|
هل بدأت حملة تنظيف حلب من المخالفات ؟ .. هدم أكثر من 300 مخالفة والحملة مستمرة الخميس - 22 أيلول - 2011 - 16:08 بتوقيت دمشق
التفاصيل
قام مجلس مدينة حلب بهدم أكثر من 300 مخالفة بناء ، و تنظيم أكثر من 250 ضبط وفق المرسوم 59 خلال الأسابيع الثلاثة الأخيرة . و علم عكس السير أن المخالفات توزعت في معظم قطاعات حلب , حيث كان أكثرها في الأنصاري و باب النيرب و هنانو و قاضي عسكر و الحمدانية و حلب الجديدة و مركز المدينة . ووصف مصدر داخل مجلس مدينة حلب معظم المخالفات التي هدمت بـ " الوقحة " حيث كان معظمها يمثل تعديا على الأملاك العامة و استيلاء على أراضي الغير . كما علم أيضا أن جميع عمليات الهدم تنفذ في الساعات الاولى من الصباح و بمؤازرة ضخمة من قيادة الشرطة و حفظ النظام . يذكر أن محافظ حلب الجديد كان خرج في جولات تفقدية , وأقر بالمستوى المتدني للخدمات في المدينة , وانتشار مخالفات البناء , واعداً بمتابعتها . منال الشامي ـ عكس السير
شارك الخبر على :
|
التعليقات :
جوري
(0)
(0)
حلب من زمان بدها تنظيف مو بس من المخالفات وكمان من الزعران وايقاف كتير من التجاوزات يلي صارت عينك عينك والغاء المحسوبيات والواسطات
محب لحلب
(0)
(0)
بتمنى من المحافظ والمعنيين التوجه للمناطق الشعبية للمخالفات حرصآ على أمن المواطنين المههددة بنياتهم بالوقوع .
الحمدلله صار عنا بحلب ابراج متل دبي
الحمدلله صار عنا بحلب ابراج متل دبي
ramez
(0)
(0)
اي ها من زمان
الله يعطين العافية و لازم يكملو هيك
وعقبال كل حدا مخالف
الله يعطين العافية و لازم يكملو هيك
وعقبال كل حدا مخالف
مهندس
(0)
(0)
اي الله يعطيكن العافية بس ياريت انو الهدم يطال الكل مو على ناس وناس
منشان نحس انو في شي اتغير
منشان نحس انو في شي اتغير
خالد
(0)
(0)
تحية كبيرة لمحافظ حلب و انشاله دائماً هيك بيكون شغله
بس سمحولي في مليون مخالفة بكفر حمرة و ماحدا عم يقلون شو عم تعملو
انا ساكن بكفر حمرة و عم يعمرو الطابق الرابع فوق بيتنا و في كمان بنايتين جبنبنا ماحدا هدلون
والله العظيم هلكونا من العمار ( غبرة و وسخ و نشح و والمياه كل يوم بتشر علينا
مانا مصدقين ايمتى نطلع من هالبيت
رجاء اذا في حدا يوصل هالشكوى للمحافظ
والمياه عن بتنقطع 4 ايام و بتجي 3 ايام
بس سمحولي في مليون مخالفة بكفر حمرة و ماحدا عم يقلون شو عم تعملو
انا ساكن بكفر حمرة و عم يعمرو الطابق الرابع فوق بيتنا و في كمان بنايتين جبنبنا ماحدا هدلون
والله العظيم هلكونا من العمار ( غبرة و وسخ و نشح و والمياه كل يوم بتشر علينا
مانا مصدقين ايمتى نطلع من هالبيت
رجاء اذا في حدا يوصل هالشكوى للمحافظ
والمياه عن بتنقطع 4 ايام و بتجي 3 ايام
سامر من حلب
(0)
(0)
الله يقويهم على المفسدين و الحرامية
ونطالب بهدم جميع الابنية المخالفة التابعة لعائلات ساهمت في توتر الشارع الحلبي المحب لقائده و المخلص لوطنه تحت أسم لجان شعبية .
و ألا ترى المحافظة بعين واحدة
لا نريد رجوع للخلف
الكل تحت القانون
ونطالب بهدم جميع الابنية المخالفة التابعة لعائلات ساهمت في توتر الشارع الحلبي المحب لقائده و المخلص لوطنه تحت أسم لجان شعبية .
و ألا ترى المحافظة بعين واحدة
لا نريد رجوع للخلف
الكل تحت القانون
ابوحلب
(0)
(0)
بتمنى من المحافظ ان يعطي الاوامر بالقبض على كل تجار المخالفات وهم معروفين وتقديمهم للمحاكمة بتهم السرقة ومخالفة القوانين والمتاجرة بحياة الالاف من الابرياء الفقراء
زمرة دمي سوري +
(0)
(0)
يكفي انهلا يوجد تلكؤ ولا تباطوؤ ب اتخاذ القرارات وتنفيذها
لكن اتمنى ان يصدر المخطط التنظيمي بحلته النهائية
كي تتم عملية بناء المشاريع السكنية ولمنع اي من الحجج الي يقوم عليها اصحاب البناء المخالف
كثرة المخالفات تعود الى تقصير المحافظة فبعدد المخالفات يظهر التقصير فيؤدي الى اختناق المواطن لعد عثوره على مسكن لائق به ولارتفاع اثمان السكن النظامي ولقلتة يلجأللسكن العشوائي بكثرته وتوفره
والله مصايبنا كتيرة وكلها بدها حل
لكن اتمنى ان يصدر المخطط التنظيمي بحلته النهائية
كي تتم عملية بناء المشاريع السكنية ولمنع اي من الحجج الي يقوم عليها اصحاب البناء المخالف
كثرة المخالفات تعود الى تقصير المحافظة فبعدد المخالفات يظهر التقصير فيؤدي الى اختناق المواطن لعد عثوره على مسكن لائق به ولارتفاع اثمان السكن النظامي ولقلتة يلجأللسكن العشوائي بكثرته وتوفره
والله مصايبنا كتيرة وكلها بدها حل
فادي
(0)
(0)
والله حاج مخالفات
******
(0)
(0)
خبر حلو..
جميل
(0)
(0)
ياريت من سيادة المحافظ ... الإطلاع على مخالفة واضحه جداً جداً ,ارجو من عكس السير المتابعه ... المخالفه هي أمام مشفى الوفاء بالضبط ( الفيض ... نزلة الحريري ) بنايه صارت عباره عن 8 طوابق وبالأساس هي كانت 6
محمود كرباج
(0)
(0)
ولسه الدور ع الباقي لبين ما يطهر حلب من وساخة بعض أهلها .. واحد اسمو يوسف بلوة بنى 4 غرف مخالفة بحارتنا بالحمدانية 606 فيلات وقدموا الجيران 4 بلاغات لقطاع الأنصاري بدون فايدة .. باتمنى الرسالة توصل ع النت لسيادة المحافظ ما دام الورق ما وصل
فاعل خيرررررررر
(0)
(0)
طيب ليش من الاساس خليتون يعمرو بعدين عم تخربووووووووووو
عقبال على بسطات سيف الدولة والتلل
عقبال على بسطات سيف الدولة والتلل
عرين الأسد
(0)
(0)
نحن مجموعة شباب عرين الأسد
نطالب من سيادة محافظ دمشق هدم كل المخالفات و تغريمها
نطالب من سيادة محافظ دمشق هدم كل المخالفات و تغريمها
سوري وافتخر
(0)
(0)
والله بدنا ميه سنه لحتى نصير خلق وعالم الواحد فينا بس صار عندو فرصه بدو ياكول البلد ومو حاسس الله يرحمنا احسن شي
حلب
(0)
(0)
بلا مسخرة و استحمار .. مين سمح بالمخالفات و طنشها و لم يطبق القانون و لم يقوم بمحاسبة المهندسين اللي طنشوا المخالفات مثل ما طنشوا البسطات !!! الجرائم مكشوفة و وقحة
حلبي حلبي
(0)
(0)
ندعو للمحافظ الجديد بالتوفيق وندعوه لمكافحة ظاهرة الزعران في بستان القصر الذين يقومون بالاستيلاء على اسطح البنايات ويعمروها عنوة وغصبا عن ساكنيها ومثال على ذلك لا الحصر اسطح بنايات المساكن الشعبيةو بناية بن اثينا سوق الخضرةو بناية جانب بسط الكهرباء شارع خلف سوق الخضرة وغيرها و... و.... كتير وكتير بقوموا بالتعمير والبيع ويبحثون عن سطح جديد ليعمروه وهم المصاري بتقع في جيوبهم والبنايات بتقع على رؤس ساكنيها لا سمح الله ومعظمهم من الخضرجية وبائعي البسطات في بستان القصر يعني مابيكفي استيلاؤهم على شوارع بستان القصر وارصفتها ومعاكسة النساء والمارة وخلق الفوضى المرورية وترك مخلفات القمامة وراؤهم بيقوموا هؤلاء الزعران بالاستيلاء على اسطح البنايات غصبا وجبرا وقهرا عن السكان وكل الرجاء من عكس السير متابعة هذه الظاهرة الخطيرة على ارواح السكان في بستان القصر خوفا من سقوط بناية فوق ساكنيها ولا احد من السكان يجرؤ على الشكوى خوفا من بطشهم سوى شكوى واحدة تابعها احد تجار البناء خوفا من ملاحقته مستقبلا كونهم استولوا على سطح بناية عائدة له كونه هو من عمرها سابقا وشكواه لم تلقى آذانا صاغية
yyyy
(0)
(0)
في سيف الدوله أمام الحديقه شارع الحارث بن كلده بناء 8
مواطن
(0)
(0)
ما الفائدة اذا لم ننتبه ان لم يتكرر الموضوع فمثلاً و منذ فترة قام قطاع حلب الجديدة بهدم مجموعة من المخالفات قائمة على ارض ملك دولة مخصصة للاوتستراد الرئيسي ( المحلق الرابع ) و الآن عاد اهل المنطقة الى البناء من جديد و لو أن القطاع قص الموضوع الآن احسن من بعد ما تكتر المخالفات و ترجع تتحول لمنطقة مخالفات كبيرة جديدة تستوجب مرة تانية حفظ نظام و جيش و ..... الخ
مواطن
(0)
(0)
ما الفائدة اذا لم ننتبه ان لم يتكرر الموضوع فمثلاً و منذ فترة قام قطاع حلب الجديدة بهدم مجموعة من المخالفات قائمة على ارض ملك دولة مخصصة للاوتستراد الرئيسي ( المحلق الرابع ) و الآن عاد اهل المنطقة الى البناء من جديد و لو أن القطاع قص الموضوع الآن احسن من بعد ما تكتر المخالفات و ترجع تتحول لمنطقة مخالفات كبيرة جديدة تستوجب مرة تانية حفظ نظام و جيش و ..... الخ
نرجو من عكس السير المتابعة
نرجو من عكس السير المتابعة
مهندس
(0)
(0)
التحية والشكر للسيد محافظ حلب ..
لقد لمسنا الكثير من الأمور الإيجابية منذ استلامه مسؤولية المحافظة وكان أبرزها :
1- توقيف العمل ببعض المشاريع لحين الانتهاء من اتمام المراحل المنفذة سابقاً مع تأكيده على الالتزام بدقة التنفيذ حسب المواصفات المعتمدة في دفتر الشروط والمواصفات الفنية .
2- الاهتمام بموضوع النظافة مع المتابعة .
3- عودة رجال المرور لضبط المرور حسب القوانين والأنظمة المرعية مع ملاحظة تحلي الكثير منهم بالخلق الحسن والابتعاد عن الفظاظة والتسامح في حالات الأخطاء الصغيرة غير المقصودة .
4- النية الحقيقية والصادقة لحل موضوع المخالفات وكبح جماحها وذلك عن طريق الأفعال بعيداً عن الأقوال .. قد يقول قائل يا أخي حرام إزالة هذه المخالفات فهنالك الفقراء ممن بنى فسكن ..!!
أقول له : إذا لم يكن هو حريصاً على نفسه وعلى الآخرين فمن واجب الحكومة الحرص عليه وعليهم من
الأذى الذي قد يلحق بهم نتيجة عدم مطابقة الكثير من المخالفات لقواعد السلامة العامة عدا عن أذية الجوار والتعدي على الأملاك العامة والخاصة وانتهاك حقوق الآخرين .
هذه بعض النقاط ذكرتها من باب إيلاء الشكر للسيد المحافظ لما يقوم به من حفظٍ للأمانة المكلف بها وأتمنى له دوام التوفيق والنجاح في عمله وبما فيه الخير والصلاح للعباد والبلاد ..
لقد لمسنا الكثير من الأمور الإيجابية منذ استلامه مسؤولية المحافظة وكان أبرزها :
1- توقيف العمل ببعض المشاريع لحين الانتهاء من اتمام المراحل المنفذة سابقاً مع تأكيده على الالتزام بدقة التنفيذ حسب المواصفات المعتمدة في دفتر الشروط والمواصفات الفنية .
2- الاهتمام بموضوع النظافة مع المتابعة .
3- عودة رجال المرور لضبط المرور حسب القوانين والأنظمة المرعية مع ملاحظة تحلي الكثير منهم بالخلق الحسن والابتعاد عن الفظاظة والتسامح في حالات الأخطاء الصغيرة غير المقصودة .
4- النية الحقيقية والصادقة لحل موضوع المخالفات وكبح جماحها وذلك عن طريق الأفعال بعيداً عن الأقوال .. قد يقول قائل يا أخي حرام إزالة هذه المخالفات فهنالك الفقراء ممن بنى فسكن ..!!
أقول له : إذا لم يكن هو حريصاً على نفسه وعلى الآخرين فمن واجب الحكومة الحرص عليه وعليهم من
الأذى الذي قد يلحق بهم نتيجة عدم مطابقة الكثير من المخالفات لقواعد السلامة العامة عدا عن أذية الجوار والتعدي على الأملاك العامة والخاصة وانتهاك حقوق الآخرين .
هذه بعض النقاط ذكرتها من باب إيلاء الشكر للسيد المحافظ لما يقوم به من حفظٍ للأمانة المكلف بها وأتمنى له دوام التوفيق والنجاح في عمله وبما فيه الخير والصلاح للعباد والبلاد ..
حلبي
(0)
(0)
شكرا على هل مكافئة اهل حلب في قمع المخالفات على اساس في محاضر في حلب يوجد ترخيص كل حلب املاك عامة كفاية خراب وقمع هذه اهل حلب وصى فيها سيادة الرئيس بشار حافظ الاسد رجاء حسم وتنظيم هل المخالفات اهل حلب شعب طيب وكريم يا محافظ حلب كفاية خراب رجاء متابعة في حسم وترخيص الى شعب حلب كريم وطيب
حلبي
(0)
(0)
ارجو من سيادة المحافظ زيارة جمعية تشرين في الحمدانية وشكرا
حلب دوار السياسية
(0)
(0)
سيادة محافظ حلب مبارك علينا استلامك المحافظة نحن دوار تلفون هوائي او ما يدعى دوار السياسية نعاني من اهل المحلات التي تقريبا لا تغلق ابدا
و نخص بالذكر ازهار اللورد و محل الكوي الكرنفال اللي عامل المحل متل المضافة فتراه يضع الكراسي بالجملة و يجلس الاحباب و الجيران و يتوسطهم ابريق الشاي و الاركيلة
لها نصيب و اسمع الاصوات و التصرفات اللي بتطلع بعدين و اصواتهم تصل لطوابق و لا نستطيع النوم الا بعد ما ينفض المولد او يغلق المحل
نحن سيدي لا نبالغ بل نعاني و نعاني على امل الله يهدي النفوس و ترجع سورية قوية بقيادة الرئيس بشار الاسد
و نخص بالذكر ازهار اللورد و محل الكوي الكرنفال اللي عامل المحل متل المضافة فتراه يضع الكراسي بالجملة و يجلس الاحباب و الجيران و يتوسطهم ابريق الشاي و الاركيلة
لها نصيب و اسمع الاصوات و التصرفات اللي بتطلع بعدين و اصواتهم تصل لطوابق و لا نستطيع النوم الا بعد ما ينفض المولد او يغلق المحل
نحن سيدي لا نبالغ بل نعاني و نعاني على امل الله يهدي النفوس و ترجع سورية قوية بقيادة الرئيس بشار الاسد
تلفون هوائي
(0)
(0)
قطاع السليمانية يعاني من الفوضى و قلة الاهتمام فمثلا ما ضل اباجور الا و صار محل - اخذ الارصفة للجلوس و الاركيلة و لعب الورق و الطاولة - فتح المحلات 24/24 ساعة و ازعاج للجوار و كان محلاتهم في الصحراء -
السيد المحافظ الله يعطيك العافية
(0)
(0)
لا تنسى مشروع جسر ميسلون بعد ما كان غابة اصبح كالصحراء من انعدام الخضار فيه و البلدية في كل شكوى تقول جاي دوركم و راح يصير تلات سنوات على التدشين و تغير محافظين و الدور ما ..............
سوري
(0)
(0)
برافو لازم يهدو كل المخالفات ما واحد مدعوم بتركوه و فقير بتهدولو.
مصطفى حوت
(0)
(0)
خلف رودكو - بناء شيخ البساتنة المقابل للحديقة
طابقين .. أرجوك حضرة المحافظ موفق وفقك الله
طابقين .. أرجوك حضرة المحافظ موفق وفقك الله
فايق من زمان
(0)
(0)
بحلب بس 300 مخالفة ولو حسبنا كم ليرة هدرت منشان هالمخالفات بي بيطلع 300 مليون وعلى فرض أنو كل مخالفة بس مكلفة مليون!!!!!!!!! ما عدا مصاريفها, سواء راحت من جيب المخالف أو الحكومة , فهي رايحة هدر من اقتصادنا والسؤااااااااااااااااااااااااال؟
لماذا تم السماح بالمخالفة أصلا؟
هل كرمال عيون حلب وأهل حلب؟
أم هل لكي نصفح بحرارة عندما يصحح المسؤول أخطاءه؟
أم هل لكي يحصل المسؤول ما يمكن تحصيله من تجار المخالفات, وبعدها يهدم ( علي وعلى أعدائي )
أسئلة برسم الإجابة........
لماذا تم السماح بالمخالفة أصلا؟
هل كرمال عيون حلب وأهل حلب؟
أم هل لكي نصفح بحرارة عندما يصحح المسؤول أخطاءه؟
أم هل لكي يحصل المسؤول ما يمكن تحصيله من تجار المخالفات, وبعدها يهدم ( علي وعلى أعدائي )
أسئلة برسم الإجابة........
دمعة حزن
(0)
(0)
ولكن الى الامام ولاتكن عصاكم على الفقراء فقط ولتكن على الاغنياء بنايه الباش مقابل عويجه قصر الضيافه وتشكر
مراقب
(0)
(0)
سيادة المحافظ اربعة مليون حلبي عينهم عليك ... امشي عدل يحتار عدوك فيك.. من مبدأ الساكت عن الخطأ.. ومن توجه القيادة للاصلاح وضرب الفاسدبن..
يرجى عدم ترك المخالفات المهولة لبعض اصحاب النفوذ ممن تبرعوا كلجان شعبية في صلاح الدين والقيادة منهم براء..
وكل ذلك لتغطية اعمالهم المخالفة للقانون.. بمكن صاروا اقوى من القانون ؟؟؟
يرجى عدم ترك المخالفات المهولة لبعض اصحاب النفوذ ممن تبرعوا كلجان شعبية في صلاح الدين والقيادة منهم براء..
وكل ذلك لتغطية اعمالهم المخالفة للقانون.. بمكن صاروا اقوى من القانون ؟؟؟
روز
(0)
(0)
بتمنى حملة هالتنضيف تشمل كل المخالفات مو ناس و ناس مو بس نحاسب هالناس الفقرا اللي مو ملاقيين مكان . بالاضافة لازم يكون في حل لمشكلة هالسكن . على كل حال شكرا للمحافظ وانشالله بلدنا بتصير أحسن و أحسن .
صالح
(0)
(0)
يعني السيد المحافظ ما قدر أنه الناس يلي مو بانية بأملاك دولة هي حاطة دم قلبها و بايعة يلي فوقها و يلي تحتها بس لحتى تنستر تحت سقف هي و أولادها .
معقول يهدموا بيوتها فوق راسها و بهادا الظرف و الوضع الحساس إن كان مادياً أو أمنياً . بعدين سمعنا أنه مجلس الوزراء عبيقر مشروع لتعديل المرسوم الخاص بالبناء و السماح بالبناء إن راعى شروط الأمانة و عدة أمور أخرى .. لهيك فيه كان أبو عنتر يتروى و ما يخرب بيوت الناس يلي عمرت من بعد ما سمحتولها أنتو
معقول يهدموا بيوتها فوق راسها و بهادا الظرف و الوضع الحساس إن كان مادياً أو أمنياً . بعدين سمعنا أنه مجلس الوزراء عبيقر مشروع لتعديل المرسوم الخاص بالبناء و السماح بالبناء إن راعى شروط الأمانة و عدة أمور أخرى .. لهيك فيه كان أبو عنتر يتروى و ما يخرب بيوت الناس يلي عمرت من بعد ما سمحتولها أنتو
المحامي احمد
(0)
(0)
بصراحه باتت المخالفات مقلقه للناس جدا و بدا تماماً علائم الاستهتار بالقوانين و اللعب عالمكشوف و استغلال ما تتعرض له البلد من أزمة و لكن هذا لا يعني قطعا الاستغلال و انتهاك القوانين و حتى حقوق الناس فلا أحد يرضى بتصرف البعض من الانتهازيين المستغلين للظروف و القيام بالبناء المخالف الذي تجاوز أي تصور , لذا كل أهالي حلب يشكرون الخطوة الرائده لايقاف التجاوزات و منع المستغلين
سوري
(0)
(0)
نرجو من المسؤولين الكرام أصدار قانون صارم يقضي بالحبس لمدة تتجاوز خمسة سنوات وغرامه لا تقل عن عشرة ملايين كل من يخالف في البناء ,,,,
نتمنى من الحكومه اصدار قونين صارمه وقويه كل من يخالف القوانين حتى كل من يرمي النفايات في الشوارع حتى لو منديل يحبس و يدفع غرامه كبيره جدا
نتمنى من الحكومه اصدار قونين صارمه وقويه كل من يخالف القوانين حتى كل من يرمي النفايات في الشوارع حتى لو منديل يحبس و يدفع غرامه كبيره جدا
Rammstein
(0)
(0)
يا ربي بس لا تكون فورة كازوزة... وتخلص بسرعة وإنشاء الله تكون فورة معمل كازوز.... وما تخلص
محافظ حلب مع التحية
(0)
(0)
الله يعطيكم العافية اولا
كثيرة الشكاوي من الرصيف الممتد من سوق ميسلون الى دوار التلفون الهوائي ما يدعى دوار السياسية
فالرصيف ليس للمارة انما هو لاصحاب المحلات و جلوسهم و عملهم
فمثلا ازهار طيبة من فترة تم تشميع المحل بسبب اشغال الرصيف
و عند فتح المحل وبنفس الساعة وضع سيب ازهار امام محله بالعرض و سد الرصيف طول اليوم
مع العلم ان الرصيف لا يتجاوز المتر الواحد
والان اصبح يصف شجرات زينة على الرصيف والشارع يعني ما بدوا مشاة و لا سيارات امام محلوا
فرجاء رجاء من مسؤولي حلب ان كنت لا تستطيعون تعريض الرصيف
على الاقل تنظيف الرصيف من هيك عالم واعمالهم وجلوسهم ووضع صواني الحلو
شكككككككككككككككككككرا لكم مقدما
كثيرة الشكاوي من الرصيف الممتد من سوق ميسلون الى دوار التلفون الهوائي ما يدعى دوار السياسية
فالرصيف ليس للمارة انما هو لاصحاب المحلات و جلوسهم و عملهم
فمثلا ازهار طيبة من فترة تم تشميع المحل بسبب اشغال الرصيف
و عند فتح المحل وبنفس الساعة وضع سيب ازهار امام محله بالعرض و سد الرصيف طول اليوم
مع العلم ان الرصيف لا يتجاوز المتر الواحد
والان اصبح يصف شجرات زينة على الرصيف والشارع يعني ما بدوا مشاة و لا سيارات امام محلوا
فرجاء رجاء من مسؤولي حلب ان كنت لا تستطيعون تعريض الرصيف
على الاقل تنظيف الرصيف من هيك عالم واعمالهم وجلوسهم ووضع صواني الحلو
شكككككككككككككككككككرا لكم مقدما
مواطن حر
(0)
(0)
الاشرفية خلف الكولدن سيتي صارت بيوت عربية امتا بدكن تهدوا موفقينننن
انا سوري
(0)
(0)
شكراً للسيد المحافظ على جهوده الرائعة ,,,,,,, نتمنى ان يبقى الوضع بهذه الهمة و يكون النظام و الانضباط هو الجو السائد بالمدينة ,,,,,, اتمنى النظر إلى البسطات ايضاً بكل مكان و إلى النظافة في الشوارع ,,,,,, شكراً لكل ذرة عرق تساهم في سبيل السير قدماً نحو النظام و الانضباط و التحضر .
Leo 10
(0)
(0)
الله محييك يامحافظنا الجديد ونتمنا لك التوفيق
احمد
(0)
(0)
رجع الوضع لسابقه وصار الى بدو يعمر لازم يرشي اويكون عندنو واسطة كبيرة يتستر بها عن عيون البلدية
ريما
(0)
(0)
لا تعليق
أحمدالمتيم عاشق سوريا
(0)
(0)
أولاً : يعطيكم العافية على هل الجهود يلي لازم تصير من زمان لازم أنكون بلد حضاري وأبنية موحدة لأنو رح يكون أجمل لمابكون البناء موحد
بس لازم نسئل حالنا ليش الناس ركدت على العمار بتعرفو ليش
أنا رح ئلكون شو مصلحتي أنا نجار باتون
يعني عامل
وصرلي 3سنوات مافي عنا شغل وقف البلد فرد وقفة
ترخيص ماتم
والعالم أستغلت هل الفرصة لأنو كانو مخنوئين
في ناس عمرت مشان التجارة انا بئيدك سيدي المحافظ إذا خربتولون لأنو هدول هنن يلي أستغلو وضع البلد
وفي ناس عمرت مشان تسكون لأنو كانو بل أجار مثلاً
وفي ناس عمرو مشان يجوزو ولد من ولادون لأنو بكون صار عمرو 1000 سنة ومامعو يجوز
المشكلة الغلا عنا كتير صعب انا شب عمري 23 سنة ئيمت بدي أجوز أنا رح أقول لكم سيدي يمكن بل 2025 بحسن بجوز بكو صمدت خمسمئة ألف ليرة بحسن بستئجر ومابساوي عرس نسوان بس لأنو مارح يكفو المصاري أعمل عرس رجال وبكون صار عمري هداك الوقت 36 سنة طيب شو الحل برئيكم سيدي بلي عمر مشان يجوز بس مو أكتر مشان يجوز أو يستر حالو ويخلص من الأجار وبارك الله فيكم
ولعن الله التجار الذين أستغلو البلد في ظروفه لمصلحتهم لأنهم أعداء هذا البلد
وحما الله قائدنا المفدا بشار الأسد
بس لازم نسئل حالنا ليش الناس ركدت على العمار بتعرفو ليش
أنا رح ئلكون شو مصلحتي أنا نجار باتون
يعني عامل
وصرلي 3سنوات مافي عنا شغل وقف البلد فرد وقفة
ترخيص ماتم
والعالم أستغلت هل الفرصة لأنو كانو مخنوئين
في ناس عمرت مشان التجارة انا بئيدك سيدي المحافظ إذا خربتولون لأنو هدول هنن يلي أستغلو وضع البلد
وفي ناس عمرت مشان تسكون لأنو كانو بل أجار مثلاً
وفي ناس عمرو مشان يجوزو ولد من ولادون لأنو بكون صار عمرو 1000 سنة ومامعو يجوز
المشكلة الغلا عنا كتير صعب انا شب عمري 23 سنة ئيمت بدي أجوز أنا رح أقول لكم سيدي يمكن بل 2025 بحسن بجوز بكو صمدت خمسمئة ألف ليرة بحسن بستئجر ومابساوي عرس نسوان بس لأنو مارح يكفو المصاري أعمل عرس رجال وبكون صار عمري هداك الوقت 36 سنة طيب شو الحل برئيكم سيدي بلي عمر مشان يجوز بس مو أكتر مشان يجوز أو يستر حالو ويخلص من الأجار وبارك الله فيكم
ولعن الله التجار الذين أستغلو البلد في ظروفه لمصلحتهم لأنهم أعداء هذا البلد
وحما الله قائدنا المفدا بشار الأسد
ميدو الحلبي
(0)
(0)
شو بدون يهدوا ليهدوا؟؟؟
حلب صارت كلها مخالفات
ما عاد تمر بشارع بحلب الا وتشوف كم مخالفة
ليش لسمحوا بهالشي من الاول؟؟؟؟؟؟
حلب صارت كلها مخالفات
ما عاد تمر بشارع بحلب الا وتشوف كم مخالفة
ليش لسمحوا بهالشي من الاول؟؟؟؟؟؟
محب حلب
(0)
(0)
أرجو من المحافظة المرور أيضاً على المخالفات في المناطق الراقية بحلب متل الشهباء و الموكامبو و المحافظة و حي السبيل .. في ناس عمروا طوابق كاملة و العمار كان يتم بنص الليل ... في مثال بناية أمام فرن الموكامبو طلعوا الشباب طابقين وكل طابق سعرو بهالمنطقة حوالي 30 مليون ليرة
ضروري كتير
(0)
(0)
ضروري كتير ازالة البصطات بسيف الدولة التي هي تجمع من الزعران والتي تسيء للدولة وللمجتمع وتفقد الثقة للمواطن احساسه بالاْمان عدا سرقة الكهرباء من الاعمدة وتسبب بمشاكل خطيرة ارجوك يا سيادة المحافظ الكريم والف شكر لجهودكم
سامي
(0)
(0)
سوال ليش الفقير لو (لو) في معو كان سكان في المخالفات ولا انتو شافين هي هواي عن الشعب عيب يا ناس البيت الطابو حقو اقل من 5 مليون مافي يعني راتب موظف 41 سنة منين بدو يجيب بتقولو ليش الفساد
viper
(0)
(0)
من الصور مبين انه المكان خارج حلب او على الاقل في مكان مكشوف ،
الحكي على صلاح الدين ،الفردوس.
بعدين ليش الهدم عبيصير لناس وناس ؟
الحكي على صلاح الدين ،الفردوس.
بعدين ليش الهدم عبيصير لناس وناس ؟
نور الحلبي
(0)
(0)
ولكن الى الامام ولاتكن عصاكم على الفقراء فقط ولتكن على الاغنياء
مستغرب
(0)
(0)
قالت العصفورة بأن الذي بنى محلان تجاريان ممتدان الى الشارع العام ووضع حائط قرميدي حول حديقة منزله في مساكن هنانو شارع الفرن هو موظف مهم في بلدية هنانو ؟؟؟ ما هو رأي سيادة المحافظ
حلبي مظلوم
(0)
(0)
حي الأندلس بـ كفر حمرة الترخيص مسموح لمعلق طابق اول و ثاني
و حاليا بديو بالطوابق التالتة
و بلا تراخيص
و الجريان جمعهم متضايقون من العمار و الغبار
شوفولنا حل
نحن منتحمل الدق و الحفر و الأصوات
بس شوفولنا انو التالت.. مرخص ؟؟؟ !!!!
و لحقونا دخيل الله
محب حلبي
(0)
(0)
شكرا من القلب لكل من ساهم ويساهم في إزالة الفوضى في زمن التطور
شكرا السيد المحافظ
الرجاء الإهتمام بالمخالفات الكبيرة الموجودة خلف صالات الكولدن سيتي في منطقة الأشرفية فالفوضى الموجودة هناك لايمكن السكوت عنها
الرجاء ملاحظة بناء برجية في شارع مشفى الوفاء بحلب
شكرا السيد المحافظ
الرجاء الإهتمام بالمخالفات الكبيرة الموجودة خلف صالات الكولدن سيتي في منطقة الأشرفية فالفوضى الموجودة هناك لايمكن السكوت عنها
الرجاء ملاحظة بناء برجية في شارع مشفى الوفاء بحلب
محمود
(0)
(0)
ياريت من سيادة المحافظ ... الإطلاع على مخالفة واضحه جداً جداً ,ارجو من عكس السير المتابعه ... المخالفه هي تجاوز على المساحة الممنوحة العنوان كفر حمره حي الاندلس محضر 1105 مع العلم يوجد أكثر من شكوى مسجلة في البلدية .......هل من موجيب
سامر
(0)
(0)
اي رحو شوفو صلاح الدين صار عنا ابراج ماشاء الله لاسمح الله يصير عنا هزة ارضية والنتائج معروفة
واحد من الناس
(0)
(0)
حتى مايكون على ناس وناس الرجاااااء مخالفات يلي عم تصير عند مفرق الدوحة الزعران يلي عم يبنو عم يتحدوا انو حدا يهدلون وعم يهددو يلي بشتكي الرجاء مابدنا خيار وفقوس القانون فوق الجميع والرجاء بتمنى اني اشوف البلدية عم تهد المخالفات يلي عم تصير وخاصة عند مفرق حارتنا لااحس انو كل الناس متل بعضنا ناطركون ياشباب بمفرق الدوحة
syrian
(0)
(0)
أرجو من سبادة المحافظ ارسال دويات من قبل مخفر الشرطة وخاصة في مساكن هنا نو مشان ترجع الامور مثل ماكانت بسبب المشاكل يللي عب تصيير يعني دوريات بالسيارات وتلم ه الزعران الموجدة في الشوارع
باسم مساكن هنانو و أهلا منحيي المحافظ ومن باركلو بالمنصب الجديد
باسم مساكن هنانو و أهلا منحيي المحافظ ومن باركلو بالمنصب الجديد
sonic
(0)
(0)
السيد المحافظ الظاهر رئيس قطاع الحمدانية ما شاف المخالفة المشيدة في الحمدانية والتي هي بناء غرفة في حديقة تقع امام البناء (( الحديقة خارج البناء )الحديقة ارض للدولة ) والواقعة في الحي الثالث ادخار داخل اول ساحة المغلقة
حلبي
(0)
(0)
ولك الله محي اصل المحافظ خلي حلب تنظف بقى وحاج لسا كل يغني على ليلاه وقاعدين عم يبنو ويخالفو مشالله صار هنا برجيات وفي بنايات بصلاح الدين ارتقو لمستوا ناطحات سحاب وفي بنايات واقفة بقدرالله من خطيت الناس الي ساكنة فيها حاج بقى لازم ينوضعلون حدا الله يقدر المحافظ لخير هل المحافظة الي صار لازم تنضف
@
(0)
(0)
سمعنا صار فيها فراغة للاراضي المحتلة من التجار بصلاح الدين بملبغ $$$$$
سامر سامر
(0)
(0)
مشكور سيادة المحافظ ولو تم الهدم في جميع المناطق كل منطقة عدة مخالفات لتوقف البدء بمخالفات جديدة - وهون يجب الاستعانة بالجيش لتنفيذ مثل هذه المهمات الحساسة كي لايتجرا احد على منع الحكومة من تطبيق القانون وتعود هيبة الدولة -
هناك مخالفة واضحة في الحمدانية مشروع 3000 شقة محضر 29 امتداد الصيدلية لنهاية الحديقة -سابع بناية على اليسار من الشارع الرئيسي مخالفة واضحة على شارع رئيسي امام الاكاديمية
والد الصيدلانية عميد متقاعد فاكر حاله القانون لايطبق عليه
ونسي ان الاسد ليس لديه تجاوزات وسيطبق القانون على الجميع --والله محيي مطبقين القانون الاحرار
هناك مخالفة واضحة في الحمدانية مشروع 3000 شقة محضر 29 امتداد الصيدلية لنهاية الحديقة -سابع بناية على اليسار من الشارع الرئيسي مخالفة واضحة على شارع رئيسي امام الاكاديمية
والد الصيدلانية عميد متقاعد فاكر حاله القانون لايطبق عليه
ونسي ان الاسد ليس لديه تجاوزات وسيطبق القانون على الجميع --والله محيي مطبقين القانون الاحرار
me
(0)
(0)
السيد محافظ حل بالمحترم، نرجو منك الحضور الى قطاع السريان الجديدة وتروح على الطريق اللي نازل من الاشرفية باتجاه مشفى شيحان وشوف بعينك ضيعة بحالها تعمرت خلال شهر انا كل يوم بشوفون لما بطريقي ع الشغل ومو بس هيك يعني نصبو علم سورية كمان للحماية على اساس... منشان الله روح شوف
عبدالله حسن
(0)
(0)
على ناس ونااااااااااااااااااااااس
سمير
(0)
(0)
شكرا لمحافظ حلب صدق الله تعبا
من الغبرة والتحفير والصب في ظلام الليل والسرقة والتعدي
بس في مخالفات في الشوارع الفرعية على اراضي مخصصة للخدمات في صلاح الدين امام باب الثانوية الشرعية اربعة مخالفات لم تهدم وهناك عصابات تهدد اهل المنطقة في حال الشكوى عليهم نرجو من عكس السير التوجيه لهذه المخالفات
لانها تقام بالتعاون مع القطاع
من الغبرة والتحفير والصب في ظلام الليل والسرقة والتعدي
بس في مخالفات في الشوارع الفرعية على اراضي مخصصة للخدمات في صلاح الدين امام باب الثانوية الشرعية اربعة مخالفات لم تهدم وهناك عصابات تهدد اهل المنطقة في حال الشكوى عليهم نرجو من عكس السير التوجيه لهذه المخالفات
لانها تقام بالتعاون مع القطاع
مواطن طموح للحضارة
(0)
(0)
الله يعطيكم العافية
امتى بدوا يجي دور المخالفات في شارع النيل الرئيسي والشوارع المتفرعة عنه وخاصة غضافة طوابق على بناء قديم ؟؟
امتى بدوا يجي دور المخالفات في شارع النيل الرئيسي والشوارع المتفرعة عنه وخاصة غضافة طوابق على بناء قديم ؟؟
خـــــــــــــــــــــدمه
(0)
(0)
في إدام باب ملعب الحمدانيه الكبير ... بعد مفرق الملاهي ... الله يعزكم ( عند الكاويات ) شخص عمر 4 طوابق ماعدا الطابق الأول من دون ماحدا يقول ليش ... والأخ سكن بالطابق الأخير وال 4 طوابق يلي تحتو فوراً وبلمح البصر عطاهم رهنيه ... وفوق الطابق الخامس كمان عمر غرفتين ومنافع ...
ومكان تاني مقابل بيتي بنايه ... جنب مشفى الوفاء ... بنايه كانت من طابقين وبعدين صارت 5 وهلاء صارت برجيه من 8 طوابق وكذا مهندس إجا وشاف البنايه مايله لطرف المشفى ... بس مافي حدا سائل ... والعنوان تحديداً نزلة الحريري ( الكرة الأرضيه ) جانب مشفى الوفاء تماما ... حجبوا عن بيتي الشمس الله يحجب النور عن عيونهم ... وفوق منها عميربوا حمام عالأساطيح وهالكيني بالتصفير والنطوطه من سطوح لسطوح ... مابقيت أسترجي أقعد عالبلكون .
ومكان تاني مقابل بيتي بنايه ... جنب مشفى الوفاء ... بنايه كانت من طابقين وبعدين صارت 5 وهلاء صارت برجيه من 8 طوابق وكذا مهندس إجا وشاف البنايه مايله لطرف المشفى ... بس مافي حدا سائل ... والعنوان تحديداً نزلة الحريري ( الكرة الأرضيه ) جانب مشفى الوفاء تماما ... حجبوا عن بيتي الشمس الله يحجب النور عن عيونهم ... وفوق منها عميربوا حمام عالأساطيح وهالكيني بالتصفير والنطوطه من سطوح لسطوح ... مابقيت أسترجي أقعد عالبلكون .
عصام
(0)
(0)
حسبي الله ونعم الوكيل
يعني يلي معو ليرتين مجمعهن وعمر فيهن ليستر حالو أو يجوز ابنو راحوا ومارح يعوضو ابنو بنايات وبسعر معقول يتناسب مع الراتب المقدم من الدولة وساعتها هدوا المخالفات متل مابدكن
يعني يلي معو ليرتين مجمعهن وعمر فيهن ليستر حالو أو يجوز ابنو راحوا ومارح يعوضو ابنو بنايات وبسعر معقول يتناسب مع الراتب المقدم من الدولة وساعتها هدوا المخالفات متل مابدكن
عربي سوري
(0)
(0)
في حي السريان القديم امام مطحنة العدس وبلصق كولبة الشرطة يقوم احدهم الان بالتعدي على الارض المخصصة كحديقة ويبني عليها بيتا له علما انها املاك عامة نرجو العمل على هدمها
الحل بالبتر
(0)
(0)
قامت دورية تابعة للمحافظة في مدينة حلب صباح هذا اليوم الاحد بهدم بعض مخالفات البناء في منطقة حي الراشدين طريق دمشق الحي الخامس مدعومة بعناصر حفظ النظام
مما أدى إلى رشق الدورية من قبل بعض العمال وتجار المخالفات بالحجارة مما استدعى قوات حفظ النظام إلى إطلاق القنابل المسيلة للدموع بالقرب من مدرسة الحي المذكور
مما أدى إلى إصابةالتلاميذ بالرعب والهلع وحالات إغماء من هذا المشهد الذي يشاهدوا مثله يوميا على الفضائيات علما بأن المدرسة المذكورة
مؤلفة من غرفتين على أرض غير مسيجة .مما استدعى طلب مدير المدرسة (لؤي الأحمد) التدخل و طلب من قوات حفظ النظام مراعاة وجود المدرسة والأطفال
وقام الضابط المسؤول بالإعتذار عما حصل بدون قصد من قوات حفظ النظام مشكورين وبعد هروب العمال تمت إزالة بعض المخالفات
كل الشكر للإستاذ لؤي الأحمدعلى احتضانه الأطفال الصغار الذين كانوا في المدرسة نرجو من وزارة التربية النظر بعين العطف لهؤلاء
الاطفال وتأمين البديل لما يسمى بالمدرسة المؤلفة من غرفتين مسبقتي الصنع وباحة ترابية ولاتحتوي على عداد كهربا او مياه .
مما أدى إلى رشق الدورية من قبل بعض العمال وتجار المخالفات بالحجارة مما استدعى قوات حفظ النظام إلى إطلاق القنابل المسيلة للدموع بالقرب من مدرسة الحي المذكور
مما أدى إلى إصابةالتلاميذ بالرعب والهلع وحالات إغماء من هذا المشهد الذي يشاهدوا مثله يوميا على الفضائيات علما بأن المدرسة المذكورة
مؤلفة من غرفتين على أرض غير مسيجة .مما استدعى طلب مدير المدرسة (لؤي الأحمد) التدخل و طلب من قوات حفظ النظام مراعاة وجود المدرسة والأطفال
وقام الضابط المسؤول بالإعتذار عما حصل بدون قصد من قوات حفظ النظام مشكورين وبعد هروب العمال تمت إزالة بعض المخالفات
كل الشكر للإستاذ لؤي الأحمدعلى احتضانه الأطفال الصغار الذين كانوا في المدرسة نرجو من وزارة التربية النظر بعين العطف لهؤلاء
الاطفال وتأمين البديل لما يسمى بالمدرسة المؤلفة من غرفتين مسبقتي الصنع وباحة ترابية ولاتحتوي على عداد كهربا او مياه .
حلب
(0)
(0)
انا اؤيد اللي كتب على محل ازهار طيبة و مكة فالمكتوب قليل جنب اللي نحن شايفينوا فانا جاره و عند مرور نساء و اطفال يكون جالس و حاط اجر على اجر لا يتعب نفسه و يبعدها قليلا بل بالعكس يتركها ممدودة وانا جاره و ساكن فوقه تماما ياما ضاربه القندرة الخاصة به فيني و كان شي لم يكن و هاي انا جاروا و كبير بالعمر يعني المفروض يحترمني بس لا دم و لا اخلاق ما بعرف ايش اقول و تم تشميع المحل لاكثر من مرة بسبب اشغال الرصيف و في كل مرة عندما يفتح يزيد مضايقة المارة اكثر
واقع اليم جدا خاصة من بعد ما ضاق الرصيف و الله يعطيك العافية و يديم السيد الرئيس و عزوا
واقع اليم جدا خاصة من بعد ما ضاق الرصيف و الله يعطيك العافية و يديم السيد الرئيس و عزوا
حلبي
(0)
(0)
نرجو من السيد المحافظ الجديد ان ينشر على موقعكم الكريم اين يحق للمواطن الحلبي ان يعمر بيت او مزرعة او فيلا اوكوخ يعيش فيو بكرامة وما يكون مخالف القانون اما اذا كان السيد المحافظ ما عندو جواب كمان حلو يقول هل شي للمواطن وشكرا
دمتم ودامت المخالفات
دمتم ودامت المخالفات
syria
(0)
(0)
حيث كان معظمها يمثل تعديا على الأملاك العامة و استيلاء على أراضي الغير .
والله انو هدم هيك مخالفات شي بخلي الواحد يشعر انو اسع في دولة وقانون بيحميه وفي هيبة للدولة لن تهتز
والله انو هدم هيك مخالفات شي بخلي الواحد يشعر انو اسع في دولة وقانون بيحميه وفي هيبة للدولة لن تهتز
محمود ابو احمد
(0)
(0)
من زمان
سوريا الله حاميها
(0)
(0)
طيب ليش ما بتفتحو ترخيص الي بدود يعمل شي يتقدم بترخيص نظامي والي بتتوفر الشروط عندو امنحو ترخيص من احسن من كل هل مخلفات
ابو حلب
(0)
(0)
السيد محافظ حلب وفقك الله وسدد خطاك واتمنا لك دوام الصحة والعافية
سيادة المحافظ
أعلمكم بأنه قامت الخدمات الفنية او البلدية لا ادري بوضع قساط صرف صحي في حي صلاح الدين شارع الشرعية أول مفرق على اليمين منذ أكثر من ستة أشهر ولم تقم حتى الآن بتزفيت هذا الشارع والاوساخة فيه كثبرة
يرجى التفضل بالاطلاع والتوجيه لمن يلزم لتزفيت هذا الشارع ودمتم عوناً للجماهير الكادحة وشكراً
سيادة المحافظ
أعلمكم بأنه قامت الخدمات الفنية او البلدية لا ادري بوضع قساط صرف صحي في حي صلاح الدين شارع الشرعية أول مفرق على اليمين منذ أكثر من ستة أشهر ولم تقم حتى الآن بتزفيت هذا الشارع والاوساخة فيه كثبرة
يرجى التفضل بالاطلاع والتوجيه لمن يلزم لتزفيت هذا الشارع ودمتم عوناً للجماهير الكادحة وشكراً
ابو مؤيد
(0)
(0)
جميل وجميل جدا ان تنظف شوارع حلب من تراكم الاوساخ 00 جميل وجميل جدا ان يعود النظام لمدينة حلب وتخنفي المخالفات بانواعها 00 بناء مخالفات 00 بسطات مخالفات00 تجاوز المحلات على الارصفة والشوارع 00 مخالفات السير بانواعها 00 هذا كله جميل 00 والاجمل ان لا يكون هناك خيار وفقوس اثناء هدم المخالفات 00 فمثلا بالطريق من الاشرقية الى شيحان على الجانب الايمن هناك مخالفات عديدة قامت عناصر ازالة المخالفات بهدم مخالفات البعض وتركت مخالفات البعض الاخر قائمة 00 علما ان الجميع خالفوا في نفس الفترة وعلى نفس الارض 00 هذا مثلا والامثال كثيرة 00
اضافة الى مخالفات لا تطاق كتحويل طريق المحلق وغيره الى مقاهي اضافة لسرقتها للتيار الكهربائي 00 وهذا المتظر غير متحضر 00 فهل تستطيع الجهات المختصة قمع وازالة هذه المقاهي 000
مرة اخيرة كلنا نحب حلب ونريد ان تعود لسابق عهدها من النظافة والانضباط والنظام 00
اضافة الى مخالفات لا تطاق كتحويل طريق المحلق وغيره الى مقاهي اضافة لسرقتها للتيار الكهربائي 00 وهذا المتظر غير متحضر 00 فهل تستطيع الجهات المختصة قمع وازالة هذه المقاهي 000
مرة اخيرة كلنا نحب حلب ونريد ان تعود لسابق عهدها من النظافة والانضباط والنظام 00
venus
(0)
(0)
بعد ما صفى حسابه مع التركي هرشو يشارك التاجر احمد دوارة لاتمام مشروع فينوس السياحي
امل
(0)
(0)
نأمل ان يلتفتو الى النظافة ايضا
فالوضع مذري للغاية
الزبالة موجودة في كل مكان الشوارع والحارات وروايح عبقة وفواحة غير شكل زبالة وجراثيم وامراض وكل مرة منسمح بحملة نظافة او بيوم للنظافة ولكن لاأسف
بس بتمنى الالتفات الى مو ضوع النظافة
فالوضع مذري للغاية
الزبالة موجودة في كل مكان الشوارع والحارات وروايح عبقة وفواحة غير شكل زبالة وجراثيم وامراض وكل مرة منسمح بحملة نظافة او بيوم للنظافة ولكن لاأسف
بس بتمنى الالتفات الى مو ضوع النظافة
محافظ حلب - ازهار طيبة و مكة جانب فرن ميسلون
(0)
(0)
انا اؤيد اللي كتب على محل ازهار طيبة و مكة فالمكتوب قليل جنب اللي نحن شايفينوا فانا جاره و عند مرور نساء و اطفال يكون جالس و حاط اجر على اجر لا يتعب نفسه و يبعدها قليلا بل بالعكس يتركها ممدودة وانا جاره و ساكن فوقه تماما ياما ضاربه القندرة الخاصة به فيني و كان شي لم يكن و هاي انا جاروا و كبير بالعمر يعني المفروض يحترمني بس لا دم و لا اخلاق ما بعرف ايش اقول و تم تشميع الحل لاكثر من مرة و في كل مرة عندما يفتح يزيد مضايقة المارة اكثر
واقع اليم جدا خاصة من بعد ما ضاق الرصيف و الله يعطيك العافية و يديم السيد الرئيس و عزوا
واقع اليم جدا خاصة من بعد ما ضاق الرصيف و الله يعطيك العافية و يديم السيد الرئيس و عزوا
؟؟؟
(0)
(0)
لازم هل شي ينعمل من زمان ليش لهلق انا حاسه حالي بدبي بلا تشابيه و انشالله كلن ينهدوا طبعا يلي عم يتعمروا
سامي
(0)
(0)
كلهن ليستاهلوا وانشالله الهدم بيوصل لمحافظة حمص وما بيبقى ولا بيت مخالف
مواطنة سورية حلبية
(0)
(0)
يا جماعة انا ساكنة بمنطقة السكري بحلب ومن اول ما سكنا من 22 سنة سمعنا انو في مشروع رح يصير بالمنطقة وتتحسن ولحد هلق مو باين شي ممكن اعرف امتى رح يصير ها المشروع وهل التفكير فيه لسى قائم ولا مافي مشروع اساسا انا بسال لانو وضع المنطقة بأسي وشكلها الحضاري زفت يعني التطور ليش ما بيصل لهي المناطق ما بعرف ليش بحلب الجديدة عم يخترعو مية شغلة ليحسنو شكل المنطقة وكأنها بعالم تاني والمناطق التانية الي المفروض يكون الها حصة اكبر من التنظيم مهملة وبشكل كبير يعني يا دوب بالزور بتجي عربية الزبالة وبتشيل الزبالة واكتر من هيك مافي الله يرحمنا احسن شي
باسم
(0)
(0)
روحو كملو الهد الله يقويكم
حاج مسخرة دخيلكن
حاج مسخرة دخيلكن
مجمد
(0)
(0)
الرجاء ان يتم الاهتمام بالاشجار فمن> فتره طويله لم يتم تقليمها وصار ورقها اصفر وتداخلت بشكل كبير مع اسلاك الكهرباء وارجو من السيده رئيسه البلديه ان تمر من شارع تشرين الرئيسي وهو طريق دولي لترى منظر الاشجار المزري وشكرا
؟
(0)
(0)
الجميلية - شارع زكي باشا أصبح عبارة عن منطقة صناعية مصغرة ....تعة وتفرجو !!!!! تصنيع قاظانات مياه وأعمال الحدادة وتصليح شودييرات وتجربتها باطلاق السنة اللهب لعدة امتار !!!!!! هذه هي اخلاق بعض الحرفيين بحلب ..المصلحة الشخصية تتجاوز كل الأخلاق والاعراف والقوانين !!!!!!!!!!
عزوز
(0)
(0)
والله أحلى من النظام مافي بجميع الدنيا لو كل واحد أتبع النظام لكان مرتاح الضمير والبال بس نحن شعب جلق دائماً بدنا نطلع على أكتاف الحكومة دون مقابل كل شيء ببلاش حلو وطيب يعني في شعب بيسرق الحكومه غير الشعب السوري خلي عندكم ضمير يا ناس وخافوا الله . يعني لازم يجي محافظ جديد ويفرد عضلاته علينا بالقوة ويهدم كل الذي بنيناه بالقانون .
يلعن
(0)
(0)
في مخالفة بي الموكمبو امام جامع الروضة نزلة مطعم تايستي بناية ميزانازي "اخر طابق"
و هي المخالفة صرلا سنييين و من شي سنة اجو مشان يهدولو بس سبحاااااااااااانك يا ربي ما نهدت المخالفة و بلعكس رجع يكمل و طلعلو بي بيتيين
اتمنى من سيادة المحافظ الموقر و ادارة عكس السير المتابعة و مشكورييييييييين
و هي المخالفة صرلا سنييين و من شي سنة اجو مشان يهدولو بس سبحاااااااااااانك يا ربي ما نهدت المخالفة و بلعكس رجع يكمل و طلعلو بي بيتيين
اتمنى من سيادة المحافظ الموقر و ادارة عكس السير المتابعة و مشكورييييييييين
كرم
(0)
(0)
تحية من حلب الشهباء لقائد الوطن والمحافظ الجديد .. يعني كتير كانت المخالفات زاعجينا الفترة الماضية وخاصة المخالفة الوقحة .. انشالله الكل بينهدلون وحتى لو هاللشي رح يثير نقمة عند البعض لكن رح يثير ارتياح عند الكثيرين ... في النهاية من جوا قلبي .. الله يحمي هالبلد ويخلصنا من هالأزمة على خير
حلبي اصيل
(0)
(0)
شو الظاهر انو قطاع الحمدانية مالو علاقة في الموضوع عمار المحلات في منطقة الراموسة وعلى الاستراد الرئيسي وعلى عينك ياتاجر وماحد شايف شو عم يصير ولا مدير قطاع الحمدانية مالو علاقة في الهدم ولا في المخالفات شو بدو اكثر من هيك عمرو اكثر من 30 محل على استراد الراموسة مقابل كازية زيدان على الاستراد الرئيسي من محلق المطار ونحن مو همن نايمين
مخالفة بناء وقحة
(0)
(0)
النظام العمراني في تلك المنطقة أبجور و طابقين و اضافي هذا النظامي الموضوع هو لقد أقدم أحد الأشخاص وهو من بيت غزال على أولا أكمل الأضافي مثل الطابقين الأسفلين ثم أنشأطابقين فوق الأضافي و الأن ينشئ الطابق الثالث وذلك على نصف المحضر علما البناية مؤلفة من كل طابق شقتين حيث أصبحت البناية طرف طابقين و أبجور والطرف الأخر خمس طوابق و أبجور وهذا طبعا يخل بتوازن البناء أغيثونا أغيثونا وشكرا العنوان حلب الكلاسة أرض شبارق خلف جامع أبو هريرة من الجهة الغربية جانب الخياط محمود زكور بناية بيت الناصر واللحو وعيدو وشكرا لعكس السير
سوري بكل فخر
(0)
(0)
للاسف يابلد اراضي الدولة خط احمر بس الطوابق السوادس والسوابع في صلاح الدين معليش تتعمر غصب عن اصحاب البنايه ؟؟؟؟؟هلق عم ننتظر شي بناية تقع فوق اصحابا لحتى نتحرك ماهيك يامحافظنا الجديد/طخ/
؟؟؟؟؟؟؟؟؟؟؟؟
(0)
(0)
بيستاهلو اكتر من هيك ما حدا قلن يعمرو بشي مخالف بس لسع في اضعاف الي هدمو انشاء الله يهدمو كلشي مخالف بكفر حمرة وغيرها
مواطن غيور ومقهور
(0)
(0)
سيادة محافظ حلب المحترم
نحن شعب حلب نمتلك العقلانية في رؤية كافة المواضيع لذلك كنا مع النظام في وقف المؤامرة المسعورة علينا من الخارج ونحن مع سلطة الدولة في الحكم وقلنا لا لأمريكا وأعوانها ولا للخونة الذين باعوا الوطن مقابل دولارات ولكن سيدي المحافظ المبجل :
نحن نتعرض لعدة مؤامرات من الداخل من أبناء حلب المتطفلين والذين باعوا ضمائرهم وعملوا على الفساد والأفساد واستغلوا انشغال الدولة في كبح جماح المؤامرة التي تتعرض لها سورية وغضت الطرف عن بعض المخالفات ولكن الأمر ازداد تدهوراً التعدي على املام الدولة بالبناء واستغلوا حاجة المواطن للسكن
البعض منهم استولوا على اسطحة الأبنية وقاموا ببناء طوابق وبيعها للناس ولايمكن لأحد ان يوقف هؤلاء الفاسدين عن استيلائهم على ممتلاكات الغير وان تعالجت مع احدهم من هؤلاء الفاسدين السارقين لممتلكات الغير يقول لك روح اشتكي روح بلط البحر وتجد حول هذا التاجر مجموعة من الشباب الزعران منظرهم وحركاتهم تخبرك بما سيحصل ل كان تابعت النقاش
نحن شعب حلب نمتلك العقلانية في رؤية كافة المواضيع لذلك كنا مع النظام في وقف المؤامرة المسعورة علينا من الخارج ونحن مع سلطة الدولة في الحكم وقلنا لا لأمريكا وأعوانها ولا للخونة الذين باعوا الوطن مقابل دولارات ولكن سيدي المحافظ المبجل :
نحن نتعرض لعدة مؤامرات من الداخل من أبناء حلب المتطفلين والذين باعوا ضمائرهم وعملوا على الفساد والأفساد واستغلوا انشغال الدولة في كبح جماح المؤامرة التي تتعرض لها سورية وغضت الطرف عن بعض المخالفات ولكن الأمر ازداد تدهوراً التعدي على املام الدولة بالبناء واستغلوا حاجة المواطن للسكن
البعض منهم استولوا على اسطحة الأبنية وقاموا ببناء طوابق وبيعها للناس ولايمكن لأحد ان يوقف هؤلاء الفاسدين عن استيلائهم على ممتلاكات الغير وان تعالجت مع احدهم من هؤلاء الفاسدين السارقين لممتلكات الغير يقول لك روح اشتكي روح بلط البحر وتجد حول هذا التاجر مجموعة من الشباب الزعران منظرهم وحركاتهم تخبرك بما سيحصل ل كان تابعت النقاش
مستاء من الزعران
(0)
(0)
مخالفات سيف الدولة لاتعد ولاتحصى من بسطات الى التحرش بالمارة الىتعدد الطابق والبناء المخالف ومنهم من استغل انشغال الدولة في رد المؤامرة عن سوريا هناك الكثير من المخالفات
صالة ****في سيف الدولة وهي في قبو تم التلاعب بترخيصها وتغير معالمها وتحويلها الى نادي حديد وانشأ فيها حمامات ساونا ومسبح جاكوزي وعندما تكلمنا مع صاحب النادي عن الأخطاء والأخطار بأعتبار نحن من سكان المبنى كان الرد عنيفاً منه ودائما حوله مجموعة من شبان يمتلكون العضلات والعصي ويقول بيني وبينكم الموت ان تكلم احد منكم اللي بيطلع بأيدو لايقصر لماذذا يتكلم هذا الشخص بفم ملأن والواثق من نفسه هل نحن تحت سلطة الدولة ام انتهت الدولة وصرنا تحت رحمة زعران الحارات والمتلسطين والفاسدين ومن يدعمهم من الفاسدين نحن سكان البناية لانستطيع ان ننظر بوحه صاحب العلاقة لأنه بالتهديد والوعيد وبالقتل يخوفنا ارجوا ردع المخالفة ولاتنسوا انهم استغلوا السطح بأنشاء معدات وتركيبات تابعة للنادي ونتمنى ان نبيع ونخرج من المبنى ولكن الزبائن لاتشتري بقولهم ماهذه المسخرة وتجمع الشباب الذي سيحدث بعد افتتاح النادي نرجوكم ياعكس السير ساعدونا برفع المخالفة عن المبنى الذي نقطنه المبنى امام الخزان الأرضي بسيف الدولة ولكم الشكر سيدي المحافظ
صالة ****في سيف الدولة وهي في قبو تم التلاعب بترخيصها وتغير معالمها وتحويلها الى نادي حديد وانشأ فيها حمامات ساونا ومسبح جاكوزي وعندما تكلمنا مع صاحب النادي عن الأخطاء والأخطار بأعتبار نحن من سكان المبنى كان الرد عنيفاً منه ودائما حوله مجموعة من شبان يمتلكون العضلات والعصي ويقول بيني وبينكم الموت ان تكلم احد منكم اللي بيطلع بأيدو لايقصر لماذذا يتكلم هذا الشخص بفم ملأن والواثق من نفسه هل نحن تحت سلطة الدولة ام انتهت الدولة وصرنا تحت رحمة زعران الحارات والمتلسطين والفاسدين ومن يدعمهم من الفاسدين نحن سكان البناية لانستطيع ان ننظر بوحه صاحب العلاقة لأنه بالتهديد والوعيد وبالقتل يخوفنا ارجوا ردع المخالفة ولاتنسوا انهم استغلوا السطح بأنشاء معدات وتركيبات تابعة للنادي ونتمنى ان نبيع ونخرج من المبنى ولكن الزبائن لاتشتري بقولهم ماهذه المسخرة وتجمع الشباب الذي سيحدث بعد افتتاح النادي نرجوكم ياعكس السير ساعدونا برفع المخالفة عن المبنى الذي نقطنه المبنى امام الخزان الأرضي بسيف الدولة ولكم الشكر سيدي المحافظ
هم الظالمين
(0)
(0)
نحن عيلة 6 اشخاص 30 سنة عايشين بغرفتين ومنافعهم قمنا بعنا بيتنا واشترينا قطعة أرض بتبعد عن حلب 5كم مشان نبني فيها 3 بيوت صغيرة لأهلي ولنا نحن الشباب ( عمري 30 سنة ) مشان نتجوز هلء الدين من شهر لحتى 5 سنين ( خربولنا الحمد لله )
؟؟؟
(0)
(0)
بعد دوار الصلحين با تجاه المرجة مقابل صيدلية الابتهاج وعلى الرصيف تماما تم بناء دكان أو محل ما بعرف اش أسميه والعجيب بالموضوع انو السقف (باتون)مو شادر يعني تمشاية حال اش رأيكم واللي مو مصدق يعدي ويشوف
ابن حلب
(0)
(0)
شو 300 مخالفة اذا الواحد بقول انو تقريباً اكتر من نص الابنية بحلب تعمر فوقها طابقين او ثلاث يعني اذا بعدو بشارع صلاح الدين الرئيسي بسسسسس بشوفو اكتر من 300 مخالفة الرئيسي بسسس
احد سكان الحمدانية
(0)
(0)
99% من محلات الحمدانية مخالفة
99% من الحدائق قد سرقت بعد توسيع الاغلب لحدائق منازلهم
يوجد مخالفات فيها تحدي للكل والصب بالنهار في حدا عاطيهم الاوكي في واحد رح يعمر بناية بحديقة بيتو وشفو هل الامثل الحلوة
مثال بركات دوار 3000صار دوار البراكات
محل حلويات النور السطو على الحديقة وضمها للمحل جنب فروج الحمدانية
وعن جد كل واحد استغل هل الازمة للمخالفة والسرقة هو نزل
99% من الحدائق قد سرقت بعد توسيع الاغلب لحدائق منازلهم
يوجد مخالفات فيها تحدي للكل والصب بالنهار في حدا عاطيهم الاوكي في واحد رح يعمر بناية بحديقة بيتو وشفو هل الامثل الحلوة
مثال بركات دوار 3000صار دوار البراكات
محل حلويات النور السطو على الحديقة وضمها للمحل جنب فروج الحمدانية
وعن جد كل واحد استغل هل الازمة للمخالفة والسرقة هو نزل
مواطن
(0)
(0)
يا جماعه المبنى في حلب صار مول مستحيل تلاقي اقل من ستة طوابق الواحد صار يرفع راسو ويطلع هي بنايه ولا مول؟ياريت حدا يشوف هدول لانو بكرا جاي الشتاء وخدو على هبط بهل بنايات لانو واقفين على نكشه؟؟؟ياريت الجهات المختصه تشوف هل شي واكتر شي في المناطق الشعبيه
احمد هلال
(0)
(0)
يا زلمه لازم يتحاسب كل واحد مخالف يعني لازم يكون في سجن لانو هاد مخرب للدوله لانو استغل هيك موقف استغل يلي عم يصير بهل بلد وبلش يعمر ويخالف هاد لازم يتحاسب مشان يكون عبره لغيرو؟؟؟لانو فلتو وغير الله ما بقى يضبن
محمود سيدو
(0)
(0)
نرجو من محافظ حلب اطلاع مخلفاة البناء فيحي اشرفية شارع جبل زاوية شارع بريد شي لايصدق
أضف تعليقك :
مقالات أخرى من " بكرى أحلى "
 9-3-2015 صامدون في وجه آلة النظام التدميرية .. سوريون يحولون حطام منازلهم إلى أمل بمستقبل لا بعث فيه و لا أسد ( فيديو ) ( شاهد الفيديو هنا ) | بعد أن قام بتدمير كل ما يمكن تدميره، وهو الذي لم يساهم ... |
 14-5-2014 فيديو .. من أطفال سوريا إلى أمهات تركيا في عيدهم عكس السير ... |
 7-7-2013 23 مسلسلا في رمضان ... بعضها يدور حول الاحداث في سوريا رغم الحرب تمكنت الدراما السورية من التواجد بقوة خلال موسم رمضان المقبل بـ 23 عملا درميا يدور بعضها ... |
 4-7-2013 رغم المنع والاعتقال مسلسل "منبر الموتى" حاضر في رمضان أنجز المخرج سيف الدين سبيعي تصوير ثالث أجزاء "الولادة من الخاصرة" في بيروت، بعيداً عن أعين الرقابة ... |
 24-6-2013 فرقة "مصاصة متة " السورية تشارك في مهرجان الشباك بلندن تشارك الفرقة السورية المسماة "مصاصة متة" في مهرجان الشباك الشهر القادم، الذي يقام في لندن، وتضم الفرقة تجمعأ ... |
 4-6-2013 شمعة في ظلام حلب .. الهيئة اليسوعية لخدمة اللاجئين تقدم 16 ألف وجبة غذائية للنازحين يومياً لم يكن الدور الانساني الكبير الذي تقوم به الكنيسة المسيحية بكل طوائفها خلال الحرب السورية من اعمال اغاثة ... |
 2-6-2013 بالفيديو .. منجزات الثوار في محافظة الرقة المحررة "رداً على من يقول أن الثوار غير قادرين على إدارة الوطن وشؤونه" .. نشر ناشطون مقاطع فيديو لبعض ... |
 28-10-2012 ضابط في سجن تدمر يكشف عن 62 اسماً معتقلاً بداخله هم في عداد المفقودين لدى أهاليهم كشف ضابط سوري في سجن تدمر متعاون مع الثوار عن 62 اسماً من المعتقلين داخل سجن تدمر وهم ... |
هاد الي بدو يبني بالحرام