوا لألمانيا عندهن خيارين يابيضلوا مع الجحش أو مع داعش. الخيارين حلوين شي بيحير

  7. المشكلة كتير من السوريين ماعاجبهن. أخي روحوا على دول الخليج الاسلامية اللي فاتحة أبوابها وعم تعطيكون لجوء وشغل ومعونات (هي للمعارضين) أما المؤيدين ليش مابتروحوا على روسيا وايران؟ بالفعل شعب قليل أدب طبعا مو الكل بشان ماأظلم حدا

    1. ما حدا غيرك قليل أدب وتربية وأخلاق …
      كأن ألمانيا من بقية ورثة اللي خلفوك …
      انت حر بطيز اللي بيعجبوا واللي ما بيعجبو ..
      العمى شو هالجحشنة .. الواحد منكم ما بيمون على حدا من عيلتو بكلمة
      بدكن تصيرو محاضرين على الناس ..

  8. ارى من المفيد عدم تحميل النص القانوني اكثر ما يحمل .انه نص قانوني واضح .المانيا جمدت العمل ببصمة دبلن ..بغض النظر عن اي تحليل سياسي ارى القرار مفيدا لشرائح واسعة من ابناء بلدي الى الوصول بامان الى المانيا دون تنغيصات البصمه هنا وهناك التي اجبروا عليها وجاءت فوق حملهم الثقيل اساسا وهم من الفقراء عموما .

  9. الواحد مافي أحلا من بلدو وإزا عطو كنوز الدني مارح ينبسط غير بلدو

  10. الحمد الله أن الدول الأوربية استقبلتنا لكن وين كان نروح عالمخيمات انا قاعدة في ألمانيا وبيعلموني اللغة وعطوني بيت ومعهم حق أن اشتغل لا عم اكل هلا من تعبهم بس ياحسرة وين الحكومات العربية يادوب فاضية مين يلم اكتر

  11. اخي OMGبدك تساعدني بهالمغلومة وتخبرني وين هالمساعدات بتكون باي مقاطعة بالمانيا وانت ساكن باي مدينة وشكرا