الرئيسية » أهم الأخبار » وزيرة بلجيكية من أصول تركية : يجب على المسلمين تبني القيم الغربية و لو كانوا مجبرين في بعض الأحيان

وزيرة بلجيكية من أصول تركية : يجب على المسلمين تبني القيم الغربية و لو كانوا مجبرين في بعض الأحيان

دافعت وزيرة الدولة لشؤون مكافحة الفقر وتكافؤ الفرص في بلجيكا، زُحل دمير، عن قرار محكمة العدل الأوروبية الذي يجيز لأرباب العمل حظر ارتداء الموظفات للحجاب.

وقالت دمير في تصريح لصحيفة بلجيكية إنه يجب على المسلمين تبني القيم الغربية ولو مجبرين في بعض الأحيان.

ودعت الوزيرة مركز “تكافؤ الفرص البلجيكي” المعني بمكافحة التمييز إلى تقبل خسارته في القضية ونتائجها، مشيرة إلى أن المحكمة لو اتخذت القرار المذكور منذ البداية لما كبرت المشكلة إلى هذا الحد.

يشار إلى أن دمير، سبق أن شاركت في فعالية نظمها أنصار منظمة “بي كا كا” الإرهابية في بلجيكا، وعقب تناول وسائل الإعلام نبأ المشاركة، أعلنت أنها ليست من أنصار المنظمة الإرهابية المذكورة.

بدورها، أعربت ماهينور أوزدمير، أول برلمانية بلجيكية محجبة، عن حزنها البالغ إزاء قرار محكمة العدل الأوروبية، واصفة القرار بأنه يمهد الطريق لتمييز أسود.

والثلاثاء الماضي، أجازت محكمة العدل الأوروبية، لأرباب العمل، حظر ارتداء الحجاب على الموظفات، وغيره من الرموز الدينية، في أماكن العمل.

واعتبرت المحكمة في قرارها المذكور أن “حظر أصحاب العمل على موظفيهم ارتداء الرموز السياسية والفلسفية والدينية الواضحة في مكان العمل بناء على القواعد الداخلية للمكان، لا يشكل تمييزا”.

وأصدرت المحكمة قرارها ردّا على حالتين، واحدة في فرنسا والأخرى في بلجيكا، لسيدتين مسلمتين قالتا إنهما تعرضتا للتمييز، وتم طردهما من العمل بسبب ارتدائهما الحجاب.

ولم تر المحاكم المعنية في الدولتين المذكورتين في ذلك “تمييزا” ضد السيدتين، ما أدى إلى رفع القضية إلى محكمة العدل الأوروبية التي أقرت ما ذهبت إليه المحكمتان في فرنسا وبلجيكا. (ANADOLU)

عكس السير

35 تعليق

  1. لماذا خلعت الحجاب و يجب حظره

    لا زلت اذكر ذلك اليوم و لم يتجاوز عمري عشرة سنوات حينما عدت من المدرسة و كان والدي بانتظاري ليلقي متر من القماش على راسي ليسبب لي التعاسة و يحرمني من طفولتي – خلعت الحجاب و لم و لن اجبر احد تحت سن ١٨ على ارتدائه

  2. بلا كل هالحكي و الجدال البلا طعمة بس الي بعرفو بسيط جدا
    اذا حدا بدو يدخل بيتي بدو يلتزم بقوانين و قواعد هالبيت و اذا ما عجبو قوانين لا يجي لعندي من الأول
    بسيطة يعني.. اوروبا بلدان غربية غير مسلمة و الهم عادات و تقاليد خاصة فيهم يعني قاتلين حالكن عالروحة لهنيك و بعد ما توصلو بتبلشو استشراف عليهم ؟!
    أوروبا جماعة بمنتهى الوضوح عم بقولو الي بدو يانا بدو يلتزم بقواعدنا والي ما بيلتزم لا يجي
    ليش كتر هالحكي الزايد ؟!
    بدك تضلي ملتزمة بحجابك و نقابك و شرفك ؟!
    اي خليكي إما بمخيمك او بتركيا ولا تركبي البلم مع شي خمسين زلمة و تروحي لتطالبي بحقوق اصلا انتي فاقدتيها ببلدك الأم،،،

    • بس المفروض بلاد حرية بالتالي للمسلم الحرية ببمارسة دينوه ولا شو …

    • يعني اذا دخل ضيف مسلم هوا وزوجته لعندك على البيت بكل ادبهم تقول لزوجة ضيفك يا تشلحي الحجاب يا تطلعي برة البيت؟؟؟؟؟ ونعم الضيافة و الله . لا باين عليك تماما انك مسلم سني ….باين . هههههههه

      • بعدين انا ما جبت سيرة مسلم و سني من الاصل انا عم بحكي منطق و حق لكل واحد ببيتو انو يعمل و يحط الشروط الي بتعجبو
        اذا عجبك انت كان بها و اذا ما عجبك ببساطة لا تروح لعندن من الاصل
        لسى الاضرب من هيك ازا كنت عندن و عم تستنى المعونة كل راس شهر و جاي تتفلسف

    • و إذا كان من أهل البيت عيون ؟ مين بيلزمه بشي ما بده ياه ؟

      • الكلام موجه للمسلم السني
        اولا ٩٠ بالمية من الي بيدخلو لهون مسلمين سنة
        تاني شي اذا انا (كبيت الحيا) و عملت متل ما عم بتقول حطيت شرط انو تشلح حجابا بس تدخل لعندي
        اكيد ما حدا بيقدر يجبرني انو اتخلى عن هالشرط ليش يا طيب ؟!
        لانو ببساطة بيكون بيتي و ما حدا بيقدر يجبرني اعمل شي بعكس ارادتي

        • مسلم سني بصراحة

          معناها بس تعمل هالشي يومها و تطرد ضيفتك فقط لانها محجبة لا تجي تتفلسف و تصدع رؤوسنا وتدعي انك ابو الحرية و المساواة بين البشر……حبيبنا اللي يبدو عليك انك قرفان من تواجد السنة باوروبا احب اقوللك ان الكل عم يهاجر لاوروبا لانها بلد مصاري مو لانها بلاد حريات مثل ما عم يدعو (نفس المنطق لما كانت الناس تسافر للسعودية سابقا قبل ما تتسكر هالبلد بوجه السوريين). ادعاء الحرية من جانب الاوروبيين هو تكبر و مدح الذات من قبل المنتصر.وبس.

  3. بس ما تبنوا القيم الغربية ما رح يبقوا مسلمين .. يا مدااااااااااااااااااااام .. رح يصيروا بني ادمين بشر .. ومن وجهة نظر المسلمين رح يصيروا كفار ودمهم حلال ..

    • حضرتك عم تحكي عن داعش وليس المسلمين وفي فرق كبير بين داعش والمسلمين والمسلمين اكتر ناس عم يعانو من داعش المتعصبين

  4. ليش عندن قيم اصلا هههههههه

    • بعاداتهم و تقاليدهم يا فهمان عندهم قيم سواء عجبتك ولا ما عجبتك
      و برجع بقلك لو ما عجبتك لا تروح حقك ما تروح
      و من حقهم يعملو اي شي بأرضهم

      • ليش مين قلك بشرفني اصلا روح لعندن .. بكل الاحوال حقن يعملو الي بدن ياه بس لا تصرعونا بالحرية المزيفة لانو من الحرية انو يتركو الي بروح لعندن برضاتن انو يعمل الي بدو ياه

    • اشرف من كل امتك

  5. لايوجد عند الغرب قيم فالموجود هو افساد الاجيال الاوروبيه تحت مسمى الحريه فالعولمه الملحده تضطهد كل الاديان ويريدون شعوبا همها الاول هو التعري والدعاره وشرب انواع الخمور والمخدرات وأكل الخنزير وتفكيك الاسره اذا كانت موجوده اصلا ونكاح المحارم وتزويج رجل برجل والتحول الجنسي اما الديمقراطيه الكاذبه فيسيطر عليها اصحاب رأس المال ويخرجون رؤساء على مقاسهم ومقاس ال صهيون المتحكمين برأس المال العالمي هذه القيم التي يتباكون عليها فاذا ماحضرت القيم الاسلاميه ستخرب عليهم مخططاتهم القذره وتنقلب عليهم شعوبهم المضلله

  6. طبيعي يكون هيك موقفها ، هاي الموظفة المأجورة (الوزيرة) اللي اصل وجودها بالحكومة هو تمرير مواقف كهذه معادية للاسلام ، ليست مسلمة من الاساس ! هي كردية من اتباع العلي الاهية (تختلف هذه الديانة نشأة وتعاليماً عن الديانة العلوية بسوريا) ، و هؤلاء حاقدين بجنون على الاسلام ، و دوما رواد الاحزاب والحركات ووسائل الاعلام والانقلابات المعادية للاسلام والمكون السني (حالهم كحال المعلكين الغير مسلمين او العلمانيين الموجودين بهذا الموقع و المدعين كذبا بكل تعليك الهم انهم مسلمون معتدلون)…..على كل حال ليش يحل لملكة بريطانيا و راهبات المسيحية ما يحرم على المسلمات ((في بلدان الحريات و عدم التمييز بناء على الشكل والمعتقد واللون))؟؟؟؟؟؟؟في واحد من المعلكين كاتب ليش بدهم المسلمات يلبسو باوروبا ما كان ممنوع ببلدهم اصلا ؟؟ ما هني اجو لاوروبا عأساس في حرية للجميع و مو بس لابناء البلد من المسيحيين .
    انشروا يا ادارة موقع المصداقية هههههههههه

  7. ما فهمت كيف تبني القيم حتى لو كانوا مجبريين ..كانه هذا نفاق .. ولا شو ..
    رأي الشخصي للاسف طبعا انه الغرب خلص اخذ فكرة عن الاسلام والشرقيين بشكل عام “لان الغرب ما بميز بين مسلم شرقي ومسيحي شرقي الكل عنده اسلام.. “أخذ فكرة انهم جماعة همج ما بيحترموا القانون ولا بيحترموا النظام ..انهم جماعة ارهابية مدمرين ..انهم مخادعيين متعصبيين وكل الصفات السيئة يلي يمكن تتصورها .. والحقيقة الحق معهم .. لان نحن بتصرفاتنا ببلادنا وببلادهم عكسنا لهم هل الصورة .. انا كشخص مسيحي زرت اوروبا وعشت فترة فيها ..شفت تصرفات زملائي وجيراني العرب يلي ابسط كلمة انها بتخجل .. من دبكه بالبيوت لتدخين الاراكيل وازعاج الجيران بالموسيقا ومحاولات رشوة الشرطة عدم احترام الجيرة عدم احترام الاساتذة بالجامعات واعتبار الجميع ادني منهم بس لانهم مالهم مسلميين ..ولان العرب معهم مصاري اكتر .. طبعا هذا جزء من يلي شفته .. اما الاساتذة فكانوا يسألوني عن سبب تصرفات زملاني والله العظيم كنت اخجل ما اعرف شو بدي احكي ..شي يقولولي بربر شي يقولولي مكاريين وخداعيين وكذابيين ..
    يلي بدي اصله انه الاخلاق هي الاساس لو كنا عاملنا الناس بأخلاق حسنة ما كان في حدا كرهنا ولا كان في حدا حاول يعتدي على المقدسات هي الهندوس والبوذيين ولا دينيين و حتى عبدة الشيطان ما حدا بيجي صوبهم .. بس العلة بأخلاقنا و انه في جماعة مفكرة انه الغرب بيكره المسلميين لانهم مسلميين وهل الشي طبعا غلط ..
    ومتل ما بتعرفوا انه الانطباع الاول صعب كتير يتغيير حتى لو كان غير صحيح بقى شلون بحالتنا كل يوم منثبت للعالم اننا همج .. بقى صعب كتير يغيروا فكرتهم عنا لو ما غيرنا اخلاقنا وتعبنا كتير على حالنا وهذا من المحال
    اسف على الاطالة

  8. الحجاب يحجب العقل قبل الشرف، الشريف والشريفة لا يحتاجون الى قطع قماش تغطي اجزاء من اجسامهم وتترك فكرهم في عزلة عن الحقيقة ،كفى رياء وكلام فاضي وافتحوا عقولكم ،واقرؤا إقرؤا إقرؤا …..وادخلو التاريخ ولاتجعلو التاريخ يغذي عقولكم ،ومن اراد ان يعبد ويصلي فليفعله في بيته وخلف حدرانه، رليترك الناس تعيش كما يحلو لها،

  9. أصلا لأن صار في لسان لسان من أمثالكم تحكي خسرنا أرضنا وخسرنا كلشي, لك يقطع عمركون عهالتعليقات, انتو نفسكون جماعة المثقفين الله يخلصنا منكن.

  10. عبد القادر امين

    بالنسبة للقرار والحجاب فالقرار يحق لاصحاب العمل منع اي مظهر ديني وهذا منطقي ولن يطبق بجميع الشركات وممكن بضمن الشركة الوحدة يكون حسي موقع العمل ( احتكاك مع الزبائن او لا) انا بسوريا كنت بشتغل بشركة كبيرة كان ممنوع فيها اي مظهر ديني او حتى ممنوع لبس المجوهرات ماعدا خاتم الزواج ( المحبس) للنساء والرجال.
    بالنسبة لتعليقات الشباب خصوصا بما يخص القيم فبحب اقلون ان المجتمع الاوروبي مليء بالقيم وهو انظف مية مرة من مجتمعنا المليء بالتحرش والفساد والمحسوبية والقذارة. نكاح المحرمات هاد علاك ومافي هيك شي والمثلية ولو كنت اناضدها او ضد تزويجهن فهي حرية وموضوع الخمر فالاسلام حرمه وهم بالنسبة لهم عادي مع انو في ناس نابتشرب وناس مابتسكر وفي الو كتير ضوابط باوروبا هلق لحم الخنزير اكتر مااضحكني اي شو بدك فيهون اذا بياكلو خنزير او لا شو بيزعجك اذا انت في دينك ممنوع وفي دينون عادي… الي مو عاجبو القيم الاوروبية الي هي موجودة ببساطة يبحث عن مكان جديد والي مو عاجبتو وهو اصلا مو باوروبا يسكت لانو مابيعرف شي

  11. الحجاب مظهر ديني والعفة ليس لها علاقة بالحجاب الا في نظر متذمتي الاسلام

    • الحجاب حق للمراة المسلمة وحرية شخصية متل مو التعري حق للمرأة الغربية وحرية شخصية معادلة بسيطة

      • اي لما بتكون المراة لابستو بكيفها مو مجبرة بالتقاليد او بالاكراه… وبعدين منطقيا ليش لبس الحجاب شو بيعمل وكمان انا لاادعم التعري ولكن الحشمة مو بس حجاب يعني ممكن وحدة تلبس سبور بس تكون محتشمة

        • نسبة قليلة جدا الي بلبسو الحجاب غصب هذا الشي ما بننكرو لكن الاغلبية عن قناعة لانو ستر للمرأة, برجع بقلك حرية شخصية مو من حق حدا يمنع الحجاب ولا الحرية خيار وفقوس كمان

  12. مسلم سني بصراحة

    منطق العلمانيين و ابناء الطوائف الاخرى اللي راح يحرقهم الغيظ من الحجاب ، ومحاولة لصق كل انواع الرذيلة بالمحجبات و الصاق كل انواع الشرف بغير المحجبات يذكرني باية و بمثل شعبي.
    اما الاية فهي قوله تعالى:((فَمَا كَانَ جَوَابَ قَوْمِهِ إِلَّا أَن قَالُوا أَخْرِجُوا آلَ لُوطٍ مِّن قَرْيَتِكُمْ ۖ إِنَّهُمْ أُنَاسٌ يَتَطَهَّرُونَ (56) ))
    اما المثل الشعبي: ((قالت ال….الا ليت كل نساء العالم …….!!!!))
    انشروا .

  13. عبد القادر امين

    لانو هنن مامنعو الحجاب باوروبا في كتير ناس متحجبات.. هنن عطوا الشركات الحرية انو تمنع او تقبل المظاهر الدينية مو بس الحجاب بشركتها بحسب نظام داخلي للشركة وااححاب لم ولن يمنع باوروبا … النقاب سبب حظرو او محاولة حظرو لاسباب امنية وهاد شي واضح لتمييز الوجوه وعدم هرب المطلوبين امنيا تحت غطاء النقاب

  14. عبد القادر امين

    خيو نحن يبدو نظرية الظلم والاضهاد متاصلة …. القرار واضح جدا وغير ملزم …. الحجاب غير ممنوع باوروبا يحق يحق يحق للشركات منع او قبول. المظاهر الدينية في الشركة بحسب النظام الداخلي للشركة …. يعني اذا الشركة مابدها مظاهر دينية بتمنع ارتداء الصلبان والقبعة اليهودية والحجاب والوشوم الدينية اذا مابدها مظاهر دينية… صار انحكا هالموضوع عشر مرات ولسا في تاس بتقلك محاربة اسلام ووين الحرية اكتر من انو يساووك بشعبون شو بدك حرية ومساواة… روح شوف السعودية كفيل وتحكم ومطاوع و ممنوع تشرب وممنوع تلبس الا عكيفون وتمشي وقت الصلاة بالشارع… انا كمسلم مااقدرت اعيش اكتر من سنة بالسعودية رغم انو دخلي كان ممتاز ومع اني مابشرب كحول ولا لاحق النسوان متل المجنون ولا عندي بطبعي شي ممنوع بالسعودية بس بتحس حالك محبوس من نظام الكفالة للاجبار انك تكون مو ظاهر اوقات الصلاة وصارلي باوروبا سنتين ونص و مبسوط مع انو دخلي قليل وهلكت لتعلمت اللغة وبعاني من عنصرية ببعض المحلات ولكن هون جنة جنب السعودية…. معاداةالاسلام موجودة بالمجتمعات الغربية او معادات التدين الظاهر ومع هاد هو مو حالة عامة ولا كل القوانين ضد الاسلام…في افعال وفي ردود افعال مناهضة للاسلام بس مو سياسة غربية مواقف فردية هي. وبنفس الوقت ماحدا بيزعج المسلم لا بصلاته ولا بصومو ولا باكله وبشربو بس المتزمت والي جايب عاداتو كلها معو بشنتاية ورا ضهرو ماحيحبو طبعا بقصد العادات مو الايمان … ولا نتخبا ورا اصبعنا كمان الااسلام اساء لنفسو اووالاسلاميين السلفيين اساؤا لنفسون ولغيرون من الاسلام العقلاء … في جوامع باوروبا بتشتم المسيحيين وتوصفهون بالكفرة بكذا بلد وبكذا مدينة ومابلشو يحظروا هالجزامع لاواخر السنة الماضية ولسا بتقولو مافي حرية ولا تسامح

    • طيب مافي مسؤولين اوربيين عم شتيمو الاسلام طبعا بحجة تركيا ..
      الحرية المفروض تكون شاملة وما توصل لاشياء دينية, يعني اليهودي من حقو يلبس الطاسة الي على راسو والمسلمة من حقها تلبس الحجاب لانو بالنهاية لا بجرحو مشاعر الاخرين ولا بضرو غيرن هذا شي بخص الشخص نفسو وقت شركة او دولة بتسمح لشركة تمنع هيك اشياء بتكون حرية ناقصة وبتكون عنصرية ضد الشخص باختلاف دينو…انته ما ارتحت بالسعودية لكن غيرك ممكن يكون مناسب الو حسب كل واحد وكيف ستايل حياتو انا مثلا ما جربت العيشة بالسعودية بس على الكلام بحس حالي ما رح اقدر عيش فيها بالوقت العيشة بالامارات مريحة جدا وخاصة انو لا في كفيل يتحكم فيك ولا في قيود عليك هي بالنهاية نمط حياة. هلاء تجي اي دولة عربية او اسلامية تمنع مظهر من مظاهر الدينية للمسيحي او اليهودي بتلاقي منظمات حقوق الانسان كلها صارت تعلك وتقييم, نحن عم نحكي بالنهاية عن سياسة الكيل بمكيالين .. الحياة بسيطة كل واحد يعيش حياتو متل ما بدو ولكم دينكم ولي دين ساعتا رح يعم السلام على الكون كلو

أضف تعليقاً

لن يتم نشر عنوان بريدك الإلكتروني.

تابع صفحة عكس السير الرسمية على فيسبوك!