تركيا ترفض إدخال أية بضائع سورية منتجة في مناطق النظام أو النصرة أو داعش .. و تحصر ” شهادة المنشأ ” بالحكومة المؤقتة

كشف وزير التجارة والجمارك التركي، نور الدين جانيكلي، أن الحكومة التركية قررت إدخال البضائع السورية إلى تركيا، شريطة أن لا تكون منتجة في مناطق سيطرة النظام أو النصرة أو داعش.

وجاء ذلك في لقاء عقد في انقرة الأسبوع الماضي، بحسب ما ذكرت “الحكومة السورية المؤقتة”.

الوزير التركي أوضح في اللقاء، أن السبب الرئيسي لتوقف استيراد البضائع السورية إلى تركيا “يعود إلى عدم التأكد من شهادة المنشأ لتلك البضائع، وخشية الجانب التركي من دعم الطرف الخطأ”.

وأعلن جانيكلي، أن الحكومة التركية اتخذت قرارا يسمح باستيراد عددا من أصناف البضائع السورية، منها مواد القطن والقمح والزيتون، بشرط أن تكون شهادة المنشأ لتلك البضائع وغيرها صادرة حصرا عن الحكومة السورية المؤقتة وممهورة بأختامها، وستكون الحكومة السورية هي الجهة الرسمية الوحيدة المعتمدة للتعامل في الصادرات والواردات.

وأضاف وزير التجارة والجمارك التركي، أن هذا القرار هدفه دعم الحكومة السورية المؤقتة وتقوية موقفها.

تابعوا أبرز و أحدث أخبار ألمانيا أولاً بأول عبر صفحة : أخبار ألمانيا News aus Deutschland

التعليقات المنشورة لا تعبر عن رأي عكس السير وإنما عن رأي أصحابها

‫18 تعليقات

  1. انا عندي معمل بحلب بلمناطق المحررة
    مستعد اخصص 30 %من ارباحي لدعم الجيش الحر
    اذا بيدخلو منتجاتي لتريكا بشكل نظامي
    مع العلم معملي بيشغل اكتر من 12 عاىلة
    ومتوقف معملي من 4 سنوات عن العمل بسبب عدم التسويق

    1. الله محييك يا شهم ..
      الله يعمي عنك ويفرج عنك ويرزقك رزق حلال واسع ..

  2. صناعي حر.. شو انتاج معملك يمكن نفيدك..
    خطوة تركية ذكية لدعم الحكومة المؤقته في الداخل.

    1. اخي الكريم عندي معمل قماش بحلب وعندي زبائن بتركيا ياريت نستفيد من الحكومة الموقتة
      مع العلم انه عبيدخل بضايع تركية على سوريا بمبالغ هائلة
      ممكن نعمل تبادل تجاري حسب المواثيق الدولية وليس فضل من اﻻتراك
      يعني بقدر مليدخل بضاعة تركية على سوريا ﻻزم يدخل بضايع سوريا على تركيا
      ياجماعة حلب بحد ذاتها دولة
      ﻻزم نستفيد من الامكانيات الموجودة

    2. صناعي حر… حباب عندك معمل قماش وبدك تسأل عن الدعم التركي!؟ ما في حدا بيعطي حدا هيك لله ؛ بدك تنافس بالجودة والاسعار الصين ودول شرق أسيا بتشوف مشاغل الخياطة بتركيا كلهم عندك والحكومة التركية ما بتمنع حدا يستورد من وين مابدو.. ناقصك دعاية وإعلان بتركيا ودول شمال افريقيا، ولاتنسى الجودة والاسعار والله الموفق.

    3. حبيبي سيد ابو عادل
      انت عبتحكي حكي عام انا ابن مصلحة وبعرف شو عبحكي اليوم العامل السوري اذا بياخد 60 الف ليرة سوري بلشهر اجرته ارخص من العامل الصيني والبنغلادشي وارخص اجرة في الكون يعني 200 دولار بلشهر
      ثانيا انا ابن مصلحة وابن سوق من 30 سنة عبعرف شو عبحكي
      ثالثا انا عندي معمل باسطنبول حاليا وعبنافس بضايع العالم كلله بلجودة والسعر مع العلم التكلفة بتركيا اضعاف التكلفة بسوريا
      واخيرا بحب اقول لك حديث شريف من كان يومن بلله واليوم الاخر فليقل خيرا او ليصمت

  3. بعد ما سرقوا معامل حلب..هلأ صاروا يتكبروا عالبضائع السورية هالأتراك الأنجاس

    1. طبعاً أنت تخاف أن تعترف أن الشبيح فارس الشهابي فك المعامل ونقلها إلى المنطقة الصناعية باللاذقية .. لأنكم ما زلتم لم تتحرروا من عقدة الخوف منه .. أو لم تنتفي مصلحتكم معه ..

    2. شركة تركية واحدة مثل اولكر او تركسان تنتج لوحدها اكثر مما تنتج كل مصانع حلب مجتمعة و اذا كانت صادرات تركيا تجاوزت ال 150 مليار من سنوات و ناتجها القومي بحدود 900 مليار ريال فيك تفهمني شو قيمة مصانع حلب جنب هالارقام اذا كانت ميزانية القرداحة الي كلها رايحة للنهب قبل الثورة بحدود 17 مليار دولار عن جد الا الحماقة اعيت من يداويها

    3. حلب كانت قبل الحرب من أقوى المدن الصناعية بالشرق الأوسط كلو..وهدول الي عم تتفاخروا فيهن ول شي قدامها..وتركيا ومطامعها بضم حلب ألها..وسرقة حلب ومعاملها معروفة..وتركيا أصل البلا بسورية لما دخلت داعش والمعارضة..ف حاج تحكوا وتتفزلكوا..أما هاد فارس الشهابي الي عم تحكي عنو أول مرة بحياتي بسمع فيه

    4. اي تضرب من بين البشر إذا هي أول مرة بتسمع بفارس الشهابي!!!!!!!!!!!!!! وبدك تحكي عن حلب وصناعة حلب …..!!
      إذا لم تكن تعرف رئيس غرفة صناعة حلب فعن أي حلب وأي صناعة ومعامل تتكلم !!؟
      فارس الشهابي الشبيح المجرم .. صاحب معمل الفا لصناعة الأدوية .. تاجر مخدرات يستورد المخدرات لحجة لزوم صناعة الدواء بينما هو في الواقع يبيعها للتجار والمروجين .. شريك للحرامي رامي مخلوف .. شريك في عدة بنوك .. لديه شبكة دعارة واسعة لتسهيل أعماله .. ومن أوائل من جند الشبيحة في حلب ودفع لهم رواتب شهرية لقمع المتظاهرين قبل أن يهرب إلى اللاذقية عندما قويت شوكة الثورة في حلب …
      وسبب اختياره اللاذقية هو وجود المصانع التي سرقها من حلب ونقلها اإلى اللاذقية وإلى المنطقة الصناعية الجديدة تحديداً .. حيث يشرف على تشغيل تلك المصانع وإدارتها.

    5. ومنكم نستفيد..بس الأحسن الواحد ما يعرف عن هيك شكيلات..ومو شرط حتى الواحد يفتخر ببلده يكون بيعرف كلشي..بس اسأل أي حدا بتركيا عن حلب وهو بقلك شو حلب يا جاهل..

  4. الحكومة المؤقتة غير موجودة عملياً على الأرض ولاتسيطر حتى على قرية صغيرة كما أنها لاتتمتع باعتراف أي فصيل رئيسي مقاتل لذلك فهي لاتنتج شيء ولاتدير أي منطقة منتجة لتصدر شهادة منشأ لبضائعها. الحكومة المؤقتة يمكن أن تعمل سمساراً أو وسيطاُ أو وكيلاً حصرياً تشتري منتجات مناطق سيطرة داعش والنصرة وأحرار الشام وتبيعها لتركيا لتجنبها مستقبلاً تهمة التعامل المباشر مع داعش كما كان يحصل سابقاً

  5. الحكومة الموقتة من حلب فقط تسطتيع ان تومن مبالغ هائلة جدا وليست بحاجة الى دعم خارجي وهذه المبالغ تعود بلنفع على الموسسة العسكرية والخدمية والانسانية في الداخل

    بعض الامثلة
    1 فتح منطقة حره للتجار السوريين تجار المدينة وورا الجامع في عنتاب او كلس مثل عمل سوق ولو من كولبات بلاستيك مترين بمترين
    2 تسهيل ادخال البضائع لتركيا بشكل نظامي ولو دفغنا جمرك وضرائب للاتراك
    3 تسهيل تصدير البضائع لدول العالم او الصديقة للشعب السوري عن طريق تركيا (نقل بلعبور)
    4 تسهيل حركة الصناعيين والتجار دخول وخروج لتركيا
    5 تامين الامان وعدم التعرض للصناعين والتجار في الداخل
    6 تخصيص نسبة من ارباح التجار والصناعيين تضاف على الفواتير لدعم الثورة

    ارجو من اصحاب القرار ان يهتموا بحلب وشكرا

    1. افتكرنا بدك تدعم الناس من جيبك ..
      طلعت بدك تضيف على الفواتير لدعمهم ..
      يعني من (دهنو قلليلو)

    2. اذا كان المعمل اشتغل واستفادوا منه اكثر من 10 عائلات وهم هبياخذوا اجرتهم وحقهم وتعبهم بيكون الي فضل
      بس بلاخير الناس عبيتستفيد من هلمعامل اذا اشتغلت يعني اذا كان تحت اي بند ضرايب او اجور او دعم او اي شي تحت اي بند بدك سميه اللي بدك ياه مش احسن ما الناس مو عرفانة شو بدها تشتغل او تجيب قوت يومها
      في الاف العائلات بحلب من غير دخل
      وفي الاف المعامل واقفة حاج تحبط وتاييس
      ولا انتوا اهل طرطوس مفهموكم عن العملة والكسب غير مفهومنا

  6. انا متفاجى جدا بلشعب كيف عبيفكر عندهم كمية كبيرة جدا من الياس والتهبيط
    يعني اذا اشتغلت المعامل واستفادت الناس بشو بتنضروا
    بيعملولي مقارنات بشركات عالمية متل اولكر طيب شو بدنا فيهم
    معناها لازم نبيع معاملنا وننسى حلب وخلص نقعد ننتظر مساعدات وشحادة
    او نروح على اوروبا منشان يطعمونا ويشربونا ببلاش نبيع اولادنا وديننا
    طيب ليش ما عملت مقارنة مع شركة مرسيدس وبي ام منشان نفقد الامل نهائيا بلتوكل على الله ولاخذ بلاسباب
    ياخي ما بتعرف شي بلحياة الله يوفقك اسكت احسن لك خلي غيرك عنده امل
    او اللي بقلي فكرنا رح تدعم من جيبك وين المشكلة اذا كان تحت بند مجهود حربي
    او العائلة المستفيدة من العمل تحت بند راتب شهري ليش من جيبي مثلا ياخد حقه تعبه راتبه مش بلاخير عبيستفيد
    والله العظيم شعبنا معقد بدنا ثورة فكرية اخلاقية