الرئيسية » أهم الأخبار » بلجيكا : لاجئ يطالب مكتب الأحوال المدنية بتعويضه بـ ” 35 ألف يورو ” بعد إضاعة صور و فيديوهات زفافه !

بلجيكا : لاجئ يطالب مكتب الأحوال المدنية بتعويضه بـ ” 35 ألف يورو ” بعد إضاعة صور و فيديوهات زفافه !

طالب لاجئ في بلجيكا بتعويضه بمبلغ 35 ألف يورو بعد تسبب مكتب حكومي بإضاعة صور وأشرطة فيديو زفافه.

وكان القادم من أفغانستان حصل على حق اللجوء السياسي عام 2005، وعاد إلا بلاده عام 2013، وتزوج وجلب زوجته إلى بلجيكا عام 2015.

ووفق ما ذكرت صحيفة “هت لاتستا نيوز” البلجيكية، وترجم عكس السير، فإن مكتب الأحوال المدنية في مدينة “أنتفيرب” طالب الزوج بإثباتات زواجه، فقدم لهم صور وأشرطة فيديو زواجه الأصلية بعد أن رفضوا القبول بنسخ منها.

ووعد المكتب الزوج بالحفاظ على متعلقاته بشكل جيد إلى حين إعادتها، لكنه تردد بحسب ما نقلت الصحيفة عدة مرات بعد ذلك على المكتب، دون أن يتمكن من استعادتها.

وأضافت الصحيفة أن أحد المتواجدين في المكتب تجرأ أخيراً على إخباره بأن الأشرطة والصور “ضاعوا”.

ونقلت عن اللاجئ (على حد وصفها) قوله إنه لا يريد أية أموال إن أعادوا له ذكرياته الوحيدة، لافتاً إلى أنهم لا يكلفون أنفسهم عناء البحث جيداً، ومشيراً إلى أن تكلفة زفافه كانت 35 ألف يورو.

عكس السير

16 تعليق

  1. من نظراته مظلوم مسكين إعطوه ترحيل إلى بلاده الهزارة الأفغان ليقول لكم المحتال خذوا زوجتي أيضآ علاوة عن الصور و الفيديوهات ودعوني عندكم.

    • محتال!؟ انت قريت الخبر شي!؟ واحد سلم السلطات بامر منهم صور وفيديوهات وضيعوها.. وين الاحتيال!؟ لانو افغاني وهداك بلجيكي بصير هو المذنب!؟ بعض الناس جد يشك بقواه العقلية!!

      • أنا قرأت الخبر بإمعان وأنت قرأت التعليق بإذعان ويشك في قواك العقلية، كيف لشخص لاجئ ملاحق السفر لبلاده للزواج ب ٣٥ ألف يورو ويعود سالم ليطالب الحكومة بدفع تكاليف عرسه بعد تسليمهم لصور وفيديوهات العرس التي كان من من المفروض عليه وبالرغم من تسليمه النسخ الأصلية الإحتفاظ بنسخ إحتياطية عنها إلا لغاية في نفس إبليس؟

        • اجيت لتكحلها قام عميتها… اللاجئ شو عرفو انو السلطات حتضيعهن؟! بيضرب بالمندل!؟ السلطات ارتكبت خطا فادح وانت عارف كتير منيح انو هيك خطا مع مواطن بلجيكي بتطير فيه ناس من كراسيها وبتستقيل ناس!! انا معك هالزلمة.عرسو ما بكلفو كاسة شاي.. بس من حقو يطالب بتعويض لانهن هنن يلي غلطوا معو وخطا فادح هاد بدولة متل بلجيكا…من الناحية القانونية يضحك بعبو موظف السلطات ازا انفدت الحكاية بهيك مبلغ… مواطن بلجيكي غيرو ببيعو امو تعويض… واللله 100 الف يورو ما بيرضاها تعويض… ومو صور عرس بكلف مصاري…. بتكون صورة لكلبو يلي مات من خمس سنين!!! القصة معنوية يا استاذ مو قديش كلف العرس…هي دول قانون حبيبي انت لساتك عم تفكر بالعقلية السورية تبع ازا فقير ما بيطلعلك تحكي والتعويض على قد الخسارة.. انس … افتح الاخبار واقرا عن تعويضات خيالية على شغلات اقل من هيك بكتير…عفكرة احضرت حالة مشابهة لطالب سوري ضيعولو شهادتو الجامعية الاصلية بالمانيا!! هي قدام عيني .. مكتب القبولات طلب الشهادة.الاصلية.وضيعها .. القصة قديمة بنص الالفينات تقريبا…. طبعا اتلفلفت القصة.والجامعة قبلتو وهو من فرحتو بالقبول سامحهن وغض نظر… لو عنوان الخبر بدل لاجئ مواطن بلجيكي كان ولا حدا منكن كتب تعليق والخبر مر مرور االكرام!!

      • بالله عليك؟ مو معمول شو موضوعي تئبرني. ليش على علمك اذا لاجئ ببلجيكا من 2005 لهلق و عايش عحساب الدولة قديش بكون مكلفها؟ و لنفرض عملوا تسوية قديش بيطلع للحكومة عليه؟ العالم عم تضيع جوازات سفر و هويات و أي شي بيثبت وجودك ضمن قوانين هالعالم المنحط و هاد الاندبوري جاي يعمل فرتونة على شريط عرسه و الصور؟ هلق سؤال لو انه مضيعهون بافغانستان و طالب بنفس الطلب شو كان صار؟ هاد اسمه انتهازية و بلص و بلفْ.

        • يعمل فرتونة؟! بدنا سنين ضوئية لنفهم معنى القانون…ولك حبيبي بهيك قصص مافي شي اسمو قيمة..فيه انا سلمت الدولة مستندات وضيعتها..هي دولة مو بنت الجيران تقلي ضاعوا!! دوووووولة ومن ارقى ان لم تكن الارقى على الاطلاق بالعالم!!! انا معك انو حب يستفل الموقف ويحصل قرشين…بس خلافي معك انو استغلال مشروع ولو صايرة القصة مع مواطن بلجيكي كانت صارت قضية كبيرة كمان…لو مواطن بلجيكي سلم وثيقة ولنقل ملكية ععقارل للبلدية بمدينتو واجوا بعد فترى قالولو اسفين الصك ضاع…شو بكون الموقف!!! الغلط غلط ما بيعرف لا لاجئ ولا مواطن..اسمو غلط ويلي عملوا غلط كبير ولا يغتفر واي انسان بالكون من حقو تعويض على هيك غلطة!!! هادا اسمو تعويض..هو حمار يلي قلهن تكلفة الزفاف كذا..من حقو يرفع دعوى وبربح مضمون على فكرة وطالب باكتر من 35 الف يورو..كل الفكرة انك انت ووغيرك محتقرينو للزلمة لانو لاجئ ومعتبرين مطالبتو بتعويض كتيرة علىه!! لانو اللاجئ مو بني ادم من حقك تاخدلو غراضو وتضيعهن وفوقها تقلو يا نصاب بدك تعويض ععن ضياعهن!!!؟؟؟

          • غلط كبير ولا يغتفر؟ يا رجل انه ضاربلك شي قبل ما تعلق؟ ولا بس عم تبالغ مشان تعمل تلفت الانظار؟ استغلال القانون ببلد بيطبق القانون شيء و انه الحالة تستحق انه يلفت النظر الها شي تاني. أي واحد جاي يطلب لجوء ببلد اوربي و ترك بلده اللي فيها حرب و وفقا للثقافة الإسلامية فلازم يلتزم الادب و يقعد عاقل و يشكر الله و يحمده غير هيك فهاد نصب و بلف. يبدو انك مو معاشر هي الصنف من البشر لذلك عم تحكي بطيبة قلب و صفاء نية. ثم انه هي قصة لو مواطن بلجيكي صدقني مو زابطة لانه ما بظن في بلجيكي بيعمل هيك عملة.

          • حبيبي..بدول القانون القانون يطبق على الجميع..مافي فرق بين لاجئ انت متعطف عليه او مواطن…مافي شي اسمو يقعد عاقل ويسكت عن حقو…السلطات غلطت ولا لا باضاعة مقتنيات شخصية للزلمة؟! غلطت ونص…بس تعيش انشالله بهي البلاد وتشوف كيف متشرد بالطريق بنزل وزير عالمحكمة وبيربح عليه قضية بتعرف معنى كلامي… الافغاني واحد عم يستغل شي قانوني بسموا باوروبا التعويض…ازا انت موسمعان بهيك شي مشكلتك.. واحلى شي بتعليقك الخاتمة… اانا قلت مواطن بلجيكي فقد مستندات شخصية بخطا من البلدية… ما جبت سيرة زواج…كان قام الدنيي وما حطها!! انت عم تخربط بين لاجئ حيوان اعترض على مكان بيت عطوا ياه ليسكن فيه بدعوى ما عجبو البيت..او ما عجبو الشغل..هون انا وكل الكرة الارضية بصير باحترم المساعد جميل وفرع الجوية..اما تضيع مقتنيات شخصية للاجئ وتتقلو عود عاقل مو من حقك تعترض فهي رايك الشخصي يلي عفوا منك بهي البلاد بعدوه خلل بالتفكير… سفاح النيرويج بريفيك صاحب مجزرة عام 2011 عم يشتكي بسجنو المؤبد الاحلى من بيتي انو القهوة والحلو مو متل ما بدو..والسلطات لبت رغبتو.. وهو قاتل 87 زلمة!!!! اكتب بغوغل بريفيك يعترض على السجن وشوف سجنو واعتاراضاتو… فما بالك بلاجئ انت اغلطت معو وضيعتلو مقتنيات شخصية!!! رايك هاد بيزبط بدول الخليج يلي الله ياخدها لعندو ويريح الاسلام منها وانت فاهم عليي منيح شو قصدي..هون مافيه منو ..كل شخص مقيم بالبلد سواء كان طالب عم يدرس او لاجئ او مقيم دائم الو حقوق المواطن وعليه واجباتو..نقطة انتهى!!!!

  2. لاجئ وكلفوا العرس بافغانستان 35 الف يورو هي تخينة شوي يعني لو ببلجيكا يمكن تمر السلبة هة يقول عطل وضرر ماشي الحال

  3. زواجه كلفه 35 الف يورو؟.. أي و الله و لو متزوج مايلي سايرس ما بتكلفك هالقد.. ثم انه بالف و خمسمية يورو بتتجوز بنت رئيس أفغانستان بذات نفسها. هاد بليّص بليف محترف.. متله متل كتير من المهاجرين الاقتصاديين.

  4. شو شباب حسبو المبلغ عسعر الصرف القديم عالسوري بيطلع شي ٢٤٠٠٠٠ يعني كتير رقم عادي اذا عمل حفلة بشي مطعم بعدين بيجوز الزلمة عمبيشتغل ببلجيكا لانو صرلو من ٢٠٠٥ والاهم انو انا قريت بالخبر غير المكتوب بالعنوان انو هو بدو الصور ومابدو التعويض .. وانو يضيعو شي باوروبا كتير عادي وفي خير الله شباب راحو هوياتها ووراقها

  5. لاجىء سياسي وراح على بلده. كيف صارت هي؟ متل ماقالوا الشباب ب 1000 يورو بتعمل أحلى عرس ببلدك

  6. يازلمة خف علينا , شو عامل عرسك بـ1950 وماعندك ولا نسخة عنو وفوقها 35 الف يورو

    روحو تحممو مقرفين

أضف تعليقاً

لن يتم نشر عنوان بريدك الإلكتروني.