لكثرة مخالفات اللاجئين .. ألمانيا : شركة المواصلات الرئيسية في مدينة هانوفر تصدر نشرة إعلانية توضيحية باللغة العربية للمرة الأولى في تاريخها
أفادت صحيفة “هانوفرشه ألغماينة تسايتونغ” يوم الجمعة بأن شركة المواصلات الرئيسية في مدينة هانوفر (Üstra) أصدرت للمرة الأولى في تاريخها نشرة إعلانية تضم معلومات عن استخدام وسائل النقل العامة باللغة العربية إلى جانب الألمانية والانكليزية والفرنسية.
وأشارت الصحيفة، بحسب ما ترجم عكس السير، إلى أن هذه الخطوة جاءت بعد ارتفاع نسبة مخالفات استخدام المترو دون شراء بطاقات بين طالبي اللجوء، مشيرة إلى أن إدارة أكبر مركز لإيواء اللاجئين في مدينة هانوفر ويقع في مشفى شرق المدينة ذكرت مؤخراً أن 90% من المخالفات تحصل لعدم معرفة طالبي اللجوء كيفية التعامل مع نظام بيع البطاقات في الآلات المنتشرة قرب المحطات.
وقال أودو إيفانيك المتحدث باسم شركة (Üstra) إنه ليس بإمكانهم تحديد نسبة اللاجئين بين مرتكبي المخالفات، نظراً لأن العاملين لديهم لا يحصونه المخالفين على هذا النحو، مضيفاً أنه ليس هناك من قوانين خاصة أو متسامحة حيال اللاجئين، معترفاً بصعوبة جمع الغرامات.
وأشار “إيفانيك” إلى أنهم وجدوا أن هناك حاجة إلى المزيد من المعلومات، وهو ما قاموا بوضعها في الكتيب الإعلاني، بشأن نظام التعرفة وكيفية التعامل مع آلات شراء البطاقات و مثاقب التذاكر، إلى جانب مخطط للمدينة وخطوط التنقل بالمترو والحافلات، وبطاقات ” Region-S-Karte ” الخاصة بالأشخاص الذين يتلقون المساعدات الاجتماعية.
وبحسب ما ترجم عكس السير، فقد وزعت الشركة النشرة على مراكز استقبال طالبي اللجوء، كما يمكن الحصول عليها من مركز خدمة الزبائن في المدينة أو الاطلاع عليها عبر الرابط.
اذا بتحطولن نشرات بالعربي وتعليم صوت وصوره لا راح يشترو تذاكر وراح يطلعو مخالفين بدن عنصر من المخابرات بفرع فلسطين شوف كيف بيقطعو تذاكر بدون ترجمه
انا معك مية بالمية.لازم الشدة بتطبيق القوانين.بس لا تخاف عالالمان.هنن هلا صابرين عاللاجئين لانو جدد وللاسف في منهن ضعاف نفوس بيطلعوا بالموصلات بدون تذاكر.بس لما بياخدو اقامات وبمر شهر واحد عالاقامة وبيطلع المفتش وبشوف اقامتو للاجئ بيسلخوا مخالفة ب60 يورو.يعني تقريبا 20% من راتبو.صدقني ما عاد يعيدها بحياتو.فلا تخاف كلو تحت السيطرة.هنن بس عملوا هيك املا يرتدع هالكم حيوان يلي عم يتذاكى عالالمان. كلو حيمشي بالقانو ن وبالصرماية.هون لافي شرطي يتبلى عليك ولا يرتشى. بعد سنة بس من تاريخ دخول المانيا حتلاقي يلي كان بسوريا عامل ازعر واقف عم يقطع الشارع على اشارة المرور وكانو خلقان هون. لما بيطبق االقانون وعقوباتو عالكل بدون استثناء بينتج مجتمع صالح اجباري.وهاد الشي كان موجود بسوريا يوما ما وبدون عنصر مخابرات من فرع فلسطين.بس لما اجا حزب البعث ووصل مرتزقة هنن بيحطوا القوانين وهنن بطبقوها وهنن بحاسبوا يلي ما طبقها وصلت سوريا لهون!!!
للاسف انا الي شايفه بالمانيا اغلب اللاجيئين السوريين من البجم والمتخلفين الي لا عندهم احترام لا لقانون ولاشي ٠
فقعت ضحك لما قرات تعليقك مغترب قديم بالمانيا الا شعبك صعب يتطبق عليه القانون هلا ابو سطام وابو جاسم وخلفان وغيرووووون كتير والله خايف العكس يصير انا خايف الشعب السوري يعلم الالماني على الرشوه او الاحلى بعد اكم سنه اذا صار اللاجئ السوري هوي المفتش هون الرشوه يامعلم :)
لا لا تخاف.اجا لاجئين لالمانيا عبر التاريخ منطلع نحنا قوادم قدامهن.لسا ما شفت لاجئين الاتحاد السوفييتي ووساختهن.نحنا اخرنا منطلع بالباص بلا ما نقطع او منقطع الطريق من مكان مخالف. لا منعمل مافيات مخدرات ولا عصابات سرقة ولا عصابات قتل او غيرو. طول بالك على شعبك شوي. 50 سنة عيشة فلتان وغياب للقانون ما حيروحوا فورا.وما تنس مو كلو هيك.في هيك وفي ناس صارت بالجامعات وبلشت تدرس شوف عيني. عطوهن فرصة بس سنة واتفرجوا عليهن.متل ما سبق وقلتلك كلو حيصير مواطن صالح بالصرماية.المانيا مافي خيار وفقوس.اول مخالفة و60 يورو حيصير هو ينصح غيرو انو يدفع.واول مخالفة لاشارة حمرا حتصور الكاميرا اتوماتيكيا وتوصلو مخالفة ب 120 يورو وحسم 3 نقط من شهادة السواقة وتخلي يحلف بالطلاق انو ما يعيدها. شفت كتير من نمرة خلف وجعيفص يلي خايف منهن. وكلو صار عايش كانو خلقان هون. الفرس من خيالها يا باشا.وفهمك كفاية.