ألمانيا : اعتداء عنصري و جسدي يتسبب بنقل فتاتين سوريتين إلى المستشفى في هذه المدينة
شهدت العاصمة الألمانية برلين، حالتي اعتداء عنصري ضد 3 محجبات بينهن شابتان سوريتان.
ووفق بيان صادر عن الشرطة الألمانية، السبت، فإن امرأة مجهولة الهوية اعتدت الجمعة، على طفلة محجبة (12 عاما) بمنطقة نويكولن.
وأوضح البيان أن السيدة حاولت نزع الحجاب من رأس الطفلة، ووجهت إليها شتائم وعبارات معادية للأجانب.
وأضاف أن المرأة هددت الطفلة بوخزها بإبرة داخلها دم، وبخ وجهها بغازات مسيلة للدموع.
وأكد بيان الشرطة أن المرأة لاذت بالفرار من المنطقة قبل وصول الشرطة، فيما أصيبت الطفلة المحجبة بإصابات طفيفة.
وفي برلين أيضا، وجّه مجهول عبارات معادية للأجانب إلى فتاتين سوريتين ترتديان الحجاب (15 و16 عاما)، بساحة هيلين ويغل، وفق البيان نفسه.
وأكد البيان أن المجهول لكم وجهي الفتاتين، ثم لاذ بالفرار من المنطقة.
وأضاف أن الفتاتين نقلتا إلى المستشفى بعد إصابة وجهيهما بجروح جراء اللكمة.
وشدد أن شرطة برلين فتحت تحقيقا في حادثتي الاعتداء العنصرتين. (ANADOLU)
ارجعوا لبلدكم والإسلام برئ من كل من يرتكب العنف أو يحرض عليه أو يسكت عنه. ارجعوا بلدكم هي اولي بكم ارجعوا واتقذوها بكل قوه وشرف
وقت انت ترجع على بلدك هنن لح يرجعوا
الاعتداءات الجنسية بالمعتقلات وما في محاضر ولا تحقيقات، اكتر من هيك سترة؟ خيي ما بعرف شو بدي احكيلك من عند الصبح بس يقطع عمرك
لا تعليق قال ارجعوا ……
لو كان المعتدى. عليه يهودي لرأيت الاعلام يطبل و يزمر و لإجتمع البرلمان و وصلت الأمور للأمم المتحدة.
لا أحد يسمع بحوادث اعتداء لفظي و جسدي عنصري إسلاموفوبوي في أوروبا إلا في ألمانيا و تحديدا الجزء الشرقي منها الذي استبدل أهله العقيدة الشيوعية التي كانوا يرزحون تحتها بالعقيدة النازية البائدة إني أراهن على أن كل اللاجئين في شرقي ألمانيا سيعودون إلى أوطانهم بعد انتهاء الحروب فيها فالحياة هناك جحيم لا يطاق
طيب ماشي، اليهود و غيرون أقوياء و مدللين بأروبا، يا إما بتعيش بأوروبا بكل مساوءها متلك متل غيرك أو بتروح على بلاد تانية “الباكستان أو السعودية أو حتى أفغانستان”… و بلا هالصرعة…
ربي يهدي بال العباد احسن شي
ويبقى الألمان أو الأتراك أو كل شعوب العالم وخصوصا ممن يدعون التحرر والديمقراطية والتقدم وحوش مقنعين ب هيئة إنسان
طفلة بعمر ١٢ سنة و محجبة؟؟؟ و بألمانيا؟؟؟ ليش مغطينا بهالعمر؟؟؟
ليش اليهودي بيحط كيباه أصغر من هذا العمر ؟ ليش الهندوسي أهله بيصبغوه بمية لون ؟ و ليش المسيحي بيعمدوه ؟ هذا هو الدين و مستحيل تشيله ببساطة سؤالك و لذلك لازم تتأقلم معه بطريقة ما أحسن ما تصير هتلر على البشر.
لما حدا بيدق الباب عليك و بيسألك بمية إشارة استفهام ليش عم تعمل هيك و ليش ما عملت هيك صير قاضي على البشر .
بعدين ما شاء الله حولك .. انقهرت لأنهم حجبوا بنتهم أم 12 سنة و ما لفت نظرك أساس الخبر بالاعتداء العنصري على البنت.
عقلية غريبة و متحجرة….يللي بيستفز الناس ما يستغرب العواقب….. الألمان ببلدون و يصطفلو، يتصرفو متل ما بدهون، مو ملزمين يتحملو الغرباء و عاداتهون القروسطية…… مو غريب مع هيك أفكار و عقلية متخلفة و و عدوانية أنو نظام البعث كابس على نفَس البلد و مستمر من أكتر من خمسين سنة….
منرجع للأساس يا أبو إنسانية و عقلية بيل غيتسية.
إذا كل المنظمات التي تدافع عن حقوق الإنسان في أوربا و كل القوانين ضد التمييز و كل المنظمات طلعت معك قروسطية و بعثية فالمرض عندك أنت.. جد.
أنا لا مسلم و لا مسيحي لكن لما بشوف تمييز منشان شقفة قماش بتؤمن صاحبتها أنها مسألة مصيرية بالنسبة لها و لأهلها ما بقدر إلا أضحك على كل من يتركون مشاكل الكرة الأرضية بما فيها و يتفرغون لها.
بنمطقك إذا الألمان مو ملزمين يتحملوا المحجبة و المسلمين مو ملزمين يتحملوا السافرة و اليهودي مو ملزم يتحمل المسلم بعمامة و المسلم مو ملزم يتحمل اليهودي بيكباه فشو رأيك ندبح بعضنا منشان قطعة قماش أو كومة شعر و نترك كل مشاكلنا السياسية و الاجتماعية الثانية ؟
أنا عشت ببيئة محافظة و أفهم ما يعني الحجاب لصاحبته .. هذا مو ضرس مسوس تقلعه و لا موضة .. هذا عقيدة لصاحبته التي اضطرت تسوح ببلاد الله سواء لشغل أو دراسة أو مرض أو حرب و المفروض أنت تتفهم هذا الشي مو تفرض هذا التفهم من طرف واحد.
بدك الآخر يفهمك حاول تفهمه. و بدك تقول عنه قروسطي بيطلع معه مية مصطلح ضدك
رح روح كمان أبعد من هيك، الحجاب أصلاً “عادة أو إلزام” بالدين الموسوي “اليهودية” و لذلك ارتداء الحجاب فيه تشبّه باليهود، و حسب منطق و قواعد الدين السلامي، التشبّه باليهود و بالمسيحية و غيرها يعتبر إمّا مكروه أو حرام……فإنت يا أخ بنتمنى أنّو تقرأ الإسلام بشكل مفصل قبل ما تنرفز و تكتب ردود و مقارنات بدون منطق….
أي و الله .. شايف شلون !!
الحجاب عادة و بناء عليه لازم كل ما شفنا محجبة بالشارع نضربها و نمسح فيها الأرض منشان نصير كيوت و طيوبين .. مو هيك ؟
قلت لك اللي ما لفت نظرك بالخبر هو أخف معيار لإنسانية أي إنسان طلعت أنا المتحجر و القروسطي هههههههههههه
مافي خواص، دق المي و هيه مي….. المهاترات و العدوانية و خلط الأمور صارت من طبائع كتير سوريين…. يبدو مافي أمل بالشفاء…..بجوز بعد كم مية سنة….
بعدين، بيل غيتس توحدي أسبيغر يعني ” autiste asperger” ذو ذكاء خارق فالإستشهاد فيه بغير محلّو….
إِنَّ الْمُجْرِمِينَ فِي ضَلَالٍ وَسُعُرٍ (47) يَوْمَ يُسْحَبُونَ فِي النَّارِ عَلَىٰ وُجُوهِهِمْ ذُوقُوا مَسَّ سَقَرَ (48) إِنَّا كُلَّ شَيْءٍ خَلَقْنَاهُ بِقَدَرٍ (49)
مساكين الشرطة الألمانية . الفاعل و الفاعلة لاذو بالفرار . و لا يستطيعوا التعرف على الفاعل . لذلك ستسجل الحادثتين ضد مجهول . لكن لو كان الفاعل عربي الشرطة ما بتنام حتى يجدوا الفاعل و كل كاميرات الدنيا تراها تعمل و الأقمار الصناعية و شهود عيان و المخرج قائد الشرطة سيصرح بأنهم على علم بالحادث و هم يراقبون المشتبه به منذ فترة . هذا هو الحال في كل أوربا الإنسانية و الديمقراطية . في wc